هذا الكتاب الإلكتروني من منشورات شبكة الكوثر الإسلامية في الإنترنت
www.al-kawthar.com/maktaba







على نهج ماجاء به ابن فايز مؤسس هذا النوع من الشعر


{ في رثاء سيد الورى و خاتم الانبياء (ص) }

وداعه مع أهل بيته وهو على فراش العلة '
الهادي على فراش المرض ويدير بالعين ويمّـه الوديعـه فاطمه والحسن وحسين
]
وحيدر تهل مدامعه ويصعّد انـفاس واحنى عليـه يخـاطـبه عمّه العبّــاس
ويقول وص بنا يبو ابراهيم هالنـّـاس قـلّه يعمّي انتـو عـقب عـيني ضعيفـين
------------------------
واحـنت عليه ام الحسن والدّمع همّـال تنادي يبويه راح عزنا و الدّهر مـال
تدوّر علينا بعدك الفرصه هالانـذال تثور بطلب ثارات بدر وأحد وحنـين
------------------------
قلها وفتح عينه و ون ونّــه خفـيّه الله عوينـج يالوديعه اعلَـى الرزيّـه
وصّيت يازهرا ولا تفيـد الوصيّـه ملزوم بين الباب و الحـايـط تـطيحـين
------------------------
و وصّيت حيدر لايسل سيفه ولا يثـور لازم يقودونه بحبل هالقوم مـأسـور
وانتي تلحقيني بْعَجل و الضّلع مكسـور من بعد عيني يالوديعه ما تعيشــين
------------------------
السّـبطين خلّيهم عن شمالي و يمـيني ريحان قلبي و أرد اشمهم حان حيني
قصدي اودّعهم واريــد يـودّعـونـي الله يساعدهم على جور المعـادين
------------------------
يقاسي مـن الدّنيـا الحسن كثـرة محـنها يتمرمر و بـيـه العـدا تشفي ضغنها
سمـوم الـذي جبده تصير شطور مـنهـا وبالطّشـت منهم دسايس يوم صفـّـين
------------------------
و من الدّفن عندي يمنـعونـه الظلاّم ويرمـون عندي جنازته العدوان بسهام
ويـوم الشّهيـد حسين من أعظم الايّام فـوق الـتّرب عريان يــبقى بغير تجفين
------------------------
يـبـقـى ثلـثـتــيّـام من حوله رجـاله و تدوس صدره الخيل و تبـدِّد اوصالـه
و تتذبّح اطفالـه و تـتسـلّب عـيـالـه وتجـدّد الشّيعـه احزانـه طـول السنـين

بين النبي وابنته فاطمة...
صفوة الباري ويـل قلبي بروحه يجـود وام الحسن تنحب ومنها القلب ممرود
]
تـتصوّر فراقــه و تهـل الـدّمـع مـنـثـور تدري عقب عينـه تقاسي الظّلم والجور
وتـدري بوصيّه المرتضى بالصّبر مأمـور وتغلي عليه قلوب كثره وشاحنه حقود
------------------------
تقلّـه يـبويـه الونتك ذايـب افّـادي ياصفوة البــاري عـلَي موحش الوادي
يا يـاب من يحمل على اجتافـه اولادي مظلم عليّه البـيت ياحـجّـة المعـبود
------------------------
فقـدك يـبويـه يسبّب الويلات كلها وبدر وأحد خوفي يبويه من أهلها
دموم الكفر باجر علي يتحـزّم الها كلها عـقب عينج علينـا ترجع ردود
------------------------
و انتَ اخبرتـني بالذي بعدك ألاجيه ودومك يَبويه بالصّبر حيدر توصّيه
جور العدا وفقدان شخصك من يصاليه يدَورون بينا الفرص هاللي حولك قعود
------------------------
لكن يعـين الله عـلى مـقاسى المصايب جـنّي أعايـنها تخـلّي الطّفل شـايب
مابين متولّي معـادي وبـين غاصب ثقلك يـبو ابـراهيم راح يصير فرهـود
------------------------
بس ماسمع خَـف الونـين وفـتّح الـعـين و قلهـا يَفاطـم عقـب عيني ماتـعـيشين
أوّل أهل بـيـتي يَزهـرا بي تلحقين بالضّيـم والـذّل تنقضي أيـامج السّود
------------------------
وصّيت حيدر بالصّبر وانتي بَوصّــيج مـنّـج النّحله تـنّهب وتـثور أعاديـج
بعدي وتنمنعين حتّى مـن بـواجيـج ولازم تشوفـين الوصي بالحبل مقـيود
------------------------
مـن عقب عيني يابتوله مصابـج مصاب تبقـين مجفـيّـه بلا نــاصر و لا ذاب
يتسقّط جنينـج يـبنتي بصايـر الباب تقضين ومتونج مـن سياط العدا سود
------------------------
تقاسين يــم حسـين هـزّاتٍ عنيفـه أيّام بعـدي تصـير ميشومه و مخـيفه
وغمّض عيونه وفاضت الرّوح الشّريفه و خرّت بجنبـه ويل قلبي بروحها تجود

احتضاره و قبض روحه G
شمس النبوّه مكوّره وبدر الهدى غاب ماصـار في العالم مثل فقد النّبي مصاب
]
أدّى الرّسـالـه وكـابد الأمّه وجهَلـهـا و بْدَعوتـه وضّـح مناهجهـا وسبلها
جانت عن الحق عادله و سيـفه عدلها عـَزها وهبَّط راس كل جاحد ومرتاب
------------------------
كمَّـل الدّيـن وشـيَّده خـير الـبريّــه ومـن جهـل قومـه شـلون قاساها أذيّه
ويوم انقضى عمره ودنت منّه المنيّــه أوصى احفظوني بعترتي بعدي والكتاب
------------------------
يـاويـح قلبي من دنى المحـتـوم منّـه تهلّل جبـينـه بالعرق واخفت الونّه
السّبطين يمـّه وكل ضلـع منهم تحنّى وتنحب البضعه والقلب من شوفته ذاب
------------------------
تقلّه يبو ابراهيم فقدك فتّت احشاي ياهو يسـلّيهم عقـب فـقدك يتاماي
زادي وشربي ياحماي بـجاي ونعاي بياعين اشوفنّه عقب شخصك المحراب
------------------------
فـتَّـح عيونـه و قـرَّب السّبطـين يمّه شمّ الحسن وحسين عند الصّـدر ضمّه
و صّبت مدامعهـم وحيـدر هـاج غمّه وسمعوا بذاك الحال طارق يطرق الباب
------------------------
قلّه يبوالحسنين اجا مرسـول مـولاك خلّه يجي يمـّي يحيدر والله وياك
سلَّم عليه واستَلَم روحه وهـزّ الافلاك وشبحت عليه ام الحسن والدّمع سجّاب
------------------------
تنادي يَربّ الشّرع قلّي شلون حـالي لو عـاينت مـن شخصك المحراب خالي
وياهو على الجتفين يحملهـم اطفالي بعدك حياتي تكدّرت والعيش ماطاب

خطاب الزهراء له ودخول ملك الموت عليهG
غمّض عيونـه وشيل لوساده يبوحسين بطّل ونينه المصطفى خــير النّبـيّـين
غرّبت عينه يَبن عمّي دسبل ايـديه شوفه يدير العين ليـنـا و مـدّ رجليه
وجبريل ينعى والفلك متعطّـل علـيه والمصطفى ينادي يفاطم لا تنوحـين
------------------------
بطلي البواجي انشعب قلبي ياحزينـه لازم يـبـنتي الـيـوم عـزّج تفقـديـنـه
وثوب المصايب عقب عيني تلبسينه و منّج يكسرون العدى بالباب ضلعـين
------------------------
خرّت عـلى بوها تصيح بدمع سجَّـاب انـجان ضلعي يكسرونـه بصايـر الباب
وصّ الوصي الكرّار بيَّه ووص لصحاب لحّـد علـيه يجتري يـاقـرّة العـين
------------------------
هذا الحسن مكسور قلبه من يجـبره وهذا العزيز حسين يـاهو يشمّ نحره
وياهو عقب عينك يحطّه فوق صدره ذلَّت يـبو ابراهيم مـن بعدك السّبطين
------------------------
قلهـا يَفـاطـم لو اجرَعِت كـاس المنـيّـه جيـبـج يـزهرا لا تـشـقّـينـه عـلــيّــه
وصد للحسن ومدامعه بْخدّه جريَّـه وشـاف الحـزن نحّل عظامه وقرّح العـين
------------------------
قلّه يـعقلي ذوّبت قلـبي من بـجاك ونادى يبو الحسنين بالله سـكّت ابنـاك
ودّعتك الله ياعلي و الملـتقى هـنــاك وشبكت الزّهرا على رسول الله باليدين
------------------------
ولن واحد عْـلَى الباب يتخفَّى بكلامـه اينادي يَـهَـل بـيت الـنبّوة و الإمامه
بـالله ادخلـوني عْلَى المظلّـل بالغمامـه أطـلب الرّخصه مـن النّبي نور المسلمين
------------------------
صاح الـنّبي قومي يَزَهرا وافتحي الباب هذا الـذي ميهاب من حـاجب وبوّاب
يـم الحسـن هـذا المفـرِّق بـين الاحباب وبس الله الله عقب عيني بحسن وحسين

تغسيله و بكاء فاطمة G
أوحـش الدّنيـا و شال سلطـان النبيّين غسّـل المخـتـار بوسط داره يـبوحسين
]
شمّـر ردانـه المرتـضى ودمـعـه يـتجارى و صفوة الباري مدّده و غسّلــه بـداره
وكلما يحرّك له عضو تسطع انـواره وام الحسـن بالباب تهمل دمعــة العين
------------------------
تقلّه هضيمه البـيت يخلا مـن جماله تـمنّيت جان المـوت ياخـذنـي بـدالـه
بعيـد البلا عْلَى المغتسل كنز الرّسالــه بالله دشقّـوا بقـبر ابـو ابراهيم لحدين
------------------------
شقّوا لحـد ليّه مع الوالي ادفـنونـي من شوفـتـه امّـدد تـرا عميـت عـيونـي
وشـلّي بحياتي و عقب عينه يهضمونـي مثـلك يـبو ابراهيم راحم ينوجد ويـن
------------------------
واعدتني مَتطول مـن بعدك حياتــي يـاليت حضرتـني ابهالسّاعـه وفـاتـي
ولا عيش بعدك بين مـتعـنّد و عـاتي دهري سطى عْليه وخلّى القلب شطرين
------------------------
لا تحجب انواره يهاللّي اتفصل اجفـان بهداي بالله نزّلـه بقبره يـدفّـان
وخلّوا اطفـالي تودّعـه صفوة الرّحـمن قلب الحسن ذايب وذابت مهجة حسين
------------------------
فارقـت عـزّي و القلب فـارق سـروره الله يحـيدر بالجفـن ضمّـيت نـوره
قـلـهـا يَـزهـرا بالقـبر تـالـي نـزوره آنـا اجذب الونّه عليه وانتي تونّين
------------------------
أيست منّه واصفقت راح الأيـادي وصاحت بْلَهفه وداعة البـاري يَـهـادي
قبل الدّفن ودعوا حماكم يـاولادي راح النّـبي وافجْـعَـة الأمـلاك والـدّين

الزهراء عند تجهيزه و دفنه G
اسم الله على طولك ياجمال الهاشمـيّـه عْـلَى المغتسل ممدود ياخـير البريَّــه
]
يامرتضى اكشف لي عن الوالي وجماله و شـيل الجفن عن غرّتـه تودعـه اشباله
هـذا الحسن مشعوب قلبه انظر الحالـه وهذا الشّهيد حسين عبراته جريّـه
------------------------
ياللي تغسِّـل والـدي ويـن العمامـه فـوق المـنابـر ماحلا حلـو الجهامـه
قبـلٍ تشـيله خـلّـه توَدعـه اليتـامـى منّه بعــد ما نـرتجي للـبـيت جـيَّـه
------------------------
بهداي قلّب جسم ابـو ابراهيم بهـداي وانت يبن عبّاس بالهون اسـجب المــاي
طوله على المغسل شعبني وفتّت حشاي ممرود قلبي وموحشـه الدّنيـا عليّــه
------------------------
ياللي تحفـرون القبر وسعوا مكانــه وبهـداي نزلوا جنازته وسفروا اجفانـه
ويـلا يـعـزٍ شـال عنـّا ولا لفـانــا هيهات بعده تصير عيشتنا هنيَّـه
------------------------
ياللي تهيلون الـثّرى دفنوني ويّـــاه مقـدر أشـوف الـبـيت خالي مـن محيّاه
قـشـره تراهـي تصـير عيشتنا بلـيّاه بـعـد النّبي ماريد هالدّنيا الدنيّـه


{ في رثاء سيدة النسوان فاطمة الزهراء (ص) }

هجوم الدار و اسقاط الجنين G
دفنوا الرّسول وغابت انوار النبوّه وثـار المعـادي يريد يـتشفّى بعدوّه
]
نار الحقد و جّوا ونار الجزل بالباب ومن قبل جان الرّوح من جملة الحجّاب
بـيها الوصي و ابناه و الزّهرا و الكتاب وصاحوا يحيدر قوم لو تنوخذ قوّه
------------------------
ووقفت البضعه داخل الحجره بلا خمار تـنده اشْجُرمـتـنا شعلتوا بـابنا بـنار
ميناسب احجي ويالغرب دنهض يَكرّار عجّل تـرا يهجمون مابـيهم مـروّه
------------------------
ماجاوب الكرّار بس تجري ادموعه وفـتحوا الباب ومن ورا الباب الوديعـه
و العبد بالباب اتجـى و جلّت اجموعـه وحس وعصرها وغدت من خلفه اتِّلوّى
------------------------
خرّت و خر المحسن و صاحت يَفضّه بالعجل دركيني ترى مقـدر النّهضه
انكسرت ترا ضلوعي وجسمي المرض مضّه وما بقت لـي من ضربـة المسمار قـوّه
------------------------
خذيني يَفضّه وحيدر الكرّار شوفيه خبريه عن حالي وعن ضيم الطحت فيه
صاحت يبنت المصطفى حيدر مشوا بـيه وقلبه على جمر الغضا لجلك تطوّى
والله لـو شـفتي حـال حـلاّل المشاكل ليث الحروب برقـبتـه حطّوا حمـايل
يمشي بطاعتهم ودمـع العين سـايـل صاحت دتـجّي لي القلب فـارق سلوَّه
------------------------
انجـان طلعوا بالوصي قومي اطلعيني نسيت العصر بالـباب وتسـقّط جـنيـني
قـوموا نـروح القبر جدكم يَـبـنـيني وارد اخبره بـينا الدّهر بعـده اشْسَوّى

هجوم دارها و قَود بعلها '
صبّت على الزّهرا مصايب يامسلمـين بـعـد الرّسـول تزلزل السّبع الأراضين
]
لو هي على الأيّـام تنصب صارن اليال عمـرٍقصير وشوف بـيه اشقاست اهـوال
فقد النّبي وغصب الوصي فكّر ابهالحال انصبت سحايبها عليها من الصّـوبـين
------------------------
فـتحوا سـقيفـتهم قـبل تجهيـز ابوها و بـدر وأحـد وحنـين كلها تذكّروهـا
غيـض وغصص يـاغيرة الله جـّرعـوها شحجي وشعدّد من هضم ست النّساوين
------------------------
مابين ماهي في عزاها داخل الـدّار يمهـا الحسن وحسين تبجي على المختار
وبالدّار جالس منـزوي حيـدر الكــرّار سـيـفه معـلّق والدّمـع يجري من العين
------------------------
ولن الجمع يهرع بلا عقول وبلا افكار خالـد وشكله مسلّحين وكل غدّار
هاجت ضغاينهم ووجَوا بالجزل والنـار فرّت بْدَهشتها وفرّوا الحسن وحـسين
------------------------
صـاحت يحيدر قوم وجّوا النّار بالبـاب معلوم عندك من صرت ماخاطب اجناب
مـارد عليها جواب بس الدّمع سجّـاب وسيف الصّبر قطّع مهجته مشـيّد الدّين
------------------------
ردّت تخاطبهم و لن البـاب جـاهـا و تسـتّرت بـالبـاب و الحـايـط وراهــا
اهنا يالمحـب عـدّد مصايـبها و بلاها العصر والمسمار واللطمه على العـــين
------------------------
لا تلومهـا لـو قـالت انصبّـت مصايـب تعالج سقوط الحمل لو هجوم الأجانب
و الضّرب ورّم متنهـا و القلـب ذايـب لو وكزة الطّاغي الذي كسّر الضّلعين
------------------------
كـل الذي جاري وحيدر عينه تشـوف يسـمع نواخيها وخذوه بحبـل مكـتوف
قـود البعير و وقّفوه والرّاس مكشـوف ينظــر يمين يسـار لا نـاصر ولا معــين

خروجها في طلب أميرالمؤمنين '
أم الحسن طلعت تدافع عن ابوحسـين ملبـّب يقودونه وبـس يـديـر بـالعــين
]
عنّـه تدافـع والعدو ورّم متنهــا بـيـه تلتجي ولا قال كف السّوط عنها
هـذي وصايـا الانبـيا و هذي محنهـا لـو تنشـده ايقـلّك عليّـه حاكم الـدّين
------------------------
و صّل المنـبر و الحبـل ملوي بجيده ذاك الأسـد وانعـاج هالأمّـه تقـوده
وهو الذي لو راد بس يحرّك ايـده ويدعي السّماوات العلا تحت الاراضين
------------------------
رادت تبرهن للخلق بضعة الهــادي ومدّت اليمنىعلى القناع بقلب صادي
والثّانيه على الباب وتزلزل الـوادي والكل يصيح ادخيل ياست النّساويـن
------------------------
بشبلينها ردّت وليث الغـاب معهـا ورجعت مثل ماترجع اللبوه بسبعها
وإيــدٍ على اللطمه وإيــد على ضلعهـا والمرتضى ينشّف ادموع الحسن وحسين
------------------------
ومصيبة النّحلـه وفدك ويّـا العوالـي خلّوا الأمّه الكل يصيح المـال مالي
وخطبت وقالت نحلتي وبلغة اشبـالي عندي عليهـا كتـاب مـن خير النـيـّين
------------------------
وقفت على راس المـجـتّف بالوصيّه معصّبـه العــين و تـون ونّـه خفيّـه
وابدت عتبها وهيّجت منّه الحمـيّـه وقلها يبنت المصطفى يحق لـج تعـتبـين
------------------------
لكن يـبنت الطّهر عنـدج علـم بالحــال مأمور انــا بالصّبر حـتى تحصل رجـال
وهذا الجمع يم الحسن عنّا انزوى ومال أصبر يَزَهرا عْـلَى الهضم وانتي تصبريـن
------------------------
قالت يحيدر حسبي الواحد الديّــان حـتـى البجا منّه يمنعوني العــدوان
بين القبور اريد تبني دار الاحــزان أهـل البغي قطعوا الأراكه ألتجي وين

مع سلمان المحمدي G
لا تلومني لو هاجت احزاني يسلمـان جنّك متدري بالذي فعـلت العــدوان
]
منّي خـذوا حـقّي ولا راعـوا الوصيّــه وهجموا علي داري وساتر ماعليّـه
و المـرتضى قـاعــد و عـبراتــه جـريـّـه و يـنظر بعينه اببّابنا وجّوا الـنّيران
------------------------
لا تلومني ضلعي انكسر بالباب قـوّه مـاقصّـروا فـيـنـا عـديمـين المــروّه
جنّك متدري هالعبد بـيّه اشْسَـوّى سقّطني المحسن و خلَّى الجسـد نحـلان
------------------------
جسمي انتحل من ضربة المسمار صدري وانلطمت عيوني وداحي الباب يـدري
وكلما جرت نكبـه عليّـه ازداد صَبري وكظمت غيظي والقلب فايض بالاحزان
------------------------
و بـس عـايَنِت حيـدر ملـبّب قـايدينـه وسمعت شبلي الحسن يندب راح ابونـا
غصبٍ عليّـه طْلَعت خـوفي يذبحونه و تـتيتّم أولادي عقب فارس الفرسان
------------------------
ضلّيت أدافعهم وظْنتي يرحَمونـي و مـالـوا عليْ بالسّـوط ظلّوا يضربوني
والله يَسلمان الضّرب ورَّم متـونـي قصدي أبث شكواي للـواحد الديّـان
------------------------
قلّهـا يَـزهـرا يقلّـج الكـرّار روحـي ردّي على بوج النّبي بالـدّار نوحـي
قالت عقب حيدر تراني تروح روحـي خـلني أزلـزلهم ترى مابـيهم احسان
------------------------
خلني يسلمان اشتكي ذايب افّـادي يطـلع علي الكرّار لو زَلْزِل الـوادي
والله يَسلمـان الرّجـس روّع اولادي هذا جزا المختار من عدهم يَسـلمان
------------------------
ماقصّروا أجـر الرّسالـه اليـوم أدّوه سقطوا جنـيني و الوصي بالحبل قادوه
مـاقصّروا حتى الضّلع بالباب كسـروه جان القصد حيدر علي شْجرمة النّسوان
------------------------
والله يَسـلمان العـبـد دمّــي بـرقـبـتـه وحق والدي جنين الحشا مات وطرحته
قصده هلاكي من هجم والله عرفـتـه ومـن طلعوا بحيدر علي كل الأمـر هان

وقوفها بباب المسجد ورجوعها ببعلها G
وصلت المسجد والدّمع يجري من العـين لزمت الباب وصدّت تـدوّر ابـوحسـين
]
صاحت تعرفوني انـا مهجـة الـمخـتـار عملـة ثمــود اليـوم انزّلهــا ابهلديـار
خسف وزلازل لو تخـلّو لي الكرّار كسَّرتوا ضلوعي و روّعتـوا السّبطـين
------------------------
ومدّت على الهامه اليمين ورجَّت الكون و ونّـت وشعبت كل قلب ونَّة المحزون
ورفرف عذاب الله وغدو كلهم يموجون محّـد بقى غـير الوصي وسلمان واثنين
------------------------
وحيدر يقلّه روح للزّهـرا يَسـلمـان قلـهـا يـبنـت المصطـفى خـيرة النسوان
تدرين ابو ابراهيم رحمه من الرّحمن لازم يَـزهـرا على الهضم كلّه تصبرين
------------------------
قلهـا اصبري وردّت عليه بدمع منـثـور لولا الصّـبر خلّـيت كل العـالم يمور
تسَقَّط جنيني من الحشا والضّلع مكسور بسوطـه يَسلمان العبد ورّم المتـنين
------------------------
تدري عليّه اشْصار يوم الهجموا الـدّار مـن شـدّة العصره نبت بالصّدر مسمار
و هوّن علـيّه اللّي جرى طلعـة الكـرّار يمشـي مهبّط و الدّمع يجـري من العين
------------------------
أحلف بقـبر المصطفى وعزّة المعبود هلباب مـا خلّيـه حتى حـيدر يـعود
يمسح ادموع اولاده التجري بلخدود قلبي انشعب مَتشوف حال الحسن وحسين
------------------------
جـاها عـلي يقلهـا يشمّامـة الهادي ومدّت إيديها وجذبته والقلب صـادي
بـعـدك تقلّه شحالـتي و حالة أولادي وقصدت ضريح المصطفى خير النبيّين

شكواها عند قبر أبيها G
وقفت على قبر النّبي والقلب مشـعـوب تشكي هضمها ودمعها على القبر مصبوب
]
صاحت يبوابراهيم قوم من القبر شوف خانت الأمّه عهودنا ونسيت المعـروف
بالسّوط ضربوني وعلي قادوه مكتوف مغدور حقّه والورث يابوي مغصـوب
------------------------
دقعـد وعـاين ساعدي ولطمـة عيونـي وسوط العـبـد ورّم يـبو القـاسم متونـي
هجموا علي داري ومحّــد وقـف دوني بعـدك يبوابراهيم قلبي شلون ميذوب
------------------------
شاحتمل بويه من مصابي وكثر بلـواي فقدك وغصب المرتضى وحنّة يتامـاي
وكسْر الضلع وتسقّط جنيني من حشاي نهبوا نحلتي وصابره والصّبركـم دوب
------------------------
جم دوب أنا اتصبّر وقلبي كلّـه جروح الثّـاكـل بـياملّـه يمنعوها مـن النّوح
ياياب كـل يـوم آخذ السّبطين ونـروح بين القبور أبجي و نرجع وكت الغروب
------------------------
يَظـلالي الضّـافي العـدا قطـعـوا ظـلالي أقـعـد بْحَـر الشّمس مـن حولي أطفـالي
وارجع واعاين منبرك يابوي خــالي و ماشوف ليل انهارغير اهموم وكروب
------------------------
فقـدك يبو ابراهيم ورّث جسمي نحول و ريحانـتيك ابـناي بعـدك صابها ذبول
نــال العدا بهضمي وذلهم كل مأمـول ولاظلّت النا من البجا ياوالدي قلوب
------------------------
وعنـدي كفيـل تديـر هالعـالم يمينـه و بالصّبر وصّـيـته يَسـلطـان المديـنـه
و قومك عليه اقلوبها تغلي بضغينه وبدر وأحد وحنين بيهن صبح مطلوب
------------------------
يابوي ثـارات الكـفـر منّــا يطلبون كـل سـاع ياهادي علَيْ غاره يشـنّـون
و انـا شْيطلبوني على بـيتي يهجمون غير الضّغاين من علي بنصرك يمهيوب
------------------------

استنهاضها وعتابها للأنصار G
قلّت شيمكم لـو جفيتونا يالانصار بضعة نبيكم وانتخي ولا شوف نـغـّار
]
جم دوب أنخّي و انتحب ما تنصرونـي تشوفون عدواني وسط بـيتي لفونـي
تتروّع أولادي وكلكم تنظرونـي شمسـوِّيه تجيني العـدا بالحطب و النّــار
------------------------
يَنصار أبويه وين غيرتكم علينه مـا تـنغـرون الحـالـنـا يـهـل المديـنـه
شْـجاري مـن الكرّار حتى يلبّـبونه مبتدع بدعه لـو هجـر سـنَّـة المخـتـار
------------------------
و اهـل البـدع مابـينكم بالمسجـد قعود إلهــم على مـنبر أبـويه نـزول و صعود
وصاحب البـيعـه والعهد بالحبل مقيـود ملبّب وهُو لـولا يمينـه الفـلك مــادار
------------------------
يَـنصـار أبـويـه ماشفت نغَّار منكم باللي جرى راضين لــو قـلَّـت شيمكم
لوماسمعتوا الصّوت لو راحت همـمكم ماظن خفت ضجَّة اولادي داخل الـدّار
------------------------
بالأمـس أبـويه عْـلَى المنيّه تبايعونـه كل ساع بالعتره يوصّي وتسمعونه
و هذا الوصي بالدّار حاير تتركونه ومن شوفته قلبي يذوب ويلتهب نـار
------------------------
و منّي فدك منهوب قوّه و العوالـي مـاخافـوا مـن الله ولا رحمـوا اطـفالي
ثكلى وحزينـه و ضامـني جـور الليالـي شحجي وشعدّد من هضم ياجمع لنصار
------------------------
و من الضّرب قنفـذ تـرى ورَّم متونـي لابـيـه عـلَيْ رحمـه ولا انـتـو ترحمونـي
و من لطمة الغادر ترى راحت عيونـي ضلعي انكسر والصّدر بيه انبت المسمار

خطبتها في المسجد النبوي G
يـم القبر قعدت تجر ونـّه كـئـيـبه سـت النّسـا وتنشـد المنـبر عن خطيبه
]
تقـلّـه يمـنـبر صـفـوة العـلاّم ويـنــه وين الانوار اللّي تلوح النا بجـبـينه
نوره تغيّب و اوحـش الدّنيـا علينـه أيّـامـنـا سـوده ومصايـبنـا عـجيـبـه
------------------------
خلف السّتر جلست وجانون القلب ثار جذبت الونّه وكل قلب منها اشتعل نار
حمدت الباري وذكرت الهادي المختـار وكـلمن سمعهـا تـزفّـر وهـاج بنحيـبـه
------------------------
حكم الشّـريعه بـيّنت للخلق معناه واوضحت دين المصطفى بيا سيف مبناه
وياهو الكشف كرب الرّسول اعلاه وادناه تحـجي و تبجي والقلب يسـعـر لهيـبه
------------------------
مكسورة الخاطر ومن يجبر كسرها تـوعظ وتوعد تشبه الهادي بنـثرهـا
تلزم ضلعها ونوب جرح اللّي بصدرهــا ونـوب تلـوذ بقـبر أبـوها وتنتـخي به
------------------------
ردّت و ليث الغـاب يترقّب مجيـهـا يسمع كـلام المصطـفى بطيّب حجيهـا
و ينظـر بعينـه مشية الهادي بمشيها جـت بغبنهـا و اوقـفت منّه قريـبه
------------------------
انتحبت وصاحت يبن أبي طالب تراني عـندك وديعه والهضم والذّل عراني
هذا العدو حقّي زواه ولا رعـانـي وانـتَ الحمى ياكعبـة الباري وحبـيـبه
------------------------
قلهـا يَـزهـرا الـيـوم لازم تعـذريـني أوّل وتالــي يابـتـولــه تـعـرفـيـني
مـاملت عـن دربـي ولا فـارقـت ديـني منّك يبنت الطّهر هالّلفظـه غريـبه

إنزعاج علي عند رجوعها G
عجّـل يَقنـبر سـيفـي البتـّار جـيبه ترضـى الوديعـه لـو أشب نار الحريـبه
]
و الله يَزهرا جان شلت السّيف زعلان لفني الأمّه الخاطرج و اهــز لكـوان
هسّا لـزلـزل هـالارض بالإنس والجان لجـلـج واخلّي عْلَى الملا ساعه عصيبه
------------------------
بضعـة الهادي جان أسل السّيف واقوم مـا تسمعـين عْـلَى المنابر عقب هاليـوم
باسـم النّبي المختار عندك يصـح معلـوم وظل يـرتعد والـغيض يتوقّد لهيـبه
------------------------
هاج العزم بـيـه ولـزم بـتّاره وثـار قلـهـا يعـرفـونـي أنـا حـيـدر الكرّار
لا جـبن صايـبني ولا اشكي قلّة أنصـار حـقّـج بحـد السّـيف يـم حسين أجيبه
------------------------
صاحت رضـيت وصابره عْلَى الصّار بيّه و اسمع بْذكـر المصطفى صبح و مسيّه
وادري حياتي ياعلي متطـول لـيّــه بعد الـنّبي واطلع من الدّنيا كئـيبه
------------------------
ماسكن غيظـه وانـثنت سـت النّساوين لـزمت بديها ويل قلبي الحسن وحسين
قـالت يحيـدر دسكن الخـاطر السّـبطين ولـنها على الخدّين عبراتـه سجـيـبه
------------------------
وتحيّرت بالحال مكسورة الأضــلاع وردّت لـعـد زينب تقلهـا بقلب مرتاع
قـومي لبوج المرتضى روحي بلا قـناع قــامت تجـر ذيـل الحزن ذيـج النّجيبه
------------------------
بـس مالحظها سكن غيظه وذبّ الفقار ضمها الصدره والدّمع بالخـد نـثّـار
وقلهـا يَـبنتي مقـدر أنظر لــج بلا خمار جنّي أشوفـج بـين عدوانج سليـبه

في عتابها لأميرالمؤمنين G
لـو تلحـظ بعينـك ثـبير تزلزل وذاب وقبال عينك يعصروني بصاير الـبـاب
]
متعجّبـه العـالم مـن افعالـك يَكرّار بالدّار جالس والعدو يهجم على الـدّار
و مدامعـك تجري وبـيدك سيف الفقار وانا انتخي بفضّه وجنيني خر بالاعتاب
------------------------
و تعفّرت بالبـاب منّي الضّلع مكسـور وايدي على ضلعي يحيـدر والـدّم يفـور
والجـزل يابوحسين بالنّيران مسـعور ناديتهم ردّوا ولا ردّوا لي جـواب
------------------------
ومن طحت خلف الباب ياراعي الحميّه نـاديت يـافضّــه تعـالي بْعَجـل ليـَّه
وخرّيت يـاحامي الحمى مغشـى عليّـه رد لي الطّاغي ولااختشى منّك ولاهاب
------------------------
و انتَ تشوفه يـاعلي وتسـمـع ونـيـني وقـّف عـلى راسي ولطم خدّي وعيـني
وانا انـتحب واصيح يـافضّـه ادركـيـني احمرّت عيوني وخر جنيني وصدري انصاب
------------------------
ردّوا لـك وقـادوك يـاليـث الحـرايــب وانت الذي من باسك تمـوج الكتايـب
والله افعـالك ياعلي تـراوي العجـايـب جيف بحبل تنقاد وانت الليث بالغاب
------------------------
قلها ودموعه اتحدّرت يم حسن وحسين تدرين انا الموصوف فارس بدر وحنـين
أسلب نفوس الشّوس بس بلحظة العين غصبٍ عليّه اليـوم يتخرّق لـج كتـاب
------------------------
صبري مثـل صـبري يـبت خـير الـبريّـه تدرين انـا محّـد كفـوا يجـسـر عـليـّـه
لكن اشبـيـدي قـيّدت زنـدي الوصـيّه سيفي بـيميني واسمع ونينك ورا الباب
------------------------
صبري مثل صبري يَشمّامة المختـار صبري يَزهرا عْلَى الهضيمه وعصر لجدار
لولا الوصيّه ماتـركت اليـوم ديَّــار لاتهيِّجـيني بـالعـتـب قلبي تـرى ذاب

وصاياها حين الموت لأمير المؤمنين G
اشزايد عليـج اليـوم يـازهـرا تلوجـين بطـلي ونينـج ذاب قـلـبي لا تونين
]
يم الحسـن بطـلي الونـين وجاوبـيني شوفــي اولادج بالبواجي مذوّبـيـني
قالت يحـيـدر فرّقــوا بـينك و بـيـني بـوداعة الله مسافـره عنّك يـبوحسين
------------------------
من هالمرض ماشـوف ياحيدر سلامــه تـزوّج عقـب عيني يَبو حسين بـأمـامـه
بـس الله الله بعـد مـوتي ابهـاليتـامى سـكِّن خواطرهم و نشِّف دمعـة العين
------------------------
واجمع أصحابك عقب موتي وجهّزوني وطلعوا الجنـازه بليل خفيه و ادفـنونـي
واللّي اكسروا ضلعي وبالباب عصروني لا يحضرون جـنازتي يمشـيّد الدّيـن
------------------------
ماقصّروا يامـرتـضى رضَّـوا ضلـوعي لليوم من ضرب الرّجس ماسكن روعي
و بعدي على المخـتار ما نشفت ادموعي وطب لي ولطمني فوق خدّي ومحجر العين
------------------------
قلـها الوصي الممـدوح بالسّـبع المـثـاني انـتي يَـزهرا و النّـبي جـنـتـوا أركـانـي
وهسّا انهدم يم الحسن ركـني الثّـــاني تجدّد عـلَـيّ الحـزن يـاست النّســاوين
------------------------
خبري أبوج المصطفى بلّي جرى وصار من كسر ضلعك والضّرب والجزل والنّار
خبريه عن حالي وخبري بْهَجمة الـدّار وبلغي سلامي المصطـفى خــير النبيّـين
------------------------
دخلـوا عليهـا اثـنـين يـبـدون النـّـدامـه و الكل منهم يـبدي التّوبـه بكلامه
ينـادون يـابـنت المظـلّل بالغمامـه عنّـا اصفحي يعـزيـزة المختـار ياســين
------------------------
حـوَّلت للحايط وجهها كوكب النّور وصاحت مَـبَـقّـيتوا من التّلويـع والجور
هيهات مَيطيب القلب والضّلع مكسور هـذا جرح صدري وهذي حمرة العين

استعداداتها للمنية...
يحليلـة الهـادي دنـت مـنّي المـنـيّـه و بـاجي حنوط المصطفى حضريه لـيّه
]
هـاج الحزن بـيها و هلّت دمعـة الـعين يمهـا دنت وتصيح يـم الحسن وحسـين
هاليوم حالـج زين ياستّ النّسـاوين فالـِج عسى فال السّـلامه يازجيّـه
------------------------
قالت لها حان الوعد لبّي جـوابـي وجيـبي يَـأَسما بالعجـل طـيّـب ثيابـي
وسلّي الحسن وحسين من فجعة مصابي بتصير ميشـومـه عليهـم هـالعشـيّـه
------------------------
من فراشها نهضت ومنهـا الدّمع نـثّـار تعجن وتتلوّى وطب حيدر الكـرّار
قلهـا عجـب منّـك يـبنت احمد المختار شغلـين للدّنيــا اشتـغـلـتي هالمسـيّه
------------------------
قـالت أريـد اغسِل بناتي ياضيا الكـون و الخبز باجر خايفه اولادي يجوعون
أولادي يحيـدر عقـب عـيني لايضيعون من بعد ابويه عايفه الدّنيا الدنـيّـه
------------------------
تقاسي بعدنا من العذاب أشكال والوان تلقى البغي والجور من عصبـة الشّيطان
تغلي عليك اقلوبها بأحقاد و اضغان دقعد سويعه واستمع منّي الوصيّه
------------------------
بـيـدك تغسّلني أريدك ياحمـا الجــار وتشوف ضرب امتوني وضربة المسمار
أولادي و بـناتي عينـك عليهم يكـرّار يشـوفون مـنّي الدّار ياحيدر خلـيّه
------------------------
خفيه اطلعوهـا جنازتـي ودفنوني بليـل وماريد احد من هالأعادي نعشي يشيل
و ملزوم بالتّزويج يامخـدوم جـبريـل بـوصيك لاتدخــل مكاني أجـنـبـيّه
------------------------
بعدي حسن وحسين ماينوصف همهم ينفقد جـدهم بالامس و الـيـوم أمـهـم
راح الذي يضمهم لعد صدره ويشمهم ومن بعدنـا متصير عيشتهـم هـنـيّه
{ الناظم }
والله يَزهرا من هضم ضلعك المكسور بدموم تجري ادموعنا و اقلوبنا اتفور
واللي تشـب نـار المصـاب ايّام عاشور يطلب من حسين الرّضا و منّج عطـيّه

رجوع الحسنين الى الدار بعد وفاتها G
قومي يأسما بالعجَل عدلي وسـادي وبالبـاب قعدي وارقبي جـيّة اولادي
]
اغتسلت البضعـه ودَنّت الكـافور منها وانضجعت ويـم راسهـا خـلّت جفنها
واسمـا اقعـدت بـالباب مشغوله بحزنها وردّت تناديها يَبنت احمـد الهادي
------------------------
قعـدي يبنت الحَمَل ركن البـيت برداه وصلّى بملايكت السّـمـا وجبريـل يبراه
هسّـا يجـي حيـدر عـلي من خلفه ابناه و يبجي الحسن وحسين منّه القلب صادي
------------------------
دشّت عليها وبالمدامع هلّت العـين ميتـه لقتهـا وسـابلـه اليسـرى واليمـين
خرّت تصيح اشْجارتي ويالحسن وحسين عنّك ينشدوني وانـا مفتّت افّـادي
------------------------
للباب ردّت والقلب يسعر وقـيـده تنـتـظر داحي الباب والزّاكي وعضيده
و لن الحسن لازم يـمين حسـين بـيـده يسـأل عـن البضعه وشاف الحزن بادي
------------------------
يقلهـا عـن أمنـا خبّريـنـا حالهـا شـلون نامـت تقلّـه قـال هسّـا ما ينـامـون
قـالت عمـل بـينـا الدّهـر يانور لعـيون قلها وجذب حسره على الزّهرا شْسادي
------------------------
دشّوا اليتامى للوديعه بـدمع همّـال بـس عاينوهـا خــرّوا السّـبطين بالحـال
وتعفّروا واحـد يمـين واحــد شمـال وامّـا الشّهيد حسين يندهها و يـنادي
------------------------
مـن نومتِك قعـدي يمكسـورة الضّلعين مسحي دمع عيني تراني اعزيزج حسين
مـا جانت العاده عـن اولادج تصـدّين خـان الدّهـر وتشمّتت بـينـا الأعادي

تعديد رزاياها '
ماصار بالعالم مثل بضعة الـهــادي عـلـة وجـود الكون مـن أوّل وبـادي
]
هيهــات مايوجـد مثلهـا في البرايـا نـوَّر العــالم نـورهـا وهـاي النّهايه
لكن بمقدار الشّرف قاست رزايــا انصبّت شبـيه السّيل نازل على الوادي
------------------------
فقد الحما ومنـع البواجي وقطع الظلال ونــار الجزل بالمنـزل وترويـع الاطفـال
وشوفة علي المرتضى مقيود بحبــال واللي دهشها وراعـها صوت المنـادي
------------------------
قولي لعـلي يطلع وخلي هالاباطيـل خـلّى مدامعهـا على وجنـاتهـا تـسـيـل
نكباتها ماتنحصـي ورفسـة الضلِّيـل بالمسجـد وخـرّت ومنها القلب صـادي
------------------------
ولزمت فراش المرض تالـي ليـل ونهـار تنحَّل جسمها من الهضم والضّيم وانهار
وبـآخر الايـّام اجـا حيـدر الكـرّار تعجن لقاها وطـين يمها ابنة الهادي
------------------------
قلهـا عجـب منّـك يـبت خـير النبـيـّين بـيدك اعمال اثـنين للدّنـيـا تعملـين
قالت من الواجب عليّه العجن والطّين حال البنات أعدِّله وحالـة اولادي
------------------------
خلصت مهمّتهـا وهـي مـاتقـدر تقـوم خبزت وغسلت راس زينب وام كلثوم
اغتسلت ونامت والوكِت ماهو وكِت نوم وقـصدت المسجــد فضّه بحيدر تنادي
------------------------
عجِّل ترى الزّهرا مَندري اشصار بـيها الـحق علـيهـا ولا أظـن تلحـق علـيهـا
إجاهـا ولنهـا مغمّضـه وسبلت إيديهـا دنــّق يخاطبهـا يَبنت احمـد الهـادي
------------------------
جذبت الونّه وفتحت العين الزّجـيّه وقالت يحـيـدر عايفه الدّنيـا الدنـيّـه
ودّعتك الله وهاللي عد راسي الوصيّه ادفـني بليـل ولا يحضـروني الاعـادي

ذكر بعض آهاتها...
حقــد القديـم الله الكافـي من اهواله عـاين شْسوّى بالـنّبي المختار واله
]
تغلي عليه قلوب قومه من وجـوده ومن غمّض اعيونه وسكن طيّب الحوده
ثاروا وكل صاحب ضغن ظهرن احقوده و بغض ومحبّه قاعده ورث السّلالـه
------------------------
جم دمّـر الكرّار من عبّاد الاوثان وانشد جليب اللّي انشحن هامات وابدان
ولو سايلت وين اسعرت نيران لضغان قِتْلك ابـبّاب الدار شعلتها الـنّذاله
------------------------
سهم النّبي وسهم الوصي من حقد لصحاب كلّه نصيب اللّي اعصروها بصاير الباب
مسمارها ابلب القلب لليـوم لهّـاب وكسـر الضّلع للحشر يزداد اشتعالـه
------------------------
ويلاه يالطمـة العـين اشـصار مـنها ويـلاه والسّـوط الـذي ورّم مـتنهـا
ومنع البجا ذاك الذي طوّر حزنها و العصر و اسقوط الجنين اجر الرّساله
------------------------
ويلاه ياحزن الوصي ساعة التّغسيـل صبّت عليـه اهموم مايمكن التّفصيل
ماي الغسل وادموع عينه بالسوى يسيل فـوق الجنازه و شوفها غـيّر احواله
------------------------
و استند للحايط و اخذ يـبدي نحيـبـه وسـلمان قـلّـه ياولي الله وحبـيـبـه
الله يركن الصّـبر هـدّتك المصيـبـه قلّـه بلوعه والدّمـع صـب انهماله
------------------------
لا تلومني تدري الزّمان اشصب عليّه مــا حمّلـتني هـالهضـم غـير الـوصيّـه
كسر الضّلع شفته وضَرُبْ متن الزجيّه شـفت الأسـد بالغـاب مايحمي اشبالـه
------------------------
ماتـثبت ابوجهي انا يوم الوغى اجموع و سيفي لفقار الما تردّه طوس و ادروع
شبـيدي و انا مـن سلّة البـتّار مـمنـوع مـاضي عـلَي تقـريـر مـن رب الجلاله

تجهيـزها و دفنها '
مـاتت ابغصّتها نحيلـه ابنـة المخـتار وبـالليل جهّزهـا مـع الخـلّص الكـرّار
]
بالليل جهّـزهـا و يجـيب المـاي سلمان عْلَى المغتسل مدها وهاجت بـيه لحزان
وحلّت عليه امن المصاب الوان و الوان عـاين متنهـا وضلعها وكل الذي صار
------------------------
ياساعة التّوديع مــن خرّوا السّـبطين اعلى اليمين الحسن وعْلَى اشمالها حسين
مـدّت ايـديها وللصّدر ضمّت الاثـنـين وناداه المنـادي يحيدر نــح الاطهـار
------------------------
لَمـلاك بـالعالم العـلوي ضجّت ابـنوح من نحبـة المسمـوم و اتحسِّر المذبوح
نحـّى اليتـامـى المرتضى والقلب مقروح وبليل وارى أم الأيمـّه حامي الجار
------------------------
بالليل واراهـا واخـذ ينحب عليهـا و الارض خاطبها و دموعه اتسيل بـيها
يالرّوضه هـذي بضعة الهادي احفظيها ورد اليتاماها يلمهـم داخـل الـدّار
------------------------
وجـتّه الجماعه امْن الصبّح تطلب دفنها قـال ادفـنتها البارحه و الأمـر منهـا
منكـم غصصها وجـور دنياهـا ومحنهـا قـالوا لـه ننبشها ومد إيده للفقـار
------------------------
قلهم وحـق المصطـفى كلكم تسمعون و تدرون انـا حيدر علي هزّاز لحصون
لقبور هالخمسـه إذا واحـد تدانـون منكم فـلا يضل وانا بـوالحسنين ديّـار
------------------------
الله يفارس كونهـا ومـرْدي عَمرهـا سيفك تسلّه جان أحد يدنى قـبرهـا
وتنخـاك يابوحسـين والبـاب بصدرهـا ماجاوبتها وبالثّدي ناشـب المسمـار
{ الناظم }
أنظـم يَزهـرا وانـثر المدمـع واسيلـه و الغيركم مـا قــدِّم امـرادي و اسيلـه
طالب مـن الباري و أريدنـج وسيلـه قوّه ومـدد واتخـلّص الخـادم من النّـار

أميرالمؤمنين على قبر النبي (ص) G
حيدر على قــبر النّـبي ينـادي يمخـتـار هذي الوديعه مادريت بحالهـا اشـصـار
]
وصّيتني وانا اصبرت واسـتهضمونـي و الزمت بـيتي يارسول الله و لفونـي
و ذيـج الوديعـه روّعوهـا و لبّبـونـي وانا وحيد ولاشـفت لي منهـم انصـار
------------------------
يا سيّـد الكـون الوصيّه مارعوها وهجموا الدّار اعـلى البتوله و روّعوهـا
طلعت تدافـعهم و بالباب اعْصروها وانكسرت الأضلاع منها وصار ماصار
------------------------
عاشت عقب فرقـاك مهضومـه وذليله و من كثر تلويع الرّجس صارت عليله
شَحـجي شَعـدّد مـن مصايبهـا الجليـله وكلما شفت هالحال قلبي يلتهب نـار
------------------------
كـل الذي جاري عليها وعيني تشوف لاجلَّت ازنودي ولا بقلبي دخل خوف
شْبيدي وانا بقيد الوصيّه صرت مجتوف هبّطت راسي طوع لك واغْمدت لفقار
------------------------
واعظم عليّه يوم بالحجره لفتني تقول إننّهب منّي فــدك واسود متني
ظلّت تنـوح ومـن بجاهـا ذوّبـتـني لولا الوصيّه والقضا صارت لها اخبـار
------------------------
لولا الوصيّه والقضا صارت لهـا علـوم وخلّيت ببـيوت المدينه ينعب البـوم
وخـلّيت طـير المـوت مابين المـلا يحـوم لكن أنـا اشبـيدي الأمر لله الجبار
------------------------
سـلّمت لله وكسـروا ضلـوع الوديعـه وضعـنـا عقب عينك يبو ابراهيم ضيعه
جـاروا علـينـا وضيّقـوا بـينـا الوسـيعـه بـس غبت عـنّا الكل علينا اتجسّر وجار


{ في رثاء مولى الموحدين وأمير المؤمنين (ص) }

أحواله ليلة التاسع عشر G
والله عجـايب خـارجيّه وضنوة اشرار لكـن مهرها ماجرى مثله ولا صار
]
بـس مانظر يمهـا و صـد الهـا ابعينـه و اقبـل عليـه ابـن اللعـين وبــاع دينـه
قلهـا اخبريـني ابمهرج اللّي تطلبـينـه لازم مرامـج تبلغينه ويــن مـاصـار
------------------------
لبست حليها والحلـل وارخت شعرهـا واتـبخترت يمـّه وضمّتـه الصـدرهــا
اتقلّـه طلـبتي بـالخـلـق محـّد قـدرها انجـان تقـدر مـن عـلي تاخذ لي الـثار
------------------------
قلهـا دطلـبي غـير حيـدر قـالت امحـال لازم أجاهد في هلاكه وابذل المال
قصدي أشتت هَلَولاد ايمين و اشمال أفـنى هـلي وخلّى بقلبي تشـعـل الـنّـار
------------------------
اتحـيّر و قلهـا ما سمعنـا ابكل لدهور يقطـام مهـرج ماجرى مثله بلمهور
لكن لخـلّي بـيرق الاسلام مكسور ليلـة تسعـتـَعْشَر أعـفّر حامي الجار
------------------------
ليلـة القشره من لفت حيدر بقى يدور و يعـاين انجوم السّما و الدّمع منـثور
ويقلّب الطرفه وبناته تنوح بالـدّور مسـتـوحـش العـالـم عـلى حيدر الكرّار
------------------------
ام كلثوم طلعت تسحب اذيال المصيبه و تصـيـح يـانـاصـر الهـادي ياحبـيـبه
الليلـه يـبويـه حالتـك والله عجـيبـه ماغمّضت عينك واشوفك عندك افكار
------------------------
قلهـا يـبنتي العمر قـوَّض والأجـل حان محّــد يـفر امن المقدّر و الذي جان
يحفظكم الله امن التّشـتت يـال عدنان صاحت يَـبويـه ذوّبت قـلبي ابهلَخـبار
------------------------
يابـوي مـا نقـدر على هضـم وفجايـع اتروح ويـن و تترك الإسلام ضايع
اقعـد ابـّيتك والحسن يطلع الجامــع مكفي البلا يَمزيل حيرة كل محتـار
------------------------
خـوفي يـبو الحسـنـين يتنكّس لوانــا وخـوفـي يْـتـهدّم سـورنا ويهتك حمانا
خـوفـي يغيلونـك و تتشـمّت عدانا لاقـاله الله مـن جمالك تختلي الدار
------------------------
ردهـا وطلـع والدّمـع يجري فوق خدّه ايقلها حبـيـبي المصطفى صادق ابوعده
وانحــل يويلي ميزره واوقف يشدّه ونادت على اخوتها ودمـع العين نـثّار
------------------------
نـادت حسـن يحسـين يابن الحنفيّـه عبّــاس يـاجعـفـر دقومـوا بالسّويّـه
دركوا أبوكم و الـذي عشتوا ابفيّـه ليروح غيلـه يـاحسن يانسل الاطهـار
------------------------
قام الحسن من مضجعه والدّمع مسفوح ايقلّه يـبويـه الليله المسجد أنـا روح
قـلـّه يَبويـه هالامـر مكتوب باللـوح درجـع يَنـور العين يامهجة المختار
------------------------
رد الحسن للدّار يصفج راح ابراح ويصيـح ياوسفـه على عـزّ قضى وراح
صيوان عالي للهواشم قوّض وطـاح و الكافي الله امن الدّهر ياخلق لو جار

ضربته و وفاته '
غالـه الطّـاغي بسجدتـه انشـلّت يمينه طـرّت الهامه و وصْلت الجبهة الجبينه
]
بالفوز معلن صاح و اتغرّق امصلاّه و حوله على ذيج الكريمه اتفايض ادماه
ومـدّة حياتـه بـو الحسـن مالفظ بـالآه يحمد الباري ويشكره ماهـو بونينه
------------------------
مولود بالكعبه وهـذا الخـبر مشهور وعـقـد الزّواج محـقّق اّبـيته المعمور
والخاتمـه بمسجـد الكوفه الرّاس مطرور ويــلاه مـن طلعوا اولاده شايلينه
------------------------
جبريل يعلن بالنّواعي ابذات لبروج ومثل السّفينه الارض ترجف والسّما تموج
تعلّت الضجّه وبالخلايق ضاقت افجوج وزينب تنادي يخوتي الكرّار وينـه
------------------------
عنـدي أبويـه الليل كلّه يضرب افكار صـلّى صـلاة الليـل عندي وطلع محتـار
مـاتخـبرونـي اشصايـر بحـيدر الكرّار قـالوا يحورا انصاب بالمحراب ابونا
------------------------
ليـث الحرايب وصّلوه الوسط داره و من نـزف دمّـه اتغـيّرت شـعّة انواره
شدّوا الرّاس ابميزره و زاد اصفراره وجابو الطّبيب وعاينه وهملت عيونـه
------------------------
عــاين الضّربـه وقـال ياشمـس المضـيـّـه حان الأجل قـدِّم يبوحسين الوصيّـه
وصلت دماغـك ضربتـه نسـل الدعيـّه مثـلك يليث الغـاب من يدنـى العرينه
------------------------
ويـلاه مـن بـيّن فـجـر لـيلـة العـشرين وبطّـل عـمت عـيني ونينـه وفـتّح العين
وقال اطلعت يافجر يوم ونام ابوحسين و انتحبت اولاده عـن اشمالـه و يمـينه
------------------------
وليلـة القـدر الثّانيـه غـابت انـواره أوصـى بليلـه يدفـنونـه وخلت داره
اتلقّـاه ابو ابراهيم و البـاري اخـتاره وقامـوا بجـهازه بالبجا وضجّت بنينـه

الحسن عند مصرعه وحمله إلى داره G
هالضّربـة القشره يـبويه امنين حـلّت بعـدك يـداحي البـاب شوكتـنا افتلّت
]
هالضّربـة اللّي هدّت اركـان لمسلمين هـلّي فعلها راح ياباب العلم ويـن
من جسر يالاهوتها الأعظم يـبوحسين بطّـل ونيـنك يالـولي قـلـبي تفـتّت
------------------------
بطّل ونينـه و الدّمـع هـل او تحــدّر صابـغ ابــدم الـرّاس و ينادي يَشّـبر
هـذا الـذي مكـتوب لي من عالـم الذّر من عالم التّكوين هالطّبره انكتبت
------------------------
آنــا الذي ماهاب مـن خيل ولا رجال ولاهاب من خوض المنايا وخوض لهوال
لـو حـوربت بالكون بـيـه يحـل زلـزال قلبي فــلا تروّع ولا الـزّندين جلَّت
------------------------
إسمي أنـا معروف بـالشـدّات لصعـاب و ابـوك تدري ما يهمّه ابراسه اصواب
واشوف يـبني طحت من ضربة المحراب مقدر أحـاجيكم ترى ادمومي انّزفت
------------------------
صلّيت أنــا بصفّين فـي حومـة المـيدان وشقّيت لجّـه من النّبل والبـيض والزّان
و لاسطى ابهالجسد بـتّار و لا سـنان وطـبرة الطـّاغي شقّت الهـامـه ونزلت
------------------------
اصفرّت الوانه وسال دمعه وضل ينادي لا تـهيّجـونـي بالصّوايـح يـاولادي
سـكتوا تـرى نزف الدّمـا فتّت افّـادي شــالوه فوق الرّاس والضجّه ارتفعت
------------------------
و زينب اتـنادي هالذي محمول من وين بالله اخـبروني ياخواني حسن وحسين
قـالـوا لهـا يمخــدّره ســيّـد الــكـونـين صرخت وصفقت بيدها وبالحال خرّت
------------------------
حنّـت ودمـع العـين فـوق الخـد همّال إطلـعت سـالم و ارجعت ليّـه ابهَالحال
محمول يا بوحسين فوق اجتاف لرجال معلوم من بعدك بني عدنان ذلـّت

عهده و وصاياه G
ظلّت بنـات المرتـضى كلهم يـنوحون يقولون ابـونا ياحسن متغيّر اللون
]
اتحـرّك يَويلي المرتضى وبطّل ونينـه اتحسّر على اولاده و صد الهم بعينه
قلهم كـلامي يا ولادي تسـمعـونـه لازم حسـن وحسين مـن بعدي تطيعون
------------------------
جنّي بشـبلي الحسـن فـوق التّرب نايم بالسّم جبده مقطّعه وحوله الهواشم
والكـل ذابت مهجتـه والدّمـع سـاجـم والحسن يتقلّب واخوه حسين محزون
------------------------
وامّا المصيبه اللّي اتزلزل هـالوطـيّـه امصيـبة عزيزي حسين برض الغاضريّه
جـنّي أشوفـه عْلى الـثّرى نـايم رمـيّـه مـن حولـه الشبّان بالغبره يونّــون
------------------------
و زينب انفجعت حين سمعت هالوصيّه وصاحت أجل يا بوي من وصّيت بـيّه
بـانت يحـيـدر أوّل الـذّلــه عـلـيّــه يـاليت بعـدك هالحراير لا يضيعون
------------------------
اتحسّر يويلي صاحب الـنّفس العطوفـه وصـد ونـده زينب وعبراته ذروفـه
جنّي أشـوفج حايـره ابوسطـة الكوفـه ويّـا يتـامى عْلى الهزل كلهم ينوحون
------------------------
هـلّت دمعهـا ونادته والقلب ذايب بـيّـه توصي لـو اتبشّرنـي ابمصايب
بعـدك يبويـه يساعد الله عْـلَى النّوايب يـاليت مَتـقَضّت ايّامك يا ضِيا الكون

كلامه مع زينب‚
أوصيـج يازينب ونفـذي هالوصيّـه كفلي يتـامى حسـين بـرض الغاضريّه
]
قـالت يـبويـه هالمصيبـه اللـّي تجينـا من عقب عينك ياحمانـا و يـاولـينـا
قلّي يـبويـه ياعلي اشيجري علينــا قلهـا مصايب تفجع العـالـم سويّه
------------------------
الله يمـا اجسادٍ علـى الرّمضـا طريحــه ويـامـا دمـومٍ مـن بـني هاشم سـفوحه
وياما شــباب عْلَى الثّرى يعالج بروحه وفي كربلا تبقى مضاربهم خلـيّــه
------------------------
و اعظم عليّه مصيـبةٍ تحني الأضلاع ادخولـج يَزينب مجلس الطّاغي بلاقناع
مقدر أخبّركم و هذي ساعة انزاع صاحت يـبويه امن الذي وصّيت بـيّه
------------------------
قلها من اخوانـج و تخـتارين لابـاس كلهـا صناديد و شفايه ترفع الرّاس
هــذا الحسن وحسين ومحمّد وعـبّــاس و جـعـفـر و كلهم مايهابون المنيّـه
------------------------
قالت اريـد امن اخوتي اللّـي يخدموني أما الحسن و حسين تخدمهم اعـيوني
اخـواني كلها ابطال جان اتخيّروني كافل أختار البطـل عبّاس الشـفيّـه
------------------------
نـادى عليـه ودم دمـع عينه يذيعه عبّـاس هذي اختك تـرى عندك وديعه
قـلّـه أنـا أعظـم مـن احـصون المنيـعـه مــادام راسي سالـم و سيفي بديّـه
------------------------
مــادام راسي سالم و سالم لـج حسـين أضـمـن يَزيـنب بـالمعزّه ماتذلّـين
ولو طاح جسمي عْلى الثّرى لازم تعذرين مـن عـقب حـز الرّاس لا لـومٍ علـيّـه

حال الحوراء زينب G
نــزلة الكوفـه يـاعلي قشره علينه نطـلب من الله تـطيب وتردنـا المدينه
]
قشره علينه نزلة الكوفه يبو حسين فالـك عسى فال السّلامـه ياضيا العـين
قلهـا الحسن يخـتي السّـلامه للأبو منين مـا تنظرين السّيف شـق غـرّة جـبـينه
------------------------
ماظـنّتي مـن طـبرته حامي الحمـى يقوم هذا الطّبيب يقول سيف الرّجس مسموم
مقـزِّر أبـونا حسبتـه يومٍ بعد يـوم لونــه تغـيّر وانتحـل مـا تنظـريـنـه
------------------------
قـالت يَعقلي نطلب امن الله السّلامـه و يقوم ابو الحسنين و يـتمّم اصيامـه
ونـعـيـّد ابزينــه و لا انعـيّـد يـتــامى قلها يَثكلى الـعـيد لا تـتذكّرينه
------------------------
يخـتي يَزيـنب جان عيد اتعيّد الشّام جان الخبر وصّل يصير أبرك الأيام
و احنا بـعـد ليلـه و يوم ونصبـح ايتـام عند الفجر كهف الأرامل تفقدينـه
------------------------
صاحت عسـى بعيـد البلا يا قرة العين بـالموت لا تفاول على عز المسلمين
اسم الله علىكهف الأرامل والمساكين لا قاله الله يا حسن نـفقـد ولـينـه
------------------------
فـتـح عيونـه المـرتضى والـدّمـع يجـري وقلها يزينب بالنّجف محفور قـبري
قـالت يبو الحسنين بعدك جيف صبري يــا بـوي جيف ارجـع بليّـاك المدينـه

تجهيزه و دفنه '
مات الوصي ونهضوا اولاده يجهزّونه مـوصي عليهم وسـط بـيتـه يغسّلونـه
]
اختصّوا بتغسيل المطهّر حسن وحسين وضافوا على امـياه الثلاثه امدامع العين
يتقلّب اعلَى المغـتسل مابين لـثـنـين و بخمسة الاثواب أوصى يجـفّنونـه
------------------------
امنجّـي سـفينـة نـوح حطّـوه ابسـريره وشـالوه حسن وحسين بدموعٍ غزيره
تـتخـضّـع الجـدران لَـنـواره المـنـيره مرفـوع لـمقدّم و ساروا يتـبعـونـه
------------------------
طلعت الحورا تـنـتحب والقلب مرتـاع بـوداعة الله اتصيح ياحصني يَمنّاع
سلَّم على الهـادي ومكسورة الاضلاع ريضـوا اشـويّه بالنّعـش ياشـايلينـه
------------------------
وَسْـفَه و ألف ياحيف ياهزّاز لحصون يمذلـل الشّجعان من يتعمّر الكـون
سـاجـد الربّـك غالـك الغـادر الملعـون أحزن عليك المصطفى وامّي الحـزيـنه
------------------------
جـيف البصر يا والد الغر الاماجـيد لو هيأوا المنبر يَبويـه الخطبة العــيد
من يـبتسم ثغره وياهو يلبس جديد مَتشـوف غـير اليصفج اشمالـه بـيمينه
------------------------
يـايـاب طـلاب العلم واهل الفضايـل لـو قصـدوا البـاب العلم والكل يسايل
يَـولاد حيـدر ويـن حلاّل المشاكل حـاوي علـوم المصطـفى بـاب المدينـه
------------------------
ينشعـب قلبي و مهجتي تـتواقد ابـنار لو اسمعت لاجي يصيح ياحيدر الكرّار
لـو لاحـظت عـيني يـبويـه بعـدك الدّار ومنها يسور المنع نـورك فـاقديـنـه
------------------------
باجر يـبويـه ايصير بَرض الشّـام عيدين واحنـا صباح العـيد عدنـا يصير حزنين
منّـك نشوفـه خالي المسجد يبو حسين هــاي المنابر والخطيب اليوم وينـه

رثاء زينب له عند تجهيزه G
شافت ابوها وبالدموع انفجرت العين صاحت عسى بعيد البلا مسجّى يبوحسين
]
ياحسن شيل اعمامته و هَلجرح شدّوه وبهداي فوق المغتسل يحسين مدّوه
وهـذا يَبعـد اهلي القطن للجرح خلّوه بِـلهون قلّب والدي وشدّ الجـرح زين
------------------------
لايفيض دمّـه على الوجـه يابن الشفيّـه خوفي يخويه تخضّب الشّـيـبه البهيّـه
لـو تـرخصونـي جان أقلبنّـه بديّـه واغسل يخويه طبرته بمدامع العـين
------------------------
كهفٍ منيع وحصن عالي وحيف مادام امظلّل علينا و انهدم من جور الايّام
ضاعت عقب عينه حريم وضاعت ايتام مثله يخويـه ينوجد في العالم امـنين
------------------------
شقّت الجيب و لطمت الهامه و لخدود تنـدب يـداحي البـاب يا صفوة المعبـود
ذوّبـتني عْلى المغـتسل يا بوي ممدود معلوم مـن بعدك يـبويه اتيتّم الدّين

رثاء زينب له عند تشييعه G
ريضوا بنعش المرتضى ركن العرش مال من شال ابو الحسنين ويّاه المجد شــال
]
ردّوا نعش حيدر إلى المنزل اشويّه بـتـودّعـه زينـب و كلـثـوم الزجيّـه
فـراقـك يـبويـه أعظـم الفرقـه عليّه خلّى الدّمع يجري دما وبالقلب ولوال
------------------------
قلهـا المشـكّر بـو الفضـل عبّـاس يخـتي لا ينسمع صوتج ترى قـلبي شعـبتي
آنـا كفيلج من بـعد حيدر دسكتي مـا دام انا موجود ما ينضام لـج حال
------------------------
لـكـن يـزينب لـو نـزلنـا الغـاضريّه عـذري كفـيلج من تشوفينـه رميّـه
صـاحت تهـيجني رزيّـه عْلَى رزيّـه قـلبي امفتّت لا تذكّرني ابهَلحوال
------------------------
والله اشعبت قلبي ابذكرك ذاك لمصاب و اشغلت بالي عن مصيبة داحي الباب
اسم الله على زنودك وراسك يبن لطياب ريّـض يخويه ابنعش ابـونا سـور لعيال
------------------------
ردّوا النّعـش ليـّه وخلـونـي أنـظره أسـفر عـن اجفانـه و احبنّـه ابصدره
قـلـهـا وعـبراتـه عـلى الخـدّيـن تجـرى هـيهات يازينب يرد عـنّـج علي انشال
------------------------
لَمـلاك شالوا امقدّمه و شلنا المؤخّر ردّي الخـدرج وايّـسي ميعود حيدر
نـادت ابعـالي صوتهــا الله واكــبر والله فجيعـه مـاجرت فـي أوّل وتـال
------------------------
قلهـا الحسـن ردّي الخـدرج يـامصونـه من طلعـتج يختي نسينا امصاب ابونا
لا ترفـعـي صوتـج ترى يصعب علينـا و احنا فلا نرضى تعاين شخصج ارجال

لسان حالها بعد وفاته G
جيف البصر مظلم علينا البيت يحسين صاير اوحش من عقب عـز الهاشميّـين
]
وين التّلاوه و وين ذاك النّور لَزهر يستَر قـلـبي لـو سَمعت آبـوي كـبّر
واعظـم عليّه صرخة الحورا يحـيـدر يــابوي ضيّعت الارامل والمساكين
------------------------
يحسين راح اللّي يزيل الضّيم عنّـا يـزيـح الهضم عـنا يخويـه لـو انهضمنـا
أقفـى الدّهر من فات داحي الباب عنّا وراح السّرور وشِمتت اعلينا الملاعين
------------------------
باجر شماته اتصير بَرض الشّام و سرور ويـاما عـلم في بـيت ابو سفيان منشور
واحنـا علمنـا ياعزيـزي صبح مكسـور بـس ماسمع منّه انتحب واتزفّر حسين
------------------------
قلّـه يخويـه البـيت مستوحش علـينا لـنّـه بحـيـدر نوبـةٍ وحـده انـدهـينـه
ومحـّد فقد مثل الذي احنا فاقدينه والا النّشيـج ارتـفع عند الباب بونين
------------------------
شـال الحسن راسـه ولـن زيـنب تنادي والدّمـع منهـا فـوق صحن الخـد بادي
قلـبي تـفـتّت والحـشـا يحسـين صـادي مـن عاينت بيتي خلي من مظهر الدّين
------------------------
بـالأمس ابونـا لو طلع قاصد المسـجد يسطع النّـور ابغرتـه و ظل ايتهجّـد
يبـتهـل ويـعـفّـر وسـط محـرابــه الخــد و اتجاوبه الحيطان لـو أذّن ابـو حسين
------------------------
واليـوم مـن شخصه منازلنـا خلـيـّه بـيـها الحـزن و النّوح و امظلمه عليّـه
مـن عقـب عينـه انهـدم سـور الهاشميّـه و احنا ابمصيـبتـنا و اعادينا امعيدين
------------------------
ضيعـتني وخلّيت قلـبي اموجّر ابنـار مستوحشـه الكوفـه عقب عينك يَكرّار
والحسن من بعـدك يبويه ظل محتار و حسين مـتحيّر و بـس ايدير بالعـين

سؤال زينب لما رجعوا من دفنه G
ودّيت يَـبن المصطفى بـاب العِلم وين و ردّيت لـينا بالكسـيره ياضيـا العين
]
والله عجب صفوة الباري وسر لوجود والجوهـر السّـامي وحـبل الله الممـدود
بحر الكرم و الجود جيف اتضّمه الحود كهف الارامل واليتـامى والمساكين
------------------------
يَولاد حيـدر وين ابوكم نور لكوان يحسـين خويـه يـاحسـن يَولاد عـدنـان
هالرّوس نكسوها ترى بينا الدّهر خان وظلّت خليّه ابـيوتنا من نور ابوحسين
------------------------
قلهـا الحسـن والدّمـع بالخـد منثور مَـيفيدنا كـثر البواجي و لطـم لصـدور
ولا النّـواعـي تـرجـع الـنّايـم بلقبور هـذا الذي مكتوب من عـالم الـتّكوين
------------------------
يخـتي دصبري و الصّبر من شـان لكرام مـادام انـا سـالم وبـو فاضل الضّرغــام
تـركي البجا والنّـوح يختي الحـزن قـدّام بعـدي وبـعد حسـين يازينب تضيعـين
------------------------
داروا يعـزّوها عْـلى بـوها وسكّـتـوهـا و نشّفت دمعتها و إجت يم دار ابوها
وصاحت ابهم يحسين هالدّار اغلقوهـا مقـدر أعايـنهـا خـلـيّـه يـامسـلمين
------------------------
مقـدر أعـاين ياضيـا العينين هالدّار كلما نظرت الهـا يشـب الحزن بـي نار
جانت امزهره و تشع من حيدر بلنوار و اليوم ظـلمه شلون اشوفنها ابْـياعين
------------------------
يـايـاب محـلى مشـيـتك مـا بـين لولاد دوبي امريـبـه و خايفه امراوغ الحسّاد
اشبـيدي عـلى عـزٍ رحل عنّي ولا عاد ياخلق يرجع غايب الأموات من وين
------------------------
من شفت حالك ياعلي تجذب الحسرات تطلع و تدخل و الدّموع اتفيض عبرات
هملت اعيوني وبالقلب صارت الحسبات ظنّيت ما اتـتمّم اصيامك ياحمى الدّين

زينب و دار أبيها الخالية‚
زينب تصب الدّمـع مـن عظم الرزيّـه امْن اتشـوف دار المرتضى مـنّه خلـيّه
]
توقف ابّباب الدّار و اتهل عينها ادموع اتنـادي يـبويـه الهالمنازل مـالك ارجوع
من حنّـة ايتامك عليك القلب مفجوع مـا يمكـن الثّـكـلـى تعزّيـها شجيّـه
------------------------
و اللي يفت قلبي و يخلي حزني ايـزيـد يابه عقب أيّام لو قالوا لفى العـيـد
لازم العــاده تلبس الأطفال لجديـد و اولادك ابـيوم الفرح تنصب عزيّـه
------------------------
يابوي ضاعت من عقب عينك هلولاد ومن بعد موتك ياعلي مانعـرف اعـياد
جيف الفرح و احنا بقينا مالـنا اسناد راح المحامـي و الذي عشـنا ابفـيّـه
------------------------
خطبـة العـيد اضحت تنادي واخطيـبي و المنـبر ينـادي انقطـع منّـه نصيـبي
وانــا أحـن ولا أبـطـّـل مـن نـحــيـبي و اولادج اتـنوح و مدامعهـم جريّه
------------------------
ونـادت عـلى السّبطين حلوين المعـانـي نوحوا على حـامي حماكم ياخواني
مـن بعـد حيـدر وينـّا و وين الّتهـانـي و الله شماته و حصّلوها بني امـيّـه
------------------------
فرحت بني سفيان و الطّاغي ابشامـه لـمّن لفى ليـه الخـبر نشّـر اعلامـه
قر واستقر واستحمد الله عْلَى السّلامه يقول اسـترحنـا من علي وضاق المنيّه

أحوال أولاده اليتامى بعده G
العـيـد مجبـل والحـزن زايـد عليّــه وعايـنت دار المرتضى مـنّه خليّــه
]
فقـد الأبو نـغّص علينـا ابهالسّنه العيـد و امن الصّبـح باجر عليّه احزاني اتزيد
نبجي ونلطم والبجا واللطم مَـيفيـد نشبت مخـالبهـا ابحشاشـتـنا المـنـيّـه
------------------------
محـلى الأبـو فـي العيـد لـو جمّع اولاده ولبّسهم الزّينه على جـاري العـاده
ورفرف عليهم بالهنا طـير السّـعاده ايطيب القلب واتصير عيشتـهم هـنيّه
------------------------
و احنا أبونا قـبل عيـده ابتسعة ايّام سـافر وخـلاّنـا وصرنـا بعده ايـتـام
وافراحنـا راحت وصار العيد في الشّـام باجر النّاس امعـيّده و احنا ابعـزيّه
------------------------
بـاجـر يخـوتـي هـالمنـازل غلّقـوهـا خلّوا اثياب العـيـد أبـد لا تطلّعوها
و اعلام سود اعْلَى المنازل نشّروها ولا ريد احــد من هالبلد يدخل عليّه
------------------------
و الله لقضّي العيد كلّه ابنوح و اصياح ولحّــد يجيني من هـل الكوفـه بالافراح
عندي مصيبـه يـاخلق عنّي الفـرح راح زادي البجا والنـّوح عبراتي الـجريّـه
------------------------
والله لقضّي العيـد باجر وسـط لبرور وامشي واسايل وين داحي الباب مقبور
أقعد على قبره واهلّ الدّمع منـثور وانـعى عـلى عزنــا الذي عشنـا ابفيّه
------------------------
و اتهيّـج احزاني عليّه خطبـة العيـد باجر تمرّ الخلق كلها المسجد تريـد
ولاشوف ويّاهم علي و احزاني اتزيـد ويذوب جسـمي ولا تظـل بـيّه بقيّــه
------------------------
كـنّـا بالاوَّل مـن يمـر عيـد علـينـا نلـبس اثـيـاب الفـرح وانبكّـر لبونا
وهالعيـد جانـا وطود عزنا فاقدينـا وبعـده تنكّس عـلـم عــزّ الهاشميـّه


{ في رثاء السبط الأكبر أبي محمد الزكي (ص) }
أحواله وخيانة رعيته به G
صـاح الحسن يحسين يـا راعي الحميّـه ياخويه كل القوم خانت و الرعيّه
]
جيف البصر خـانت علينا القوم يحسين ضاقت علينا الواسعه يَـبن الميـامـين
صرنـا بليّـا انصـار مـدري نلتجي ويـن كل لجـنود اتفرّقت شوروا علـيّـه
------------------------
لحّـد تولتنا عـقـب حيـدر العـدوان وبعد الأبو ضعنا يخويه بين كوفان
مدري نسالم لو نـحاربهم يفرسان ثارت اشبال المرتضى كلهم سويّـه
------------------------
جـدّامهم شيـخ العشـيره رافـع الصّوت آمـر يـبـو محمَّد حلى لي دونـك الموت
مَنريـد يَـبن امّي حـلايلـنـا والبـيوت تـدري بنـا العدوان منهـاب المنيّـه
------------------------
و عبّاس جاهم شاهر السّـيف ابـيمينـه وظل ينتخي ولاح الغضب مابين عينـه
ايـنادي يـبو محمَّد يَسـلطـان المديـنه خل البجا و اسمع كلامي يا شفـيّه
------------------------
يَـبن النّبي و حـق و الدي زرّاق لرخـام لـو يجتمع عسكر من الكوفه إلى الشام
يـا مهجة الزّهرا فلا انخليك تنضـام وجرّد الصّارم وانتخى ابن الحنفيّـه
------------------------
قلهـم صوارمكم يفرسان اغمدوهـا و اصواتكم للـغـاضريّـه اتدخّروهـا
بـذلوا النّفس دون ابنة الهادي واخوهـا منّه يشيب الـرّاس يـوم الغاضريّـه

تعديد رزاياه '
جـارت على سـبط النّـبي قوم الخيانه وقاسى المحن ياويح قلبي من زمانه
]
خانت ارجاله و للطّمع مالوا يركضون و رشوات ابن هند ابلغت مليون مليون
حتّى ابن عمّه الجان يحسن بـيه لظنون وصلت إله الرّشوه وصَبح خالي مكانه
------------------------
يفتّ القلب يوم المداين من مصابه نهبوا المصلّى و قطعوا اعليه الخطابـه
والجيش كلّه انقلب بس خلّص اصحابه مخطور صار و حفّت ابشخصه اخوانه
------------------------
أهل الفتن نهبوا رحالـه و سلـبوا ارداه و حفّت بـه اخوانـه عـن اشماله و يمناه
وابن البغي الجـرّاح بالخنجر تحــدّاه و قلّط المركوبه و لـزم بـيده اعنانه
------------------------
و اللّي جرى يوم النّخيله ايفتّ لقلوب قلّت اعوانه وسكت عن حـقّه المغصوب
عاهد على اشروطه وعاد الامر مقلوب ألغى الشروط ابن الخنا والعهـد خانـه
------------------------
خـان العهـود وشبـل حيـدر لـزم حدّه سبط الرّسول و ملتزم يوفي ابعهده
وكل فرد منهم ماتعدّى فعل جدّه ذكوان هـذي ذمّتــه وهـذا أمانـه
------------------------
هاي النّتيجه من اليهودي الرّجس ذكوان ورّثـهم اطـباعـه الاراذل آل سفيـان
و الموفـي ابعهده شبل هاشم و عدنان ذاك الحسن سبط النّبي وركن الديّانـه
------------------------
وسلّط عـلى الكوفه زيـاد وعاث بـيها و شيعة علي الكرّار صب جوره عليها
سمّل الطّاغـي اعيونهـا و قطّع ايديها وحـجر وصحبته هاجت اعليهم اضغانه
------------------------
صفحـة التّـاريـخ ابفعلهم سوّدوهــا و امخـدّرات ابـيوت يسلام اسْجنوها
والـرّوس مـن وادي الـوادي شهّروهـا وتـاليها بحجور النّسا يهـل الدّيانـه

سقيه السم '
لَشعث الكافر يحمل اسباب المنيّـه المهجة الزّهرا من نغل هند الدعيّه
]
ما يستحق انقول لَشعث بـاع دينه زنديـق ماعنـده ديانـه ابـن اللـعينـه
قـاصد من ارض الشّـام بالسّم للمدينـه البنـتـه تقطّع مهجة الزّهرا الزجيّه
------------------------
العسـل مزجت باللبن والسّم ويّـاه صايم ودنّت له الفطور اوقعدت احذاه
منّه شرب ياويح قلبي و قطّع امعاه حـالاً تقيّـا و انغشى اعليه الشـفيّه
------------------------
جـاه الشّهيد حسين يتفقّد احوالــه شـافـه وصاح ودمـع عينه بانهماله
يا هو الذي اتجّرا على ابن امّي و غالـه معلوم هذي من دسايس آل اميّه
------------------------
قـلّي ابصاحب هالفعل يا بحـر لعلوم لحّــد يـبومحمَّد لـثور الكون هاليوم
قال الطّشت جيبه يبو سكنه يمظلوم الله أشــد نـقمـه يـبو نـفس الأبـيّه
------------------------
دنّـى الطّشت يمّـه وتقيّا وتاح جبده قطعـه بعـد قطعـه وابـو السّجاد عنــده
ولن زينب اتنادي الحسن يحسين سنده ابوجهه ترى لاحت علامات المنيّه
------------------------
ون وفتح عينه السّبط واجذب الحسره وقلّـه يخويـه حسين جت مهجة الزّهرا
بالعجل شيـل الطّشت يبن امي وستره و نشّف امدامعها وسـنّد لي ابتجيّه
------------------------
دشّت على اخوتها الوديعه اتدير بالعين ولنّـه يلـوج الحسـن ومتكّي له حسـين
قـلّي بقلبها اشصار من شوفـة هَلـثـنين واحد يلوج اُواحد ادموعـه جريّه
------------------------
صـدّت و حانت للطّشت منها التفاتـه و خرّت على الزّاكي امأيسه من حياته
اتقلـّه يعـين الله عْلَى فـقدك و الشّماته خويــه قلت لك لا تـواصل هالدعـيّه

دخول زينب عليه ورؤية الطشتG
جـبد الحسـن متقطّعـه بسـم المنيّـه أصبح يعـالج واصبحت زينب شجيّـه
]
دخلت عليـه و عاينت له يلوج وحـده عنده اخوه حسين دمعه فوق خدّه
آمر أخيّه يشيل طشت البـيه جبده شيله يخويـه لا تشـوفـه الهاشميّــه
------------------------
شيل الطّشت خوفي الوديعه تشوف جبدي خوفي تحن و مـن بجاهـا ايزيـد وجدي
هذي وديعة والدي حيدر وجـدّي مقدر أشوف ادموعها ابخدها جريّه
------------------------
اوصيـك يَـبن امّـي عقب عيني اكفلها و ابكل وكـت يحسـين دايـم عينك الها
تبقـى تـراهـي بالهضـم من عقب اهلها تـوقف على اجثثهم براضي الغاضريّه
------------------------
سمعـت ونينـه و اقبلت زينب اتنادي تلطـم عـلى خدهـا ودمـع العـين بادي
وتصيح اخويه حالتك فتّت افّــادي مـن شافها ظل يجذب الونّه خفيّه
------------------------
صدّت و لن اتشـوف طشتٍ ممتلي دم شــافت قطع جبد الحسن متقطّعه بسم
قـالت وهـي فـوق الصّدر والخـدّ تلطم جبدك يخويه امقطّعه و تخـفي عليّه
------------------------
من غالك ابسَمّه يخوي و قرّة العين يحسين خويه استخلف الله مالك امعين
هذي مهي جبد الحسن بالطّشت يحسين قلهـا نـعـم يخـتي ولكن وشـبديّــه

حضور زينب والحسين عنده G
قـوم بعجل سنّد لخـوك ابعجل يحسين والله قطع قلبي هَلمسجّى بـلونـين
]
يحسين لا تغفـل ترى مسـافر عضيـدك جنّي أشوفه ابهالمرض رايح من ايدك
كثر البجا و النّوح بعـده مـا يفيـدك بطّـل الونّه وظل علينا يدير بالعين
------------------------
خويـه على افـراق العضيـد الله يعينك هــذا يوالـينـا اشمـالك مـع يـميـنك
قـوم الأعادي فرّقـوا بـيـنه و بـينك نــالوا مطالبهم وصـاروا مطمئـنّـين
------------------------
يحسين أشوفه امغمّض و بطّل ونينـه اصفرّت الوانـه و بالعرق يرشح جبـينه
اتقرّب يخويه ودّعه و غمّض اعيونه غـيره وغيرك بالخلق مـا شوف سبطين
------------------------
مـن هَالمرض يـا بو عـلي ما ظنتي يـقوم جـبده تراهي اتفطرت من حـر لسموم
جرّب يخويه وشوف اخوك مفارق اليوم مـا ظـنّتي ايـتمّم نهـاره ابن الميامين
------------------------
قـام الشّهيـد و عبرتـه ابخـدّه جريـّه و عاين عضيده ايطوّح الونّـه خفيّه
قلّـه يبو محمَّد يخويــه اقطعت بـيـّـه فتّح اعيونـه وسال دمعه على الخـدّين
------------------------
قلّـه يبو السجّـاد لا تبجي و لا تنوح آنـا عـلى معـزّه أعالج طلعة الرّوح
و انتَ تظل ابكربلا عريان مطروح مرضوض صدرك بالثّرى ومقطوع ليدين
------------------------
اوصيك يـَبن امّي عقب عيني ابهَلعيـال لَيكون تـتشتّت يـبو سكنه هلَطفـال
يحفظكم الله من صروف الدّهر لومال واصبر عقب عيني على جور الملاعـين
------------------------
اوصيك بولادي وحريمي هالأرامـل يحسين صير الهم بعد فرقاي كافــل
اتعـزّا بعزاء الله تراني اليوم شـايل ودعتك الله ياقطـيع الرّاس يحـسـين

بين الحسين والحسن‚
قلب الحسن من سم جعده ملتهب نار فـي ويـن راح اليـوم عنّا حامي الجــار
]
يامن قتل مرحب و لزنـوده براهـا يالكعـبـة العظمى و يـالعـالي ذراهـا
دنهض تـرى بـيك العدى نالت مناهـا سمّوا عزيزك والشهيد حسين محتار
------------------------
جـالس و دمعـاتـه ابخـدّينـه هـتونــه ينظر عضيده و يصفج اشماله بْـيمينـه
بعدك يخويه تظلـم الدّنيـا علينـا ظهري انكسر لجلك يشـمّامة المختـار
------------------------
سـمٍ قطـع جبدك يخويه قطع قلبـي ومـن بعـد عينـك لاهنـا زادي وشربي
وعقبك ينـور العـين جيف أندل دربي الدّنيـا لطلّقهـا بعـد موتـك يمغوار
------------------------
نــادى أبـو محـمّـد او ونّاتـه خـفيّـه هــذا يـنـور العـين لـمقـدّر عـلـيّـه
بـوداعـة الله يا غريب الغاضريّـه بس الله الله مـن بعـد عـيني ابهلصغار
------------------------
يوصـي عزيـزه و القلب منّه ابلهفه و يخاطبه و لازم على جـبده ابجـفّه
الجاسم عقـب عيـني عـلى سكينه تزفّه نفّـذ يخويه هالـوصيّـه ياحـما الجار
------------------------
زوّج الجاسـم واكفـل ايتـامي يمذخـور وعينك على زينب احفظها وسط لخدور
عقبـك تراهـي ياعزيـزي تركب الكور واتشوفك امجـدّل يخويه فـوق لوعار
------------------------
جـنّي أعـاينها ذليـلـه بـين عــدوان فوق الجمل راسك يباريها على اسـنان
وابنـك عـلي مغلول بقيوده و وجعـان ينخى بني هاشم و دمع العين نثّار

احتضاره و وفاته‚
نادى المنادي في السّماوات العليّه جبد الحسن متقطّعه بســم الـمنيّه
]
وحسين يمّـه ينتحب و الدّمع هامـي يقلّـه ونينـك يالأخـو نحّـل اعظامي
وشعلّتك ياباقي أهلي وكل عمامي قـلّه يخويـه عـلّتي سـم الدعيّـه
------------------------
بـالله يخويـه حسين دن الطّشت عندي سـم اللعينـه ياعضيدي فـت جبدي
هـذا يخويـه الـلّي وعـدني بـيـه جـدّي دنّـى الطّشت يمّــه وجبده ملتظيّه
------------------------
جـبده قذفها و عبرته ابخـدّه هـتونه وقـلّه دشيل الطّشت لاتشـوفه المصونه
ولَتجـي الحراير يا عزيزي و ينظرونه خـوفي تذوب اقلوبها يَـبن الشفيّه
------------------------
دشّت الحورا تلتفت لشـمال ويمين شافت طشت مملي وهلّت دمعـة العين
مملي دمـا وصاحت ينـور العين يحسين جبد الحسـن متقطّعه وتخـفي عليّه
------------------------
نـادى ودمـع العـين فـوق الخـد غدران قـومـوا تعـالوا اتودّعوا مـنّه ينسوان
اعزيزج يَـبنت المرتضى منّه الأجل حان فـرّن ابهمـه و فاضت النّفـس الزّكـيّه
------------------------
و احنى عليــه ايقبّلـه ابـغرّة جـبـينه ايقلّـه ابفقدك موحشه الدّنيـا علـينا
وارتفعت الضجّات من أهل المدينه و الكل ينادي و دمعته بخدّه جريّه
------------------------
صرخت الحورا تنتحـب والـدّمع بـدّاد اتقلّـه ينـور العـين يـاضنـوة الأمجاد
لاوين بعدك تلتجي لو لفت وفّـاد و انت حمانــا و الذي عشنا ابفـيّه

في تشييع الجنازه G
شالوا الجنازه و الوديعه اتصيح يحسين بجنازة المسموم ريّض يا ضيا العين
]
ريّـض يـبو سكنـه بنعش حلو الجهامـه و نشروا عْلى تابوتـه لمشـكّـر هلعمامه
سفروا الجفن عن وجهه اتشوفه ايتامه ودّعتك الله يا حسن هـالسّفـر لاوين
------------------------
ريّض يبو سكنه ابجنازة حلو لَطباع وعرّج ابتابوته عْلى مكسورة الاضلاع
وخلّه على الرّوضه وخلنا انجدّد اوداع وقّـف يخـويـه ذابت اقلوب النّساوين
------------------------
عرّج على قبر البتوله بنعش ابنـهـا و قـبره يخويـه لا تحفـره ابعـيد عنها
دفنـه ابكترها بلكت ايهوّن حزنهـا لا ويـن ماشي بكعبة الوفّاد يحسين
------------------------
ريّض يخويه ابهالنّعش قلبي ترا ذاب جسمي انتحل يابوعلي من فراق لحباب
مقصـد الوافـد حيـف نوره بالثّرا غاب عنّا مشى ملفى الأرامل والمساكين
------------------------
وظـل الشّهيد حسين عبراته يهلهـا ايشوف العزيزه و قلبه اتْصدّع لجلها
صاح اطرحوا اجنازة عزيزي عند اهلها حطّوا النّعش و اتصارخت ذيج الخواتين
------------------------
دارت على نعشـه الحريم و قـام لصياح وامن اخوته ابكثر البواجي غابت ارواح
كلمن طلع من منزله فوق النّعش طاح و حسين يتـلهّف و يصفج راح ليدين

في تشييعه ودفنه...
ابنعش الحسن طلعوا ابضجّـه الهاشمّيين جـدّامهم شايل سريره وينحب حسين
]
ايقلّـه يـبو محمَّـد ابـفرقـاك اشعـبتـني و انت الـذي طـول الـعمر ما فارقـتـني
ياحسن يا ثاني الكسـا وحدي اتركتني و اليـوم خويـه فارقـت يسراي ليمـين
------------------------
طلعوا بنعشـه وبالمدينـه عـلت ضجّـات وفـرّن بدهشـه والعويـل الهـاشميّـات
و ابن الخـنا مـروان راح ايشن غارات يـتـذكّر ايّـام الجمـل وايّـام صفّين
------------------------
وقــدّم البغله وهيّج اضغان العـدوّه و اقرود اميّـه و هاجموا بـيت النبوّه
ونشرت شعرها اتصيح وين اهل المروّه هيهات مـا يـتـنـفّـذ امـر الهاشمـيّـين
------------------------
يا شايلين الـنّعـش ردّوا ابهـلجنـازه البـيت بـيتي و تدفنونـه بغـير اجـازه
طلعـوا و الاّ هالشّـعر لازم جـزازه أضغان القديمه امخـزّنه بالقلب تخزين
------------------------
ظلّت تحشّم و انفجر بركان لَضغان أرموا الجنازه بالنـّبـل عجّـل يمروان
و سبعين نبلـه نشـبت ابنعشه و لَجفان و حسين يطلعها و يصبّ امدامع العين
------------------------
ونشّـف دمـع عينـه الشّهيد وقال ردّي قصدي أجدّد عهد اخويـه ابقـبر جدّي
لـولا الوصيّـه اسبـاع من عدنان عندي اندفنه ابجنب المصطفى و ليكون ترضين
------------------------
وعبّـاس يسـمع وانتـخى وجـرّد البتّـار وقلّه يَـبـو السّجـاد كلها ملكك الـدّار
ننطـرد مـن مروان عـن حجرة المختـار و هاي السهام امركّزه بالنّعش يحسين
------------------------
ياضنوة الكرّار رخّصني العزم هـاج خلني أروّي امهنّدي من دم لَوداج
قلّه اغمد السيفك يـبو فاضـل مَيحـتاج شيلـوا الجـنـازه يم قبر ست النّساوين
------------------------
تـدري الكل منـّا بـيوم الضّيق مشـهور أنت يـبو فـاضل الغـير الـيـوم مـذخور
قـلّـه بعـد يـايـوم قلّه يـوم عاشـور نصبح ابذاك اليوم كلنا مستميتـين
------------------------
رخصه تسـل السّـيف هـذا اليوم مالك يومـك مـدوّن يـالذي طـابت افعـالـك
تقطـع بذاك اليوم يمناك و شـمالك ونبقى بـوادي كربلا كلنا مطاعين

رمي جنازته بالنبال '
اتبغّـل جملها امن لَضغـان الاولـيـه وثارت الطّـرد المجتبى بجـنود اميّـه
]
ركبـت البغله واليسوق الرّجس مروان و حفّت يمين اشمال بـيها اقرود ذكوان
خلّوا ابو محمَّد هدف للنّبل والـزّان يـاغـيرة الله يـم قـبر خـير البريّـه
------------------------
دقـعـد يَنـايـم بالقـبر شـوف الهضـايــم وعاين ابعاصمتك طريدك صبح حاكم
ونعش الحسن قبّـة نبـل يـا للعظايم ريحانـتـك مطـرود معظـمهـا رزيّـه
------------------------
وحسين صابر صبر ابوه ابوقّعة الـدّار يشـوف السّـهام امركّزه والـدّمع نثـّار
وعبَّاس مد ايــده على بتّاره وثــار ويصـيح لـحّـد يالسّلاله الهاشميّه
------------------------
سـلّـوا مـواضيكم يفرسـان الهـزاهـز عمـروا الكـون وبالعجل لزمـوا المراكز
ياهو السمع بالنّبـل يرمـون الجـنايـز ثـوروا ابغيرتكم يَفرسان الحمـيّـه
------------------------
يحسين يامهجة الزّهرا و سـر لوجود مـن هـالذي فوق النّعش يحسين ممدود
وهذا النّبل ينثر عليه وكلكم اقعود لاحــت علايمهـا يفرسان المنيّــه
------------------------
اتلقّاه ابو السجّـاد و ادموعـه يهلهـا عبّــاس خـويـه ثورتـك مـاهـي محلـهـا
لـولا الوصيّه اعلوم لازم تسمع الها لا تسـل سـيفك جـاي يوم الغاضريّـه
------------------------
والأم تنادي وينها ارجالك يَمروان لَيـكون قـوّه تدفـن ابّبـيتي العـدوان
شـيلـوا الجنـازه بالعجـل يَولاد عـدنان والاّ تـرى اتهـيـج الاضغان الاولـيّه
------------------------
شالوا الجنازه و الشّهيد ايصيح ردّي اشـبـيدي وانـا هـذا الخبر معلوم عندي
الـدّار للـزّهـرا وهـالمـدفــون جـدّي لكن اشـبـيدي امقيّد بقـيد الوصيّه
------------------------
شـالوا النّعـش وحسين هـدّأهم اخوانه وسـل النّبل ياويح قلبي من اجفانه
سـاعـة عظم ماجان لاقاها ابزمانـه بـيها رجع من سفرته ابن الحنفـيّه

وصول ابن الحنفيه من الطائف...
محمَّـد مـن الطّايف رجع لرض المدينه ونعــش الحسن ساعة وصوله شايلينه
]
طب للمنازل شافها وحشه وخليّـه وعرّج على المسجد وشاف اوغاد اميّه
بسـلاحها ومتجمّعه حـول الزجـيّـه و راح البقيع وشاف خيّه يدفنونه
------------------------
أقبـل عـلى اخوانه و هل امدامع العين وقلهـم جنـازه ومعركه والنّـاس حزبين
و هلّي تدفنونه يخويه بو علي امـنين قـال الحسن و اوغاد اميّه طاردينه
------------------------
مطـرود عن جدّه الهادي و عن جواره و مـروان جـانـا عـد قـبر جدنـا ابغاره
ونفثت علينا اسمومها بنت الامـاره و احنا ابمصيـبتـنا وهم هجموا علينا
------------------------
ونعـش أبـو محمَّد يـا محمّد صار نيشان عِـد قـبر جدنـا المصطفى للنّبـل والـزّان
اتكنّى و نده قـلّت شيمكم يـال عدنان أجـلاف اميّه عن الهادي يـطردونا
------------------------
بالعجـل يليوث الحـرب سـلّوا المواضي مـروان يحكمنـا وحكـم السّيف ماضي
لحـّـد يـبن حـيدر بهـذا الحـال راضــي يرمـي النّعـش مروان خويه وتتركونـه
------------------------
قـلـّه عـدانـا اللـوم يـابن الحـنـفـيّـه تـدري بخوك حسين مَـيهاب المنـيّه
لكن عضيدي الحسن قيّدني ابوصيّه و قلّي الدّم لَيكون لجلي تسفكونه
------------------------
لـولا الوصيّه جان شفت اشنفعل اليوم ولازم ابجنب المصطفى ندفن المسموم
قلّـه اشـعبتني ابهلخبر ياكـنز لعلـوم ثـاري الحسـن يانـور عيني سامِّينه
------------------------
مسموم ريحانـة الهادي ومـا تـثورون عـن هالذي سمّـه وفجعنا ماتفتشون
ايروح الحسن غيلـه ولا يتعّمـر الكـون هـذي دسايـس شجـرة الخبث اللعينه

وصول ابن الحنفية ساعة التشييع '
شالوا الجنـازه و وصّـل ابـن الحـنفـيّـه و شاف المصيـبه اقـبال عـينه و الرزيّه
]
فاض البقيع و فاضت ابرور المدينـه و اشـبال حيـدر بالوقار و بالسّكينه
طلعوا مـن المسجد بخوهم شـايلينه و فـرّت ابضجتها الحريـم الهاشميـّه
------------------------
مـن شـاف هـالحـاله ترجّـل عـن نجيبه ومـن شـافهم كلهم هواشـم شق جيبه
و شاف الشّهيد حسين و اتعلّى نحيبه و نـاداه خبّرني ابعجل يَبن الزّجيّه
------------------------
يحسين خبّرني عَلَي دنياي وحـشـه كلكم حريم و زلم فرّيـتوا ابدهشه
و وين الحسن لَيكون هذا النّعش نعشه وصارت الضجّه وغابت الشّمس المضيّه
------------------------
قلّه نعم هذا الحسن عزنا و ضمدنا و هالدّار ورث امـنا و بـيها قـبر جـدنا
وبـيهـا الاجانب تندفـن واحنا انطردنـا وانــا يخويـه مـقـيّـد بقيـد الوصيّه
------------------------
حن وجذب حسره وصب الدّمع سجّام ويـلاه من شمتة عدونا اُوجور لَـيّام
باجـر بشـاير ياعضيدي توصـل الشّـام وتفرح هند والحزن سهم الفاطميّه
------------------------
حطّوا النّعش ويلاه ياساعة القشره من نزّلوا مهجة الزّهرا وسط قبره
وحسـين دنـّق وانـتحب والعـين عبرى يقلّه يخويـه وداعـة الله هاي هيّه
------------------------
وهالوا تراب القبر وانهدّت اركانـه و روّوا اتـراب القبر بالمجمع اخوانه
و شمّامة الهادي الذي وجّر احـزانـه رجعـة البـيت وشوفتـه داره خليّـه
------------------------
و شوفة اجعيده جالسه شبه الحزينـه تـترقّـب الانعـام مـن نسـل اللعـينـه
و زيـنب اتنادي وين اخيّك ياولينا مظلم البـيت و موحشه الدّنيا عليّه

الحسين على قبر الحسن G
اتخوصر على قبر الحسن مهجة المختار يجذب الونّه والدّمع بالخـد نـثّـــار
]
ايـنادي يخويه موحشه ابـيوتك علـيّه والدّهر بعدك يا عضيدي خان بـيّه
مقـدر عـلى طبّـة المـنـزل هالعشيـّه وانـظر ايتامـك بالكسيره ياحمــا الجـار
------------------------
شـاقول لو قالوا يعمّي وين ابونــا وشـالبصر لو زيـنب تلقّتـني حزينـه
تلطـم عـلى الهامـه وتقول الحسن وينـه اتضيّج عليّ الواسعه و اتـزيـد لَفكــار
------------------------
اتزفّر و صاح و عبرته تجري بلخدود ودّعتـك الله يالـذي باللحد ممـدود
من هالسّفر ماظن يبومحمَّد لنا اتعود خلّيت قلبي الفرقـتك متوجّر ابنـار
------------------------
حـطّ اللبن فـوق اللحـد والدّمـع سافح و التّرب هاله و اخوته ضجّوا بصوايح
هــذا يجـود وذاك فـوق الـقـبر طـايــح وحسـين من كثر البواجي وقف محـتار
------------------------
وارى عضيده في التّرب والقلب مكسور و امن المصـيـبه حول قبر المجـتبى ايدور
واشبال هاشم حول قبره ولالهـا شـعور و كلمن الوجده يصفج اليمنه بليسار
------------------------
ردّ السـّبط تجري ادموعـه فـوق خـدّه اينادي عضيدي استوحشت دنياي بعده
و الله الأخو يكسر ظهر خيّه ابفقده دهــره يضكّـه و يمتـزج عيشه بلكدار

ابن الحنفيه على قبر الحسن...
هـذا الحسـن مدفـون يـابن الحنفيّـه غـايب يَوَسفـه ولا حضرت الهـالرزيّه
]
اتخوصـر على قـبره يهـل امدامـع العين يجذب الحسره وينتحب ويصيح يحسين
هلّي سطى وسم الحسن يليوث من وين وخـلّى البتوله بالقبر تنصب عزيّـه
------------------------
ونـادى يـبو محمَّد أسـف ماجنت يمّك و انت طريح افراش تـتلظّى ابسمّك
ياليت ضمني قبرك أُولاجان ضمّك معلـوم سمـّك مـن دسايـس آل امـيّـه
------------------------
امن الـنّوم دقـعد يالذي حلوه اطباعك انـت الذي لو تامر اعلى الموت طاعك
ياحيف خويه ماحضرت ساعة اوداعك و افديك يـا مهجة الزّهرا امن المنيّه
------------------------
خـويـه يـبو محمَّد شـعاين عقب فرقاك ابـيوتك يخويـه موحشه و ظلمه بليّاك
وسفه يبو محمَّد علينا شمتت اعـداك واحـنا تهيج احزانـنا صبح ومسيّه
------------------------
ماطالت ايّامك يبحر الكرم والجود لا تفرح العـدوان عدنا امن الفخر طود
ماينثلم عزنا وابو السـجّاد مـوجـود يتشيّـد العـز بالسّـلالـه الفاطـمـيّـه
------------------------
وعـاين أخوتـه وصاح لا يزداد همكم أشـبال حيـدر والعـدا ترهـب هممكـم
بـس يالهواشـم لا تفـوت العدا ابدمكم بالعجـل دركـوا الثّـار يليـوث الحميّه
------------------------
و هالوا على سبط الرّسول اتراب قبره و امّا الشّـهيد حسين يتنحّب ابعبره
ومحّـد سمـع منّـه يقـول انكسـر ظـهـره وحوله اليوث امن السّلاله الهاشميّه
------------------------
لكن وقفـته عْلَى البطَـل مقطوع لزنود وشاف العـلم مرمي و يمه امـّزق الجود
صاح انكسرظهري وبقيت وحيد مفرود دنهـض يعبّـاس العـدا دارت عليّه


{ في رثاء عبرة المؤمنين الإمام الشهيد أبي عبد الله
الحسين (ص) ومايتعلق بواقعة الطف }

هلال المحرم و أحزان عاشوراء G
عاشور هلّ وبالضّماير شب نيران راح الفرح عنّا وغشانا بظلمة أحـزان
]
صـارت مـآتم فـي السّماوت العليه و بنت النّبي اويا الحور نصبت له عزيّه
والـكل ينـادي يـاغريب الغـاضريّـه وهـذا يـنادي واشهـيدٍ مات عطشان
------------------------
لبست الشّيعه ابكل وادي اثياب لسواد عـافت المكسب والحزن بالقلب وقّــاد
نصبت مآتمهـا عـلى بو زيـن لـعبـاد تبـذل عـلى ابن المصطفى غالي الأثمان
------------------------
و اتشـوفها لو طـبّت المـاتم ابـزفـره هـذا يهـل دمعـه وهذا يجـر حسره
هـذا يـدق راسـه ويلطـم فـوق صـدره والكل عليه امن الحزن واللطم عنوان
------------------------
مـحّد تـولّـع بالـبكى ابكل الـبريـّـه مـثـل الحـزين الوالـه ابـن الحنـفـيّـه
هـل الهلال و هلّت ادموعـه جـريّـه بس ينتحب ويصيح ياوحشة هلوطان
------------------------
سـافر أبو السجّاد يقطع بـيد لبرور قـاصد للعـراق وتركهـا موحشه الدّور
خايف على اخواني أنا مْن أيام عاشور الله يعـوده الهالمنازل قـمـر عدنـان

الحسين في وجدان الشيعة G
وحـق راسـك المقطوع ياشمـس المضيّه للحشـر ماننسى مصابك و الرزيّـه
]
ننسى و سهم الصاب قلبك ياذرانا ذلنــا و فـت اقلوبـنـا و نكّس لوانـا
وتقطـيع جسمك بالـثّرى قطَّـع أمعانـا وخيلٍ وطت صدرك على حر الوطيّـه
------------------------
داسـت يَـبن حيدر على اصدور لمحـبّين و بقلوبنا اتخلّيك عاري ابغـير تجفين
و ذبح الطّفل ننساه هـذا امحال يحسين ولا ينّسى اركوب الوديعه عْلى مطيّه
------------------------
يحسين كلنا نعتني لك كربلا انزور بـس ما نوصّلكم و ننظر ذيـج لقبور
ندخل الحاير بالحنين و لطم لصدور و انحـوم مثـل الجلَب لوفارق حميّه
------------------------
ونشوف عد رجلك علي يحسين مدفون و اتهيج زفرتنا و يقرّح ماي لعـيون
و نـتذكّر اوقوفك علـيه ابقلب محزون محني الظّهر و اتصيح يَـبني قطعت بـيّه
------------------------
و ابكل فريضة اتروح للحاير الشّيعه و مـن مشهدك تطلع وتقصد للشّريعـه
اتزور لقمر لَزهر أبو جفوف القطـيعه شــيّال رايتكـم و سـور الهاشميّه
------------------------
و بعـد الزّيارة للمخيّم بالبجا انعود بس ما نطبها اتسيل دمعتنا بلخدود
نذكر امنادى بن سعد ياقوم فرهود حرقـوا الخـيم سلبوا الحريـم الخارجيّه
------------------------

نذكر اوقوف مخدّرتكم شابحه العين للمعركـه والخيـل حاطـت بالصّواويـن
اتـنادي يعدوان الله الله ابهالنّساوين لا تروّعوهـا راقـبـوا رب البريّـه
يا ليتنا كنا معكم G
يـامهجـة الـزّهـرا وشمـّـامـة المختـار عـفت لَوطان و جيت من جملة الزوّار
]
يحسـين مالبّاك جسمي يوم لطـفـوف عند استغاثاتك وحولك حايطه صفوف
حظّي قعد بي عن امصافح ذيج لسيوف فـازوا بْنصرتك ياشفيّه صفـوة انصـار
------------------------
و انجان مالبّى لك السـاني يصنديد يـوم اوقفِت محتار مـابين العدى اوحيد
و اتعـاين الشبّان صرعى ابغـير توسـيد لبّـاك قـلبي يـا بقيـة بـيت لَطـــهار
------------------------
قلـبي أجابك و انفطر و اتفجّـر ادمـوم وسمعي بسماع مصيبتك والنّوح كل يوم
وعيني أجابت واهمَلت منها الدّمع دوم قلبي و هواي اوياك و المهجه اشعَلت نار
------------------------
كعبة الشّيعه امصيبته اتفت الجلاميد ذاك العـزيـز اشلون يـبقى بحـرّة الـبـيد
من حول جسمه مصرَّعه ذيج الأماجيد دمهم غسل و اجفانهم سافي مْن لغبار
------------------------
يــا شيعة الكـرّار مـافـيكـم حـمـيّـه ما جان أخذتوا اجفان رحتوا الغاضريّه
شـلـتوا حماكـم لا تدوسه الاعوجيّه و جبتـوا حريمه لا تروح ابـيسر كفّـار
------------------------
قوموا نروح الغاضريّه وناخذ انعوش ونـواري أجساد بقت طعمـه للوحوش
زيـن لعـباد إمامكـم بـالمرض مدهـوش انعـزّيه باهله ومن خيمهم نخـمد النّـار
------------------------
قـوموا نـروح الكربـلا انغسّـل الشبّان ونشيل جسم حسين ونفصّل له اجفان
و راسه يشيعـه انـنزّله عن راس لسـنان والحرم نـرجعها و لزينب ناخذ خمـــار
------------------------
ظلّت تراهـي امسلّبـه وحسين مطروح وعدها عليل ومن ونينه يـذوّب الـرّوح
حرمه بلا والي تنادي وين أنا روح و حسين باليني ابـيتـامى ازغـار وكبار
------------------------
حـرمـه وغريـبه ودمعها بالخـدّ هـمّـال واصيح وين اهلي وعمامي اتعاين الحال
عندي جنازه امعطّله ولا عندي ارجال اسمعتوا يشيعه هالمصايب مثلها صار
------------------------
و انجان قـلـتوا ابـن النّـبي مَـيْـجفنـونـه هـذا شهيـد و مـن دمـاه ما يغسّلونـه
ذاك الشّهيـد اللّي يظل ما يسـلّبونه وامّا الـمسلّب ما يوارونه بـلَســتار
------------------------
و انجان قلـتوا حسـين مـتغسّـل ابدمّـه هــذا صـدق لكن اموزّع صار جسمه
و اعضاه كلها امفرّقـه قوموا نلمّه و ابقلوبنـا اندفنه ولا يـبقى بلوعـار

الزّهراء في المحشر G
مـن هالذي مقطوع راسه ياضيا العين بـس مانظرته انفطر قلبي وصار نصّين
]
من هالذي شوفة احواله تشعب الرّوح جسـمه امبضّع ياعزيزي وكلّه اجروح
بس عاينت له سال يابني الدّمع مسفوح اخـبرني هَلمقطّع يَـنور العين من ويـن
------------------------
صـاح الحسن و اتفجّرت عينه بلدموع و اتحسّـر و طوّح الونّـه ابقلب موجوع
هذا عضيدي حسين منّه الرّاس مقطوع ابنج يَزهرا جاي لا راسٍ ولا يدين
------------------------
هـذا الـذي ذبحـوا عـلى صـدره فطيمه وذبحوا اولاده واخوته وسلبوا حريمـه
وشـالوا على الخطّي عقب ذبحه كريمه هـذا الـذي خلّوه عـاري ابغير تجفين
------------------------
هـذا الـذي داس الشّمر صدره بلنعـال و انذبح ضامي ما ارتوا من ماي لزلال
هـذا الذي شـالن حـريمه فوق لـجمال مـن غـير والـي وقّـفوهـن بالـدّواويـن
------------------------
و اتجـدّد المــاتم و دمـعـتـهـا جـريــّه و اتصيح يَـبني هيّجت حزني عليّـه
هــذا الغـريب اللـي انـذبح بالغاضريّـه ايقلها نعم هذا يَـزهرا اعزيزج حسين
------------------------
اتناديه يَـبني من قطع راسك و لجفوف من كسّر اضلوعك يَعقلي بأرض لطفوف
من قطّع أوصالك يعيني ابضرب لسيوف يـا مهجتي مذبوح لا مطلب ولا ديـن
------------------------
يحسـين قـلّي مـن قطع بالسّيف نحــرك يا نـور عيني مـن وطى بالخـيل صـدرك
ومن سلَّب ايتامك وياهو حرق خدرك ويـاهو الـذي شتّت بناتي اشمال ويمين

تظلّم الزهراء يوم القيامة G
اتزلزِل المحشر وقفة الزّهرا الحزينه اتنادي يربّـي القــوم ضلعي كاسرينـه
]
دخلـوا علي البـيت عدوانـي و ولونـي و قادوا علي بـبنـود سيـفـه و سقّطوني
و نحلـة أبـويـه اتـناهبـوها و اطردوني هجموا علينا ابدارنا ولا راقـبونــا
------------------------
وعفت الدنيّه عقب ما فتّوا افّادي وعمّم كريم المرتضى سيف المرادي
وردّوا عقب عينه و عيني على اولادي واحـد قـضى مسـموم عـندي بالمدينه
------------------------
وضـل العزيز حسين بين اوغاد سـفيان وقاسى مصايب بعضها تشيّب الرّضعان
وسـافر لراضي كربلا وانذبح عطشـان مرمـي و اخوته عـن اشماله وعن يمينه
------------------------
إنـتَ يَـربّـي العـالم ابكل المصايب ضلّت بناتي من عقب عيني غرايب
للـشّـام ودّوهـم يـسـر بـين الأجـانـب و ابني علي بالقيد و الغل ماحنينه
------------------------
تـبدي الشّكايـه والدّمع بالخد مذروف بالحال ترفع طفل ابنها حسـين ملفوف
و اتصيح شيـبني يربّي يـوم لطفوف اشسـوّى الطّفل من ذنب حتّى يذبحونه
------------------------
مهجة عزيـزي ياحكيم ابسهم مذبوح و قلب الرّباب امن المصيبه صار مجروح
من شافته امغمّض ايعالج طلعـة الـرّوح و فـتّت اقـلـوب الهاشميـّات ابونـينـه
------------------------
و اتجـر ونّـه و الخلايـق كلهـم اوقوف تنـدب و ترفع بـيدها منديل ملفوف
ربّ انـتقم لي مْن الذي قطّع هلجفوف ياتي النّدا والنّاس كلهم يسمعونـه
------------------------
مـنّي يَبنت المصطفى طلبي الشّفاعه لاخـذ ابحـقّج من الطّاغي و من اتباعه
و مْن الذي للدّار جاكم بالجماعـه و مْـن الذي قـاد الوصي و روّع بنينه
------------------------
و مْن الـذي بالباب منّج كسر ضلعين و اللّي طبع جفّه على الخد وعلى العين
بشري يبنت المصطفى يم حسن وحسين هَليـوم وعـد اقطام واجعيده اللعينه
------------------------
هلـيوم يـازهرا الوفا و اقبـل الميـعاد آخذ ابحقّك مـن بـني اميّه و بـني زياد
ومـن الـذي في كربـلا عفّر لك أولاد و هـذا العزيـز انجان قصدك تنظرينه
------------------------
وتنظر العرصه والدّمع يجري مـن العين واتشوف ابنها حسين من حوله النبيّـين
بـين الخـلق واقف بلا راس وبلا ايدين و اتصيح وشهالفعل بـابني فـاعلينه
------------------------
تصرخ ابصوت ايزلزل العـالم و لَفلاك و الحور ويّاها تضـج و جْميع لَمـلاك
و تـقول ياباقـي البقيّـه مـا حضـرنـاك السّـهم فـات ولا حضرنـا يـوم جينـه
------------------------
واتعـج جمـيـع الرّسل حتّى آدم و نوح و يخاطبـون المصطفى والمصطـفى ينوح
الله يعظّـم أجرك ابسبطك المذبوح وحيدر علي يـبجي ويهل ادموع عينه

طلب البيعة منه و وداعه قبر جده '
ياكربلا امصابج على المخلوق ماصـار مثـله ولا يجـري شـبيهه بكـل الادوار
]
أرد ابـتدي و محتار و الله يـامسلمين واطلب أصلها منين جات مصيبة حسين
متـنوّعـه و متلملمـه خبروني امنـين جــف القلـم بـيدي وانا ظليت محتـار
------------------------
فكّرت واعرفت الاصل ناشي من بعيد من بدر لكن بالسّقيفه زاد توكـيد
و بانت طلايعها تلوح ابّـيعة ايزيـد و شان العواصف من تثور اتقدّم اغبار
------------------------
قــدّم نـتيجـة هنـد ليزيــد الوصيّـه نـبّه شعوره وحذّره مْن ابن الزجيّه
وقـلّـه ابـن هاشـم ترى وانت ابن اميّه وارض المدينه حاكمتها صبية النّار
------------------------
وصلت رسـاله للوليد وبعث في الحـال و الكـلّ تقهقر و السّـبط لاقـاه برجال
وقلّه الحجي بحقوق ماهو قول من قـال ياهـو ابـوه المرتضى وجدّه المختار
------------------------
عنهم طلع مغضب وحفّت بيه شجعان وظل بالقهر والذّل سليل الرّجس مروان
و بالليل راح القبر جدّه نور لَكوان يقلّـه تـرى خـانت الامّه والدّهـر جار
------------------------
اتردّد ثلاث اليال بالرّوضـه المنـيره وتـالي الليـالي انبعث بدموعٍ غزيره
واعْلَى القبر من نـام قصده يسـتـشيره وجـاه الامـر حتمي مـن الواحد القهّار
------------------------
ضمّه الصدره وقـال نـور العين يحسين بالاهـل سـافر بالعجـل واتـدارك الدّين
جـنّي أعاينكم على الغبرا مطـاعين والحرم تمشي باليسر مابـين كفّــار
------------------------
يحسـين بجـنان الخـلـد رتبـه علـيـّـه بـيهـا نجـاة اهـل الولايـه الحـيدريّـه
مَـينـالهـــا الاّ الينـذبـح بالغــاضريّــه واللي يظل جسمه رميّه بذيـج لوعــار
------------------------
مَـينالهـا الاّ اليجـتَل ابجـفّـه فطـيمـه واللي عـلى حـرّ الظّمـا ينحزكريمه
و اللي تروح اعْلَى الهزل حسّر حريمـه عجّل احرزها وخلّص الشّيعه من النّار

وداعه قبر جده G
مهجة الزّهرا فوق قبر المصطفى ينوح يـنادي من الدّنيا يَجـدّي ملّت الرّوح
]
تعفّر عـلى قـبره وزفـر زفـرة المهضوم غمّضت عينه و شاف جدّه ابعالم النّوم
ضمّـه الصدره والدّمـع بالخـد مسجـوم و قلّـه ابحريمـك و لَولاد الكربلا روح
------------------------
يحسين سـافر و اترك اديارك و لَوطـان جـنّي اعـاين جـثّتك للخيـل ميـدان
و الرّاس مثـل البـدر يزهر فـوق لسنان من تلتفت زينب تشوفـه اقبالها يلوح
------------------------
اتنجّي يعقلي ابذبحك الشّـيعه من النّـار ابذبـح شـبّانـك و ذيـج اطفال لصغـار
وتـصـير لجـلك كـربـلا مقصـد الـزّوار من عالم الذّر هالأمر مكتوب بـاللـوح
------------------------
يحسـين سـافر بالحرايـر و النّسـاوين تنـذبـح يـبني ونسوتك تدخـل دواويـن
خل تنصب الشّيعه النّياحه عليك يحسين وانتَ التنجّيها ويصير الذّنب مصفـوح
------------------------
بالله ارد اناشدكم يشيعه ردّوا اجواب لو تنفني جملة الشّيعه شيخٍ وشاب
يقابـل اتْـعـفّـر خــدّ ابو سكنه بلتراب لا والـذي مـن قـبل آدم علَّم الـرّوح
------------------------
أحلف ابحيـدر لـو انفنت جملـة الشّيعه مَـتعادل اوقوف السّبط بيده رضيعه
يجـذب الحسـره وينظر اوداجـه قطيعـه وطفله يفرفر مثل ذبح الطّير مـذبوح
------------------------
وحقّ الذي كسروا ضلعها امّ الأماجيد نسـوان شيعتهم طبق من غير تعديد
كلها مَتسوى ادخول زينب مجلس ايزيد ويّــا اليتامى وزندها بالحبل مجروح

وداع قبري أمه و أخيه G
ودّع قـبر جـدّه ورجع والقلب ممرود يـم روضة الزّهرا يون ونّة المجهود
]
اتمرّغ على الرّوضه وقلبه من الوجد ذاب و عفّر اخدوده ويـل قلبي ابذاك لتراب
ينادي عزيزج يابتوله امن الهضم شاب متحيـّر و بالوطن ما يحصل لـه اقـعود
------------------------
هلّت ادموعـه ولصق فوق القبر صدره يـبجي وينادي في أمان الله يزهـره
مكسور قلـبي امن الهضم و الله يجـبره ورد القـبر خـيّه وقلـبه بحــزن موقـود
------------------------
اتخوصر على قـبر العضيـد و يعـلم الله بـَحـزان قلـبـه يــوم صـاح اوداعة الله
هـذا يخويـه الـلّي علـينـا قــدّر الله سمّـك و ذبحي مـن قبل تكوين لوجود
------------------------
و انتَ قضيت اللّي عليك امن المنيّه و عالجت غصّتهـا وظـل اللّي عليّه
و قصدي ابهالسّفره يخويـه الغـاضريّه عنـدي خبر من طلعتي للوطن ما عود
------------------------
خويه يبومحمَّد عَلَيْ رحب الفضا ضاق و قلبي تراهو ذاب من لوعات لفراق
بَرض المدينه قبرك و قـبري بلـعراق و رد للمنازل و الدّمع يجري بلخدود
------------------------
نــادى يـدور المـجد ظلّـيتي خلـيّـه وطـوّح الونّـه وجـاوبـه ابـن الحنفيّه
وقـلـّه اشعبتني يـاغـريب الغـاضريّـه من وطن جـدّك ياعضيدي بليل مطرود
------------------------
عـندك خبر يحسين بس اتسوق لَضعان و اتشوف عيني البيت خالي من الشبّان
جسمي يذوب وينتحل من كثر لحزان جرحك ينور العين ساطي وسط لجبود
------------------------
خلني أشق جيـبي ترى ماظل لي اشعور ياليـت قـبـل تشـيل تدفـنّي بلقبـور
ولاشوف من شخصك خليّه وموحشـه الـدّور
شـايل يخويـه و للوطـن مـا ظـنّتي تـعــود

وداعه لأخيه ابن الحنفية G
اتحسّر محمَّد و انتحب و ادموعه اتسيل و نادى اتخلـّيني يخـويـه وعنّي اتشـيل
]
ويّـاك خذني جان تدري توقع حروب تدرون بيّه من قبل يحسين مهيوب
والله لخـلّي اقرومهم تمشي بلا قـلوب ضنوة أبــوالحملات ما هاب الرّجاجيل
------------------------
اتشيلون عنـّي و دوركم تبقى خليّه ظـلمـه و بـيهـا ينعـب اغراب المنـيّه
و ابقى حليف الحزن و ادموعي جريّـه مقدر على هالحال يانسل البهاليـل
------------------------
قلّـه و دموع العين تجـري و قلبه ايفور كلنا يخويه مفصّله النا ابكربلا قبور
ولا لك ويانا ياعضيدي قـبر محفور الله يمـا ادمـومٍ ابـوادي كربلا تسـيل
------------------------
لازم ابطـف الغاضريّـه يصير زلزال ولازم تخوض اخيولنا بدمـوم لبطال
و تـالي النّهار انظل ضحايا فوق لرمال كلنا عرايا اتدوس فوق اصدورنا الخيل
------------------------
هذا الذي قـدّر لـي البـاري وأراده يـبقـى عـلى التّربـان خـدّي بلا وساده
ولا شـوف لك ويّـاي يمحمّد شهـاده صب الدّمع واصفق جفوفه وصاح بالويل
------------------------
شبّـيت نـار ابمهجتي و زيّدت همّي اتفوزون بـيها و الحـزن يحسين سهمي
و الله لخلّي الدّمع طول الدّهـر يـهمي ولا بطّـل امن النّوح لا انهار ولا ليل
------------------------
قلّـه تسلّـه قال عنّي السّلوه ابعيـد لنصب الماتم و اصفج ابإيد على إيد
خايف على زينب يدخلوها على ايزيد بعـد الخدر والصّون تبقى مالـها كفيل

وداعه لأم سلمة G
أدري أظـل مطروح بـرض الغاضريّـه وهــالصّدر هـذا يصير تحت الأعوجيّه
]
وكنّي بجسمي على الثّرى مرمي رهينه و عبّاس خيّي تقطع اشماله و يميـنـه
وراسي على راس الرّمح يـبرى الظّعينه و زينب تروح اميسّره وتركب مطيّـه
------------------------
أبقى امجدّل والدّما مْن اجروحي اتسيل و انظر ابعيني اعلى حريمي حايطه الخيل
و زينب تخـلّيني غصب بـايتامها اتشيل و عقب الجلالـه ايصير اسمهـا خارجيّه
------------------------
هـذي مصارع فـتيتي و موضع اخيامي و بهالكـتر تضـرَب و تـتروّع أيتامي
و اهنا يحـز نحري الشّمر واموت ظامي وهذا الضّريح اللّي انحفر مـن قبل ليّه
------------------------
بيـده رفـع تربـه ودمـع العـين مسجوم وقال احفظيها وفرض نظريها بكل يوم
و بس ماتشوفي اتغيّرت وانقلبت ادموم ذاك الـوقت دمّـي انسفك بالغاضريّـه
------------------------
و انا ارد اشـيل ابهالعيال اصغار وكبار غصبٍ علـيـّه عـايف اوطـاني و لديـار
ولا شـوف دين الله يتحكّم بـيـه غدَّار شرع النّبي يخفى ويظهر دين أميّه
------------------------
ملزوم أنا افدي شرع ابويه ودين جدّي بَـولاد عمّي و اخوتي و جْميع ولدي
حـتّى رضـيعي وانا اضل معفور خدّي وانذبـح ظامي وينوخـذ راسـي هديّـه
------------------------
يحلـيلة المخـتـار لـج عـندي وديـعه سلميها تـالـي للولـد مفزع الشّيعه
مْن اليسـر يرجع بالارامـل و الفجيعـه و احنـا ابسفرنا ننذبح كلنا سويّـه

خروجه من المدينة وحال ابن الحنفية G
قوّض ظعونه من المدينه وسافر حسين خايف ومن خلفه محمَّد وام البنين
]
وحـالة محمَّـد ياخلق تشجـي الأعادي مشقوق جيبه ويلطم الهامه وينادي
يحسين لَتسوق الظّعن ذايب افّـادي وكلما تلومه النّاس يصفج راح اليدين
------------------------
امْن الوجد نشفت دمعْته ولو نهض طاح وكلما يسلّونه جذب ونّاته وصـاح
لحّــد يسلّيني ترى منّي الأخو راح كـلكم مـتدرون ابمصابي يامسلمين
------------------------
هـلـّي يقودون الظّعـايـن هالنّشـامـه قـلبي مهـو بـانـي عليهم بالسـّلامـه
خـايف يرد هالظّعن بـس نسوه ويتامى ريّـض لخيـك بالظّعن يا قـرّة العين
------------------------
يحسـين سلطان البلد لو عزّم يشيل تطلع النّاس اتشيّعه و تسرج على الخيل
وانـتَ يسلطـان المدينه تطلع بـليـل يحسين ويّاكم اخذوني ياضيا العين
------------------------
تـتنومس ابنصرك يـبو سكنـه الأجانب و آنـه نصيـبي الحزن وامقاسى المصايب
لـيّـه الفخر والصّيت بايّام الحرايب قـاسيت أنـا اهوال الجمل وايّام صفّين
------------------------
تدري بجسمي من المرض يحسين متعوب و الجبد مـنّي امفطّره و القلب مشعوب
و انجان فـارقني جمالك جسمي يذوب مقدر أشوف ابـيوتكم يَبن الميامين

وداع فاطمة الكبرى G
فاطم تـون وتسـحب اذيـال المصيبـه تـنادي يـبويـه لا تخـلّونـي غريـبــه
اخذونـي يـبويـه ولا تخـلّوني بلديـار يـنـتحل جسمي وبالضّماير تشتعل نار
من شوفتي ابـيوتـك عليها سـافي اغـبار جيف البصر لو نوّخ الوافد نجيـبه
------------------------
الوافـد شقلّه لو لفى يا سر لوجود خذني يـبويـه اوياك لو قلّي متى اتعـود
ضمها الصدره والدّمـع يجري بلخدود وقلهـا يـبنتي القلب زيّدتي لهـيـبـه
------------------------
ردّي المـنـازل يـا عزيـزه و انـدبـيني وقطـعي الرّجــا مـنّي ولا تـترقبـيني
صاحـت يبويه فرّقـوا بيـنك وبـيـني و صدّت لبو فاضل تنوح وتنتخي بـه
------------------------
خرّت تحب إيده و راسه صعب المراس اتقلّـه يعمّي افراق ابويـه ايشيّب الرّاس
اتوسّل بـبويـه حسين ياخـذني يَـعبّاس روحـي تـرى راحت يَسردال الحريـبه
------------------------
متعجّـبـه مـنكم يـفرسـان الحمـيّـه كلكـم غيـورين و شيمكـم هاشمـيّـه
نشّـف يعمـّي دمعـتي والتفت ليّــه وخـاطب أبـويه لا يخـلـّيني غريـبـه
------------------------
قـلّـه يخويـه هـالبجا و النّـوح فـتـني و بـنـتك تـراهـي هالعليلـه ذوّبـتـني
قـلّـه شسـوّي وكـتبـة الله قـيّـدتـني مقدر أشوف ادموعها ابخدها سجيـبه
------------------------
هـذي مهي مكتوب تـتودّى هديّـه ولا هي يخويـه مـن سبايا الغاضريّه
ردّي يبويـه وردّتـك غـصبٍ عليـه و طلبي من الله ايعودنا لديار طيـبه
------------------------
خرّت تحب رجله وتصيح بقلب مفتوت خذني ترى ينتحل منّي الجسـد واموت
مقدر على الوحده وعلى امعاين هلبيوت ظل ينتحب والحرم ضجّت مـن نحيبه
------------------------
ردّت ابحسرتها و ساق الظّعن عنها نـوبٍ تقـوم ونـوب توقـع مـن حزنهـا
ومن رجعة اخوتها وأبوها انقطع ظنها و تقول راح احجاب صوني منين أجيبه
------------------------

سفره و وقوف الوافد على بابه '
عـزّم يسافـر مهجـة الـزّهـرا الزجـيّـه و قـدّم وصيّـة مـوت لبـن الحنفيّه
]
ودّع اقـبور احباب قلبـه و عزّم ايشيل غلقوا منازلهم وساقوا الظّعن بالليـل
وخلّـوا محمَّـد يجـذب الحسرات بالويل وامّ البنـين وفاطمـه تنحب شجيّـه
------------------------
تـالي الخمسـه بـو علي وركن الهـدايـه سـافر و خـلاّ ابـيوتهم ظلما و خلايـا
شـال بعزوته وانغلق بـاب العطايـا اللّي تورده الوفّـاد كل صبح ومسيّـه
------------------------
وافـد مـن الوفّـاد اجـا الوعده الموعـود وصّل وشاف مضيف ابوالسجّاد مسدود
اتحسّر ونادى حيف يهل الكرم والجود في وين رحتـوا ودوركم ظـلّت خلـيّه
------------------------
سـاعه و لن يسمع ونين ابقلب مقروح و لنها حزينـه ابدارها تنتحب و تنوح
وقّف ابّاب الدّار واجرى الدّمع مسفوح وقلهـا يثـاكل ردّي اجوابي عليّـه
------------------------
بـالله اخبريني وين اهلهـا هالمـنـازل وفي وين سبط المصطفى كنـز الفضايل
وفتيـان هاشم ويـن حلوين الشّمايل بطـلي البواجي و خبّريـني اشهالقضيّه
------------------------
قـالت يـوافد روح لاتوقف على الباب كـل هالمنازل خاليـه والاهل غـيّاب
ابكل العشيره شال ضنوة داحي الباب قلهـا عسـى متصـير غيبتهم بطيّـه
------------------------
شهرين لو أكثر يمحزونه و يعودون انعـوِّد ابخـيـبتـنا و نرجـع من يرجعـون
قالـت يـوافـد لاتجيم و شـد لظعون خل المدينه وروح لرض الغـاضريّه
------------------------
ابحور العلم و الجود بالطّف روح ليهم حـث لـظـعـون ولا أظـن تلحق عليهم
عجّـل قبـل لايوصـل الكوفـه سبـيـهـم بلكت ابحـور الجـود ظـل منهـم بقيّـه
------------------------

دخوله مكة وخروجه منها '
شرّف ابن مكّـه ومنى الكعبه بقدومه شعـشـع الوادي كالبدر حولـه نجومه
]
اهـتزت الكعبـه مرحِّـبه بـس ماوطاهـا وامتـلا الـوادي مـن روايـح طيب طـه
حيـدر أبوه الطَهَّر الكعبـه وحماهـا بسيفه وعزمه والشّـرك فـرّق غـيومـه
------------------------
لازم الكعبـه ابوعظه و لبّى الدّعايـه و وضّح من القرآن تـثبيت الولايـه
وبـيـّن شـنايعها بـني اميّـه الدّعايــه وكل يوم للشّامـات تـتوصّل اعـلومه
------------------------
وامتلـت بالحـجّـاج مـن مكّه الوديــان وحضرت الموسم من بني الاسلام لعيان
اُووصلت مكاتيب الخيانه من اهل كوفان اُو وردت من الشّامات رايات المشومه
------------------------
وصلت بشاير عصبة الطّاغي من الشّام تظهر الحج و اسلاحها امغطّى بلحـرام
و القصد منهم ياخذون ابـثار لَصنام و امحطّـم اللات وهبل تسفك ادمومه
------------------------
حافظ على حرمة الكعبه والصّبح شال من يوم ثامن و اصبح العالم ابزلزال
و الخلق تحرم و السّبط مابين لجبال يسعي الوادي كربـلا ويحسب اليومـه
------------------------
عارضـه محمَّد والدّمع يجـري مـن العين يقلّـه يخويـه اليـوم ثـامن والقصد ويـن
نازع احرامك و الخلـق كلهم امحرمين هلّت ادموعه بوعلي وهاجت اهمومه
------------------------
يقـلّـه يـبو جـاسم مـراد جنود اميّه ايهِتكون بيت الله ابقتل عترة نبـيّه
وحجّـي بشهر عاشور برض الغاضريّـه اليـوم القيامـه شيعـتي اتجـدّد ارسـومه
------------------------
عاشر امحرّم عيدنا و احنـا الضّحايـا و ترتفع ضجّات الحجيج مـن السّبـايـا
الله يـذاك الـيـوم تـتـنكّس روايــا ويحـوم طير البين ذاك اليوم حومــه
------------------------

وداعه لإبن الحنفية G
ودعتـك الله يـاحمى الخـايف يصنديـد قلّي يـبو السّجاد وين اتعيّد العـيد
]
لاويـن قاصد يا عضيدي ابهالظّعينـه غصـبٍ علـيّ ارجـع بليّـاك المديـنـه
و انظـر ابـيوتك خاليه و بنـتك حزينـه اسكون المدينه من بعدكم صاير امجيد
------------------------
قلّـه انا ادري قلبك امن الوجد مجروح لكن عقب حجّك يخويه سـافـر وروح
سكّن بواجي بنت أخوك وخفّف النّوح و الخبر عنكم من طرفنا ما هـو ابعيد
------------------------
جان انـتصرنا يجيك مكتوب السّـلامـه وجان انذبحـنـا لازم اتـرد هاليتـامى
وبـيني وبـينك حمْرَة الدّنيـا عـلامـه و افعل يخويه امن البواجي كل مَتريد
------------------------
تلهّف على عضيده وجذب ونّه وتحسّر و شمّـه ابنحـره و للـثّرى خـر و تعفّر
وقلّـه يخـويـه اشهالحجي قلبي تفطّر سلّيت روحي من جسدها ابهالمواعيد
------------------------
مقدر أعـاين وحشـة الاوطـان يحسـين ودّعتـك الله انهـد ركـني ياضيـا العـين
بـالله دخبّرني يخويـه القصد لاوين وحـدي تخـلّـيني وتسافر بالصّناديد
------------------------
عند الوداع اتناحبت ذيـج الحموله هــذا يلـوج وذاك عـبراتـه هـمولـه
لَطفال تبجي و الحريم اتحوم حوله وزينب تنـادي هالبجا و النّوح مَـيفيد
------------------------
قلهـا يزينب سفرتك تصعب عليّـه مرتـاب قـلـبي مـن اطفوف الغـاضريّـه
وعقـب الخـدر خـوفي يركبونك مطيّه و تمشين حسـره اميسّره للفاجر ايزيد

لقاؤه مع عبدالله بن جعفر G
هذي ظعينه ماشيه مشية سـلاطين عدهم هوادج واظن ويّاهـم نساويـن
]
هـذي ظعينـه ماشيه والله عجــايب كلهـا سويّـه طـالعـه خيـل و رجـايـب
مدري برض مكّه اشحلّت من مصايب الحاج يلفي وهالرّكب لاويـن ماشـين
------------------------
الحــاج يلـفي وهالظّعـن لاوين خـارج و مكـه تمـوج و بالمـلا حلّت صواعـج
ليتـك يبويه تشوف زينة هالهـوادج بيها يـبويه حافّه اليوث وشـياهـين
------------------------
كــل الهوادج حافّه الشـبّـان بـيهـا تشـبـه اليـوث الغـاب بـس تفتر عليهـا
والنّـوق كلها من الحرير ملبّسـيهـا جنها بنـات اشـراف هـيأة هالخواتـين
------------------------
قـدّامهم فـارس وشـعر الـرّاس مـنشور بيده علم يشبه علم حيدر المنصور
قـايـد النّاقـه وينتخي والسّـيف مشهور مثل الأسد يبرى الظّعينه شمـال ويمـين
------------------------
رايـاتهـم كـلهــا يـبويــه حـيـدريّــه وامّــا شمايلهـم بــلا شـك هاشميّـه
وهــاي الهوادج للحريـم الفاطميّــه واللي على الميمون جـنّه خالي حسـين
------------------------
واللـي يسوقون الظّعـن كلهم هواشـم والنّـوق هـاي محمّله عليها الفواطـم
وذاك البطـل عبّـاس والأكـبر وجاسـم شـبّان كلهم للحرايـب مستـعدّين
------------------------
ومـدري يسوقون الظّعن لاوين يردون شـنهو السّـبب باجر الموقف ما يحجّون
واسـمع الحـادي و الحـرم كلهم يحنّون حـن ولطـم صدره وهلّت دمعة العين
------------------------
سـاعه ولـنّ الخيـل وصلت والرّجاجيل وعْـلَى الاجتاف سيوفهم كلها مساليل
تـلقّـاه يتلهّف ودمعــه بخدّه يسـيل و يقـول بهـلك والحريم تريد لاويـن
------------------------
هيّجـت حزني ابهالسّفر لاويـن شايل تخـلّـون حجكم ليـش من دون القبايل
قصـدك الكوفه لـو تردّون المنــازل نازع احرامك والخلـق كلهم محرمـين
------------------------
قـلـّه ودمع العين فوق الخـدّ منثور حـجّي بطـف الغاضريّـه يـوم عاشــور
عنـدي ضحايــا بكربـلا شبـان وبـدور نغتسل من فيض الدّما ونبقى مطاعين

بكاء إبن الحنفية على فراقه G
والله مهل هلال عيدي يـم البنين هـلال عيدي تعرفينه غـرّة حسـين
]
و انجان عندك علم أخويه حسين بيعود سالم ولاحد من أخواني يروح مفقـود
ويـرد ابو فاضـل علينـا صاحب الـزّود واجـب علينا العيد لرجوع السّلاطين
------------------------
و انـجان ما عندك خـبر ظـلّي حـزينـه وثـوب الحـزن هاليوم لازم تلبسينه
خــلّى محمَّـد يصفـج شمالـه ويمينـه ويـن الفرح و العيد و اخواني بعيدين
------------------------
صاحت ودمع عيونها يجري على الخد معـذور لـو سـاهرت ليلك يا محمّد
خـلنـا عـلى بـاب المدينـه نروح نـقعـد ونسأل عن شيوخ الهواشم عيّدوا وين
------------------------
حـنّ و تـزفّر و اهملت بالدّمع عـيـنـه مـا أبرح الا واقـف ابـبّـاب المـدينـه
الغـلمـان كلمـن مـر عليهـم يسـألونـه ماشوف علم سرور لافيني عن حسين
------------------------
نـاسٍ يقولـوا لـي وصـل مكّـه وسـالم و نـاسٍ يقولـوا لـي عضيدك طلع هايم
وانــا أحـزاني زايـده والـدّمـع سـاجـم مـا أسمـع الاّ بدورهـم حل ناعي البين
------------------------
جبدي انفتت و القلب فايض من الـهم و حـزنـي يهـد أركـان ثلهـان ويلملـم
وعندي صباح العيد مثـل الليل الاظلـم بـعـد الأهـل لا تغمضين الليـل ياعـين
------------------------
لازم يريــد العـيـد هـيأه وزينـة أحـوال وانــا الا دوبـي أنتحب والدّمع همّـال
وشـلون أعـيّد و الأخو من منزله شال وانحلت جسمي من نواعيها امّ البـنـين

حزن ابن الحنفية على وحشة الدور G
محمَّد ينادي ويصفج شمـاله بيمينـه لاتذكرون العيـد لـي يهـل المدينه
]
دوبــه يجـر ونّــه ويـصفـج إيـد بـإيــد يـهـل المدينـه لا تهـنّـونـي ابهالعـيـد
مشـتـغـل باحزاني على فراق الصناديد والعيد من بعد أخوتي ويني وينـه
------------------------
بعـد العزيز حسين ويني و وين السرور شلون أعيّـد والأخـو هايـم بالبرور
ومن عزوتي ظلّت خليّه وموحشه الدّور ومجلس أخويه حسين بابه سادّينـه
------------------------
يحـرم عليّـه العيـد من بعد الهواشم أبـو عـلي وعبـاس والأكـبر وجاسم
نـذرٍ عليّـه جان عـاد حسين سالم العيد والله لانصبه من قـبل حينـه
------------------------
و انجان عـاد حسـين سـالم ويّا الـكرام والله لسـوّي العيـد واجـب سبعـة أيّـام
واعمـل الزّينه بالمدينه وانشر أعلام يـابـو عـلي هـالعيد وين معـيّدينـه
------------------------
شـيّبت راسـي يالأخو من قبـل لمشيب بعـدك فـلا عيشـي هني ولا قلبي يطيب
وتـتزايـد احزانـي مـن أنظر هالمحـاريب ظلمه ونـور حسـين منها فاقديـنـه
------------------------
ويـنظـر غـراب البـين ينعى بالمنازل و يصيـح مـن قـلبٍ حزين ودمع سايل
يـغراب قـلّي ويـن اخـويه حسين نازل وبـأيّ وادي عـزوتي حطّـوا الظّعـينـه
------------------------
هيّجت حزنـي يـاغراب البـين بـنـعـاك خايف على خيّي وعضيدي يذبح هناك
يـاليـتني شـايل يـنـور العـين ويـّـاك ولاجان تتركني يخويـه بالمديـنـه
------------------------
ويدخـل على فاطـم وهـي تجذب الونّه يقلـها يـبنتي بـونّـتك ضلـعي تحـنّـى
تدريـن ابوج حسـين بـاع السّهم منّـا و خلاّنـي و خلاّج يافاطـم حزيـنـه
------------------------
و اهل المدينه جوا يهنّوني ابهالعيـد مـن حـين سمعت لطمت الخدّين بالإيد
ويـن الفـرح ياعـم واهـلـي عـنّي بعـيد العـيــد ياعـمّي فـلا يطـري علينـا
------------------------
الـعـيـد لمّـن يزهـر المنـزل بالحسـين أنشر بـيارق في المدينه شمال ويمـين
وافـرح واودّي بالبشـاره لأم البنين بعــد الفـرح وتعـود دولتـنا علينا
------------------------
مـن هـالسّـفر يـاعـم ماظنهـم يعودون من حيث أناقلبي عْلَى بويه حسين محزون
و انجان وصلوا كربـلا مـا ظـنّتي يجـون مـا نسـمع إلا بعـلم أبويـه ذابحينه

أحوال فاطمة العليلة بعد أبيها‚
لحّــد يـبويـه وقـفت ابـبّابك الوفّاد ناخت ركايبها على جـاري المعتاد
]
أصبح أنـا و امسي اتسامـرني اهمومي بالنّوح دايم ينقضي وبالفكر يومـي
والليل لو هـوّد علي حاربت نومـي والمرض ناحلني وعفت الشّرب والزّاد
------------------------
من يــوم سفرتكم يبويه مواعديــني تخلّون واحد من بـني هاشم يجـيـني
جنّكم نسيـتوني او وحيـده تـاركيني يا ياب ويّاي الدّهـر يمشي بالعـناد
------------------------
مـاهي مـروّه يهـل المـروّه تقطعـون مكتوب لا يوصـل ولا طـارش تـودّون
تبقون للتّالي بسفركم لو تعــودون ياكرام كل مايمر يـوم الحزن يزداد
------------------------
كل يوم أقول أخبار توصل عن سفركم لـو طـارش بمكتوب يشـرح لي خبركم
مدري أَءَيِّس يا هــلي لو أنتظـركم طالت المدّه وبالخطر حسّيت يمجاد
------------------------
قبل المشيب من الحزن راسي ترا شـاب وامّا اليهيّج لوعـتي و حتّى القلب ذاب
امّا غراب ينوح لو وافد على البـاب يسأل يهَل هالبيت راعـي البيت ماعـاد
------------------------
نوبٍ أقول الطّير بالصّــــدفه نعيبـه ماهو خــــبر ميشـوم يتعنّى و يجيبه
و نوبٍ أقول ابهالسّفر مدري اشيصيبه عزنا و جانون الجفـا بالقلب وقّاد

الوافد على باب الحسين‚
بَطْلي البواجي يالّذي وحدج تنوحــين وافد أنـا وقصدي ملاذ الوافد حسين
]
من قبل مدّه فارقت هالبيت معمـور يهل السّـياده و هالمنازل تسطع بنور
وديوان أبو السجّاد زاهي بذيج البـدور تنصى له الوفّاد كل ساعه وكل حـين
------------------------
هذا مهو بيت النبوّه و الإمــــامــه بـيـــه التّلاوه دوم و الهيـــبه علامه
و هـذا غراب البين ينعب بانهدامه أهله دقولي يا حزينه سافروا ويـن
------------------------
قالت يَوَافد جان تسأَلني عن الحـال اسمـع جوابي وارجع ولا تحطّ الرْحال
ملجا الوفودحسين عاف اوطانه وشال سـافر بخوته وعزوته حتّى النّساوين
------------------------
سافر و خلاّني و لا تقلّي متى يعـود شـوف النّـزل خالي وباب الدّار مسدود
راح العميد الجان بالشّدّات مقصـود قصده العراق و نيّته يتدارك الدّين
------------------------
مَتْفيدك الوَقْفَه حـزيــن اببّاب داره اقصد الوادي كربلا تعرف اخباره
ذبحوه ظامي و نسوتـه راحـن يسـارى وخلّوه مرمي على التّراب بغير تجفين
------------------------
و انجان مقصودك من حسين الوفاده أيِّـس تراهو راح و انقطعت الـعـاده
وخوته وشيال اللوا و مهجة افّـاده قبلـه قضوا كلهم وعاينهم مطاعين
------------------------
قلها يروح و لا يخلي مـن اخوانـه ضيغـم يقــوم بواجبه و يلزم مكانه
قالت بقى محمَّد و دهْشَـتَّـه احزانه هـاللي تسمعه يجذب الحسره بالونين

استنهاض ابن الحنفية للنصرة‚
ياللي تـون بالدّار بطّل من هالونين واتبـع اثــر كهف اليتامى والمساكين
]
عِنّ الحصــــان و ثور يابن الحنفيّـه وخلّ البجا و الحق غريب الغاضريّه
واحمي الوطيس وكون جيدوم السّريّـه فاتت عليك اشلون ياحر نصرة حسين
------------------------
تزفّر وصاح اللوم هَدْ جسمي وبرانـي فـازوا بنصرته وقعد بي حظّي وزماني
هاي السّعاده حظوظ ماهي بالتّمانـي عـالي الدّرج مايصعده مقيّـد الرّجلين
------------------------
هذي مراتب و المراتب تـبـغي حظـوظ شبيدي وانا عند أخوي حسين ملحوظ
جون ارتفع حظّه وحظّي صار مخفوض أنصـار اخويه اختارهم عالم التّكوين
------------------------
سود المصــــايب بالنّـــياحـه ولّعـنّي عـالن علَيْ و بعـزوتي كلها افجَعني
عندي خبر من شال اخوي حسين عنّي مَتْـعود من ذيـج الحموله الاّ النّساوين
------------------------
وابّاب بيت حسين لا توقفوا يالوفـود راح السّـبط وانغلق باب الكرم والجود
قالوا نروح اليوم لكن تــالي نعـود وقت اليعود حسين وتعود الشّياهين
------------------------
قلهم يقلّوا لي تسلّى من الحزن هـيد وانـا انظـر بعـيني مـن اخواني الصّناديد
الدّار قَفْرا و المزار بكربلا بعـــيــد والله حزنهم يا خلايـق يعمي العـين
------------------------
يترادف عليّه الحزن و آنا بمـجانـي أسمع حزينه تنــوح و تهيّج احزانـي
والاّ عليله تصيح ابو الشّيمه جفانـي موحش علَيْ ليلي ونهاري يا مسلمـين

فاطمة العليله تبعث رسولا للحسين‚
يَمْرَخِّت المركوب خبّرني القصد وين بلكت على دربك تمــر باهلي الطّيبين
]
أهلي طبق شالوا و خلّوني وحيـده و غــلّق أبويه الدّور و الغايه بعيده
العراق قصده و انقضت مدّه مديـده ولاشـوف لافيني أثر منهم و لا عين
------------------------
قـــلها تركتي عبرتي بخدّي همولـه غيّاب اِلِـج جـنّك و مجفـيّه و علـيله
ياهو أبوج أنتي و هَلِـج مـن ياحموله قالت هلي بيت النّبوّه ووالدي حسين
------------------------
مَمْنون قلها وبالعجل حضري كتـابــج أوصل على عيني وعلى راسي احـبابـج
أخبرهم ابـحالـج و ابلّغهم اعـتـابـج وارجـع لـج بمكتوب من نور المسلمين
------------------------
قالت أريد أوصيك جان وصلت ليهـم سايـل عن أخواني و سلّم لي عليهم
قلهم تراني على الوعد دوم أرتجيهـم آخـر فرد واحد يجي هالكثر جافين
------------------------
يدرون حرمه وفارقوها كلّ الاحبـاب أخبــار عنهم ماتجي ولا يوصل كتاب
وامّا المصيبه لو وقف وافد على البــاب ونَوَّخ ذلوله وصاح غيث الممْحَله وين
------------------------
لازم أقلّه لو نشد يمـــتى يرجعـون يـبطون بـالغيـبه الهواشـم لـو يسـرعون
أرجع وعود الرّاس تالي بلكت يجـون لـو طـالت الغـيبه يوافـد شهر شهرين
------------------------
مرّت شهور ولا لفتني منهم اخبـار طـالت الغيبه بحالهم مايندرى اشصار
العراق معروفه بغدر و الدّهـر غــدّار هذا الذي نغّص حـياتي واسهر العـين

وصول كتاب العليله للحسين‚
مـرسول جـا بخطّ العليله الغاضريّه وشـاف السّبط مفرود بين جنود أميّه
]
طب و تدنّى يَمّ أبو سكنه وحيّـاه مفرود شافه والعساكر تزحف حذاه
و مصرّعه رجـاله عن شماله و يمناه سلّـم له المكتوب و ابـداه بالتحيّه
------------------------
ردّ السّلام وقال جيتك يا فتى منـين قلّـه من ارض طيبه أنا مرسول يحسين
ببيوتكم حرمه غريـــبه انتو مخـلّـين فنها النّياحه كل صباح وكل مسيّـه
------------------------
تشكي من الوحده الجفا وتكْثِر عتبها وتخـتـنِق بالعبره و يســـبقها نحـبهـا
تصيح الغصص كلها عليّ الدّهر ذبها أنـعى و اعـــد أيام بديــــارٍ خليّـه
------------------------
هلّت دموعه وجذب حسره وفض لكتاب يَمْ جسم لكبر وقّف و منّه القلب ذاب
وقلّه ينور العين دنهض عـن هـالـتراب واسمع سلام اختك و عتبتها علـيّه
------------------------
وصد للشّريعه والقلب بالوجد مشبوب ينـده يعــــبّاس انتبه عاين يَمَهيوب
من بنت اخوكم ياعضيدي جاي مكتوب تنتـظر رجعتكم و رجعــتـنـا سويّه
------------------------
للخـــيم ردّ يصيح زينب يا حزينـه طارش وصل بيده سلام من المدينه
من فاطمه وتعتب من اللوعه علينـا ظنّت نسيناها و مَـتَدري شـالقضيّه
------------------------
و أدّى التّحــيّـه للعليل من العليلـه شـافه مسجى و صاح زينب سنّدي له
يمّه قعــد قلّه عسى احوالك جميلـه تجلّد و وَنّ و فتح عينه بْوَجْه ابـيّه
------------------------
و قلّه يبويه وين صاحب هالرّسالـه من ارض المدينه جاي لابد من سؤالـه
حـــالة المحزونه العليله شلون حالـه بالليل أظن مستوحشه وتصبح شجيّـه

أم البنين تسأل ابن الحنفية عن الحسين‚
أم البّنـين تصــيـح يـابـن الحنفـــيّه بحسين خــبّر ويـــن نازل هالمسيـّه
]
مستوحـشه طيبه علينا بعـد لحسين من طلع من مكّه مَندري احنا نزل وين
في وين خبّرني نزل يَبْن الميـــامين ما جــاك عنّـــــه خــــبر يَبْن الحنفيّه
------------------------
معلـوم مــا عندك ضمدنا وين هيّد يقولون طب مكّه وقضى للحج مفرد
وسافر ولا ندري بعد في وين عيّد كلما أجـي لك و اسألك تخـفي علـيّه
------------------------
قلها وقلبه من المصايب يوقد وقيـد بـتْسايلـيني ويـن أخـيّـي عيّـد العـيد
مَدْري بعزِم سبط النّبي أي بلده يريد يرجع الطــيبه لـو يروح الغاضريّه
------------------------
لكن اخبرج و القلب صادي وملهوف حزنه حنى ضلوعي وخلّى الدّمع مذروف
خيّي نزل وادي يسمّى أرض لطفوف ومن كل كتر دارت عليه علوج أميّه
------------------------
ولن الدّمع منها على الخدّين مسـفوح وتصيح يـبني قـوم شــد رحالك نـروح
نتدارك المظـلوم قبل يروح مذبـوح وانصر اخوك حسين ياحر ياشفيّه
------------------------
قلها و تزفّـر و هْمَلت بالدّمع عينه اطراد يوم الطّف انـا ويـني و وينه
فاز الذي دون السّبـط تقطع يمينه مثل البـطل عبّاس جيدوم السّريّـه
------------------------
قالت و هى قلبي و هلّت دمعة العين فال السّـــلامه فالهـــم يَـبْن الميامين
الله يردهم بالسّلامه و يرجع حسين يظلّل علـيـــنا و نلتجي يبني بفـيّه

رؤيا أم سلمة النبي بعد المصرع G
بـدار الـنّبي ضجّت حريـم الهاشميّين زوجـة الهادي بـينهم تلطم الخدّين
]
اتنادي وعدني ابهالأمر خـير البريّـه و تربـه عطاني من تراب الغاضريّه
وقلّي من تشوفي الدّما منها جريّـه من غـير شكّ بكربلا متعفّر حسين
------------------------
وهسّا شفت بالطّيف خير الرّسل محزون مغبرّ لونه و الدّمع يجـري من العيون
يقلّي نظرت حسين عاري موش مدفون وادْفنت جسمه اللّي بقى من غير تجفين
------------------------
شِفْته على الخـدّين تـتـهامل ادموعه اينادي السّبط هيهات لَوْطانه ارجوعه
حزوا كريمه بْكَربلا و رضّوا اضلوعه حتّى الدّعي الجمّال اجاه وحز اليدين
------------------------
و فزّيت للتّربة وشِفِتْها فايضه دموم والكون متغيّر و عندي صار معلـوم
سبط النّبي بالغاضريّه انذبح هاليـوم اشبيدي تظل مشتّته ذيج النّساوين
------------------------
صرخت وشقّت جيبها ونصبت عزاها ولطمت صدرهاوضجّت النّسوه وياها
و من سمع بن عبّاس صيحتها لفاهـا يقلها يَيُمَّه هالخبر لافي لـج مـنـين
------------------------
والله شعبتي قلوبـنا شْعِنْدِك مـن مصاب تنعّين جـنِّـج فاقده جمله مـن لَحـباب
الله الكافي كل أهلنا بْسَفر غـيّـاب صاحت يَـبِن عبّاس هالماتم على حسين
------------------------
مأجور راح حسين واخوانه و بنينـه وظـلّت بيوته موحشه و ظلمه المدينه
وحرقوا خيامه واعظم مصيبه علينـه بـين الأعـادي بلا ستر مشي النّساوين
------------------------
شيخ العشيره والعشيره زغار وكبـار كلهم يبن عبّـاس راحـوا ضَحْوَة نْهَار
خلصوا ذبح والحرم تتشَهَّر بالامصــار واعظم مصيبه وقوف زينب بالدّواوين

نوح الغراب على منزل الحسين G
مـن هالذي تنـــعاه يَغْراب المنـــيّه ذوّبت قلبي و هيّجت حزني عليّه
]
بهالبيت وحدي وشيّبت راسي المصايب راحوا وخلّوني وحيده شبال غالب
وكلمَن سألني قلت ابويه حسين غايب كل يوم اقول اليوم أبويه يعـود ليّه
------------------------
ومن سافروا ما شوف منهم خبرجانـي وشـيخ العشيره حسين ضيّعني ونسانـي
و انا علــيله و المرض غـــيّر الوانـي مَقْـدَر أعـــاين دورهم كلها خليّه
------------------------
وانجان عندك خبر عـنهم خـيّموا ويـن بـالله دِخّبرني و اظنّك ناعي البـين
قلها يفاطم جدّدي الماتم عـلى حـسـين لا ترتـجـينه يعـود الـج يــا هاشميّه
------------------------
صاحت و دمع عيونها قرّح من النّـوح أرد انشدك ميّت على فراشه لو مذبوح
قلها تركته بكربلا بالشّمس مطـروح عاري الجسد تسْحق علـيه الأعوجـيه
------------------------
حنّت ونادت و الدّمع بالخد سجّاب انجـان شفْت حسين مرمي فوق التراب
ماظلّ الي من عزوتي شيخٍ ولا شـاب كلهم طبق راحـوا ودهري خان بيّه
------------------------
قلها يفاطم جاسم و لَكبر و عـبّاس ما واحد إلا وصدره بخـيل العدا انـداس
ولا شفت منهم واحد على جثّتـه راس والـرّوس كلها فـوق روس السّمهريّه
------------------------
نادت اخبرني يا غراب البـين عنهم وارَوا جثـثهم لـو بقوا محّد دفـنهم
ويا هو البقى لارض المدينه يـرد ظعنهم ويـاهو الذي يباري ظعون الهاشميّه
------------------------
قلها زجر ساق لظعون بذيـج الايـتــام وشمر الخـنا قوّض بـراس حسـين قــدّام
ودّوهم الكوفه وتالي راحـوا الشّام وزينب جسمها نحّله ركوب المطيّـه

مسلم بن عقيل على باب طوعه G
مسلم وقف يم باب طوعه يدير لَفكار خجـلان راسه منكّسه والدّمع نثار
]
وطوعه تقلّه شحاجتك من وقفتك هاي قلهـا وهو مغبون يخفي الصّوت بهداي
عطشان أنا بالله دطلعي لي شوي ماي جـابت الماي وشرب منّه ووقف محتار
------------------------
قالت شربت الماي لا توقف على الباب عيب على مثلك وقفتك ببيوت لجناب
جنّك جليـل و شوفتك يا شهم تنهـاب لهلك دروح القمر غـرّب والنّجـم دار
------------------------
روح بعجـل لهلك قبـل مـا يظلم اللـيل واقف تفكّر والدّمع بخدودك يسيل
ما عندك ابهالبلـد عـزوه و لا رجاجيل قلهـا غـريب ولا أهـل عندي ولا دار
------------------------
قلها غريب ابهالمدينـه ولالي أوطان وخانت بي الكوفه وانا مفرد بلا عوان
و محّـد يـودّي لـي خـبر لـولاد عدنـان يقلهم ترى مسلم بليّا انصار محتار
------------------------
قـالت هـلك فـي ويـن قلهـا في المدينة وعنهـا ارتحلنـا والدّهـر جاير علينه
عـمّي عـلي ومسلم أنـا اللّي يـذكرونه مخـذول وامسيت ابّلدكم مالي أنصـار

مقاتلته وأسره G
ليتك شفت مسلم برض كوفان يحسين زلزل نواحيها ورجها وماله مـعين
]
صـوّل عليهم يشبه الكرّار بالسّيف ضيّـق مناسمهـا و تولاهـا بـأراجيـف
ومن العطش ملهوف قلبه والوكت صيف و الخلـق باطنان القصب تلهب الصّوبين
------------------------
لـولا القضا و الحيلـة اللّي دبّروهـا حفـروا بميدانـه حفـيره و سـتّروهــا
وبيـهـا تقنطـر و المحاسن جـرّحوهــا وصابه بن الاشعث ويح قلبي بمحجر العين
------------------------
وطوعه تصيح على السّطح وشهالكسيره ليتك حضرت اتشوف ياشيخ العشـيره
بـن عمّك الموثوق طـايـح بالحفيره وقادوه مثـل الطّير مكسور الجنـاحـين
------------------------
وظلّت تنخّيهم يهـل كوفـان رحمـوه هذا ابن اخو الكرّار حـيدر لا تسحبوه
خلـّوه يمشـي براحتـه قـلبي شعبتوه خافـوا من الله مالكم مذهب ولادين
------------------------
صـاحت يمسلم واعظمها خجلتي فيك شبيدي واناحرمه وضعيفه ولااقدر احميك
لو يتركونك جان أفت قلـبي واداويـك انجـان سلَمِت من كيدهم سلّم علىحسين
------------------------
قلهـا يطوعـه اليـوم مـا تحصـل سلامـه أوصيج جان ابهلبلـد طـبّ‍وا يتـامـى
قـولي تـرى مسلم يبلّغكـم سـلامــه واجرج على الله و النّبي سيّد الكونين
------------------------
تجـيكم يطوعه مخـدّرة حيـدر على كور جنّي أراها ابهالسّكك بـيتامهـا اتدور
حسَّر على هزّل وراس حسين مشهور وتدخل على ابن زياد ويّاها النّسـاوين

إلقاؤه من أعلى القصر G
صعدوا بمسلم والدّمع يجري من العين ووجّـه بوجهه للحجاز يخاطب حسين
]
يحسـين أنـا مقتـول ردّوا لا تجـوني خـانوا هـل الكوفـه عـقب مـا بايعوني
وللفـاجـر ابن زياد كلهم سـلّمونـي مفرود وانتـو ياهـلي عـنّي بعيدين
------------------------
يـاليـت هالـدّم الـذي يجري على القاع مسفوح بين يديك يامكسور الاضلاع
ياحيف منّك ما احتضيت بساعة وداع بيني و بيـنك ياحبـيبي فـرّق البـين
------------------------
مـا هيـّج اهمومي الـذي جـاري عليّـه وجـدي وحـزني الجـيّتك يـابن الشفيّه
خـوفي تجـي ويصدر عليك الصار بـيّـه وتضيع مـن بعـدك يـبن عمّي الخواتين
------------------------
صـاح الدّعـي ابـن زياد فيهم لا تمهلوه بالعجـل مـن فـوق القصـر للقاع ذبّوه
قطعوا كريمـه والجسـد بالسّوق سحبوه بالحبـل مـا بين الملا وافجعة الدّين
------------------------
وسْفَه الجسـد ذبّـوه مـن قصـر الإماره ويـزيـد لرض الشّـام راحت لـه بشاره
وجان ايترجّى حسين وانقطعت اخباره وزينب تنشده اشخبر مسلم ياضيا العين
------------------------
يحســين مسـلم مـالفت منّــه مكـاتيب شـالسّـبب مـيطرّش خبر نفهم التّرتيب
والله مـن الكوفـه يخويـه قـلبي مـريـب ذبحوا علي وخانوا بعهد الحسـن يحسين
------------------------
قلهـا الخـبر عـندي يمهجة سـرّ الوجود مسـلم مـن الكوفـه يـنور العـين ميعود
جنّي أشوفـنّه بسـوق الغـنم ممـدود مـابينهم ينسـحب ما جنهم مسـلمين

وصول خبر مقتله للحسين '
غـادر الكعبه نـور مكّـه و المدينـه يـوم الذي بكوفـان مسـلم قاتلينه
]
غـادر الكعبـه بعيلته وجملـة رجالـه محافظ على حرمة الكعبه و الرّسالـه
وناجـاه من وادي القدس ربّ الجلالـه يحسين ياللي عـن جـواري طاردينه
------------------------
فــي كـربـلا قـبرك يـشمّـامـة المخـتـار لازم أخلّـي كـربـلا مـقصـد الـزوّار
واتـرك العـالم حـول قـبرك ليـل ونهـار وكلهم يبو السجّاد من فاضل الطّينـه
------------------------
سـافر يحـثّ السّـيْر ويلقّط انصـاره كــل فـرد منهـم للنّصـر ربـّـه اخـتاره
منهـم نواصب جانـوا و منهم نصـارى و منهم يرخّصهم يريـد يفارقـونــه
------------------------
ويـلاه مـن وصلـت ظعـينـتهـم زبـالـه وطنّب خيامـه ونزل واجتمعت رجالـه
بصيوانـه العـالي ولـن الخبر جـا لـه عن جسد مسلم بالشّوارع يسحبونـه
------------------------
خـانت الكوفـه وهاي عاده الهم قديمـه و الخـبر شــاع وبالبجا عجّت حريمـه
وخـلّى بحجـره ابـن البتـول اوّل يـتيمه وحسّـت الطّفله ولـن مدامعها هتونـه
------------------------
تقلّـه يـعمّي قـبـل مـاشفتك تجـيـني بحجـرك تحطـني وتمسـح براسي وجبيني
وهــذي إشــارات اليـتـم يـانـور عيـني دنّــق وقبّلهـا وغـمرها بدمع عينه
------------------------
حـنّت ولطمت راسـها وحسـين يمـهـا فقد الابـو جايـد ولكن زاد همها
خـافـت عقـب فـقد الأبو ينفقد عمها و تصبـح يتيمـه مـن هالاثنين الحزيـنه
------------------------
سـألت سـكينـه عن حميـده رايحـه وين قالـوا لهـا مطـرّش عليهـا خالهـا حسين
راحـت ولـن تشـوفهـا تلطـم الخـدّيـن وخرّت عليها معولـه وتنحب سكينـه
------------------------
ضمهن الصدره بوعلي والدّمع مسجوم يمسح مدامعهن و هاجت بـيه لهموم
وخـاطب سكينه وقال يعزيزه إلك يوم ثـوب الـحزن واليتم لازم تلبسينـه

بكاء بنت مسلم G
قـلبي كسَرتـه يـا غريب الغاضريـّه مثــل اليتامى تمسـح بكفّـك عليّـه
]
تمسـح على راسـي ودمـع العـين همّال جنّي يتيمـه الكافي الله مـن هالاحوال
ما عوّدتني ابهالفعل من قبل يا خال خلّيت عـبراتـي على خـدّي جريّه
------------------------
بمسحك على راسي تركت القلب ذايب هـذا يعمّـي مـن علامات المصايب
قـلبي تـروّع حـيث ابويـه بسَفَر غـايب طوّل الغيبه يعوده الله بعَجَل لـيّـه
------------------------
ضَمها الصدره والدّمـع يجـري بالخدود و قَلْهـا يَفَاطم والـدج ماظنّتي يعود
شهقت وظلّت تنتحب وبروحها تجود و نـادت يـعمّي لا تفـاول بــالمنـيّـه
------------------------
سـافر عسـاه يعـود ليـّه بـالسـّلامـه واجلس بحجره وينشرح صدري بكلامه
شنهو اسمعت عن و الدي حلو الجهامه قلهـا يـبنتي غـيـبته عـنّـج بطيّه
------------------------
جـاني الخـبر عـن حال مسلم يا حزينه يقولـون مـن قصـر الامـاره ذابـّينــه
وبـالحبـل بالاسـواق جسمـه يسحبونـه وراسه المشكّر راح للطّاغي هديّـه
------------------------
صرخت الطّفله والدّمع بخدودها يسيح وتقوم مذعوره وعلى وجه الثرا تّطيــح
تلطم على الهامه بعَشِرْها و نوبٍ تصيح قومي يَـيُمّه والبسي حداد الرّزيّـه

رثاء طفلي مسلم بن عقيل G
فـرّوا يتـامى اثـنين مـن خيمـة المظلوم وامهـم تحـوم محـيّره والقلب مهمــوم
]
طلـعت تحـن وتصـيح يـا زينـب تعـالي و الله مصايب يا خلق تـيّهت بـالـي
هـاموا اولادي ابهالـفضـا يـاذل حـالي راحوا و خلّوني حزيـنه ابحـال ميشوم
------------------------
كـثر المصايب يـا خـلايق تذهـل الرّاي كلهم السّاعه اتذبّحـوا يا خلـق وِلْيـاي
ظـنّيت هالطّفلين تبقى سلوه ويـاي بالبرّ تاهــوا وبطلبهـم محـّـد يقـوم
------------------------
والله مصايب بـو علي فـتّت افّــادي قــومي يزينب بالعَجــل نـنـظر الوادي
من الخوف فرّوا للفضا وتاهوا اولادي يحرسكم الله ياضـيا عـيـني مـن القوم
------------------------
يـا ليتكم لـيّه بسـلامتكم تـرجعـون ربّـيـتكـم يا مهجة قليـبي و تضيعون
يايـْتَام مَـدْري وين هالليله تنـامـون يطلَعْكم الله من الكوفه بلدة الشّـوم
------------------------
و انـجان يَـوْلادي وصلتوا للمديـنـه خـبروا محمَّـد بالّـذي جـاري علينـا
وقـولوا تـرى زينب ترَكْنـاهـا حـزيـنـه و ذيـج اليتامى بالهجير اتطيح وتقــوم
------------------------
هـالبرّ الاقـفَر لا نَـزِل يوجـد ولا بـلاد خوفي عليكم يا ولادي من ابن زيـاد
ماظل أحد من عزوتي يطلب هالاولاد بـس العـليل و مدمعه بالخد مسجـوم

وقوعهما في قبضة السجّان G
خفّف علينا القيد وارحمنا يسجّان احنا من اهل بيت النّبي وبينا الدّهرخان
]
مسلم ابونا والأهل كلهم سـلاطين جدنا علي صاحب البيعه وخالنا حسين
و ذيج العشيره صاح بيها صايح البـين ظـلّوا على حرالثّرى وضاعت النّسوان
------------------------
واحنـا انهزمنـا و روّعـتنا هجمة الخيـل بـالبرّ توّهـنا وعلـينا هـوّد الليل
ولا دريـنـا اشصار بالنّسـوه و العـلـيـل يقولون جابوهم سبايا لارض كوفـان
------------------------
قلهـم شعبتونـي وفـت قـلبي حجـيكم زغار اويتامى اشحال قلب امكم عليكم
مـن ايّـام يـا بعـد الأهـل مرّوا بسبيكم فـوق المطايا وخالكم راسه على سنان
------------------------
بـعـيني شفت حـرّه عـلى ظـهـر المطيّـه ذوّبـت قلـبي تنـوح نوح الـرّاعبـيّـه
وكـلمن نـظرهـا قـال هـذي الخارجيّه نـوبٍ تحن ونـوبٍ تباري الرّضعان
------------------------
و مـرّت علَيْ ناقه بلا هودج ولا مهاد وحُرمه بظهَرها من النّواعي تفت لَكباد
تنادي شعبني فقد اخوتي وفقد الاولاد راحـوا اولادي وخايفه غـيلة العدوان
------------------------
ويّـا الحرم عاينت شـاب مقـيّـديـنـه يـبجي على اهله وبالسّلاسل باهضينـه
وكلمـا يون يوحّش العـالم ونـيـنـه جـنّه مريض و من العلّه الجسد نحـلان
------------------------
قـلّـه عـلى وَصْفَك هـالمغلّل بـالزّناجيل هــذا البقيّـه مـن عشيرتنـا البهاليـل
واللـي تحـن وتبـاري الـنّسـوه والعـليـل هـاي الوديعه مخدّرة فـارس الفرســان
------------------------
واللي وراها فـوق ناقـه تجـر ونّـه وتنعى على الأولاد هاي الضّايعه امـنـا
يـاليتـنا ابهـالخبر لقـشـر مـا سمعـنــا ويا ليت نمنـا ويا العشيره ابفرد ميدان
------------------------

خطابهما لقاتلهما G
اتـوعَّ يَعـقـلي هجمَت علينا المنيّه مـا يحصل النا ابهالزّمن نومـه هنيّه
]
كلمـا طلعنـا مـن بـلا شـفنـا بـلايا ياليتنـا ويّــا الأهـل صِـرنـا ضحايــا
ويـاليـت سـاقونا بيسر ويّـا المطايــا اهون علينا من الحبس ظهر المطيّه
------------------------
ضعنـا يخويه وابتلينا ابّـلـدة ارجـاس ضيعه ويتاما وجوع وسط السّجن ياناس
لـنّ الرّجـس صابـه ومنّه كسَّر أضراس ودماه فـوق الصّدر خلاّهـا جريّـه
------------------------
وردّ ورفـس لاخر وقَلْهُم حـان اجلكم لشفي غليلي يا يتامى اليوم منكــم
متعـوب يولاد الخوارج فـي طلبكم قـلّه ارحـمـنـا يرحمك ربّ البريـّـه
------------------------
لا أهل عِدْنا ولا أبو يـثور بطلـبنـا صغـار و يتـامـى ويـن ما رحنا انتشبنـا
متراقـب الله اكسب أجر وارحم تعبنا عندك ترا احنا ضيوف جينا ابهالعشيّه
------------------------
ويّـاك مَتْقـول اشفَعَلـْنا مـن جنايـه ترفـس أخـيّي ومـنّي تكسّر ثنـايــا
قـلّـه عليكم حـامت طـيـور المنايـا هالرّوس لابن زيـاد اودّيهـا هديّـه
------------------------
واحنى الكبير على الصغير بقلب صادي و احتضن خيّه والدّمع بالخـد بادي
وصـاروا بحالـه تفـتّت قلوب الأعـادي وذاك الزغـيِّر خوف يتـلوّذ الخـيّه

قتل الشقي لهماƒ
نطلب يغادي البَخَت منّك أربع خصال بلكت تجاوبـنـا عـلى وحـده يـرجّـال
]
قـلّـه اذكرهـن قـال لابـن زيـاد وَدْنــا وراقـب الهـادي وراقب الكرّار جدنــا
سـاعـه تـرى مـن الليل والله ما رقَدنا مانهتني بالزّاد بَسْ انقاسي اهـوال
------------------------
مـَيْصـير قـال ابـن الخـنـا قـلّـه ارحمـنـا احـنا ضيوف وملتجين ارحم يـتمنـا
شبـَقّـى علينـا الـدّهر ماتعـاين هضمـنا قلّه شلون ارحَمكم ومقصودي المـال
------------------------
قـلّـه ابذلنا ياعديـم الفعـل للـسّـوم تحصل أضعاف اللّي تأمّل مـن الميشـوم
قلّه مهـو لازم ذبحكم واصل اليـوم قـلّه دحِـلْ قيدك نصلّي والدّمع سـال
------------------------
صلّوا يويلي والدّمع يجـري مـن العـيون واحـنى عـلى عضيده يون ونّة المطعون
ودّع أخيّـه وخـاطب الفـاجـر الملعون يقلّـه قـبـل خـيّي اذبحني يـبن الانـذال
------------------------
قـلّـه اذبحني ريت يومي قـبل يومه مـقـدر أشوفـنـه مغرّق من دمومـه
و لن الزّغير ايصـيح و ادموعه سجومـه قبلك انـا مقدر أشـوفك فـوق لرمال
------------------------
و الرِّجس من شـاف المسـابق للمنـيّـه حـز راس لَكبر و انجدل جدّام اخيّه
وظـلّ يتمـرّغ بالدّمـا سـودا عـليـّه ولَصغر وقع فوقه وتخضّب بالدّما وقال
------------------------
خلـني عـلى جـثّة عـزيـز الـرّوح ساعه بَـتْخَضَّـبْ بدمّـه اتـزود مـن وداعه
مارحم نحباته وفَـتَح بالسّيف بـاعـه حالاً قطع راسه شـمَفْظَعْها من احوال
------------------------
صرخت بلا شعور العجوز ولطمت الهام وخرّت عليهم معولة والدمع سجّام
تصيـح الضّيافـه هـذا تاليها يالايتام يـاخجلتي من المرتضى خوّاض الاهـوال
------------------------
ظـنـّيت يحـبابـي تفـوزون بسـلامــه ما جـنت اظـن ابهاي و ارجع بالنّدامه
بلغـوا سـلامي الطّهر جدكـم يا يتـامى مقدر أواريـكم ترى ما عـندي رجـال

مسير الحسين وخوف العقيلة G
طـوّح الحـادي والظّـعـن هـاج بحنينه و زينب تنـادي سفرة القشـره علينـه
]
صاحت بكافلها شـديد العَـزِم والبـاس شمّـر اردانـك وانشر البـيرق يعـبّاس
جـنّي أعـايـنهـا مصيـبه تشـيّب الـرّاس مـا ظـنّـتي نرجـع بدولـتـنـا المدينـه
------------------------
قـلها يَزينب هـاج عزمي لا تنخّين مادام انــا موجـود يخـتي مـا تـذلّين
لو تنـقلب شـاماتهم ويّـا العراقـين لطحـن جماجمهـم وانـا حـامي الظّعـينه
------------------------
لا تهيّجيني ولا يـدشّ بقلبـك الخــوف مَيْروعني طعن الرماح وضرب لسيوف
بـس طلبي امن الله يسلّم لي هلجفوف لحمـل عـلى العسـكر واذكّرهم ببونه
------------------------
قالت اعرفك بالحرب ياخوي وافي وقطع الزّند هذا الذي منّـه مخــافي
اليوم بمـعـزّه و بعـدكـم مَـدْري شَوَافي ياهــو الـيردّ الخيل لـو هجمت علينـا
------------------------
هلّت دموع العين من حادي الظّعن صاح عبـّاس قايدهـا و حاديهـا الطّرمّــاح
ابهالحال و هْيَ تصيح عزّي ياخلق راح وحسـين جـدّام الظّعن يمشي بسكينـه
------------------------
ومن كربلا ساقوا الظّعن كلهم اعادي شمر الخنا قايد و زجــر الرِّجس حـادي
ومَـرَّت وهـي تسـتر وجههَّا بـالأيـادي و صاحـت يقايـد ناقـتي عنّك مشينـا
------------------------
نـادت وهـي فـوق المطيّه واومت عليه هـذا الظّغـن لـرض المدينــه مـن يودّيـه
واللي خِفِت منّه يبو الشّيمه وقَعِت بيه قطع الفيافي اعلى الهِـزِل ويني و وينـه

وصوله كربلا '
قـوّض بظَعـنَه والظّعن هـاجت احزانه قاصد ابو السجّاد كوفان الخـيانــه
]
قبـل المسـير اعـطى العبـد منشور يقراه مشروح بيه الحال واخبرهم بمنــواه
وتفرّقـوا عنـّـه وجـد السّـبـط مَـسـراه مع صفوة اصحابه وبني عمّه واخوانه
------------------------
قصـده الكوفـه بو علي ولو وصّل الهـا سـبط النّبي انقلبت على ابن زياد كلها
لكـن قضـا الله والمشيئه من يفلها الحــر الرّياحي عارضه وعرقل اظعانه
------------------------
خـلاّه يمشـي بالفضـا مابين الجـبال مـن غير شارع نوب يمنى ونوبٍ شمـال
من وادي الوادي بحريمه وذيـج الاطفال وبــس ماتوسّط كربلا وقّـف حصانـه
------------------------
تعرّف عليها ومن عرفها نزل في الحال وصاح بعَجَل عبّاس نصبوا خيام العيال
بهالأرض تبقى اجسادنا واجفانها رمال فوق الوطيّه والغسل جاري دمانـا
------------------------
ترجّل عن الميمون مهجة فاطمه حسين ونـادى يخوتـي بالعجل نزلوا النّساوين
عـاشـور هـذا وكـربـلا يـاهاشمـيـين هــذا مكان الوعد يكرام و زمانـه
------------------------
حطّوا الظّعينه ابهالارض واضح المنهاج منصوب بـيهـا الجنـة الفردوس معـراج
لكـن عقـب ما ننغسل بدموم الاوداج ونطلع من الدّنيا على الشّاطي بظمانـا
------------------------
و نـبقى عـرايا ابهالفيـافـي ثلـثـتـيّـام والرّوس فوق ارماح والنّسوه والايتــام
تـتوصـّل الكوفه وتالي تروح للشّام وبـيت الخــنا ملزوم تـتـهدّم اركانــه
------------------------
وبلغـوا سـلامي شـيعتي ياللي تسمعون أمضي بنفسي وعزوتي لايكون ينسون
صّبيت دم قلـبي وأريدَن مـاي العـيـون إلهم وفيت العهد وادّيت الامـانـه
------------------------
يـامهجـة الزّهـرا فـداك الاهـل والرّوح ننسـاك حاشا وبالقلوب مخـزّنـه جروح
المخلوق من فاضل الطّـينه لازم يـنوح عنوان للشّيعي البجا ياهل الدّيانـه
------------------------
و الـيسمع امصابك ولا تجري ادموعـه يمكسّر الاضلاع ماهو من الشّيعـه
هــذا يـبو السّجاد مَـيريدك شـفيعـه و يوم الحشر يحسين مايحشر اويانا

{ الناظم }

يحسـين عـين المــاتـصبّ عـليـك مـاها تخسـر هـدايـتهـا ويـلاقـيهـا عماهـا
بـيـك الـتجـي يامُنقـذ الامّـه وحِماهـا الخادم بدنيا وآخره يطلب أمـانـه

وقوف مهره وظهور آثار الكرب والبلا G
سـبط الرّسـول ابكـربلا اتحـيّـر نجيـبه ونادى شِسِم هالقاع يَلْيـوث الحريـبه
]
قالـوا يبو السجّاد اسمها الغاضريّـات والها اسم عند الخلايق شط الفرات
مَــعْ نينوى والعقر ياسيّد السّادات قلهم وقلبه من الوجد يسعر لهيبـه
------------------------
بـالله شسمها غـير هـذا يــا صنـاديــد قالوا طفوف وكربلا يبن الاماجيـد
قلهـم دنزلوا غـير هـذي الارض ماريد وقولوا لزيـنب تِستـعدّ الهـالمصيـبـه
------------------------
حطّوا ظعنّا ابهالفَضا و نصبوا خيَمنا و بهـداي يَسباع الحرم نزلوا حَرَمنـا
معلوم عنـدي ابهالارض ينسـفك دَمنا مـوعـود بيها وعدي من الله وحبـيـبه
------------------------
انجان هـذي كربـلا بـشـروا اببّـلايــا ونزلـوا تـرى لاحــت علامـات المنـايا
لازم بجـانب هـالنّهر نقضي ظمـايـا واجسـادنا تبقى على الغبرا سليبـه
------------------------
جم شاب ما يهنى بشبابه يظـلّ معفـور كلنا بثراها نظلْ عرايـا مالنا قـبـور
هـذي مصارعنـا و وَعَدنا يـوم عـاشور طـير المنون اسمع على راسي نعيبه
------------------------
طنّب خيامه بكربلا مهجة المخـتـار ودارت عليه جنود اميّه وظل محـتار
و ادموعه اتصب فوق خدّه شبه لَمطار واقبال وَجهَه ينتخي كبش الكتيـبه
------------------------
ثـار ابرعيـده صاحب الصّولات عبّاس قـلّه البجا خلّه يخويه وارفع الرّاس
لفعل فـعـل للحشر بيـه تتحدّث النّـاس نـشّـف ادموعه بوعلي وسكّن نحـيـبه
------------------------
قلـّه وقلبـه مـن الوجد والحزن مفـتوت تدري بخوك حسين مايرهب من المـوت
حزني لجل سلب الحريم وحرق البيوت جم أرمله تبقى عقب عيني سليبـه
------------------------
ماهاجت احزاني لجل ذبحة رجـالي حزني يبو فاضل على ضيعة اطفالي
وشحال زينب لـو بقت مـن غـير والي متـحيّره بـايتام مدهوشـه وغـريـبـه

نزوله أرض كربلا '
طـنّب خيامـه بكربلا وشَعْشَع ضِياها بغرّة جبينه وازهـر الـوادي وفضـاهـا
]
نصبوا الخيم وحسين بيده يشيل الادغال ويلقّط اشواك الارض مـن بـين الرمـال
ويقـول لا يـأذّي حرايـرنـا و الاطفـال سـاعة فـرار الحرم حسّـر مـن خبـاهـا
------------------------
نزلوا وطابت من عطر طيب الاطـايب واللـي اكـتبوا لـه مشّـوا عليـه الكتايب
ولزموا الشرايع فكّر وشوف العجـايب مهـر البتـول وينمنـع مهجة حشـاهــا
------------------------
وعْلَى السّبط ضيّق الوادي جيش امـيّه وحِسْنَت ضيـافتهم طفوف الغـاضريّـه
حتـّى الطّفـل ينذبح مايضوق المـيّه معلوم هذا كربهـا وهـذا بــلاهـا
------------------------
يـاكربلا باسمـه ظـهـر لـج بالمـلا شـان جنتي برور وشـاد الـج بالـذّهب بنـيـان
وخـلاّج معراج السّما ومعـدن الإيمـان وجـسـمه ثلـثـتـيّام عـريـان بـعراها
------------------------
خـلاّج كعبـه وتربتك مرهم للا وجاع ويبات برضك بالعرا مكسور الاضـلاع
واختـه الوديعه تحـوم بالوادي بلا قناع من حولها الايتام تـتـلظّى بظمـاهـا
------------------------
ياكربـلا نلـتي الشّـَرَف من فـيض دمّـه ودموم طفله واخوتـه واولاد عمّــه
وصرتـي منـار بجـسـم ابـن طـه وعمّـه ومن تربتك كل الخلق تطلب شـفاهـا
------------------------
محّد يقول حسين أشرف من أبوحسين وارض النّجـف مـتأخّـره وانتي تفوزين
لكـن تشـرّفـتي بـدم خيـر النـبـيـّين وعلى السّماوات العُــلا فضلك تناها

محاورة بين الحسين وكربلاءƒ
وجّــه سـؤال حسـين لرض الغاضريّه أريــد انـشْـدك كربـلا ردّي علـيّه
جبريل مـنّك رفـع تربـه و طيبها يفوح جدّي تلقّاها وعليها الدّمع مسفوح
و قلّـه ابهالوادي يروح حسين مذبوح ظامي ويظل بكربلا عـاري رمـيّـه
------------------------
يـاكربلا مـن جيـت ظـل محـتار مُهري في ويـن قـولي طيحتي وياصـوب قـبري
والتّربـة اللي تشرب مْـن اوداج نحـري من ياكتر بالعجل ردّي جواب ليّه
------------------------
قـالت يـبن سـت النّسـا وقفة حصانك والشرّفتها بدوسـتك هـذي مكانك
تـتغسّـل ابدمّك و سافـيها اجفـانك و ابهالمكان اتدوس صَدْرَك لَعوجيه
------------------------
بموضع وقوفك طيحتك من فوق مهرك وبـن راعـي المعـزى يحــز اوداج نحـرك
ظـامي يـبو السجّـاد واتشـرف بقـبرك واصير مقصد للملا صبح ومسيّـه
------------------------
واللي ابّيرَقكُم علـى الجيمان يقْلـط من عالم التّكوين قبره انحفر وانخَط
تـتقطّـع زنوده ويطيح بجانب الشّط وبـيكم أفـاخـر جنّة الخُلـد العلـيّه
------------------------
وامّـا عزيـزك يـاشهيـد وشـبـه جــدّك لَـكـبر عـلي مـرسوم لحـده يـم لحــدك
والطّفـل لازم يندفـن يحسين عنـدك وامــا البقـيّه تندفـن كلـها سـويّـه
------------------------
وجمـلـة أنصـارك تـنْدفـنْ كلهـا بحفيره بيكم بروري الموحشه تصبح منـيره
وقـبرك امـان وفـوز للقاصد يـزوره ومن كل قطر تقصد الشّـيعه ملتجـيّه
------------------------
قَلهـا السّـبط ياكـربـلا بـشـري تـرانـي بَهـلي وحريمي ليك حـتّى الطّـفل عاني
وهـالارض هـاي الواسعه تغص بالمباني ليل ونهار الشيعتي روحـه وجــيّه
------------------------
عفت المدينه وحرم مكّه وبالأهل جيت خلّيت حجّي خوف تهتَك حرمة البيت
ياكـربـلا و انجـان بـترابـك تـواريت تصيرين كعـبه للمـلا بكل معنويّـه
------------------------
الكعبـه ومشـاعرها لها بكل عام وقتين وانـتي عـلى طـول السّنه بوفدِك تغصّين
والكـل ينادي سرور قلبي زيارة حسين وانــا اطلب مْنَ الله يكفّر كل خطـيّه
------------------------
برضـك الشّـيعـه يسـتجيب الله دُعاها والعـلل والامـراض بـترابك شـفاهـا
و الحـور تـتعطّـر ابهالتّربـه و شذاها و طيـبك تراهو من دموم الفاطميّه

اجتماع العسكر عليه في الطف G
خيّـم الجـيـش وباليتامى تـحيّر حسين وضـجّت بنات المرتضى وسط الصّياوين
]
طـلعت مـن خـيام النّسـا زيـنب تنادي يحسين هالعسكر ترى ضيّق الوادي
وانـجان هـاللي خيّـموا كلـهـم اعـادي و للحرب كلهم يا ضمدنا مستعدّيـن
------------------------
تـبـقى مـنـازلنــا خـلـيّـه بـالمـديـنــه وانجان رحتوا الكافي الله احنا انـولينـه
الله يـعـدّيــك الـبــلا ردّ الظّعيـنـه لرض الوطن يا بو علي رد النّســاوين
------------------------
قلهـا ودمـع العـين فـوق الخـد فـيّـض خلصت يزيـنب مـدّتي والعـمـر قـوّض
راسـي بخـطـّي يرتفـع والصّـدر يـنرض و بحالةٍ قشرا عقب عيني تصـيرين
------------------------
واللـي قـبالك ياحزينـه من الرّجاجيـل كلهم وعدهم من تصك الخيل بالخـيـل
سـاعه ولا يـبـقى بخيمكم غـير العـلـيل و من الصّبح للشّام بيتامي تشيلين
------------------------
جسمك يذوب وينتحل من سفرة الشّام و يشيب راسج يا حزينـه بذيـج الايـّام
كل ساع يختي تطيح وحده من هالايتام تـلـوى عليـها سياطهم وانـتي تشوفين
------------------------
قـالت اجـل يحسـين للـذلّه جبـتـني بَرْض المدينه جان يَبْن أمّي اتركِتني
يحسـين ويـن الملتجـا لــو ضيّـعـتني مقدر على ذلّه وهـضم يا قـرّة الـعـين
------------------------
ويّاك جيت من المدينه وعفت الاوطان خفت المذلّـة و التجـيت العـزِّ الاخوان
قلت الأخو يدفع صروف الدّهر لوخان قــال الدّهر سـكتي عقب عزّج تذلّين
------------------------
والله يخـويـه لـو غريـبـه ومشت ويّـاك محّــد كـفو يذلهـا وهـي ياخوي بحماك
وانــا تخـلّـيـني يخويـه بولـيَـة عـداك بعــدك يـبو سكنـه دقـلّي الملتجـا وين

اجتماع رايات الكوفة عليه '
مـن يـوم سـادس بيّنت رايات كوفان لزموا الشّرايع وامتلت بالجيش وديان
]
كلهـا مـن الكوفـه المشـومـه مستعدّين سـبعين الـف سـدّوا الفيافي شمال ويمين
وحسـين ما غـير اخوته ونيّف وسبعين والخــيم مَمْلِيّه حـرم واطـفال رضعان
------------------------
خندق على خيام الحرم صاحب الغيره و كلهـا مـلاها بالحـطب ذيـج الحفيره
وصارت النّـار عـلى المخـيّم مسـتديره هاي المصايب يالموالي وهاي الاحـزان
------------------------
طـلـعت بلـوعـه من الخبا زينب حزينه تقلّه يخويه هـالجيـوش اللّـي تجـينـا
إلنـا يـنـور العـين قـلّي لـو علـيـنـا الوادي يبوالسجّاد فايض من الفرسان
------------------------
قلهـا يـزيـنب والقـلب يـسـعـر لهـيـبـه كلهـا علينـا واسـتــعـدّي للمصيـبـه
تبـقين يختي ابهالارض بعدي غريـبه بـيـد الاعـادي و تبتلين ابجيش نسوان
------------------------
هــذي يـزيـنب كـربـلا وهـذا نـهرها وهـذا زمان مصيبتي وهذا شهرهــا
حــتّى الـعـدو يمخـدّره عنـده خـبرهـا تقاسين بيها من الكروب اشكال والوان
------------------------
تقلّـه يـتـالي السّـلف من وصّيت بـينـا وياهو عقب عينك يردنـا للمديـنـه
و ابهالفيافي مـن يصـالي هـالظّعـينـه وياهو اليـباريها ويـباري عليل وجعان
------------------------
قلها علـيج ملاحظ النّسوه ولَطفال وتجلّدي يَـبْـنَة الزّهرا بكل الاحوال
الله عويـنج لو حدى حاديـكم وشـال وشفتي الجسدعاري وراسي براس لسنان
------------------------
خرّت المحزونه تون و القلب صادي اتقلّـه يخويه ابهالحجي اتفتّت افّادي
الله يـبو السجّاد نبقى بـيـد اعادي كل المصايـب والهضم ولْـية العـدوان

( الأصحاب )
الحسين يرسل لزهير بن القينڈ
وصّـل رسـول حسـين لـزهير الجلاله يسـأل مـَن زهـير الذي طابت خصاله
]
قلّــه أنــا زهـير اشْمَـرَام اللـّي تـريــده قلّه يريدك بو علي بلهجه شـديــده
كلمـن سـمع ذب الطّعـام اللّـي بإيـده والكلّ بقى محتار من ذيـج الرّساله
------------------------
يقولـون محنـا شـيعتـه ولاحـنا انـصـاره حتّى بمَنـَازلنـا بعــد نكـره جــواره
ولـنّ النّجيبـه تصيح من خلف السّتاره تـِبدي مــلام زهـير وتعنّف رجاله
------------------------
يـَزهير يـبعث لك ابـن سـتّ النّساوين و ماتسرع تلــبّي و هـو عــز المسلمين
خـلّ الطّعـام وبـادر وسلّم على حسين وبلّغ سلامي وياك واسأل عن أحوالـه
------------------------
بس ماسمعها هاج عزمه ونهض مذعور وصّـل لبن حـيدر ورَدّ بقـلب مسـرور
يقلهـا يحرمـه وداعـة الله اليـوم النشور بَنصر شـبل حـيدر وادافـع عن عيالـه
------------------------
غـزوة بَـلَـنـْجَـر ذكّرتني ابهالسّعاده و بشّرني التّاريخ باسباب الشّـهـاده
مـوالي عـلـي الـكـرّار ومـوالـي اولاده واهل الغدر عاديـتهم واهـل الضّلالـه
------------------------
ديلـم تقـلّـه وداعـة الله مْـع السّـلامـه و الوَعَد عند المصطفى يـوم القيامه
نـلـت السّعـاده بنصرتـك بيت الامامه بالحــال ودّعــها ودمـعه بـانهمـالـه
------------------------
يقـول الله الله بعـيلـتي بعدي احفظيها و بـنـتي الزّغـيره حافظي دايم عليها
و لـو سـايلـت عـنّي بجـيـتي واعـديـها واجرج يحـرّه عـلى النّبي المختار وآلـه
------------------------
قوّض بظعنه وراح قاصد نصرة حسين منحرف جان ورد رجع للفاطميّين
سلّم على ابن الطّهر واخلص مذهب ودين ويقول سبط المصطفى روحي فـدا لـه

زهير بين يدي الحسينڈ
سـلّم زهـير عـلى السّبط والعلم شاله بيده وقال ارواحنا كلنا فـدا لــه
]
يخطب قبل جيش الضّلاله رافع الصّوت والكل بقـى من خطبته حيران مبهوت
قلـهـم يحـزب الغدر ياشيعـة الطّاغوت كلكم تحزّبتوا على بـيت الرّسالـه
------------------------
قلـّه الشّـمـر يـَزهير والله ما عهـدنـاك شيعه لهـل هـالبيت سابج ماعرفناك
قـلّـه حَمَدْتَ الله على فراقي سجاياك و يزيد وابن زياد منـتـوج الرّذالـه
------------------------
وآنـا على حب الوصي عاقـد ضميري تعرف مَصيرك يارجس واعرف مصيري
مهجــة الـزّهرا دون هـالعـالم أمــيري والورد حوض المصطفى وصافي زلاله
------------------------
مطلّق حريـمي لاجـلـه وهـاجر بلادي أفديه باهلي وعزوتي حتّى اولادي
ولـنّ الشّهيـد حسـين مِـن خلفه ينادي يَزهير مَيفيد الوعظ باهل الضّلاله
------------------------
يـقـلـّه يَـبن حـيـدر يَشمّـامـة المخـتـار لو حي حرقوني يـبو الاطهـار بالـنّار
واعــود حـيّ بـكـلّ سـاعـه عدّة امرار سبعين الف مرّه ولا احس بمـلاله
------------------------
أحـلى عـلى قـلبي وألـذّ من شربة الماي البارده بساعة ظماي و لهبة حشاي
قـال وفعل طيب الفعل واسمع حجاياي ظهر المحرّم يوم عاشـر عن افعـاله
------------------------
تقلّط على اليمنه السّميدع يوم عاشور فـيّض الوادي ومن جثثهم ضاقت برور
تقنطـر على حـر الوطيّـه وعـانق الحور و حسين ينـظر له ودمعه بـانهماله
------------------------
قـلّــه قضيت حقوقـنـا واوفيت يـزهـير سرّيت قلب الطّهر بجهادك يَسمسير
أنصار عِـدْ غـيري مـثلكـم أبـد ميصيـر مـن قـبـل ليـّه اختـاركـم رب الجلاله
------------------------

وهب مع أمهڈ
سرور القلب ياوهب عندي لك بشاره شـِبْه المسيح الـيوم شرّفـنا بـزيـاره
]
يبني جلست اليوم وحدي بجانب خباي ولن زوجتك تنده يعمّه من الذي جاي
يـاوهب مـد جفّـه اليمـين وفجّـر الماي و مـن غرّتـه ومن النّحر تسطع انواره
------------------------
أبدى التحيّه وقال ليّـه ابنج وهب وين وانــا اخـبرتـه بغـيـبـتك ياقرّة العين
وقـلّـي وانـا مـاشـي ولازم لـه تعـرفين حجي الجرى بالليل لا يـنسى الإشاره
------------------------
قـولي لـه اللـي بـايعـك بـاللـيـل جــدّه وشِفْت المسيـح وْيـاه دمعـه فـوق خدّه
جـدّامـك ايحث الظّـعن وصـلت المـدّه إلحـق انجـان تريـد تحسب من انصاره
------------------------
قـلهـا يَـيُمّـه ويـن قـلّـج مقصده يـريـد ينزل قريبٍ بالظّعن لو قصده بعـيد
قـالت يـنور العـين سـافر يقطـع البـيـد والوعد وادي كربلا هناك المعـاره
------------------------
هلّت ادموعـه وقـال فـطني للخبر زين هــذا تـرى جـدّه نـبي و خـير الـنبـيّـين
و امّـه شبـيهة مريـم و ست النّسـاوين وهو الشّهيد حسين واشرح لج اخباره
------------------------
شـفت المسيـح البارحـه واحمـد المختار أسلمت ياحـرّه و عـدّوني من الانصار
قـوضوا الخيمه نلحق السّادات الاطهار و هلّت ادموعه فـوق خدّينه اتّجارى
------------------------
جـدّ السّـرى قاصـد طـفوف الغاضريّه و عـاين الـوادي فـايض من جنود اميّه
خـلّى حـريمـه ويـا الحـريـم الهـاشـميّـه وطب عند امان الخـايف وحلّ بجواره
------------------------
حـلّ بجـوار ابن الوصي وجدّد اسلامه وقبّل اقدامه و اعـترف لـه بالامامه
وثـارت تـرحّـب بـيه شـبّان ونشـامــه وبنصرة المظلوم نال اعظم تجــاره
------------------------

مبارزة وهبڈ
جرّد وهب سيفه وركب صهوة حصانه وفـرّت بدهشه زوجته ولزمت عنانه
]
لـزْمَـت عـنان الـفرس والعـبره تهلْـهـا تقلّه صحبتك جان صحبَـتْـنا تفلها
عنـدك أمانـه يـاوهب رِدها لاهلها مثلك ترى عنده فلا تضيع الامانه
------------------------
وحـدي تخـلّـيـني وانـا سـافرت ويــاك بلادي بعيده ومن يـودّيـني الـى هــناك
مقـدر أجـيم ابهالفلا سـاعه بلـيّاك هذا مهو محمود عند اهل الدّيانـه
------------------------
قـلهـا تشـوفـين السّـبـط قـلّـت رجالـه مـا تسمعين ابهالخيم ضجّة اطـفالـه
أفـديـه انـا بروحي وكوني مـع اعـياله هذا مهو الشّخص الذي للبيت جانــا
------------------------
ولـنّ العجـوز تصـيح بـيها الولـد خلّيه يطلع يــأدّي واجـبه و بـالنّفـس يفديـه
شـبْـه المسـيـح حسـين محتاطه العدا بيه أفـنت رجـاله المعركه وقـلّت اعوانــه
------------------------
وعلى المطهّم لاح وترخّص من حسين و انحـدر للحومه وخلّى الجيش شطرين
عايف حياته وانبرت وحده من الايدين وانعقر غـوجه ولا دخل خوف بجنانه
------------------------
ولن يسمع الحرمه تصيح بقلب مذعور بعمود خيمتها تجول وما لها شـعور
وتصيح والله حسين خلّى القلب مكسور ياوهب جاهد عن حريمه وعـن اخوانـه
------------------------
قـلهـا يحـرمـه قـبـل سـاعه انـتي تمنـعين عـن طلعتي وهسّا علىالعسكر تهجمين
يـاوهـب قـالـت نحّلـتـني نخـوة حسـين بشـفي غـليل القـلب من قـوم الخيانه
------------------------
لـنّ الشّـهيـد حسـين شاف الولد محتار مقطوعه يمينه و هـو يحارب باليسار
عـنـّه وعـنها يـدافـع بســيفـه الـفجّــار جاهم بوسط المعركه وخلا مكانه


مصرع وهبڈ
عـايـن ابـن حـيدر وهب بالكون محتار بـيمناه يدفـع زوجته ويضرب بالـيسار
]
قـلّـه يـبن حـيدر ارجعـهـا للصّـواويـن عـنّي وعنها مقدر ادفـع هالملحدين
قلهـا السّـبط ردّي الخدر ويّا النّساوين واجرج على الزّهرا وعلى حيدر الكرّار
------------------------
ردّي الحرب مكتوب بس عْلَى الرّجاجيل وجـر الذّيول على النّسا وندب المجاتيل
ردّت وعبرتهـا عـلى وجناتـهـا تسـيـل وتصيح جاهد ياوهب عن بيت لَطهار
------------------------
صـوّل علـيـهم شـاهـر السّـيف بيساره عايف حياته وينـتخي وسط المعاره
وامّـه عـلى بـاب الخبـا ترقـب اخبـاره تنظـر العركه والدّمـع بالخـد نـثّـار
------------------------
وداروا عليـه قـوم البغـي قطعـوا شمالـه من عقب ماجدّل مـن العسكر رجالـه
وتـوزّعـت مـن وقـع بالغـبرا اوصـالــه وذبّـوا على امّه راس ابنها قوم لشرار
------------------------
خـلّت كريمـه بحجرهـا وشوفـه ذهلهـا وظلّت عـلى الخـدّين عـبرتها تهلها
تقلّـه غريـبـه امّـك مـن يردها لاهلهـا والله تشعـبون القلب يقصار الاعـمار
------------------------
ربـّيت يـبـني وبـالـرّبـا مـاخـاب ظـنـّي نلت الشّهاده وجاهدت عنّك وعنّي
لكـن فـراقك نـزع والله الـرّوح مـنّـي والمصرعه فرّت ولنّه فوق الاوعار
------------------------
شحال العجوز التـنْظـر مقطّـع ولدهـا للموت فـارقها وخـلاّها وحدها
تـناديـه يـبني و الوجد مض بجـبدها لاهي بديره ولا أهل عدها ولا دار
------------------------
وبـن سعـد يمشي وياه عبده وعاين الها وأشّر العبده وقال هالحرمه اقـتلـها
وعـفّـر اللـبـوه ابـن البغايـا يـم شـبلهـا يـراويـك ظلم الماجرى مثله ولا صار


إعتراض الحر قافلة الحسينڈ
وصّـل الحـر لحسـين يتـزعّم سريّه وسلّم عليه وعظّمه وصلّوا سويّـه
]
صلّوا سوا وعقب الفريضه تبادلوا الرّاي قلّه انـا مرسـول الي وعلى الوعد جاي
وانت معـارضـني تـريـد الحـرب ويّـاي قـلّـه حشــا مـا حـاربك يـبن الـزجيّه
------------------------
مـابينهـم دار الحجي وسـاقوا الظّعينـه و اختل نـظام الظّعن وتعـلّى حنينه
وبـدر الهـواشـم شـاهـر السّـيف بيمينه و زينب تقلّه ريّضوا بـيـنـا شـويّـه
------------------------
ريضـوا يـبو فـاضل ظعينتنا عن السّوق غيرك يـبـاري هالظّـعن ياخـوي مَيْلوق
خـوفي تـثور المعـركه واحنا على النّوق قـلهـا يـبنت الـمرتـضى امـرك عـلـيّه
------------------------
أمـر الظّـعـن بـيـدي يـزيـنب لاتخـافين بشـري بعزّج والخـدر مادام حـيّين
وسـالم أنـا يمخـدره وسـالم لك حسين وجان الحريبه تصـير بـرض الغاضريّـه
------------------------
هـناك الـنـزول يـصـير وتـصـير المـعاره و هنـاك يـومٍ للحشر تـبقى اخباره
قـالت سـلامه هـناك لـو نمـشي يساره عـبّاس والله سـفرةٍ قـشـره علـيّـه
------------------------
سكّـن قلبهـا من نخوته و واصلوا السّير للطّف قصدوا والمنايـا وْياهـم تسير
والحـر يمـانـع والقضـيّـه تريـد تـفـكـير و تـالي الامر فـاز بسعاده سَرمَديّه
------------------------
ومن شاف جيش اهل الغدر دار اعتقاده و دار وخَذَا وليـده وزارتّه السّعاده
ويَمّـَمْ حبيب المصطفى قصده الشّهاده وإيده على الهامه و دمعاتـه جريّـه
------------------------
وهو على سرج مطهّمه سلّم علىحسين وقلّه أنا ومهجة افّادي ليك عـانين
يـابن الطّهر ينغسـل جرمي بدم الاثنين عنـدي مـثل كـاس العسـل ورد المنـيّه


مصرع الحر الرياحيڈ
يحسـين يـاثالث اليِمَّـه وشبل الاطـهار نـادم نصيتَك يـاخـليفة حـامي الجـــار
]
أنا الذي عارضت لك بالدّرب يحسين و انـا الـذي روّعتهـا قـلوب الـنّساوين
و ما جنت أظـن اعليك تـتعمّر ميادين تجسـر عليـك وتستحل دمّـك الفجّـار
------------------------
قـلّه السّـبط ياصاحب التّوبه من تكون قلّـه أنـا الحـر الـذي عـارضت لظعـون
وعاكستـك بمسـراك يالجوهـر المكنون نادم ولا ظن النّدم ينجي من النّار
------------------------
قـلّـه الـتّـوبـه تـنقبل والباب مفتوح توبه وندامـه يصير بيها الذّنب مصفوح
بـس مـاسمـع قـلّـه تـراني بـايـع الـرّوح وارجـو الرّضا مـنّك يبن حيدر الكرّار
------------------------
أخـلص الربـّه توبـتـه وابـرز ولـيده و لـبّسه سلاحه وحزّمـه للموت بـيـده
وقـلّـه جريمـتـنـا ترى يـبني شـديده بالامس منّـا تروّعـت عـترة المختار
------------------------
جاهد عن ابن المصطفى الهادي وحريمه بـدمـّي ودمّـك يالـولـد غـسل الجريمـه
شـد وخـبـصـها ونـالهـا مـوتـه كريمــه والحـر يشـوفـه وانـتـخى وجـرّد البتّار
------------------------
صـوّل عـلى جمع العدا والقلب مجروح نـكّـس رواياهـا وشال ابنه المذبوح
يـنادي عَلَيْ راضي يمن تفدا لك الرّوح قـلّه رضيت اعلـيك ياضيغـم يَـمغـوار
------------------------
قَحَّـمْ ردود مـطـهّمـه ورجّ المـيــاديـن مـن عقب ماصب الدموع وودّع حسين
وخلّى الدمـوم انهـار مـن قوم الملاعين ودارت عليه جيوش وتقنطر بالاوعـار
------------------------
وحسين يَمْ جسمه وقف والدّمع يجريه عنّه مسح دمّـه و وقف يمّه يحاجيه
يـبن النّجيبـه هـالاسم صدقت ترى بيه أمّك وحر انتَ يحر و ضنـوة احرار


رفع جسد الحر عن المعركةڈ
شـالوا الحـر مـن المعاره مغمّض العـين يعالج بروحه ومدّدوه ويا المـطاعـين
]
وسـط الخـبـا وتجري دمومه من اكتاره و ثارت العركه والسّبط ذبحت انصاره
وحسـين ظـل مطـروح عـاري بالمعاره وجيش الدّعي ابن زياد وصّل للصّواوين
------------------------
وبـن سـعد راح الخيمة القتلى ودخلها و شـاف الجسـوم مطرّحـه شبّان كلها
والحـرم فـرّن والجنايــز محّــد الهــا وكلهم عليهم روس بس عبّاس وحسين
------------------------
وآمـر بعزل الرّوس ياويلي من الابدان بيهم مشايـخ ديـن وكهولٍ وشـبّان
قسـوه ورثهـا مـن سـلالـة آل سـفـيان قطعوا الرّوس من الاجساد شلون جسرين
------------------------
شـافـوا الحـر مـابينهم بعض النّفس بيه قـالوا الحـر هـذا نذبحـه لـو نخـلّـيه
ذبحــوه لازم قـلـهـم وراســه نـودّيـــه و مـن عزوته ثاروا ألف خيّال ظفرين
------------------------
سـلّـوا الهنـادي مـن مغامدهـا بحماسـه و قالـوا الحــر هـيهات ماينقطـع راسـه
نحميـه لازم والـرّجـس ضاقـت انفاسـه شـالـوه قـوّه وابـعدوه من الميادين
------------------------
أشحـدّه يحـز راسـه ويمّـه ألـف خيّــال نهضة عشيره غـير حرمه ولا لها رجال
تشوف الخبيث يدوس صدر حسين بنعال وتدافـعـه وتـبجي وهـو يحـز الوريدين
------------------------
تـنخّي وتقلّه يـارجس لاتحـز نحـره هـذا حبـيب المصطـفى ومهجـة الزّهرا
تـربّى عـلى صدر النـّبي وتّدوس صدره و تهـبّر اوداجه عسى انشلّت هاليمين
------------------------
وصاحت ينـور العـين ياصاحب الغيره شـبـيدي يخويـه مـابقت ليّه عشيره
شتْـفـيـد نخـوات البقت حرمه ويسيره متـحيـّره بعيله يخويه ولا لـي معين


كلام حبيب ومسلم بن عوسجة G
خضابي بعرصة كربلا ماريد انا خضاب لازم يجـيني مـن حبـيب المصطفى كتاب
]
مسـلم يـبن عـمّي دخـبّرنـي اشـصـايـر اشـوف لونك منخطـف والقـلب طاير
مـذهول تمـشـي بالسّكـك مشية الحاير تخفي النّشـيج و مدمعك بالخدّ سجّاب
------------------------
قـلّـه هـل الكـوفـه تـراهـم مستـعـدّيـن لـمّوا عساكرهـم قصدهم ذبحـة حسين
وبكربلا مـولاك لا ناصر ولا مـعين عاف الدنيّه ومن كثر جورالدّهر شـاب
------------------------
عـاف الدنيّـه ويـح قـلبي وطـلع مقهور خـلاّ عـقب عينه مظِلْمه وموحشه الدّور
وشـال بعزيـزات الـنّبي هـايــم بالـبرور ما ظـلّ بعده بمنزله شيخٍ ولاشاب
------------------------
انـظـر بعينـك يـاحبـيب تجـهّـز الجيـش أعـلن الصّايـح والزّمـان اقـبل بتوحيش
واحنا عقب سبط النّبي ساعه فلا نعيش شلون المعيشه من بعد بن داحي الباب
------------------------
قـلّـه حبـيب النّـوح والحسـرات مَـتْفيد توكّل على الله كربـلا عـنّه مهي بعيـد
عجّـل قبـل مـا يـنذبـح نسـل الاماجيد يـا سـعد من يحضى بنومة ذاك التراب
------------------------
هــذا مـن المختــار فـي الأمـّـه وديـعـه عجّـل قـبل ما توقـع علينا الفجيعـه
نوصـل قـبل لا تـنهـدم كعـبـة الشّـيعه العراق كلها مجـنّده وماعنده اصحاب
------------------------
الله يوصّلني قبل توصل هـالجـنــود و انجـان رب العرش بلّغني المقصود
لَـفْدي بروحي شِبِل حيدر سرّ الوجود وانشـر البيرق وانتخي مابين الاطناب

في وصول حبيب إلى كربلاء G
اتـناول حبيب العلـم من جف الشفيّه وهزّه بيمينه وقال طابت لي المنيّه
]

عـايف حيـاتي والوطن لجلك يَصِنديـد تشهد صناديد الحرب عندي الحرب عيد
موت بمعـزّه ولا نعيش بطاعة يـزيد يابـن الرّسـول وطاعتـك فـرضٍ عليـه
------------------------
والله يـبن بـنت الـنـّـبي لـو قـطّـعـوني بـالسّـيف والخـطّي وبالـنّـار احـرقـونـي
وذرّوا عضـامي بـالهـوا وتـالي انشروني سبعين مـرّه هـالفعـل يجـري علـيّه
------------------------
والله يَبو السجـّـاد مـا فـارق جمالـك روحـي ومالي والاهـل كلـهم فـدالـك
كـل شيعـتك تـفنى ولا تهتـك عيـالك و التـفت لَصْحابـه وعبراتـه جـريّه
------------------------
قَـلْهم يَفرسـان الحرب كلكم تسمعون باجر ابهـالعرصه يثور الحرب و الكون
ولايكـون سـادتكم بـنو هاشم يحملون الاّ عـقب مـا نـنفـني كلـنــا سويّـه
------------------------
قـلّـه البطـل عبّـاس مـا ترضـى شيـمنـا المطلوب اخـونا والحـرم كلهـا حرمـنـا
و انجان ثـار الحـرب يـتـقـدّم عـلمـنــا منشور بيدي واخوتي تمشي بفيّـه
------------------------
قـال الشّهيـد حسـين يا مهجـة الكرّار جدّامـنـا خلـهـا يخويـه تفوت الانصـار
منّـه ومنهـم يـالأخـو تـتْقصَّف اعـمـار تـالـي النّهــار خيامـنا تبقى خلـيّـه
------------------------
وتـالي عْـلَى المخيّم يخويـه تهجم الخيـل وتطلع خواتك من خباها تصيح بالويل
ريـتـك تعـايـن حـالهـا لـو هـوّد اللـيـل وتصير قـشره على النّسا ذيـج العشيّه

مبارزة حبيب ومصرعهڈ
صوّل على الجيمان مغضب شيخ الانصار و اروى من دموم العـدا الصّـارم البـتّار
]
شـدّ وصـدم بالميمنـه يسـرى الاعـادي واظلـم نهـار الكـون بـس لمـع الهنادي
وغـرّة ابـو مظـاهـر تشـع وهـو يـنادي نفسي فـدا لـك يابقـيّة بيت الاطهــار
------------------------
يـانـور عـين المصطفى روحـي فدا لك واللي أملكه يـالذي خـلصت رجـالك
محصـور يـبن المصطفى وانصـار مـالك و جنود اميّه ملَمْلَمَه من كل الامصار
------------------------
والقـلب ظامـي ملـتظي مـاضاق شربه وحـدّر علـيها واخـلت الفرسان دربـه
ولنّ الـرّجس صمّم الحربه بوسط قلـبه ومن صهوة حصانـه تقنطر فـوق لوعـار
------------------------
خر وتِضَعضع ركن ابو السجّاد بالحال و شـافه يتمرّغ بالدّما ومنّه الدّمع سال
وقـلّه وفـيت وزدت ياجيـدوم الرجـال لـكن تركتوني بلـيّا انصـار محـتــار
------------------------
نـايـم حـبـيـبي يـاحبـيب بحــرّ الــتراب فزت بجوار المصطفى ياخير الاصحـاب
تحـسّـر وقـلّـه يـاخليفـة داحـي البــاب ودّي أنــا اتقطّع بنصرك عدّة امــرار
------------------------
بـلّـغ سـلامي مخــدّرة حـيـدر وقـلـهـا الله يساعدهـا عـلى تشِتّت شمـلـها
مـتحـيّره تـبقى عـقب شــايـل حملـهـا تقطع بـرور بغـير والي فـوق الاكـوار
------------------------
عنـدي خـبر مـن حـيدر الكـرّار ابوها من بعد عينـك تنـسبي و يسلّـبوهـا
وللكوفـه حسـره عْلَى الهزيله يركّبوها ويـّا اليتـامى يشهّـروهـا بـكـل الامصار

مجيئ برير بالماءڈ
ابّباب المخـيّم عالـيه ضجّـة الرّضعـان وزينب بحسره ومرعليها شيخ هـمدان
]
وشاف الاطفال من الوديعه تطلب الماي والكـل يناديها يَعَمَّه تفتّت حشـاي
وابـّاب خيمتهـا العوايـل رايـح وجـاي هلّت ادموعه وصاح برجاله يفرسـان
------------------------
يَـهْـل الـفراسـه الـمرجلــه هــذا محـلـهـــا
مْن العطش هالرّضعان هلكت دانهضوا الـهـا
أمّ الـرّضــيع تـلـوج ويـعـالـج طفلهـا هسّـا نجـيب المـاي ونـعـمّر المـيـدان
------------------------
سيـطر العـلامه ورجـاله عـلى الشّريعه و الماي خاضه و عالوجن هلّت ادموعه
وقـلهم حـرام المـاي يـاصفوة الشّـيعــه وآل الرّساله بالظّما وحسين عطشـان
------------------------
بـالماي طـلـعوا قـاصدين مخـيّم حسـين ولن العـدا جلَّت على الشّارع الصّوبين
وبريـر صـاح بصـوت يـاخوّانـة الدّيـن خـلّوا دربـنا من العطش هلكت الرّضعان
------------------------
كهف اليتامى حسين بس ماسمع صوته صاح ابّني عمّه وابـو فاضل وخوته
بـالعجل دركوا بـرير جـنّي اسمع نخوته حـالاً تناخوا وهجموا وفرّت العدوان
------------------------
وصـّل بـريـر بجـربـته يــم الصـّـواويـن واجتمعت الايتـام كلهـا والنّسـاوين
داروا عـلى زينب بضجّـه شمـال ويمـين و زينب تهل ادموعها و القلب لهفان
------------------------
تـبـدّد المـاي وبـقت محـتـاره الحـزيـنــه و الـكــل يناديها يعمّه المـاي ويـنه
وزيـنـب تـصيـح مـقـدّر البـاري عليـنه نـبقى بظمانـا بالفـلا يا آل عدنان
------------------------
واللي دهـاها عزيـزة الزّهـرا ودَهَشْهـا وظلّت عـلى الـوادي مدامعـها ترشْـها
ضيعـة الـماي ورجعـة العيلـه بعطشها وضاقت عليها الواسعه الحالة النّســوان

مصرع مسلم بن عوسجهڈ
طبّ الشّـهـيـد حسـين يتفقّد انصـاره ويّــا حـبيب وشـاف مسـلم بالمعــاره
]
مـرمـي ووقـف ريحانـة المخـتـار عنـده و آمـر حبيب من التّـراب يشـيل خدّه
ترحّم و حطّ رجله وساده وعدل زنده ويَـمّـَه حبيب يخاطبه ودمعـه يتجـارى
------------------------
يـقلـه انــا بـودّي تـوصّـيـني بـوصـيّــه لـكـن انـا عْـلى الاثـر لورود المنـيّه
قلـّـه يـبن عـمّي فـرض واجـب علـيّـه اوصيك جاهد عـن اهل بيت الامـاره
------------------------
عنـدي وصيّه يا حبيب اوصيك بحسين انصر الهـادي والوصي وستّ النّساوين
شوف العساكر دارت على الخيم صوبين وهذي بنات المصطـفى وقـفن حيارى
------------------------
ادّى الوصيّه وغمَض عينه وفاضت الرّوح و حسـين رد للخـيم عاين طفلته تنوح
نشّـف دمعها واحتضنها بقلب مجروح صاحت انشدك عن ابويه وعن اخباره
------------------------
عـن والـدي بشّـر عسـى نال الشّهاده و بـيّض وجهـنا ياحشا الزّهـرا بجهاده
قلهـا يَـهَـل هـالبـيت نلتـوهـا السّـعاده فاز بشـهاده والدج والله اخـتـاره
------------------------
بـيـده مسـح راس اليتيمـه وجان طبعه مـن يـنـظر بعـينه يتيم يسيل دمعه
للخـيـم ردهـا وبالـنّحب ظلت تودعـه قلهـا درِدّي ويا الحرم صرتوا يسارى
------------------------
وامهـا تلقّتهـا تقلهـا شعِنـْـدك اخـبــار قـالت عـلى التّربـان صار اكثر الانصار
وابــوي ويّـاهـم فــدا عـترة المـخــتـار قـالت يـبنتي خـوش جـيتي لي ابّشـاره
------------------------
لـكـن وحـيد حسـين ظل ولاله أعوان و الحـرم وسـفه تضيع بعده بغير وليـان
وَسْفـه تظـل زينب يسـيره بـيد عدوان ويّــا بنـات المصطـفى ويمشـن يسـاره

جون يستأذن للبرازڈ
واجـف على راس العبد ركـن الدّيانه يقـلّه انسحب يـاجـون لاتـبلي ابـبّلانا
]
أهل الشّـرف واللي رسول الله جدهم شـدّاتـهـم مـايـبـتـلي بـيها عـبدهـم
وجنود ابن هند الرّجس ذبحي قصدهم فــوز بنجـاتـك جـون لاتـقـعـد ويـانا
------------------------
اعْـلَى السّـلامه والامـان انتَ اتـبَعـتنـا و ادّيـتـهـا حقوق المـودّه و اخْدمـتنا
وهـذي العـدا حـتّى عـن المـاي منعَتْـنا و لازم ابهـالوادي ترى تسفك دمانـا
------------------------
هلّت ادموعـه و ظل يصيـح الله ولحّد يـامـهجــة الزّهــرا و شمّـامـة محمَّـد
آنـا عبـد يـبن الرّسـول ولـونـي أسـود بـين المـلا خـلّ العـبد يرتفع شانه
------------------------
تكـرّم عـلى عبـدك يـبن حيـدر الكرّار خـلّ يخـتـلط دمّ العـبد بدمـوم الاحرار
شـلون اعوفـك بـين هـالعدوان محـتـار وانـت يَبو الـيمّـه أمـين الله وامــانـه
------------------------
يـبن الوصي العاده العـبد يفدي عمامه و يـاهو أنــا مـثلي عـبـد عـمّه إمـامــه
شالعـذر عنـد المـصطفى يــوم القـيامـه لو قـال عفت حسـين بين اهل الخيانه
------------------------
شـال الشّهـيد إيديـه للباري ودعى لـه و حـين اللــفاه المصرعـه يـعاين الحالـه
دنّـق عـلى خـدّه وعـن الـتّربـان شـاله وفـتـّح عيونه وقـال أدّيت الامانه

مصرع سعيد التميمي‚
طبّ التّميمي للسّـــعاده الغاضريّـه وشـاف السّبط مفرود وخيامه خليّه
]
سلّم على المظلوم شافـه وحيد محتار وكـل اخوته فوق التراب ولا له انصار
قـلّه جنودك وين يا مهجة المخــتار عفت الاوطان وجيت بس قصدي المنيّه
------------------------
آنـا سعـيد و جيت متْعَنّي سعودي قصدي أعفر بالـثّرى دونك خدودي
أقضي بظماي ويـاك و الكوثر ورودي تسلّم عليـك الوالـده يابْن الشّفيّه
------------------------
قـلّه لها منّي و من جدّي سلامات و مصيبتي كـل الذي عنها سلامات
يـبني اليطب هالكون مايرجع سلامات وانتَ شباب بنفسك الدّنيا الهويّـه
------------------------
قـلّه يبن خير الانام اسـمع جوابـي جـيتك البَذْل النّفس مَـيـهمني شبابي
فارقت يـبن المصطفى لجـلك احـبابي قصدي الشّهاده واندفن بالغـاضريّه
------------------------
كلمَن قِطَع منكم يبوالسجّاد وَصْلَه هـذا الخبث كلّه من اصل الام واصله
قلّه ســلامي الجـدّي المختار وصله روح الحريبه والحق اليوث الحميّه
------------------------
تكنّى وشهرسيفه وطلب رخصه من حسين شمـّر اردانه وهجم لاناصر ولامعين
زلزل كتايبها و قلَبْها شمال و يمـين من كل كتر دارت عليه جـنود أميّـه
------------------------
صوّل عليها و بالدّما تجري اكـتاره لـمَّن تعـفّر و انجدل وسط المعــاره
جاه الشّهيد حسين و ادموعه اتّجاره وجابه وصفّه ويا الانصارعلى الوطيّـه

( ليلة عاشوراء )
وجل زينب وخطابها للحسين G
طلعت من الخيمه الحزينه تصيح يحسين ذوّبت قلبي خايفه تبقى بلا مـعـين
]
جيت بحريمك واوحشت ياخوي لديار وانْزلت وادي كربلا وجيش الكفر دار
و انتَ غريب ابهالفيافـي و قلّة انـصار سبعين الف و انصاركم نيّف وسبعـين
------------------------
مـن هـالعسـاكـر موحشـه الدّنـيا عليّه من بعدكم يحسين من وصّيت بيّه
خـوفي يسلمـونـك أنصـارك يـاشـفـيـّه وبكربـلا محـتار تبقى يـاضيا العـين
------------------------
خاطب انصارك ياضياناواكشف الحال و اسـتخبر الـنـيّـات ياصيوان العـيال
خوفي يخويـه مـن تصـكّ رجال برجال تتـفرّق رجـالك يخويه شمال ويمين
------------------------
قـلهـا يـزيـنب هـالـعـشـيّـه جمـّعـتـهـم و اخـبرتهم باللـي يصـير ورخّصتهم
حـنـوا حـنـين الـنّـيب حـينٍ خـاطبتهم وقالـوا يـبن حيدر نِصِد بوجوهنا وين
------------------------
نـاديت يَصْحـابـي علـيكـم هـوّد الليل روحـوا وخـلّوني وصاح الكـل بالويل
قـامـوا يَـزيـنب والمـدامـع تشبـه السّيل للموت كلهم دون اخـيّك مستـعدين
------------------------
كلهـم يحـبّـون الفَـنـا دونـي والحـتوف متحالفين اعلَى المـنيّه برض لطفوف
لـذّاتـهم يـوم الحرايب ضرب السيوف ليوث و ضواري ياحزيـنـه لا تحنّين
------------------------
ظـلّت تعـاينهم و تهمي فيض لـدموع ومن الاسف تصفج الرّاح بقلب موجوع
وتصـيـح يـا وطـرٍ تقضّـى ماله رجوع ماظـنـّتي لـرض المدينـه يرجـع حسـين

بكاء زينب وحزنها G
ثـاري اخْـوتي خطّار عندي يامسلمين بس هـالمسيّه والصّبح للموت ماشـين
]
هـلّت دمـوع عيونهـا وقـامت كئـيـبـه وطلعت تلوب وتسحب أذيال المصيبـه
وتصـيح اثـاري حسـين يتركني غريـبـه حرمه و غريبه شلون اسوّي ابهالنساوين
------------------------
صـاح الشّهـيـد حسـين زينب يازجـيّه بطلي البواجي زادت اهمومي عليّه
صـبري عـسى الله يسـاعدج ياهاشميـّه مــادام أنــا موجـود يخـتي ماتذلّين
------------------------
تبجين يـازينب و عندج صفـوة ارجـال عبّاس بيهم يعرفونه مـوت الابطـال
بـس يـنحدر للكون بـيـه يحـلّ زلــزال شِبْهِ السّحاب بزلزله يرج المياديـن
------------------------
صـاحت يخويـه جان هـلِّي تذكره دام أدري بحـياتـه مايذلّـونـي ولا انضـام
وامّـا المصيبـه جان فـوق المشرعـه نـام بعده نضيع ونلتجي يابو علي وين
------------------------
الليلـه بمعـزّه و باجر نشـوف الكسيره يحـسـين تبـلـيـني ابهلـيـتـام الكـثيره
ريـتـك ابهاللـيلـه تـواريـني ابحـفـيره ولا شـوفـك مجـدّل يخويـه ابغير تجفين
------------------------
الليلـه بمعـزّه و باجر نشـوف الهضيمه جـم أرمـله تـنـتحب حولي وجم يتيمه
شـان المسـافـر لازم يـوصـّـي بحـريـمه و صّيت من يـانور عيني ابهـالنّساوين
------------------------
ثـاري بنو هاشـم الليلـه عندنا اضيوف و باجر يخـلّونا حـيارى برض الطفوف
والله مـذلـّه بعدكم يابـوعـلي نشـوف هاجت احزانه والدّمع يجري من العين
------------------------
قلهـا اصـبري وتجـلـّدي لمـقـدّر يـكون وباري يَزينب هالـيتامى لا يضيعون
بعدي على ظهور الهزِل حسَّر تركبون و انـتي على ناقه وعلى جسمي تمرّين
------------------------
جـيـبج علـيّـه بعــد ذبحـي لا تشـقـّيـه ولا تخمشي خـدّج وصدرج لا تلطميه
صـبري علـى الذّلـه وكل ضيمٍ تشوفيه وباري هالمسجّى القطع قلبي بالـونـين

موقف الهاشميين و حماسهم G
طلـعت تجر ذيل الحزن وقـت العشيّه ومـرّت على فسطاط أبوسكنه الشجيّه
]
هلّت دموع العين لـمّن شافت حسين محتار جالس والمدامع عـلى الخـدّين
متصوّر الفقـد اخوتـه وهتك النّساوين يتلهّف ويعتب على الدّنيا الدّنــيه
------------------------
اختنقت بعبرتها ومشت والدّمع مذروف ومرّت على خيمة كفيل ايتامها تشوف
لنّ البطل عبّاس جالس واخوته وقوف مثـل البدر من حوله نجوم المضـيّه
------------------------
وقـدّام عـينـه مفرّعـه حـيـود ونشـامـه و الكـل بـيده مهنّده ومصـغي الكلامه
قـَلْهـم يفرسـان الـذي يـود السـلامــه ابهالليل يمشـي و اتركوا الزّحمـه عليه
------------------------
وكِلْمَنْ يهـاب الموت منكم يـا شياهين يترك هالمخيّم بصدري و هالنّساوين
وانا واخوتي نروح فدوه العِزْنَه حسين باجر أصـيح بصوت حـي عـلى المنيّه
------------------------
نفسي بجـنـب المشرعه تحضى بسعدها أَوْعَـدِتْ بـنت المرتضى وباجر وعدهـا
اعزيـزه و جبِـتْها بذمّتي من حرم جدها و هلّت ادموعه و انقطع باجي حجـيّه
------------------------
واكـبر عـلي ثـار وجـذب سيفه وسلّـه وحطّه عـلى جتفه و الشّـعر بالحال فلّه
واحـنى عـلى عمّـه يحب راسـه ويقلّـه تشوف الفعل قدّام عينك يا شفيّه
------------------------
والله يعمـّي لو تجي رخصه من حسين وحيـاة أبـوك المرتـضى فـارس الكونين
لحمل على العسكر واخلي الجيش شطرين قبل الفجر تـبقى مضاربهـم خلـيّه
------------------------
قـلّــه يـنور العـين باجر عينك تشـوف بجنب الشّريعه بصولتي شَفْعَل بالصفوف
جان القضا ساعد وسلمت لي هلجفوف لترك أهل كوفان كل بيت بعزيّه
------------------------
كـلّـه لـجـل زيـنـب تـراهـي ذوّبــتـني شـافت الجـيش وبقت تنحب وشْعبَـتْني
تشـبع مـذلّـه مـن العـدا جان فـقدتـني تـنصب نياحـتهـا عـلى حسـين وعليّه

الشمر مع العباس...
شـمر الضّبابـي ايخاطب اولاد امّ البنين ويقول يـا عـبّاس خـلّوا عـنكم حسين
]
فـكـّر تـرى مطلب اخوك مجـيد وبعيد كلّـه مخـاطـر والسّـلامـه بطـاعـة يـزيد
هــذا أمانك واخوتك عندي وإذا تريد نخلّيه تحت تْصَرّفك جيش العراقين
------------------------
قلّــه يطـاغـي شـهالكـلام اللّـي تقولـه سيف القضا بونا علي واحنا شبوله
أتـرك حمى الدّين وحبيب الله ورسوله واتبع نغل سفيان لا مذهب ولا ديـن
------------------------
ديـني حسـين ومـذهـبي خـلّ الأخـــوّه ركـن الدّيانـه بـو عـلي وفـرع الـنـبـوّه
أتـرك خـواتي تـنـسـبي و ويـن الـمروّه مـحنا نـتـيجة هند ، صفوه وهاشمـيـين
------------------------
حــيـدر ابـويـه اسمه عـلى سـاق العـرش نــور
واخـذل عضيدي حسين وانصر شارب خمور
والله لراويـكم فـعـل للحشـر مـذكـور وتجــدّده كل عـام شيعتـنا المحـبـين
------------------------
مغضب رجـع وحسين يترقّب رجوعه مـثل الاسد يهدر و لا يملك ادموعه
وقـبال ابـو سكنه وقف يبدي خضوعه وحسين قلّه والحجي مابين الاثـنين
------------------------
انـت عضـيدي يالأخـو وانـا عضيـدك وانـا مـراد الجـيش وانت ما يريدك
عـبّـاس انا المطلـوب وانت الامر بيدك دنّـق وحـب ايـده وهـل مدامع العـين
------------------------
وقلّـه يبو السجّـاد روحي اليوم تفداك ويّـاك لقضي العمر يـامظلوم ويّـاك
وجـودك يخويـه العيد واقبلنـا ضحايـاك هيهات يـعدي عليك عادي واحنا حيّين
------------------------
نفس الرّسـول ومهجة الزّهـرا ونخلّيك نطـلب سلامـتنا ونعوفك بـين اعاديك
بـالجـيـش رخّصني يبن حيدر واراويك و زينب بخيمتـها وسمعت نحـبة حسـين
------------------------
طـلـعت تجــر اذيالهـا وتصعّـد انـفــاس دشّت الخيمـه و بالمصايب قلبـها حاس
ولـنّ الشّـهـيـد يقـلّب بجفين عـبّـاس و قفت بحيرتها الوديعه بين الاثنين
------------------------
صـاحت وهـي متـأكّده حلول المصيبه يـاولاد حـيدر لا تخـلـّونـي غـريـبـه
ومن شـافهـا المظـلوم بطّـل مـن نحيبـه وقلهـا عـلي السجّاد عندج ماتضيعين

كلام الحسين مع أخيه العبّاس G
ضاقـت يـبـو فـاضـل فـيافي الغاضريّه واشوف بين خيامنـا تحــوم المـنـيّه
]
جنّي أشـوف حـتـوف و اعمارٍ قريبـه وجـنّه القضا نـازل يَسـردال الكـتـيـبـه
باجر عـلى راسـي أنــا تـدور الحريبه وهالجـيش هاللي مجتمع كلّه عليّه
------------------------
وقصد الاعادي من عضيدك يبن الامجاد ســوم الدنيّـه وطـاعة الفاجر ابـن زياد
وحـتـف الـمنـيّـه بينهـا ومـابـين المـراد ويدرون أخوك حسين ميدوس الدنيّه
------------------------
لكـن يـبو فاضـل بخوتك قوّض وشـيل و انا اتركوني ابهالفضا و القوم والخيل
ردّوا ابسلامتكم يخويـه بأوّل اللـيل أمكم حزينه و دوركم تبْقى خليّه
------------------------
وسـلّـم عـلى محـمَّـد وقـلّـه يبن الامجاد إلتفت لا تـنـقطـع مـن بعـدي الـوفَّـاد
و آنـا عليّ ابهالفلا يـاخوي مـيعاد أنذبح و اختك تنسبي و تركب مطيّه
------------------------
قلّـه يـبو سكنـه تركت القلب مكسور مَـنْـته ملاذ النّاس وانتَ العمد و السّور
لاويـن أنـا اتوجّـه ومجبـل يـوم عاشـور كلنا انتمنّى الموت دونك يـاشفـيّه
------------------------
أرجـع واشوفـك حاير وتتحدّث النّاس خاف المنيّه وعاف أخوه حسين عـبّاس
وشعاد لو قطعوا جفوفي وفضخوا الرّاس هـاي السـّعاده ودونـها حـتوف المنيّه
------------------------
وزينب على باب الخبا ودخلت كـئيبه تصـيح بذممكـم لا تخـلّونـي غـريـبـه
لـو عافـنا العبّـاس يـاهـو النِلْتـجـي بـه وسـط الفـلا وعـدوان ما بـيهم حميّـه
------------------------
واهوت علىحسين وعلىالعبّاس بالحال تـقـلّـه تخـلّينا يـبو فـاضـل يَـسـردال
وتشوف أخوك حسين حايرماله رجال ياهـو الطلَعْني امن الاوطان وزمط ليّه

خطبة الحسين ليلة العاشر '
قرْب المسا وقّف اصحابه وكل لخوان صَفّين وتوسّطهم بجـانب الصّـيوان
]
قـلهم يصحبي واخوتي كلكم تسمعون مطلوب انـا و القـوم بـيكم مايـفكرون
يَكْـرام قـتـلي ابهالفـيافـي لازم ايكـون فوزوا ابسلامتكم وانا وعدي ابهالمكان
------------------------
ضجّوا فرد ضجّه وصاحوا ياحما الدّين نفوز بسعادتنا و فداك نصير يحسين
نخلّيـك مـابـين الأعـادي والشّـيم ويـن شالعذرعـِدْ خير الرّسل يانور الاكوان
------------------------
لكـن يـبو السجّـاد بكره يصـير معلـوم مـاينسـفك دمّـك لحـتّى تسـفك دموم
ونشـفي غليــل قلوبنـا لازم مـن القوم ونـوفي بذممـنا والوفا من شان الاعيان
------------------------
يحسين مـا عفـنا حلايـلـنا و لبـيوت إلاّ بعزم دونك ودون عيالك نموت
حالاً رفـع جـفّه الذي للقدس لاهوت عـدهم وراواهـم مـنازلهم بلجـنـان
------------------------
وليلـة العشره بـيّتت ذيج الشّـفـايا كلـها بـعـباده وبالـتّلاوه و بالوصايا
وعـدهم مثل كاس العسل جرع المنايا وامّـا الحرايـر سـاهره تودّع الشـبّـان
------------------------
وزينب مشَت بين المضارب تجر حسرات وسمعَت بخيمة بو الفضل عبّاس نخـوات
قـرّبت يمهـا بعجـل وتعـلّت الاصـوات لـن الـبطل عـبّاس يـندب يـال عدنان
------------------------
بـاجر يَـفرسان الحـرايـب يعْمَر الكـون و تسبقكم الانصار للميدان لايكون
نـاداه لكبر يـاشـبل هـزّاز لحـصون نتـقدّم احنا المعركه ياعالي الشّـان
------------------------
احنــا يـعـمّي اللّـي نـدافـع عن حمانــا وتـقـود فِرْقَـتنـا ويـرف بيدك لوانا
ونشـفـي غليـل القلب باجر من عدانـا لحّد وانـا ابن حسين لَطْحَن جيش كوفان

خطابه (ع) لأصحابه ‚
ابتـاسع محـرّم بـو عـلي قـرب المسـيّـه خاطب أصحابه وكل بني هاشم سويّه
]
قـلهـم يسـامـين الـفَخَـر يـهـل المعــالي عـاشر ترى الليله وهي تالي الليالي
وبكـره العـدا تزحف على مخـيّم عيالي مـنـتـو قصدهـم هالجمـع مبعـوث ليّه
------------------------
قـلّــه حبيـب اللـيث مقصـدنـا المنايـــا ونبقى على وجه الثّرى دونك ضحايـا
عنّـك نصــد لاويـن يـاشمـس الـهدايـه شْـنـعـتذر عــند المصطفى خير البريّــه
------------------------
عنّك نصد والجيش سد افجوج الـبرور لازم علـيـك المـاي والجو نـار مسـعور
من غير ناصر بـس حـرم تلعي بالخدور وشـنْقـول للكـرّار والـزّهرا الزّجيّه
------------------------
وبـريـر قـام بخطـبـتـه وذبّ الـعمـامــه يقلّـه يـَعــنْـوان الـنـبـوّه والإمــامــه
هــذا يـزيــد محـشّـم عـراقـه وشـامــه الذبحـك شـلون تـصير عيشتـنا هنـيّـه
------------------------
و انا حـياتي ابهالدنيّه عايـف الـها و حـق الوصي و الطّاهره المامش مثلها
لحمـل على الجـيمان و ابعـزمي أَفِـلـها أمـا نجـاح و نـصر لـو فوز ومنيّه
------------------------
وزهـير شـال الصّـوت بـالخطبه ونثرها يقلّـه وحـقّ اللّي رْضَعتْ يحسين درها
بـاجر نخـلّـي كـربـلا شـايـع خـبرهــا بموقف أحرار يـدوم للمحشـر دويّــه
------------------------
أثنـى عـلى انصاره وتشكّر شبل عدنان أشّــر و راواهـم مـنـازلهـم بـالجنـان
وقلـهـم منايـانـا تـرى باجـر يَـفرسـان وحريمــنا تروح بيسر لاوغاد اميّه
------------------------
وكِلْـمـن إلــه زوجـه يـودّيــهـا لهـلـها و امّـا حرمْنا للضّرب و السلب خَـلْها
بـاجر تظـل ابهالفـيافي و محّــد الهـا بـاليسـر للشّـامـات تـتودّى هديّــه

حوار مسلم بن عوسجة مع زوجته‚
قـومي أريـد أوصِّلـج يــا أســديـّه لهـلـج وانـا ارْد ابْـقى بطف الغاضريّه
]
هــذا الشّـهيـد حسـين باليجري علمنا باجـر نـهايـه وآمَـر انـودّي حرمـنـا
وهـذي بـني عـمّج نـزل بالقـرب يمـنـا بالعجل قومي انوصّلج قبل المسـيّه
------------------------
قـالت يَمُسلم جان هذي صورة الحـال مهجة الزّهرا حسين شيسَوّي ابهَلعـيال
قلها تروح امـيسّره و تِفنى هلرْجال بُـكره الظّـهر تبقى الخـيم كلـها خليّه
------------------------
وانـتي بعجـل قومي ترى الحاله خطيره قالت عجايب خوش حب وخوش غيره
آنـا المصـونــه وزيـنب الحــورا أسـيره أقـعـد بـراحـه و زينب بكـور المطـيّـه
------------------------
عفت الحياة ودون أخوها سمَحت بالرّوح و اتريدنا انخلي حريمه بـيسر و نروح
كف الحجي حجيك ملا قلبي ترا جروح لازم تواسـي حسـين ونـواسي الزجيّه
------------------------
ردّ للشّـهـيد وعـبرتــه بخــدّه يهـلـهـا قـلّـه وحب إيده يَـبن سـيّد رسلها
مــا قـِبْلـت الحـرّه نـوصّـلهـا لاهـلـهـا تفضّـل مـواسـاة الحـريـم الهـاشمــيّه
------------------------
كلـنـا فـدا لـك والحـرم فدوه الحريمك إلنــا الـفنـا يحســين وانـت الله يديمك
واطفـالنـا كلهـا فـدا الظـّامـي فطيمك و الوعـد عـند المصطفـى خـير البريّــه
------------------------
قـلّـه بـذلـتوا الجـهد يالطـابت شِيَمْكُم يالـزّاكـيـين اعـراض نزّهـتوا ذِممكـم
اتشاطـر عوايـلنـا ابمصايـبهـا حـرمـكم يَكرام بشـروا بالجـزا مْن الله و نبـيّـه

كلام الامام السجاد مع أبيه G
باجر يبويه من الصّبح قوّض هلَضعان و انزل بوادي يصلح الحملة الفرسان
]
يـابوي شوف الجيش يترادف ابهالقاع وتدري يبويه الغاضريّه انصوص واتلاع
و اللي معك يَبن البتوله احيود و اسباع و الخيل تدري تريد فسحه وسعة ميدان
------------------------
وعنـدك أطفال مروّعه وعندك نساوين ما تقدر تعاين مذابـيـح و مطـاعـين
قـلّه الحرب باجر على ابواب الصّياوين وانتَ وحرمنا تنظرونا فوق تربان
------------------------
و اتلاع وادي كربلا كلها و لتلول باجر أسـاويهـا بجـثِث فـرسان وخـيول
وتصير صَفْصَفْ يالولد ودامومها سيول واجلب على الحي من دم المذبوح طوفان
------------------------
قـلّـه أبـو فـاضل يـبن حــيدر ونعـمـين إنتَ الذّخر لكن شعبت القلب يحسـين
تحمل على العسكر يبو سكنه وانا وين مادام انـا حـي ماتطب حومـة المـيدان
------------------------
آنـا واخـوتي وكـل بني هاشم سيوفك هيهـات مَـتْـباشر حرب واحنا نشوفك
قـلّه عـقب ما تنقطـع مـنّك اجفوفـك واتضل مرمي اعْلى النّهر واعود حيران
------------------------
و عـند العليل ضيوف كلـنا ابهالعشيّـه و بـاجر يعـاين هالخيم كلها خلـيّه
و يـوم احـدعش تـقْفر فـيافي الغاضريّه بـيها جثـثـنا امطـشّره مـن غـير دفّـان
------------------------
وزيـنب تسـمعه وقلّي اشحالة حشاها و طلعت تهـل ادموعها و تخفي بجاهـا
طلـعت بحسـره وقـام ابـو فاضل وياها يقلهـا القصـد لاويـن ياخيرة النّسوان
------------------------
قـالت أروح الخـيمـتي واجـمع يتامـاي و ابجي عليكم يخوتي و اكثر من انعاي
واشـفي غـليلي قبـل مـا تمنعني اعـداي باجر يخويه ابهالوكت ماعندي اخوان


صباح عاشوراء '
مصباح لقـشر صبّحت يـا يوم عاشور تزحـف كتايب والسـّبط بالطّف محصور
]
ومن الصـّبح جيش الضّلاله تحرّك ودار و حسـين آمـر تنضـرم بـالخندق الـنّـار
والخـيم ممـلـيّـه حـرم و اطـفال وكبـار وقلوبهم تغـلي بظماهـا والفضـا يفـور
------------------------
أوّل سـهم من قـوس ابـن سعد المزنّــم زلـزل اركان الدّيـن عاشـر بـالمحرّم
والاّ السـهام تسـاقـطت وسـط المخـيّم وضجّت عزيزات الرّساله وسط الخدور
------------------------
حــالاً نــده يَـكْـرام يَـرْجـال الحـمـيّـه يَـنْصار جدّي وصلت اطروش المنيّه
وفـرّت لـيـوث الغـاب للحـومـه سويّه وخلّـوا برور الغاضريّه بالدّما بحور
------------------------
والكـل يصيـح ارواحـنـا يحسين تفداك لاخـير في الدّنـيا ومعيشـتها بلـيّـاك
سـبـعين مـرّه نـنْـذبـح يحـسـين ويّـــاك لجلك مهو لجل الخلد يحسين والحــور
------------------------
يـامهجـة الزّهـرا علينـا فرض مفـروض يحسين حتف الموت دونك لازم نخوض
وهـذا نعـيم الخـلد يـامظلـوم معـروض مَيصير مـنّا قصور لو ما لاحت قصور
------------------------
وظـلّت تحـوم على المنايـا البيع الارواح ضرب الهنادي ماتحس به وطعن لـرماح
وهجموا علىحتوف المنايا بطرب وافراح يمشـون وسـط المعركه مشية المخمـور
------------------------
عدهم احدود البيض جنها بيض لخدود و امّا السّـمر سمر الأوانس تحمل انهود
أطواد لكن حيف كل ساعه وهوا طود واتـناثرت فـوق الوطيّه ذيج البدور
------------------------
وقْفَـة حبـيب المصطفـى تـهزّ الاراضين يقلهم يَوافـين العـهد خلّيتوا حسين
تـهنـّوا بـنومـتـكم وَفـيـتـوا يـا مـيامـين اهتزّت جثـثهم على الغبرا ورادت تثـور


حملة الأنصار ا لأولىڈ
قـبل الـظـّهـر صارت الحملـه الاولـيّه واكثر انصار حسين ناموا بالوطيّه
]
حلّت صـلاة الـظّهر واذّن ناصر الدّين تركـوا الحـرب وتيمّموا وتقـدّم حسين
ونادوا على العسكر انجان انتو مسلمين كفّوا نبلكم خــل يصلّي ابـن الزجـيّه
------------------------
بارز الحجّاج و تكنّى و صار جـدّام يـازين مـأموم أُو وراه يصير لـيمـام
ظل يتلقّى عن حمى الاسلام لسهام وحسـين سـلّم والشّهم لاقــى المـنـيّه
------------------------
قــال الشّـهيـد حسـين يصحاب المحنّـه قومـوا تراهي تزيّنت روضة الجـنّـه
و الخايـف امن الموت خلّـه يروح عـنّا وارد اقضي الواجب من الباري عليّـه
------------------------
دارت رحاها الحرب وامّـا الهـاشميـات كلهن على ابواب الخبا يجذْبن حسرات
وامّـا الوديعـه بقلبها صارت الحسبات تـتـصـوّر المجـبل و تـتـجـلّد شجيّـه
------------------------
وصاحت يفضّه بالعجل سئلي عن الحال بلكت مـن انصار الولي تشوفين خـيّال
نشـديـه جم فارس تقنْطَر فـوق الرمال لحّـد يـعين الله على هـاي المسيّه
------------------------
طـلعت ولنْ بن عوسجه بجانب الحومه مطعون تاجي اعْلى الرّمح تنزف دمومه
صاحت يواجف جيشنا عندك اعلومـه مـن حزبنـا ياشـيخ لو مـن حزب اميّه
------------------------
قـلهـا أنــا مسـلـم يَـفضّــه تـعـرفـيـنـي جـنّج عن الانصار عزمـج تنْشديني
خمـسـين راحـوا وانـا منهم حـان حيني قـولـي الزيـنب تستـعـد الهـالـرزيّـه
------------------------
ردّت و هي تـلطم على الهـامـه بليدين تنـادي يحورا لا تنشديني الخبر شين
راحت ابهالحملـه من الانصار خمسـين للـيـسـر لازم نسـتـعـد يـاهـاشمـيّـه


العباس يرى وحدة الحسين وعطش الودائع '
واقف ابوسكنه ويهل الدّمع منثور ينـظر انصاره بين مصروعٍ ومنحور
]
و يـعـاين بعـيـنـه اشـبال الهـاشمـيـّين تـتسابق اعلَى الموت دونه و مستعدّين
كلهـا من ابـو طالب ضياغم مستميتين شدّوا وفرشوا بالاجساد تـلاع وبرور
------------------------
و عـبّـاس للمـيـدان قلّـطـهـم اخـوانـه وجـيش الأعادي ضَعضعوا منّه اركانـه
وكلهـم تـفانـوا والسّـبط قـلّت اعوانه وظلّت خيمهم خاليه من ذيـج البـدور
------------------------
وصاحب الرّايه بمركزه ابّاب الصّواوين يـشـوف المضـارب خاليـه من الهاشميّين
لازم حصانه وينتظر رخصه من حسين وعزمه على خوض المعاره وقلبه يفـور
------------------------
ساعه ولن امن الخبا طلعت سكينه تـبجي وتـنادي عـمّي العـبّاس وينه
مات الرّضيع من الظّما وغمّضت عينه يمـها قـرب من شافها والقلب مذعور
------------------------
اتـناول مـن سكينه الرّضيع وقال ردّي وطـبّي الخـيمـه يـالعـزيزه واستعدّي
أمّـا أجـيب الماي لو ينقطع زندي وعرّج علىحسين الشّهيد بدمع منثور
------------------------
ونـاداه يـاللي بالصّبر يحسـين موصوف مَقْدر يموت الطّفل ظامي وعيني تشوف
لـو تـنـطـفي عيـني و تِـتقَطّع هلجفوف بـالله درَخّصني يـبن حيدر المذخور
------------------------
قلّـه السّـبط عبّـاس يازهـوة زمانـي مثـلك أنا حـال الطّفـل فَـتْني وشجانـي
لكن يَمَجْمع عسكري وباجي اخوانـي حامي خيمنا هالعلم مادام مـنشور
------------------------
رخّص عضيده وودّعه والدّمع مسفوح و قـلّـه الطّفل ودّه يخويه لخـتـه و روح
لاح بظهر مُهـره وسيـفه وبيرقـه يلـوح بيها صرخ صرخه وخلّى العسكر شطور


العبّاس يطلب الرخصة G
ضبَّط حِزمْ غوجه ووقف حامي الظّعينه جدّام أبو السـجّاد و السّـيف بيمينـه
]
يقلّـه يـنور العـين درخصني العزم هاج يـاخوي مالي عن ورود المشرعه علاج
قصدي أروّي مهنّدي من فيض لَوداج طفلك يخويـه حسـين فت قلبي بونينه
------------------------
يحسـين سكْنـه بطفلك الملهوف جتني يابـس السانـه و شوفته و الله اشْعبَتني
وحال العزيزه وحال أخوها شلون فتني تجذب الونّه والرّضيع يديــر عـيـنه
------------------------
هـلّت مدامعهـا يخويـه ووقفت حذاي ترتعش وتقلّي يَعمّي تفتّت حشـاي
مــدّة ثلـثـتـيّـام والله مـاضـقـت مـاي واحنا يخويه الموت لازم وارديـنــه
------------------------
قـلّـه يقُطـب الـحرب يـاشـايل حملنــا خـلـّه يخويـه من العطـش يهلك طفلنـا
الله يـعَـين الجـيـش لا تشـتـّت شمـلـنـا بعـدك يخـويـه تميل عدوانك علينا
------------------------
عـبّـاس تـدري وحدتي بـعدك مجــيده وانتَ يخويـه الجـيش سردالـه و عميـده
وتـدري الأخـو للموت مَيْسَلّم عضيده والحيد يتْضَعْضَعْ من يفارق عوينه
------------------------
قـلّـه نخـلّي تمــوت نـسـوتـنـا ضمايـــا واحنا يَكَهْف الخايف ليوث وشفايا
يحسـين درخـصـني أنـكّـس هـالـرّوايـا خـيّج يجـيب المـاي لـو تقْطَع يمينه
------------------------
يحسـين درْخـصـني أنـا الهاليوم مذخور والله بالمطهّم لدوس خدود وصدور
تـدري ابهالتّربـه و تدري اليوم عاشور و بالغاضريّه النــا مـرامٍ قاصدينــه

شجاعة العباس G
حدّر قمر هاشم على جيش العدا وصال رمحـه المنيّـه وصارمـه بتّـار لاجـال
]
مثـل الـزّلازل مِـنْحدر تسـمع رعـيـده يـتْـبَخْتر امكيّف املاقى الموت عيده
حَـتـم القضـا بسيفـه وعـزرائيل بـيــده ضيـّق فضاها والعَساكر شافت اهوال
------------------------
شـعّـة جبينـه وصارمه تذهب بالابصار من صرخته ذاك الجمع مثل الرّحى دار
فاضت اطفوف الغاضريّه وصاحت النّار بس امتـليت اغـمد البتّـارك يَسـردال
------------------------
صـال وذهلهـا بصولتـه ولفها ونشرها و اذوايـبـه فوق المـتن فلها و نـثرها
وطفّـح بميمونـه عـلى اليمنـه وكسرها وطشّر اليسرى والقلب من مركزه زال
------------------------
عيـون المـسامي مـن ظهور الخيل شلّع جم حيد مدرع خطف والعسكرتضعضع
كلمـا تـراكـم غيمها نـوره يتشـعـشـع فرّت وحتف الموت يلقط وين الابطال
------------------------
فـرّت وظـنّت حـل عليهـا نافخ الصّور تطلب الملجـا و الرّمـح يلعب بلـصدور
والشّمس تتوقّـد وقلـبه من الظّما يفور و تذَكّر سكينه واخوهـا وللـنّهر مـال
------------------------
وحسـين لازم مركزه و تهمل ادموعـه يشوفه نسَف جيش العدا وشتّت جموعه
وطـلعت مريـبه وتنتـظر زينب رجوعه تصيح الكفيل أبطـا عسـاه يعود خيّال
------------------------
قـلهـا يَـزيـنـب للـنّـهـر حــوّل بجـوده واخلى ملازمها عسى تسلم زنوده
ردّي الخيمــه واطـلبي مـن الله يـعوده سورج تراهو و الذي لَطفالج ظلال

رجوعه مع الحسين بالماء الى المخيم G
للمشـرعـه يَـمَّمْ قـمر هـاشم وعدنان مثـل الأسد والجمع راح تقول غزلان
]
طـبّ للنّـهـر زعلان حاسر عن ذراعه والماي خاضه وشافه يلوح بشعاعه
عاف الشّرب والعمردون حسين باعه ينظـر المـاي وقـلبه مـن العطَش لهفان
------------------------
بـيـده غـرف غرفـه وصاح وقلبه يفور ليت العـراق بزلزله و افراتهـا يغـور
والله فلا اتـروّى وقلب حسين مفطور وعنده حريم معطّشه واطفال رضعان
------------------------
قـلـبي مفـتّت والمروّه تـقـول هـيـهـات عطشان اخيّي وارتوي من ماي لفْرات
مقمّط رضيعه ويجذب على الماي حسرات عمري عقب عمرك يخويه حسين لاجان
------------------------
ظل بالظّما ساقي العطاشى وطلع بالجود والدّرب بينه وبين اخوه حسين مسدود
بيها سطى وسيفه وصوته بروق ورعـود و الرّوس تمطر والدموم تقول طوفان
------------------------
كر ايتناخى الجيش وحسين انتخى وصال عـبّاس باليَمنـه وابـوسكنـه بالشمال
صـبّوا على العَسكر من البرديـن زلزال والكل قصد خيّه ورفيف العلم نيشان
------------------------
شـوصف فعايلهم بـهل كوفـان الاثنين مدْري صواجع نازله عْلى الجيش صوبين
شنهي الصّواجع من عزم عبّاس وحسين عـافت ملازمهـا وخَلَت حومة الميدان
------------------------
شمـس النّبوّه وقمـر هاشـم يـوم عاشور دار الفلك بـيـها وتلاقى الـنّـور بالـنّور
شقّوا سحاب من الكتايب والسّما تمور احتضنوا وزينب طلعت ترحّب بلَخوان

العباس يوجه خطابه الى زينب بالمخيم G
قطعـوا جفوفه وانبهض حامي الظّعينه وظـل بالمعـاره يصيح يختي ياحزينه
]
يخــتي يَزينب قـطعـوا شمالي ويمـيـني دارت عــليّ صـفوف لا تـترقّـبـيـني
حـال القضا يمخـدّره بـيـنج و بـيني و انجان طحت اعلى الثّرى سلّي سكينه
------------------------
منكـم يـزينب أيّـست للخـيـَم ماعـود جفـوفي تـراهي اتقطّعت واتمـزّق الجود
والسّـيف ما ينشال يـازينب بـلا زنـود والطـير مَـيْطير و جناحـه كاسرينـه
------------------------
دمـومي انّزفـت يـاحزينه والقلب ذاب وانا الأسد لكن بقيت بغير مخلاب
مـا ظـنّتي أقـدر أوصّل يـم لَطـناب ابهالحال أنا وصولي الحرم ويني اُووينه
------------------------
انقطعت جفـوفي وصرت حاير بالمعاره شـلون الصّقر يفرس ومقطوعه اظفاره
بشـروا عـقـب ذبحي يزينب بـانكساره و انجـان راح حسـين ضعتي ياحـزينـه
------------------------
قولي لخــيّي بـوعـلي يلـتفـت لـيّــه جان اوقعت فـوق الـثّرى يلحق علـيّه
أنـظـر بـعـيـني غـرّتـه قـبـل المـنـيّـه و بلـغوا سـلامي الوالـده برض المدينه
------------------------
قولي لبوسكنه يجي بس يسـمع الصّوت حتّى يودّعني واودعه قبل ما اموت
تحيـّر وقلبـه مـن لهيب العطـش مفتوت و لنّ السـّهم صابه يويلي بوسَط عينه

في خطابه للحسين بعد قطع كفّيه G
قطعوا العدا اجفوفي يخويه والعلم مال بالعجل شـوف البيرقـك يحسين شيّال
]
طـاح الحمل يا بـوعـلي وقـلّت الحيلـه مقـدر أشـيل سلاح والجربه ثجيلـه
مال العلـم يحسـين خل ضيغم يجـي لـه لا ينكسر جيشك يـبن حيدر يَسِرْدال
------------------------
سـيفي بسنّي والصّرع يسحب بالتراب والـدّم يـنزف والقلب يـا بوعـلي ذاب
هـذا السّهم ناشب بعيني يابن الاطياب فدوه الخيالك مابقت لعْضيدك أحوال
------------------------
والله فلا يطـيـح العلم مادمت موجود ملزوم أنشـره والزمـه بْصَدري والزْنود
مَيْطيح حتّى يطيح أخوك بضربة عمود ينكسر جيشك جان خدّي توسّد رمال
------------------------
تحيـّر أبـو فرجه و وقف ودمومه تسيل وانسـد دربـه للخـيم بالزّلم والخيـل
نـوبٍ يسـنْد العـلـم صدره ونوبٍ يميل قرْبَت السّاعه وراسه انشق والعرش مال
------------------------
تكـوّر قمر هاشم وخر من برج مهـره وشمس الهدايه حسين اجا مكسور ظهره
شافـه اجفوفه مقطّعـه و يفحص بغـبره قـلّه يخويه ضاعت اعيالي و لطـفال
------------------------
توعّى يَشايل بـيرقي وعن هالتّرب قوم تترقـّبك ســكنه وزينب وامّ كلـثوم
قـلّه عـن عـيوني يخويـه اغسل هلدموم بـيني وبينك ياضيا عـيني القضـا حـال

مقاتلاته و مصرعه '
عبّاس نزّل على العسكر نفخـة الصّور صد الشّريعه يصيح انا الهاليوم مذخور
]
كردس الرّمـايــه المشـكّـر بالشّـريعــه صـوّل وعسكر بن سعد شتّت جموعه
اووقفت على باب الخِبا بروعه الوديعه وعـبّاس حوّل للفرات وقلبه يفـور
------------------------
وحسـين عـينـه شـابحـه ويـنظـر افعاله و زينب خفى وسط النّهر عـنها خيالـه
صاحت يخويه حسين اخوك اشجرى بحاله ماشوف شخصه ولاأشوف العلم منشـور
------------------------
قـلهـا كفيلج بالنّهر قـحّم حصانـه لكن يحـورا وحـيد مفقوده اعوانـه
و الجـيش يترادف و خوفي اعْلَى لوانا يتنكّس وتدرين هذا العلم والسّور
------------------------
سـاعه ولـنّـه مـن الشّريعـه طـلع عبّاس خلّى الارض كلها جثث بالخيل تنداس
ويلاه من طارن اجفوفه وفضخوا الرّاس وحسين خاض المعركه و الظّهر مكسور
------------------------
وشـافـه مجدّل صاحب النّفس العطوفه صاح انكسـر ظـهري ودمعاتـه ذروفـه
ترجّـل عـن حصانـه يلقّطهـن اجفوفـه وعاين سـهم عينه وشاف الرّاس مطرور
------------------------
تخوصر على اعضيده ومنّه القلب ذايب صبهن ادموعـه وغسل دمّـه و التّرايب
وقـلّه مصابـك هوّن عـليّـه المـصـايـب ياهو اليـباري الحرم من بعدك ولخدور
------------------------
قـلّـه ودم راســـه ودم عيـنــه يـسيـلـه محّد بقى لك هالعـلم بعدي يشيله
وبــلّـغ ســلامـي و التـّحـيّـه للعـقيـلـه بعدي و بعدك عالـهِزّل تقطـع هلبرور
------------------------
اطلب لـي العذر مـنها وقلها ماله زنود وقـلها ملكت المـاي لكن خرّقوا الجود
ولا تقـول خلّيتـه عـلى التّربــان ممدود خـوفي تـفر حسـره ولا يبقى لها شعور


في مجيئ الحسين لمصرعه G
يحسـين قوموا مْن الخيم ذبّـوا العمايم هـذا بدركم مِنْخسف يـاولاد هـاشـم
]
يحسـين ثـور مـن المخـيّـم جيب شـيّال سردال جيشك لا تتركه فوق لرمال
عنكم ابوفاضل مشى وضاعت هالعيال دركـه تراهـو بجانب المسـناة نايـم
------------------------
طفّـح جواده ووقـف يمّـه ودمّـه يسيل ينـادي يـبو فاضل عليـنا حاطت الخيـل
يـاهـو اليبـاري هـالحـرم لـو هوّد الليل وانــا بعـد سـاعه عـلى الـتّربـان لازم
------------------------
لكن يخويــه وين بتـّارك طـرحـتــه قلّه يخويه انقطعت اجفوفي و تركته
لـو سـلـم جفّي جـان هالبيرق نشرتـه وردّيت للخيمه وجود الماي سـالم
------------------------
قـلّه يخويـه بو الفضل في وين الجـفوف قـلّـه يخويـه اتقطّعت مـابين لصفوف
دمّي على عيني جَمَد يَحْسين ماشوف نـشّف ادمـومي يابقـيّـة آل هـاشم
------------------------
نــادى يخويــه لَغْسـِل بدمعي دمومـك تمـنّـيت جان الهـالحريم الله يدومك
لكن يخويـه ابهالارض يـومي و يومك وتضيع من بعدي وبعدك هـالفـواطـم
------------------------
تخوصر علىعضيده يودعه وصعّد انفاس يـا جمرة الكـون الذي ماقطّ تنْداس
ظهري تراهو انكسـر من فقدك يَعبّاس طـاح العـلم واتفلّلت منّي العزايم
------------------------
عــزّم يشـيلـه للمخـيّـم قــال مـا روح خلني عـلى الشّاطـي أعالج طلعة الرّوح
مَقْـدَر أروح الخـيم وانظر زينب تنـوح وانظر دمع سكْنه على الخـدّين ساجم

محاورته مع الحسين ساعة احتضارهƒ
خـر ايْـتِلوى يَمْ جسد حامي الظّعيـنه بشماله شـال السّيف والرّايـه بـيمينه
]
يقلّـه يَسـاقـي الظـّاميــه وكافـل العيله هذا العلم طايح وبعدك من يشـيله
تشـمّـت عـدوّي واشـتـفى منّك غليله وظـلّت يخـويه بالظّما وترقـب سكينه
------------------------
قـلّـه يـنـور العـين شـيل السّهم بهداي ولا تذْكر سكيـنـه يخويه تفتّت حشاي
بـالطّفـل قصـدتـني وانـا تبرّعت بالمـاي شاقول لو قالت يعمّي الوعد وينه
------------------------
قـلّه يخويـه أيّـسـت من سمعت الصّوت وقفت او ويّـاها الحرم بابـواب لبـيوت
وزينب مجيّـك تنتـظر والقلب مفـتـوت والطّـنب مـن طـاح العـلم ضج بحنينه
------------------------
قـلّـه وهـو فـوق الـثّـرى برويحته يجـود لولا سـهم عـيني وسهم الخـرّق الجـود
أوصـل يخـويــه جـان المخيّـم بلا زنود وتشـوف اخـوهـا زينب وقطعـة يمينه
------------------------
سلِّم عليهـا ياضيــا العـالـم وقلهــا اجفوفي و عيني و هامتي كلها فـدا الهـا
تـبـقى وحيـده وضايعـه وطايح حملهـا بكفالتي مـن يـوم فـارقـنـا المدينـه
------------------------
وأشّـر عـلى الخيمـه ومـزج دمّه بدمعه أصغى وسمع زينب اببّـاب الخدر تنـعى
تزَفَّر وبوسكنه انحـنى فوقـه يوَدعـه وعينـه غمَضْها وقطـع يـا وَسْفَه ونينه
------------------------
سجّـاه أخـوه حسين آه ياحالـة حسين بجنب الـنّهر مدّه ونهض يصفـج الجفّين
يـرجـع زمانـي وتزهر ايّـامي بعد ويـن عبّــاس بعـدك كـل أملنـا فاقدينـا

رثاء أحمد بن الحسن '
شبلين من غاب الحسن طلعوا يزأرون أحمد وجـاسم ويل قلبي جنهم غصون
]
أحمد تسلّح وانـتخى جــدّام عـمّـه يقلّـه درَخّصني يويـلي وزاد هـمّــه
ودنّـق ابـو سكنـه على بن خـيّه وشمـه وضمّه الصدره والدّمع يجري امْن لعيون
------------------------
حصّـل إجازه وانـتـضى سـيفـه الـبـتّار و توسّـط العسكر شـبل حيـدر الكرّار
سـتّعش عـام العمر آه يـقْصَار الاعمار ذاك الشّـباب بصرخـته ظلّوا يموجون
------------------------
زلـزل ميـامنهـا وعلـيهـا سـد الدروب وقامت مياسرها امن ابن كشّاف الكروب
جـده عـلي وعبّاس عمّه الولد منـتوب وشب الظّما بقلبه ورجع يَمْ سيّد الكون
------------------------
يقلّـه يـعمّي العطش فَـتْ قلبي وجواني برّد غليلي من الظّما برجع مكاني
للمـوت يـاعـمّي أريـد أسـبق اخـواني دونك يَعمّي لوطحت خلـهم يحملون
------------------------
ودّع حـسـين ورجـع محْـربْ للحريـبه بعزمـه طواهـا و القـلب يوقد لهيبه
تـقفّاه هاني بن ثبيت ابن النجـيـبه بالسّيف صابه ووقع من صهوة الميـمون
------------------------
جابه الشّهيـد حسين من حومة الميدان ومنصوب للموتـى بجنب الخـيم صيوان
سـجّى ابْن خيّه وفـرّن بدهشه النّسوان وهاجوا اخوانه مسلّحين وخاضوا الكون
------------------------
مـابـين فتره ويـنحدر للكون عَمْهم يـرفـع بصدره الـيخـر بالميدان منهـم
وصفْـهُـمْ يويـلي مخضّبين بفيض دمهـم و جسّـام تاليهم طَـلَع محرب ومحزون
------------------------
صـد لخـوته كلهم على التّربان صـرعى عـرّج علـيهم واحـنت الاحـزان ضلعه
يَمهُم وقـف لحظـه وصب ادموم دمعه وقلهم يخوتي ليش نومه ماتـنامون

القاسم بن الحسن يطلب رخصة القتال '
جاسم طلع وحسين يهتف مامن انصار و احـنى عليه وضمّه الصدره بتـزْفــار
]
يقلّه العلامه انتَ امن اخيّي ياضيا العين ارجـع بحـقّي عليك يـبني للصّواوين
سـلوَه لبن عمّك و سلوه للنّسـاوين رَد منكسرقلبه وعليه اجتمعت افكـار
------------------------
تـذكّـر العـوذه ورجع يـقـراهـا العمّـه وحسين اخَذ بيده وحالاً دار عزمه
و نـادى يَزينب سـاعديني ابهالمهمّـه وفردي الخيمه بالعجل يَـبنت الاطهـار
------------------------
يــاويـح قـلبي مـن فـتح بيده الصّندوق ولبّسه ثياب المجتبى والقلب محروق
هاجت حريمه بالبجا وجم جيب مشقوق وزينب تباشر بالعمل والقلب شب نار
------------------------
زفّه بحريمـه و مال بـيه لَيشوف اخوتـه لحظـه قعـد يَـمْ بنت عمّـه وسمع صوته
يطلب النـّاصـر وانـتخى وثـار بنخوتـه و حـالاً صرخ لبّـيك يامهجـة المختـار
------------------------
لاقــاه عمّـه ورخـّصـه وعمّمـه بـيــده و هيّـج اهمومه مفارق اليشـْبه عضيده
وطـبّ المعـاره والفضـا يسـعـر وقـيـده و سـبعين وسّـدها التّرايب من الكفّار
------------------------
عشـره وثـلاث الـعمـر مـازادن سنينـه وبـس عارضه الأزرق بدربه حان حينه
وثـبّـت بخاصرتـه الطّعنـه ونـصر دينــه وسـلّم عـلى عمّـه الولد والخيمتـه دار
------------------------
بــس مـاوصـل للوالـده سـلّـم علـيهـا وبت عمّه خبّرها بعد مايعود ليها
ودّعـهن و ودّع حسـين وصـال بـيـها وانقطع وسفه شراك نعله وصار ماصار
------------------------
ابـن الخـنا الازدي لـقى الفرصه وتلقّاه وبـس مـاتعـفّر على الغبرا صاح عمّـاه
وحسـين جدّل قـاتلـه بالمعركـه وجـاه وصفّه مع اخوانه ووقف مفرود محتار

الاستعداد للزفاف G
قـومي يزينب وَلِّمي للعـرس زيـنه وفردي الخيمه و زيِّني بنتي سكينه
]
قـومي يخـويـه للحـسن بنـأدِّي حقـوق خـلّي البواجي ونشّـفي دمعـج المدفوق
قـالت ألبّسهـا واخـلي الجيب مشـقوق واقـول عرّيسـج يَسكْـنـه تفقديـنـه
------------------------
شلون العرس يحسين وانتَ مالك أعوان و جـاسم شباب و بالزفاف يريد شبّان
والخيـم بـس ايـتـام تـتصارخ ونســوان وحدك اتزفّه و خيّك العـبّاس وينه
------------------------
وحدك اتزفّه و من اخوانك محّـد اوياك و النّبل يتخاطف عن اشمالك و يمناك
وامّـا أنـا بـاذوب من ضجّـة يـتـامــاك ومْن النّواعي الحرم راسي مشيّبينه
------------------------
قـلـها يخـويـه ابهالمصايب شاطـريـني يَـبْـنـة الزّهـرا هالـبلا بـيـنج وبـيـني
مثلك أنـا الشّبان خويـه مـشـيّـبـيني كـل سـاع أعـاين شـاب متعفّر جبينه
------------------------
بالعجل جـيـبي الحرم يمّي و يّا ليتام و خلّي العزيزه سكينه ابخيمه امن الخيام
و خلّي العـليـل يقـوم ويـبارك الجسّـام يـتْجَـلَّـد سويعه و يبطّل من ونينه
------------------------
سكّـنت لوعتهـا ومسحت دمعة العين و صاحت دقوموا يايـتامى ويـانسـاوين
بطلوا البجا واللطم مايرضى الولي حسين صكّن هـلاهل صوت جاسـم زافـينه
------------------------
وَلْـولَـتْ رملـه ونادتـه يحسين بـالـعون ماشفت أنـا عرّيـس مـن خلفه ينعّون
مرّوا بعزيزي على اخوته بلكت ينهضون مـن هالتـّرب ويفرّعون قبال عينه

لسان حال سكينة عند الزفاف G
وشْـهـالعرس لَقشـر عليّـه يـامسلمين جيف العرس واحنا انتوقّع ذبحة حسين
]
و الله يعمّه لو تخـلّوني على اهواي لاروح لـلّي معفّرينـه بجـانب المـاي
ومـن دمّ نحـره لخـضـب شمـالي ويمناي واصرخ يعمّي الخيل حاطت بالصّواوين
------------------------
زيـنب يعمّه اشهَالعرس لقْشر علـينا هيهات قلبي يـبـتـشـر والبس الزّينه
و شايل الرّايه اعلى الشّريعه معفرينه جيف أنااتحنّى وبوالفضل مقطوع ليدين
------------------------
قـولي يعمّه الكافلي يـنهض بـهمّـه يستنهض أولاد أخوته واولاد عـمّه
يـزفّون جاسم بالهنا وينكشف همّـه مَـيْصـير شـاب مدلّل تزفّـه نساوين
------------------------
من عـادت العرّيس تمـشي خلفه اولاد وتـزفّـه بزينـه عـلى جاري المـعـتـاد
وآنا يَعمّه معرسي من دون الـعباد مكسـور قلبـه وينظـر أعمامه مطاعين
------------------------
بـالله دخـلّـونـي اشـقّ الجـيب وانـوح هالعـرس ذوّبني وخلـّى القـلب مجروح
ويـن الهنـا وعمـّي يـعالج نـزعـة الرّوح وحسين مكسور الظّهر ما عنده معين
------------------------
زينب يَعمّه انتحل جسمي والقلب ذاب و انتي يَعمّه نحّـل اعظـامج هالمصاب
واشوف ابويه حسين راسه بالعجل شاب معـذور فـاقـد عزوته وكلهم شياهـين

رثاء سكينة ورملة للقاسم G
طلـعـت سـكينـه تجـذب الـونّـه خفيّه تنادي يجاسم بدّلت عرسي بعـزيّـه
]
مـن عـاينت عـرّيـسهـا مخـضّب بـدمّه ممـدود مابـين اخوتـه واولاد عـمّـه
شـافت أبـوهـا يـنـتحب ويـنـوح يمـّـه صرْخت وصاحت ياعرس لقشر عليّه
------------------------
وقلب الشّهيد حسين ذايب من بجاها تـنـادي يجـاسم لـيش متوسّد ثراها
محـسّـر يـبن عـمّي عـلى الدّنيا وهواها وخرّت علـيه امّـه وعبرتهـا جريّـه
------------------------
تصيح انتحل جسمي يجاسم من ونينك ذوّبـت قـلـبي لا تصـد لـيـّه بعينك
عرّيـس يـبني و للـمـقـابـر زافّـيـنـك صـار بفـرد ساعه زفافـك والمنـيّـه
------------------------
من شفتْ عمّك لبّسك تفصيل لَجفان قـلت الولـد مَـيْـعود من حومـة الميدان
قومي يَسكْنه ودّعي شمـعـة الشـبّان وشقّي عـلى العريـس جيـبج يا زجيّه
------------------------
صاح بضعيف الصّوت حلّي الدّرع عنّي يا والـده وتالي اكثري التّوديع مـنّي
نَزْف الدّما وحرّ الشّمس فتني وبهضني ومْن العَطَـش تـدرون مـاظل جلد بيّه
------------------------
و شبكت على مهجـة قـلبهـا بلأيادي و امّـا الشّـهيد ايقول ذوّبتوا افّادي
مفجوع من فقد اخوتي وذبحة اولادي وهـذي العساكر حايـطـه يالولد بـيّـه
------------------------

مبارزة علي الأكبر '
لاح الـبدر بـازغ مـن خيام النّسـاوين وامّه وراه تقدّمـه للظّـامي حسـين
]
وشـمّامـة المختـار مـن عـايـن ولـيــده قـايـد جـواده وشـاهر البـتّار بـيـده
أحـنى عليـه والْـوى عـلى جيده زنوده وقـلّه يشبه المصطـفى ياقرّة العـين
------------------------
تمشـي برجلك ياحبيب القلب للموت يـبني وتفارقني ولا ينسمع هـالصّوت
يـبني ابهالطلعـه تركت القـلب مفتوت ودّعـتك الله وشال من جيده الزّندين
------------------------
كـرّ ودَهَش ذيـج الكتايب شبل هاشم يمشي مثل مشية هله ميل العمـايم
ماثـبت جـدّامه الـرّجـس بكر بـن غانم عاجلـه بضربة هاشمـي وخلاّه شطرين
------------------------
ومـن رجـع متنـومـس وجبده ملتظيـّـه وقّف يريـد الجايـزه مـن عنـد ابيّـه
وماحصـل مـن بحـر الكـرم قـطرة اميّه ودّاه الخيمه ووقَّـفَـه بين الخواتــين
------------------------
فــرّن بـنـات المـرتـضى مــن عـايَـنـنّـه لازم ولـيـده و قـرّبـن بالحـال منّــه
و نادى علي الاكبر يزيـنـب و دّعـنّـه وامّه وعمّاته عليه دارن الصّـوبـين
------------------------
ودّع وردّ المعركـه والحـرم تـنـعـاه وشقّ الصفوف وعين ابوه حسين تبراه
ويــلاه يـوم ابـن الخـنـا العـبـدي تقفّاه و تعـلّق بْـمُـهـره وتوسّـط بالميادين
------------------------
داروا عليـه ويـلاه مـن ولـيـة العـدوان هــذا يـروّي السّيف ذاك ايـغطّ لسـنان
وبعـض بخناجر وزّعوه وبعـض بـالزّان واشرف على الموت وصرخ ياياب يحسين
------------------------
ومـن بـين لمخيّم حسين اتنحّب وصال جدّل العبدي وصب على الجيمان زلزال
وَصَّـل ولـيده وشـافه مـوزّع الاوصال وعليه من تحت العجاجه شـابح العـين
------------------------
راحـت رجـاله وكـل بني عمّه واخوته يبجي و تسمْعه اعـداه مـاترضى مروته
و مـن طاح لَكبر للمخيّم وصل صوته ينادي أسـف يالمـاوصل عمره العشرين

دعاء أمه له وعودته ڈ
ياللي تهلّين المدامــع فوق الخدود لِبنـج طـلع فارس من الفرسان معدود
]
عطشان لَكبر و العـدو مْن الماي راوي و الرّجس شبعان البطن و الولد طاوي
والجيش خلفه يشجّعه بكثر النّخـاوي سـبعين الف عوّانته و الولد مفرود
------------------------
قالت يَمهجـة فاطمه شنهي الحيلـه يـرجع وليــدي بالسّلامه بيا وسيله
قال ادخلي خدرج يَليلى واندعي لـه مَتْخيب هالدّعوه وعلي لَكبر لج يعود
------------------------
طبّت الخيمه و للشّعر نشـرت بدهشـه وصاحت وهي نوبٍ تفوق ونوب تغشى
ونـوبٍ اتدق بصدرها وخدها تخمشـه بجـاه الشّهيد حسين ردّ ابني يَمعبود
------------------------
و لكبر علي صال و غدت بالكون رجّه وصَمَّم الطّعـنه للرّجس والرّمح زجّه
ومـرّقه بخاصرته وعَلَت للجيش ضجّـه وخلاّه شبل حسين بالميدان ممدود
------------------------
ورد للخيـم وحسـين قـلّط لـه و تلقّـاه ضمّـه الصدره وصاح حيّ الولد حـيّاه
آه الشَـبابك يالولـد لـو تنـفع الآه قلّه يَبويه قلبي من العطش موقـود
------------------------
حرّ العطش والشّمس وملاقا الصّناديد مـنّي الجـبد جفّت و قلبي يوقد وقيد
كلّـه عـذب عنـدي ولا يـتحكّم يزيـد شربـة اميّه جان تحصل وارجع ردود
------------------------
ضمّـه الصـدره والدّمـع غـمّر خـدوده وقـلّه يـبويـه المـاي متعسّـر وجوده
روّايـنـا قطْعـوا على جـوده ازنوده وِرْدك يبويه حوض جدّك سر الوجود
{ الناظم }
مـنّـك يلَكـبر طـلـبتي يَـبن الإمـاره إدمـــان خدمـتــكم بقـوّه و الزّياره
والزّا من التّا تفـتهم هذي العـباره وحـتّى الاولاد تحوزها ياخير مولود

رجوع الأكبر لأبيه يطلب الماء G
ادركني يَـبويـه وجيب لـي قطرة اميّه رفرف على راسي ترى طير المنيّه
]
يحسـين ياللـي من تمسك بيك ما خاب يا مقصد الوافد وضنوة داحي الباب
أريـد قـطرة ماي قلبي من العطش ذاب وغـارت عيوني و اظلم الوادي عليّـه
------------------------
غارت عيوني ونزف دمّي كثر الجـراح واتفطّرت يـابـوي جبدي والعـزم راح
خـلّ الـدّرع عـنّي بهضني ثقل لسـلاح حـر الشّمس ذوّب افّادي ياشفيّه
------------------------
لـو تنطـفي بقطرة اميّـه نـار قـلـبي محـّد كفو مـن هالجمـع يوقـف بدربـي
بـرّد غليلي و عاين اطرادي و حربي لحمـل عـلى الجيمان حمـله هاشميّـه
------------------------
واصرخ واخلّي الخـيل تـتْكَرْدَس عـلى الخـيـل
وادعي النّهار من العجاج اظلم من الليل
واملي الوادي امن الجـثث واجري الدّما سيل
وافــني الـعـدا واتـرك مـضاربهم خـلــيّـه
------------------------
ضمّه الصدره وصاح يبني والدّمع سال إبشـر يَـعَـقْلي جان مـنّي طلبتك مـال
و انجان قصـدك مـاي هذي طلبة محال اللّي يجيب الماي ظل جسمه رميّه
------------------------
قـلها انفطر قـلبي ومـنّك طـالب المـاي فَرّقـِتْ صمصوم العـدا وللجايزه جـاي
والجــايزه شـربــة اميـّه تـبّـرد حشـاي تحسّر وقلّه ياضيا عـيني اشبديّه
------------------------
ودّع خواتـك والحريـم وبالعجل روح يسقيك أبـوك المرتضى يامهجـة الرّوح
شبـيدي يبويه وهالامر مكتوب باللوح بـالعَـطَـش كلـنا ننْذبـح بالغاضريّـه
------------------------

وداع أمه له‚
ودّع علي لكبر النّسوه وودّع حسين وامّه وراه تشيّعـه وتلطـم الخدّيـن
]
تقلّــه تهـيّـد يـابـدر سَـعْـدي يَـلَـمَّـاع أرْد انظر الطولك واضمّك ضمّة اوداع
وانـظـر بـعـيني مشيتك ياحلو الاطباع لـيّـه عسـاه المـوت قبلك يـاضيا العين
------------------------
قـلهـا مشـيـت قـبال وجـهج ودّعـيني و تـزوّدي مـنّي قـبـل لا تـفـقـديـني
مهجــة افّـادج بـعـــد لا تـتـرقــبـيـنـي عنّـج ترى ماشي ولاارجع للصّواوين
------------------------
تـقـلّه يَعقلـي ثـياب عرسـك فـصّلـتها جنّي اخْسرِت حسبات قلبي اللّي احسبتها
كـلّ الأسَـف زفّـة زواجك ماشفتهـا مثلك ولد يانور عيني ينلقى ويـن
------------------------
قلهـا يَـثكـلـى حجايـتـك جـداً غريـبـه متلوق لـي ثيـاب العـرس واحنا بحريبه
عمري تقضّى وكلمن يفوز بنصيبه ثياب الشّهاده ما يناسب غير تجفين
------------------------
خرّت علـيه تودّعـه وتجـذب الونّـه تقـلّـه يَعقلي المـوت مالك بد منّـه
ودّعــتك الله يــاشـبـابٍ مـاتـهـنّـى ربّيت يبني واحسب شهورك والسنين
------------------------
يـوم الشّباب ادبر وحتى مفرقي شـاب يبني من ايدي تروح وكت بلوغك وشاب
يـالـيت قبلك ينطوي جسـمي بالتراب ولاشوف جسمك بالعرا مترّبالخدّين
------------------------
يَـبني عليـك المصطفى خـالع جماله وواهب لك الكرّار صولاته وفعاله
ومن الحسن عمّك يَـبـعْـد اهـلي نوالـه وقصرالعمر من فاطمه والإبا من حسين

وقوف الحسين على مصرعه G
بطّـل علي لَكـبر ونـينـه وفـتّح الـعين وقـلّه دوَصّلني ابعَجَل للخيم يحسين
]
للخيم و صّلني و خـل النّـوح تـالي بصدرك يـبويـه شيلني و جمّع اوصالي
يَـم العليل اودّعه و يـنظر أحـوالـي حـتّى تجيـني الوالده تشد الجـرح زين
------------------------
ياياب وصّلني الخواتي وسط لبـيوت عنـد الحرم ودّي يبو سكنه أنا موت
جنّي ابقلب ليلى من الحَسْرات مفتوت بعـدي وبعدك يبن حيـدر تلْتجي ويـن
------------------------
ودني يـبويـه الـعمّتي زيـنب أراهـا و خلها تشد جرحي ترا ذايب حشاها
قلّـه يَعقلي مُـهجتي حَجـيَكْ فـراها لازم أشيلك للمخيّم يـاضـيا العين
------------------------
لازم اشيلك للخيم يامهجة الـرّوح عن جـثّتك يَصبيّ عيني شلون انـا روح
لوقلت لمَّك ظل علي بالشّمس مطروح لازم تقلّي جان جبت الولد يحسـين
------------------------
لكن بليلى شالفكر يا حلو الاطباع لو عاينت جسمك يَعَقْلي موزّع اوزاع
و زيـنب مَتـقْدَر تنـظرك يَـبْني بـالنـزاع لكن يعـين الله على ضجّة هالنّساوين
------------------------
شـال المـدلّل فوق صدره و للخيم عاد دمعه يهل ويصيح فَتني فقد الاولاد
قومي يَليلى للولد عدلي لـه اوساد فـرّت بدهشـه تلطم الهـامه بليدين

عودة الحسين بابنه قتيلاڈ
قومن خوات حسين لحسين انتلقّاه طالع من الميدان شايل مهجة حشاه
]
قومن بنـات المرتضى عـزنـا نلاقيـه و ناخذ من ايده جنازة وليده و نعزّيــه
قـومـن تـرى المظلوم قـاصد للخيم بيه شايل عزيزه وصدره مخضّب من ادماه
------------------------
فرّن و زينب قـلّطت و اتلقّت حسـين تقلّـه يَنـور العين راويني ضيا العين
بيك الخلف يَبن الطّهر قال الخلف وين وانا بـعد ساعه يَزينب رايح اوياه
------------------------
شفته مقطع بالتّرب و اتقطّع احشاي و اذكرت حالـه يوم منّي يطلب الماي
قلبـه مفتت بالظّمـا امن المعركـه جاي ما حصل قطرة ماي يختي يبرّد احشاه
------------------------
و ليلى شقول الهـا يَزينب يـاحزيـنـه لو شافـته ابهالحال جسمه موزّعينـه
ولن صوت ليلى تصيح من هالجايـبـينه ويلاه من وجدك يـبـو السجّاد ويلاه
------------------------
قـال الشّهيـد حسـين راح ابنـج يلـيلى خلي البجا وردّي الخيمه و افرشي لـه
قالت عساه من الورد بـرّد غليلـه قلها قضى ظامي وهوت تلثم محيـّاه
------------------------
خـلّى الـولد يَمْها و مدّت طولها اعليـه تمسح عن اخدوده الدّما ونوبٍ تحاكيه
تضمّه من الدّهشه الصَدِرْها وتسبل ايديه و تصيح كدره عيشـتي وقشره بليّاه
------------------------
يـبني سهَرتْ ليلي وعِفت النّوم بربـاك ولاغمّضت عيني و لا سـاعـه بليّاك
أمّلت عمري يـنقضي يالولـد ويّاك وخابت ظنوني آه يافَقْد الولـد آه

استسقاء الحسين لطفله الرضيع‚
هـالطـّفـل لهفـان ودنت منّه الـمنيّـه هالكثر ماعدكم رحم يَجنود أمـيّـه
]
غـارت عيـونـه مـن ظماه وذبـل عوده نشْفَت ارياقـه و انمحت وَرْدَة اخدوده
و احنا العلينا الماي حرّمـتوا وروده و الطّفل شنهو جرمته ردّوا عليّـه
------------------------
من وقْفتَه بطِفْله الجيش اتحزّب احـزاب منهم خوارج يصحبون قـلوب نصّـاب
و الطّهر واقف ينـتظر بَسْ رد لجـواب لنّ الرّضــيع اتّطـوّق بسَهْم المنـيّـه
------------------------
فَرْفَرْ على رقـبة ابـيّه و شبك بـيده وفارقت روحه و السّهم فـاري وريـده
والسّبط جر السّهم من رقبة اوليده وصعّد دمومه يشتكي الربّ البريّـه
------------------------
ردّ بالرّضيع و فرّت سكينه تناجيـه بالـمـاي روّيته يبويه و وين باجـيـه
قلبي تفطّر ليت وادي الطّف ما جيه إنطاها الطّفل و امْدامعـه بخَـدّه جريّـه
------------------------
بسْ عاينتّه بسَهَم مقطوع الوَريديـن وطار القلب منها وغدت تخمش الخدّين
طبّت الخيمه والحرم حفّت الصّوبين وضجّت فـرد ضجّه الحريم الهاشمـيّه
------------------------
صارت الضجّه ورد ابو السجّاد مألوم ينـادي اشهالصّيحه يَـزينب يـم كلثوم
بالهون نوحَن ياحراير شِمـْتَت القوم طلعت الحورا تِجْذِب الونّـه خفيّه
------------------------
تقلّه مصاب الطّفل فـت قلوب لعـيـال تدري اشْيِسَوِّي بالثّواكل فقد لطفال
لكن يخويه حسين شيله يهوّن الحـال ودفنه عساها تهون هالضّجّـه شويّه

مصرع رضيعه ورجوعه به الى امه '
يطلب النّاصر والمعين من العدا حسين والطّفل من مهده وقـع بـين النّساوين
]
لـبّيك نادى و الحرم ضجّت ابولوال ومن سمع صيحتهن إجـا يسْتَخْبر الحال
ويصيح خفّوا من البجا وسَكتوا هلطفال يختي يَزينب شمْـتت علـينا الملاعـين
------------------------
قالت يَبَعد اهلي الطّفل من سمع نخواك مْن المهَد ذَبْ روحه يَبو سِكنه ولبّـاك
بلكت يرحمونه الاعادي دخْذه وياك يبْسَتْ اشفاته امن العطش ومغمّض العين
------------------------
راح بكتاب الله و طفله يخاطب القـوم وبن سعد صاح بحَرمله القاسي الميشوم
وارداه يَـم المصحف بْمَنْظَر المظلوم وسهمه فرى نَحْر الطّفل وين لمسلمين
------------------------
بيـده رفع دمّه الرب العرش شكّاي ينادي علىصدري انذبح طفلي يمولاي
وسكنه تنادي وين بويه فاضـل الماي قلهـا سقاه السّهم من دمّ الوريدين
------------------------
منّه خـذتَّـه وجـابـتَـه بالحـال لـمَّـه بالمهـد خـلّتـه غسـيـل بفيـض دمّـه
نوبٍ تشيل ايده و تقبّلها و تشـمّه ونـوبٍ تقلّه ليش ساكت ياضيا العـين
------------------------
يَـبني قلت لك لاتصيح امّك نحيله ماقلت لك تسكت ابهالسّكـته الطّويله
ناغي أخيّك يا سـكينه وحرِّكي لـه بلكت يفك عينه ومنّه نسمع ونـين
------------------------
يَـبني يَعَبد الله قلِت لك هـيّد ونـام ما قلت يبني نام نومـه طول الايّام
بيمَن اتْسَلّى لو فقدتّك يابن الايمام عندي ولد غيرك واقولن والده حسين
------------------------
ساعة رضاعك ياثمر قـلبي قلِتْ ليك لاتخمش بْصَدري ولا تِرفس بـرجليك
ماقلْت الك تهْدأ وحتّى النّفس مابـيك مَتردّد الانفاس روحك يالولد وين

الحسين يستنهض القتلى‚
ما ظل أَحَد منكم يَفرسان الحميّـه يدافع عن خيامي و يباري الهاشميّـه
]
رحتوا وخلت منكم خيمكم يارجاجيل بـس الحرم و اطفالها و تكابد الويـل
وانا وحيد وحايطتني الزّلم و الخيـل عـدوان كلهـا بالضّغـاين مـمتـلـيّـه
------------------------
أنخى ولا واحد يخوتي يجيب نخـواي بـس الضّجيج من الـيتامى يـزيد بلواي
تبجي عليكم نوبٍ ونوبٍ على المـاي والشّمس والحـر أسعر الوادي عليّه
------------------------
ياشبال هاشم شو تـركتوني ويالانصار جـرّت كـتايـبهم و انـا بالحــرم محـتـار
ثقل الـنّبوّه ينولي ترضـون يَـحـْـرار ظلّت تموج أجسادهم فوق الوطيّه
------------------------
نادى وفـيتوا بالعَهَد ناموا يَفرسـان مـاهي بعيــده طيحتي بحومة الميدان
يودّع حريمه رجع ويودّع الوجعان شافه يلوج و يجــذب الونّه خفـيّه
------------------------
يقلّه يبويه وداعـة الله بعـد ماعود إنتَ الخليفه عقب عيني و سرّ الوجـود
يَـبني عقب ساعه خيمنا تصير فرهود بـس الله الله ابهـالحريم الهاشــميّه
{ الناظم }
لايـذ بظلّك يـامـلاذ الجـار يَحسين تـدري بلوعاتي يَبن ست النّساوين
فرّج اهمومي وسر ضميري بقرّة العين منّك أريدنهـا يَـبن حـيدر عـطـيّــه
وداعه زينب و النساءڈ
خلصت انصاره وظل ابوالسجّاد محتار جيشٍ ثجيل و منع ماي و قلّة انصـار
]
ينادي بقيت وحــيد يَنْصار الحمـيّه و امن الضياغم ظـلّت اخيامي خليّه
ومن كل جانب حايْطَتْني جنود اميّـه والعطش مض الجبد والجو اشتعل نـار
------------------------
يا صفوة العـالم قضيتوا حـق لـوداد للمصطفى الهـادي ونمتوا فوق الوهاد
اهـتزّت يخـبّرنا ابو البـاقر الســجّـاد رادت تـثـور وكل فرد يشْهَر البتّار
------------------------
قـلهم ابنومـتكم تـهـنّوا يـا مـطاعين وبلغوا سلامي المصطفى وخير الوصيّين
قـولوا بـقى مـفرود مابين العدا حسـين حزتوا الشّرف والفوز ياسادة الأحرار
------------------------
للخـيـم رد يـودّع وداع الـمـنـيّــه عـنــد العليـل و عمّته يَمّـه شجـيّـه
قلها يمهجـة فاطمـه سمعـي الوصيّـه أمّـج الزّهـرا او والدج حيدر الكرّار
------------------------
أمّـج الزّهرا و هالمصــيبه تحـمّـلـيهـا وبْصَـبر حــيدر يالوديــعـه قـابلـيهـا
وتجلّدي عْلَى الهضم والعيلـه احفظيها لـِزْغار حفْظيهم وسَلّي قلوب الكـبار
------------------------
قالت يحصْن اللّي يصد عـنّـه الجماهـير يا سـدّةٍ عالي النّزل لو طـارت يطير
ياجفن عيني العين بعـد الجفن شـتْصـير يحسين من سابج انـا بقلبي هالاخبـار
------------------------
من قبل مانطلع يخويه امن ارض طـيـبه قلبي يحس يا نـور عـيني ابهالمصيـبه
معلوم عنـدي تنقتل و ابقى غريـبـه ويلاه يَسَاعة مشيتي و انت بلوعار

خطاب زينب له وهي تودعه‚
خلصت رجاجيله اووقف متحير حسين رد للمخـيّـم مقصده وداع الـنّسـاوين
]
بوداعة الله يصيح زينب يا سكينـه حافظكم الله وطبق ضجّن يا ولينا
عنّا تروح و من بعد وصّيت بيـنـا و حسين يسترجع وبـس يدير بالعين
------------------------
فرّن حواسر و الإزر بالحال طاحت والكل على حسين شبحت والرّوح راحت
و اتجلّدت زينب على الشدّه و صاحت بعـدك يخويه هالحـراير تلتجي وين
------------------------
جيف البُصُرْ لو جلجل اللـيـل بظلامه كلهـا حريـم و فاقده وعِدْها يتامى
و هالعسكر الميشوم ماندري اشمَرامه ياهـو اليصاليهـا تريد رجال ظفرين
------------------------
يحسين أنـا ويّـاك كل شـدّه أصـالي بقوّة عـزم ما دام اعاين لك اقبالي
ولو رحت يبن أمّـي أنا شيصير حالي ما ينوصف والله وعدوانـك ملحدين
------------------------
قـلها بْصَبر حيــدر تلـقّي هالنّوايب كعـبـه صـفـيتي للرّزايـا و المصـايب
سـلب وسبـي وتشهـير مابين الأجانب و ابهالحريم و روسنا الكوفه تطـبّين
------------------------
قالت صبر مالي يبعد اهلي اعْلَى فرقاك للموت خذني يا عزيـز الرّوح ويّاك
ابهالبر تضيّعـنـا و للشـدّه ذخرنـاك وقبّلت نحره وصاحت الله اوياك يحسين
------------------------
لزمي الخبا يقلها و جمعي شمـل لـعـيال باري العليـل و سكّني ضجّة هلطفال
أدري العدو يَمْخَدّره مايرحم الحال وعنها مشى وخلا قلبها يصير شطرين

وداع سكينة لهڈ
وقفت اقبال حسين سكنه الهاشميـّه اتقلّـه يـبويه يا هـو النـا ابهالعشـيّه
]
جنّك يبويـه بمشيتك عازم على الموت ماشي و عَليمَنْ يالولي تـترك هلبيوت
يايـاب بوداعـك تركت القلب مفتوت تمشي و تخلّي الحرم بيد اعلوج اميّه
------------------------
قلها يَسكنه يطول نوحـج عقب فرقاي ردي الخيمه يـا عزيزه تمرّد احشاي
ولايرتفع صوتك وخلّي النّـوح بهداي اجتمعت ترى اهموم الدّهركلها عليّه
------------------------
بَسْ دمعة عيونك يَسكنه جَفجفـيها قلبي ترى مجرّح و هـالنّحبه اخفيها
و زينب على ملاقى النّوايب ساعديهـا تمشـي بـيسر و ابهاليـتـامى مبتـليّـه
------------------------
ما دام روحي بالجسَد لا تشعبـيني تـرى يَسكنـه ابهالبواجي اتهيّجـيـني
ولو طحت من ظهر المهر تالي اندبـيني و نوحي يبويه وعدّدي بظهر المطـيّه
------------------------
نوحي يبويـه ولايسمعون العدا النّوح ترا الشّماته بالضّمير أسطى من الجروح
صاحت يبويـه ويـن تالي بعدك نروح بتضيع هالعـيله بـوادي الغـاضريّــه
------------------------
بعدك يَوالينا نصك بوجوهـنـا ويـن لو هجمت علـينا العـدا وكلنا نسـاوين
يا غيرة الله نضيع ما بـين الملحدين مجبل علـينـا الليـل يَرْبـاب الحميّـه
------------------------
حنّ السّبط و تحـنّت ضلوعه عليها والوت على المظلوم باللهفه إيديهـا
يا هو يلوم الـثّاكل الشـافت وليهـا يودّع و مـاشي ويـل قلبي للمنيّـه

الحسين يودّع فاطمة الصغرىڈ
وقفت اقبال حسين تنحب طفلة حسين اتقـلّه العطَش ضرني يبويَ والقصد وين
]
الله يَبو السـجّـاد مـا تعطـف علـيّــه فَتّ العطَش قلبي و دَنَت منّي المنيّه
وَصِّـل الشّـاطي وجيب لي قطـرة اميّـه وعاين يبويه اطفالنا من العطش ميتـين
------------------------
قلـهـا يَفـاطـم بالبجا نحـّلـتي قــواي قـعدي يَـبويـه بالخبا و انـا اطلب المـاي
بالله يَزينب سكّتيها مهجة احشاي قلبي تراهـو من حجيها صـار شطـرين
------------------------
صاحت يـبويه وين قصدك عنّي اتروح ياياب قلبي امن العَطش و الحزن مجروح
ويّـاك اخذني للنّهر ما بقت لي روح العطش فَت اقلوبها كلها النّساوين
------------------------
قلها يـبنتي للحريـبـه اشلون أودّيك و بالمعركه يا نور عيني من يباريـك
و تالي للمخيّم يبويـه من يرد بـيك لو طحت ويّا مَـن للمخيّم تردّيـن
------------------------
تقلّه يبويه وياك اروحن و ارجع اوياك للنّهر وصّـــلني يَتَاج الفَخَر بحْمـاك
قلها ينور العين ما أرجع من هناك أعـتـاق انـا وانتي يشـمّامه تضيعين
------------------------
اببّاب الخـبا قعـدي يبويـه وارقبـيني و انجان مـا حال القضا بـينج وبـيـني
المـاي أجيبـه و بالنّحب لا تشـعبيني قعدت الطّفله وراح عنها المعركه حسين
------------------------
طالت المـدّه و اليتيمـه ظلّت اتجـود يَمّ الوديعـه والدّمـع يجري بلخدود
تقلها بعد يَمْتَى يَعمّه والـدي يعود فَتّ العَطش قلبي وقَلْ شوفي من العين
------------------------
سـاعـه ولن المهر جـا يسحب شكيمه والسّرج مايـل حـيف ويصيـح الظليمه
وفرّن من الخيمه الحرم وامّا اليتيمه عْلَى الوجه خرّت تلطم الهامه باليدين

الحسين و ولده السّجاد G
ثار العليل يصيح زينب يـا زجـيّـه قومي بعجل جيبي العَصى والسّيف ليّه
]
حسين انفــرد وحده تعالي سنّديني وجيـبي العصا بْيسراي والسّيف بـيميني
يختي ســكينه بعجل قومي نَهِّضـيني نخوات ابويـه اتْزلزل السّبع العليّـه
------------------------
بسيفه طلع والدّمع يجري فوق الخـدود ينـادي يبويه من اخوتك ظلّيت مفرود
لـبّيك يَـبْن المرتضى يـا سر الوجود ويـن الانصـار و وين فرسـان الحميّـه
------------------------
في وين فرسـان الحريـبـه زهـير وهلال وبريـر وين ومسلم وسردال الرجال
أعني حبيب اللّي لجلنا خاض الاهوال قلّه بقــوا كلهم على حرّ الوطيّه
------------------------
ولحّد من انصاري بقى يحمي خيـامي كلهم تفانوا و الدّهر نكّـس اعلامي
قلّه يبن حيدر أنشدك عن عمـامي عــبّاس و اخـوانـه ابـدور الهـاشميّـه
------------------------
فـي وين راعي المرجلـه رب الشّجاعـه شيخ العشيره التِزْهر الخيمه بشعاعـه
قلّه على شاطي النّهر قطعوا اذراعه و زينب تنوح عليه نوح الراعبـيّه
------------------------
قلّه يبويه وين شـبه المصطـفى راح لـمَّـن سمـع حنّ وصفق راح عـلى راح
قلّه توزّع جسم اخـوك بطعن لرمـاح و اهناك جسـمه ياضيا عيني رميّـه
------------------------
قلّه يبويه وين شبل الحسَن جسّـام قـلّه تخضّب بالدّما و فوق الثّرى نام
و انجان تسأل ما بقى واحد بلخيـام كلهم تفـانوا و الخيـم ظلّت خليّه
------------------------
ما ظل غيرك للحرم يحمي حمــاهـا و ارجـع يـبويـه للنّسا سكّن بجاها
اعوينك الله اعْلَى الرّزايا اللي تراها بعدي تشوف اهوال ياباقي البقـيّه
------------------------
بَسْ الله الله ياعلي بعدي بهلَيـتام حـافظ على النّسوان ساعة حرق لخيام
شبيدي على زينب عقب هالعز تنضـام ماهي يـبـويه معوّده تركب مطـيّه
------------------------
أوصيك لو شِفْت العدا يبني لفتكم دارت علـيكـم بـالمخـيّم فَرْهـدَتْكُـم
إنتَ يبويه و عمّتك باروا حرمكـم لتْضيع بعــدي هالـبَنات الفـاطميّـه
------------------------
بس انجـدل من فـوق هالميمون معفـور شـوف اشْيحل ابهالحراير وسط لخدور
والله هضيمه جان زينب ركبت الكور عقب المعـزّه يصير اسمـها خارجـيّه

دعوة فضة على القوم‚
للخيم ردّ حسين يسأل يا نساوين يـاهي دَعَـت منكم على قـوم الملاعين
]
زيـنب يحـاجـيـهـا وقـلـبـه بـالـتهـابــه أرد انشدج يَمخدّرة بـيت النّجـابه
خويه اخبريني امنين هالدّعوه المجابـه من رخّصج يَعْزيـزة الكرّار تدعـين
------------------------
قالت له بالشدّات صبري مثل صبرك ولا لي أمر تدري يخويه غـير أمرك
قلّي ينور العين بالله اشلون بصرك أنشد عـلي السّجاد وانشد هـالخواتين
------------------------
طب للخيَم يانور عيني وفـتِّش وشوف نـازل على العالم ترى زلزال وخسوف
عايَن ولن فضّه تحِن والرّاس مكشـوف وتقسم على الباري بشرف ست النّساوين
------------------------
و الكون متغيّر و هي تجري دمعها تنادي يربّي بجاه من كسروا ضلعها
وحسين رحمه و نقمة الباري دفعها وقلها يَفضّه عْلَى الغصص لازم تصبرين
------------------------
مـنّا يفضّه انـتي و محسـوبه علـيـنـا صبري المصايـبنا وبلانـا اللّي ابتلينـا
شفتي اشسَدا عْلَى امنا وشفتي صبر ابونا سلمي الأمـر لله يَفضّه لا تجزعـين
------------------------
انتحبت وقالت سيّدي ماظل لي شعور من شفت عبدالله الرّضيع بسَهم منحور
خلاّني أدعي على العدا والقلب مسعور حالك وحـال الطّفل واحوال الخواتين
------------------------
هيّج عليّ الحزن ذبح الطّفل عطشان وزيّـد عليّ الفاجعه ضجّـة النّسوان
وانتَ يَبو السّجاد مفرد بين عدوان خوتك فنَوا واستوحدوك القوم يحسين

خطبة الحسين يوم عاشوراءƒ
توسّط حبيب المصطفى صهـوة نجـيـبه منبر جـواده والسّبط صاير خطيبه
]
قلهم أنـاشـدكم و قولوا بالصّراحـه تدرون انـا جدّي النّبي ربّ الفصاحه
وهذي ثياب المصطفى وعندي سلاحه وامّي البتوله بضعة الهـادي النّجيـبه
------------------------
قالـوا نعــم قـلهم اشلون تحاربوني دمّي تبيحونـه بـيـا سـايـه اخبرونـي
حـتى مـبـاح الـمـاي عنّـه تمـنعوني هذا رضيعي العَطش فَتْ قلبه لهيبه
------------------------
مستحل منكم مال لو مطلوب بدْمـوم لو بدّلت سنّه وشَرِع غيّرت ياقـوم
هالماي مَهْر امّي و انا امْن الماي محروم ردّوا عليّ جواب فعلتكم غـريـبـه
------------------------
قالوا نريدك تخضع الطاعة ابن زياد تنزل على حكمه و يفعل كل ما راد
قلهم دعي وهيهات مايحكم بالامجـاد احـنا الحجج للخالق وجدنا حبيبه
------------------------
تقطع جفوفي ولا إلى الطّاغي أمـد إيـد و الفاجر ابن زياد ما طيعه ولا يزيد
شرع الإبا منّي وبالذّل ألوي الجيد بعـزّ وشرف لازم اتحمل كل مصيبه
------------------------
جدّي يقول حسين منّي وانا من حسين لازم اتحمّـل كل مصيبه النُصْرة الدّين
ولو تذبح اطفالي وتسبى هالنّساوين واقضي بظماي وتنغصب نفسي غصيبه
------------------------
طغيان ابـن هـنـد الرّجـس لازم أزيـله ولو يظل جسمي اعلَى الثّرى محّد يشيله
ويوم الحَشِر باصــير للشّيعـه وسيله وبْكَربلا قبري حصنها التلْتجي بـه

حملة الحسين واصابته '
واقف حبيب المصطفى بـين الصّلاتين يـنظـر خــيامه خالـيه من الهاشميّين
]
تفرّق الجيش اربع فرق من حوله يدور و امْن العَطش يابس لسانه و قلبه يفور
رد للعليـل بْخيمتـه بالمرض مغـمور ودّعـه و سـلّم لـه مواريث النّبيّين
------------------------
ودّعـه و سـلّم لـه مقاليد الامـامـه ماشـي يقـلّـه يا عـلي امْعَ السّـلامـه
لاحظ يَبويـه هالأرامـل و الـيـتـامـى بـاجر تطيب امْن المرض يا قـرّة الـعين
------------------------
لاحظ العيله لو ركبتوا هزّل النّوق ولازم يعاندكم الحادي بكـثْرة السّوق
راسي يـبـاريكم على راس الرّمح فوق ودّعتك الله القوم زحفت للصّواويـن
------------------------
صوّل على العسكر و مر اعلَى المجاتيل وعاينها كلهـا موزّعه ذيـج المداليل
والارض غطّاها بجثث و دمومها سيـل وأشّر بسيفه وحلّق اعلَى الجيش صوبين
------------------------
لولا القضا يفني العــدا بجرّة البتّـار لكن عهد ماضي من الواحد القـهّار
بحضرة جميع الانبـيـا بعــالم الانوار رتـبه شراها بالشّهاده بنصرة الدّين
------------------------
ألوى العنان وغمد سيفه وظـل يناجي حـل الوعد مولاي يا ملجا اللاجي
سلّمت نفسي للعـدا تهبّـر اوداجي ويثبت الدّين وتنجي الشّيعـه المخلصين
------------------------
سلّمت للَّـه يــا هـنــادي وزّعـيــني و يالاعوجـيّـه عقب ذبحي رضّضيني
لاخير في الدّنيا عقب خوتي وبنيني و لن لمـثـلّث شـقّ قلبـه يَلمحـبّـين
------------------------
مدّ اليمين اعلَى السّهم رايـد يجـرّه ويسراه مَدْها وانخسف صندوق صدره
واتّجى بقوته وطلّعـه من خلف ظـهره ياويل قلبي ومَزَع من قلبه الثّلثين

حملات الحسين و مقاتلته‚
صوّل أبـوسكنه وحيد ورج الاكوان والخيل واهل الخيل فـرّت من الميدان
]
يومي لها بـمْهَـنَّدَه و تخـر لصْفـوف فـوق التّرب وفراشها زانـات وسـيوف
مذروف دمعه اعلَى الخيم والقلب ملهوف و مفطّـره جبده و ثلثـتيّام عطشـان
------------------------
مَـدْ عين للعسكر وعين عْلَى الصّواوين ونظره على الشّاطي ونظره اعْلَى المطاعين
سيفه يكثّرها ويسوّي الواحد اثنين و الأربعه واحـد يـنظّمها بلسـنان
------------------------
قحّم وخلاّ الجيش يتّطلب ملاجيـه والشّمس غابت والعجاج أسدل دياجيه
وعرّج على طور الـمُهر لله يناجيـه يا رب أنـا للشّـرع والـنّاموس قُربـان
------------------------
دين العُلى لازم أجاهد في علاجـه واتّداركه واعدل ابكل صوره اعوجاجه
يا رب انا مالي بعد بالعمر حاجـه واترك الأمّه جاهليّه و تعبد اوثان
------------------------
جـاه النّـدا يَحسين انـا ربّك وانـاجيك عـن هالشّهاده بالحشر ملزوم أجـازيك
يوم القـيامه تلْتِقط هَبْهَبْ أعاديـك واللي يواليكم يفوز ابحور و جـنان
------------------------
ألوى العنان وقصد صمصوم الأعـادي لن الحجر والسّهم وارماح و هنادي
توزّع وخرّ وصاح انا للدّين فادي اتوسّد الغبرا و المـُهـر يمَّم الصّيوان
{ الناظم }
يحسين ما خاب الذي يقصد جنابـك هيهات مـا ينطرد من يوقف اببّابك
واللي يطب بحماك و يقبّل اعتابـك يظفر بحاجاته يـبن خــيرة النّسوان

محاورة بين الحسين وزينب وقد سمعت أنّته‚
سور الحرم يحسين لا تجذب الونّات بلكت يَـعزْنا امن الحرم تهـدأ الـرّنّات
]
ودّي أوصّل مصرعك وانجدل ويّـاك لكن اشبـيدي لازمه اذيالي يتـاماك
لـو يقـدر السجّاد ينهض جان جـيناك خدّك نوسده وبالدّمع نغْسل الطّبرات
------------------------
تدري الغُربة اتضعضع اعزوم الرّجاجيل و آنـا وحيده وعايله ومجبل عَـلَيْ ليل
وخوفي ظعـنّا امن الصّبح من كربلا يشيل وتضل عاري ابهالفلا واحنا ضعيفات
------------------------
قلـهـا بـلا تجهـيـز لازم يـتركـونـي و باجر تمر بـيّه الظّعينه و تنظروني
وانتي وخواتي جان ردتوا توصلوني مجـبل عليـج الليل جيـبي الفاطميّات
------------------------
و انجان يـمّي تقدرين تجين لا بـاس و توصّلـين المشرعــة يَـْم جَسَـد عـبّاس
طلعوا بسواد الليل يستركم عن النّـاس ولزمي الصّبر يَعزيزة الزّهرا الأمر فات
------------------------
لكن أخبرج جان جـيتي يا حزيـنـه اتشـوفين جسمي بالهنـادي موزّعينه
بــس يالوديعه لا تجي يمّي سكينـه خايف قلبها يذوب من شوف الجراحات
------------------------
اتعاين اعضاي موزّعه ومفترش رمضـا و مَقْدر أصدعن شوفها وطرفي أغضّـه
و لو شفت عبرتها تهـل قلبي ايتلظّى وجْدي عليه يزيد منتجذب الحسرات


{ الناظم }
يحســين ياللي بالمهد ناغـاك جبريل عبدك تراني ابموزمه وقاصد لك دخيل
قط ما تـخيّب قاصدك يَـبن البهاليل و اتـنجحه ملزوم و ينال العطـيّات

غشوة الحسين والهجوم على المخيم G
اتحيّر العسكر يوم طالت غشوة حسين شافوه ثلث ساعات مرمي مغمّض العين
]
ناسٍ تقول حسين بطّل من ونينه فارقت روحـه وغمّضت للموت عـينه
وآخر يقول حسين كلكم تعرفونه صاحب حميـّه اعلى بناته و النّساوين
------------------------
و انجان ردتوا تعرفونه حي لو مات هجمـوا علىخيامه وروعوا الفاطميّات
وانجان هو حـي وسمع بالخيـم ضجّات لازم يثـور بشيمته ويحمي الصّواويـن
------------------------
آمر العسكر بن سعد واستحسن الشّور و ذيـج الحرايـر بالخيم و اقلوبها اتفـور
لنّ الزّلم والخيل غارت يـم لخدور طلعت من اخيَمها تصيح الملتجا وين
------------------------
فرّت بدهشه صارخه كعـبة الأحزان كهف اليتامى انهض ترا هتكوا النّسوان
حرمه وضعيفة حال تبلوني برضعان بـَسْ ما سمع صوت الوديعه فتّح العين
------------------------
قلها يزينب ذاب قلبي من هلعـتاب مَقْدَر أرد الخـيل خويه عن هلطناب
أنهض ثـلث مرات واوقع فوق التراب ردّي الخدرج يا حزينـه لا تضيعـين
------------------------
سهم البقَلـْبي نَزف دمّي ومزّع حشاي امثلّث ولا تمكّنت أطلعـه الاّ من اقْفاي
خويه تخــلّوني أموت و محّـد وياي جيبي لي سكينه قبل لا يفـرّق البين
------------------------
صاحت يَنور العين و الله تحيّرت بـيك تمنّيت أجي يمّـك واشوف العلّة البيك
ولو هو الدّوا قلبي لَفِتْ قلبي واداويك واغسل جرح قلبك يخويه بْدَمعة العين

شهادته و مصرعه...
حـتّى العدو يروي فجايع يـوم عاشور ويقول شفْت حسين مرمي ودمّه يفور
]
تـتحَـرّك شـفاته مبطّـل مـن ونيـنـه يـبهر جماله و بالدّمـا مخضّب جبينه
لكن على اخيام الحريم يدير عـينه وكلما نزف دمّه جبينه اتشعشع بْنـور
------------------------
غـارج بدمّه و الجسد كلّه اصاويب ظـنّيت يدعي ودعوة المظلوم مَتْخيب
يمّه دنيت اسمع كلامه وقلبي مْريب ولـنّه ينادي قلبي امن العطش مسعور
------------------------
قـلبي تفَتّت بالظّما يَعْوان ســـفـيان وحْيـاة جـدّي المصطفى ظـامي ولهفان
قلت ارد أجيب الماي لك ياشبل عدنان رحت الشّريعه بالعجل وارجعت مذعور
------------------------
ولن الارض ماجتوحل بالكون زلزال وهبّت الرّيح المظلمه وحتّى العرش مال
و ارتفع راس حسين جنّه مطلع هلال والشّمس غابت عن العالم والسّما تمـور
------------------------
وَصَّـلِت يمّ حسين لن حسين مذبـوح جسمه رميّـه و فوق خطّي راسه يلوح
وحـتّى السّماوات العليّه ضجّت بنوح متعطّله الافلاك جنها نفخة الصّور
------------------------
و الجيش كبّر و ارتفع صوت البشاير وغارت على خيام الحرم ذيـج العساكر
اتصوّر يَسَامع حالهــا ذيـج الحرايـر حرقوا الخيم و ايتامها هامت بلبرور
------------------------
يفت القلوب الحال و يصدّع الجلمـود حالة بنات المصطفى ساعة الفرهود
مـا بين ماهي بالنّياحه بخيمها اقعود والا الزّلم والخيـل بين خيامها تدور
------------------------
يا خلق فعلة بن سعــد محّد فعلهـا اطفال وحرم ياغيرة الله و محّد الها
جم أرمله فرّت بدهشه عن طفلهـا و هامت بنات المصطفىكلها بلاستور
------------------------
سلبت ملابسها وحليها قوم الارجـاس وامّا الوديعه شابكه العشره على الرّاس
تبجي و تنــادي هاي تاليها يَعبَّـاس لحّـد يـبو فاضل سبونا بالعجل ثور
------------------------
ثور بعجل ياللي من بلادي جبتني عـبّـاس ويـنـك بـالعـوايـل كلّفــتـني
بسّـك من النّومـه دقـوم و شوف متني حلّت على راسي مصايب يوم عاشور

محاورة الحسين مع الشمر...
ياللي ابْنَعله شرّف ابساط الجـلاله سبطك ترى داس الشّمرصدره بنعاله
]
مرمي ثلث ساعات بس يجذب الونّه يلحظ ابعينه و ترجع الشّجعان عنّه
ومن غمَض عينه ابن الضّبابي قرب منّه مغشي عليه شافه وتجاسر واعتنى لـه
------------------------
وعـاين بجسمه مركّزه النشّاب و الزّان بالنّعل داسه وزلزل العالم والاكوان
ومكّن السّيف بْنَحرمولى الانس والجان وحسين فك عينه وقـدّم لـه سؤاله
------------------------
ياللي دست صدر الحوى اعلوم الـنبوّه صدرٍ على مكنون علم الله تحـوّى
فعلك ابْقَلب المصطفى تدري اشسوّى بنعلك تدوس اعلى صدر روح الرّساله
------------------------
تدري أنا من قال اعرفك بالنّسب زين حـيدر أبـوك وجدّك المختار ياسين
أدري امّك الزّهرا واخوك الحسن يحسين كلّه نسب طيّب ولا يوجد مثاله
------------------------
لكن مـرادي الجايـزه تحصل من يـزيـد و الوعـظ والتّوبـيخ مَـيأثِّـر ولا يفيد
قـلّه اشويّة ماي قال المطلب بعـيد للحاميه و المــاي مـا تشرب زلالــه
------------------------
قـال احسر الثامك يهالفاجر الشّرير شبه الجـلب شافه و تصوير الخنازيـر
أبقع وأبرص والشّهيد اعلن التّكبير قلّه صَدَق جدّي يمنــتوج الرّذالـه
------------------------
قـلّه يشـبّهني بعـد جـدّك بلكـلاب لازم أخـلّي وجهك معـفّر بلـتراب
ومْن القَفا راسك أحزّه يَبْن الاطياب يالمحب سامح مَقْدر اوصف لك افعاله
------------------------
جبّه عْلى وجْهه وعلى اجتافه بالنّعل داس وهبّر اوداجه ويل قلبي وميّز الرّاس
والكون اظلم والشّمسغابت عن النّاس لكن كريـم حسين فـوق الرّمح شـاله

ذبح الشمر لهƒ
فت القلوب حسين بالونّه الخفـيّه وهدّت قـواه جروح ألف وتِسعْ مِيّه
]
زينب على التّل شابحه لحسين بالعـين اتشوفـه موسّد داهش العالم بلونين
وصاح الرّجس بن سعد وين اليذبح حسين فـتّـت مـرايـرنــا ابهالونّــه الخـفـيّه
------------------------
اتناخوا على حـز الكريم وصار لصياح وكل مَن دنى يمّه ارتعد من خزرته وراح
وامن الرّعب حتّى من ايده صارمه طاح وَسْـفه انـغشى اعليه وبقى مدّه رمـيّه
------------------------
وشمر الخنا من عاينه مغشي لفى له وصدرٍ حوى الأسرار من رب الجلالـه
ياغيرة الله ابن الرجس داسه ابْنَعاله و فـتّح اعيونه و انـتبه شبل الزجيّه
------------------------
قلـّه اشمرادك قـال قصدي حـز راسـك محـّد جسر غيري على صدرك وداسك
راح القوى مـن عندك وشدّة مراسك وآنـا الذي باجرّعـك كاس المنيّــه
------------------------
قـلّه السّبط ما جيتني بحومـة الميدان وكت اشـتعال الكون ومجاول الفرسان
وانـا وحيد وفـيّضت بالجثث وديـان تـلقى المنــايـا جان لـو قرّبت لـيّه
------------------------
قـبل انجـدل لـو لحت لـيّه يَـبن الاوغاد واثبتت لـي خلّيتك اوْذَرْ فـوق الاوهاد
العـطـش ماخذنـي و لمـثـلّث بـلفَّـاد معـلوم تتجاسر يـبو الذّات الرّديّه
------------------------
جدّي رسول الله وابويـه فارس الكون و امّي الزّهرا نـور عرش الله المكنون
وخيّي الحسن ياليـتهم حـالي يشـوفـون مطعون و اتلظّى على قطــرة امـيّه
------------------------
أريـد قطرة مـاي قـبل اتحـز نحري وخفّف الوطـأه يـازنيم أوهيت صدري
ظامي تذبحوني و هـذا المـاي يجـري من جود جـدّي و والدي ويحرم عليّه

على غرار السابقة '
هاليوم ون حسين و الونّه خـفـيّـه من ونّته ماجت طفوف الغاضريّـه
]
وشمر الخـنا مـن عاينـه مغشي لفى لــه وصدرٍ حوى الاسرار من ربّ الجلالـه
ياغيرة الله ابن الرّجس داسه بنعاله و فتّح اعيونه و انتبه شبل الزجيّه
------------------------
قلّه اشمرادك قال قصدي حـز راسك محّـد جسر غيري على صدرك وداسك
راح القوى مـن عندك وشـدة مراسك وانـا الذي باجـرّعـك كاس المـنيّه
------------------------
قـلّه السّبط ما جيتني بحومة الميدان وكت اشـتعال الكون ومجادل الفرسان
وانا وحيد و فيّضت بالجثث وديـان تلقى المـنـايا جان لـو قـربِت لـيّه
------------------------
قـبل انجدل لو لحت لـيّه يـابن الاوغاد و اثبتت لي خلّيتك امعفّر بالاوهـاد
العطش مـاخـذني و لـمـثلّـث بلـفّـاد معلوم تتجاسر يـبو الذّات الرّديّـه
------------------------
جدّي رسول الله وابويه فـارس الكون وامّـي الـزّهـرا نـور عـرش الله المكنون
وخـيّي الحسـن ياليتهم حـالي يشوفون مطعـون و اتلظّـى على شربة اميّه
------------------------
أريـد قطـرة مـاي قبل اتحـز نحري وخفّف الوطأه يـازنيم اوهـيت صدري
ظامي تذبحوني و هذا المـاي يجـري من جود جدّي و والدي ويحرم عليّـه
------------------------
للمعركـه وصلت الحورا بالـنّساوين حسّر ودلاّهن جواد حسين بحسين
شافن شمر يفري النّحر واهْوَن الصّوبين و انـياحهن زلزل نواحي الغاضريّـه
------------------------
ضجّن فـرد ضجّـه يـنور العـين يحسين دقْـعـد احميها وصّلت ليك النّساوين
محـد بقى يحمي يَبوسكنه الصواويـن و زينب تصب الدّمع واتنادي شجيّه
------------------------
حامي حمانا حسين لا تضـيّع يتامـاه جسمه موزّع والعَطش هالفتّت احشاه
وسكنه العزيزه تنـتحب وتصيح ويـلاه يـا ضيعـة ايتامك يـبويه ابهالعشيّـه
------------------------
اسوَد الفضا وابـن الخـنا يهبّر بالاوداج واهتزت افلاك العليّه والعرش مـاج
صرخن يَوَسْفَه راح ملجا كـل محتاج حـز الكريم و كبّر العسكر سَويّه
------------------------
فـرّن و مالت للمخيّم ذيـج لجـنـود ساعة القشره اعلى الحرم ساعة الفرهود
داسوا يتامى وبعض منهم راحوا اشرود مايقدر الواصف يوصّف فعل اميّه

رفع الرّأس الشّريف...
غاب البدر واتكوّرت شمس المضيّه وارتفـع راس حسـين فوق السّمهريّـه
]
غـرّة جبين حسين لاحت فـوق عسّال شمس الوجود يصير جنها مطلع هلال
أرض وسما تزهر بنوره قبل ينشال وبس ارتفع شعّت سماوات العليّـه
------------------------
اتفكّر وعايـن للـبـدر لـيـلـة تمـامـه تلقاه كامـــل لكن بوسطه جهامه
و راس الشّهـيد حسين بالجبهه علامـه صواب الحجر فجّر دم الجبهه الزّهـيّه
------------------------
لو عاينت بـدر السّما ليلـة كماله مطوّق وحوله من شعاع النّور هاله
جـنّه حبـيب المصطفى وحولـه ارجاله مـثل الأهـلّـه مـنثّره فـوق الوطـيّه
------------------------
ياللي على الخــطّي ترتّـل بالتّلاوات بالكون مثلك ماحصل يحسين هـيهات
فـوق الرّمح راسك وتقرا سـوَر وايات والجسد بالرّمضا تدوسه الاعوجـيّه
------------------------
نوب بْوعظ تخطب ونوب بزجر تنزيـل تقـرا الكهف وانتَ على العسّال تأويل
ونوبٍ تخوّف هالارجاس بسورة الفيـل كلّه و لا لانت قلوب النّاصـبــيّه
------------------------
و اللي يريد يعـاين اهوال المصيـبـه يعرّج على ام اهجام و يشوف العجيـبه
ايعاين اشصَكّت بالحجر ذيج النجـيـبـه متواعده اويا الدّارمي بنت الدّعيّه
------------------------
واعلى الشّجر منصوب تتساطع انواره يا غـــيرة الله و يرجمونه بالحجـاره
و ينصبه يزيد الـخبـيث اببّاب داره و بالطّشت والمجـلس تأمّل للقضيّـه
------------------------
نسل الخنا يفرّق شــفاتـه بخيزرانـه تذكّر بدر و اشيوخها و هاجت أضغانه
ومن شاف نوره اللّي سطعكسّر اسنانه ونادى اسـتـوفينا الديـون الاولـيّــه
{ الناظم }
ياللي ابراس السّمهريّه يسطع اضياك لبجي وابجي عليك طول العمر وانعاك
أنخاك و انـا اعتقد متخيّب الينخاك الخـادم محال يخيب يالشّمس المضيّه

مجيئ الفرس محمحما للمخيّم G
رد الـمُهُر زايـد صهيله امن الـميادين يَعزيزة المظلوم قومي اتْلَقّي حسين
]
قومي يَسكنه المهُر محْــرِب عايني لـه جان الولي سالم يجي ايشوفه عليله
و انجان طـاح انروح للحومه و نشـيله ونشديه عن كهف الأرامل منجدل وين
------------------------
وقفت عـلى بـاب الخـبا والحزن شفها وشافت بخاصرته السرج واصْفقَت جفها
صرخت ونـار الوجد تنشـرها وتلفهـا تنادي يعمّه بالعجل جـمعي الـنّساوين
------------------------
خالي من الوالي يعمّه المـهُر جــانا متخضّب ابـدم الولي و يسحب اعنانـه
قومي نشوفـه وين متعفّر حـمــانـا نعدله على القبله ونمد رجليه واليدين
------------------------
مـدّت بصرها ولزمت بـجفها حشـاها ولن الجواد يجول خالي من حماهـا
والعين من لب القلب صبّت دماهـا صاحت يمُهْرحسين فصّل لي الخبر زين
------------------------
أرد انشدك والقلب طارت بيه الانفاس خالي تجيني ويـن راح اليرفع الرّاس
وطيحـة ولينـا وين من طيحـة العـبّـاس بلكت أوصّل واحتظي بتوديـع الاثـنين
قلـها البطل عبّاس طايح بالمســنّــاة و حسين بالحومـه وعليـه الخـيـل لمّـات
وعباس ميّت واظن بعده حسين مامات وانجان ما حزوا العدى راسـه تلحقين
------------------------
لَرْجَع واعاين حالته روحي فدا له و غـار و رجـع يَمْها يقلها لسان حاله
حزّوا كريمه و الشّمر بالرّمح شالـه الله يبـنت المرتضى بعده اشتلاقين

خروج النساء الى المصرع على أثر الصهيلƒ
وصّل جواد حسين والحاله شجيّه و فـرّت من الخيمه البنات الهاشميّه
]
فـرّن وزينب بالمصايب تسحب الـذّيـل وتصيح يحصان الولـي يافارس الخيل
من قلب أخيي هالدّما المِن عرفك تسيل وين انهدم يا مُهُر ســور الفاطميّـه
------------------------
للمعركه قصدت و ويّاهـا النّساوين حسـره ودلاّهـن جواد حسين بحسـين
شافن شمر يفري النّحر واهْوَن الصّوبين و انياحهن زلزل نواحي الغاضـريّـه
------------------------
ضجّن فرد ضجّه يَنـور العين يحسين دقـعـد احميها وصّلت ليك النّساوين
محّد بقى يحمي يَبو سكنه الصّواوين وزينب تصب الدّمع والونّه خفـيّه
------------------------
تـنْخَى وتقلّه راقب الباري ورسوله هذا حبيب المصـطفى و أمّه البتوله
عـنّه ابـتـعـد خـل الحريم اتلوذ حولـه ولا تحز نحره تزلزل السّبع العليّـه
------------------------
حامي حمانا حسين لا تضيّع يتامـاه جسمه موزّع والعطش هالفتّت احشاه
وسكنه العزيزه تنتحب و تصيح ويـلاه يا ضيـعـة ايـتامك يـبويه ابهالعشيّه
------------------------
اسودّ الفضا وابن الخنا يهـبّر الاوداج واهتزت افـلاك العليّه و العرش ماج
صاحن يوسفه راح مقصد كل محـتاج حـز الكريم و كبّر العسكر سويّه
------------------------
فرّن و مالت للمخيّم ذيـج لجـنـود ساعة القشره اعلى الحرم ساعة الفرهود
داسوا يتامىوبعض منهم راحوا اشرود مايقدر الواصف يوصّف فعل اميّه
------------------------
يا ويح قلـــبي جم يتيم الرّاح هايـم مرتـاع قلـبـه ما يضوق الزّاد صايم
يشرب ابذاك القيض لفحات السّمايم و امّــه تدوّر يا عظمها من مسـيّـه

خروج زينب إلى مصرعه‚
فرّت لخوهـا حسين من سمعت ونينــه و قلها رجـس لاويـن ردّي يامصونه
]
يَمخـدّرة بـيت الإمـامـه و الـنــبـوّه راح المحـامي وانقطع وصل الأخـوّه
سهم المثلّث ما ترك لحسـين قــوّه ما ظل إلك والي يدافع يـاحـزيـنـه
------------------------
ياللي قبل شخصك ابد متشوفـه الناس بحسـين مهيوبـه وشديد الباس عبّاس
راحوا دظلي بالكسيره مهبطـه الرّاس لـمّي أيتامج لليـسر طحتي بيديـنـا
------------------------
هذا ذبيح وذاك يم المشرعه طـاح وكل عزوتج راحوا نهب لسْيوف وارماح
نوحج مَيشْفي لـج قلب راح الذي راح فوق الهزل ملزوم هالـبر تسلكينـه
------------------------
حنّت وسوط الرجس فوق امتونها يلوح والله مـتـشبههّا الحمامه الناحت بدوح
تقول اتركوني يَم اخوي حسين باروح يقلها حرام اعليج جسمه تنظرينـه
------------------------
صاحت يَنايم بالـثّرى عاين أحوالي يا هي الـذي انظامت مثـل ظيمي يوالي
لا وصّلت يمّك ولا لاحِـظ اطفـالي هالحمل يبن امّي على مـن تطرحونه

{ الناظم }

يحسين نخوه والنخى الطّيبين مَـيخيب رب المعالي لو دعاه الوالــه يجـيب
أوّل وتالي انتو الذّخيره يا منـاجيب عاداتكـم كل مستـجـير اتـنجّحونه


حرق الخيام بالنّار G
زينب احتـارت يـوم شبّوا الخيم بالنّار طلعت اويّاهـا الحريـم زغار وكبار
]
تصرخ بعالي الصّوت طايح وين يحسين خـدري انهتك وانتَ غـياث المستغيثين
عجّـل ادركـنـا لايهتكون النسـاوين لمّن سمع ظل ايتقلّب فوق الاوعار
------------------------
قلهـا يَـزينب باليتـامى لا تـجـــيـني ولا تكـثريـن امن البواجي اتهيّجيني
و ردّي اسكينـه لا يـذوّبـها ونـيـنـي لا تكثري عتبي ولا تجـيني بلا خمـار
------------------------
لا تكثري عتـبي و انـا جـثّه بلا راس راسي قبالك والجسد بالخيل ينداس
روحي الشّريعه بلكت اتشوفين عـبّاس يقـدر على النّهضه ويسل سيفه البتّـار
------------------------
صاحت دخــيلك يالمقطّع بالشّريعه ولن النّدا ردّي ترى اجفوفي قطيعه
للخيَم روحي ابهالـيتـامى يالوديـعـه تدرون بـيّـه مقـطّعه ايميني ولـيْسار
------------------------
مَسـتحْمِل اعتابج وانا جثّه بلا جفوف مفضوخ راسي وجسمي مقطّع بلسيوف
غصبٍ عليّه يسلّبوج و عيني اتشوف و غصبٍ عليّه ابهالمخيّم تشعل النّار
------------------------
مطبّر و من جوفي انِّزفَت كل لـدموم شوفي علي الاكبر يَزينب بلكت ايـقوم
أيَّست منّه و باليـتامى ظلّت اتحـوم تنخى و من كثر النّواخي قلبها طار
------------------------
صاحت يَشـبه المصطفى يمدلّل حسـين جيتك يَعــقلي بالـيتـامى والنسـاوين
و ان جان يـبني تعذّرتنا نلتجي وين قلها يعمّه انـتي نظرتي بجسمي اشصار
------------------------
شفتي جروحي ياحزينه ولاخفى الحال لولا الشّهيد اببّردته لفني فلا انشال
متوزّع مقطّع و لا يمنـه و لا شمـال غصبٍ علـيّه ضيعتك مـا بين كـفّار
------------------------
صاحت أجل لاروح للجاسم و انخّـيه وانتحب يَم جسمه وأمِش دمّه واوعـيه
بلكت تردّ الرّوح ويردّ النّفس بيه قلها يَزينب يـا عزيزة حامي الجـار
------------------------
وجاسم بـعـد مثلي يعمّه لا تروحي لكن أنـا زودى بْسَـبَب كثرة اجروحي
نوحـج شعب قلبي يعمّه لا تـنوحي سَلْمي على خيّي بقيّة آل الاطهـار
------------------------
ردّت تنــادي ضاقت الدّنـيا علـيّه كلـكم تعذّرتوا و انـا ابقيت اجنـبـيّـه
حرمه بليّـا رجـال جيف اركب مطيّه وعندي جنايـز بالعـرا ظـلّت بلا ستار

الهجوم على المخيم G
وقفَت تنـاشد بـن سعـد بنت المـيامين بالله و رسوله والدّمع يجري من العين
]
خلصوا هلي تقلّه ولا ظـلّت لي رجـال ذبـوا عليّه الحمل وملاحظ هالعيال
و الخيم ممليّـه حريم تنوح و اطفال مَتْراقب الله تامـر بحرق الصّواوين
------------------------
لحـّـد يمـر بـيـنا و خـلّونا ابهلخـيام عِدْنا عليل انمرّضه و من حوله ايتام
بالله شسوّي لو يتيم تروّع وهـام يـاهـو يجـيبه من الفَضا وكلنا نساوين
------------------------
ما رحم غربتها و قلبه صار جلمـود رخّص اجنوده على الخيام وغدت فرهود
نسوه ويتامىشلون دهشه وهجّة جنود فـرّن حواسـر بلبرور اشمـال ويمـين
------------------------
شحالة بنات المرتضى من هجمت الخيل أرذال وقصدها النّهب مايمكن التّفصيل
ضرب وسلب وايتام تلعىوهاجم الليل والنـّار تسـعر فـكّر بحـال الخواتين
------------------------
هـذي بلـيّا اخمـار تـتـعـفّر بلوهــاد و هـذي ثلـثـتـايـام لا مـايٍ ولا زاد
و هذي تنادي فرّوا أيتامي يَسـجّاد و زينب تصيح الغوث ياعبّـاس يحسين
------------------------
وهذي تلوذ بزينب و تشكي لها الحـال وزينب بْعَزْم وصبر تجمع ذيـج الاطفال
اتحوم بطلبهم ويـل قلـبي بروس لجبـال ونـوبٍ تهيم وترجع بطفلين ميتين
------------------------
ورثت مـن الزّهـرا الهضايـم والمصايب و بصبر ابوها اتكافح اثقال النّوايب
حارت بامرها و بالعليـل وبالغرايب والليل ماسي وصفت بَس اتدير بالعين

التجاء زينب بالسجاد بعد مصرع الحسين G
فـرّت ابْدَهشه مخدّرة حيدر الكرّار يـم العليل تقول داقْعد وانظـر اشصار
]
يـبني الشّمس غابت وهذا الكون مرجوج و الجـو مظلم والأرض ياسـورنــا تموج
وحسين عهدي بشوفته من لاح بالغوج والكـون متعطّل واظـن الفلك مـا دار
------------------------
اتحسّـر وقـلـها بالـبجا لا تهـيّجـيـني قعـدي ولعد صدرج ابراضه سنّديني
وكشفي السّتر يمخَدّره امن اقبال عيني امتثلت كلامه والقلب مشغول بافكار
------------------------
دنّــق وعـاين للفضا وبطّـل ونيــنه و هلّت ادموعـه و اصفج اشمالـه بيمينه
قـالت اشصاير قـال يا عمّه انوليـنه هـذا العـزيز حسين متجدّل بالاوعـار
------------------------
طايح أبويه حسين والعالم غصب مـاج غابت انواره ولا بقى للعالم اسراج
وان صدق ظنّي والدي محزوز الاوداج قومي يمحزونه استعدي الهتك الاسْتار
------------------------
وصّاج ابويه حسين مـن بعـده بلـعـيال و هــذا كريمـه تنظرينه فوق عسّال
وهسّه يعمّه الخيل تدهمنا و لرْجال قومـي اجمعيهم لاتـفر وحده بلا خمـار
------------------------
قومي يعمّـه و ادركـي النّسوه والايتـام عنـدي ادخليهم و اتركوا باقي هلخيام
لحّد يظل بيها ترى العدوان ظـلاّم معلوم مـن بعـد الـنّهب تـنضرم بالـنّار
------------------------
صرخت وفرّت والقلب بالحزن مجروح تنادي يـتامى حسين تدْهشني عن النّوح
لو هجمت العسكر عليّه وين أنا اروح وين التجي بَـيْتـام اخوتي ازغار وكبار
------------------------
كلّفني ابـن امّـي بـيـتامـاه وعلـيـلـه ما بـين طفله مروّعه وحرمـه ذليله
والا يـتـيم و يشعب الرّوح بعـويـله بلـيّا ولـي واللـيل مجـبل والعـدا اشرار

فزع النساء الى خيمة السجاد...
شمر وزجر هجموا على خيمة السجّاد شافوه يجـر ونّات بيها زين لعـباد
]
قلهم زجـر هـذا عليـل وشـالفكر بـيـه قـط مـن أهـل هالبيت واحد مانخـلّـيـه
و آخر يقول الهالحرم سلوه نـبقّـيـه جذبوا النّطع قوم الرّذاله وخذوا لوساد
------------------------
فـتّح اعيونـه و صاح بالـذّل و الهظيمه وعاين النّار مسعّره ولا بقت خيمه
ويمّه الوديعه بكل يتيم وكل يتيمـه والحرم منهوبه وعليها هجمت اوغـاد
------------------------
وين العشيره و وين ابوفاضل الضّرغـام ما يدركونـا الـنّار مشـبوبـه بلخــيام
والقوم نهبت كل ثقلـنا و داست ايـتام و زينـب تقلّه يا بقيّة بيت الامجـاد
------------------------
دقـعد يعـلّة هالوجود وفـتّح العـين عندك تراهي اتلملمت كل النّساوين
هجمت علـينا الخـيل قـلّي نلتجي ويـن و اللي ننخّيهم عرايـا فوق لـوهاد
------------------------
قلها يَعمّـه ابهالفضا فـرّي بـلطـفال مَقدر على النّهضه يعمّه و لا لج ارجال
و النّار ما بقّت لكم خيمه ولا مال فـرّي يَعمّه بالفضا بــيّـه الالم زاد
------------------------
فـرّت بدهشـه والاعـادي ردّت اردود وذيـج المقانع والبراقع غدت فرهود
و اللي تدافع تنضرب و امتونهن سـود و اعزيـزة الكرّار فرّت صوب لجساد
------------------------
فرّت مروعه شابحه العشره على الرّاس تنخى وشظايا القلب طارتويّا الانفاس
يحسين دركونـا يـبو فاضـل يـعـبّاس لامـاي عـدنـا ولاخيم ظـلّت ولا زاد

فرار اليتامى في البيداءƒ
طلعت مصونه منعقب حرق الصّواوين اتـنادي يزينب مهجـة افّادي مشوا وين
و زينب ابذاك الحال تـتـفقّد بالايتام و شافت ثلث طفلات مسحوقه بلخيام
وجم طفل من هول المصيبه بالفضا هام و لن الفقيده امن الايتام اثـنين و اثـنين
------------------------
من عصر فرّوا اثنين يا ويلي ابعمرهم واثنين بالوادي وغـدت تـتبع أثرهم
بلـيّا دليل تحوم تبحث عن خبرهم و لنْهـا تعايـنـهم بذاك الــبر مـيتين
------------------------
متحاضنين اعلى الثّرى و لاقوا المنـيّه وقفت تنـادي وقـفة الزّهرا الزّجـيّه
شكواي لله مـن فـعـلـكم يـا أميّـه ماتت يتامانا ابعطش وين ابـو الحسنين
------------------------
الهالحال يبلغ حلمك الواسع يمولاي هلكت يتامانا عطاشى بجانب الماي
شكواي إلك يمدبـّر الاكـوان شكواي نسوه و يتامى و شتّـتونا اشمال و يمين
------------------------
ليك الحمد ربي وعلىكلحال مشكور بالصّبر زوّدني المصايب يوم عاشور
أجساد اخوْتي عْلَى التّرايب مالها قـبور وانـا وحـيده وعلى العيله مــالي معين
------------------------
أطلب الهاموا بالفيافي وهاجم الليل لو هالذي ماتوا ولا ليهم من يشيل
لو للبنات الهشّمـَتْهن بالخــبا الخيل لـو للعـليل اللّـي نحـل جسمي بلونين
------------------------
يا رحمة الله من العدا محّـد رحمـنا هجموا علينا وفرهدونا مــن خيمنا
للـبر فـرّيــنـا و مـنـهـم مـا سلمـنـا حتّى البراجع سلّبوها امن النّساوين

العقيلة تبحث عن يتيمة للحسين...
ياللي من الخيمه تطِلْعين وترجـعين اشعِندج ابهالبر تضربين اشواط سبعين
]
قالت أنا الكلّفني ابـن امّي ابحريمه زينب و اخـاطب اجنبي و الله هضيمه
لكن اشـبـيدي ضايعـه منّا يـتـيـمه طلعت من الخيمه ولاادري توجّهت ويـن
------------------------
قلها سواده يم اخوج حسين جـنها تـتحرّك ابصـفّـه يـتـيمَتكم أظــنـهـا
يمّـه تـون لكن يفت القـلب ونـها ويصعب عليج المعركه وحـدج تروحين
------------------------
قالت درب سوّوا بروح الحومه السّاع و صـدّوا تراني مسلّبه وماعندي قـناع
ولحّد يمر اعْلى اليتيمه خاف ترتاع و مرّت تجـــر ونّاتها بـين المطاعين
------------------------
و لن اليتيمه حاضنه الجـثّه و تنادي ضيّـعِـتـنا يـا ياب مـا بـين الاعادي
بويه اضربونا و شتّـتونا بكل وادي أحنت على الطّفله و حضْنـتها بليدين
------------------------
تقلها طلِعـتك يـا يـتـيـمـه روّعـتني و انـا وحـــــيده و المصايب شيّبـتني
قالت يَعـــمّه ريـت روحي فارقَتْني و لاشوف ابوي ابهلحوال اللّي تشوفين
------------------------
جــثّه بلــيّا راس مـرمـي فــوق غــبره شوفي يَعمّـه امكسّره اضلوع البْصَدره
من قطّع اجفوفه و ياهو الحز نحـره عريان ياهو السلّبـه والرّاس فـي ويـن
------------------------
يَـمْ جـسـم ابويـه حسـين خـلّيني يَعمّه أحسب اجروح الجسد واتخضّب ابدمّه
بـالهون شالتها وصاحت يَـبو الـيمّه بنفسي ألاحظ هالعـوايل ياضيا العـين
------------------------
هالحمل يَـبْن امّي ترى محّد يشـيله أيـتام كلهـا مطشّره ووحشـة الليله
بضلع امّك الزّهرا لباري لك العـيله لازم اتحمل مثل ما وصيت يحسين

الرباب تبحث عن رضيعها '
زينب أبوها المرتضى خـوّاض لهـوال اسمع اشقاست ليلة احدعشر من احوال
]
تسـعين ثكلى حولهـا و موحش الوادي هـذي تنـادي يخوتـي و هـذي أولادي
و اقبالها جم طفل منّه القلب صادي حيف و ثلثـتيّام محـروم امن لزْلال
------------------------
و هذي تنعّي اعلى وليها و هذي اتنوح اعْـلَى شـبابٍ عـاينت بالعَطـش مذبوح
وهذي تحشّم راح طفلي وين انا اروح و هي الوردها تكمّله بتْ خـير لَـعمال
------------------------
و لن الرّباب اتنحّبت و الصّوت عـالي اتنادي يَـبنت الطّهر يا زينب تعـالي
هذي الوديـعه واجفه بطفلي اقـبالي تقلّي ارضعي طفلك ومنها الدّمع هـمّال
------------------------
قـلت الـها يـاست النّـسا مَـتـعـاينـيـنه مالت رقُبْته و السّــهم فاري وتينـه
ردّه الشّـهيد حسـين لـيّـه ذابحـيـنه جسّت رقبته وصرخ وانا افزعت بالحال
------------------------
وين الطّفل يعــزيزة الكرّار شوفيـه مرمي بـيا وادي بعَجل دلّيني اعليه
هـذا لَـبَن صدري جرى واريـد أروّيـه مهجة افّادي المـا مثل شخصه بلطفال
------------------------
قالت دقومي يا رباب و لا تضجّين روّعتي اطــفالي و هـيّجـتي النّساوين
اببّاب صيوانـه نظرتـه يدفنَه حسين لا ترفعين الصّوت وتهيجين العـيال
------------------------
طلعت من الخيمه المحروقه بغــبـنها و امّ المصــايب وصّلتها القبر ابنهـا
خرّت عليه متْدوهشه وانقطع ونها وتصيح يـبني خـابت اظـنوني والامال
------------------------
يـَبـني ردت بـيك افـتخر بـين النّساوين و اقـول جـدّه المصطفى خـير الـنّبـيـين
حسين ابوه امن النّبي و ابني من حسين وهــذا الشّرف ماصار مثله اوّل وتال

شكاية زينب وقد أظلم الليل G
أمسى المسا والنّار ما خلّت لـنا خيام صيوان ماظل تلتجي بظلّه هالايتام
]
أقبل عليّ الليل و ازدادت الوحشه ما شوف غير ايتام تتصارخ بْدَهشه
وشيخ العشيره حسين ماحد شال نعشه مطروح و بْجَـنْبه علي الاكبر و جسّام
------------------------
عبّاس عندي البارحه ايحـوط الصّواوين يـامـر و يـنهى واخوته كلهم مسلحين
والخيل مسروجه و اهلها مستعـدّين مصغـين للصايـح ولا منهم جـفن نـام
------------------------
وحسين من يسمع بجا بخيمه دخلها يسلّي الحرمه وياخذ بصدره طفلها
وباتت خيمنا مطنّبه و تزهـر بهلها وصيوان اخوي حسين حوله ترفرف اعلام
------------------------
واصبحت وشْبول الهواشم حوليوقوف و امسيت مالي اقناع و اتْستَّر بلجفوف
ويّـا يتامى اقلوبها طـارت من الخـوف وين المعـزّه اُو ويـن زهـوة ذيـج لـيّام
------------------------
أصبحت حولي سْباع و امسـيت اصفج الكف
و انظر جـنايزهم عرايـا بعرصـة الطّـف
باجر يركبونا الاعادي اجمال عجّف دربٍ طويـل ونبتلي بعدوان ظلاّم
------------------------
قلها علي السجّاد يـا عمّه شـجاني حالج وانا مقدر اتحـرّك مـن مكاني
صاحت يَنور العين عـتبي اعـلى زمـاني إللي علي الكرّار ابوهـا اشلون تنضام
------------------------
و الاّ المصـيـبـه ضجّة الايتام حـولي الوعـد الصّبح جان العـدا شـدّوا ذلولي
و اعظم مصيبه جان قاد الجمل خـولي وساعة القشره جان راح الظّعن للشّام

حضور أميرالمؤمنين ليلة الحادي عشرƒ
حرقوا خِيَمْهُم و الوحيده الهـاشمـيّه تلم اليتامى وموحشه عليها المسيّه
]
جلجل ظلام الليل وارعد عصف لرياح ليلة احدعشر و ابسماها البدر ما لاح
سرّحت بـالوادي نظرهـا بدمـع سفّاح و اتقـول والله لـيلةٍ قـشـره عليّه
------------------------
حـول الخـيم لنهـا تشوف يحـوم خيّال ضاقت عليها الواسعه وصاحت ابولوال
جنّب يفارس جان جيتك تطلب المـال نهبوا الخيــم و النّار ما بقّت بقـيّه
------------------------
وخّـر ترى احـنا مسلّبات ولا لنا ثياب و ارجالـنا كلها جنايـز فوق لتراب
وانـا تـرى زينب و ابويه داحي الـباب محـّـد من العالم طــبق يدنى الثـنيّه
------------------------
أمّي الزّهــرا و دعوتي لازم مجـابـه وجـدّي رسول الله وانـا روح النّجابـه
وصدّت تحن صوب النّجف صاحت ييابه ابهالحـال يا حـيدر و لا تنـتـغـر لـيّه
------------------------
حيدر أبويه اللي يدير الفلك بـيده و انا العزيزه شلون خلاّني وحـيده
جي ما درى ابزينب ابهالحاله الشّديده و لــنّه يـناديهـا يَـزيـنـب يـا زجـيّه
------------------------
انـا يَزينب والدج و اسـمع اعـتابج وكلّـه نصب عـيني يَمحجوبـه مصابـج
يعزيزة الزّهرا القضا للطّف جابـج صبري يَبنتي واحمدي رب البـريّه
------------------------
صاحت يَغوث الموزمه حِـرْنا بصفاتك كاشف الشـدّه اشلون يوم الطّف فاتك
ماجيت لابنك واكشفت شـدّة بنـاتك ظـلّن بليّا استـور بين اعلوج امـيّه
------------------------
حـيدر يَبويه عقب عينك قاطـعـتـنا هـذي الأمّـه ومـن وطـنّا شـرّدتـنـا
هذا النّهر يمنا و عـن ورده امنَعـتنا وجم طفل عدْنا امن العطش ضاق المنيّه
------------------------
دفنوا خوارجهم ولا شالوا لنا ميت وانا على الـتل وقَّـفِت حسـره وناديت
ياليت لاجان ارفعت صوتي ونخـّيت ما جاوبـتــني غـير خـيل الاعوجـيّه

زينب و سكينة على جثث القتلى G
قومي يسكنه امن الخيم ويّا النّساوين وشوفي الخـيل اتدوس عـز الهاشميّين
]
قـومي نروح المعركه للوالي نشــيل جثّة ولينا اتحطّمت مـن حافر الخيل
طلعت يويلي و المدامع تشبه السّيل وشافت اجساد عْلَى الثّرى كلهم مطاعين
------------------------
قـالت يعـمّه ابهالجـثث مَـتْـخـبريـني و مـن هالذي امقطّع يعمّـه اقبال عـيني
بجنبه اولاد اثـنـــين و الله مذوبـيني ومَدْري إبن عمّي يَعمّه جثّته وين
------------------------
مَدْري تغيّر مثل بدر في خســوفـه لو وقع عنّا بعيد واحنا ما نشوفـه
وعلامـة العرّيـس مخضوبـه اجـفوفه و لا سـمـعـنا تقطّعت منّه الجـفّين
------------------------
ولاشوف انا اولادج يعمّه محمَّد وعون ماشوف غـير اقمار بالعركه يزهرون
هذا مقطّع بالحريـبه و ذاك مطعون كلهم بليّا روس شـوفـي كسرة الـبين
------------------------
قـالت يَسكنه اللي امقطّع علي الاكـبر و اللي اقباله اولاد عبدالله بن جعفر
و ابن الحسن بثياب عرسه ما تغـيّر مـن طلعته امجـفن ابثوب العرس تجفين
------------------------
قالت اولاد امّ البنين اهـل الحمـيّه مَـتخـبّريـنـي ويـن صاروا يـا زجـيّه
صاحت يَسكـنه هاجت احـزاني علـيّه قلبي تراهو ذاب سكتي لا تنشدين
------------------------
ذوله اولاد ام البنين اخوان عـبّاس أشبال ابويه المرتضى صعبـين لمراس
و امّا الكفيل اعْلَى النّهر جثّه بلا راس واللي تدوس الخيل صدره عزنا حسين

الاستعداد للرحيل يوم الحادي عشر '
أصبحت زينب والرّزايـا تحـوط بـيـها انصبّت مصايب كل بـني الدّنيا عليها
]
شمر وزجر جابوا النّياق و نوّخوها و ضجّت العيـله و اليتامى روّعوهـا
اتعاين يمين اشمال ماغير ابن اخوها مرمي يعالج علّته وصفقت بيديهـا
------------------------
بطّـل ابـو محمَّد ونينه و فتّح العـين وقلها يعمّه ليش ضجّة هالنّسـاويـن
قـالت لـفى بنوقـه زجـر يخليفة حسين أيتام ابوك و هالحرم شالبُصُر بيهـا
------------------------
يـا حجّة الباري رضـيت ابهالمهـانـه أسرة رسول الله و تلامسنا اعدانـا
لن ابو اليمّـه اتغـيّرت حـالاً الوانـه و ثارت الغيره و الحوادي التفت ليها
------------------------
و قلهم مهو من شانكم تركيب لعـيال صدّوا و خلّونا نرتّب حـال لطـفال
بعضٍ يركّب بعض فوق اظهور لجمال قـانـون كل حـرمـه يركّبها وليهـا
------------------------
صدّوا وقامت بالمهم كعبة الاحـزان مهجة الزّهرا وعدّلت حالة النّسوان
وركّبت بحْضون الحرم جـملة الرّضعان و صدّت يـمين اشمال شافت محـَد ليها
------------------------
انتحبت وقلها ليش يا عمّه انـتحبتي هسّا تهيـجـين الحرم بالنّوح سكـتي
بملاحظ العيله يعـمّه اموَزّمـه انـتـي بالصّبر يعزيـزه المصــايب كافحيها
------------------------
قالت خبر معلوم عندك يا حمى الـدّين شخصي قـبل هـاليوم ابـد ماشافته عين
و ما أركب الاّ اقـبالي العبّاس و حسين وحتّى المطــيّه ستور مرخيّه عليها
------------------------
شوف الدّهر ذبـني بـيـا حـاله يَـسـجّاد أركب على عجفه بلا سـاتر ولا مهاد
وامشي وابوك حسين يبقى ابحر لوهاد و موزّعه الاجـساد محــّد يمر بيهـا

شماتة الحادي بالعلويات G
ضاقت الدّنيا على اليتامى والنّسـاوين من شـافن العدوان دنّـوا للبعـارين
]
صاح الرّجس يهل الخيم عزكم ترى راح لبسـوا المذلّـه طود عزكم بالـثّرى طاح
و اتلاقفوا الفرسان راسه ابروس لرماح بشروا عقب عينه بكسيره يـا خواتـين
------------------------
طلعت تـنادي يا زجـر لا تزعجـوني بْركب المطـيّه و السّـفر لا تمحـنوني
خلّوا يتامى حسين عندي واتركوني أبجـي لحتّى تروح روحي وتغمض العـين
------------------------
ياشمر خاف الله و لا تروّع يـتاماي من غير والي ابهاليتامى اشلون ممشاي
لو حاضر العبّاس تاج الفخر ويّـاي محّـد كفـو منكم يقرّب للصّياوين
------------------------
قلها انذبح عبّاس و اتـقضّت أيـّامه و الرّاس مـنّه انفضخ و انّنهبت اخيامه
تركي الحـجي وطلعي يَزينب بالـيتامى والاّ دخلت و فرّقـتهـا اشمال و يمين
------------------------
لعليلها التفتت و هو يجاذب ونـينـه و قالت الحادي عـزّم ايسـوق الظّعـينه
وجثّة أبوك اعْلَى الثرى ظلّت رهينه متحيّره ننصب عـزا المظـلـوم في وين
------------------------
حن و جرى دمعه و تحـسّر زين لعباد و قلهـا شعبتيني يَعـــمّه و الألم زاد
نصبي على اخوانج عزا بمجلس ابن زياد عِدْ مَن يعمّه بعـد ابـويه الحال تشكين
------------------------
شبيدي يَعمّه وتشتكين الحال عندي نهبوا افراشي و ترّبـوا بالقاع خدّي
للهضم و الذلّه يمحزونـه اسـتــعدّي كل هلعذاب اهون من ادخول الدّواوين

بين الحادي و زينب G
قومي يَزينب لليسر شـدّي العصايب و اتولّمي القطع الفيافي اعْلَى الرّكايب
]
راحوا الذي دونج يسلّون المواضي و غابت ابدور الجان بيها الخـدر ياضي
والله لزيدج ضيم و امري اعليج ماضي لازم أعذّب حالج ابقطع السّـباسب
------------------------
ناموا الـذي يمنعون عـنّـج فوق لوهـاد نرحل اليوم و باجر انواجه ابن زياد
لاترقـبي يـعود الدّهر شفتـي الدّهر عاد أخطى سهمكم والسّهم بحسين صايب
------------------------
بالعجل ودعـيهم وقومي الظّعن شـايل خلّي عزيزج بالثّرى وركبي العوايل
روس اخوتج ويّاج بـاطراف العواسل جدّامـج الكوفه وبشري بالمصايب
------------------------
صاحت يحـادي ريّضوا بالظّـعن ساعـه والله على ركب الهزل مالي استطاعـه
هالرّاس هلّي اعْلَى الرّمح يزهر شعاعه ويّا الجســـد ردّه نواريـه بالتّرايب
------------------------
اتمهّل يحادي بالسّرى لا تزعجـونـي يـم جسم اخويـه حسين ساعه وقّفوني
بلْكي أغسّل جـثّـته ابدمعة اعـيوني وادموع سكْنه و الرّباب و هالغرايب
------------------------
تمهّل يحـادي اندهـشت النّسـوان كلها هـذي تدوّر ستِرها و هذي طفلها
و هذي تجر ونّه على شايل حملها و هذي تصيح انشيل و العبّاس غايب
------------------------
و خّـر الممشى اندوّر اطفال النّـبوّه بالـبر هامـوا ليـش ما عنـدك امروّه
وعدنا عليل اعْلَى السّفر مابـيه قوّه يجذب الونّه و ذوّبت قلبه النّوايب

خطاب زينب للحسين عند الرحيل G
يحسين حادي اظعونّا عزّم على الشّيل ومن الصّبح دنّوا لنا نـوق المهازيل
]
مـاشوف انا يحسين غـير اجـبال لهموم تـترادف اقـبالي يخويـه مـثـل لغـيوم
من حنَّة الأيتام صرت ابحال ميشوم واحنا حرم تدْرون مانسلك بلا كفيل
------------------------
جيف الحريم ابغير والي تقْطع البيد و الشّام يَـبن امّي علينا دربـه ابعيد
مـشي الحريم ابليل فـوق الهـزَّل امجـيـد لوعـثرت النّوق الهوادج لازم تمـيل
------------------------
محمل اسكينه لو تزَلْزَل من يجي له ولو طاح من عدْنـا طفل يـا هو يشيله
و حادي الظّعن ترويعنا يبرّد غليلـه و هَلـبرّ لَقفر ما تقطعـه الاّ الرّجاجيل
------------------------
و حرْق الخيم يحسين ما خلّى لنـا حال و احريمكم ذوّب قلبها فـقد لرجال
و الله مَضل الـنا جلد لرْكوب لجـمال و ما غمّضت عيني و لاساعه من الليل
------------------------
يردونا انسافر يـبـعد اهلي و نخلّيك ياليت من قبل السّفر نقعد نواريك
هـذا لفراق اُو وين يَـبن امـي انلاقيك لـَتـقول خلّتـني العـزيـزه ابغير تغسيل
------------------------
لَـتقول عـنّي سـافروا مـا ودّعـونـي شـالوا خــواتـي و للقبر ما شـيّعوني
يـا ليـتهم ويّـاك بـالـبر يتركـونـي ولاروح حسره اميسّره فوق المهازيل

قطع الرؤوس و مرور النساء على المصارعڈ
بن سعد صاح ابعسكره هـيّا يَفرسان بالعجل عزلوا الرّوس كلها عن هلبدان
]
كلمن يريـد الغـانمه ويكسب الـنّوماس و يصير مُخْـلِص للأمير ايواجهه ابراس
و سهمي أنا راس لحسين و راس عبّاس و هذي جنايزهم طبق داخل الصّيوان
------------------------
مالوا على ذيـج الضّحايا وكلهم اولاد ياغيرة الله الرّوس فصلوها امن لَجساد
فكّر اوْيـاي اتصوّر الفِعـلَـة هَلَوغاد رفـع المصاحف بالطفوف اتمثّل وكان
------------------------
و ردّوا يخـلق الله الجثـثهم سلّبوها وَكْت الـتّعرّي اشمال يمـنـه قـلبوها
فوق الـثّرى الاجساد والرّوس ابعدوها دمها غسل واجفانها سـافي التّربان
------------------------
الله يعين اقلوبـها ذيـج الـنّـسـاوين تـعهـد اجساد بروسها موتى ومطاعين
وصبح احدعش مرّن على ظهور البعارين وشافن الرّوس امقطّعه اشحالة النّسوان
------------------------
خرّن و ليلى تصيح بالله يا سكينه شوفي أخيّـج جـان جسمه تعْرفـينه
قالت اعرفـه من نفح طيبه و لونه لكن ثيابه مسلّبه و الجسـد عريان
------------------------
أهوت تقلّه ذاب قلبي ياضيا العين هذا الجسد مسلوب راسك يالولد وين
هاللي قطع راسك عسـى تنشل اليدين مـنّه ولا يلقى ابحياته غير لَحـزان
------------------------
و رمـله تـنادي من يدلّيـني يَلسـلام ابـيا كتر خلوه مرمي جسَد جسّام
و لـنّه بليّا راس عاري فـوق لرغام خرّت وصاحت ريت يبني العمر لاجان
------------------------
ما جان اعرفك ياعزيزي و لو أشوفك الرّاس انقطع يبني واعرفك من جفوفك
يبني حدى الحادي شلون امشي واعوفك مغسّل بدمّك والتّرب صاير لك اجفان

شكوى زينب للحسين عند الرحيل‚
ويـّاالغرب يحسين والله صعب ممشاي شالبصر ياهو اللّي يـباري الحرم ويّاي
]
جسمك رميّه والكريم ابرمح منصوب دنّـوا هوازلهم وَ لَدري القصد يا صوب
للكوفه لو للشّام وين احنا و هلدروب وين اليساعدني عْلى ضيمي وكثر بلواي
------------------------
عريان جسمك بالفلا و امشيت عـنّه ساقوا المطايـا و لليتامى غدت حنّه
و ما تسـمع الذاك لمقـيّد غـير ونّــه كلما جذبها نحل جسمي وفتّت حشاي
------------------------
هالسّفر يَبن امّي صعبوالحاديأصعب الحرمه مَتقدر لو خفقها السّوط تنحب
و امّا الذي اتنخّي علي الكرّار تـنسب والدّرب شب لاهوب لارايح ولاجـاي
------------------------
لو طاحت الطفله يخويـه امـتحن بـيـها محّـد يـركّـبها و لا يشــفـق علـيـهـا
ما غير حادي اظعونّا ابْسوطه يجـيها ايورّم متـنها وتنتخي ولاتشوف حمّاي
------------------------
ويّـا الغرب خويه صعب ممشى الغريبـه و القوم مـا بيهم زكي و امّـه نجيبه
كلما مشينا قـالوا الكـوفـه جريـبـه والنّوق يزعجها الرّجس لو قلت بهداي
{ الناظم }
جهد المقـل في خدمتك يحسين مبذول فـرّج لـي اهمومي و بلّغني المـأمول
طالب مدَد والعز يتم منحول إلىحول ليّه الفَخَر سامي مْن اقول حسين مولاي

مرور النساء على القتلى‚
ريّض يحادي الظّعن خلنا انودّع حسين مـاهي امروّه يظـل عـاري ابغير تجفين
]
و الله هضيمه انشيل عـنّـه و لا نورايه جسـمه امرضّض و التّرايب سافيه عليه
نمـشي بـلا والـي و واليـنـا نخـلّـيـه بـالظّعن بـالله خـبّروني القصد لاوين
------------------------
بالله دخَبروني قصدكم وين بـيــنا مَـتْرد جوابي يالذي اتسوق الظّعينه
رايـح الكوفـه لـو تودّونـه المـديـنـه بالله درحمـوا هالعليل وهـالنّساوين
------------------------
لحسين صدت و الدّمع يجري بلخـدود دقـعد تقلّـه يالذي بالشّمس ممـدود
عاين يخويـه امـتونّا مْن اسياطهم سـود وحادي الظّعن طوّح واظن للشّام ماشين
------------------------
والله يـبو السجّاد أنــا لـو خيّروني أمشي و اعوفك لو ابهالبر يتركوني
بس كون اروّي قبرك ابمدمع اعيوني ولو كلتني اسباع الضّواري ياضيا العين
------------------------
ما جان خلّيتك رمــيّه ابهالـتّـرايـب لكن شـسوّي ابهاليـتامى و الغرايب
يـا هو اليـباري هالظّعينـه ابهالسّباسب و هاللي على النّاقه يوِن مغلول ليدين
------------------------
تـدري العدو يحسين ما يرحم عدوّه و شمر و زجر و سنان ما بـيـهم امروّه
واحنا عقب لُطْف الولي وعطفالأخوّه غير الشّتم والسّوط ما نحصل يَطـيـبين
------------------------
يحسين تدري ساعة الهجموا علــينا و النّـار شـبّوا بالخـيام اشـصار بـينا
كلّ الخيـم راحت و ملجا ما لقـينا وحدي وعلى ملاحظ ايتامك مالي معين
{ الناظم }
حسين يَبْن المصطفى وشبل الزجيّه توفـيق راجـي ابخدمـتك يزداد لـيّه
ونصره وكفاية كـل عـدو منّك عطيّه رابي بظلّك من زغـر يَبْن الميامين

عتاب زينب للحسين وسائر الشهداء‚
يحسين مـحّد من انصارك ثار ليّـه قبل اليسر والضّرب و ركوب المطـيّه
]
شبيدي يَنور العين ذاك العـز ما دام نركب هوازل و العـدا يحسين ظلاّم
و اعظم عليّه يوم قالوا انريد للشّام و انتـو عفتكم بالثّرى غصبٍ عليّه
------------------------
الله يفرسان الحرب قـلّت شـيَمكم ترضون شمر ابن الخنا يْفَرْهِد خيَمكم
من النّوم بسْكم يخْوتي وفكّوا حرَمْكُم فـي وين راحت ذيـج لـنفوس الأبـيّـه
------------------------
مَتْقوم ياجاسم عروسك شقّت الجـيب و الحق عليها قاست امن القوم تعذيب
من قبل ذبح حسين ما تعرف التّغريب ظلت غريـبه من بعدكم واجنـبـيّه
------------------------
خلّيت يا شـبه الـنـّبي لـيـلى حزيـنه مَتْشوف يبـني بعدكم جيف انولينـا
منْهو يـبعد اهـــلي يردها للمـدينه تدرون يـبني القوم ما بـيـهم حمـيّه
وصدّت لبو فاضل ودمع العين هـمّال نـادت يخويـه قـوم حادي اظعونّا شـال
ماظنّتي ترضى الحراير تركب اجمال عقب الخــدر للشّام تتودّى هديّـه
------------------------
وقفت على جسمه وهي عبرى تناديـه دقْعد يَمَنْ قطعوا على جوده أياديه
ماظن يخويه الشّام ترضى انشوف واديه يَـكـرام مـا تـاخـذكم الغـيره عليّـه
------------------------
بظلالكـم عشنا ولا نـقدر على السّـير و الكـل مــنّا معـوّده بعـزٍ وتخـدير
وتركب بليّا هودج عْلَى الجمل مَيصير و انتَ الجـبِتْها بذمّـتك للغاضـريّـه

خطاب زينب مودعة أخوتها G
ودّعتك الله يا جسـد حـامي الظّعينه سـاقوا مطايـانا العدا و قوّه مشينا
]
ودّعتك الله يا ذبـيحٍ ما احتضى ابماي عـنّك ينـور العين سافرت ابـيتاماي
يمقطّع الاوصال لو يحصل عـلى اهواي ما فارقت جسمك يسلطان المدينه
------------------------
ودّعتك الله سفرتي صعبه وطـويله يحْجاب صوني ناقتي عَجْفَا و هزيلـه
محّد بقى منكم يعـــقلي نلتجي لـه بس العليل و فـوق ناقـه امقـيديـنه
------------------------
ودّعتك الله يا طريـحٍ ظـل عريان يـالـيت خلّوا لك يخويـه اثيابك اجفان
شال الظّعن عنكم ووالي الحرم وجعان كلما سمـع طفله تـون ايدير عينه
------------------------
اوداعة الله يا عرايـا ابحـر لشموس صرعى وعليكم يخوتي خيل العدا تدوس
أقـعد اوياكم لو أقـوّض و اتـبع الرّوس بـيتامكم شمـر الخـنا قوّض اظعونه
------------------------
اوداعـة الله الرّوس شـالت ويّـا لَيـتـام ما ظـنّتي ابهالحال لَقشـر نوصل الشّـام
حافظكم الله يا علي الاكبر وجسّـام و يَاللّي على المسناة مَتْقوم انولينه
------------------------
ودّعتك الله يا قمر هاشم يَسـِردال نايـم ابجنب المشرعه و ظعن الحرم شال
من يعدل الهودج يخويه لو صغى ومـال قطع الفيافي بلا ولي ويني و ويـنه
------------------------
يا خوي دورات الدّهر كلهـا عجـايب بالامس حولي اشبال من فرسان غالب
واليوم راسي من الهضم والضّيم شايب نمشي حواسـر و الولي يبقى رهينه

زينب تودع و تصف ويلات السفر '
ساقوا الظّعينه امن الصّبح كلها نساوين مــا بـيـنـها السجّاد و مقـيّد الرّجلين
]
تدوي مثل دوي النّحل من كثرة النّوح و تغريدها مثل الحمام ابعالي الدّوح
وخلوا دربها بـين مطعونٍ و مذبوح اشحال الودايع يوم شافن جثّة حسين
------------------------
و زينب تنادي يالذي ما مِشْ مثيلك يحسين سـامحـني تـرى مَقْدر اشيلك
دقْعد و عاين حالتي و حالة عليلك مشدود بالنّاقه وانـا اتستّر بليدين
------------------------
واومت الشاطي العلقمي وصاحت يَسردال عـبّاس سامحني ترى حادي الظّعن شال
كلنا حريم و بـيد اعادي ولا لنا ارجال بوداعـة الله لليسر عـبّاس ماشـين
------------------------
غصبٍ عليّه امشي وجسمك ما أشوفه و حسين قـلّي كافلج قطعوا اجفوفه
خويـه قـبلـنا روسكـم وصلت الكوفـه و هـاي الظّعينه تريد والي ولالي معين
------------------------
هذي قتَبها بلا وطـا وطايح طفلها و هذي ابحـثيث السير بس هايم جملها
وهذي على عجفه وهزيلـه ومحّد الـها كلهـم أعـادي والعـدو قلـبه فلا يلين
------------------------
و آنـا الذي تدرون بــيّه يا بهاليـل ما زور جدّي المصطفى الاّ ابْظلمة الليل
وحـيدر أبويـه يخمد انوار القناديـل وامشي بمعزّه بين اخوتي الحسن وحسين
------------------------
شاقول لو طبّيت للكوفه و اهــلها يدرون زينب بالخدر ما مِشْ مثلها
و تاليها زجْر ابن الخـنا قايد جملها و كل سـاع يـزبرْني ويقـلّي لا تحـنّين
------------------------
لو قلت يا يابه عدى اعليّه و شتَمني و لو قلت يخواني ابكعب رمحه وكزني
و الله يخويه امن السّياط اسود متني اشحال اليـباريها عدوها يا مسلمين

عتاب الوديعة لقمر بني هاشم G
وينك يقايد ناقتي ظعن الحـرم شال حرمه وغريبه ومبتـليّه بحرم واطفـال
]
عـنـكم يـبـو فـاضـل تـرى قـوّه خـذونـي
و كلما جـرى دمعي عـلى اخدودي اضربوني
كلكم ضـياغم يخوتـي و اتضيّعـوني ضيعه وسفر وايـتام ما يخـفاكم الحال
------------------------
عبّاس خويـه امن المديـنه بذمّتك جيت لجلك ولجل حسين عفت الوطن والبيت
واشوف جيت الكربلا ومـنّي تبرّيت بـعْت السّهم منّي و بليتـوني ابهَلعيال
------------------------
اتحرّك يويلي صاحب النّفس الأبـيّه و قلها يزينب ضيعتج غصبٍ علـيّه
يَـعْـزيـزة الكـرّار عـاقـتـني الـمـنـيّـه جثّـه بلا راس وبلا يمنه ولا شمـال
------------------------
اتـعـتبـين و انا اعْلَى الشّريعه امقطّعـيني و بـس تنظرين الحـال جسمي تعذريني
لكن اشعذرج ماشـيه و لا تجـهّزيـني اتخـلّين جسمي ولا تشيلينـه ابشيّال
------------------------
اتخـلّين جسمي عْلَى الثّرى مَـتْجَهّزينـه و جيف العـزيز حسين عاري تتركينـه
لمّي الـيتامى وعن ثرى الغـبرا ارفـعـينه قـالت أنـا نخّيت عـدواني يَسِردال
------------------------
ظنّيت انـا اتـقولون زيـنب فارقـتـنا كلنا عرايـا اعْلَى التّرب ما جهّـزتنا
و هذي العدا للشّام حسره ركّبتنا وحادي مطايانا عدو ما يـرحم الحـال
------------------------
ناديت واروا هالجـنايـز يا مسـلـمين ثـاري كفر كلهم بلا مذهب ولا ديـن
طلعوا بخـيل الاعوجـيّه و رضّوا حسين واحنا نسا وتدري الجـنايز تبغي رجال

المرور على الأجساد G
ساق الظّعن للشّام ويـن اهل الحمـيّـه وزينب تنادي مشية القشره عليّـه
]
حالـة القشـره يوم مرّوا بالمذابــيـح كلـهم عرايـا و السّتر مـن سافي الرّيح
و امن الحزن زينب تقوم و نوبٍ اتطـيح و تصيح شاب الرّاس من عظم الرزيَّه
------------------------
ورمله علىالجاسم هوت تلطم صدرها اتـنادي عروسك بن سـعد يـبني أسرها
و انتَ طريح و جثّـتـك محّد قُبَرها امدلّل يَعَقلي و بالثّرى تـبقى رميّه
------------------------
قلها بلسان الحال صبري وودّعـيني و جمعي وسادة امن التّرايب وسّديني
يا والـده شــقّـي ضريـح ولحّــديـني قالت شبـيدي والعدا دنّـوا المطيّه
------------------------
يـبني ضعيفه وذوّب القلبي مصابك بعـدك شـباب و مـا تهنّيت ابشبابك
عريس يـبـني ومن دمـا نحرك خضابك شخصك قبالي يلوح كل صبح ومسيّه
------------------------
و ليلى على شـبه النّـبي تخمش بلخدود من شافـته امقطّع و فوق التّرب ممدود
و اتصيح يـبني لـبّسـتـني اثـياب لحـدود مَنته الحنون اشلون يـبني اقطَعت بـيّه
------------------------
قـلـهـا تعـتـبـيني و انـا قـلـبي تـقلّـى كـثر الطـّعـن يـا والــده بـيّـه اشـخلّى
صـبري و ودعـيني وقولـي يخـلـف الله قـالت بعد يـبني امنين الخلف ليـّه
------------------------
و امّـا الرّبـاب تحـوم وتدوّر طفلها و اتحن حـنين امّ الفصـيل اعلى شبلها
كـثر البجا و النّـوح ذوّبها و ذهلها تجري مدامعها و تخـر فـوق الوطـيّه
------------------------
وسط المعاره اتحوم يسره و نوبٍ يمـين و تصيح أنـا اللّي ذوّبتني ذبحـة حسـين
واهوت على المذبوح من بين النساوين تبجي و تنادي شِلفكر يحسين بـيّه


سقوط الطفله و ضياعها G
ريّض يحادي الظّعن ساعه ابهالمطيّه خل هاليتـيمه الضّايعه تلحق عليّـه
]
ريّض الـنّاقه و ارحم ابحالي يَميشوم مَـتْشـوف حالة هاليتيمـه اتّطيح و تقوم
و مثل الحمامه الرّاعبيّه تنوح و تحوم و تصيح ريضـوا لي ابهالنّاقه شويّه
------------------------
يخـتي سكينه عْـلَى المطـيّـه ركّبـيـني و آنـا العزيـزه اشلون بالـبر تتركيني
مَقدر على قطـع المسـافـه تعرفـيـني ابهَـلـبر لَـقـفـر تـتركـيني يـا زجـيّـه
------------------------
و سكنه على النّاقه تحن و اتْدق صدرها و تجذب الحسره وتصد للطّفله ابنظرها
وكلما تقلّه يا زجـر سبْها و زجرها و يقول بس من هالبجا يا خارجيّه
------------------------
صاحت لـذب نفسي مـن النّـاقـه للـتْراب
مَقدر اشوف اخـتي و قلبها مـن الشّمس ذاب
و المشـتكى لله و لبونا داحي الـباب رد الرّجـس لـيهـا و جبده ملتظـيّه
------------------------
و حالة القشره يوم وصّلها و لفاهـا و سكنه على النّاقـه و تشوفه يوم جاها
ابرجله رفسها و خرّت الطّفله ابـثراها و رد و رفع سوطه و هي فوق الوطيّه
------------------------
وظل يتلوّى السّوط والطّفله على القاع نـوبٍ على الهامـه و نوبٍ فوق لَضلاع
وذيـج اليتيمه مالها سـاتر و لاقـناع ومن الضّرب بس تجذب الونّـه خفيّـه
------------------------
اتصيح ابضعيف الصّوت بويـه ضيّعتني بين العـدا و من زغـر سنّي يـتّمتني
يا بوي من ضرب السياط اسود متني وجسمي تراهو انتحل من ركب المطـيّه

استنهاض بني هاشم‚
يَـولاد هاشـم ما بقت منكُم بقـيّه راحت حرايركم يسـر بالغاضـريّـه
بالغاضريّـه اتيسّرت ثوروا ادركوهـا هـذي العدا للشّام مسبيّه خــذوها
و شيـخ العشيره اجنازته ما شيّعوها فوق التّرايب شيّعـــتـها الاعوجيّـه
------------------------
و عبّاس يـم المشرعه مقطوع لزنود وعدوانكم نكّسوا الرّايه ومزّقوا الجـود
محّـد رفع جسمه وظل بالتّرب ممدود ضاعت عقب عينه الحريم الهاشميّه
------------------------
و شبّانكم جاسم و لَكبر بالـثّرى انـيام كلهم بـلا تجـهـيـز ظـلّوا ثلـثــتـيّـام
و عدوانكم ساقوا الظّعينه ابذيـج لَيتـام حسّر عـلى نوق و مدامعها جريّه
------------------------
راحت حرايركم يسـر يا اشبال عدنان فـوق الهوازل و التسوق الظّعن عدوان
قطعت فيافي وراس عزهـا يلوح بسنان يسطع على الذّابل مـثل شمس المضيّـه
------------------------
الكم يتامى تقطع الـبـيدا على نوق و مخـدّره اتـنخّي الحادي ابدمع مدفوق
اتقلّه يحادي النّوق هزّل خفّف السّوق شوف اليتامى اتلوج ماعندك حمـيّه
------------------------
الكم عليل امدامعـه جرحت اخـدوده و ابجامـعه و اغـلال مشدوده ازنوده
فـوق الهزيله جرّحت ساقـه اقـيوده كـلـما يضربـونـه يـون ونّـه خفيّه

إستنهاض الأسديات رجالهن للدفن G
قلّت شِيَمكم و الحمـيّه يا مسلمين وين الذي ينهض يواري هالمطاعـين
]
لبسوا مقانعنا و تخـفّوا خلف لسـتور و احـنا ابعَمَايمكم نروح و نحفر اقبـور
ندفن هَلَجساد الذي بالمعركة اتـنور مثل لبدور اعْلى الثّرى كلهم مزهرين
------------------------
رحنـا قصدنا المشرعه وجينا المعاره و شفنا جسد مرضوض واتْرَكنا حياره
أوصاله كلها امقطّعه و تسطع انواره مقطوع حتى خنصره من جفّ اليمين
------------------------
بالشّمس مرمي عْلَى الثرى عريان مسلوب وقلب العدو من شوفـته ينْفَت ويذوب
مطعون باضلاعه وقلبه ابسهم مصيوب يمّـه رضيعه ونظن هذي جثّـة حسين
------------------------
و يمّه ولد مثل البدر جسمه ايتلالا وكثر الطّعن والضّرب ما غيّر جماله
ما تنحصى اجروحه امقنطر على شماله الله يساعـد قلبها الفقدت هلثـنين
------------------------
وشفنا شباب اعْلَى الثّرى جفوفه خضيبه عرّيـس جـنّه و زفّـتـه الذبحـه قريـبه
الله يـعـين الفقدته و راحت غريـبه مـاظنّتي بين الذّبح والعرس يـومين
------------------------
جثّه بليّـا راس ويّـا جمـلـة ابـطـال كلهم عرايا امجـزّرين اليوث و اشبال
شبّان و اكهول و بعـد و يّـاهم اطـفال بسهام مذبوحه اشعظمهـا فجعة البين
------------------------
و فـتّت مرايـرنـا بطل يـم الشّريعه مصروع لكن ذبحـــته والله فجيعه
حـتّى مـن الزّندين جفّيـنـه قطـيـعـه صاحب علَم جـنّه و سلالة هاشميّه
------------------------
من شوفته اتلوح الفراسه و شدّة الباس ازنوده بلـيّا اجفوف و الجـثّه بـلا راس
و انْظن عليـه الفارس المشهور عبّاس قطعوا على جوده العدا اشماله و ليمين

حضور السجّاد لدفن الحسين G
علّة وجود الكون جسمه بذيـج لَوعار عـاري ولا لـه غـير وحـش الـبر زوّار
]
مرمي ثلـثتيّام لا تْجَهَّز ولا انشال رَدْ لـه عليلـه ابقلب واهي ودمع همّال
و بس عاينه فوق الوطـيّه افراشه ارمال والجسد ماينشال حن و ظل محتار
------------------------
كلما رفع جانب تـوزّع جانب و طاح من حيث جسمه اموزّعينه بطعن لرْماح
خلّىالجسد وانهل دمعه وبالوجد صاح يابوي جيف نْشيل جسمك يَبْن لَطْهار
------------------------
حيّرتني بـيش اجمع أوصالك يَمَبرور هذي لجفوف امقطّعه والصّدر مكسور
وبين الجسد والرّاس يَبن المصطفى ابرور هـذا الجسد و الرّاس يتْشَهَّر بلَمصار
------------------------
جابوا له قطعة باريه وجمّع أوصاله ولفّه عسى عيني العما ودنّق وشاله
وحطّه وسط قبره وتخـوصر وانحنى لـه و شمّـه بـنحره والضّمايـر تسعر بنـار
------------------------
انهدّت اركانه ويل قلبي وجذب حسره اتحـنّت اضلوعه يوم هال اتراب قبره
صاح انكسر قلبي وراح اللّي يجبره امصاب الجرى عليه بكل الدّهر ماصار
------------------------
لقْضي يبويه بالبجا ليلي و نهـاري غيرك مَشِـفـْنه مجـفّنـينـه بالبواري
من عقب ما تبقى ثلـثـتـيّـام عـاري فوق الثّرى وسترك يبويه ابهَلفلا غبار
------------------------
يا قوم هـالعِدْ رجل ابويه حسين لَـكبر هـذا الذي مـن شوفـته قلـبي تفطّر
هـذا الشّباب اللي على الدّنيا تحسّر هذا الذي خلّى الشّهـيد ايديـر لَفكار
------------------------
و هذي لَجساد اللي اندفنوا ابهلحفيره مـن بـيت واحد كلهم وكلهم عشيره
كـل فـرد منهم بالخلق ما مِشْ نـظـيره شـبّان كلهم مـن سهمهم قـصر لَعمار

رجوع السجاد بعد الدفن G
قلبي شعـبتـه ابغـيـبتك يخْليفة حسـين واظلم نهاري ومرمرت حالي النساوين
]
غـيـبـتك يَـبني هيّجت حزني علـيّه ابهالمرض جاي امنين يـا باقي البقيّـه
قلهـا يَعمّه جـيّتي مـن الغـاضـريـّـه واريت اخوتي ودْفنت عبّاس وحسين
------------------------
واريت ابويـه و جيت بالحسره و لهموم والله يَعمّه امن العوادي الجسـد محطوم
و الجفن سافي الـتّرب و امغسّل بلدموم ذاك العزيـز اندفن جسمه ابغير تجـفين
------------------------
قالت دفنت اهلك يَـبَعد اهلي يَسَـجّاد روس اُوجـثَثْ واريتهم لو بَس لَجساد
قلها يعمّه الرّوس طرّشها ابن زيـاد ليزيد واحنا من بعدهم غصب ماشين
------------------------
ماحد تدنّى امن الخلق شق الهم ارموس غـيّر محاسنهم يَـعمّـه حـر لشـموس
و ادفنـتهم كلهم يمحزونه بلا روس وامّـا البطل عـبّاس لا راسٍ ولا ايدين
------------------------
وليلى تنادي ذاب قلبي يَبْن الامجاد بـالله دخـبّر عن عضيدك شـيـخ لَولاد
ذاك الجمال اشْحَل عليه من حر لوهاد قلها يَلـيلى عن عزيـزج لا تسئلين
------------------------
لا تسأليني عـن علي حاله شَـعَبني بَـس عاينت حالـة عضيدي انهد ركني
سجّيت جـثْته بْحُفْرته و ازداد حزني و كلما شِفِت طوله ابقبره هِملَت العين
------------------------
وكل ام ولـد فـرّت تسـايل عن ابـنـها و رملـه تهل الدّمع و تصيح ابغبنها
العرّيس قـلّي اجنازته ياهـو دفـنـها الله يَـقَلبي اشـتحـتمل من فجعـة البين
------------------------
قلها انكسرتي و الكسر ربِّـج يجـبره العرّيس بـيدي نـزّلت جثـتـه ابقبره
ويـاه اخوتـه اموسّدين ابـفرد حفـره و قلبي انصدع من شوفته مخضّب الجفّين
------------------------
وجتّه الرّباب تصيح قلبي من الوجد ذاب بالله ارد انشدك يالذي واريت لَحـباب
عن نور عيني حسين قبـل اتهيل لتراب شِلْت الـنّبل عـنّه و نزَّلْت الجسد زين
------------------------
ابـيا حال شِفْت اجسادهم يا نور عيني قلها ابعرا قالت أنشدك عن جنـيني
شِفْته ابعينك قال بَسْ لا تشـعـبـيني واريت عبدالله الرّضيع ابحفرة حسين
------------------------
صاحت يبو محمَّد ترى حجيك شـعبني بصدر الشّهيد حسين جيف اموسّد ابني
يا لـيت ذاك القـبر ويّـاهـم يضمـني و شلّي ابحياتي نغّصوا عيشي هـلثـنين

دعوة فضه ونزول المائدة في الكوفة‚
وصلوا الكوفـه ونزّلوا ظعن النّساوين ومن التّعب والجوع ضجّوا اطفال لحسين
]
قوّض صبر فضّه ولفت والقلب مشبوب تطلب الرّخصه من علي والدّمع مصبوب
الضجّة يتاماكـم تقلّـه قـلبي ايذوب وانتـو الصّبر من شانكم يَـبْن الميامين
------------------------
اسمح لـي وتـدْري دعوتي بـيكم مجابـه اطلب مـن الله مـايده يبن النّجابه
أنعم و ردّت و الدّمع هل انسجّابه وبين المحامل وقفت اتصلّي ركعتين
------------------------
توسّلت لله و خلّت البضعه وسيلـه ونظرت اطـفال حسين والمدمـع تسيله
صاحت يمولاي الظّعن تسمع عويلـه غربه ويتامى وجوع تدعي القلب شطرين
------------------------
نزلت عليها المايـده امن الله كرامه و ردّت ابهمّه و الدّمع جف انسجامه
تلـم الحـرم يـم ابـو محمَّد و اليتامى قلهـا يَفضّـه ام المصـايب والمحـن ويـن
------------------------
فرّت و مابـين المحامل ردّت اتـدور اتدوّر عزيـزة فاطمه مخدومة الحـور
تنعي لقتها وتنتحب و الدّمع منثور اتـنادي بلا وليان ضيّعنا الولي حسـين
------------------------
قامت اويَاها تجـر ونّـه و دمعها يسيل و قعـدت مع الأيتـام و النّسوه و لعليل
صدت و لن راس الولي بالذّابل ايميل شهقت وصاحت يامصاب اليعْمي العين
------------------------
أشرب لـذيذ المـاي وآكـل طيّب الزاد و اقبال عيني راس أخيّي ابراس ميّاد
وهيهات عيني بعد ماتغْمض على وساد وحسين جسمه يندفن من غـير تجفين

العقيلة عند دخولها الكوفة G
لاحت الكوفه ونار حزني اسعرت بيّه دار الخلافه الوالدي حلو السّجيّه
]
هذي الكوفه جنها بيها ترفرف اعلام دار المعـزّه ابعهد ابونا كهف لَيتام
سلطنه و دوله و انطوت من جور لَـيّام مـا ظـنّـتي اتـعــود لَوطـار الأولـيّـه
------------------------
بالأمس خدري و منزلي ابقصر الأماره وكل يـوم ابويه ابحجرتي تسطع أنواره
و الخلـق تتوسّـل يطلـبـون الـزّيــاره وشخصي أبـد محّـد كفوا ينظـر الفـيّه
------------------------
و اخوان عندي اسباتعش توقـف اقبالي فرسـان و آنـا امخـدّره و الرّاس عالي
و الخلق تـتحدّث ابنـاموسي و جلالي واليوم اطب حسره وساتر ما عليّه
------------------------
خلّو اظعوني بالفضا و انـا اتركوني مَقْدر أطب حسره واهلها يعرفوني
قبل الهضم و الضّيم يا ليت ادفنونـي وياليت ظعني لامشى امن الغاضريّه
------------------------
مَقدر يخلق الله على دخلة الكوفه و قصر الإماره بعـد ابويه اشلون أشوفه
بالأمس كعـبه و الخلق كلها اتطوفـه واليوم بـيـه ابـن الرّجـس ضنـوة سميّه
------------------------
رِدِّ الهَوَازل يا زَجر قلبي ترى ذاب مَقْدَر أطبّ و انظر منازل داحي الباب
مقدر أعاين مسْجـده وانظـر المحــراب أذكر زمان المرتضى و زينة حجيّه
------------------------
صاحت يَـبو محمَّـد ابدخلك مستجيره جان ادخلوني بلا ستر و الله كسيره
منها طلَعت امخـدّره و ارجع يسـيره بلكت يسـمّوني ابظلمهـم خارجيّه
------------------------
قلها يعمّه الأمر ما يحصل على اهواي لو طاح بـيدي ما مشيت ابولية اعداي
و هذي السّلاسل حزّت اشمالي و يمناي صبري على ضيم الدّهر عمّـه اشبديّه

دخول زينب و النساء الكوفة G
بالأمس خدرج ما جرى ابكل البريـّه و اليوم صار اسمج يزينب خارجيّه
]
أسمع يـَزينب مـن هـل الكوفـة الملاعين ايقولون هالنّسوه كـفر ما هم مسلمين
ذولـه خـوارج خارجه عن ملّـة الـدّين والله عجب مَتْسيخ بيهم هالوطـيّه
------------------------
الله يهـل بـيت الـنـبـوّه و الرّسـاله و الما مـثـلكم بـالفصاحـه والجلالـه
بين العدى تمشون حسرى ابذل حالـه وين الصّـناديد الذي اتخوض المنيّه
------------------------
حامي الظّعـينـه وين عـبّاس لمـشكّر و حسين و اخوانـه مع الجاسم و لَكبر
ما ينظرون الحرم فوق الهزل حسَّر ويـن الظـّياغـم و لـقـروم الهـاشمـيّه
------------------------
قالت على الرّمضا بقوا من غير دفّـان متغَسلين امْن الدّما و السّافي أجفان
وَسفَه عليهم و الأسـف مَـيـبرّد احزان شـبّان كـلـهم مــا يـهابـون الـمنيّه
------------------------
بشط الفرات اجروا من دموم العدا بحور ماقصّروا فرسان هاشم يوم عاشور
لكن قضى الله والذي باللوح مسـطور مكتوب تحويـهم اطفوف الغاضريّه
------------------------
قلها و قلبه من لهيب الحـزن ذايب فرسان مـع فرسـان لـو صارت حرايب
وامّا النّسا من شانها نوح ونوادب بـاوطـانـها لرْجالها تـنصب عــزيّـه
------------------------
صاحت مشينه ولا بقينا هـناك ساعه و حسين منعونا الأعادي مـن اوداعه
و دخلوا ابْنا الكوفه يسارى ابهالشّناعه هلّي دهـاني و صابني امقَدَّر عليّـه

خطبة زينب بالكوفة...
والله عجـايب ياهل الكوفـه تنوحون وانتو السفكتوا ادمومنا واليوم تبجون
]
لاهدَت رنّتكم ولا الكم نشفت ادموع هذي العتره بـين مأسورٍ ومصروع
و ابهالمصيبه سـيّد الكونين مفجـوع حـتّى لطفال انفنت و اعياله تيَسرون
------------------------
طـب وحصَرنا جيشكـم بالغاضريّـه لا خافــوا من الله ولا راعـوا نبـيّه
وكلْكُم خذلتونـا ونصرتوا حزب اميـّه يهل الغدر كل يوم بيعتكم تنكثون
------------------------
عسـكر الجـرّار اللـفى ماهو من الشّـام كلها هل الكوفه الذي هجموا عْلى لخيام
سلبواحلـينا اهـل الخـيانه وداسوا ايـتام همّـتـهُم اتْفرهد ثـقلْـنا ما يورعون
------------------------
انـتو المنعـتونا الوِرِد ياخس لَرجاس ومنكم القطعوا على الجود جفوفعبّاس
والفاجر اللّي بالعمَد صابـه على الرّاس و خلّى بـنات المرتضى بعده يضيعون
------------------------
ومنكم الملحد حرمله ساس اللآمـه تدرون وين ابن الرّجس نشّب سهامـه
للعين واحد و المجـد نكـّس اعلامه واردى الرّضيع ابسهمه الثّاني الملعون
------------------------
و امّا لمثلّث لا تنشدوني وقـع ويـن ابقلب النّبوّه و الإمامه مهجة حسين
و اهوى ايتلقى الارض يا ويلي بـليدين وحز الكريم ابن الضّبابي وزلزل الكون
------------------------
وظل جسم عزنا حسين عاري على الغبرا و نخّـيـتـهم ظــنـتي يـوارونــه بقـبره
وطلعت من اولاد الزّنا عْلى الخيل عشره صدره وظهره هشموه ولا يـبالون

خطاب زينب لأهل الكوفة G
جَنكُم يَهَل كوفان ما تدرون بـينا آل الرسول و حيدر الكرّار ابونه
]
تـدرون بـينا مـن حموله وعـزوه وامجاد صبح و مـسا ما تنقطع عـنّا الوفّـاد
و تتصدّقون اعْلَى اليتامى ابفاضل الزّاد يا ليت فاعــل هالـفعل تقطع يمينه
------------------------
بالأمس ابونا حيدر الكرّار معروف صاحب الغيره وبالكرم والجود موصوف
لـو لاذ بـيه الخـايف ايأمِّن من الخوف والكون كلّه يستضي بغرّة جبـينه
------------------------
ربـّى يـتـاماكم و اراملكـم حمـاهــا وسكّن ابـونـا جوعها و ارْوَى ظماهـا
هـذا الجـزا تْسلبون مـن زيـنب رداهـا بالأمس بـمْـعَــزّه و هاليوم انوليـنا
------------------------
بَسْ ياهل الكوفه علينا امْن الشّماته ونَزلوا بعد هالرّاس من عالي قناته
فوق الرّمح و يلاحظ ابعـينـه بـناتـه و لَيتام كلمن دمعتـه تجري ابعينـه
------------------------
و الله يهل كوفان ذوّبتـــوا افّادي هــذا عليـنا حرّمـه جـدنـا الهـادي
جسمي انتحل من غربتي وجور الأعادي ابلـيّا سـتر و النـاس تـتـفرّج علينا
------------------------
بوجوهكم صدّوا و يمـنا لا توقـفون كلنـا بنـات المصطفى غضّوا للعـيون
خلّوا الحريم اعلَى العزيز حسين يـبكون والله على الشـبّان ساعه ما بجينـا

بين الشمر و زوجته G
يا شمر هذا ابن الـنّبي نور المدينه وابـوه حـيدر وامّه الزّهرا الحزينـه
]
ما راقبتهم يا عديم البخت و الرّاي قطّعت مهجتهم ولا ارويـتـه من المـاي
والله بعد ما تجتمع يا رجس ويّـاي خلّيت بنت المصطفى الزّهرا حزينه
------------------------
جيف اجْسرت يَـبْن الخـنا قطّعت نحره وحزّيت راسه وزينب الحورا تنظـره
ابْنَعْلك يغادي البَخَت تسحَق فوق صدره و ضاعت حريمه و يتّمت بنـته سكينه
------------------------
وخلّيت زينب تدخل الكوفـه ابهالحال و اهْيَ الوديعه من علي خوّاض لَهوال
من يظن زينب تركب الناقه بلا ارجال و شـهالفعل يـا شمـر هاللي فاعلينه
------------------------
يَـبن الخـنـا ضيّعت بعـده امخـدّراتـه يـاحالة القشره على حريمه و خواتـه
شتعاين بكوفان من ذلّه و شـماتـه وشحال زينب من عقب حامي الظّعينه
------------------------
قلها الرّجس بطْلي البواجي واتركي اللوم باجر تـروح الشّـام زيـنب وام كلـثوم
و هالرّاس هذا انوصّله ليزيد ملزوم نسـوانهم لابــد المجـلـس يدخلونــه
------------------------
ولابد نطب الشّام بالسجّاد مأسور و ابكل بلـده ابهالحراير حاسره انـدور
و انوقّف ابهالرّاس فوق الرّمح مشهور محمول و اهـل الشّام كلهم يـنظرونـه

دخول النساء على ابن زياد G
دشّت على ابن زياد زينب والخواتـين ويّـاهم السجّاد يهـمل دمعة العين
]
و الرّجس فوق التّخت يتفرّج علـيها كلهـا بلـيّا اسـتار تـتسـتّـر بـديـهـا
بيده قضيب و ينكت ابْمَبْسَم وليها و يـقول هالّي امغلّل ابزنجيل من وين
------------------------
قالـوا عـلي قلهم علي ايقولون مذبوح قالوا نـعم لَكبر ابوادي الطّـف مطروح
قدّام ابوه حسين ظل ايعالج الرّوح و هذا الذي ظل من اولاد الخارجيّـين
------------------------
اتكلّم و ابومحمَّد يجـيـبـه ابدمع سجّاب قـلّـه بـعـد تقدر علـيّه اترد لجواب
و آمر يسحبونه ابقيده فـوق لتراب و ضجّت الحالـه بالبجا ذيـج الخواتين
------------------------
و زينب تنادي وين عزنـا ماخذيـنه قـلـبـي تـقـطّع هـالولد لا تسحبونه
و انجان يا ظـالم عـزمكم تذبـحونـه قبله اذبحونـي عيشـتي قشره بلا معين
------------------------
كلنا غرَايب ضايعات بلا رجاجيل ياغيرة الله ما بقى لـينا ترى كفـيل
بالله عليكم لا تسحبونه ترى عْلـيل بعده يخلق الله نجيب النا ولي منين
------------------------
قلها العلـيل و مدمـعه بالخـد يجري زينب يَعمّه عْلَى الهضم والضّيم صبري
أمـر القضا واللي انكتب باللوح يجري قلبي تراهو ذاب صوتِـج لاترفعين
------------------------
قالت يَعَقْلي الصّبر قوّض و الجلـد راح ذوّبـتني لوعـات قلـبي وكـثر لـنْياح
لـو تطـلع ابكثر البجا و الـنّوح لَرْواح فارقت روحي يوم ودّعني ومشى حسين
------------------------
لو يجتل الـثّكلى الحزن و النّوح مـتْنا و لـو ضيم قلبي عْلَى جبل يـنهدّ ركنـه
من وليـة العدوان وين اللّي يفكنـا ما ظـنّـتي وصّـل خــبر للهاشـميّـين

محاورة زينب مع ابن زياد G
زينب ذليله تخاطب الفاجـر ابن زيـاد و يقـول منكم يـا حزينـه قْضيت لمراد
]
بـين العـباد الحمد لله اللّي فضـحكم يا خارجيّه بـتَـرح مـتـبدِّل فرحــكم
صرتوا مَـثَل بين المـلا مـن بعـد عزكم كـل اخـوتـج مـنهـم أراح الله لـعـباد
------------------------
ردّت جوابه مخـدّرة بيت الـرّساله الحمـــد لله اللي حبانـا بالجــلالـه
ابذبحك لخـيّي حسين و اتْشِتِّت اعيالـه يجازيك ربٍ غير ظــالم يوم لمـعاد
------------------------
قلها غليـل القلب من خـوتـج شفيـناه وبـيـتك من حسين ومن اخوانه خليناه
وذاك الجمع كـلّه فرد ساعه فنيناه كلهم نظرتيهم بلا ساتر ولا وسـاد
------------------------
شفتي اشفعل رب الخلق بالعاصي حسين مطروح خلّيـناه عاري ابغـير تجفين
والخيل داست جثّته وانتي تشـوفين و قرّت اعيون ايزيد وادرَك كل ما راد
------------------------
هلّت دمعـــها و بقت تتمنّى المنـيّه و اتصيح يا دهر غدرني و خان بـيّه
ابلـيّا سـتر و الـنّاس تـتـفرّج عـلـيّـه واللي نحلني ركوبـي النّاقـه بـلا مـهاد
------------------------
وان جان يَبن زيـاد يشفيك الذي صار من ذبـح ابـو سكنه وحرق الخيم بالنّار
وضيعة ايتامي وجيّتي الكوفـه بلا ستار مـنّا شـفيت اضغون قلبك يَـبْن لَوغاد
------------------------
يـا دهر لَقشـر شـيّبتني قـبل لمشيب عقب الهوادج ركّبوني هـزّل النّيب
و عقب البطل عبّاس قايـد ناقتي غْريب ومن بعد بيت المرتضى مجلس ابن زياد

حال القاسم بن حبيب لما رأى رأس أبيه G
يابـوي دون حسـين ضيّـعت المدالـيل وخلّيتني يابوي دمعي بخدّي يسيل
]
دون ابـن حـيدر طلّـقت يابوي دنـياك و تعـفرّت بالغاضـريّـه دون مـولاك
قصّر الحظّ ولانصرت حسين ويّاك ياليت صدري قبل صدرك داسته الخيل
------------------------
نلت المعـــالي يوم خضّبت الكريمه بدماك دون امدلّل الزّهـرا و حريمه
فـزتـوا بعـز المرجـلـه لكن هضيمه جلب الحريم ميسّره فوق المهازيـل
------------------------
تعليـق راسك بين عدوانك علَي هــان من شفت راس حسين ياضي فوق لسنان
مْع راس ابوفاضل وروس اشبال عدنان فـوق العوالي كلّما هب الهوا تميل
------------------------
قلبي تفتّت والدّمـع بالخــد هـمّـال ظـنّيت هالوقعه يـبويـه ارجال بـرجال
ولن الحريـم تنوح فـوق ظهور الجـمال هـاي الحـريـم ابـيسر في وين البهاليل
------------------------
و اقبل على زينب و قـلبـه ابـنـار ملهوب
و شاف الخلق صكّت و ضاقت ذيـج لدروب
و امخدره تنعى و بجـاها يفت لقلوب ويــّا علــيـل امغلليـنه بالـزّنـاجـيل
------------------------
نـادى ابصوتـه اتـأمّـلي يـا هاشمـيـّه أرد انشدج شنهو الجرى بالغاضريّه
جـنّـج الحورا مخدّرة راعي الحمــيـّه قالت نعم زينب أنا بنت البهاليل
------------------------
آنا التي مـا شافت العـالم خــــيـالي و النّاس ما نالت مـن الـعـزّه مـنالي
واليوم ما يحتاج اوصّف لك احـوالي خلّيت اخويه عْلَى الثّرى من غير تغسل
------------------------
آنـا التي بالصّون موصوفه و لخـدور محّـد حصل فخري وعزّي ابكل لدهور
واليوم من بعد الخدر حسره على كور مـن عزوتي مـا ظل عندي غـير لعليل
------------------------
نـادى ودمـع العـين فـوق الخـد سفّاح شفنا الدّهرمن قبل راوى افراح واتراح
لكن مَشِـفْـنا روس تـتعلّـق على ارماح و امخـدّره تركب على اظهور المهازيل
------------------------
صاحت يهالشـبّان يمّـي لا تـمـرّون تذوبون قـلبي جان عـن حالي تنشدون
ذكّـرتـني يَـبني ابشـبّانـي و لغصــون راحـوا وخلّونا حريم ابلا رجاجيل

أهوال الكوفه و الشام '
صبح اثنعشعاشور وصلت عيلة حسين دروازة الكوفه واهلها اطْلَعت حزبين
]
نـاس ابسرور امعيّده و طلعت بلفـراح و ناس ابحزنها و نوح تصفج راحٍ ابراح
ومن الحزن فوق السطوح ابدمع سفّاح يـنادون جـنكُم يا سـبايـا الاّ مسلمين
------------------------
وزينب على ناقـه بمصايـبها اتِّـلوّى و تصــيح بـيـهم يا عـديمـين المـروّه
احـنا أهـل بيت الامـامــه و النـبوّه بالمصطفى الهادي وابونـا اتشيّد الدّين
------------------------
وابن الدّعي خاف القـلوب تميـل إلهـم وبـيّتـوا لـيلة ثلـتّعـشَر فـي سجنهـم
وسـافـر ابـو الباقر الدَفن حسين عنهـم ابضحوة نهار و رجع يهمل دمعة العين
------------------------
والمجلس الميشوم يوم اربَعـتَـعَش صار وقفت بـنات المصــطفى مـا بين فـجّار
وابن الدّعي قلبه اشتفى من بيت لطهار هذا يَـدَهر الشّوم فعلك بالميــامين
------------------------
وقفت الحورا ترد على نسل الدّعي جْواب و أدّت رسالتها الوديعه بين لَجناب
من منطق الهادي وشجاعة داحي الباب و خلّت الطّاغي امحـيّر ايقـلّب الجفّين
------------------------
هاجت ضغونه ابن الدّعي وللسّجن ردهم ونادى ابعجل ياشمر لَرض الشّام ودهم
ويلاه من قوّض من الكوفه ظعنهم وضجّوا فرد ضجّه اليتامى والنّساوين
------------------------
للشّام يـا حـيـدر بـنـاتك ســيّروهـا و كلمـا يمـرّون ابمـديـنـه شـهّروهـا
و ادروب وعره ابعترة الهادي اسلكوها الله يَزينب من هَلـمْصاب اشتـقاسين
------------------------
واعظم عليها ابهالدّواهي الواجهـتها يوم اصبحت و اقبالها اجنازة اختها
و جتها الحوادي للمسير و طـالبتها صاحت ابذاك الحـال يـاعـباس يحسين
------------------------
يحسين يـا عباس دهـر الشّوم ذبـني ابهَالدّرب و العـيلـه اُو بـجـْنازه محــنّي
و هـاي الـثّواكل بالنّياحه شـــيّـبـنّي والرّوس منصوبـه على راسي نـياشـين

الرأس الشريف مع الراهبƒ
راس الشّهيد حسين لو شمسٍ مضيّه فـوق لسنان ايلوح خبـتي يا أمـيّه
]
مـرّوا ابديـر الرّاهب و عاين انـواره بالرّمح يسطع والخلق كلها حيارى
حـتّى اليهود اتعجّبت ويّا النّصـارى راس بـرمح يتـلو الكتاب اشهـالقضيّه
------------------------
بس ماسمع هلّت ادموعه صاحب الدّير و أشّر و راد امـن التّعجّب عقله ايطير
وقلّه يراس الفَخَر يا ريْس الجماهير من ياسلالة شرَف يالنّفس الزجـيّه
------------------------
قلّه انا الذبحوا على صدره فطـيمه والظّامي اللّي بالعطش حزّوا كريمه
و اللي على اظهور الـهزل حسّر حريمه هــــذا كريمي و الجسد بالغاضريّـه
------------------------
جدّي حبيب الخالق و خير الـنّبـيـين والوالد الكرّار حـامي حوزة الدّين
و امّي شبيهة مريم و ست النّساوين وابّبـيتـنا الاملاك كل صبح ومسيّه
------------------------
قلّه يروحاني الملا لو حْضَرِت يومك جان انسفك دمّي قبل تسفك ادمومك
من قـبل عدنا ابكـتبنـا واضح اعلومك و هالدّير بانــينه على عْلومٍ خفـيّه
------------------------
منّك يَـراس ابـن البـتول اطلب شهاده امصدّق ترى ابـجـدّك و متوالي اولاده
يحسين و اتبرا من النّاصب اعـنـاده لـمّك و ابوك و من افعال الأوّلـيّه
------------------------
شلون المسيحي ياخذه ابحجره و يرسمه و يعتـنق دينه و يسأل المعبود باسمه
واليدّعي مسلم يسب دينه و يرجمه فكّر يَزاكي العقل واحكم بالقضيّه
------------------------
إسلام دعـواهم و راسـه ناصبــيـنـه فوق الشّجر باحجار ظلّوا يرجمونه
واللي على الرّوشن تصك غرّة جبـينـه مسلمه اتقول الفاجره بنت البغـيّه
------------------------
ينـشي التلاوه يـرتّـل ابآيات مولاه وصكّت جبـينه بالحجَر وانفجرَت دماه
و زينب على كور المطـيّه اتصيح ويلاه يا جــــدّي المخـتار يالزّهرا الزجيّه
------------------------
صكّت ابمحملها الجبـين وظلت اتـنوح وظل الدّمع والدّم على الوجنات مسفوح
و تصيح بالـذّل والحزن ما تطلع الرّوح يحسين عيشه ابهالهضم قشره عليه

{ الناظم }
الخادم يَـبو السجّاد بلّغـــتـه مـراده و هذي الكم يا صفوة الجبّار عاده
ومن فضلك وجودك بعد يطلب زياده وصحّه ابخدمتك يرتجي منّك عطيّه

ورود أهل البيت الشام G
هالبلدة القشره كفر لو بـيهم اسلام بـس مـا وصلناها علينا نشرت اعلام
]
عن هالـبـلد بالله دخبّرنـي يسجّاد سبعين رايــه استقبلـتـنا مـن هلبلاد
قلـها وسالت دمعـتـه و بـيه الألـم زاد عمّه استعدّي للبلا هذي ترى الـشّام
------------------------
بالله اســتعدّي للمصايب يا حزيـنه هالعســـكر الجـرّار هـلّي تـنظـريـنه
كلهـا يَعمّـه تريـد تـتـفرّج عـلـيـنه الله يعـين اعْـلَى الشّماتـه و نوح لَيتام
------------------------
لـمّي يتامى حسين يـاعمّه و لَطفال ونكسوا يَعمّه الرّوس لاتنظركم رجـال
صبري ترى احنا بهالمشومه انقاسي اهوال كل هلمصاب اللّي جرى والضّيم جدام
------------------------
قالت يَعَقلي انجـان ذولـه الـنـا مجـبـلين أبرى يتامى حسين خـيّي ويـني اُو وين
ابهالحال من يقدر يـباري عـيلة حسين ذاك الجمل طايـح و هذا الجمل قـدّام
------------------------
أرد انشـدك يـا مهجتي يـا زيـن لـعـباد نلقى شماتـه تشـبه امواجه ابن زياد
و انشوف ذلّـه مـثل ذلّـة ذيـج لـبـلاد قلها و تحــدّر مدمعه بالخد سجّـام
------------------------
الشّام يا زينب أبد ما مش مـثــلها تنسّيك يَعزيزة هلي الكوفه و اهلها
ما يرحمـون ايـتــامـنا كـفّار كـلـهـا كلهم يَعمّه في أهل هالبيت ظـلاّم
------------------------
الشّام هذي اللّي تسمعين بذكرهـا هاي المشومه اللّي تمادت في كفرها
الله يعـين اعْلَى شمـاتـتـها و شرهـا ما بينهم كـنّا يسارى الرّوم خدّام
------------------------
و الشّام كلها قوّضت والكل ينادي هـلّي على ظهـور الهـزل من أيِّ وادي
و هـذا يقول انياحهم ذوّب افّادي وهذا ينادي هالسّبايا جنهم اسلام
------------------------
وهذا يقول الرّوس جنها روس شجعان و هـذا ينادي هَلوجوه اُوجوه شبّان
و هذا ينادي هلحريم احريم سلطان و اللي على النّاقه امغلّل جـنّه ايمام
------------------------
وقـفوا يـويلي بـالـبـنات الهاشمـيـّات ابدروازة الشّـامات حسّر ثلث ساعات
والشّام كلـها معيّده وتضرب الطّارات والكل يقول الصاحبه أبرك الأيّـام

دخول السبايا و سؤال سهل الساعدي G
بدروازة الشّـام اوقفت ذيـج الخواتين و الشّـام مرتـجّـه واهاليهـا معيدين
]
كل الخلايق لابسين اجديـد لـثياب ولا بقى من اهل البلد شـيخٍ ولا شاب
و ال الرسول منكّسين الرّوس بالـباب و زين لـعباد ايصيح وين الهاشميّـين
------------------------
بالأمس حولـي مـن بني هاشم صناديد فرسان كلهم والحرايب عندهم عيد
و اليوم اعالج فوق نـاقه ابجامعه و قيد الـقـيد حـز ساقي و غلهم حـز ليدين
------------------------
و أقبل سهل و النّاس تتراكض بلدروب يقولون راس الخارجي في وين منصوب
شاف الاسواق معطلّه والكون مقلوب والكل ينادي جوا سبايا الخارجيّين
------------------------
وعاين يتامي فوق هزّل في بجا ونـوح ومن الضّرب والسّير ماظلّت لهـم روح
وحده تنادي عقب عزّي وين انا اروح بـيني وبين حجاب صوني فـرّق البـين
------------------------
سلّم عليها و قال يلّي عْـلَى المطيّه و الله حـنينج زيـّد احـزاني عـلـيّه
يخســون اهل هالبلد مـنتي خارجيّه جـنّـج يمسبـيّه من اشيوخ لمسلمين
------------------------
قالت أنا جدّي النّبي صفوة الجـبّار وابوي حـيدر قاسم الجنّه مع النّار
و مكسورة الأضلاع شمّامـة المخـتار أمّي وانا زينب واخوتـي الحسن وحسين
------------------------
قلها الحسَب والنّسب هلّي تذكرينه معروف و ان صح الخبر جدّج نبـينا
لكن يزينب وين خدر الـيوصفونـه تركبين حسره فوق نـاقه واخوتج ويـن
------------------------
قـالت لَتسألني و عاين روس لرماح ذاك الخـدر ياسهل عـنّي قـوّض و راح
و عمود خيمتـنا حسين اتزلزل و طاح بديار غربـه يا سهل ضيّعني حسين
------------------------
و انجان عـندك يا سهل شـيٍ من المـال هالرّجس خلّه ايمـيل عنّا ابروس لرجال
قلّه يصد ابروس اهلـنا عن هلعيال والله اختـزينا وذابت قلوب النساوين
------------------------
للرّجس راح يناشده بالله و رسولـه و المـال سـلّم لــه و عبراتـه هموله
تمرّد الطّاغي ورد نصب روس الحموله بين المحامل والخلق عكّف الصّوبين
------------------------
ما بين ماهي فـوق ناقـه اتصعِّـد انفاس لن الرّجس جاها وكل جانب نصب راس
و اقبالها راس لحسين و راس عبّاس صاحت يخويـه هالمصايب جـتـني منين

دخول الشام و أحداث مجلس يزيد '
بس ماوصل ظعن السّبايا وادي الشـّام طـلعت أهلهـا معـيّده برايات واعلام
]
يا عظم وقفتهم ابـدروازة السّاعات كلها بلا ستور و عليها الخلق لمّات
ومن الحرم واطفالها ارتفعت الضّجّـات واقبالها فوق العوالي الرّوس جدّام
------------------------
وطافوا على كل الشّوارع بالظّعينـه وبالرّاس مرّوا على ام اهجام اللعينه
وبنت العواهر بالحجر صكّت جـبـيـنه وتقول هذا راس بِنْ مِيتم الايتـام
------------------------
وزينب علىكور الهزيله وشافت الحال نطحت المحمل و انفجر دمها ابولوال
وتصيـح دمّـي مـثل دمّـك يالولي سال ويـلاه مـن ظـلم لَرجاس و جور لَـيّام
------------------------
و شـام المشومه مزيّنه باجمل الزّينه كلها امعـيْده و الظّعن هايج حنينـه
و مغلوله ابرقبة علي اشمـاله و يمينـه وبالحبـل ربقوهم وطـبّوا مجلـس العام
------------------------
وطشت الذّهب جدّام بن هند اللعـينـه ومن كشف عنّه سطع نوره من جبـينه
و كسّر اضراسه ليتها انشلّت يمينه انتحبت سكينه وفاطمه تلطم على الهام
------------------------
سكران قـام ابن الخـنا نسـل الاراذيـل يتبختر و يسأل عن النّسوه و لعلـيل
والرّاس شاله و رفع عن وجهه المنديـل يراوي الرّباب و شافته جنّه بدر تام
------------------------
واعزيزة الزّهرا اجلست والدمع جاري جانب من المجلس و حفّتها الجواري
ونادى باسمها ونادته والقلب واري يـَبن الطّليق و يانسل عـبّاد لَصنام
------------------------
احنا أهل بيت الـنـبوّه و الامــامـه الحمــد لله الـلّـي حـبانـا بالكرامـه
عترة الهادي اجلبتها نسوه و يـتامى فرجه وشماته بمجلسك للخاص والعام

يزيد ينكت ثنايا الحسين G
دشّوا ابروس اهل المعالي مجلس الضّال ويّـا اليـتـامى امجـتّفه بقيود و حبال
]
وراس ابن فاطم بالطّشت ينظر لـه يزيد بـيده قضيب و يصفج ابـإيدٍ عـلى إيـد
ويقول يَهْل الشّام سوّوا الذبحته عـيد من بيت حيدر مابقت بس حرم واطفال
------------------------
و صد الرّجس للرّاس صابـه ابخـيزرانـه و يقول هذا ابن الذي رمّل نسانا
يحسين جم مرّه الهضم منكم علانا بوكم قـتل عتـبه و شيبه قروم لرْجال
------------------------
ثـار العشيره مـن علي ابذبحك دركتـه العـبّاس عن شيبه و عتبه بثاره انته
و ثار الوليد ابنك علي لَكبر ذبحتـه و اولاد هاشم كلهم ازيـاده و لَبطال
------------------------
مَـتشوف عينك جيف جـبنا امخدّرتكم مـن غـير والي ابمجلسي طبّت حرمكم
ماحـد تخـدّر بالحراير مـثـل ختكـم تـضرب الـنّاس ابخدرهـا يحسين لَمثال
------------------------
و انـا هْتَكتها و ركّبتها فوق هـزّل خلّـيتها فـوق الهزيلـه ادموعها اتهل
عزها و خدرها الأولي بالذّل تبـدّل و هذا الدّهر شانه بصروفه يبدّل احوال
------------------------
في ويـن عزوة هاشم أُو ويـن الفوارس زيـنب عزيـزتكم ذلـيـلـه بـالمجـالـس
بلـيّا ولي ويزيد فوق التّخت جالس متحيّره و الدّمع فوق الخـد همّال

وقوف زينب بين يدي يزيد G
ابمجلس يـزيـد امخـدّرة حـيدر الـكرّار مـن غير والي تصفج اليمنه بليسار
]
و سجّادهم واقف و دمعه فوق لخدود مريض وجسمه منـتحل من ثقل لقيود
و زينب تنادي ليت دهري بالولي ايعود و اتعـود دولتـنا و ترجع ذيـج لَوطار
------------------------
أنا الذي ما سمعت الأجناب لـي صـوت
من حول خدري رجال ما ترهب من المـوت
و بـيت النّبوة الماجرى مثلـه بلبـيوت عندي اخوانٍ تهزم العسكر الجرّار
------------------------
لو ردت أزور المصطـفى ويّـاي حـيدر كل اخوتي عندي وحولي سيوف تشهر
اولا واحد الشخصي من الأجناب ينظر ابهالحال من داري إلى مسجد المخـتار
------------------------
صاحب الغيره يخمـد انوار القناديل خـايف علـيـّ‍ــه تـنظـر اخيالي الرّجاجيل
ليتـه يعـاين حالتي ابمجلس الضلِّـيل عقب المعـزّه يـاعلي دهري عَـلَي جـار
------------------------
جار الدّهر و افنى ارجالي و الصّناديـد ما ظـل لي غير العليل وناحلـه القـيد
وتالي زماني ابيسر حسره ابمجلس يزيد و انـا العزيزه مخـدّرة حيدر الكرّار


أحوال أهل البيت في المجلس G
زين لـعباد يصدّع الجلمد نـحـيـبه من شـاف زينب عمّته بمجلس غـريـبه
]
كلها بلا ساتر بنـات المصطفى اوقوف و الـنّاس تـتفرّج عليها وحولها صفوف
والرّاس يزهي بالطّشت وعيونه تشوف نسل العـواهر كسّر اضراسـه بقضيـبه
------------------------
دار الشّراب وقام يتغـنّى وشرب كاس ظـل ايـتبَختر و العليل امنكّس الرّاس
من عاين الذلّه وعاين كثرة الـنّاس و يصيح و الله شيّـبــتني هالمصيـبه
------------------------
وذاك الرّجس صوب الحريم ايدير بلعين و يقول في وين الرّبـاب اعزيزة حسين
زاد الحزن بـيها و لاذت بالنّساوين صوتين نادى باسمها و عيّت تجـيبه
------------------------
قالوا انجـان اتريـد منها رد لجواب إحلف عليهـا براس ضنوة داحي الباب
شـال الكريم وعاينت لـه والقلب ذاب ظـلّت تنـادي يا خلق وشهالعجيبه
------------------------
راسك يـنور العـين شـفته والدّمع سال يصعب علـيّه من انظره بعـيني ابهالحال
و يصعب عليك اتشوفني ما بين لرجال يحسين مثلك في الخلق من وين اجيـبه
------------------------
مَتشوفنا كلنا حيارى و العـدا اعكوف تـتـفرّج اعلـيـنا و نـتسـتّر بلجـفوف
محّد يخاف الله ولا يعرف المعروف مَتْشوف زينب تجذب الونّه كئـيبه
------------------------
قلـها يزيـد الرّجس بطلي مـن نواعـيج و حياة راس حسين حاجيني و احاجيج
شفتي الزّمان اشفعل بحسين وعمل بيـج خـلاّه بالرّمـضا و جابج لي غريـبه
------------------------
وذاك الخـدر و العـز ما يرجع ولايعود مالك كرامـه الاّ الهضيمه و شد لقيود
صاحت يظالم عقب ذبحة سـر لوجود لَقضي العمر ثكلى على امصابه وكـئيبه


بنات يزيد في المجلس G
طلعت بنات ايزيد كلها بفرح وسرور و هند اُو وصايفها وجلسن خلف لستور
]
شمتت بنـات ايزيـد و حريمـه بليـتام مـن عايـنوا الهم حايرين ابمجلس الـعام
بالحـبل مجتوفـين كلهم مثـل الاغنام ما بـيـنهم زينب تهل الدّمع منثـور
------------------------
وابن الخنا الطّاغي يصدّ الها بعيـنه يقلها شفيت القلب منّج يا حزينـه
الكرّار بحروبه دريـتي اشفعل بـيـنـه ابصفّين فاضت من دم الفرسان لبرور
------------------------
و احنا عقب صفّين يا زينب نذرنا اعْـلَى بوج و اخوانج انجان الله نصرنا
و انجان بولاده عقب عـينـه ظـفرنـا نسبي بناته و نترك اولاده بـلا قبور
------------------------
منكم شفينا قلوبنا و الـثّار اخـذنـاه و جبناج فوق امهزّله و خدرج هتكناه
و صوتج قبل ما ينسمع و احـنا سمعناه ردّت جوابه ويل قلبي ابقلب مكسور
------------------------
ظـنّيت يــوم الضيّقت بـيـنا الوطيّه و ارجـالـنا جرّعـتها كـاس الـمـنـيّه
اتـنـال العلى و نهون عِـدْ رب البريـّـه و احنا بَـنـينا الدّين يـا شرّاب لـخمور
------------------------
تحجب بناتك و النّبي تهتك بنــاتـه بسبي التّرك و الرّوم تسـبي مخدّراتـه
و شفاعلين اتواجهـونـا ابهالشّمـاتــه الرّايات منشوره وراس حسين مشهور
------------------------
صد و زبرها و زادها ذل وهضيمـه و راس العزيز حسين شاله مْن الكريمه
ذوّب قلبـها و هيّج ايتامه و حريمه و ضجّت اقباله بالبجا ربّات لخدور

رأس الحسين في الطشت‚
طشت الذّهب خجلان من شعّة امحياه تسطع أنواره والرّجس ينكت ثـنايـاه
]
براس الرّمح نوره ومحـاهـا ظلمة اللـيل ما تحجب انواره طـشوت ولا مـناديل
و بكل صراحه يرتّل القرآن ترتـيل و اعـلن ابتأويله على الخطّي و معناه
------------------------
انذهل من عـاين جمـال حسين واحتار شافه على بعد المسافه يسطع انوار
حاول ابمنديلـه يحجـبـه عـن الـنظّار واشتـغل بـاوصافه وبـقى يعدّد مزاياه
------------------------
و عاين المجلس من عقب ذيج الشّماتـه الكل شـبـح عـيـنه و صابتّـه انبهاتـه
وقالوا شفاة المصطفى لثمت شفاته و ظـل ينكت ابثغره عسى تنشل يمناه
------------------------
عن فعل ابوسفيان من خبّر حفـيده و افعال هـند و عـن عداوتها الشّديده
بَأسْنان حمـزه مْـن الرّمح غـط الحديده وذيج النّجـيـبه اتوزّعه واتفصّل اعظاه
------------------------
مابـيـه فخر عقب الذبح تكسير لَسنان عيب ونقص تعبث حرم باجساد لَعيان
الفخـر بالمـيــدان و امكافح الفرسان ينصى جبيله ويشتبك بالعرك ويّاه
------------------------
لو كر ابو سفيان للحمزه و يلاقـيه جان الأسد خلّى علـيه تنعَى نواعيه
وايزيد لو شاف الشّهيد وضرب ماضيه قـبل الملاقى جان حـتف الموت لاقـاه
------------------------
عن ثغر ابو السجّاد شـيل الخـيزرانه لَـتْـفرّق اشـفاته و لَـتكسّـر اسـنانـه
نور النبوّه يلوح من مبــسم حمانا ينشي التّلاوه و يلحظ ابعينه يتاماه

يزيد يسأل عن المعركة...
يسأل يزيد الرّجس قومه وشابح العين للحـرم و هْيَ امجـتّـفه بالحـبل صوبـين
]
عن خبر هاي المعركه شرحوا لي الحال وشْكثر ويّـا حسين مـن راجل وخـيّال
ويوم الطلبتوا لي البيعه منّه اشـقال ولن زجر صاح اسمع كلامي وافتهم زين
------------------------
وصّل الطّف الجيش ولْزمنا الشّريعه و مْن العساكر ضاقت الأرض الوسيعه
وحسين عنده اعوان من باجي الشّيعه سبعين واثنين وهلَه سبعه وعشرين
------------------------
والصّبح من عاشر محرّم عمّر الكون ولوذ الحمام مْن الصّقر منّا يلوذون
ساعـه وخلصوا بـين مـنحورٍ ومطعون و هذي حرمهم و اليتامى و راس لحسين
------------------------
و لن واحد ايناديه لا تسمع كلامه أولاد ابـو الحسـنين سـوّوهـا قــيامه
الجـيش نصْ هـايم ونـصْ لاقى حمامـه مرّات ملكوها الشّريعه ومستميتين
------------------------
قـايدهم الـعـبّاس و الرّايـه بـيـمـيـنه وكلما اسوَد الكون يتْشَعْشَع جبينه
مقدر اوصّف نقمة الحلّت علـــيـنا وطب الشّريعه وقـفّض المـيدان صوبين
------------------------
و امّا العجيبه يوم شال الماي بـيده وذبّـه وبـقى ينحب على حالة عضيده
وساعة القشره من طلع مغضب ابجوده يوم الجمل هيِّن وهيِّن يـوم صفين
------------------------
صوّل شبـيه الزّلزله ببروق و رعود لازم البـيرق زيـن ومحـافظ عـلى الجـود
طارن ازنوده و هاج بس ابطرق لزنود مثل الاسد يسطي وجاه السّهم بالعين
------------------------
ولَزرق سطى بعموده وصابه على الرّاس خـر بالتّرب والجيش نادى طاح عبّاس
وحسين حوّل للمعاره وفرّق الـنّاس يمّـه قعد ساعه و رجع يصفج بليدين
------------------------
و ابـنه علي لَكبر اشسوّى من عجايب أفنى الجموع و قلبه امن العطش ذايب
ما طاح من صهوة جواده للـتّرايب حـتّى ملا الوادي مصاويب ومطـاعين
------------------------
وحسين من حوّل على الجيمان زعلان يحطـم بسـيفه وبالجثث فاضت الوديان
بارواحها فرّت وظـل خالي الميدان لولا الحجر والسّهم مارد منهم اثـنـين

سؤال يزيد عن بيرق العبّاس G
شـيّ‍ال هالبيرق يفرســـان بـيـميـنـه هـذا امْن اهل كوفان لـو أهل المدينه
]
ما صـــار بالرّايات هالرّايه مـثـلـهـا بْضَرْب الهنادي مبضّعه ياقوم كلهـا
هالضّيغم اللّي شالها و بالعرك فلهـا ملزوم صـاحب هالفراسه اتعـيّنونه
------------------------
جـنّي شفتها بيد حيدر يوم صفّين يحمل على اهل الشّام بـيها اشمال ويمين
شـيّالها بالله علـيـكم قـولوا امـنـين قالوا نشرها بوالفضل حامي الظّعـيـنه
------------------------
لو تشوف صولاته علينا يوم جانا وضيّـق علينا الواسعه و غيّم سمــانـا
و فاضت ابرور الغاضريّه من دمانـا مـثـل الأسـد سـدّد مسالكنا علينا
------------------------
وزينب تـنـادي يـا جمـال الهـاشمـيّـه عسى يخويـه يردّك الـبــاري علـيّـه
وبس ما صرخ زلزل نواحي الغاضريّـه زعلان لكن نور يسطع من جبـينه
------------------------
وطب للشّريعه وبالقلب لاهوب جوّاي خاضه بيمينه وتَرَس جوده ولاشرب ماي
ويقول قبل ابن النّبي ما يرتوي حشـاي اشلون انا اشرب والعطش ماذي سكينه
------------------------
و صوّل علـينا ابزود وَ ادْعانـا شعايب روس وجثث والخـيل قحّمها المضارب
والقلب من حر الشّمس والعطش ذايب عـنّه ابـذاك الـبر ملجـا مـا لـقـينه
------------------------
لولا القضا مَنقطعت اجفوفه مْن لزنود و انحل عزمـه يـوم شاف اتخـرّق الجود
ومن ظهرذاك الغوج طاح بْضربة عمود و حسين قـلّت حيلته مـن بـعد عـينـه
------------------------
و زينب تسمعه والدّمع بخدودها يسـيل ذكرت زمان حسين واخوتها البهاليل
و ذكرت وليها يوم صكّ الخيل بالخـيل صرخت شعـبتوا اقلوبنا لا تذكرونه
------------------------
لاتهيّجون احزان قلبي ابذكر عبّاس جم حـيد خلّى جـثـّته تفحص بلا راس
شلّع مضاربها و على روس العدا داس ليث الحـرب لـو قام ما جان انسـبـينا
------------------------

استنكار سكينة ضرب ثنايا أبيها G
زينب يعمّه انشعب قلبي وصار شطرين هالرّجس شوفي شْيعمل براس الولي حسين
]
ريحانة الهادي و ثمر قلـبه و حبـيـبـه بالطّشت راسـه ياخلق و اعظم مصيـبه
الفاجر يـزيد ايفرّق اشفاته بقضيـبه و يـترنّم امكيّف دهلّي الدّمع يـا عـين
------------------------
عـز الهواشم مـن عقب ذيـج الفراسـه بالبر جسمه وبالطّشت ياخلق راسه
شوفي يعمّه ابن الخـنـا كسّـر اضراسـه الشّامات كلهـا مابقت فـيها مسلمين
------------------------
ظلّت تجود بروحها زينب حزيــنـه تنادي عسى مـتـنا ولا للشّام جيـنا
يحسين و الله سفرةٍ قشره علــيـنـا يا مهجتي بـيني و بينك فـرّق البين
------------------------
خويـه الهضم والضّيم من بعـدك علانا وبالشّام يَـبن امّي اشبعت ضيم ومهانه
درفـع قضيـبك يالـذي اتكسّر اسـنانـه عن ثغر اخيّي ذابت قلوب النّسـاوين
------------------------
بالشّام خويه انتحل جسمي والقلب ذاب من كثرة النّظّار و احنا اوقوف بالباب
عقب الخدر ترضى يسيره ابـبّلدة اجناب و ايتامكم تلعي احذاي اشمال و يـمين
------------------------
مرّت علَيْ في الشّام ساعه اتزلزل اجبال صرنا بوسط حلقه أجانب كلهم ارذال
رقبة علي و زندي ابحبل و ارقاب لَطفال مـثل الغـنم تمشي ورانـا الخلق صوبين
------------------------
و ادفوف تضرب و الخلق تهرع بلفراح حتّى النّسا فوق السّطوح اتصفّج الرّاح
كلما انسحبنا ضجّ‍ت اطفالك بالصياح تسترحم القايد و قلب الرّجس مَـيْلين

خطبة الحوراء في مجلس يزيد...
ابمجلس الطّاغي امخـدّرة حيدر الكرّار هـزّت ابخطـبتها مشاعر كل جـبّار
]
وقفت و مجتوفه ابحبل و ايتامها اتلوع والحـرم مربوقه وعلي السجّاد موجوع
وعْلَى الكراسي مْن لَوغاد صفوف وجموع و عْلَى السّرير امكيّف و جالس الخمّار
------------------------
فتحت ابحمد الله الخطابه و اثنت عليـه اُوصلَّت على المختار جدها وانتمت ليه
وتالي لبن هند الرّجس صدّت تحاكيـه لاتقول تبجي ولا تقول الدّمع نثّار
------------------------
اتقلّـه يَضنوة هـنـد هـاي امْن العدالـه خلـف السـتار امحـجّبات اصل الرّذالـه
و بين لَوغاد امجـتّـفه ابـنات الرّساله تـنـقاد حسّر بالحبل كلها بلا ستار
------------------------
يَـبن الطّليق و شهّرتـنا ابّبلـدة الشّـام و الكل يتفرّج علينا الخاص و العام
ظنّيت هذي لك كرامه من العـلام و احـنا الهوان ايـنالنا يا صبـية النّار
------------------------
جـد واجـتهد مَـتـنـال ذرّه من شرفـنـا بـعـيد الرّجـس عـنّا وبالعليا انعرفنا
لا تظن ما تحصل الـنّقمه من طرفنا بشراك دنيا و آخره بالنّار و العـار
------------------------
انـبح مـثل نـبحة أبوك وشوف شيصير لجلاب تـنـبح يارجس و القافلـه اتسير
وامّـا الشّهاده لخوتي كـتبه و تقدير بـرزوا المضاجعهم و فـاقـوا كل لَبرار
------------------------
يارجس هاي اجفوف تقطر من دمانـا و هاي المـنابـر تعلن بسبنا وجـفانا
و النّصر مـن رب العـرش دايـم ويـانـا و الـنا تصير العاقبه فـي كل لَدوار

سماع هند صوت العقيلة‚
من هالذي تخطب اُوتتلهّف شجيّه تشبه علي الكرّار بَلفاظـه و حجيّه
]
تشبه علي الكرّار سجعتها و نثرها علَى يـزيد تـتجرّى ولا سِمْعه انـتهرها
هذي عجيبه بالعجل كشفوا خـبرها يقولون عنــد يزيد نسوه خارجيّـه
------------------------
قالوا خوارج والذي قامت خطـيبه وهزّت المجلس هاي مسبـيّه وغريبه
يقولون اسمها زينب ومن اهل طيبه وحسين أخوها اللّي انذبح بالغاضريّـه
------------------------
و زينب تفرّغ بلَسماع أبكار لَفكار مـن جوهر الهادي ومن خالص الكرّار
قلبت الرّاي العـام و ابن الطّاغي احتار وانكشفت اسراره و تبيّن كفر اميّه
------------------------
هجمت بلـيّا شعور هند امكشّفه الرّاس سـبّت يـزيـد و صدّت اتخاطب الجلاّس
هالواقفه تخطـب مـهي زينب يـهالـنّاس من بيت عصمه وفخر واشرف فاطمـيّه
------------------------
يَـيْزيد هالرّاس اليـلوح اببّاب داري هذا مهو راس السّبط صفوة الباري
و هالحايرات ابمجلسك و الدّمع جاري كلهن خوات حسين عــز الهاشميه
------------------------
وصدّت الزينب تقلها وتلطم الخـدّين الله يَزينب عقب ذاك العـز تـذلّين
بمجلس يسيره و العشيره وين و حسين قالت جتل خلصوا قضا الباري علـيّه
------------------------
كلهم قضوا و بقيت مبليّه ابهالعيال مـن ديره الديره و عليل ابقيد و اغلال
واللي يشوف الحال مانوصف له الحال ولية عدو وكل اخوتي راحوا مْن ايديّه
------------------------
شان الدّهر يرفع ارذال و يخفض اعيان يـا هـند بـالله اتفكّري و الدّهر مـيزان
من بـيت امـامه واقـفه امجـتّفـه ابديوان و انـا العقـيله اتبدّل اسمي خارجيه

خطبة الإمام السّجاد...
ابجامع بني اميّه صعَد يخطب السّـجّاد وبيّن فضايح آل سفيان وبني زياد
]
سيطر على ذاك الجمع معنى الخطابه للمصطفى المختار و الكعبه انـتسابه
وبيّن افعال يزيد و حسين ومصابه وكلما خطب بيها البجا والنّوح يزداد
------------------------
بـدّل الرّاي وهاج بالمسجد الصّايح عقب الشّماتـه والـفرح صارت نوايـح
و زاد البجا و اتكشّفت ذيج الفضايـح و لن الشّهاده بـاسم جدّه اتهز لَطواد
------------------------
ينادي رسول الله محمَّـد وانـتمى وقال جـدّي رسول الله وانـا مقيـود باغلال
نـبّه الغافـل و التفت ليزيـد بالحـال و قلّه باسم جدّي وابويه مْلَكِت لعباد
------------------------
جدّك ابو سفيان قايـد يـوم لَحزاب وجدّي رسول الله وابويه داحي الباب
و امّك هـند و امّي شفيعة يوم لحساب و حسين ابويه اللّي بقى عاري بلوهاد
------------------------
مـرمي ثلـتــيّـام عـاري بـالـتّـرايب و بالـيسر جابـونا انقاسي هالمصايب
ترثة هند بقصورها و احنا بخرايب نشرب دموع العين بـيها والبجا الزّاد
------------------------
هـذا رسول الله مهو جدّي المختار يَـيـزيد و احـنا بالسـّبي من ديار لـدْيار
وكل عترته تنذبح حـتّى اطفال لـزغـار و الحـرم فـوق الهزل لاساتر ولا مهاد

خطبة السجاد ولقاء زينب بالعقيلية '
ضيّق عـلى ايـزيد المسالك زين لـعباد و ابدى فضايح آل اميّـه فـوق لَعـواد
]
نـوّه بذكر المرتضى حيـــدر الكرّار وبـيّن مقـامه ونصرتـه للنّبي المختـار
و فضله الشّايع بالملا واسمَع الحضّار ولن المنادي ابمدح جدّه بروس لَشهاد
------------------------
صاح ابـيزيد الرّجس هلّي تذكرونه بسـم الرّسالـه هـذا بوكم لو ابونا
ابْـيا ذنب تقتل والدي و تشـهّرونـا فـوق الهزل بَـيتامنا مْن ابلاد لبلاد
------------------------
أوّل خطيب اللّي خطب بمصيبة حسين زيـن لعــبـاد و بـيّن افـعال المجرمين
وهاج البجا و النّوح مـن كـل المصلّين وسـيّس السّاس الهـالمجالس زين لـعـباد
------------------------
ومجلس نسائي سنّته الحورا الشّجيّه مــاتـم ثلـثـــتـيّام مـتـواصــل دويّــه
و النّاعي امـن الشّام لكن هـاشمـيّـه تنعى العشيره والحزن بالقلب وقّاد
------------------------
و زينب إجت للهاشميّه تهمل العين عبرى لقتها و تنظم اعْلَى الطّالبـيّـين
قالت على من هالنّعي قالت على حسين وتسعه وسبعه نسل ابوطالب الامجــاد
------------------------
قالت يَـثَكلى امْـنين عندج معرفتهم اتعـدّيـنهم و انـتي بعـيدة دار عـنهم
صاحت أنـا بـتهم يمحزونه و اختهم ظلّيت مجفيّه و وحيده ابهاي لـبلاد
------------------------
و انتي تنشديني و قلبي مـنّج امريب ما عرَفْـتج ذوّب احشاج الحزن تذويب
قالت انا زينب وفرّت شاقّه الجيب تصرخ يَزينب وين ابوسكنه ولَولاد
------------------------
ويـن العشيره وين لَكبر وين عـبّاس و فـتية عقيل اهل المجـد صعـبـين لمراس
آنـا غريـبه و بذكرهم ارفــع الرّاس قالت تركناهم ضحايا فوق لوهاد

إبن العقيلية‚
اولـيد العقيليّه يقلها الـيوم زيــنه و ملبوسي المذخـور للأعـياد ويـنه
]
اشعندك تقلّه يالولد تنده من ابعـيد ياهو اليقلّك هالوكت يَبني وكت عـيد
قلها خــوارج ثايره و النّصر ليزيـد للشّام جابوا روسـهم ويّـا الظّعينه
------------------------
قالت يَـبويه درجع و عاين شكلهم واخْذْ الخبر يـانور عيني من طفلهم
وعن دينهم يَبني و مدينتهم اسـألهم واعرف يَعقلي اسم الزّعيم الذابحيـنه
------------------------
رد اُو وقَف بالجادّه ولاحت لـه الرّوس فـوق لَرماح اتلوح تخجل نور لشموس
و الحرم مسلوبه و عليل ابقيد مـحبوس و اللـي يسمعه ايذوب قـلبه من ونينه
------------------------
وعاين يسيره اتلوذ بـيها كل يتيمه و قـال اظـن هـذي للظّعن كلّه زعيمه
قلها يحرمه امصيبتج كلفه وعظيمه شنهي ديانـتكم اُو وطنكم يا مدينـه
------------------------
قالت اسلام احـنا وارض طـيـبه وطـنّا وكلمَن تريده مْـن المدينـه اسألني عـنّـه
قـلـها يمسـبـيّه المديـنـه بـلاد أهلـنـا بالله ارد انشدج جان خالي تعرفينه
------------------------
اتعرفين ابو السجّاد و اتـعرفين عــبّاس اتعرفين لَكبر و الـنّشامـه الترفـع الرّاس
اتعرفين ابو الشّيمه محمَّد وافي الباس اتـعرفـين زينب بضعة الـزّهرا المصونه
------------------------
شسْمك تقلّه ياعزيزي و امّك امنين قلها أنـا امّي هاشميّه واسمي حسين
وانا خوالي بيت ابو طالب الطّيـبين بيت الإمــامه الفخـر كلّه حايزينه
------------------------
قالت انـجان ابـن العـقيلـيّه جنابك فوق لَرمــاح العالـيـه يَـبني جوابك
شـيخ العشيره واخوتـه وجملـة أحبابك راحوا جتل بس هالعليل القايدينـه
------------------------
يَالولد جـــدّام الظّعينه ديــر بالـك هاللي اذكرتـهم روسهم كـلهم قـبالك
و اللي اقبـالي ناصبـينه راس خالك وهذي عيال حسين كلها هالظّعينه
------------------------
و انـجان عن زيـنب تسايل والنّساوين يَـبني أنا زينب و هـاي عيال لحسين
رد ينحب ويلطم على الهامـه بلـيدين ينادي يَـيُمّه بالعجل قومي اندهينا

رجوع الصبي لأمّه و خروجها لزينب‚
سمعت عـفيفه صياح مهجتها وحـنينه وفرّت تصيح اشْهالمصاب الحل علـينا
]
شافت شبلها عْلَى الوطيّه يقوم ويطـيح ينحب ويلطم علىالهامـه ونـوبٍ يصيح
قـومي تـرى كلهم أهلـنا هالمذابــيح وكلهم عزيزات الرّسالـه هالظّعينـه
------------------------
شقّت ابلوعه الجيب و العبره تهلهـا طار العقل والخبر دوهشها وذهلها
وفرّت تشوف عْلَى العوالي روس اهلها وحسين يسطع نور من غرّة جبينه
------------------------
ومرّت تشقّ صفوف للنّسوه على النّوق تلطم على الهـامه ومنها الجيب مشقوق
وصّلت يَمْ زيـنب تصيح بقلب محروق صرخت بلوعه والظّعن ضج بحنينه
------------------------
صاحت أنشدج يا مصونـه خـبّريـني قالت مـن انـتي وعـن مصابي تـنشديني
قالت أنـا الفرّقوا بين اهلي وبـيني بالشّام أنـا و كل العشيره بالمدينـه
------------------------
آنـا اخوتي واولاد عمّي صفوة الــنّاس مـن بيت أبوطالب ذكرهم يرفع الرّاس
مثل الإمام حسين والصّنديد عبّاس صاحت قضوا كلهم جتل واحنا انسبينا
------------------------
زينب أنا وكل هاليتامى و النّساوين عـترة رسول الله وابـونـا حـامي الدّين
وهذا العلى راس الرّمح راس الولي حسين و روس العشيره عن اشماله وعن يمينه
------------------------
و بالغـاضريّـه اجسادهم محّـد دفـنها وجثّة عزيزي حسين قوّه امشيت عنها
و نشْـبَـتْـني الدّنيا ابمصايـبها و محنها وامّـا الشّماتـه امن العـدو أعظم علينا

زينب و العقيليّة G
اشمالـج يَـبنتي زايده اعليج المصيـبه ومن دون أهل هالبيت منحوله وكئيبه
]
كلما نحـبـتي زادت احـزاني علـيّـه اتعرفـيـنـهم جنِّـج ضحايا الغاضريّـه
اسمعتي من الوادم لو انــتي هاشميـّه بـالله دقـــولي وظـنّتي مَنتي غريـبه
------------------------
قالت أنا من طب ظعنكم لازمه النوح ليلي ونهاري من سمعت حسين مذبوح
لكن غريـبه بين اجانب ويـن انـا روح أهلي بني هاشم و انا منكم قريبه
------------------------
أهلي هواشم و الدّهر عنهم بعـدني أسمـع ذكرهم و اطلب مْن الله يـردنـي
و اسمع بسم زينب وحـظّي ما سـعدني أجلس اوياها واخدم الحورا النّجيبه
------------------------
نكّست زينب راسها وهلّت دمعها و قالت أخبرج زينب اتفرّق جمعها
اتشتّت شملها و العـدا ذبحوا سـبعها زينب أنـا و حلّت عليّه هالمصيـبـه
------------------------
صاحت شعَبْتيني وتركتي القلب مفطور الله واكبر هالكثر عـند الدّهر جور
انتي العقيله المـا مثل خدرج بلخدور عنّـج يَزينب وينها اليوث الحريـبه
------------------------
عـنّج صناديد الحرب يمخدّره ويـن محّـد يظـن للشّـام مأسـوره تطـبـّين
قالت فجَعني دهري ابعبّاس و حسين و اتيسّرت و الزّمن دوراتـه عجيـبه
------------------------
صكني على صبي ناظري واعمى عيوني اخواني بـيـتاماهم بلوني و ضعـيّوني
ذلّـه و شماته و الضّرب ورّم امتونـي اُو وجعان عـندي ايذوّب قليبي نحيـبه

خروج السبايا من الشام '
هذه القصيدة آخر ما قاله الناظم (ره) ولم يحالفه الحظ
لإكمالها وقد نظمت بتاريخ 4/10/1401 هـ
ظعن الحرم بالرّوس غادر بلدة الشّـام قصده المدينـه وموكب النّعمان جدّام
]
طلعوا من الشّامات بدموعٍ ذروفـه يـتـذكّرون اهـوالهــا و ذلّـة الكوفـه
وقلوبهم صوب النّجف والطّف لهوفـه مَفْرَق دربهم نـزلوا النّسوه و لَيتـام

مرور النساء بكربلاء G
قولـوا لحاديـنا يـمـــر بالغـاضريّـه انسلّم عـلى الوالي ونـنصب له عزيّـه
]
قولوا الحاديـنا يمر بـينا على حسين نـبغي نزور حسين وانشوفه اندفن وين
والله لروّي قـبر اخويـه ابدمعـة الـعين و ياليت فوق القبر تحضرني المنـيّه
------------------------
نـادى العليـل ومدمعـه بالخـد مذروف اكسـب اويـانا اليوم يا نعمان معروف
مـرّوا ابعمّاتي و خواتي برض لطفوف قـلّه فـلا اعصي لك أمـر يبن الشّفـيّه
------------------------
عرّج على قـبر الشّهـيد و صار لـنـيـاح والعـابـد السجّاد من فوق الجمل طاح
وزينب تنادي آه ياعزٍ قضى وراح خرّت على قبره و يـتامـاها سويّـه
------------------------
نـوبٍ تقوم ونوب توقع والـدّمع سيـل تجري على خدها و بـس تصيح بالويل
أهوت على قـبره و بقت لترابـه اتهـيل وتقول شـوفوا بـاب قـبر حسـين لـيّه
------------------------
ظلّت تـنادي يا يـتامى و يا نساوين هيلوا تراب القبر بَدْخل بـنظـر حسين
وبَـنْظـر تجـفّن لو بـقى مـن غير تجـفين واسكن معه ولاريد هالدّنيا الدنيّه
------------------------
واومت على خوها أبو فاضل تناديـه دقعد يمن قطعوا على جوده أياديه
ماظن يخويه الشّام ترضى انشوف واديه يَكرام ما تاخـذكــم الغـيره علــيّه
------------------------
دقعد يراعي العلم راسي مْن الحزن شاب مانـا الوديعـه من أبوكم داحي الـباب
لـو تشـوف خـوي شلون جسمي بعدكم ذاب
تدرون انـا مقـدر عـلى ركـوب المطــيّـه

زينب على قبر أخيها الحسين G
لاحت اطفوف الغاضريّـه والحزن زاد يـم قـبر اخـوي حسين وصّلني يسجّـاد
]
لا حت بعيني كربلا و تفتّت حشاي ابعـيني اتصوّر يـاخلق تعـفير ولـيـاي
جـنّي اعاين جثّة الطّايح على المـاي لقصد كفـيلي واشـتكي فعلة ابـن زياد
------------------------
خرّت من النّاقه وفرت مالها شعور تنادي اخبروني وين اخوي حسين مقبور
شافت ضريحه و اعولت و الدّمع منثور خـرّت على قبره وصرخت واللطم زاد
------------------------
دارن حريم حسين ويّـاهـا و لَيـتام لـجـيوبهن شقّن و زينب تلطم الهـام
اتـنادي يخويه جيت بـيتامك من الشّام ذابت ابهالسّفـره مهج وانتحلت اجساد
------------------------
دقعد احجي لك عن هضمنا ياضيا العين وانظر الحالي وحال سكنه والنّساوين
دشّوا بنا الكوفه وفزعوا النّـاس صوبين يتفرّجون اعْلَى اليتامى وكلهم اوغاد
------------------------
وعاينت مسجد والدي وقـصر الاماره وذكرت دهر اللّي مضى وراحت اوطاره
كـنّا ابمعزّه و سلطـنه و هسّا يساره هِجي يخلق الله الدّهر يفعل بلمجاد
------------------------
والشّام مقدر يَـبو اليمّه عْـلَى التّفاصيل عـيّدت واحـنا نطوف بـيها عْلَى مهازيل
بالحبل قادونا وعلي برجله زناجيل و ضيم الجرى علينا شعَل بالقلب وقّاد
------------------------
دقـعـد تلــقّـانـا و نـزِّل هالنـساوين يـا نـور عـيني باب قبرك قـلّي امنين
ياليت ضمني هاللحد ويّـاك يحسين ترجع يخـويـه لـو تظـل اليوم لمـعاد

زينب تجول على القبور...
وصلت الحورا و الحريـــم الهاشميّـه بعــد اليـسـر باحزانها للغـاضـريّـه
]
وصلت عقب قطع الفيافـي والسّباسب و اتجسّمت جدّامــهـا كـل المصايب
وهاجت عليها احزانها من كل جانب وقصدت القبر حسين بالعيله سويّه
------------------------
خرّت على قبر الشّهيد اتشم لتراب اتقلّـه يخويـه اقعـد وعاين مفرقي شاب
من شـوفة الشّـمّات قـلبي يالـولي ذاب ويـلاه من هضْم الجـرى ابديوان اميّه
------------------------
وقصدت قبر عباس منها الدّمع مذروف اتقلّـه تـجنّى و قوم يا مقطوع لجفوف
وصلت يَبو فاضل العيله دنهض وشوف تدري بعدكم يالكفيل اشْحَل عليّه
------------------------
دقعد يَبو فاضل تلـقّى هـالظّـعـيـنـه و عـدّل محامـــلها و رجّعها المديـنه
و انجان تسألني ترى امْـن الشّـام جيـنا دربٍ كلف وارجاس مابيهم حميّه
------------------------
صدّت و نادت قوم دلّيني يَسـجّـاد جـاسم و خوتـه ويـن مدفـنهم ولَولاد
و عزوة عقيل و جعفر الظّفرين لَمجـاد قـلها ابقـبر كلـها السّلاله الهاشميّه
------------------------
وأمّـا علي الاكبر دفـنـته يَـم ابـونا شفته وشعبني و قلت لازم تعزلونـه
و اولاد عبدالله بن جعفر يا حزينه ويّـا الهواشـم و الرّضيع ابقبر ابـيّه
------------------------
مدّت على الوادي بصرها وهملت العين وصاحت ابدهشه كربـلا وين المـيامين
وين الأُسُود الضّاريه و مخـيّمي وين ومهجة الزّهرا حسين ردّي جواب ليّه

محاورة بين زينب و كربلاء...
ردّت على الحورا الـجواب الغاضريّـه نلت الفـخر بـيكم يَسادات البريّه
]
مهجة الزّهرا انتي تركتي حسين معـفور عـنّه مشـيـتي و جـثّـته عمَّتني ابـنـور
واصبحت معراج السّما من يوم عاشور بجسمه افاخر جــنّة الخـلد العـلـيّه
------------------------
أهل الكسا رب العـرش عـندي جمعها جدّج و ابوج و فاطمه و الحسن مـعها
وشافت اخوج امرضّض اونسيَت ضلعها ست النّسـا و نصبت ابهالوادي عزيّه
------------------------
بضعة الهادي يالوديعه عندي تـنوح وعندي نزل آدم يَزينب والنّبي نوح
و الانبـيا ليـل ونهار اتزور و تـروح ولَملاك عندي كل صباح وكل مسيّه
------------------------
ربـي حـباني بشرَف من بين الأراضين و جبريــل ناول تربتي خـير النبـيّين
ابدمعه مزجها وقال هذي تربة حسين و هذا الخبر معلوم عندج يا زجيّه
------------------------
قالت يَروضة كربـلا فـزتي بجـواره معـراج صرتي للسّـما ابشعّة انواره
و انا احـزاني تهيج لو طبّيت داره وظلمه وشفتها وخاليه وجانت امضيّه
------------------------
منها طلَعت ابهودجي اتحوطه شـياهين عـبّاس قايد ناقتي و جدّامي حسين
و ارجع بلا وليان بايـتام و نساوين و اسمــع عليها ينعب غراب المنـيّه
------------------------
هـاي المصـيـبه المالهــا بالدّهـر ثاني صبها عـلى راسي يخلق الله زماني
في يـوم واحد فاقده جملة اخـواني نلتي الشّرف بقبورهم والحزن ليّه



لقاء جابر الأنصاري بالسجاد G
دنهض يَجـابر وَصَّل السجّاد مكسـور جسمه نحيل و مدمعه بالخـد منثـور
]
بالعجل قـومـوا استقبلوا شيخ العشيره ويّا اليتامى جاي بالذّل و الكسيره
من بـيت أبوطالب تـرى ماظـل غـيره قام بعجل جابر و قلبه ابنار مسعور
------------------------
تجري ادموعه فوق خدّينه او يـنادي ويـنك يَشبل حسين يا مهجة الهادي
مـا ظـنّتي بقّـوا علـيـكـم هالأعادي مولاي خبّرني اشجرى بَـيّام عاشور
------------------------
اتزفّـر ابو محـمَّد وقـلّه ابدمع هـمّال إسكت يـجـابـر لا تسايل عن هلَحوال
جم شاب ظل امغسّل ابدمّه ولا انشال مـثل الـبدر خدّه عـلى التّربـان معفور
------------------------
والله يجابر لو شفت صاحب الصّولات مفضوخ راسه طايح ابجانب المسناة
جوده على اجتافه وهو ظامي الجبد مات و الطّفل يـا جابـرنظرته ابْسَهم منحور
------------------------
لو شفت شـبْه المصطفى اللّـي مدلّلـينه جابـه ابويه حسين جسمه امقطّعينه
وجاسم يَجابر ذوّب احشانا بونينه غابت ابطف الغاضريّه ذيـج لبدور
------------------------
ومصيبة حسين الذي هدّت اركاني من وقع عن مهره الهضم والضّيم جاني
ابعيني نظرته ايحـز نحره ابـن الزّواني حـزّوا كريمه وخيلهم غـارت للخدور
------------------------
و ذيـج الخـيَم كلها يجابر فرهدوها و ذيـج الحرايــر و اليتامى روّعوهـا
وذيـج العزيزه اللّي نشَت بظلال ابوها عقب الخدر والصّون مسبيّه على كور
------------------------
والصيَّر ادموعي على خدّي ذروفـه ادخولي مـع النّسوان بالذّله الكوفـه
والكل علينا مْن الفرح يصفج اجفوفه وزينب اندهشت بالمصيبه ولا لها شـعور
------------------------
تكسر الخاطر عمّتي يوم ادخلوهـا الكوفه و هي متحيّره بايتام اخوها
ما خافوا امْن الله ابمجـلس وقّفوها ذلهـا و تهكّمها الرّجس شرّاب لخمور
------------------------
و اعظم مـن الكوفه علينا دخلة الشّـام بـيها نفانـا ابـن الخـنا من دين الاسلام
والخلق تـتفرّج علينا الخاص والعـام كلنا على هـزّل وراس حسين مشهور

( الرجوع للمدينة )
إبن الحنفية ساعة وصول الظعن G
هذي المدينه تْموج بالصّيحه يَغلمان قلبي تراهـو ذاب من ضجّة الـنّسوان
]
والخلق تهرع للفضا كلهم مذاعـير الله الكافي هالفزع ما هـو على خير
قالوا أخوك حسين وصّل قـال مَـيـصير هذي مهي حـالة سلامه حـالة احزان
------------------------
هـاي المـديـنه مقوّضه للـبر كـلـهـا وهالنّسوة اللي تنوح مدري اشرايح الها
هذي تجر ونّه وذي تسحب طفلها واسمع حريم تصيح وافجعة الشبّان
------------------------
كشفوا خبرهم زلزلتني ضجّة الناس هذا يدق صدره و هـذا يلطم الرّاس
مدري انفقد لَكبر علي لو مـات عبّاس مدري مـن اللّي فاقديـنه شبال عدنان
------------------------
حسبات قلبي اتزايدت من كـثرة النّوح معلـوم هالضّجـه عـلى سردال مذبـوح
ضاقت اعضاي مْن الصّوايح وين انا روح مقدر أوصّل لَخوتي يا خـلق وجـعان
------------------------
لمّن طلع و الدّمع يجري فـوق لخدود شـاف الخـلق تلعي وذاك الـبر مسدود
والرّوس كلها امكشّفه واعلامهم سود مـن دهشتـه خـر ايتـعـفّر فـوق تربان
------------------------
صاح وعلى حس البواجي شابح العين مَيْصير هالضّجّه على واحد ولا اثنين
وان صدق ظنّي هالبجا كلّه على حسين قالوا البجا عْلَى حسين واولاده ولَخوان
------------------------
هــذا ظعنهم سود منشوره اعلامه ومحّد يقلّي الحمد لله عْلَى السّلامه
وان صدق ظنّي هالظّعن نسوه ويتـامى و انجان راح حسين ماتسكن هلَوطان

زينب و إبن الحنفية‚
ما جيت يمحـمّد اطفوف الغاضريّه وعاينت كرَّات اخوتك بجنود اميـه
]
من اولاد ابـو الحملات شاف الجيش حمـلات
مـنـعـوا علينا الـماي و اصطكّت الرّايـات
غارت الخيل وحرمْ شرعة ماي لفرات روس وجثث وجفوف فرشوها الوطـيّه
------------------------
رادوا يطـيع حسين للفاجر و قومه و هذا مرام من السّبط محّـد يرومه
كرّوا زعاله و الفَضا طلعت انجومه وَسْفَه خلى الميـدان مـنّك يا شفيّه
------------------------
منّك خلى الميدان شنهو السّبب ماجيت شلت العلـم ليهم وحـد السّيف روّيت
يوم انزَلت بـالكون بـالبصره اشسوّيت لحّـد عليك يفوت كون الغاضريّه
------------------------
أرد اخـبرك عـبّاس وحـده راح للمـاي صوّل وانا حطّيت جفّيني على احشاي
أفـنى العدا بسيفه ولن ابـن النّبي جـاي و يصيح لـحّد شِمْتَت العدوان بـيّه
------------------------
خـلاه بالمسـناة لا هـامه و لا زنـود و اتصرّعوا كلهم و ظـل حسين مفرود
وانجدل تاليهم وصرنا العصر فرهود ويلاه يا ضيم الجرى بذيـج المسيـّه
------------------------
يا ضيم قلبي يوم شبّوا الخيم بالـنّار فـرّيت مدهوشه وراي زغار وكبار
و عْلى الحراير ما بقى برقـع و لا خمار والليل جاني وزادت الوحشه علـيّه
------------------------
ومن الصّبح شلنا واخوك حسين مطروح فوق الـثّرى و راسه براس الذّابل يلوح
من غير والي عْلَى الهزل و ايتامنا اتـنوح و ليـزيـد و ابن زيـاد ودّونا هديّه
------------------------
مَـيْصير ما جاكم خـبر عن هالمصايب خـلّت اعضاي امنحّلـه و الرّاس شايب
و الدّهر راواني ابهالسّفره عجـايب و جـيـنا بلـيّا حسـين لديـارٍ خلـيّه

الإمام السجاد و ابن الحنفية G
ذيـج العشيره وين خبّرني يَسجّـاد وين لـمشكّر بوعـلي مصباح لعباد
]
عـنّي طلعتوا يا علي ابعـزّ و جـلاله و حســـين قدّام الظّعن يبهر جماله
يبرى الظّعينه كالأسد حوله اشـباله اُو ردّيت منحول الجسد يا زين لعـباد
------------------------
وين العشيره و وين ابو سكنه و لَبطـال لمّن سمع حـن و تزفّر و الدّمع سـال
و قـلّـه يَـعمّي عزوتك رجعـتهم امحـال كلهم ابضحويّـه قضوها ابفرد مطراد
------------------------
كلهم ابطف الغاضريّه بـاعوا ارواح كلمن مـن الخيمه تجنّى اُو ودّع و راح
و ما تسمع ابـذاك لمخـيّم غـير لـنْـيـاح ليتك نظرت اشلون حملـة ذيـج لَولاد
------------------------
هـذا يودّع والـده و هـذا عضـيده وهـذا على احوال الحراير يصفج إيده
و هـذا ينادي هالظّعن ياهو يعـوده طلعوا فـرد طلعـه ونـاموا ابحـر لوهاد
------------------------
سوّوا خبر لكن يَعمّي اللّي روى العود فـعل البطـل عبّاس مَـسمعنا بلوجود
قطعوا اجفوفه و العلم شاله بلـزنود والشّمس تلهب والعطش بالقلب وقّاد
------------------------
آنـا امسجّى اُو الدي و عمّاتي اوقوف وعـبّاس بالعركه وكلنـا الفعله انشوف
نكّس رواياها و هو مقطوع لجفوف يصرخ وتهوي صفوف من عسكر ابن زياد
------------------------
و بس وقع ياعمّي شملـنا اتشتّت و راح و اقمارنـا كلها تهاوت فوق لَبطاح
و ابسَهْم لمـثلّث اخوك مْن المـهر طـاح لكن شوصّف من مصايب يَـبْن لَمجاد
------------------------
بس طاح ابويه عْلَى الثّرى حزّوا كريمه نهبوا حرمـنا و شـتّـتوا منها حريمه
جم أرمله عاينت عيني وجم يتيمه للـبر فـرّت تـلتجي خوف امْن لَوغـاد

زينب و أم البنين‚
وصلوا المدينه والخلق ضجّت بلحـنين و اتلاقت ابهالحال زينب و ام لـبنـين
]
صار المـناشد والوديـعه صفقت الـحف بَـس الزّفـير الصوت بايح والدّمع جف
بـيها غدت ذيـج الايتام اتلوذ و تحـف يم البنين تصيح شوفي فجعة البين
------------------------
مقـدر أسولف بالجرى لا تـنشـديني قلبي مـوزّع و السّهر عامي عيونـي
لامـال ضاعت و الدّهر خـيّب اظنوني راحـوا طبق كلهم جتل والتّالي حسين
------------------------
قالت و حـق اللّي تربّـيـتي ابحجرهـا أدري ابعمـلـة كربـلا جايـد أمرها
لكن ثَـلَثْ نَشْـدَات وضحي لي خبرها أدري على شـرح المصايب ماتـقدرين
------------------------
أريد أنشـدج فـاز بالـنّاموس عبّاس وخبريني جسم حسين بخيول العدا انداس
و انتي وقفتي امجـتّفه ابديوان لرجاس بالحبـل مربوقـات ويّـاج الـنساوين
------------------------
سمعي تقـلها و الدّمع كفّي انهمالـه طَيْب الأصل ما ينحصى طـيّب افعالــه
ملهوف خاض النّـــهر مَهْـتَم بزلاله جوده ملاه اُوكت بدالـه امدمع العين
------------------------
فيّض من الشّاطي وبحر دم صيّر الطّف ابـنج تلقّاهـا و طوى صفٍ على صـف
طارن زنـوده وزاد عزمه و العـلم رف لـولا السّهم وصّل الخيمه بغير جفّين
------------------------
و انجان قلتي لـي الشّهيد شلـون رضّوه دفنوا خوارجهم واخويه حسين خـلّوه
نخـّيـتهم و عنـاد إلي بالخـيل داسوه واللي جرى مايـنوصف غير التسمعين
------------------------
يم البـنـين اُو وقفتي ابديوان سفـيان بيه انعرفنا و انقلب مـــاتم الدّيـوان
والفاجر يزيد افـتضح ما بين لَعـيان لكن ثنايا حسين كسّرهن الصّوبـين


مخاطبة أم البنين G
بـالله استعدي للبواجي يـم لبــنين ردّوا يتامى وانذبح عبّاس وحسين
]
يَـم البنين اتذبّحوا كلهم على القاع و حسين ظـل امجـرّد ومكسور لضلاع
ومخدّرة حيدر علي فرّت بلا قناع ويّـا الحرم و النّار تسْعَر بالصّواوين
------------------------
يَـم البنين الأربعـه انذبحوا ظـــمايـا و ظـلّوا ثلـثــتـيّـام بـالـغـــبرا عرايـا
و ليتج نظرتي عْلَى النّهر صاحب الرّايه مفضوخ راسه مقطّعـه شمـالـه وليمـين
------------------------
يَم البنين الأربعـه مـحّـــد دفـنـهـم دمهم غسلهم والتّرب صاير جفنهم
ومن الصّبح زينب مشَت للشّـام عنهم فوق الهزل مرّت وشافتهم مطاعين
------------------------
يَم البنين الأربعه تشهد لـج الـنّاس ماصـار بلْـيوث الحرايب مثل عبّاس
خلاّ الأرض روس وجثث ومطهّمه داس روس الأعـادي وغلّـق الميدان صوبين
------------------------
صاحت اولادي وكل من بالعالم يروح و يا ليت بعد حسين ما تبقى لنـا روح
يا بشر بالله لاتقول حسين مذبوح ماشوف بالدّنيا عوضعندي عن حسين
------------------------
عبّاس و اخـوانـه عليهم ذاب لـفّاد اعزاز عندي و حزنهم بالقلب وقّـاد
وحسين فَتْ قلبي ونسيت افراق لَولاد فـدوه لبوسكنه أولادي يا مسلمين
------------------------
يا ليت عـندي مْن الولد سـبعين مولود بالمرجــله كلها مـثل عبّاس و تزود
تنذبح و ابن المصطفى لديـاره يعود سـالم و لا تـنضام زينب والخواتين

زينب تبث الخبر للنبيّ...
اتعـدّد مصايبها الوديعه و تهمل العين اتصيح استمع شكواي يا خير النبـيّـين
]
صبح احدعش من كربلا ساقوا الظّعينه بَـيـتام تـتـصارخ و مـعلول ابونـيـنـه
و قبال وجهي راس أخـّيي شايلـيـنه كلما تحـن طـفله عليـها ايديـر بالعـين
------------------------
نقصد الكوفه بالسّرا والجو مسعور سـيرٍ حثيث و بالسَموم قلوبنا تفور
و لو طاح من عدنـا يـتيم ابذيـج لبرور ننْخى عدونا والعدو قلبه فلا يـلين
------------------------
و ابكل مـرار و ضيم للكوفه وصلنـا و بـحالـةٍ قـشـره ابـجــانـبها نزلـنـا
ويلاه يجدّي يوم اهلها طلعت الـنا تتصدّق عْـلَى ايتامنا مثل المساكين
------------------------
أحجي بتفاصيل الهضم واسمع يَمُخـتار احنا ملاذ الضّايعه واحنا حمى الجار
و تالـيها تـتصدّق عليـنا صبـية النّار وقـالوا خوارج خارجه عن ملّة الدّين
------------------------
وتالي من الكوفه يجـدّي قصدوا الشّـام دربٍ طويـل وبين اعادي وحرم وايتام
انتحلت يجدّي اجسادنا من ذيـج لَـيّام و بـس مـا وصَلْناهـا لقيناهم امعَيْدين
------------------------
بـزمورهم طلعـوا تلـقّونـا و طـارات و احـنا وصلنـا بالبواجي والـتّلاوات
وراس الشّهيد عْلَى السّنان ايرتّل آيات جدّامنـا ويلحظ ايـتامه و النّساوين
------------------------
و المجلس الميشوم بيه اهوال شــفنـا أطفال و أرامل بالحبل خولي جتفنا
يا رحمة الله بلا سـتر كلـنا وقفـنا والخلق تـتـفرّج عليـنا شمال و يمين

شكواها لجدّها النبي '
وقفت على قبر النّبي زينب تنادي دنهض و عاين حالـة العتره يَهـادي
]
جيتك يجدّي مْن اليسر بشكي لك الحال عنّك طلعنا بهـيمـنه شـبّان و ابطال
ياحجّة الباري ورجعنا حرم واطفال طافـوا بـنا العدوان مـن وادي الوادي
------------------------
جاروا علينا و عن جوارك شرّدونا و لذنـا ابّـيت الله يجدّي وازعجونا
و بس ما نزلنا كربلا و بـيها احصرونا ودارت علينـا جيوش بَرْماح وهنادي
------------------------
التمّت علينا من نزلنا كربلا جموع ولزمـوا شرايعها وعلينا الماي ممنوع
و هلكت يجدّي اطفالنا من العطش و الجـوع
وحسين رضّـوا جـثّـته بـدوس العـوادي
------------------------
وانذبحوا اخواني عطاشى بجنب لفرات و نهـبوا مخـيّمـنا و سلبوا الفاطميّات
وساعة القشره من لفتنا الجيش غارات جم ارملـه فرّت يجدّي ابقلب صادي
------------------------
حرقـوا امـخـيّمـنا و بـناتك سلّـبوها اتدافـعهم الحرمـه يجـدّي و يضربوها
يا رحمة الله وجم يتيمه اللّي اسْحـقوها وماتت وانـا متْمَرمـره وذايب افّـادي
------------------------
بـتـنا يجدّي بالفضا والطّنب محروق نـنـعى على اخوتنا ومـنّا الدّمع مدفوق
ومن صار ياجدّي الصّباح وجابوا النّوق هزّل ابغير مْهاد واللي اتسوق اعادي
------------------------
ومرّوا يجـدّي المعركه وشـفـنا المطاعين وجبدي تفتّـت يوم عـيني شافت حسين
عاري وعلى وجهه وبلا راس وبلا يدين وبس ماوقعنا عْلَى الجثث صاحوا الحوادي
------------------------
تدري يجدّي اشصار من حادي الظّعن صــاح
أهـوت علـينا سياطهم و كعـوب لَرمـاح
وكلما يركبون العليل عْلَى الجمل طاح وشدّوا ابرجله سلسله وغلّوا الايادي

بكاء أم البنين أولادها G
بَـقصى المدينه ام البـنين اتصيح بالويل تندب يَـبوفاضل يَصنديد الرّجاجيل
]
يقولون يَـبْني باللوا شقّيت لصْفوف ودارت عليك القوم يَـبْني بْزان وسيوف
و اوقعت يَم المشرعـه مقطوع لجفوف مفضوخ راسك والدّما مْنجروحك تسيل
------------------------
يقولون طبّـيت النّهر وطْلعت عطشـان و ارجعت قلـبك بالظّـما ملتهب نيران
ما صار مـثلك يـاضيا عيـني بلَخوان لجلك أواصل بالبجا انْهاري مع الليل
------------------------
يقولون راسك يوم حطّه بحجره حسين للقاع ردّيته يَعقلي و يـا ضيا العين
ياريت مـثلك يالولد تنذبح سـبعين ولاجان صدر ابن البتوله اترضّه الخيل
------------------------
معلـوم يَـبني ضيّعت زيـنب و لَيتـام حرمه وغريبه وضايعه والقوم ظلام
و الله حسافه انجان زينب دخلت الشّام من غير والي و الولي مقيّد بزنجيل
------------------------
لا تهيجون احزان قلبي يـا مسلمين راحوا اولادي لا تسمّوني ام لبْنـين
لو راحوا اثنين و عليَّ ردّوا اثـنين بَلْكَت عـليّ اتْهون جمرة هالمجاتيل
------------------------
اشبال أربعه والنّاس كلهم يحسدوني و كـل الخـلق يم البـنــين يخاطبوني
شـبّان كلهم فـرد سـاعـه فـارقوني وظـلّوا ابعرصة كربلا من غير تغسيل
------------------------
لا تذكروا لي هالإسم ذايب افّادي مْـنين البنين وكربلا ضمّت أولادي
وراعي العلم مطروح مقطوع الأيـادي وزينب بليّا رجال حسره عْلَى المهازيل

بكاء محمَّد بن الحنفيّة G
محمَّد يهل امدامعه و يجذب ونـينه يـنادي عليّه استوحشت والله المدينه
]
ومن عظم حزنه ايدور من دارٍ إلى دار و قلـبه يويلي من المصايب يشـتعل نار
وامّ البـنين تسايلـه ما جت لـك اخـبار في وين خيّم بوعلي وحط الظّعينه
------------------------
قلها لفاني الـخـبر عـنّه ابهالعشــيّه يقولون خيّم فـي طفوف الغاضريّه
مـا ظــنتي يَـمّ البنــين يـعــود لـيـّه نصبي العزا ونوحي عليهم ياحزينه
------------------------
هلّت مدامع عينها والقلب صـادي و نادت ترى حجيك مرَد يَـبْني فؤادي
ذوّبت قلبي لا تـفاول على اولادي يحرسهم الله و ترجع الشّبان لـينا
------------------------
قلها دنوحي والبسي ثوب المصيـبه هيهات أخوي حسين يرجع لرض طيبه
يـا لـيــتني ويّـاه جـيــدوم الحريــبـه جم من شباب هناك يتعفّر جبـينه
------------------------
يرجع أخيّي للمنازل بعـد هـيـهات سـافر وخلاني علـيه اجذب الحـسرات
خوفي عقب عـينـه تضيع الهاشميّات وخـوفي تروح ميسّره ذيـج المصونه
------------------------
من يوم سافر هالخبر معلوم عندي لو كاتب الله ما تركني حسين وحدي
ليت العلم عندي ولو ينقطع زندي ملزوم شـــايل رايته تقـــطع يمينه
------------------------
عندي الخبر واللي ذكرته لازم يصـير الله يمـا راسٍ يطـيـح وكفٍّ يـطـير
وياما ضلوع تروح تحت الخيل تكسـير وياما فـتاة امْن الخدر تطلع حزينه

بكاء الرباب لما نظرت وحشة الدور G
جيت المدينه وهاج حزني ومفرقي شاب و عاينـتها ظلمه و خلـيّه ابـيوت لَنجاب
]
وحياة راسك ياضيا العينين يحسـين من يوم عاشر بالمحرّم يا ضيا العـين
ما غمّضت عـيني ولا بـطّلت لونـين كل ساع تتمثّل بعيني يَـبن لَنجاب
------------------------
مَـيْـغـيب عن عـيني جمـالك يـا حبـيبي يا نـور عيني انقطع من وصلك نصيـبي
ولا فادني كثر الحنين و شق جيـبي لهجر يعز الحرم بيتي واغلق الباب
------------------------
مرّت عليّ ايّـام يا كعـــبـة الوفّــاد بظلالك الضّافي عزيـزه يَـبن الامجاد
وهسّه محزْنه ولاانوضع راسي على وساد عمـيَت عيوني والقلب يابوعلي ذاب
------------------------
توقف اببّاب الدّار واتهل فـيض لدموع اتنادي وهي تجذب الونّه بقلب موجوع
يـابو علي نقطع رجانـا لو لك ارجوع ماظنتي ترجع يَضنوة داحي الـباب
------------------------
وتجلس مع سكينه ابحَـر الشّمس وتـنوح والـدّار مكشوفـه ومنها الدّمع مسفوح
اتقلها يَسكنه عقب عزّي وين انا روح وحسين فت قلبي ونحل جسمي بهالمصاب
------------------------
و الله يَسكنه عقب ابوج حسين ما عـيـش
و لَنسى مصاب الْنحَل جسمي و نغّص العيش
و لَـنْسى اتْشتِّـتـنا و طلعـتـنا مداهيش و ارجالنا كلهـم ضحايـا فـوق لتراب

زينب و دار الحسين...
وقفت ابـبّاب الدّار زينب والنّساوين وتصيح وين حسين يا دار الميامين
]
يا دار وين اهـل النـبوّه و الرّسـاله واللي أفاض الله عليهم من جلاله
وين الانوار اللّي على ابوابك تلالا اُو ويـن لوفود اللّي ابمطاياهم امخـيمين
------------------------
يـا دار وين اهـل الرّياسه والامـامه اشمالج امظلمه اُو وينها ذيـج النّشامه
انجوم السّما جانت على اسقوفك علامه ونورك يـعم اعْلَى المديـنه اشمال و يمين
------------------------
يادار وين حسين اخـيّي و وين عـبّاس اشبال ابويـه اللّي على جتف النّبي داس
وين القروم الهاشـميّه الترفع الـرّاس بالعجل ردّي جْواب خبريني عن حسين
------------------------
اتقلها يهلّلي اعْلَى لَـبواب اتخاطبـيني وعن بيت ابوطالب يَحورا تنشديني
ويّاج طلعوا امْن المدينـه و فارقوني آنــا أَنشـدج يالوديعه عـن هَلِـج وين
------------------------
عنّي ابجلاله و شرف ويـّاهم طلعتي آنا الأنشدج عن الدّوله ماهـو انتي
يَمخدّرة حـيـدر ابهالحـالـه رجـعـتي بـس اليـتامى يا حزيـنه و النّساوين
------------------------
أرد انشدج شمس الوجود حسين وينـه أوحش الدّنيا و انطفى نور المديـنه
ويـن لَبطال اللّي عن اشماله و يمـينـه حرمـه بلا وليان يـا زينب ترجعين
------------------------
أرد انشدج جسّام ويـن اُو وين لَـكـبر ويـن الاسـود الضّاريه من اولاد حـيدر
جسّام و عضـيده و عـبد الله و جعـفر ذيـج لـبدور السّاطعه اولاد ام الـبنين
------------------------
اتقلها يدار حسين هاجت بـي احـزاني منِّـج طلعت و حايطه الـهودج اخواني
يحدون بالـتّهجــيـد حلوين المعــانـي وارجعت نحلانه ولاشوف الدّرب زين

مخاطبتها للـدّار‚
ردّي عليّه جْواب يادار الولي حسـين وين لبدور اللّي قبل بـيهم تزهرين
]
يادار يوم اللّي طلعنا شلون ممشـاي و حسين و اخوانـه اليوث الغاب ويّاي
والامر مـن عبّاس مشّوا الظّعن بهداي ابهيـبـه مشينا و العشيره شمال و يمـين
------------------------
ابهيـبه ارتحلنا و بالهضم جيـناج يـا دار راحت مشايخـنا و صفيـنا ابوليـة اشرار
يـا دار ما غـير الحـرم و اطفـال لِـزْغار عندج تلوع وتندب وتـنشد هلج وين
------------------------
يـا دار غابت مـن سماج اشموس طـيـبه والغاب غابت عـنّه اليوث الحريـبه
سكنت حماج البوم و غراب ابنعـيـبه عقب الـتّلاوه و الدّرس قفرا تصيرين
------------------------
يا دار بظلال الأهل منّـج مـشــيـنا و جـينا بليّاهم عسى لاجان جــينا
بعد اخوتي بْـيا عين اعاين للمدينه مدري أنشدج لوتـنشديني عن حسـين
------------------------
يا دار خلّيـناه بَـرض الطّف عريـان مـا لـه امواري و الكريم ابـراس لسنان
قوّه مشينا والـتسوق الظّعن عدوان و الظّعن ما غـير العليل اويا النّساوين
------------------------
وتالي رجعنا الكربلا وشفناه مدفون ويَـم قبر اخويـه حسين هـيّدنا بلـظعون
ذابت على قـبره اقلوب وعميت اعيون و جينا و جـبنا من دما اخوتنا نياشين
------------------------
جـيـنا و دم احبابـنا تحــفة سـفرنـا والـدّهر هدّم طود عزنا و انكسرنا
خلصت جتل شبّانّا و احنا انيسرنا لو ردْت اعدّد هالمصايب ويني اُووين

السجاد مع أبي حمزة الثماليG
قلبي يَـبو حمـزه تراهُو اتـفـتّت اُوذاب مثل المصيبه اللّي دهتـني محّـد انصاب
]
ذيـج لَقمار الـلّي ابمنازلـنا يـزهرون و اللـيل كـلّه امْـن لعباده ما يفترون
سبعـه و عشره فـارقتهم كلهم اغصون ابـفـرد سـاعه وسّدوهم حــر لـتراب
------------------------
لوشفت جسم اللّي على المسناة مطروح وذاك الشّباب اللّي صباح العرس مذبوح
لـو شفت لَكبر ما لـمـتني ابكثرة النّوح ما خلّت النا كربلا شيخٍ ولاشاب
------------------------
ابعيني نظرت حسين بـيده الطّفل منحور و امّـه الرّبـاب اتعاينـه و ادمومه اتـفور
و قلوبـنا فـتها ابونـينـه و عيـنـه اتـدور وكلما طلع منّا بدر بالمعركه غـاب
------------------------
ومصيـبة اللّي هيّجت حزني علـيّـه عاينت صدر حسين تحت الأعوجيّه
وحرقوا خيمنا وركّبوا زينب مطيّه شَحْجي يَبوحمزه وشعـدّد من هلمصاب
------------------------
قلّه يَشبل المصطفى و رب السّياده صار الجتل ليكم يهَل هالبيت عاده
وانـتـو كرامتكم من الله الشّـهـاده امعوّد على كثر المصايب يَـبن لَنجاب
------------------------
قـلّه يَبو حمـزه حشاي ابنار ملهوب لا زاد يـهـنا لي ولا اتهنّى ابمشروب
تشـهير عمّاتي يَـبو حمــزه بلـدْروب نحّل ترى عظامي ولذيذ العيش ماطاب
------------------------
ما نكّست راسي لَجِل ذبـح الصّناديـد ما قصّــروا بالغاضريّـه زلزلوا الـبـيد
نكّس الرّاسي ادخول زينب مجلس ايزيد حسره ومن نوح اليتـامى راسها شاب

أحوال الإمام السجادƒ
سـجّاد يَـبْن الخـيـرتـين امْن البريّه هاشم وكسرى خير من فوق الوطـيّه
أمّك من اشرف بيت يعرف بالأعاجم وحسين ابوك البـيه اتشـيّد فخر هاشم
علم و شجاعه و حاوي افـنون المكارم بيت الإمامـه و النـبوّه الأحـمـديـّه
------------------------
اسمك من العـالي علي واللقب سـجّـاد و عـند المخالف و المؤالف زيـن لعـباد
يَمكابـد الشـدّات يا كعــبـة الوفّـاد ياللي نحل جسمك مصاب الغـاضريّـه
------------------------
أغنيت جـم عايل شفيت اشْجم علـيله ولو وقع حمل الدّين ما غيرك يشيله
و اتقضّت ايـامك بلَحزان الطّويـلـه ولا حصلت من الدّهر ساعه هنـيّه
------------------------
أصبحت شمـسٍ طالعه بايّامك السّود و شيّدت أكبر مدرسه للدّين ياطـود
والدّمع سوّى اخدود من حزنك بلخدود من ذكر عملة كربلا دايم جـريّـه
------------------------
اُو وجْدَك يَبو الباقر يَلَملَم عيب شـالـه و هضـمٍ لقيته قـط ما يوجد مثاله
تحمل رساله و زين بلّغت الرّسـاله يَـبْن النّبوّه بالرّغم من جور اميّه
------------------------
قاسيتها مْن اول هضايم يوم سفيان ذبـح العشيره والشّماتـه وسبي النسوان
وصبّت عليك الجور تالي ارجاس مروان كل يـوم تستوفي أضــغان الأوليـه
------------------------
بالشّام يا أول التّسـعه لك وقـفتين ابـديوان ابن سفيان مـرّه ابعيلـة حسين
وديوان ابن مروان مرّه العزّة الدّين جيـته ابجلال الخـالق و هيـبة نـبـيّه
------------------------
جيـته ابجلال الله بلا نسوه ولاقيود وصارن عليه كل النّواحي ابوقفتك سود
يـا آية الله وارجعت بالحال مفرود وحـدك واظن مرّيت برض الغاضريّـه

{ رثاء مولانا علي بن الحسين(ع) }
إحـتضاره و وفاتهƒ
أصبح علي السّجاد و الونّه خفيّه والسّم قطع جبده ودنت منّه المنـيّه
]
مـرّد السّم قـلـبـه و عـدوّه نـال لـمْراد و نـال الولـيد اللّي ايـتمنّى ابزين لعـباد
خلّى على فراش المرض كعبة الوفّاد و اللي شمـل كـل المديـنه اظـلال فـيّه
------------------------
صايم نهاره و دوبه املازم المحـراب و بالليل لبـيوت الجـياع ايشـيل لجراب
هـو الذي يعطي و هو اليوقف بلَبواب أبواب الارامل واليتامى كل مسـيّه
------------------------
امْن ابعـيد تـتلقّاه لو جـاها الايامى تاخــذ كفايـتها و هو يخفي كلامه
و الكل مَـيدري هالذي ايخدمـه إمامـه يـاخـذ الرّاحه و يهتـني ابعيشه هـنـيّـه
------------------------
ابن السبـيل ايصيح و اتـعج المساكين هاللي يجـينا بالطّعام اشهور و سنين
جـنّه قطع بـيـنا و لا ندري مشى ويـن سـافر وسد البيت لو ضاق المنيّه
------------------------
مطروح ظل عْلى الفرش يجذب الونّات من حوله اطفالوحرم تجذب الحسرات
و بـدر الإمامه الباقـر اعْيونـه سخينات لغـياب شمــس الدّين عبراته جريّـه
------------------------
اتوجّه القبلـه و اسبل اشماله و يمـيـنـه يتلو الشّهاده وبالعرق يرشح جبينه
عـينه شبحها و ضجّت احريمه و بـنيـنه ودّع عياله وفاضت النّفس الزجيّـه
------------------------
ظلّت تموج ارض المدينـه ابْكـثرة النّوح ماتسمع الاّ صارخه والدّمع مسفوح
و الهاشمي يصفج اجفوفه بْقلب مقروح ويصيح ضيّعت الأرامـل هـالعشيّـه
------------------------
ياللي قضيت العمر بالحسرات والويل ما تـاكل الا ومدمعـك بخدودك يسـيل
بعدك يَمحيي الليل ظل مستوحش الليل قاسيت جم محنه يَبويه وجم بلـيّه

تجهيزه و تشييعهƒ
فارق ابومحمَّد الدّنيا ومات مسموم مـاجت الرّوضه بالقبر والدّين مهدوم
]
شمـّر أبـو جـعـفر عن اردانه يغَسْله خـلاّه فـوق المغتسل والدّمـع هـلّـه
قلّه يشــبل حسـين يا ريّـس المِـلّـه بـاقي أثرها الجامـعه بْرقْبتَك لليوم
------------------------
عمرك تقضّى بالهضـايـم و المصايب قاسيت عملة كربلا وكـل النوايب
أبكار كلها هالرّزايا وصرت شايـب و ذوّب حشاك اسمومها يـابحـر لعلوم
------------------------
سَـوَّن أثـر يـايـاب بزنودك هلَغلال ما ينمحي طول الدّهر ياسـيّد الآل
والدّهر شانه يدهي الأبدال باهوال و ايّامهم كلها تصير اهموم واغموم
------------------------
غسّله بـيـده و جـفّنـه و الدّمع يـجري ايقلّـه القلب مـنّي انمرد يـا طود فخري
ياكعبة الوافد تضَعْضَع ركن صبري وخلّى الإمام عْلَى النّعش والقلب مألوم
------------------------
أحنى يودعه والوجد أحنى اضلاعه وصارت على بـيت النـبوّه أشـد ساعه
ولَملاك ضجّت بالسّما الضجّة وداعـه وشالوا الجنازه وفرّت مْن الخدر كلثوم
------------------------
اتـنادي يَسجّـاد اوحشت بـيـتي علـيّـه ابـيا عـين اعاين حجرتك بـويـه خلـيّه
محمَّـد يخـوي ابهـالنّعش مَـتْريض لــيّـه نـار المصيـبه اتلاهبت و الصّبر معدوم
------------------------
وضجّت فرد ضجّه المدينه والعرش ماد والأرض كلها تموج لمصيـبة السجّاد
ومرّوا على الرّوضه على جاري المعتاد و الاّ البتولـه بالقبر تندب يمهضوم
------------------------
مسمـوم يَـبن حسـين جــبدك قطّعوها لَـيـتــام يَــبني و الارامـل ضـيّـعـوها
يـا شايلين اجـنازته يـمّي اطـرحوهـا اولادي تفـانوا بـين مذبوحٍ ومسـموم

تشيـيعه و دفنهƒ
نعش الطّهر شالوه من مسـجد المختار لَـرض البقيع ويا الحسـن والدّمع نثّـار
]
محمَّد الباقر صاح جبنا لك هـديّـه عـندك يَـعمّي و الـدي ايـبات العـشـيّه
كل الهضايم نـالهـا من اشرار اميّه تترادف عْـليه المصايب ويـن مادار
------------------------
حفروا ضريحه وشاف بيه اللحد معدود شالـه علَى ايديه و الدّمع يجري بلخدود
نادى يَـبَدر المَجِد جيف اتضمّك الحود أزهـرضريحك و اوحشت ياياب لدْيار
------------------------
شـالـه يَويلي و نـزّلـه بـيـده ابـمقرّه و اسفر اجفانه اُو وسّد الخـدّه ابقبره
وخلّى اللبن فـوق اللّحد والعـين عــبرا واراه وجفجف دمع عينه ورجع للدّار
------------------------
ساعه و لن خادم يقلّه سيّدي قوم نـاقـة أبـوك عْلى القـبر خـرّت يَجيدوم
و اتمرّغت فـوق القبر و الدّمع مسجوم ردهـا المحلهـا ويل قـلبي وعادت امرار
------------------------
وماتت على قـبره ودفـنها ابـن الزجـيّه سبقت مـن السجّاد بالنّاقـه الوصيّه
قـلّـه ادفـنـها لا تظــل بـالبر رمـيـّه وَسْفَه ويخلّي حسين عاري بذيـج لَوعار
------------------------
ينحب أبـو جعفر و دمـعه بانهمالـه بس مارجع والبيت خالي من جماله
سـلاّهم عْـيـالـه و سكّـتهم اطـفالــه و قام ابوظايفها الامامه شبل لَطهار
------------------------
ليـلـة احدعشـر والده اشْحاله و لَيـتام و الحرم كلها امشتّـتـه و محروقـه لخيام
و يـنظرجـنايـز عاريـه كلها على ارغام ماحصّل التجهيزها مْن القوم نـغّار
{ الناظم }
يا صاحب المحنـه يَـبو الـباقر و لقـيود يَـلّـلي وقَفْت ابْحَبل عـنـد ايزيد مقيود
يَبن الطّهر مـنّك طلبت النّصر و الـزّود يا لما تخـيّب قاصدك يا حامي الجــار

{ رثاء مولانا الباقر (ع) }
بلائه (ع) ƒ
طاب الاصل منّك يَـبوجعفر ولَنساب أوّل احفاد ام الأيمّه وداحي الباب
]
مجمع النّور امْن النّـبي و خـير الوصيّـين جدّك من الأم الحسن والأبو مْن حسين
معروف مابين الأنام أشرف الجدّين وجرَعت مقدار الشّرف من دهرك اوصاب
------------------------
قاسيت من قومك خصوص مْن الأقارب مـثل الذي لاقـيت مـن جور الاجانب
ومن آل مروان اشْجرعت مْن المصايب تنجلب لَـرض الشّـام لاناصر ولاذاب
------------------------
وللسّجن يا بضعة الهـادي لـيش ودّوك لـكن مـنـارك يرتفع كلما أهـانـوك
يَـبْن الرّساله و بالرّمي عمـداً امتحـنوك وحالاً كسبت الغانمه وحيّرت الالباب
------------------------
عاين هشام وذهل واخـلى لك سريره لكن كـتم لـك بالحشـا خبث السّريره
وليّن كلامه والحقد شـاعل ضميره و ظـل ايتـفكّر بغـتـيالك يَـبن لَطـياب
------------------------
ويوم الحضرت اويّا المسيحي ادهشت باله معـتـقد ما تقـدر علـيه اتـرد سؤاله
خبروه جواسيسه و علـيك ازداد حالـه وخلاّك تطلع عاجل وسمّاك مرتاب
------------------------
و بالعجل ودّوا اطـروش تعلن بالمـداين هـالجـايكم مرتد عن الاسلام خاين
طردوه واصحابـه تـرى كلهم ضغـاين ذوله سلالة حيدر الموصوف ابو تراب
------------------------
طردوك لولا وقفتك يَـبْن المـيـامين تبدي الشّكايـه واظلم الوادي الصّوبين
وقفت البضعه يوم اجت بالحسن وحسين تجذب الونّه وتستغيث ولزمت الباب
------------------------
لزمت الـباب ونزلـت الامـلاك بـالحال حس بالأمر واشرف على العالم الزّلزال
لولا الوصي بالحـال صـد وغـيّر الحـال و اقبل يصبّرها و قلبه امْن الصّبر ذاب

جور ملوك عصرهƒ
آل الطريـد ابمملكـه و عيشـه هـنيّـه و آل الـنّبي اتطاردهم احتـوف المـنيّه
]
مروان عـن قـرب المديـنه جان مطرود اعْلـيه الجـلا مكتوب حالـه حال ليهود
و هسّا عـلى منـبر الهـادي مـنّـه اقـرود تحكم و تلعب بالشّريعــه الأحمديّـه
------------------------
مدري خلافـه لو خلاعـه ولاعـبه دور بـين المزامر و الاغاني و شرب لخمـور
و آل النّبوّه بين مطمور و مـأسـور و الاّ شريـد و ضايـجه اعْـلـيه الوطيّه
------------------------
يجلس الطّاغي عْلَى السّرير يحوّل العين يحكم ابزيـد و زيـد ، يلعب على الاثنين
آل الوزَغ تحكم ابـآل الحسن وحسين بالحكم مرتاحه وبنـوالـهادي رعـيّه
------------------------
زيـد الشّهـيد ابمجلسه واقـف و محـتـار اُووسَّعوا جلستهم سـلالـة صبـية الـنار
خزر الحواجـب بين ضلّيـلٍ و جبار تـنـفث اسـمومٍ وارثـتـهـا مــن أمـيّـه
------------------------
قـلّـه بعــد نفـسـك تمنّـيك الخلافه قـلّـه نعـم لكنها هالـبـيدك جلافـه
شان الخلـيفه تـقـتـدي الـنّاس ابعـفافـه وانتـو رجعتوا النّاس كلها جاهليّه
------------------------
و اللي يخاف امْن السيوف الذّل يعلاه ولا نـال عـز اللّي يحاذر من مناياه
وانكاره المنكر حليف الجذع خلاّه مصلوب و اتعشعش ابجوفـه الرّاعبـيّه
------------------------
مصلوب ثلاث سنين فوق الجذع خلّوه بين المـلا وعقب الصّلب بالنّار حرقوه
هالفعل حتّى بالكفر ما قـط فعلـوه وخير الرّسل جازوه بافعال الرّديّه
------------------------
هذا جنا الشّجره الملعـونـه و ثـمرها صبّت على البـاقر مصايـبها وشرها
وكابـد أبو جعفر مكايدها ومكرها جان اسمعت بالسّرج وبذيـج الهديّه

سمّه و وفاتهƒ
أهدى الرّجس للباقر أسباب المنيّـه سم بسـرج يا شومها ذيـج الهديّـه
]
ودّى لـه زيـد بن الحسن عـمّه ابقيــده و طب المديـنـه و الطّهر يدري مكيـده
و بسرجه المسموم نال اللّي يريـده خلّى على فراش المرض نور البريّه
------------------------
بس ماركب ذاك السّرج والقلب مألوم مانزل والا الجسد نـفذت بـيـه لسموم
ظـل ايتقلّب على فراشـه و دنى المحتوم والتفت لابنه الصّادق بعبره جريّه
------------------------
يـقلّـه يَـوالي الدّيـن للاسلام حـامي ودّعتك الله يَـبْني اتـقـضّـت ايّامـي
اتولى أموري و الجفن يـبني احـرامي وانتَ الخليفه وانتهت ليك الوصيّه
------------------------
لك ياضيا عيني الامامه و انتَ إلها ومرجع الشّيعـه في فجاج الأرض كلها
تبدي الحقيقه ويجتمع باسمك شملها اسلام و إمـاميّه و شيعه و جعفريّه
------------------------
و أدّى الشّهاده وعرق يا وَسْفه جبـينه و بطّل ونـيـنه و اسبل اشماله و يمينـه
عند الفراق اشبَحَتْ للأولاد عيـنه وعرّجت روحه الجنة الخلد العليّه
------------------------
اتعلّت الضّجّـه بالمدينه من الصّوبين و مـن الارامل و اليتامى و المساكين
و جدّد على بـيت النبوّه فقد ابوحسين وفرّت ابدهشه امْن الخدر كل هاشميّه
------------------------
فرّن وماجت بالصّوايح ارض طيبه واغبرّت الاكوان من عظم المصيبـه
و لاذن ابقبر المصطفى اينـعـن حـبـيـبه مـاجور صاحن يـا حبيب الله و نبـيّـه
------------------------
هاليوم بالبـاقر يَبو ابراهـيم مـأجور فارق الدّنيا بالسموم القلب مفطور
نـور الهدايـه بعـد عوده وانطـفى النّـور ظلمه المديـنه و جانت ابنوره مضيّه

تغسيله و تكفينهƒ
الباقر قضى مسموم و العالم ابزلزال وجعفر الصّادق نهض للتّجهيز بالحال
]
غسّل سـمـي المصطفى و لفّـه بلَجـفان وتذكّر اوصاب الجرعها امْن آل مروان
واتقرّحت حول السّرير قلوب واجفان عـند الوداع ارتفع بالحسرات ولـوال
------------------------
يـاساعة التّوديع جم انشقّت اجيوب واشعور منشوره وجم ذابت من قلوب
وقصدوا بْنَعشه المصطفى وصاحوا يَمَهيوب شبلك قضى مسموم منّه استخبر الحال
------------------------
ظيفك يَبو ابراهيم واصل لك تلقّاه نشده ترى سم الأعادي قطّع امعاه
قـوّض مـن الدّنـيا وبَحَر علمك فقدناه من بـعـد مـاقاسى من العدوان لَهوال
------------------------
وصارت الضّجّه يـوم جابوا النّعش يمّه و بـثّوا شكاية جور عدوانـه وسمّـه
و شــالوه تالي للبقـيـع القـبر عـمّـه وسيـل المدامع فـوق قبر المجتـبى سـال
------------------------
و شقّوا ضريحـه ابصف ابـيّه زين لعباد و جعفر ابقلبه امن المصيـبه اشتعل وقّاد
شاله عْـلَى إيده ولحّده وبـيه الوجد زاد وعاين البقعه والدّمع بالخـد همّال
------------------------
كل الفخر قلها يَـبقعه تجتمع بـيـج مسـتودع أسـرار الجلالـه فـي مطاويج
وتالي أصير الهم أنـا الرّابع واجي لـيـج طـيب المعيشـه مـن بـعد فرقاهم محال
------------------------
هالوا تراب القبر و تحـنّت اضلوعـه و روّى تراب اللحد من جاري ادموعه
ينادي يـعزٍ راح مـا نرقب ارجوعه شمتت اعدانـا و الـذي راده العدو نال
{ الناظم }
منّك مرامي يا ضــــيا العالم اريـده من والدك سابج طلبته ولا أعـيده
قضّيت بالخدمـــه لكم مدّه مديـده أرجو القبول اوّل وتالي ابلوغ لامـال

{ رثاء مولانا الصادق(ع) }

زعيم المذهبƒ
جعفر لسـان الله سلالـة بـيت لَطـهـار قاسى من اميّه ومن بني العبّاس لَمـرار
]
كابد هضايمهم لســان الله النّاطـق حلاّل مـشـكلها و بـيّنـها الحـقـايـق
عنـد الـعدو و المحب فـاز ابلقب صادق حيّز الشّيعه وعَـز ذكرها ابكل لَمصار
------------------------
جانت خفـيّه و ضايعه مـا بـين لَحزاب بالغـير مخلوطـه وعليها الذل جلباب
و نالت بجعفر صيت شيعة داحي الباب و بـين الملا صارت علَم و ابهامـته نـار
------------------------
جم ألـف كاتب تكتب علوم الشّريعه ابمدرسـة جـعـفَرنـا و للـعالم تذيـعه
كل الملل و اسلام شيعـه و غـير شيعـه تـفـتـخر بسمه و عاين و تعرف الآثار
------------------------
مدرك من المنصور بـيده ويـعمل عْلـيـه يظهر المذهــب و اليحبّه ينـتمي ليه
و المدرسه غصّت مـن اعـداه اُو مواليه ابطب وشريعـه وفلسفـه نـوّر الافكار
------------------------
انفتحت مدينة علم بيت العلـم والجود كلّــيّـه ربّــانـــيّـه أيّـدهـا المـعــبـود
عُرْبي وتُرْكي وفارسي وافْرِنْـج وهْـنود شـق التّشـيّع بـسـم جعـفر كل لَقطـار
------------------------
شرّق وغرّب بالبسيطه اُو وَصل للصّين بجهود جعفر نـاصر القرآن و الدّين
كاشف ستار الذّل عن اوجوه لمسلمين نـاشر علوم المصطفى ومذهب الكرّار
------------------------
وبس عاين المنصور جعفر مقصد النّاس والخاص والعام انضرع له وهبّط الرّاس
عيشه تكدّر والقلب حل بـيه وسواس هذا وحجي الواشين شب ابْمُهجته نار
------------------------
بكثر الفضايل والشّرف تكـثر الحسّـاد و جعفر الصّادق بالمعالي دوم يـزداد
و أهـل الـبغي وصلت وشايتهم البغداد و الفـاجر المنصور غيظه ابْمُهجـته ثـار

المنصور يجلب الصادق بين يديهƒ
طب للمدينـه مشتـعل غيضـه المنصور قصده الصّادق بالأذى والظّلم والجور
]
باللـيل طرّش له شياطينه و عــتاتـه مشغول شـافوه ابـتهاجـيده و صلاته
حفّوا بـه وحانت من الـزّاكي الـتفاتـه قلـّه الرّبـيع اتـفضّل ايـريدك الـمنصور
------------------------
قلّه أطــب البيت واغـيّر لي ثـياب ونروح يمّـه قـال جاسوسه على الباب
ملزوم إله ابهالحال توصل يَـبْن لَطياب يَـبْن النّبي اشْبـيدي تراني مْشيت مجبور
------------------------
و قادوه للمنصور شيـــخ الطّالبـيـين مكشوف راسه وارتفع للعـايله حـنين
واجف ثلث ساعات ويـراوح الرّجلين والفاجر المنصور فـوق التّخت مقهـور
------------------------
يقـلّـه يَجَعفر تـنـــتمي الخير البريـّه ما تسـتحي تكذب ابهالشّيبه البهـيّه
قـلّه أنـا مـنـزّه عن افـعـال الرديّـه وما يـلوق منّك تسمع البُهتان والزّور
------------------------
وانْجان تسمع قول كل حلاّف نمّام مـا يـعرف الله ولا يـراقب دين لسلام
ابسجنك اطرحني وتنقضي باجي هليّام ليْكون يشمت كل ردي الذّات مغرور
------------------------
بالامس انـا بدولة بني اميّه الجفونا و سـفكوا دمـانا و بالمداين شهّرونا
و عْـلَى المنـابر يعلـنون بسب ابونـا وانـا اصبَرت لنّي ابذاك الصّبر مأجور
------------------------
وتدري أنـا مَـيْجوز عندي كيد والحاد حـتّى ابـملك ايزيـد و الفاجر ابن ازياد
واحنا جعلنا الله وسيله الكل لـعـباد ينجّي ابنا الصالح ويهلك صاحب الجور
------------------------
واقف ويـتعـذّر لسـان الله الناطـق ويتهدده الطّاغي وهو السمّاه صادق
هَم ابْهَلاكه و ينرمي مـن فوق شاهق و مـن عـاين البُرهان منّه صابـه افتـور

مصائبه و رزاياهƒ
وقـفة الصّادق شابهت حيدر الكرّار قادوه من الدّار وعلي قادوه من الدّار
]
قْـوْد الأبـو قـاد لَولاد الوان و اشـكال ذاك الحبل صار السّبب لقيود واغـلال
حتى النّسا سلبوا حليها وشـدّوا حبال باعضادها وشب الجزل بخيامها الـنّار
------------------------
قـود الوصي قـيّد عـلي السجّاد بالقـيد هذا ابحما الهـادي و ذاك ابمجلس ايزيد
وهـذا البتولـه اتخلّصه و تخطب ابـتَهديد اُوذاك خطبت عمّته لكن بلا خمـار
------------------------
وقفة الـباقر عقب جلبه و اهتضامه وابـنه الصّادق وقف عاري مْن العمامه
وقفاتكم كلها هضم يَـهل الإمـامه و بقـتله المنصور بس ايديـر لَـفكار
------------------------
ما تغمض عيـونـه ولا يـاخذ قـراره من مدرسة جعفر و فضله و اعـتباره
وشبّت من الاضغان وسط القلب ناره ماشاف اله فرصه وعلى اولاد الحسن جار
------------------------
شتّت شملهم وامتلت منهم سجونه جم شـيخ باطباق السّجن لاقـى منونـه
كلهم قضى عليهم وقرّت له عيونـه أخـلى مـنــازلهم و فـرّقهم بلَمصـار
------------------------
وجعفر يشوف ويسمع الضجّه بالبيوت ويشوفهم فـوق الـهزل يمشـون للموت
تجري ادموعه و القلب بالحـزن مفتوت مـاضي حكمهم بـلِعدام ازغــار وكبار
------------------------
ما يحصل إلهـا ام الولـد يوقـف توَدعـه خـلّى منـازلهم حـرم و ايـتـام تـنعى
حتى العـدو التّفصيل مـا يـقدر يسمعه راحوابسجن مايـنعرف ليله مْن لـنْهـار
------------------------
و تالي على الصّادق نفث ناقـع سمومـه وذبّه على فراش المنـيّه وقرَب يومـه
من عقب مافاضت على العـالم علومه ابمنهج ابوه المرتضى و ملّة المخـتـار

احتضاره و وفاتهƒ
وَن جعــفر الصّادق على فراش المنـيّه ونّـه تـهـد الطّـود لكــنها خفـــيّه
]
من حوله اولاده تهل دموع العيون هـذا سخـين العـين يـبجي وذاك مغبون
واهل العلم بالمدرسـه العظمى يلوجون يــا للأسف نـاصر المـلّـه الأحمـديّـه
------------------------
غمّض عيونه وقطع ونّه وفاضت الرّوح وارتفع من بـيـته ضجـيج الحرم والنّوح
وناحت سماوات العلى و القلم و اللوح اُو وسط القبر نصبت لـه الزّهرا عزيّه
------------------------
تنادي أولادي مابقت منهم شريده مابين ظامي وبالعطش حزّوا وريده
و هـذا معذب بالسّجن يرفــل ابـقـيده ومـابـين هـايم خوف من حـتف المنيّه
------------------------
شلهم بنو اميّه على اولادي مـن اديون حـتى تْـرَكوهم بـين مذبوحٍ ومسجون
نسلـة هند ذولـه وبدر هيهات يـنسون ما تقـنع بسم الحسن و الغــاضريّـه
------------------------
سفيان تسـتافي طلبها و آل مـروان عـدها قـبل عملـة بـدر أحقاد واضغان
لكن بـني العـبّاس شافـوا غـير لحـسـان لونـين ابوهم ما هجع خــير البريّه
------------------------
وجاروا على اولادي وبقى خالي نزلهم هدموا عليهم سجنهم حـتّى طفلهم
بجعفر أبد ما تـنّسي فعلـة عجــلهم أرداه غيــله و جدّد احزاني علـيّه
------------------------
غاله ابسمّه وفـت قلـبي يـا مسلمين وجـدّد عليّه بـالطفوف مصيـبة حسين
وخلّى علـيه الدّين ينـعى وعصبة الدّين وصارت بـني العـبّاس أعظم من أميّـه
------------------------
ويلاه مـن شالوا الصّادق فـوق نعـشـه ودّوه للمسجد وداره بقت وحشه
وباب الحوايج نوب ايفيق ونوب يغشى ينادي يـبويه عيشتي مــا هي هنيّـه

{ رثاء مولانا الكاظم (ع) }
سجن الإمام الكاظمƒ
يسأل ابو ابراهيم وسط السّجن بشّـار وشْجرمتك مسجون وحدك يَبْن لَطهار
]
شنهو الجرم يا نبعة الدّوحه الكريمه وحـدك ابطاموره و هَلقـيود العظـيمه
قـلّـه شفت مسجـون من عـدنا بجريمه كلّه ظـلم حيث الفضيله والعدا اشرار
------------------------
لكن لسجن القنطره عندي رسـاله بـلكت توصّلـها إذا عــندك دلالـه
مسجون بـيه ولو رحت يشجيك حاله سـلّم عـليه و خل يجـيني ضحوة انهار
------------------------
شسْمَـه يقلّـه قال هـنـد وراح بـالحـال شافـه ابـن سـبعين بـين اقـيود و اغلال
بلَّغ سلام الطّهر واخبر بالذي قال لن الدّمع بس ما سمع بالوجن نثّار
------------------------
قلّه دخبّرني عــن احواله يمـَرسـول قـلّـه ابسجن مظلم و هو مقيّد ومغلول
و اهموم تـتوارد عليه و الجسد منحول ضيّق علـيه الواسعه الطّاغي الجـبّار
------------------------
و بشّار رد يـم السّجـن بـيـده المفـتاح تلهّف على احواله وصفق راحٍ على راح
وطب للامام يخـبّره قلّه إجا وراح تعجّب من احوالـه وصارت عنده افكار
------------------------
قـال اتّصاله بـيا صفه يا بحر لعلوم ذاك السّجن مغلق وهـذا الباب مردوم
قـلّـه جـلال الله يـعمـنا دايمٍ دوم واحـنا لجل دين الهدى نـتـجرّع امرار
------------------------
و مسلّمين الأمــر للـباري مطـيعـين ما يعسر علـينا بـإذن عالم الـتكوين
معرفة حال اهل السّما وطي الاراضين و اللي يطـيع الخالق اتطيعه الاقدار
------------------------
احنا صبرنا و العدو ما يلين قــلـبـه وهـارون ما يراعي النّبي ولا يخاف ربّه
لازم يقطّع جبدي الطّاغي ابشـربـه ويشتّت اشبال النـبوّه يمين و يسار

الوعد على جسر بغدادƒ
باب الحوايج بالسّجن طالت اهمومه و الرّجس يتحدّاه بشروره و سمومه
]
مسجون وحده و طالت ايّـامه و لياليه مرتاع قلبه و الهضم و الحزن ماليـه
وكثرت مسائلها عن احواله مواليه عنـّه بعـيد الوطن واحبابـه وقومـه
------------------------
تـنـتـظـر منّه شــيـعته سـاعة الجـيّه ولَجْلَه عليها ضاقت ارحاب الوطيّه
تسأل عن احواله لمسـيّب كـل مسـيّـه الغـيـبه طويله و خافيـه عليها عـلومه
------------------------
يقلْهم أشوفه مشتغل دوم بسجوده و يـبـتهل للمعبود و يـعـفّر خـدوده
ملازم صـلاة الليل و برجليه قيوده ابهالحال يقضي الليل وانهـاره يصومه
------------------------
قالوا دنشده عـن فرجـنا يـمتى ايكون سـالم نشوفـه لو يـروح بسجن هارون
قلّه المسـيّب شيعتك عنك ينشدون والكل على الخدّين دمعاته سجومه
------------------------
قـال الوعـد فـوق الجسر خلهم يجوني يـوم الوعـد كلهم طـبق ويواجهوني
جمـلـه يجــوني والمـقـرّي يشـيّعـوني ملزوم انـا اطلع من الطّاموره المشومه
------------------------
بـلّـغ رســالـتهم العـنوان الامــامــه و رد الجواب الهُم و ظنّوها سلامـه
وكل فرد وجّـه للجـسر كل اهـتمامـه لابس جديد الهدم مجلـيّه غمــومه
------------------------
صفّت النّاس عْلَى الجسر ترجوا اجتيازه و الكل رفـع راسه وتنومس باعتزازه
ولنــها حماميل اربعـه تحمل جـنازه بقيودها من فعـلة الامّه المشـــومه
------------------------
وعْـلَى الجسر مدّوا الجنازه يا مسلمين و الاّ الـنّدا هـــذا امـام الرّافضـيّـين
وصكّت مْن موالي ومن معادي الصّوبين وابن الطّهر ممدود واجفانه هدومه

الجنازة على الجسر G

يا قلب ذوب ويا دمع عيني تفجّر للّي قضى بسجن الرّجس قلبـه مفطّـر
]
ما شاف بالدّنـيـا ولا سـاعـه هـنـيّه بْسرداب مظلم جَرَع كاسات المنـيّه
بالسّجن ما يعرف نهاره مْن العشيّه هضم وصبر قـلبـه تفطّر والصّبر مـر
------------------------
آمر الطّاغي تشـيل ابـن جعفر حماميـل شالوا الجنازه ولامشت خلفه رجاجيل
وعْلَى الجسر ذبّوه وبرجلـه زناجيل و قـلوب شيعتهم عليه ابنار تسعر
------------------------
شيـعة علي الكرّار فجعـتهم شديده مـن عايـنوه امغلّل و بالسّـاق قــيده
مطروح فوق الجسر ما فكّوا حديده صاحت يَبوابراهيم يومك صاير اقشـر
------------------------
عزنـا تبدّل يا فخـر طـيـبه و تهامه كل يـــوم نترجّاك تطـلع بالسّلامه
ثاري الدّهر بقلوبنا صوّب سـهامـه فوق الجسر مطروح ياموسى بن جعفر
------------------------
ردّت الشّيعه تنوح و الحاله شـنيعه يـنادون بالـذّلـه و مصيـبتهم فظـيعه
فوق الجسر مطروح ياكعبة الشّيعه بالسّم فتّوا مهجـتك واللون مخضـر
------------------------
يَولاد عدنـان و مـضر قـلّت الغـيره عن جسر بغـداد ارفعوا شـيخ العشيره
ذبّوا العمايم و امشوا بجانب سريره ثـوروا ترى مـا من صديق اعْليه يـنغـر

{ رثاء الإمام علي بن موسى الرضا }
الغدر به و سقيه السمƒ
خان العهود وداسها نسل الخيانـه مـأمــون قـالوا لكن مـزيّف امانـه
]
غدر وسياسه يـدّعي مـذهب الشّـيـعـه ولّى الرّضا عهـده و لكنها خديعـه
دس له سمومه و زلزل اركـان الشّريعه لجـل الرّياسه اتـزندق و داس الدّيـانـه
------------------------
أوّل ابعـنـقود العـنب قـطـعـهن امـعـاه قـدّمـه اببّـيـته وبالخديعـه ياكل وياه
وَسْفَه وعلى فراش المرض منهوك خلاّه جرعه سمومه وخان بعهوده وأمانه
------------------------
و تالي الرّجس عجّل عليه ابماي رمّـان جـبده مردها وقذفها ومنّه الاجل حان
نازح غريب الدّار لا عزوه ولا اخـوان بديار غربه يموت نائي عن اوطانه
------------------------
ويوم الدنت منّه المنـيّه وحان حينه أشّـر لَـبو الهـادي و جـاه امْـن المديـنـه
وقّف على راسه يهل دموع عـينه وعاين ابـوه ايعالج و هاجت احزانه
------------------------
ضمّـه الصدره اُو ونّـتـه صارت خـفيّـه و انمزجت ادموع الولـد بـدموع ابـيّـه
يقلّـه يَـبويه الكون مستوحش عليّه من فرقتك و الدّهر بفراقك دهانـا
------------------------
صـد العزيـزه ومن زفـيره نشف دمعـه واحـنى يشمّه وانحنى من الوجد ضلعه
يودّع يَويلي مهجـتـه و ابنه يودعه وغمّض عيونه والولـد زادت اشجانه
------------------------
غمّض عيونه ابن الطّهر واسـبل ايدينـه تْهَلْهَل جبـينه و انقطع تالي ونيــنـه
حـن الجواد و صب عليه ادموع عـينه فارقت روحه والعرش ماجت اركانـه

تجهيزه و تشييغه و دفنهƒ
شمّر اردانـه ابن الرّضا سـاعة التّغسيل جرّد أبوه و مدمعه بخدوده يسـيل
]
بـيـده الطّاهر غسّلـه و لفّه بلَجـفان وردّه عـلى حالـه وطـلع صفوة الرّحمن
وشاع الخبر مات الرّضا وماجت خراسان لرْجال تهرع والحريـم اتصيح بالويـل
------------------------
شالوا الجنازه والحزن خـيّم على طوس وطلعت رجال الحكم كلها منكّسه الروس
والكل يلطم هامته ريّـس ومرؤوس وعرش العلي لولا الجواد يسيخ ويميل
------------------------
بالـنّوح رادت طـوس تـتزلزل بهلـهـا ومْن المصيبه قوّضت باللـطم كلـها
وضاق الفضا و الكل عبراته يهلها و صارت الضّجّـه بـين تكبـيرٍ وتهليل
------------------------
وصلوا بنعشـه والخلق تلطم على الهام وقصد الرّجس يترك قـبر هـارون قـدّام
وظهرت براهين ونظرها الخاص والعام وحفروا قبر طبق الوصيّه وعلى التّفصيل
------------------------
عند الدّفن شاله الجواد وعاينوا لـه و مـدّه بقبره و دمعـته بخـدّه هموله
اتصوّر غربـته لا اخوان و لا حمولـه ومحّـد حضر له من بني الزّهرا البهاليل
------------------------
ياطوس طـبتي بالرّضا وطابت نواحيـج ضامن الجـنّه ثامن اليمّه ثوى بـيج
فزتي بضريحه وبـيه رب العرش حابـيج طول الـنّهار الخـلق مـزدحمه مع الليل
------------------------
فزتي بقبر اللّي حـباه الله بضمانه و كلمن يـزوره عْلَى البعـد فـاز ابأمانه
و فـاز ابرضا الله و حاز بالتّالي جـنانه يشوف لمعادي بْلا شفيع يصيح بالويل

الجواد وعمه علي بن جعفر G

هيّجت لوعـاتـي يَـبن خـير البريّـه قلّي على من آمرت تنصب عزيّـه
يَـبني مصايـبنا عظـيمـه اتشـيّب الشّاب نـبجي على ضلعين مكسوره ورا الباب
لو للجنين الـلّي تعـفّر فوق لعتاب لـو قـود جـدنا اللّي دهانـا بكل رزيّه
------------------------
لو ضربة المحراب نبجي ياضيا العين لو لجل عمنا الحسن لو نبجي علىحسين
لو للاجساد اللّي بقت مـن غـير تجفين لو للحريــم اللّي تسمّت خارجـيّه
------------------------
ننصب المـاتم ما تقلّي اليا فجــيـعـه للّي انـذبـح ظامي على صدره رضيعـه
لو للإمام اللّي نشر مذهب الشّيعه جعفر من المنصور قاسى كل بلـيّه
------------------------
مـا تـنحصى يـبني مصايـبـنا ابـتـعداد الله يما سجون امتلت شـبّان واولاد
بالأمس أخـيّي ظـل رمـيّه بجسر بـغداد بـين الأعــادي اجـنازتـه ظـلّت رمـيّه
------------------------
لـو نـبجي يـبني لـلّذي مـاتوا بـلحْبوس مـاتوا ولا بـين الملا الهـا امعـيَّنه ارموس
يانور عيني لو لفا لك خـبر مـن طـوس ليْـكون ابوك انصاب بانياب المنيّه
------------------------
حنّ وجذب حسره وزفر زفره شديده و قلّه يعمّي حلّت مصيــبه جديـده
ويّـا الرّضـا المـأمون سواها مكـيده قطّع مهجته و زلزل السّبع العليّـه
------------------------
مسموم مـات ابـدار غربـه ماحضرتوه يـا لـيـتكم يَولاد ابـو طالب نظرتوه
وياليت شلتوا جنازته وقبره حفرتوه مَحْلى الأهل حول النّعش تمشي سويّه
------------------------
قـلّه العمر كلمـا امـتد كثرت اجراحي و الدّهر فرّق عزوتي بكل النّواحي
و ظلّيت مثل الطّير متكسّر جـناحي شلّي بحيـــاتي ضاقت الدّنـيا عليّه

رجوع الجواد بخبر وفاة أبيه G
أوقفتني وعنّي رحت ورْجعت محزون مغْبر لونك و الدّمع يجـري امْن لعيون
]
فارقـتني و الوجه منّـه تسـطـع انـوار وارجعت وانوارك عليها سافي غبار
قـلّه مَـتدري يابن امـي عليكم اشـصار ما تنظـر الجـو مظلم ومتـزلزل الكون
------------------------
نصبوا عزاكـم والبسـوا ثياب المصايب مـات الإمام اللّي ابوادي طوس غـايب
جهّزتـه اُو واريت جسـمه بالـتّرايب وفارقت طوس ابزلزلـه والخلق يلعون
------------------------
جهّزت ابويه وللقبر واريتـه وجيت ومْن الأسف دمعي عْلى ذاك القبر صبّيت
لازم اللـيلـه بالمديـنـه يظـلـم البـيت بالسّـم قطّع مهجته الخاين المأمون
------------------------
لا تلومني قـلبي تراهو اتمـزّع و ذاب سور الحما ومقصد الوافد بالثّرى غاب
هاجت احزاني يوم واريتـه بلـتْراب ويّـاك انا احجي والقلب بالهم مغبون
------------------------
أولاد الخنا من طود عزّي يتّموني فـرّقـوا بـيني و بـين ابويـه و ضيّعوني
ولازم عن اوطـاني بظلمهُم يطـردونـي بْتَـشتـيتـنا وبْسَفك دمـنا ما يبالون
------------------------
هسّـا يعـود الهضم و التّشتيت لـيـّه و افارق اوطان الأهل غصبٍ عليّه
و يجرّعـوني بالغصص كـاس المنـيـّه و تـبقى علينـا عْـيالـنا كلهم يـنوحون
------------------------
جور الأعادي ضـيّـق الدّنـيا علـينا ولا يحصل النا نستقل بارض المدينه
و الكل عليـنا ممتلي قلـبه ضـغـيـنـه شبيدي على عز صبح بالتّرب مدفون

مع طوسG
يا طوس ضمّيتي بـدر من آل عـدنـان فـزتي بقـبره وارتـفع لـج بالمـلا شـان
]
نلتي الفخر ياطوس من بـدرٍ أفـل بـيـج و الخلـق مـن كـل النّواحي تعـتني لـيج
يشابـه الوادي المقدّس صار واديـج إِخَلْع النّعل تعظيم الْيُطب الذاك لمكان
------------------------
يا طوس ضمّيتي المفاخر و الفضايـل و بْحُفرتك عـلم الاواخر و الأوايل
صرتي البدر المصطفى تالي المـنـازل بـيج اختفى واظلم هوانا ورج لَكوان
------------------------
قالت ببنْ موسى الفخر كلّه جمعته وغصبٍ عليّه ابن الرّجس قطّع مهجته
لكن بلا تجهـيـز جسـمه ما تركـته عتبوا على اللّي برضها ظلّوا بلا اجفان
------------------------
أعشب الوادي و ارتحت يومٍ لَفاني ولـبّـيت دعـوة ســيّدي بـس ما دعاني
و اتحولت تعظـيم لَجْـلَـه مـن مكاني لا روّعت قـلـبه ولا اتحـيّر لـه حصان
------------------------
و بكربلا سبط النّبي تحـيّر حصانــه و آمـر ابـتطـنـيب الخيم و انـزل مكانه
و بـالغاضريّـه اتـذبّحت جملـة اخـوانـه سـبعه وعشـره مـن بـني عدنان شبّان
------------------------
شرّف ولا اجتمعت عليه خيل و أعـنّه ولاسيف عندي انسل ولاشرْعَت أسنّه
و لا هضمته و لا منعت المـاي عنّـه وحسين برض الغاضريّه انذبح عطشان
------------------------
و مـن عـقب موتـه ما سبـيت امخـدّراته و مْـن الخـدر للهـتك مـا طلعن بـنـاتـه
شافن بواجي علـيـه مـا شـافن شمــاتـه ولاطفل عندي للرّضا ظل فوق تربان
------------------------
و الغـاضريّـه جم طفل بـيـها تعـفّر فـوق التّراب وجم بدر بـيها تكوّر
غارق ابدمّه و جم يـتـيمه ابحبل تـنجـر بين العدا وجم راس لاح بْراس لسْنان

{ رثاء الامام الجواد (ع) }ƒ
إجلائه عن المدينة وشهادته
قوّض أبوالهادي ظعونه من المدينه بغداد قصده و ودّع عياله و بنينه
]
ودّع عيالـه وقبر جـدّه ومدمعه يسـيل ومرّغ خدوده عْلَى القبر ويصيح بالويل
عنّك يَـبو ابراهـيم لازم قـوّه انشـيل دوم الدّهر يا مصطفى جاير علينـا
------------------------
ودّع الهادي وقال هـذا الخلف بـعـدي هـذا الامام اللّي يشيّد شرع جدّي
وحده يظل واللي عليـه يـزيـد وجـدي للسّادسـه يا حـيف ما بلغن سنينـه
------------------------
سافر عن اوطانه ملاذ الهاشـمـيّـين خـلّى المدينـه اتموج جنها سفرة حسين
يمشي وعلى راسه يحوّم طاير البين مجــبور و العـدوان قــوّه جـالبـيـنه
------------------------
بـس مـا وصل بـغـداد عدوانـه تـباريـه اسهام الـمنـيّه بالسـموم اتوجّهت لـيه
بالسّم قضى ونالت مطالبها أعاديه مرمي ثـلاث عـلى السّطح مَـيقاربونه
------------------------
مات الطّهر واخفوا على الشّيعه اخباره و يـدرون محّــد يـنـتـغـر يطـلب ابـثاره
ظل بالعرا والنّاس كلها في انتظاره و المسك لَذفـر فاح مـن نسل الأمينـه
------------------------
و نادى لمنادي والخلق فـرّت بلا شعور و بغداد من كثر الصّوايـح رادت اتمور
شالوا سريره ابن الرّسول بْلَطُم لصْدور عِـدْ جـدّه الكاظم ابضجّـه امشـيّعـينه
------------------------
شالوا الجنازه وشيعته ضجّت الصّوبين وفـرّت رجاجـيل ونسـا تصفج الجفّين
راح الجواد و راح سـور الهاشمـيـّين بديار غربه وكل هله ما يحضرونه
------------------------
والقبر مطروح الجسر جابوا حفيـده خلّوه يمّه و صارت الضّجّه شديـده
الهادي إجــاه و نـزّلـه بالـقبر بـيـده اُو وراى أبـوه ابحفرته وردّ المديـنه

بكاء الهادي على أبيه الجواد‚
ذوّبت يَـبْن المصطفى قلبي مـن ابجـاك هَـلخـبر لَقشر يا ضيا عيني متى جـاك
]
يمـتى لفى لك هالخبر يـبن المـيامين هيّجت حزني ومن كلامك هملت العين
و انـجان صح هالخبر يـا نـور لمسلمين تحزن الشّيعه بالمدينـه و تـفـرح اعداك
------------------------
بسّك يَعقلي مـن الـبجا ذوّبت لقلوب شوف لَطفال تنوح منها الدّمع مصبوب
قـلّه شلون اسكت وقلبي ابـنار ملهوب وَسْفَـه يَـبويه تموت واحنا ماحضرناك
------------------------
وقـت لمـعالج مـن حضر يمـّك يـباريك ومن غمّض عيونك يَبويه واسبل ايديك
عدوان كلهم ما تحن قلوبـها عليك بسموم فـتّوا مهجتك و احنا انترجّاك
------------------------
حـن لمعلّم و الدّمـع يجري بلخـدود و يصـيح يـبن ايمامـنا يا سر لوجود
بطِّـل حنينك لا تحن ذوّبت لجـبود لا يرتفع صوتك ترى ترتج لَفلاك
------------------------
وانتو يهل هالبيت مظلومين كلكم دون الملا مْـن رجالكم خالـي وطـنكم
ماشوف واحد موت عـينه مات منكم وَسْـفَه على بدرٍ تكوّر واختـفى هناك

بقاء جثته على السطحƒ
حجّة الباري عْلَى السّطح ياخلق مطروح بالشّمس مرمي والمسك من جسمه يفوح
]
سمّـه الطاغي و قطّعت جـبـده اسمـومـه و عْـلَى اليريـد اتساعده ذيـج المشومـه
نـازح الـدّار ابعـيد عـن عزوته و قومه وقلبه من افراق الأهل والسّم مجروح
------------------------
يا غيرة الله مهجة الزّهرا وحشاها من غير سـايه السّـم تجرّع مـن اعداها
قوّض و بنت الطّاغـيه نالت مـناها ومحّد حضرله ويـل قلبي بطلعة الرّوح
------------------------
فوق السّطح يومين والـثّالث بلا مهاد مطروح ابو الهـادي وطِـيـبه غمر بغداد
ظل بالشّمس وين العشيره اُو وين لمجاد ويـن الذي لَرْض المدينه ابْهمّتـه يروح
------------------------
يوصل القبر المصطفى ويسجب العـبره وينـعى الجـواد ويكت دمعـه فوق قبره
وينـتحب ويعرّج عـلى روضـة الزّهـرا ايقلها يَزَهرا مهجتج بالشّمس مطروح
------------------------
الله يَزهرا جـم جنازه مـن بنـيـنـج تـبقى بلا امـوارى و شفتـيـها ابعـينج
و السبب كلّه مْـن الـذي سقّط جنينـج وَرّث علينا الهضم والحسرات والنّوح
------------------------
فوق السّطح واحد ثلـثـتـيّام خـلّوه اُو واحد على حماميل فوق الجسرجابوه
و امّا طريح الغاضريّه بخيل داسـوه وجم ولد يم حسين بارض الطف مذبوح
------------------------
الله يَـزَهرا اشحلّت ابقلبج مصايب اشْسوَّت فجـايع هالدّهر بَشـبال غالب
وامّا المصيـبه اللّي تخلّي القلب ذايب سبي الحـرم والرّوس فوق ارماحها تلوح

{ في رثاء مولانا علي الهادي (ع) }
رحيله (ع) من المدينة إلى بغدادƒ
مْن ارض المدينه سافـر الهـادي بلـبنين و محّـد بقى مْن اولاد حيدر بالحجازين
]
سافر بَـهل بـيـته و بقت طـيـبه خليّـه ودّع قـبر جـــدّه و عـبراتـه جريّـه
وبن هرثمـه يقلّـه يـبن خـير البريـّه عجّـل يـقـلّه اتوخّـر الـنا بـعـد يومين
------------------------
راح القبر جـدّه مثل ما راح جدّه تمرّغ على قبره وصب الدّمع عنده
إيقلّـه يـجـدّي مـا بـعـد هـالسّـفر رَدّه ماشي بهل بيتي يَجدّي والنّساوين
------------------------
أصبح و نـادى بـالرّحيل مْـن المـديـنـه ودّع قبـور الاهل و الزّهرا الحزينـه
و صاحت النّاس اوداعة الله يـا ولـيـنا هاي اليتامى والارامل تلتجي وين
------------------------
بالدّرب جم برهان سوّى وشافت النّاس ذل العدا وخلّى الموالي رافع الرّاس
أشجار وانهار اسأل اللّي رجـع للكاس وبْكل وكت يـبدي المعاجز و البراهين
------------------------
بغداد طب و خـالـيه ظلّت ربـوعه وفزعت أهاليها النظر وجهه سريعـه
و لَرْض المديـنه ابعيلـته اتـعـذّر رجوعه وسافر الْسامرّا ونزلها عمدة الدّين
------------------------
بـس مـا نزلـها شـيـعـتـه عنّـه امـنعوها و جاروا علـيه و مهجـته ابسم قطّعوها
حتّى قضـا ومـلّة الهـادي ضيّعوهـا بديار غربه وعزوتـه كلهم بعيدين
------------------------
و ابــنه محمَّد في بـلد قاضي نحـيبه ومـن بعدهم ظلّت ابوحشه بْلاد طيـبه
و مـحّـد بقى بـيها مـن العتره النّجـيـبه وبديارهم يا حيف ينعب طايـر البين
------------------------
اجتمعت علـيه بس مانزل بيها اهمومه دايم حزين وجرّعـه الطّاغي سمومه
وعْـلَى الطّهر صـار اعظم الايـّام يومـه جهّـز أبـوه و غسّلـه بمدامـع العـين

وفاته وتجهيزه ودفنهƒ
بنت الجواد اصبحت مفجوعه وحزينه تـنظر الهادي يلوج فاجعها ونــينه
]
تقلّه يـهادي يا شـبه جـدّك الهـادي لا تجذب الونّه تـرى ذايب افّـادي
فـتِّـح اعـيونك نغّصت شـربي و زادي و سهرت عـيني و العدو قرّت اعيونه
------------------------
بديـار غربـه يالولي اتـقضّت ايّامك وتموت ماواحد حضر لك من اعمامك
جـايـر علـيـنا يـا دهـر دايـم اعـلامك من دون كل الخلق جرمه ما جنينا
------------------------
سم البقلـبك يا عزيـزي فـت قـلبي بعدك يـوالـينا عسى ما شوف دربـي
ما ينقضي نوحي على مْصابك و نحـبي تقضي بغربه وموحشه تبقى المدينه
------------------------
غمّض عيونه و مـات بديارٍ غريـبه و الحسن هاجت حسرته و عالي نحيـبه
وسجّاه بالحجره وطلع مشقوق جـيـبه و تجري ادموعه و يصفج اشماله بـيمينه
------------------------
و بـيده الطّاهر غسّلـه و القلب صادي و بالجفن لـفّه و بالنّعش خـلّوا الهادي
و ضجّت اعـياله بالبجا و صاح لمنادي يَلغرب قوموا شيّعوا اجـنازة ولينا
------------------------
شيلوا الـهادي يالغرب ما عنده احباب امْبعّد عن اهله وعن الشّيعه ابّلدة اجناب
شبل الحسن تجري ادموعه والقلب ذاب ايـنادي مصابك كـرّر الوحشه عـلينـا
------------------------
للقبر جـابه و نزّلـه والدّمع هـامـي وحـبّه وصاح وداعـة الله بـقلب دامي
و ين الـذي يوصّل بـني هـاشم عـمامي يخبرهـم بـفـعل العـدا والدّهر بـينا
------------------------
و الله يَـبويـه موحشه الدّنـيا علـيّـه بـديـار غربــه اتجرع احـتـوف الـمنـيّه
بـلِّغ سـلامي المصطفى خـير البريّـه وقلّه ترى احنا بالهضم بعدك بقينا

{ في رثاء مولانا الحسن العسكري (ع) }
وفاته (ع) وتجهيزه ودفنهƒ
شمّامة الهـادي الحسن يجذب الونّـه فوق الفرش و سموم خصمه مرّدنّـه
]
ابـنفسه يجود و ذاب قلبـه ابحـر لسموم واولاد ابو طالب عليه قلوبها تحـوم
هذا يجر ونّـه وهذا الدّمع مسجوم وامّا الاجانب غدت في حنّه ورنّه
------------------------
كهف الأرامل و اليتامى والمساكـين كلهـا علـيـه اتـنـوح ظـلّت مالهـا معين
بعدك يَبـو محمَّد ترى مـتـيتّم الدّيـن حــامي حمـاه ابهالمرض شيّال عـنّه
------------------------
اصفرَّت الوانـه و ونّـته صارت قصيره مالـه قـرابـه و عيلـتـه صارت ابحيره
وسفه برض غربه يموت بلا عشيره ما بين اعـادي دين ما عدْهم محـنّه
------------------------
غمّض العين ومدّد ايده وغابت الـرّوح و اتْزلزلت بـس مات سامرّا مـن النّوح
وصاحب الغيبه مْن المصيبه القلب مجروح ونّـات ابـوه اشْعبن قـلبـه و جَـرحـنّـه
------------------------
بـاشـر ابتَغسيلـه ابو صالح و سـجّـاه و بالمغتسل بيده حما الاسلام خـلاّه
وجفّنه وفوق النّعش حطّه وصاح ويلاه اتشفّت يـبويه اقلوبها العدوان منّا
------------------------
يـا بوي إلي تالي الزّمن نهضه و غارات و اسـتاصل العدوان و استوفي الـثّارات
من يوم حيدر والضّلع و الغاضريّـات والجسر و اللي شتّـتـونا عن وطنّا
------------------------
و الشـيـعـته جـابـه للمْصلّى وحطّه و عمّـه طـلـع حافي بلصفوف ايْتخطّـى
يظـن الامر هـذا عـلى الشّـيعه ايـتغطّى و لن الامـام ايجذبه و ينحّـيـه عـنـه
------------------------
و صلّى علـيه و قـرّت عـيون الموالين وشاله على إيده ولحّده وهل دمعة العين
وقـبّل جبينه وصاح يا شبل الميامين ودّعتـك الله وظل عليه يجـذب الونّه

{ في جور بني أمية }ƒ
شتقول يا صاحب الفكره والرّويـه فعـلة بـني العـبّاس أعظم لـو أمـيّه
]
فـعـلـة بني اميّه ابتداها يوم صـفِّين دارت رحاها وطحنَت اعـيان المسلمين
وطلعت خوارج دين واغتالت ابوحسين وظل ابن ابوسفيان يلعب بالرّعيّـه
------------------------
سب و شتم فـوق المنابـر صـبَح سـنـّه و كـل الضّغاين و البلا اتولّدت مـنّـه
تغزي سمومه وللهضايم غدت رنّــه و ارماح ترفع روس تتودّى هديّه
------------------------
و راحوا عداوه يدفـنون ارجال حـيّـين و ذبحوا و سجنوا ـ وين لمروّه ـ نساوين
واطفال ذبحوهم بلا مطلـب ولا ديـن باليمَن و النّسـوه بنظرهم خارجـيّه
------------------------
وباعوا النّساء المسلمات ابوسط لَسواق يايوم كشف السّاق عند املاحظ السّاق
عـدّة مذابح قاست الشّيـعه بلعراق و زيـاد و ابـن ارطاة ما بقّوا بقـيّه
------------------------
وتالي على سم الحسن كلها اتّعازى و آل الطّلـيق اتـحـزّبوا ساعـة جهـازه
ومروان تدري بْجَم سهم صاب الجنازه و قـلبه ايتلظّى امْن لَضـغان الداخلـيّه
------------------------
وكل الرّزايـا و المصايب يـوم لطفوف جـم أرملـه ظـلّت سترها راح لجـفوف
وكل حـادث اليجري بْدهرنـا ايصـير موصوف
و لا يـنوصف خـطبٍ جـرى بالـغـاضريّـه
------------------------
هـذا مصاب حسين لا تطلب تفاصيـل ما ينوصف حال الأسارى والمجاتـيل
لو ضجّة الأيـتـام لو نوح المداليـل و اجساد بالرّمضا و روس ابْسَمهريّـه
------------------------
واسأل الكعبه و المدينه بالّذي جان من حـيّة الرّقطا اللعـيـنه آل سفيان
و عرّج على كهـف المظالم آل مروان تلقى مجازر كل صباح وكل مسيّه
------------------------
توصف اطفال الذبّحوها بغـير سايه تذكر حرايــر باليسر ركبت عرايـا
و السّوط لمتون الحرم مـو للمطايـا وميدان مطروحه الجثث للأعوجيّه
------------------------
السجّاد جم قـاسى ومـن بعـده سلـيله و ابـن الوزَغ يـشـفي بـإهـانـتهم غليله
و دس الهم اسمومه و قضوا بالسّم غـيله وزيـد وشبل زيـد اشعظمها من رزيـّه
------------------------
هذي إشاره من فضايع آل سفيان تلويـح لقـرود المـنابـر نسـل مروان
حط النّقاط عْلَى الحروف اتزيد تـبـيان اتشوف المصايب جـايّه مـن قبل امـيّه

{ في جور بني العبّاس } ƒ
ياللي تعدّد باختصار افــعال اميـّه أذكر بـني العبّاس واحكم بالقضيّـه
]
هذي بـنو العـبّاس جانوا مـطـمئـنـّين كلهم يـدٍ وحده وذراري الحسن وحسين
وملكوا الامّه واصبحوا كلـهم فراعين وحطّوا النّبال عْـلَى السّلاله الفاطميّه
------------------------
لو ردت تفهم وين بـاب الظّلم والجور بـس عـقّب السفّاح و اتمايـز المنصور
شوف اشْعمل بـال الحسن وشْ هـدم مـن دور
و الـما هـدم مـن دورهـم ظـلّت خلـيّـه
------------------------
جـم طـالبي لاقـى الـمنـيّه فـي قــيـوده واللي هْدموا عليه السّجن وهوَ بسجوده
و الهام ما هـو مرتجي للبـيت عوده و يخاف ما ينـتسب للزّهـرا الزجيّه
------------------------
و اللي ابْفَـخ اتـعـفّروا مـحـّـد دفـنـهم اسأل يخبرك واضــح الـتّاريخ عنهم
خلّوا ملايكة السّما تـبجي لَجلـهم ظـلّوا ابْغَبرا و روس فوق السّمهريّه
------------------------
و جـم شيّدوا بالعاصـمه بـغـداد بنـيان بنـيانها اتشـيَّد على هامات و ابـدان
سادات كلها شيوخ وكهـولٍ وشبـّان وشْجَم هجوم اعْلَى البـيوت الفاطميّه
------------------------
بـاب الحوايـج بالسّجن يسحب اقـياده و خوف المنايـا و السّجن فرّت اولاده
وبالسّم جَرَع مثل الأبو كاس الشّهاده والسّيف والسّم يشتـغل صبح ومسيّه
------------------------
وخلّوا الصّوايح والنّياحه ليل وانهار وذيـج المنازل بـس حرم واطفال لزغار
بالـبرّ هاموا مـا بـقـى بالـدّار ديـّار ما جـرت هـذي بـلَفـعال الامويّــه
------------------------
لكن سبي النسوة يسارى ابكل لَـمصار وذيـج لَطـفال الظّاميه لاجرى ولاصار
و خيام مملـيّه حرم تـنـضرم بـالـنّار والاصل كلّه مْن الاسباب الاوليّه
------------------------
فعلـة بني العبّاس مـا اكثرها فجايع أفـنوا ذراري المصطـفى والعـدد ضايـع
وآل الطّلـيق افعالـهم كلهـا شـنايع سـبي الـنّسا و ذبح لَطفال ابلا جـنـيّه
------------------------
رض لَجساد عْلَى الثّرى وتكسير لَسنان و وقفَة مصونات الرّساله بوسط ديوان
ويزيد من سكر الخمر والـنّصر نشـوان هذي ثمرهـا شجرة الخبـث الرّديّه

{ إستنهاض الحجّة }
تمني G
يـمتى يشع اعْـلَى العوالم نـور طـيـبـه ويمحي الظّلم والجور نور الله وحبـيبه
]
عجّـل يَسيـف الله اُويـا ركن الدّيـانـه جـار الدّهر و استولت علـينا اعدانه
جم دوب تغضي الضّيم يَمْشكَّر علانا عجّل يغوث الموزمه طالت الغيـبه
------------------------
طالت الغـيبه والحشا منّا اشتعل نار جنّك مَـتدري اشصار يـومٍ طبّوا الدّار
حرقوا وضربوا واسقطوا وانبتوا مسمار ولطمة العين اعظم يـبوصالح مصيـبه
------------------------
مـاتت نحـيلـه عقب ما كسروا ضلعها وانغدر حقها ومن فدك لوّل منعها
نخّـت و خطـبت بـيهم و محّـد سمعها متمرمره وطلعت من الدّنيا كئيـبه
------------------------
بكل الجـرا تـدري شعدّد مـن مصايب مـن غصب حيدر للطفوف ام النّوايب
و الشّيعي قـلـبه ابحزن متـقطّع و ذايب يجذب الحسره ويهتف ومحّد يجـيبه
------------------------
تـنسى يَـبوصالح ابوك حسين مـن طاح راسـه انـقطع و تلاقفوه ابـزان و ارماح
و هجموا على خيامه الأعادي و بـن سـعد صاح
هجموا عـلى حريمـه انـذبح ليث الحريـبـه
------------------------
وانهض ترا حرقوا خيمكم والظّعن شال للشّام بالنّسوه وظـل جـدّك على رمال
رمِّـل يـبو صالح نساهم و انهب الـمال واسبِ الحرم زينب ترى راحت سليبه
------------------------
زَلْزَل الكوفه وكربلا وانسِف الشّامات وانشد عـن الوقفت ابدروازة السّاعات
وقل للفرات حسين يمّك بالعطش مات مـايك لخـلّيـه ابــد مـا يجري صـبـيـبه
------------------------
و انشـد هـل الشّامات علّـلي شهّروها و بْوَسـط مـجلس باليتَامى وقّفوهـا
يعرفون جدها وياهي امها ومن أبوهـا وياهُم اخوتها ومن إهِي وتوقف غريبه

كذلك ƒ
يا حجّة الله غيبتك صارت بطـيّـه عجّل علانـا الجور يا شمس المضيّه
]
يمـتى على العالم يشع مـن غـرّتك نـور بـيه العدل تنشر وتطوي الظّلم والجـور
مْن السّامري والعجل من جزله المسعور الصّخره الاساسيّه الدهت كل البريّـه
------------------------
ياطالب الـثّارات دنهض جم إلـك ثـار مـن يـوم حـيدر والحـبل والضّلع والنّار
والضّربـة اللّي عمّمت هامة الكرّار ومن دم راسه اختضبت الشّـيـبه البهيّه
------------------------
ويلاه ياهضم الحسن ومصاب سمّـه بـن هـند غاله و فاتت الاعدا ابدمّه
يَـمْ قـبر جـدّه سْهامهم نشـبت ابجسمه امصيـبه و يهوّنـها مصاب الغاضريّه
------------------------
أعجز شعدّد مـن مصايب يوم لطفوف جم طفل بيها وجم شباب انذبح ملهوف
ياما انقطعت روس بيها وطارت اجفوف و يامـا اجسادٍ رضّضتها الاعوجـيّه
------------------------
منعوا علىحسين الورد وانذبح عطشان وظلّت الخـيل اتجول فوق اعضاه ميدان
والهضم يـبن العسكري ضيعـة النّسوان و اطـفالها الرضعت مـن اسهام المنـيّـه
------------------------
وجدّك علي السجّاد بعـد اليسر والذّل يقضي العمر لـيلـه و نهاره دمعـه ايـهل
مَيشوف غـير ايتام تـتضوّر و تعول وينظر منازل كل هله منهم خلـيّه
------------------------
و يقضي ابسمّه و بعـده الـباقر تـباريـه بالضّيم وانواع البلايا عيون اعاديـه
عرفت بنو مروان اصلها وجارت عْليه وذاك السّرج سبّب لـه اسـباب المـنيّه

تعديد المصائب للامام الغائبƒ
يا صـاحب الغيبه شعدّد من رزيّـه مـن هالمصايب والشّرح يصعب علـيّه
]
أذكر الصّادق والذي قاسى من اهموم مـن طاغـية مـروان ومْـن اولاد لعـموم
ومن عقب ماوضّح المذهب مات مسموم واذكر جسر بغداد والحاله الشّجيّـه
------------------------
مـن هـالذي جـابوه و بْرجلـيه لـقـيـود مرمي ثلـثـتـيّام فـوق الجـسـر ممدود
حتّى النّصارى استنكرت مـنّه و لـيهود يـنـادون هالميّت إمـــام الرّافضـيّــه
------------------------
ياصاحب الغيبه دريت ويا الرّضا اشْصار المـامون مثله ما جرى بالزّمن غدّار
عاهد وخان العهد واردى شـبل لَطهار غـيـلـه ابسـمّـه ولا رعى ربّـه و نـبـيّه
------------------------
و امّـا الجواد ايصدّع الجـلـمد مصابــه فـوق السّطح مطروح نـائي عن احبابه
عجّـل علـيـه الطّاغي ابْغايـة شـبابـه بـدْيـار غربـه جرّعـه احتـوف الـمنـيّه
------------------------
واجلوا الهادي مْن المدينه واوحش الدّار سـافـر ولا من هالسّلالـه ترك ديّـار
ظلّت منازلهم علـيها سـافـي اغـبـار بيها نعيب البوم كل صبح ومسيّه
------------------------
ودّوه سامرا و بـيـها صـار محصور مـنـعـوا ولا واحد يجـي ايسلّم ولا يزور
والشّمس ما يقـدر أحـد يخفي لهـا نور سمّه الطّاغي وغابت الشّمس المضيّه
------------------------
وعاينت ابـوك العسكري اشْكـابد مـن اهموم
مـن جـور عدوانـه وتـالي مـات مسمـوم
واللي يواليكم من الاجيال مهضوم مكسور قلـبه و ينتظر منّك الجـيّه


] ] ] ]











وهو بحر طويل يوازن فاعلات ( أربع مرَّات ) تعاطاه
أهل البحرين قبل عشرات السنين





{ في رثاء الزّهراء (ص) }
اسقاط جنينها و خروجها اثر علي G
مهجـة المختـار صاحت و القلب منها انذهـل
قـومي تـّجي لي يَفـضّه و سنّديني بالعجــل
]
قومي دركيني انكسر ضلعي و سقط منّي الجـنين
و انظـري ادموم لبْصَدري اتسيل يـا فضّـه امـنين
هشّمت منّي يَفضّه الجسَـد رفســة هاللعين
بالعجـل قومي اعرفيـه امنين صاحب هالفعل
------------------------------------
هالّذي كسّر اضلوعي و لطم خدّي اتعـرّفيـه
وذاك داحي الباب جالس بالعجَل روحي اخبريه
قـالت ملـبّب خـذوا حـيدر و ليـتِـج تنظريـه
قايـد الفرسـان حــيدر جيف قـادوه ابْـحَبل
------------------------------------
طـلَع لـكن ذوّبـت قـلـبي يَـفاطــم حـالــتـه
منكسر قلـبه و تجـري فـوق خــدّه دمـعـتـه
حـاير و يكـسـر الخاطــر يـوم دنّـق رقـبتـه
و بالحبل مقيود ما جـنّه أبـو حـسـين الفحَل
------------------------------------
شلون اخبره و عـيـنـه اتشوفـج يَزَهرا ورا الـباب
يسمع الصّيحه و يشوفـج يوم طحتي عْلَى لَعـتاب
شفته يتحسّر و اظن قلبـه من الحسرات ذاب
قـلت هسّا ايـثـور حـيدر يشـهر السّيف ابْـزَعل
------------------------------------
صاحت ام الحسـن يـدري بحالـي الليث الجسـور
و يترك العدوان تضربني و هُـو علـيّـه غـيـور
لـكن ابـقـيـد الوصيّـه امـقـيّـديـنـه و لا يـثـور
قومي تجـّي لـي ترى جسمي من الضّرب انتحل
------------------------------------
طلعت و لن الدّروب تموج مـن كثـرة النّاس
لقت داحي بـاب خـيـبر طوع يمشي اويَا لَرجاس
نادتـه حيدر ادركني وشافـها و نكّس الـرّاس
جذب حسره بَثـَر حسره و الدّمع منّه يـهل
------------------------------------
شافـته ملبّب و شهقت صارخه بدمعٍ سفوح
عـقب عـيـنـك يَـبِن عمّي ابهاليـتامى ويـن اروح
و العبـد بالسّـوط ألّـمها و هـي بجنبـه تـنوح
اتصيح ورّم ترى امتـوني العبد يا خير العمل
------------------------------------
بـالضّرب ورّم متـنها و حـيدر ايشوف و يـحن
صاح صبري مثل صبري اعْـلَى الهضم يـم الحسن
كـاتب الله يا بـتولـه انعـيـش بالـذّل و المحـن
لا تشـعـبـيني ترى ابْـنَار الحزن قلبي اشتـعل

شكاية الزهراء و عتابها لعلي G
الـمشتكى لله يَـبو الحسـنين مـن فـعـل لَصحاب
رحت انخّيهم و حتّى مْــن النّواخي القلب ذاب
]
مَدري تدري يا علي لـو مـا دريـت بحالـتي
رحت انخّي و لا شفت واحد يلبّي دعوتي
و جيت مهضومه و تجري فوق خدّي دمعتي
دنـهض و طالب ابـحقّي لـيش متـوسّد تراب
------------------------------------
مَنْـتـه داحي باب خيبر مـَنْـتـه طاعون الـزّلم
يـنّهب حـقّي و ضلـعي يكسر و عندك علم
لايذه ابظلّك يَكَهف الخايـف شلـون انظلـم
مَنْته لـيث الله يَـحيدر جيف تفرسك الذياب
------------------------------------
من شطَر مرحَب بْسيفه و من ردى بـن عبد ود
و من جلى ذيـج الكتايب عـن الهادي يوم أحـد
تـنـظـر بْعينك عـلـيّــه يلْـتوي سـوط الـعـبـد
طايحه و تسمع ونيني يـا علي فوق لـعتـاب
------------------------------------
من زغر سنّك يبو الحسنين جيـدوم الحَـرُب
غـوث كلمن يستغـيث امـن الشّرق و من الغرب
شالسّبـب مَتْغيـثني و مَتْني اسـود امن الضّرب
و الجنين اتعفّر و خر غصب من عصرة الباب
------------------------------------
وين سيـفك ما تسـلّه وين عزمـك يا فحــل
ويـن صولاتك على الفرسـان يـا خير العمل
آه يَحـبل الله المـتـيـن اشلـون قادوك ابْحبل
جذب حسره وصاح يم الحسن بس من هلعتاب
------------------------------------
هـذا سيفي و ساعدي و عزمي يَـبتْ خير الورى
لـو لـي رخصه جان شفتي هلَوغـاد امجـزّره
ولا أسـمعـج تندبـيـنـي و الـضّلوع مكسّــره
هاج عزمي يا بتوله و بالقلب شب التهاب
------------------------------------
تعــرفيني مـا تـرد عـزمي جنــود امـجـنـّـده
و سـيفي ابحـدّه المنــايا تلـوح كلـما اجــردّه
لـكـن ابـقـيــد الـوصـيـّـه هلـزنـود مـقـيّــده
بالصّبر موصي علـيّه المصطفى عالي الجناب
------------------------------------
ظــل ينـاشدها و تجـري فـوق خـدّه دمعتـه
و شهالعـصابـه يَـبـنـت المصـطفى و ريـحانتـه
قالت الطّاغي لـطَم خـدّي و عماني بلطمتـه
و نحل جـسمي بنبتـة المسمار يا ليث الحراب

دخول الحسنين عليها بعد شهادتها G
صاح سبط المصطفى و دمعـه على خـدّه انحـدر
ما تون امنا يَأسما ابـحـالـها مَـدْري اشْصدَر
]
ليـش مـا نسمع ونـين امنا و لا نسمع كـلام
انشا الله طابت العلّه وطاب ضرب ابن اللئام
لـو يَأسمـا سـافـرت عـنّـا و خـلّتـنـا أيـتـام
و الشّهيد يصيح لاتْفـاول ترى قلـبي انكسر
------------------------------------
سالمــه و يـاليـت يَبـْن امّـي كلامي لا يكون
فـالهـا فال السّـلامه و ليـت عـلّتـها تـهــون
قال خويه امنا نحيله و بهضها ضرب الـمتون
نسأل الله الضّلع لـمكسّر من الزّهرا انجـبر
------------------------------------
وين يَبْن امّي السّلامـه و الجسد منـها نحيل
و الضّـلع منها امكسّر و الـصّدر دمّـه يسـيل
ظنّتي يا نـور عـيني الــيوم و اللـيـلـه تـشـيـل
و الأسف مـا وصلت العشرين خويـه من العمـر
------------------------------------
صاحت اسما يـا ولاد المرتضى و روح الرّسول
ذاب قلبي و لَقدر احجي لْكم يَساداتي شقول
لكن الحجره ادخلوهـا و عاينوا حال البـتول
و بالـعـجل ودّوا لَبُوكم يا ضيا عيـني الخبـر
------------------------------------
و على الـزّهرا يـوم دخلـوا عايـنوهـا امّـدّده
نايمـه نـومــة الموتـى وسـاد ماهي اموسّده
بالـمصلّـى ويـل قـلـبي امسدّلـه علـيهـا الرّدا
خـرّوا عـليها و مدامعهم تهل شبـه الـمطـر

علي و الحسنين على نعشها G
صاح ابو الحسنين و دموعه على خدّه تسيل
ياحسن يحسين ودعوا امكم ترى حان الرّحيل
]
جذب وناتـه و تزفّـر و انتحـب خـير العمل
هـالجـنــازه ودّعـوهــا يـا يـتـامى بـالـعـجـل
لا تكثـرون البـواجي جسـم ابوكـم مـنـتـحل
طلـعـوا ايتـام الـوديعـه بالبـواجي و العـويل
------------------------------------
و زيـنب اتهل المدامـع و القلـب منهـا انـفطر
لازمـه ام كلـثوم و تنادي غـدر بـيـنا الدّهر
هـاي يا بويـه الوديعـه شـلـون تدفـنـها بقـبر
للقبر خذني وياهـا و لا تـخـلّيــني و تشيـل
------------------------------------
و المصيـبـه حـين وقفوا اشبالها فـو ق النّعـش
و مدّت إيديها على السّبطين و الكل اندهش
و ضمّت الأيتـام لـيهـا و ماج و اهـتز العرش
و اخذهم حيدر عن الـزّهـرا وعبـراته تسيل
------------------------------------
و من رفع ذيـج اليتيمه عـن صـدر ذاك الشّهـيـد
يوم مرّت فوق ناقـه و شافتـه فـوق الصعيد
راسـه ابخـطّـي و جـسـمه امـقطّـعـينـه بـالحديــد
خرّت تنادي يـبويه شال ظـعـني بلا كفيل

{ في رثاء امير المؤمنين (ص) }
وقوعه بالمحراب‚
وقع بالمحـراب حـيدر يشـد بـيـده طــبـرتـه
غاله الطّاغـي بن ملجم ويــح قـلـبي بْسَـجـدتـه
]
صارت الصيحـه وطلعـت كل بناته و البنـين
و زيـنب تـنـادي دقومـوا يخـوتي اتهدّم الدّين
بالسّما جبريـل يـنـعى انصاب اميـر المـؤمـنين
وَسفه بعـد المرتضى الإسلام طاحت رايـتـه
------------------------------------
زَلْزَل العـالم نـدا جـبريـل و الكوفــه تمــوج
و الخلق صارت ابضجّه و الارض ظلّت تروج
و الحسن فـز بـخوته و حـيـدر ابـمحـرابـه يلـوج
غـارج ابدمّـه و خضب ياويل قـلبي شـيـبتـه
------------------------------------
حـال شـيـعة حيـدر الكرّار يا حـالٍ فـظـيـع
مـن لـفوا لـه و عـايـنوه امخـضّب ابفيـض النجـيع
انفجعوا ونـادوا عقـب فـرقاك هالامّــه تضيـع
و شالـوا الكـرّار للمنـزل و تـفـجــع ونـّتـه
------------------------------------
و زينـب تـنــادي يَـبو الحسنين بـطّـل ونّتـك
هـيّـج احـزاني و فت قـلـبي مـعـاين طبرتك
ياحبـيب المصـطفى انقـاسي عظـيم امصيـبتك
لو نقاسي من العدو كـثر الشّماته و فرحـته
------------------------------------
عقب عينك ذلّت الـسّبطـين يا حـامي الجار
و الدّهـر يَمْـأمّن الخـايـف علينـا الـيوم جـار
مظلم العالم أُو وحشه مـن بعـد فقـدك الدّار
و النّبي و رضـوان مستـبشـر و تزهـر جـنّتـه

‌‌وصايا ه و عهده G
يا حسَن يانـور عيني اسمـع يـبويــه للكـلام
بـعـد فـرقـاي الله الله ابهـالحريم و هلَيتـام
]
بـاجر اتصبّـح اولادي و نسوتي بحـالٍ فظـيـع
ياحسن لَـيْكون هالعيـله عقب عيـني تضــيع
لاحظ الحرمه يَبويه و سكّت الطّفل الرّضـيع
وآنا باجر تفقـدوني و تبلغ أعــداك المـرام
يا حسن و امّا عضيـدك مهجتي حسين الشّهيد
ليت عينك تنظره عْلَى القاع مقطوع الوريد
و الخيول اتّدوس صدره و راسه يروح اليزيد
سكّن قليـبه تراهـو من عقب عينــك إمام
------------------------------------
و دار عيـنه على اولاده و دمعه ابعـيـنه يـهل
صاح جيـبوا لي أبو فاضــل و زينب بالعجل
نادتــه زينب يَـبـويـه هــذا خـيّي بـو الفضل
يا علي يا طـود عـزّي اتمـوت مَـتّم الصـّيام
------------------------------------
فـتح عـيـنـه و صاح يا عبّاس هـذي ابذمّتك
هاي من عندي وديعـه و طود لازم رقبتك
لا تـضـيّـعـــها تــراهي لايــــذه بـحـمـيّــتك
لا تـذل مـادام راسـك سـالم و سـالم الهــام
------------------------------------
قال انا و جعفر و عبـدالله و عثمان العطوف
كلـنا خــدّام الوديعــه و عزمنا يرد السّيوف
قــال يـبـني جـنّي ابعـيـني يـبو فاضل أشوف
جسمك امجــدّل و زينب حايــره بين اللئام
------------------------------------
نادتـه زينب يـَبويه عقب عينك ويـن اروح
و كل وكت تـالـي يَـبويــه شخصك اقبالي يلوح
جذب ونّـه وقال مقدر يا وديعـه على النّوح
دسْـتـعدّي يـا حزينـه للسّبى و دخـلـة الشّام
------------------------------------

وفاته و شهادته G
فارقت روحه و تزلزل يا خلق عرش الجليل
ماجت الكوفـه و ضجّت بالبواجي و العويل
]
و البنات الهاشميّـه امـن الخــدر طلعت تـنوح
و السّماوات العلـيّـه اتـزلـزلت و اعلـن الرّوح
و زينب تنادي عسى روحي قبل روحه تروح
لـيـت تدفنّـي يَـبـويــه و لا تخلّيني و تشيل
------------------------------------
واعولت واجذبت حسره والدّمع بالخد سال
تصيح يا عـزٍ تقضّى و للمقابـر قضى و شال
عجب يـا سيف الـمنايـا اتـموت يـا موت لَبطال
يا حسن يَحسين خلّونـا عن الكوفــه نشيل
------------------------------------
ردّت الكوفــه عليـكم يخْـوتـي ردّوا الوطـن
والدي شـيـخ العـشـيره شال عنكم و اندفن
يـا علي بْعـيـد البـلا جسمك يلـفّونـه بْجفن
ما يفيد الأسف و الحسـره و لا ينفع الويل
------------------------------------
قلت انـا بشيخ العشيره الـدهر يرجع لـي سـعود
عافني كهف الأرامل و استحب نـوم اللحود
يا علي السّفره طويلـه لو على اولادك تعود
ذاب قلبي و الجسد منّي على فراقك نحيل

------------------------------------

{ في رثاء الحسن(ع) }
محاورته مع الحسين عند إحتضاره‚
قوم يحسين ابعجـل للحـسن عــايـن حالتـه
لونــه متغيّر ترى و صـارت خفـــيّـه ونّـتـه
]
هلّت ادموعـه الشّفـيّـه و قـام لعضيده بْعَجَل
قعد يمّـه و عاين مْن المرض جسمــه منتحل
صاح يا مهجــة الـزّهـــرا ظنّتي موتك وصل
ســمع صوتـه و فتّح عيونــه و طوّح ونّتـه
------------------------------------
فتح عينـه و صاح يا بـاقي البقــيّه يـا شهـيد
قـعـدتك يـمّي يـبـو السّـجّاد خـبّرني اشْتريـد
يا عضيدي وداعـة الله الموت عنّي مو بعـيد
لا تصـد عـنّي ترى لفـراق حضرت ساعتـه
------------------------------------
و انا جم مـرّه شربت السّـم لكن ما جرى
مثل هالسّــم الذي بحشاي يَـبْن امّي سـرى
نحل جسـمي و المرض يحـســين لونـي غيّره
بــين ما هـو ايخـاطبـه و لنّـه امبطّــل ونّتــه
------------------------------------
و السّبط من عايـن اعضيـده و عينـه مغـمّضه
جذب حسره و صفج بـيده و حرّكه لـنّه قضى
و صاح قوموا مات اخوكم يا ولاد المرتضى
وظل ايـنـوح عْلى عضيده و لطم راسه براحتـه
------------------------------------
فارقت روح الحـسـن و حـسـين قـام يغسّله
نـاسٍ اتـجـيب الـنّـعـش و الـجـفن نـاس اتفصّلـه
و عـنـد شـيلـه نـاسٍ اتشـيـلـه و نـاس اتظلّـلـه
اشبـال هاشـم حايطيــنه و لـحّدوه ابْحفرتـه
------------------------------------
لكن انشدكم عـن حـسـين الشّهـيد ابْكربلا
مـن حفَر قـبره يَشـيـعه و يـا هُـو اللي غسّله
و يـا هـو اللي شـال جسـمـه ابوسـط لحده نـزّله
ظـل بـالرّمضا و لا لـه من يشـيل جنازتـه
------------------------------------
مـا حصل غـير الحراير يوم مرّوا عْلَى الهزل
صاح بـيـها لسـان حاله شيّعوني و ما حصل
هـوت زيـنب فـوق جسمه من على ظهر الجمل
تمسح الدّم عن اجروحه و هوَت تلثم رقبته

زينب تنعى للزهراء ولدها G
طلعت ابْدَهشه الحزيـنـه زينب تعج بالعويل
وقفت ابروضة الزّهــرا و الدّمع منها يسيل
]
اعْلى القبـر خرّت و مثل النّيب يا ويلي تحن
اتـقول قعـدي يا بتـولـه و شوفي افعال الزّمن
قومي الله ايعظّـم اجرج قطّعوا جبد الحسَن
نغّصوا عْليــه المعيشـه و مات يا زهرا نحيل
------------------------------------
لو تشوفـيـنه ابْعـيـنـج يـوم اخـوتـه مــدّدوه
حـين بطّـل ونّــته و غرّبت عيـنه و غمّضوه
فارقت روحـه الجسَد و عْـلـيـه خـر حسين اخوه
يصيح يـا كهف اليتامى شـلون تتركني و تشيل
------------------------------------
ماجت الرّوضه و صاح امن الضّريح لسـان حال
اتصيح يا زينب فجـعـتيني و مـنّي الدّمـع سال
تخـبريني و الخبر عنـدي أخوج الحـسَـن شال
و اوحش الدّنيا عزيزي و ضيّع أبناء السّبيل
------------------------------------
مهجـتي ذابت يَزينب يـــوم ذابت مهجــتــه
و انـا يمّــه يــوم طــر عـيـنـه يودّع لخـوتــه
قولي لحـسين الشّهــيد ايمـر عَلَيْ بـجْنــازتـه
ايهـيّد ابْـنَعـشه حذاي انجان يـبرد لي غليل
------------------------------------
و ظلّت تصب الدّمع من شافته عْلَى المغتسل
و الـشّهــيد ايقلّـبـه و مدامـعـه ابخـــدّه تـهـل
صاحت افراقك شعبني و الجسد مـنّي انـتحل
قلـّبه بْهـيده يَـبو سكيـنه ترى جسـمه نحيل
------------------------------------
آه يَبو محمَّد مصابـك شعَل وسط القلب نار
قلت الك جعـده اللعـيـنه لا تطب الها ابدار
قطّـعت يـا نــور عـيني قـلبك ابْسمـها امـرار
و انقضى عمرك على فراشك يَـبعد اهلي عليل
------------------------------------


{ في رثاء الحسين(ع) وأصحابه }
دخوله دار الوليد G
هِجْمَت الْـيوث الحرايب و الشّــعور امنشّره
و السيوف اعْـلَى لجـتاف اتـلوح كلها امشهّره
]
و بـو الفضل قدّامـهم و الغضَب لاح بغرّتــه
يصيـح لحّــد والـدي الكـرّار و انـا ضنـوتـه
زبد و ارعد و انذهل مروان بس من لحـظته
و صاح انـا عبدك يخــويه و لَـردان امشمّره
------------------------------------
عبدك و بـَمرك يَـبو السجّـاد آمـرني اشْـتريـد
و الله لو تامر لَطب الشّام و اخبصها و أزيد
حـيـدر الكرّار ابـونا ما يذلــنا احـــنـا يـزيد
و احنا معروفين كلنا اسباع عـند الزّمْجَره
------------------------------------
و حورب ابـن الحنفـيّه و نشر راسه عْلى لَجتاف
و صاح كلنا اشـبال حيدر ما نذل و لا نخاف
و من بريق السّيف بـيديه الوليد الموت شاف
و حفّت ابـبّدر المجـد ذيج النْجــوم المزهره
------------------------------------
ما حلاهـم يـوم حفّوا حـول عِزْهم ينْـتخون
و لو لـهم حصّلت رخصه يـعـلم الله اشْـيـفعلون
كلهم احـيـود و ضـياغم عالـهضم ما يصبرون
نكّسوا روس الأعادي و طلعوا اليوث الشّرا
------------------------------------
مدري غابت هالعشيره وين عن زين لعـباد
يـوم قـادوه ابحبــل يمـشـي و يسحب بلـقـياد
و الحرم خلفــه حواسـر و الأهـل عـنّـه ابعـاد
و الخلق تـتـفـرّج و روس العشـيره امشهّره
------------------------------------
ليت حضرت هالعـشـيره للحـرايـر و العلـيـل
وشافوا ادمومه من جروحه على النّاقه تسيل
نحّل اعظامه المرض و الحزن و الدّرب الطّويل
و بس يجــر ونّــه يضربونـه و زينب تنظره
------------------------------------
ليت حضروا فكّوا السّـجّاد من قيد الحديد
و شافوا الفاجـر يسـوم احريمهم سـوم العـبـيد
و عاينوا ذيـج الوديعه امجـتّفـه ابْمجلس يزيـد
بـين اعادي مسلّبه و بـيـتـام اخــوها امحيّره

وداعه لقبر جدّه المصطفى G
ماج قـبر المصطفى و بالـحال سـمعوا ونّتـه
من وقـع يـبدي الشّـكايه و ينتحب ريحانته
]
يصيح ضاقت هالوسيعه بْعترتك و الدّهر جار
وداعة الله مفارق اوطـاني يَجدّي و الديــار
ملك ابويـه و ديـن جـدّي اليوم بـيـد يـزيـد صار
عايف الدّنـيـا يَجــدّي و لا نعيش ابطاعـتـه
------------------------------------
غفت عينه وشاف جدّه المصطفى ودمعه يسيل
ضمّه الصدره و نـده يحـسـين عجّل بالرّحيل
مُهجتي جـنّي أشـوفك عاري ابْدمّك غسـيل
نور عيني و راسك اعْلَى الرّمح تسطع غرّته
------------------------------------
نور عيني جم تقاسي قبل ذبحك من مصاب
جم كهل تنظر رميّه و جم رضيع وجم شباب
و جم عضيد ايـهـد ركنَك يـا شبل داحي الـباب
و جم ولد ينْجدل و تعوف العمر من شوفته
------------------------------------
نور عيني و تهـتك العـدوان منّك جم خدر
و جم جليلـه مـن بنـاتي امروّعه بلــيّا سـتر
هلّت اعـيونـه السّــبط و انـتـبه و عيونـه تخـر
و اعتـنى القبر البتـوله امّه و هاجت زفرتـه
------------------------------------
عْلَى قـبر مكسـورة الأضلاع هـل دمـعـة الـعـين
صاح قعدي يا بتـولـه و عايني حـالـة حسين
أُوداعـة الله مـن الوطن عنكم اللـيله مسافرين
ما دريـتي بالعـزيـز الدّهـــر نغّــص عـيشـته
------------------------------------
ياللذي كسـروا ضلعها كدّرت عيشي الليال
ابهالـمطر و الـليـل لَظـلم شايل و عندي عيال
ذيـج لَـيّام الـزّهيـّــه اتـحوّلت و الـدّهـر مـال
و القـبر خيّه رجـع تكسر الخــاطر حالــته

خطاب زينب لابن عبّاس G
لحـّـد ايشـور عْـلَى والـينـا يخلّـينـا و يشـيل
مـا نطيق افراق اخونا و لا نحب غيره كفيل
مالـنا عيـشـه هـنـيّه انـجـان يـتركـنا و يروح
و يـتـرك اديـارٍ خـلـيّـه و يترك ايــتامٍ تـنــوح
يـبن عبّاس ارحم ابحـالي تـرى روحي تروح
و الله ما فـارق عزيزي وين ماجـد الرّحيل
------------------------------------
جان خايف يذبحـونـه و نـنسـبي سبي العبـيد
روحنا مـن روح اخونا وعـن قضى الله ما نحيـد
و ابصدرها انكسـرت العـبره وسـفح دم الشّهيـد
وصاح يخـتي انـتي الوديعـه من علي حامي الدّخيل
------------------------------------
و لفـراق ايصــير يـا زيـــنب ابـوادي كربلا
جـثّـتي تبـقى طريحــه مــن دمـاهـا امغسّـلــه
و انتي يخـتي تفـارقـيني فـــــوق ناقــه مهزّلـه
ما يظل ويّاج غــير ابـني عـلي لـكن عليـل
------------------------------------
و بـيكم اتـمـر الاعـادي و تـنظـريـنا امصرّعـين
و لا يـخـلّونـج يَمَحـزونـه الجــثـثـنا اتودّعين
و تـنظريـني بـيـنهم محـزوز راسـي و لـيـديـن
بـالرّمح راسي و جسمي امـرضّض ابحافر الخيل

وداع عبدالله بن جعفر بمكة G
فـي أمـان الله يَـشـمّامة الهـادي و مهجتــه
اتروح و انتَ الحـج لَكبر و الـمقام و كعبتـه
]
وين حجّك و المـناسك وين هديك و النّحر
ويـن زمْزم و الصّفا و وين المشاعر و الحَجَر
تطــلـع و تـتْرك الكعــبه ما تقلّي اشْهالعـذر
راد يتكـلّم أبـو سكـنه و هلّت دمـعـتـه
------------------------------------
صاح انـا غصبٍ علـيّه مْن ارض مكّه طلعتي
اتـلومني و الخــبر عـنـدك يَـبن عـمّي ابحـالتي
همّة العـدوان ذبحي و ذبـح قـومي و عزوتي
ترضى دمّي ينْسفك و البـيت تهتك حرمته
------------------------------------
يعرفـوني مـن قـبـل مـا طـيـع للفاجر يزيــد
و لا أحط للذّل راسي ولا أفر مثل العبـيد
و لو يظـل ظعني ابمكّه جان ما عـيّد العــيد
رِد يَبن عـمّي و خـل الدّهـر يفعل رادتــه
------------------------------------
و هالسّنـه عيـدي وحجّي اتعـين ابْأرض الطّفوف
و ارد اضحّي ابهالصّـناديـد الـذي حـولي اوقوف
هـذا جسمه امقطّعينه و ذاك مقطوع الجـفوف
و هذا ما يحضى ابساعه بـين عرسه و ذبحتـه
------------------------------------
لو تـشوف اشلون اهـرول مـن يـنـاديـني شـبـاب
و ابـتـدي بـالـتّـلـبـيـه و الـنّـوح مـا بـين لَطـنـاب
نـوب صوب المشرعـه و انظر قمر عدنـان غاب
و نوب وسـط المعركه للولد و ارفع جـثـّته
------------------------------------
و انـا بيت الله و اظـل من فـيض طبراتي غريــج
و الحجر نحـري يـبن عمّي و يتاماي الحجيج
وتسمع الها حول جسمي مْن الضّرب حنّه وضجيج
بـين اعـادي و العــدو تدري شديده وليتـه
------------------------------------
وادي حجّي غـير وادي و الشّهر غير الشّهر
و تنقضي كـل هالمناسك يوم عاشور الظّهر
أظل مرمي عْلى الثّرى ويركب على صدري الشّمر
يـفري أوداجي و مُهجْـتي مْـن الظّمـا مـتـفـتـّته
------------------------------------
و ثوب لمخرّق احرامي و ينسلب فوق الثّرى
و البس امخــيط الدّمـا و ابقى رمــــيّه بالـعرا
و يرتفع راسي عـلى الـذّابل و زينب تـنظره
ويل قلبي و تجذب الحسرات كلما شافته ‌

وداع عبدالله بن جعفر لزينب G
يالوديعه وداعة الله سافري ابْخدمة حـسين
سفركم و الله شعب قلبي اشْبيدي على العين
]
عـايف اوطـانـه و حجّـه و شايـل ابـقومه و هلَـه
نشـدتـه و قـلّي أنـا حــجّي ابـوادي كـربـلا
و انتي يـا بنت الـبـتولــه مـخــدّره و مدلّـلــه
عْلَى السّرى بالبر و رْكوب الجمل ما تقدرين
------------------------------------
ماخذ اخوانـه ضحـايـا معــزّم ايلاقي الممات
عيدهم عاشر محـرّم و الحـرم شاطي الفرات
و تصبحين ابـغـير والـي امـيـسّره و شملـِج شتات
افراقكم يصعب عليـنا و هالقضا جانا منين
------------------------------------
و الله لـو لـيّـه اسـتطاعـه جـان فــزت ابْـنصرتـه
و افـدي ابروحي يَزيـنب دون اخوج و مهجـتـه
اُويـاه أنـا اتمنـّيت اجاهـد و انـذبـح مـثل اخوتـه
لكن اولادي ثلاثه و للسّبط منهم اثنين
------------------------------------
هـذي أولادج خـذيـهم يخـدمونـج بـالمســير
لو نزلـتـي و لو ركبتي بالفـيافي عْلَى الـبعـير
إنجـان جيـتوا الكربلا و شـفتوا السّبط مالـه نصير
بذلي أولادي ضحايـا دون ابن طـه الأمين
------------------------------------
رفـع صوتـه بالعويل و صاح و دموعه تصُبْ
سامحيـني اوداعـة الله و انشعب مـــنّه القـلب
نادتـه امسامح يَـبن عـمّي تـرى افـراقـك صعـب
لكن امفـارق الرّوح اهـون مـن امفـارق حسين
------------------------------------
مقدر عْلَى فْراق اخـيّي ويـن ما حط و نـزل
راضـيـه بْقطع الفــيافي اويـاه و ركوب الجَمَل
و اطـلب مْـن الله يسلمـه و يجتمع بـيـه الـشّـمل
هالمعزّه عقب اخويه حسين تحصل لي منين

إبن الحنفية و هلال عاشوراء G
لا تنشديني عــن احوالي يَـبنتي القلب ذاب
هـل عـاشور و شعبني و مفرقي مْن الحـزن شاب
]
شاب راسي يا حزينـه و بـيرق العـز انطوى
من بـدى هلال المحرّم منخسف منّـه الضّوا
و اســمع يقـولون اخويـه نزل وادي نينوى
للبجا قومي استعدّي و البسي ثوب المصاب
------------------------------------
قالت هـلال المحـــرّم لو بـدى قلّي اشْيصـير
قـال بـيـه اجساد توقع بالثّرى و روسٍ تطير
جـنّي أنظــر بـو عـلي مـحتار معدوم النّصير
هالشّهر هـذا الـيـفـرّق بـيـنّا و بـين لَحـباب
------------------------------------
نـادتــه كـثر البـواجي و النّـياحـه مـا تفـــيـد
قوم و اسأل عن أخوك حسين يا وادي يريد
و اسأل الرّكـبان عـنّه بـيا بلد عـيّد العـــيد
هالحجي خـلّـه شعـبت اقلوبنـا يَـبن لَنجاب
------------------------------------
شالسّبب زادت احزانك من نظرت الهالهـلال
ذوّبـتـنا لا تفــاول عـلى اخـوانـك هلَـفـوال
بـالسلامه ايعـود ابـويـه انشـا الله و ذيـج لَبطـال
قال ما فاول يَبنتي و هالحجي عين الصّواب
------------------------------------
يـوم عاشـر هالشّـهر جنّي يمَحـزونـه أشوف
جسم أبوج حسين عاري مقطّع بْضرب السيوف
و اخوتي هذا طعين و ذاك مقطوع الجـفوف
غسلهم فيض الدّما و اجفانهم سافي التراب
------------------------------------
صرخت وصاحت يَعمّي عن اخوانك ليش جاي
قلها لا تهيجي همومي امـن الأسف ذايب حشاي
كلهم ايروحون و انا ما حصل لـي عـلى هواي
و انـتي اتعرفين عمّج ما يهاب امـن الحراب
------------------------------------
عزمي وياهم أروح و ردني حسين الشّهــيد
لولا أمـره جان أنا عليّه الدّرب ماهو بعـيد
لَوَنْ حاضر يوم عاشر جان ذاك اليوم عيـد
لَطُب واخبصها واخلّي السّيف يحصد بـلرقـاب
------------------------------------
و احمل عْلَى الميـسره و عبّاس يحمل عاليمين
نصرخ اعْلَى الخيـل و نشق الصفوف مفرّعين
لكن اشْبـيدي نصيـبي مـا احتضى ابـنصرة حسين
قـاعـد و شغلي البجـا و بـنصرته اتفـوز لَجناب

رثاء مسلم بن عقيل G
مسلم ابْـولـية أعـادي وين قومـه و عزوتــه
فــوق عالي القصر جـزّوا يا ضـياغم رقبتـه
]
انذبح و دموعه عْلَى أهله فوق و جـناته تخر
وقع راسه و جثّـته يا خـلق من فوق القصر
و الرّوايا شهّروهـا و شهـروا اسـيوف النّصـر
وخل ابو فاضل وسـط كوفان ينشر رايـته
------------------------------------
رايــة الكـرّار نـشــروهـا و ثـوروا بـالـفـزَع
على الكوفه و زلزلوها مْن القصر مسلم وقع
شانكم عــز و مـعـالـي مـا تعـرفـون الجــزع
ويـن ابـو سكنه الشّفـــيّه ما يذب عمامــته
------------------------------------
الكم يـبو سـكنه جـنازه مـالـها مواري ترى
امْن القصر للــقاع خـرّت بالـتّراب امعــفّره
اجـنازة الطّاهر ابن عمّك اضلوعـه امكـسّره
تنسحب فـوق الصّخر بـين الـخلايق جثّـتـه
------------------------------------
يـا صناديــد الحـريـبــه ويـن ذيـج الـمرجـلـه
بالحبـل ينسحب مســلم جي رضيـتوا ياهلـه
ما جـرت عـاده الجــنايز تنسـحب بـين الملا
وين عبــدالله بـن مســلم ما يعاين حالـــته
------------------------------------
ويـن ابو سكنه الشّفـيّـه مـا يسل سـيفـه و يـثـور
وين جـعفر وين عبــد الله و عثـمان الغـيور
عـن ذبـيح ابـدار غربـه ما احـتـضى ابْنوم القبور
لا يذلـكم هالدّعي ابن زياد هجـموا كوفته
------------------------------------
يا ليـوث الغاب جيف عْلَى المذلّــه تصبرون
هـذا مسلم مثّـلوا بيـه شالسّبب مـا تنهضون
يَـبو فاضل يـا عـلي الأكبر يَجـاسم مـا تجـون
تـنـغرون الـولـد عـمْكم تـرفـعون اجــنازتـه

رثاء ولدي مسلم G
خـر على عضيده و دموعه عْلَى الخدود منـثّره
وذاب قلبه من نظـر لــه يضطرب فـوق الثّرى
]
جذب حسره بَـثَـر حسره و الصّدر فوق الصّدر
يشعب قلـيب الـيـنظره و ونّـته اتفت الصّخر
ايصيح بـيـه اوداعة الله و آنـا خويـه عـلى الأثــر
يـنشـعب قلبي مْـن اعـاين هَلَوداج امهـبّره
------------------------------------
و الرّجس ما لان قلـبه و لا رحم مـنّه الحال
شـهر سـيفه و قطـع راسـه و عـفّره فـوق الرمـال
و الـعجوز اتصيح انـا اشبـيدي علـيـكم يَـلطـفال
و الدتكم ريــتـها اتـعــاين جـثـثـكم بالـعـرا
------------------------------------
جبتكم يَولادي عنـدي ظـنّـتي عنــدي نجــاة
صرت يَولادي سببـكم و جْـلبــتكم للممات
روسكم راحت هدّيه و الجثث وسط الفرات
ذبحـكم نحـّل ترى اعـظـامي و قلـبي فـطّـره
------------------------------------
خالكم مذبوح و امكم ركّبـوها عْلَى الهـزل
و الأبو مسـلم عقـب ذبحــه يجرّونـه بْـحَـبـل
و المديـنـه مْـن العشيره مقـفره و خالي النّزل
غـلّـقـوا ذيـــج الـمـنـازل و لَبـواب امـغـبّره
------------------------------------
ذاب قـلـب امكم علـيكم دابـها تـبجي و تـنـوح
راحـوا أولادي ابهالـبر فـي طلبهم مـن يروح
ليـتني بـس فارقوني مْـن الجسـد تطلع الرّوح
ابهالفـضا فـرّوا و انـا مـن غـير والي امحيّره

بكاء بنت مسلم G
طلعت سكينه و يتيمة مسلم اتهـيل التراب
فوق هامتها وقلبها اندهش مـن عظـم المصـاب
تجـذب الحسـره و تـنـادي راح ابويــه و لارجع
و صرت مـن بعـده يتيمـه و القلب مـنّي انصدع
طـود عـزّي بالحفـيره يـا خلـق خـر اُو وقــع
اوحـيد ما عـنده عشيره حايـر ابّلدة اجناب
------------------------------------
اشْـقالت ابوسـط الحفـيره يـا حمـاي ارويحـتك
حــايـر امجـتّف و دم الوجـه خضّب بردتـك
مـن مسح دمّك و ياهُو الشد يَـبويه طبرتك
بـين عدوان و هلك عنّك يَـبو طـاهر اغياب
------------------------------------
يَـبو عــبدالله يَـبويـــه ريـت وارانــي الـقــبر
و لا دهــتني هـالرّزيّــه و لا سمـعـت ابْهـَالخـبر
و انـا كـل يوم ارتجـي اتجـيني هدايـا هالسّفر
كلّما اطــرّش تحــيّه مـا تـرد لـــيّه جـواب
------------------------------------
طـلعت سكينـه تسلّـيها و تـهل دمعـة العـين
اتصيح هـاي اوّل مصيـبـه اتصبّري لا تجزعين
و اطلبي مْن الله يسلّم عصمة الخايف حسين
و الـخلف بالله و بخوانـج صناديـد الحراب
------------------------------------
ريت يخـتي الدّهـر يقنـع منّـج ابهاللي جرى
جان ماكل هالعشيره تـنظريـها عْـلى الـثّرى
وجـان مـا جـثّـة ولـيـنا تـنـظـريــها امـطـبَّره
وجان ما تخلى الخيم من كل شـيخ وكل شـاب
------------------------------------
و جان مـا نـبقى غرايب ضايعات ابْلا ولـي
و ينـذبـح عـبّاس و الجاسم مَـعَ الأكبر عـلي
و جان ما زينب عقب عزها و خدرها تنولي
و جـان مـا تهجم علـينا الخيل مـا بــين لَطـناب
------------------------------------
بَـسِّـج مـن الـنّوح يَخـتي و اتـركي كـثر الحـنـين
نطـلب مـن الله نــرد لَرض المدينــه سـالمين
يطلع الله يـا حزيـنـه جان مـا نفقـد حسـين
و من عقب عـينه نضيع و نـنسبي بـين لَجناب

حبيب بن مظاهر الأسدي G
يــا حبيب ابــن البتولــه لا تخـلّي نصرتـــه
ابْكربلا ايقولون ظل محصور بَهلـه و اخوته
]
ابكربـلا يقولون شـبل المرتضى حــط الخـيم
مـا لـه نـاصر يـا حبـيـب و عـنده اطفال و حرم
و جان راح حـسـين مـا يـرتفـع للشّيعه علَم
ترضى لــيّه بالخـدر و حسين تسبى نسوتـه
------------------------------------
وقفت اتـنـخّي و تخـمـش للخـدود امـفرّعــه
انـجـان مـا تـنهض ابـهمّـه و تطب ذيـج المعْمَعَـه
جـيـب لعمامـه يَـبن عمّي و خـذ هالـمقـنـعـه
و ظل حبيب ايعاين الها و غصب هلّت دمعـتــه
------------------------------------
صاح ما يحتاج هالنّخوات بطلي امـن الحنين
آنـا عـبد ابن الرّسول و عــبد امـير المؤمـنين
ذاب قـلبي مـن سمعت ابكربلا خـيّم حسـين
و اسمــع ايقولون جـيـمان الأعـادي حاطــته
------------------------------------
ما حلى ذيـج الشّمايـل يـوم طـب الكربــلا
و طلـع عـبّاس البطـل بَولاد اخوه يستـقـبلـه
مرحــبا ايقلّــه الشّهـيـد و زينب اتقـلّـه هـلا
وصل مستبشر لـبو سكـنـه و تناول رايتــه
------------------------------------
جـاه من زينب سلام و مدمعه بالحال سـال
و اقبل ايسلّم على الحورا و على ذيـج العيال
صاح يا وَسْفَه يَزينب تركبين عْـلَى الجـمـال
حيّـتــه بـَحسـن تحـيّه و سـر قلبها بْنخوتـه
------------------------------------
صـاح زيـنب يـالذي مـن قـبـل جـنـتي امـدلّـلـه
اتروح شيعتكم طـبق فـوق الصّعـيـد امجـدّلـه
أرواحــنا تطلـع و لا تركبـين نـاقــه امهزّلــه
فـدوه لحـسـين الشّـفـيّه اتروح كلها شيعته

سقوط العباس بالمعركة G
طـاح ابو فاضل و راح يغرّد ابصوته البشير
شـمل عدوانك تشـتّت قَـرّة عيـون الأمـير
]
قرّة اعيونك عمـيـد الجــيش بالمـيـدان طـاح
بـيرق العزّ انكسر منهم و عزم حسـين راح
هسّا من بعده يظل كالطّير مكسـور الجناح
منكسر ظهـره يدير العين معــدوم الـنّـصير
------------------------------------
وقف معـدوم الـنّصير حسين و دموعه تهـل
صاح يَعْضيدي وقــع وَسْفَه عـلى الـقاع الحــمل
بـعـدهـا ابْـتَـنـواك سكـنـه و بـيـدها بعـده الطّفل
و جان اخبّرها اوقعت بَـحـوالهـا تدري اشْيصير
------------------------------------
حزام ظهري و يا كفيل ايتامي اشبيدي عليك
بطّل ونينك و قـوم اخـتك تـراهي ترتـجيك
هـذا رمحك هـذا جودك ويـن سيفك وين ايديك
فتح عيـنه و ظل لخـيّه حسين بزنوده يشير
------------------------------------
يشـير لـعْضيده بزنـود مقـطّعه منها الجـفوف
سهم البعـيـني دشلْعــه و اغسل الدّم جان اشوف
أنظرك نظره قبل موتي يَبو سكــنه العطوف
ملتظي وروحي افْـغَـرَت يحسين من لفح الهجير
------------------------------------
قـعـد عـد راسـه ايـتـلوّى و رفع خـدّه مْن الثّرى
و رد سحب راسـه الشّفـيّه و بالتّرايب عفّره
ايقلّـه جـثْـتك عقب ساعـه اتظـل رمـيّـه ابهالعرا
تشيل خدّي مْن الثّرى و تالي يظل خـدّك عفـير
------------------------------------
لا تـودّيني الخـيـمه يـا عضيـــدي و مهــجتي
ينـصدع قـلب الوديعـــه بس تعـــاين حالتي
لا تفــارقــني تـرى قـربـت يخـــويه مـوتــتي
و جذب ونّاتـه و غدت عينه لخيـّه تسـتدير
------------------------------------
فـارقت روحــه و ابـو السجّـاد مـدّد جـثّــته
و غمّض عيونـه و على الخـدّين هلّت دمعته
أيّس و قـام و مـثل مـا قــال قـلّت حيــلـتـه
و رجع قاصد للخيَم يجذب الونّـه مستحير

رجوع الإمام بعد مصرع العباسG
يـا بنات حسين قومن رَدّ ابو سكنـه وحـيد
شـوفـتَه مكسـور ظـهره ظنّتي راح العضيد
]
صرخت ام كلثوم و سكيـنه و طـلعن بالعجل
و زينب تصيح انهتكنا جان ابو فرجه انجدل
و الشّـهـيد حـسـين ينحب و الدّمع منّه يهل
نادتــه سكــنه العـزيزه ويـن عمّي يا شهيد
------------------------------------
بس وصل شـيخ العـشيره دارن عليـه الحرم
و زينب اتـنـادي يخـويــه ويـن شـيّال العـلم
قـال مـنّا يـا حزيـــنه بو الفضل باع السّهم
و استحب نوم الشّريعه وجيت يا زينب وحـيد
------------------------------------
لو تـشـوفـيـنـه يَزينب جـيف مقطوع الزّنـود
و العلم يمّــه وقـع و الرّاس مفضـوخ ابْعَـمود
قالت انْـأَيّـس أجـل عـبّاس لـيــنا مـا يـعــود
قـوم نمشي انْعـالجــه قـال المعـالج مـا يفــيد
------------------------------------
قالت اوصف لي أحواله قال مـخـّه عْلى الجـتوف
و السّهم نـاشـب بعينه يـا حزينه و لا يشوف
شعر راسه مخضّب بدمّه و مقطوع الجـفوف
يختي والله انكسر ظهري يوم شفته عْلَى الصّعيد
------------------------------------
نـادتــه دنهـض ابهالـنّـسـوه نـروح الجـثّــتـه
و ناخــذ اويانا نعـش حـتّـى نشــيل جنازنـه
كافـلـي يـا بـو عـلي ودّي أعـــايـن غــرّتــه
قـال مـا يـنشال يـا زينب امقــطّع بالحــديد

زفاف القاسم بن الحسن G
يالّذي عْلى المشــرعـه ظـلّت رمــيّه جـثـّته
هــذا جــاسم زافّيــنه انهض و عاين زفّـتـه
]
جان يـا كبـش الكتـيـبه بـيــك للنّهضه جـلَد
فـزّع اخوانك و ثوروا بْعَــجَل زفّـوا هالولد
وصّــل زْفَافه و انا مفـرود ما عنــدي أحــد
بـس حـريــم اتجـر ونّـه و القـلوب مفــتّـتـه
------------------------------------
قوم بسّك يا قـمـر عدنان من نــوم التراب
وقّض اشبال الهـواشم و البسـوا جديد الثياب
و الذّوايب سرّحوها و قومـوا انزف هالشّباب
و انـتـخـوا جـدّام جـاسم جان تـنْشَـف دمعـتـه
------------------------------------
و زينب اتقـلّه يَبو سكـنـه افْجَــعـتْنا ابْهَالـنّـدا
عـرس عـدْنـا شـلـون يـبن امّـي حــزنّـا اتـزيّــده
يـا الـولي اتْـنخّي جـنـايـز عـالوطــيّه امـمـدده
و دمع ابن خيّي جرى و حِسْها تنعّي زوجته
------------------------------------
و رملـه مـا بـين النّسـا تلطم صدرها معولـه
ردْت انـا ازفاف الولد بـوجود قومـه وكـل هـلَه
مـا دريت يصـير عـرس ابـني ابـوادي كربـلا
و ينظر بعينه على الرّمـضا عمامه و اخوتـه
------------------------------------
اشلون يـا مظلوم عرسه و انتَ معدوم النّصير
و الـعـرس ويّـا الجنــازه ابْـيـوم واحـد مـا يصـير
جذب حسره وقال انا ادري ابهالولد عمره قصير
لكن ابـن امي وصاني شْلون اخلّي وصيّته
------------------------------------
هـل دمع جاسم و صـاح القلب يـا عمّي انكسـر
لا تزفّونـي يَعَــمّي جــان انــا عمـري قـصـر
و خلني أطلـع للمنـــيّه و انـتـو حفروا لي قبر
ضمّه الصدره و بـجى و الكل يجذب حسرته

ما بعد مصرعه G
قشّعوا فرشـة الجاسم لبّسوا سكنـه حـدود
هلمـدلّل قـومـــوا انـزفّــه يَزينــب للّحــود
]
خلّوا اسكـينه تشـق الجـيـبها و تحـثي الـتّراب
عـن العرّيس اخـبروها ابهـامـته يَخـتي انصاب
نـادوا الرمـله تجي و تشـوف حالة هالشّباب
تجري ادمومه و مخ راســه على صفاح الخدود
------------------------------------
ظـلّت اتـنادي يَسكنـه بـدّلي عرسـج انـيـاح
تـرى حـسـين الظّهر مـنّه انكـسر و العرّيس راح
طلعت سكينه و لقَت جسمه اموزّع بالجراح
هـوَت فوقـه و ظل يعاينها وهـو ابـروحه يجـود
------------------------------------
طلعت امّـه تصـيـح يـا جسّـام ظـل مظلم البـيت
فـتّح اعيونك عسـاني عقب يومك لا بـقيت
ساعه امعرّس و ساعه فـوق صدر حـسـين مـيْت
و اظن يَـبني القمر بالذّابـح مَهـو ســعد السّعود

رثاء علي بن الحسين الأكبر G
حـلّي احزامه يَليلى و غمّضي عـين الشّباب
و ارفعي خــد لـمدلّل مهجتي عـن هالتّراب
]
شـدّي اجروحـه يَـزينب فـطر قـلبي ابـونّـتـه
و بالدّمـع بالله دغسلوا هـالدّما عـن وجنـته
يخـتي شـدّوا ابهالعمامـه طـبرة اللي ابجـبـهـتـه
يـا عـلي و الله قـمر لكـنّـه اتكـوّر و غـاب
------------------------------------
مـا تهنّيت ابْـشَـبـابـك لـيت عـيـشي لا هــنا
يــا قـصير الـعمر يـبني لـيت يومـك لا دنــا
عـلى الدّنـيـا امْحَسَّر و عمرك ثـمنـتـعـشـر سـنـه
عَفْيَه قلبي شلون صابر جيـف مَـتـفـتّت و ذاب
------------------------------------
هـيّجت نــيران قـلـبي يــا شــبـيـه المصطفى
نـور عـيني عقب عينك يـا ضيا عيني انطفى
بعدك آنـا العمر ما ريده و على الدّنيا العفا
عذب موتي من عقب فرقاك و العيشــه عذاب
جَـف دمــع لـيلى مـن الدّهشه و تقلّب بالجروح
حــايره و تْصيح يَـبـني ضـيّعـتني ويـن اروح
جان يَـبني تروح روحك روحي ويّاها تروح
نومتَك ذوّبت قلبي و راس ابوك حسين شاب
------------------------------------
فـتَح عينـه و عاين امّـه و قال صبري الأمـر فات
و زيــنب اتْـناديــه سالم يـا مـلاذ الضّايـعات
شبح ليها و جذب حسره و غرّبت عينه و مـات
وقام ابوه حسين ودموعه تصب صب السّحاب

مصرع عبد الله الرضيع G
شـال طفـله حسين بـيده ايخـاطب اجمـوع العدا
هذا طفلي يموت ظامي و ذنِب منّه ما سدا
]
ويـح قلـبي مـن رفـع طـفلــه امقــمّـط و اعـتـنى
ايصـيـح جـان الذّنب مــنّي هـذا طفلي مـا جـنى
عجّـلوا لــه ابقـطرة امــيّه ترى عمـره دنـى
مْـن الظّــما يابس لسـانـه و الجــبد متْمرّده
------------------------------------
صاح بن سعد الرّجس يا حرمله رد الجواب
لا يكون الطّـفل يرجــع بالسّلامــه للاطـناب
شوف نحره يلوح مــثل البـدر مـا بـين السّـحاب
و الرّجس ما لان قلبه و طوّقـه ابْسَهم الرّدا
------------------------------------
فـرفـرت روحــه و فـك ابـوجـه ابـوه اعويـنـتـه
و ذاب قلب حسين من شافـه املولح رقبـته
و انحـنى ايشـمّه ابْـنحـره و غسل دمّـه ابْدَمـعـتـه
و رجع و دموعه يهلْـها و إجت سكنه اتْـنَاشده
------------------------------------
تصيح بويـه اسقيت اخـيّي و جـيتني ابفاضل الماي
بالعجل بـرّد غليلي مْن الظّما ذايب حشاي
خان بي دهري اشْبيدي عْـلَى الذي ايروّي ظماي
جذَب حسره و حط اخوها بـين ايديها و مدّده
------------------------------------
قـالت اشْـصايـر بـخـيّي اتمـدّده فــوق الـثّرى
قـال انـا لا تـنـشـديـني و شوفـي ابحـالـه اشْجرى
صـدّت و لــنّـه امـفـارق و لَـوداج امـهـــبّره
صرخت و نادت يخويه اشهالذّنب منّك ســدى
------------------------------------
زغـيّر و نحّلت جـسـمي ونّـتك و القلب ذاب
وَسـفَه يَمـدلّل يظـل معــفور خـدّك بالتراب
للرّضـيع ابـعَجَل قومي و افرشي لـه يا رباب
ذايـب امـن الشّمس خـدّه وساد جيـبي انْوسّده
------------------------------------
طلعت امّه من المصيـبه تصـرخ ابْحالٍ فظـيع
طفل و مخـضّب ابدمّك آه يـعبـدالله الرّضـيع
ردتك التـالي زماني لا أظـل حرمه و اضــيع
جان ليّه اتصير سلوه ليت روحي لك فدا
------------------------------------

وحدة الحسين وخطابه لأنصاره G
طب ابو سكنه المعاره ايشوف قومه وعزوته
وقف يجري الدّمع و بصدره انكسرت عبرته
]
ضل ينـاديهم يَفرسـاني تخلّونـي وحـــيـد
شالسّبب عفتوا مخـيّمكم و نمتوا عْلى الصّعيد
لا ولد لـيّه بـقى يحـمي حريمي و لا عضيد
و بـن ســعد بعدي يـيـسّـر هالحـراير نيّتــه
------------------------------------
شلـون يـا عـبّاس تتركني و حـريـمي امحــيره
عـايف الخيـمـه يَـبـو فـاضــل و نايـم بالثّرى
و هاي زينب عقب عيــنك بالحرم متْمَرْمره
و تدري باليفْقد عضيده اتقل يَخويـه حيلته
------------------------------------
و عـاين الجاسم اجفوفـه امخضـّبـه و دمّــه يسـيح
وقـف و دمـوعـه يهلها و القلب منّه جريح
صاح يَـبن الحسن ساعه امعرّس و ساعه ذبـيح
على مصابك جيـبها سكـنه العـزيزه شقّـته
------------------------------------
و بـس نظر لَكـبر علي و عـاين اوصالـه امقطّعـه
نسى الجاسم و العضـيد اللي ابْجَنب المشرعه
و انحنى فوقـه و غسل طـبرة الـرّاس ابْمَدمعه
وجذَب حسره عْلَى الولد والحزن ذوّب مهجته
------------------------------------
صاح يَشْبيه النّبي مـا شوف لك شبه و مثيل
قوم نرجع للخـيَم سكّت النّسوه مْن العويل
شاب راس امّك يَـبويـه و الجسد منها نحيل
آه يشـابٍ فـارق الدّنـــيا و راح ابحـسـرتـه
------------------------------------
و عاين اخوانـه و بـني عمّـه ابْنَجيع الدّم تموج
جانت انجـوم العـلى و خـرّت مـن ابروج السّروج
وقف يعتب متّجي عْلَى السّيف يـا ويلي و يلـوج
و اخذ ينخاهم و هُم فوق التّرب من وحدته
------------------------------------
صاح يَزْهير و يمسلم يـا هـلال و يـا حبـيب
صحـبتي كلـكم نسـيـتوها و تركـتوني غريب
مـا تجـون الهاليــتامى ذوّبــوني مـن النّحـيـب
ظلّت اجثـثْهم تمـوج و تضطرب من نخوتـه
------------------------------------
اتصيح سامحنا يَـبو سكنه ترى احنا امصّرعين
شوفـنا هـذا اجفوفـه امقطّعه و هـذا طـعـين
صـاح معذورين ياللي عْلى الـتّراب امجـزّرين
واقبـل عْـلَى مخـيّمـه عـزمـه يـودّع نسوتــه

وداعه نسوته و عياله G
رد ابن حيـدر للمخــيّم يـكفـكف دمـعتـه
وقـف ما بـين الخــيم عــزمه يودّع نسـوته
]
يصــيح يا زينب ابهالنّـسوه و لَيـتـــام اطـلعي
و بالعجـل يمْخــدره مـنّي تعـــالي اتـودّعي
و قـرّبي لـــيّه جـوادي و شـيّعـيني المصـرعي
طلعت اتـقــود المـهُــر و الجـبد منها امفتّـتـه
نـادتـه يا نـور عيــني شفــت مثـــلي بالدّهر
للمنــــيّه ماشي ابن امّي و ادنّي لـه الـمـهر
قـلـبي امقـاسي مصايب يالـولي اتفتّ الصّخر
خرّت اتوَدعـه و بالـمـنـحـر يَويـلي شـمّـتــه
------------------------------------
فـتـح باعـه للـوديـعـه و ضمّـها ضم الوداع
صاح خويه وداعة الله و قلبها الذّايب ارتاع
غدت مدهوشه تضمّه الصدرها و الرّاي ضاع
نادت اليـوم الـدّهـر يحســين شـملي شتّـتـه
------------------------------------
قـال شفـتي يا عـزيـزه مـثـل خـيّـج بالـملا
ذبحـت انصاره طـبـق حـتّـى الطّفل مـا ظـل الــه
و ينـظر اولاده و اخـوتـه بـالـتّراب امجَــدّلـه‌
و الحرب شبّت لظى و العطش مـض ابْمُهـجتـه
------------------------------------
و حال سكنـه حال لَقشـر يـوم اجــتّـه اتـودّعـه
تـنـتحب و تصـيح عـزّ الحـرم ماشي المصرعه
سمعها اتـنــعّي و تحـدّر فــوق خــدّه مدمعــه
و احتضن ذيـج العزيزه و ظل يجذب حسرته
------------------------------------
نوبٍ ايضمها الصدره و يجذب الحسره و ينوح
و نوبٍ اتشمّه و تـقلّـه عقب عيـنك ويـن اروح
هـذا طـير الـيـتم يَمْشـكّر على راسي يلـوح
و الحرم ضجّت على حالـة سكـينه و حالته
------------------------------------
صاح يَسْكينه ترى نوحـج عقب ذبحي يطول
عقب عيـني يا حزيـنـه اتكـابدين امـرٍ مهـول
تنظـريني عْلَى الثّرى و الجـسد ميدان الخيول
و انتي حسره عْلى جمل تنحل القوه مشيته
------------------------------------
نادتـه مـاني العزيــــزه اللي تودني يا شهـيد
اشلـون تـتركني غريـبه و الـوطـن عـنّي بعـيـد
بويــه ترضى غـــيـرتك حسّر يـودّونا اليزيد
بـين اعادي و العـدو صعـــبه يَـبـويـه وليتـه

محاورته مع الرباب عند الوداع G
ودّع حسين الحريم و طلعت اتـنـوح الرّباب
شافها و هلّت ادموعه و القلب بالوجد ذاب
]
وقفت اقـباله و على خـدها المـدامع سـايلـه
و خـرّت و حـبّت اقدامـه امدوهشه و تسايلـه
عـقب عـيـنك مـن يـشـيل ابـهالحـرم مـن كربلا
كلنا نسوان و غرايب جيف نمشي اويا لَـجناب
------------------------------------
تمشي و انـا ابذمتك يحْسين يا حامي الدّخيل
عفتني و انا العـزيـزه و لا تـعـيّن لـي كفـيـل
من يركّب هالنّسا و يبرى الهوادج من تميل
و الخيم تدري مَظَل بـيـها من الفتيه شباب
------------------------------------
قلت انا ايعيش الطّفل و اسلي اهمومي ابْشوفـتـه
و رحت تطلب له اميّه و العطش فَتْ مهجته
و جيتني بذاك الطّفل و السّـهم فاري رقـبتـه
سلّمت لله و قلْت امْن الاولاد الـظّن خاب
------------------------------------
قلت بحسـين الخـلَـف ياليت يفداه الوجــود
يرجع اوطانه ابْسَلامه و الدّهـر يرجع سـعود
سمعـها و سالت دموعـه و ظل ابو سكنه يجود
صاح ذابت مهجتي بطلي البواجي يا رباب
------------------------------------
جـان شـفتي جـثّتي فــوق التـراب امطــبـّره
و دارت اعلـيّه العـدا بالطّـعن و الرّاس انبرى
ظـلّـلي جسـمي قـبـل مـا تـركبــين امـيـسّـره
و باري سكينه العزيزه جان هجموا عْلَى لَطناب
------------------------------------
الله الله ابهاليتـيمه لـو سـرى زجـر و حـدى
و ركّبوها عْلَى هزيـلـه امـيـسّـره بـين العــدا
عـزيـزتي لا تـتـركـيـها يــا ربــاب ابــلا ردا
خــايف العـدوان تسلـبها حلـيها و الثـيـاب
------------------------------------
جـنّي أنظـرها يـتـيـمه امـشــرّده مـن هالخبـا
امروّعــه تطلـب الـملـجا ابهالفـيافـي امسلّبـه
اتحوم مذعوره و مـن ضرب الســياط معذّبـه
تلتجي بْزينب و زينب راسها مْـن الضّيم شـاب

صولات الحسين و مقتله G
صال ابن حيدر و جرّد عزم حيدر و الفقار
و ظلّت تموج العسَـاكر هَلَع و اظلمّ النّهار
]
ذكّر العـدوان صـولات الوصي من صــولته
و غنّى فوق الرّوس سيفه و لا يثـنّي ضربته
صرخ بالعدوان و فـرّت ترتــعد من صرخته
يـنظم ابْرمحه و سـيفه مْن العـزم ينـثر شرار
------------------------------------
اتْزَلْزلَت مـن شـد عليها و ثغـر ابو سكنه ابـتسم
والعساكر شطر مرمي عْلى الثّرى و شطر انهزم
مـا نجت من سيف ابن حيدر علي لولا السّهم
شـق قلبـه و وقع يتـلظّى ظما فـوق لَوعار
------------------------------------
شـق قـلـبه وخر ابو السّجّاد من ظهر المهـر
ظل يعالج بالسّهم و انخسف صندوق الصّدر
و اتّجا واستـخرجـه يـا ويـل قـلبي مْن الظّهر
والقلب منّه انمزع والدّم جرى شبه الانهار
------------------------------------
ضعف مـن نـزف الـدّمـا و ظـل ايـتمرّغ بلَوهـاد
جمــع بـيمينـه و شمـالـه امـن الترايـب لــه اوساد
وسَّـد الخــدَّه و شــبح لـمخــيّمـه نـسـل لَـمجاد
وانغشى عْليه وبقى مطروح مدَّة مْن النّهار
------------------------------------
الخيــل هجمت و اوقفت زيـنب عْلى الـتّل تندبه
اتصيح يَـبن امّي ادركنا و فـتح عينـه و انـتـبه
شاف زيـنب و اليــتَامى فـارّات امـن الخبـا
صاح خويـه ايـعـز عليّـه ايسلّبونج هلَشرار
------------------------------------
ردّي الخـدرج يَـزينب و آيـسي مـن نهضـتي
سـهم لمـثـلّث يَمحـزونـه اسـتخـرج مـهجـتي
خايـف ايـتـامي تذوب اقلـوبـها مـن شـوفتي
و خايف سكينه تجيني و قلبها ايصـيبه انذعار
------------------------------------
و ينظر الخيل الأعادي اعْلى فساطيطـه تـدور
و الحرايـر كالحــمام الحـلّت عْلــيـها الصقور
هاي يَمـنـه و ذيـج يَسره فـارّات ابْلا شعور
و الشّهـيد ابْضعف صوتـه يصيح واهتك الستار
------------------------------------
على عْزيـزات الـنّـبي يـا قـوم لا يهجم أحـد
و اقصدوا لـيّه ابـنـفسي مـا بـقـى لـيّه جـلَـد
لا تهتْكوا هالخــدر مـا دام روحي بـالجـسـد
لـيّه ردّوا لا ترَوعوا الحرم جان انـتـو أحرار

رجوع الجواد إلى المخيم G
حِسْ جواد حسين يصهل حي اخونا و جيّته
قـومـوا نتـلقّى وليـــنا يـا بنـاتــه و نسـوتــه
]
قومي يَسْكينه اطلعي لــه ابْـغـير مُهلـه و انظريــه
جـنّه متـنكّر صهيلـه اشْـصار ما ندري عليـه
أظن قحّم و انذعر من عسكر المحـتاط بــيه
يكثر الصّيحات مُهر حـسـين ما هي عادتـه
------------------------------------
طلعت سكيـنه و مدامـعها على خـدها تسيل
و اوقفت و العين مشبوحه عـلى حس الصّهيل
شافـته يسحب عنـانـه امزلزل الــبر بـالعـويل
و دم ابوها حسين يجري فوق عرفه و رقبته
------------------------------------
اندهشت سكينه وصرخت بس يعمّه امـن الخـدر
راح واليــــنا يَعـــمّه و صــار واليـــنا زجـر
طاح ابويـه حـسين و اقـبل يسحب اعنانـه المـهـر
صرخت و جيب القلب و الثّوب عاجل شقّته
------------------------------------
صرخت و دم القلب من عينها انهل و جرى
حسين يَبن امي انهتكنا جان طحت عْـلى الـثّرى
بـاجـر الـعدوان تاخـــذ هالحـــريم امـيـسّـره
و عقب عزّي و الخدر تصبح احوالي امشتـّته
------------------------------------
وصـل مُهر حسـين خـالي يا بـنات المرتضى
اتحـيّرت مَدْري شَسَوّي و ضاق بي رحب الفضا
ابهالخــيَم نـقعـد حـيارى لـو نروح انـغمّضـه
مقدر أقـعـد جان هالـونّــه الخـفـــّيه ونّتــه
------------------------------------
فرّت و شبكت على الـهامه اليسرا و اليمين
نوب تمشي و نوب تعثر قاصده حسّ الونين
اتصيح ذابـت مـهجتي يـا خلق مـن ونّــة حسـين
وصلت التّل باليـتامى و طود عــزها نادتـه
------------------------------------
جيت بايتامك و لا ظــل بالخـيَم غـير العليل
و انا مدْري بـيا كـتر طـايـح و لا لــيّه دليل
صاح ردّي باليــتامى لا تمـوت امـن العـويل
و انــا تركوني لي الله و ابـني باروا عـلّته

وصاياه لشيعته G
مهــجة الـزّهــرا على الـغـبرا يطـوّح ونّتـه
اتصدّع الجلمد وصايـا اللي بداها الشيـعـته
]
شيعتي نصــبوا الـمــآتم و العـــزا لـمصـيـبـتي
و اذكروا تـعفـير خـدّي بـالتراب و ذبـحــتي
لو شربتوا ماي ذكروني العَطَش فَتْ مهجتي
و اقصدوني الكربلا و الكل يسجب عبرتـه
------------------------------------
لو تشوفوني يَشيعه عْلى الثّرى مرمي طريح
خـدّي اموسّـد ترايب و الـدّمــا مـنّي تسـيح
جم عضيد و جم ولــد لـيّـه قـضى قـبلي ذبـيــح
واحــد ايضل بالشّـريـعه اُو واحـد ارفع جـثّـتـه
------------------------------------
شيعتي و اللي قطع ظهري و نحل منّي القوى
وحـدتي مـن وقــع يم النّـهـر شــيّـال اللوا
وصّلت يمّـه و لـقـيـتـه ادمـومـه و مـخّه سـوا
و لجفوف امقطّعه ايذوب القلب من شوفته
------------------------------------
شيعتي و ابن الحسن جـسّام عرّيس و شباب
صارت العركه عروسه و دمّه السّافح اخضاب
و النـّثار الـنّـبل و فراش الولــد حـر الـتراب
و بين كوفي و بين خطّي و بين هندي زفّته
------------------------------------
شـيعتي و ابـني عـلي لَكبر نـحـل مــنّـي الـجـسَد
بـس شبح بالعين ليّه عْلى الثّرى راح الجلَد
بـدر كامل مـا جرا عـند الخـلق مـثلـه ولـد
يجـذب الونّـــه و يعالـج نور عيني رويـحته
------------------------------------
شيعتي و لازم يـوصّلـكـم خـبَر عـنّي و علم
طفلي عبدالله على صدري انـفرى نحـره بْسَـهَم
شـفـته و قـلـبي تفطّر و اسـتهل دمـعي ابْـدَم
شبح لـي ابعينه و جذب ونّه و مالت رقبته
------------------------------------
شيعتي كـثر البجا حـقّي عليـكـم و النّحيـب
شفتوا مثلي بالخلق مذبوح عطشان و غريب
و الجـفن سافي يَشيعه و بالدّما شيـبي خضيب
و الحـراير نصب عيني مـن خدرها امشـتّـته

مقتل الحسين G
يا شمـر تدري أنـا سبط النّــبي و ريـحـانـته
جيب لي اميّـه ترى مْـن العَطَش جبدي مْفـتّـتـه
]
يا شمــر قـلبي تفــطّر بالـظّـما و لفح الهجـير
جَـلَد ما عندي ولا ظل لي من رجالي نصير
و ين جـدّي وين حيـدر ما يشوفـوني عفـير
ما يـثور الحـسن لعضـيده و يعــــاين حالتـه
------------------------------------
صاح بيه ابن الرّجس مالك حموله ولا رجال
لحـز نحــرك بالظّما وتـموت مَتْضوق الزّلال
و احـرق اخيامك وَ سَلّب هالحرايـر و لَطفال
و الله لَـتْرك هالحريـم ابهـالفـيافـي مْـشـتّـتـه
------------------------------------
قـام عـن صدره و جـبّـه ويـل قـلـبي عْلَى الـثّرى
و جلـس متربّـع عـلى ظــهره و ظـل ايطــبّره
هـبّر اوداجـه و زينب تجـر حـسـره و تنظره
و الشّهـيد حسـين يـتـعفّر و يجــذب ونّتـــه
------------------------------------
نـادتــه يـا شمر شـيل السّيف عن باقي هلي
هـذا شـمامة الـهادي و فاطمه و مهجة علي
وين اوَلّي و عقب اخويه حسين مـا عندي ولـي
و الرّجس ما راقب الله و ظـل يحـز الرقبته
------------------------------------
و عزل راسه من الجسـد و الكون ضـج ابْـزلزلـه
و شالـه ابْـعـالي قـنـاتـه و مـاج وادي كربـلا
و كـعــبة الأحزان فــرّت بـاليــتامى معــولـه
تصـيح ركـني يـا مـصـوني هالـرّزايا هـدّتــه

المصرع الأليم‚
ويـن من يـوصل لبـو الحسـنين حيدر يخبره
عهدي ما يرضى الشفيّه بالمصاب اللي جرى
]
‎ابن الضّبابي فوق صدر حسين متربّع جَلَس
و الشّهـيد يقول و خّـر خـل أعالـج بالنّفس
جيب لـي قطرة امـيّه ذاب قلبي مْـن الشّمس
ما تخاف الله دست صدر النّبي خير الورى
------------------------------------
لا تحز يا شمــر نحري و العطش فـت مهجتي
ويـن ابويـه و وين جـدّي ويـن قـومي و عـزوتي
ويـن حمـزه مـا يجــوني يـنـظــرون اشْـحَـالتي
طايـح و شمــر الخــنا نحري ابسيـفـه ايْهَـبّره
------------------------------------
صاح بـيـه الشّمر تـنـخى عزوتَك و الاهـل ويـن
ما بقى واحد من اخوانك و لا عندك معين
لحـز نحرك و ارفع اعـلى الرّمح راسك يـا حسين
و احرق خيامك و اخـلّي هاليتـامى مطشّره
------------------------------------
و انحـنى يقـطّع اوداجــه و الـفــيافي اتـزلزلت
و ضجّت الامـلاك لَجْـلَـه و لَفلاك اتـعطّـلت
و شال راسه و شافته زينب و صاحت و اعولت
ليت راسي قـبل راسـك شمر قاطع منحَره
------------------------------------
اوداعــة الله يالذي راسك على سنان ارتفع
حسين يا شيّال حمـلي بس طحت حملي وقع
بعــد مثـلي مـا أظـن بالكون بـَخوانه انفجع
ضايعـه و قلّـة ولي و عندي جنـايز بالـثّرى
------------------------------------
خـيَم محروقـه و حريم امسلّبـه و عـندي علـيل
و الـيـتامى ذوّبوني مْـن البـواجي و الـعــويـل
و المصـيـبـه بـاجـر امْن الـصّبح لـلكـوفـه نشـيـل
و يظل جسم حسين مرمي ولا أحد لــه يـقبره

سماع النساء أنّة الحسين‚
اشْهَالونين اللي نسمعه يا سكـيـنه اشْهَالونين
ذوّب احشـاي و نحــلـني خـايفه ونّة حسين
]
سمـعت الونّه سكـيــنه و دمعها هل و جرى
اتصيـح يـا عـمّه أبويــه حسين طـاح عْلَى الـثّرى
و دارت اعلــيـه الـعـدا و جـثْـته رمــيّـه امطـبّره
و اظن هالونّه اليجرها و للخيم شابح العين
------------------------------------
اتـعـرّفـي الونّـه يَـعَـمّـه جـان هــذي ونّـتــه
انروح للعـركـه الـوالـيــنا و نعـــاين حــالـتـه
انـغمّض عـيونـه قـبل تطـلع يَعـمّه ارويـحـته
و على الجـبلـه نعدل الوالي و نسبل لليدين
------------------------------------
طلعت و جفها على الرّاس و مدامعها تسيل
و فـرّت اويـاهـا الحرايـر و الـيـتامى بـالعـويل
اتصيح يَـبن امّي شَسَـوّي ابهالأيامى و العليـل
لـو لـفـانـي اللـيل يَــبْن امّـي و لا عندي عـوين
------------------------------------
لا تـطــوّح ونّـتــك يَحْسـين ذابت مهـــجتي
امـحــيّره بـلــيّا ولـي و زادت عـلـيّـه محـنـتي
قوم يَبْن امّي و عاين ضـيم حــالي و ضيعتي
سمـعها و ظـل ايـتـقـلّب على شمـاله و اليمين
------------------------------------
صـاح ردّي و اسـتـعـدّي يـا مصونـه للرّحيل
عقب ساعه الظّعن للشّامات يا زينب يشـيل
جـان مرّيـتي اعْلى جسمي و جـان شفتيني جديل
خلّي أيتامي سويعه اتصب عَلَي دمعة العين
------------------------------------
و جـان ما خلّوج يَخْــتي اتشـيّـعـين اجـنازتي
سـافري بوداعــــة الله و الله الله ابـعـيــلتي
نادتــه يا نـور عيــني قــوم حرقــوا خيـمـتي
قلـها عذريـنا يـبنت الطّـهـر كلنا امصرّعين

هجوم العسكر على الخدور G
شبّت النّـــيران فـــرّي للفــضا يَـمـخَـــدّره
و اتـركي الخيـمه ترى النّيران بـيها امسعّره
]
للفـضا فـرّي يَمحجـوبـه و تركـي هـالخــــبا
و دركي أيـتـامـج تراهي امـروّعــه و مسـلّبه
ذيـج مضروبه و طفلها عْلى التّرايب تسحبه
و هاي مسلوبه السّـتر بــين الأعادي امحـيّره
------------------------------------
خلّي الخيـمه خذتـها الـنّــار يَعـزيــزة عــلي
ايـعـيـنج الله عْلى الهـضايم راح عزّج الاولي
كـل صناديدج على التربـان ما عنـدج ولـي
و بالـهنادي جــثّة حسـين الشّــهيد امودّره
------------------------------------
نادتـه و حنّت مـن الفجعـه و مدامعها تسيل
ويـن يا ظالـم أروح و عنـدي بالخيـمه عليل
حجّة الله شلون اعوفه مْن المرض جسمـه نحـيـل
بالفـلا غصبٍ علـيّه ايـتـــام اخيّي امطـشّره
هالحـرم غصبٍ علـيّه ابغــيـر والي امـشـتـّتـه
مَـقْــدر اترك هالولـد مـا دام هذي حــالـتـه
حسين وصّاني ابعلـيلـه و بـاليـتامى و نـسـوتـه
اتحـيّـرت مَدْري شَسَـوّي بالذي اعليّ جرى
------------------------------------
مَدْري أطلع للحــريم الضّــايعه و اترك علي
لــو أظـل ويّــاه و اتــرك هالحــراير تـنــولي
لو أروح المعركه و انخـى الضّياغم من هلي
لكن اشلون أنـتخي بَـجْساد صرعى عْـلَى الثّرى
------------------------------------
هالحـمل مَقْدر أشــيله وين طاعــون الحرب
جابني ابعـزّ و جـلالـه و عافني ابْولـــية غرب
ما يشوف ايـتـام أخوه اشْحَل عليها مْن الضّرب
بالشـّريـعه اتوسّـد اذراعــه و تركـني اميسّره
------------------------------------
طايحـه ابشـدّه و غياث النّاس ابـويـه المرتضى
امحــيّره ابهاللي يـون و ايـتـام طشّت بـالفـضا
و نصب عيني جـثّـة ابـن امّـي الشّهـيـد امرضّضه
بعد مثلي بالدّهر حرمـه جــرت مـتْمَـرمره

حال العقيلة عند الهجوم والسلب‚
حمـوا ذاك الخدر حتّى اتصرّعوا فـوق الثّرا
و بعدهم راحت عـزيـزات الـرّسـاله اميسّره
]
بذلـوا ارواحٍ عزيــزه و انـفـنوا دون الخــيام
و يـوم ظل الخـدر خالي هجمت عْليه اللئام
و انّـهب ذاك الخـدر و اتـيسّرت ذيــج لَيتـام
ذيـج مسلوبه و هاي عْلى الـتراب امعــفّره
------------------------------------
و زينب اتحن و الـمدامع فوق وجنـتها تسـيل
اتصيح يَلـيوث الحريـبـه عْلَى الخيَم هجمت الخيل
و المصيبه عقب ساعه ويا الغرب قوّه نشيل
و جثـثكم تبقى طريحـه عْلَى التراب مجـزّره
------------------------------------
مَـدري أمشـي اويـا اليتامى لو أظـل ويـا لَجساد
و لو رحت مَـدْري شَــبَاري الحرم لو زين لعـباد
و لـو قـعـدت ابهـالفـيافـي روسكم عـنّي ابـعــاد
ريـتـني اتقـضّت ايـّامي و لا شفت هاللي جـرى
------------------------------------
بالأمس يبرى الظّعـينه بو الفـضل ضنوة علي
قايد النّاقه ابْـيمـينـه و بـس يلاحــظ محـمـلي
و نور اخيّي حسين ياضي وكل مصيـبـه تـنسـلي
و هسّـا حرمـه ابْغـير والـي ابهالعـيال امـحــيّره
------------------------------------
مـوش بـس ابهـالسّفر صارت الفجــعـه بـخـْوتي
اخْسَرت كل عزّي وجلالي وخْسَرت كل عزوتي
و اليزيـد الحـزن لـوعـه و بـيه تصعب بلوتي
شمتت العدوان بـيّه و روس أهـلي امشـهّره

فزع زينب للسجاد بعد المصرع G
دشّـت الحــورا عـلى ذاك العلـيل اتْوَقّــضه
شافـته امســجّى و لا عـنده صديق ايـمرّضه
لا فـراش و لا وســاده فجـــعها بْكثر الونين
نـوب يـتـقلّب على شماله ونوب اعلى اليمين
صاحت اتوعّى يعــزّ الحرم يَخْلـيـفـة حسـين
و شوف حـالـة هاليتامى و هالخيم لـمقوّضه
------------------------------------
فتَح عينه و صاح يا عمّه ابويـه حسين وين
ما يسكّت هـاليـتامى ذوّبـــوني مْـن الحــنين
قالت الله يعظّم اجرك طاح عن مهره طعين
بالـرّمح راسـه و جـثْـتـه بالعوادي امرضّضه
------------------------------------
صاح وين القمر لزهر بو الفضل راعي الـزّود
ما نريـد المـاي خـل يرجـع و لا يمـلي الجود
قالت الجـود امتـلا و انـقطعت اعلــيه الزّنود
مَلَك والينا الشّريعه و بالعطش وَسْفَه قضى
------------------------------------
صاح قولي لَـبِن عمّي جاسم ايلم هـلَطـفال
مـا هـو لازم هـالعـرس و احـنـا يَـعـمّه ابهَلحوال
قالت الجاسم ترك سكــنه و رمّلـها و شـال
و بالثرى اتخضّب ابدمّـه و مات محّد غمّضـه
------------------------------------
قـال ويـن حزام ظهري و ساعدي لَكبر علي
يقـوم يدرك هاليــتامى و هالحــرم لا تـنـولـي
قالت اسكت لا تسـايـل ما بقى عندي ولي
شيل راسك شوف عمّاتك حـواسر بالفضا
------------------------------------
رفــع راسـه و عايـن النّسوان كلها امطـشّـره
و شاف روس اهلـه بْعَوالي و الجثث فـوق الثّرى
صاح تجـّي لي يَعمّه اشهالمصاب اللي جـرى
يهجم العسكر علينا شلون ابو فاضل رضى
------------------------------------
اشْهالحريـم الفارّات اشْهاليـتامى اللي تـنــوح
اشْهالكريم اللي على الخطّي يَمحزونه يلـوح
و شهلَجساد السّلـيـبـه اموزّعه ابْكـثر الجروح
للسّـبا شدّي عصابـه و سلّمي لامـر القضا

الرحيل عن كربلا G
كافل ايـتـامي يَحـادي تفت قلـبي فرقــتــه
ريّـضوا سـويـعه تـودّع هَلـمـرضّـض عيلـته
]
ريّضــوا بـيـنــا نـودّع بـو عــلي و نجــهّــزه
و اتركونـا انـنـوح يـمّـه و الـشـعـور مـجـزّزه
اشلون نـمشي و للعزيـز حسـين مـا نـنصب عـزا
أرد انفّس نـار قـلـبي جـان تبـرد جمــرتــه
------------------------------------
قومي يَسْكينه نواري جـثّة ابن امّي الشّهــيد
لا يشيل الظّعن عنّــه و يظـل عاري عْلَى الصّعيد
يـا ربـاب ابْـعَـجل قومي زيحي عن جسمه الحديد
وسجّي ابن امّي عدل جنّـه عْـلى وجهه طيحتـه
------------------------------------
صدّت الذاك العلـيل امـغـلّل و تهـمل العــين
نادته انسف هالسّلاسل عنّك و بَطْل الونـين
قوم يَـبْني اويـا النّسا قـبـل السّفـر جـهّـز حسـين
أنا افيض دمـوع عيني و انت قلّب جـثّـته
------------------------------------
ظـل علي السجّـاد يتلهّف و يجـري مدمعــه
ايصيح عمّـه حسـين ابويـه اوصالـه كلها امقطّعه
شلون اشـيلـه و جسمه المرضوض بـيـش انجـمّعـه
و من يجيب الـجفن ليّه و ياهو يحفر حفرته
------------------------------------
قالت انـا و هاليــتامى بْعـجَل نحفر لـه قــبر
و الغسـل بالدّمع مـا يحــتاج كافـور و ســدر
و لَجفان انـشوف جـان اعْـلى الحـرم ظلـّت إزر
و زندي و زندك نعش يَـبْني و نشيل جنازته
------------------------------------
سمعها و حن و جذب حسرات و دموعه تسيل
قلها عمّه الوكِت ضيّق و الظّعـن هسّا يشيل
و الحـرم ما تدفـن الموتى و انا قـيــدي ثقيل
و السّلاسل و لَغلال ابهضت جسمي وهدّته
------------------------------------
ودّعـي شيـخ العشـيره و هالجــثـث لـمجـرّده
و لمّي أيـتامـج يَزينب جـنـّه الحــادي حـدى
هــذا راس حسين ابويــه عْـلَى الرّمح نـوره بــدا
و هالضّيا السّاطع يَبِنْت المرتضى من غرّتــه
------------------------------------
و اقـبل الحادي علـيها ايصـيح بـس مـن هالحـنين
قـومي ركبي اعلى الهزيلـه و اتركي عـنـج حسين
نكّسي راسـج يَزينب راحت اليـوث العريـن
و قـفت أيّـام السّعد و الدّهر هذي عادتــه

مرور النساء على مصارع القتلى G
سافرت زينـب بلا والـي اُو والــيها علـيل
ومرّت وشافت وليها عْـلَى الثّرى ابدمّـه غسيل
]
امغسّل ابـدمّـه يَويـلي و لـجـفوف امقـطّـعــه
و عاينت عـبّاس مـتـعـفّر ابْجـنب المـشـرعــه
و جاسم و لَكبر جـثـثهم على الرّمضا اموزّعـه
ظـلّت اتـنادي يَفرسـان الظّعَن عــزّم يشـيل
------------------------------------
عـزّم ايشـيل الظّـعن دنهض يَجـاسم يـا عـلي
يـا مقـطّع بالـشّـريـعـه قــوم عــدّل محـمــلي
تـدري مـاني امعـوّده أمـشي يسيره بلا ولي
و خرّت سكينه على بوها و مدامعها تسيل
------------------------------------
تسيل دمعـتها يَويـلي و تمسـح ادموم الجروح
و حين ضمها لعد صدره انفجعت وظلّت تـنـوح
و رَدْ شمـر بالسّوط لـيـها و روحهـا رادت تروح
و زينب اتشوفه و تتدخّل ولا يـفـيد الدّخيل
------------------------------------
يا شمــر مَـتْـراقب الله ذوّبـت مـنـها الـفـؤاد
تضرب اطفـيله و ثـلـتــيّام ما ضـاقـت الــزّاد
قــال فـزعي لي هَلِـج قالت هلي عنّي ابعاد
بالأمس عندي حموله و اصبحت مالي كفيل
------------------------------------

عتاب العقيلة عند الرحيل‚
قرّبـوا ليـنا المطايا و طـوّح الحادي و سرى
و جثّـتك يا نـور عيـني امّدده فـوق الثّرى
]
و الله ممشانا يَخـويـه بـالغصب ماهو ابْرضى
بعدكم يـا طـود عـزّي ضـايج اعلــيّه الفضـا
شلون ممشانـا و جنـايزكم طريـحه امرضـّضه
و روسكم فـوق العوالي اقبال عيني مشهّره
------------------------------------
و اومت على المشرعه وصاحت يَـبو فرجه الغيور
ويـن وعـدك ضـاعت النّسـوان يـاللـيث الجسـور
خويــه مـا نقـدر بـلا وليـان نقطـع هلـبـرور
يالـولي خـلّـيـتـني بـيـن الأعـــادي امـحـيّره
------------------------------------
خويه هذا اللي قـبل منّه يَـبعد اهلي خفت
جان يتصـوّر ابْعـيـني و بـيــه يا حيــد اُوْقَعت
اتـيـسّـرت بعــد المـعـزّه و الخـدر و اتسـلّبت
حيث ظـلّيتوا ضحــايا و انا رحـت اميسّره
------------------------------------
جيـت ويّاكم مـن اوطـاني عزيــزه يا هــلي
بالطفوف الكل جفاني و شال ظعني بلا ولي
زجر من بعدك يَطَـيْب الذّات يـبْرى محملي
سفر و ايتـام و علـيل شلون حـاله امّرمره
------------------------------------
وَسْفَه يا عبّاس فـوق الـنّـهر طـالت نومتـك
موش انـا امـن المرتضى عـنـدك وديـعــه ابذمّـتك
و هـسّا بـين اعــداك تـتركـني ذليـلــه نيّـتك
هاي آخِـرْةِ الأخــوّه اوْياك يا ليـث الشّــرا
------------------------------------
رد عليـها لسـان حالـه ايّـسي من نهــضتي
جفجفي دمعـج و كفّي العتب اُو ودْعي جـثّتي
راسي فــوق الـرّمح ويّاكم يـبــاري عيــلتي
و راس اخوج حسين جدّام الـظّــعن يمخَدّره

قطع بجدل خنصر الحسين G
فِعل بَجْدَل يا خلق ما صار مثله و لا جرى
هيّج احزاني عليّه و يفت قلبي امـن اذكره
]
ما كفـاه اتـقـطّع اوصالـه و لا حــز الـوريــد
ولا ترضّض جـثّـتـه ابْخـيـل الـعـدا فـوق الصّعيد
و عاين الخاتم يلوح ابْخنصر حسـين الشّهـيد
جـامد عْلـيه الدّما و احـنى يحـزّه بْخَـنجره
------------------------------------
و على التكّه ويح قلبي قطع جمّالـه الجـفوف
عـايـنـه اموزّع على التربــان مـن ضرب السيوف
و عاين التكّه و لزمها و لا دخل قلبه الخوف
ما درى حسين آيـة الله لـو هــو جـثّــه مطـبّره
------------------------------------
مـد ابو سكـنه يمـيـنـه و قطـعها و مـد الشمال
و رَدْ بَـراها و لَـكوان اتـزلزلت و العرش مال
و نزل خـير الرّسل طه و الوصي فحل الرّجال
و الحسـن و الزّاكيه امّـه و الشـعور امنشّره
قـعـد و الرّاس ابـْيمينـه ايصـيح يـا جدّي الرّسول
لَشكي أحوالـي لَبويـه المرتضى و امّي البتول
رضّوا العدوان صدري عْلى الـثّرى بْدوس الخيول
وشالوا ابْروس اخوتي و راسي و خواتي امشهّره
------------------------------------
ضمّه الـهادي ابْصدره و الـبـتول امّـه تصيـح
مهجتي اشْذَنـبك يخـلّونك رمـيّـه بـلا ضريح
بويـه رخّصني أخضّب شـعري مـن دم هـالذّبـيح
قال بويـه خْذي اُو ناخـذ و الدمـوع امنـثّره
------------------------------------
مـن دمـاه اتخـضّـبت و تصيـح يَـبْني يا غيـور
يـتّـمت سكْـنه و زيـنب ضيّعــتـها ابهـالـبرور
مخـدّره زينب و لا هـي معـوّده تركب الكور
اشلون يـبني زينب اتخـلّيك عـاري عْـلَى الـثّرى
------------------------------------
قلها مرّت بي و شـافت جسمي مـن دمّـه غسيل
و خرّت مْن الجـمَـل لوْداعي و صاحوا بـالرّحيل
غصب عن جسمي خذوها و دمعها بخَدْها يسيل
ســافـرت لكن يَـزَهــرا بـاليــــتامى امحــيره

حضور السجاد لدفن الحسين G
طب علي السّجـاد للعرصه و دموعه امنثّره
شافـها تـزهـر و مـن طيب لَمجـاد معـطّره
]
شاف جسم حسين و اجساد العشـيره امضجّعـه
و شـاف جمـع امْـن الخـلق عـنـد الجسد متجمّعـه
قال شلكم يا خـلق عــد هالجثـث لـمصرّعـه
قالوا نـتفرّج علـيها و دم دمع عينه جرى
------------------------------------
قـال لا تخافـون انـا ابـن حـسين جـيـت بْوَجعـتي
قصدي أدفن و الدي و ادفن اعمامي و اخوتي
قومـوا حفروا قبور عـنّي المرض ناحل قوّتي
و خلّوا ادماهم غسلهم و الجـفن سافي الثّرى
------------------------------------
حفروا قـبر حسين يـمّه و قام مـحنيّ الظّهر
وضع يَدْ تحت الرّجل و الـثّـانيه تحت الظّهر
قام كلــما رفــع جانب جانب الـثّاني يخُــر
صاح بويه شْلون اشيلك ولوصال امطشّره
------------------------------------
لا جفن تحصل يَـبويـه ولا حـنوط و لا غسل
نـور عـيني و لا عـضو مـنّك بلاخـر مـتّصل
ذاب قلـبي باريـه بالله احضروا لي بـالعـجَل
نجـمع اوصاله و نركّبــها و نـلــفّه و نقـبره
------------------------------------
ركّب اضلوع الصّدر و الدّمـع من عيـنـه ذروف
حـط عـلى اجتافه الزّنود وعلى الذّرعان الجفوف
ويـل قـلبي مـن فـقـد خنصر ابو سكنـه العطوف
رد يحــوم و يجـذب الـونّه و يدوّر خنصره
------------------------------------
لَمْ جميـع اوصال ابـوه اللي انكسر و الـلي انهشم
حتّى قطعة قلــبه اللي استخـرجـوها بالسّهم
ما بقى غير الكريم عْلَى الرّمح يبرى الحـرم
و لفّـه اُو مدّده ابْــقَـبره و ظـل يشـمّه ابْمَنحره
------------------------------------
رد على الأكبر لقـاه امقطّع و راسـه قطـيع
حفر قبره و انحـنى لـه و شالـه ابقلبٍ وجيع
جهّزه وجهّز الجاسم و اخوته و وارى الرّضيع
و التـفت للمشرعـه و حن و تعــلاّ اتْحسّره
------------------------------------
قصـد للـمَسْـناة يسجب عبرتــه محـني الـظّهر
شاف لـيث الحرب مـتوسّـد اذراعـه اعْلَى الـنّهـر
صاح عـمّي انـتحل جسمي امن المصايب و القَهَر
ابْذمّتك زينب يَـبـو فاضــل و تمـشي اميسّره
------------------------------------
ويـن جـفّـيـنك يَعَـمّي ويـن راسـك و العلـم
آه لـو سـلمت اجفوفك جـان مـاحرقـوا الخـيـَم
وجان ما واحد كَفُوا يسلّب يـتـيمه مْن الحرم
ليت دهري ايعــود لـيّـه باللــيالي المـزهـره

دخول العلويّات الكوفة G
ماجت الكوفه بَهَلْها و طلعت ابْضَرب الدفوف
و الـودايـع حايره و الـسّتر راحات الجفـوف
]
ابْحَالة القشره يتامى حـسـين دخلوها تـنـوح
و الحرايـر مـا بقى الها امْن الضّرب و السّير روح
و الزّلـم بالسّكك تهرع و النّسا فـوق السّطـوح
وين ابـو فرجه الشّفـيّه ليت يحضرها و يشوف
------------------------------------
و غدت كوفـيّه شجيّه تصيح هاللي عْلَى الجمل
من تـنعّي ذاب قلبي و من تحن دمعي انهمل
صوتها يصدّع و يشـبه صوت ابو حسـين الفحَل
ضايعه و نسوه وراهـا امركّبات اعلى لعجـوف
------------------------------------
ظنّتي هاللـي تحـن قــدّام هــاي امّ المـصـاب
و اظن المذبوح اخو لْها لو ولد بعده شباب
ردّي اجوابـي يَمَـسـبـيّه تراهـو القـلـب ذاب
و اخبروني انـتـو امـنين وصاحت ابْدَمع ذروف
------------------------------------
لا تـنشـديـني ترى رسـم الصــّبر مـنّي عـفى
ضايـعــه بْـلـــيّا ولـي و ابهـاليـتـامى امكـلّفــه
مـا دريــتي احنــا يَكـوفـيّه سـبايا المصـــطفى
امسلّبات و هلأعادي كلها تـتـفرّج اعكوف
------------------------------------
صاحت اشلون النـبي المخـتار تسـبـى نسوتـه
و هاللي تـتفـرّج عليـكم كلها تـتـبـع ملّتــه
قالت امْـن الـدّهـر هــذا و مـن يـزيـد و فـعـلتـه
انذبحت اخواني وظلّوا عْلَى الثّرى بَرْض الطفوف
------------------------------------
و انا زينب و الذي من حولي أيـتـام اخوتي
و الذي فوق العـوالي روس قومي و عـزوتي
شوفي أحـوالي سلــيـبه و زجــر قــايد ناقتي
و من يهل دمعي ضَرَبني عقب ابو فرجه العطوف
------------------------------------
جنت انـا ابعـز و جـلاله و مثل خدري ما جرى
و تبهج الخـاطر هَلِي بْذيـج الوجــوه المزهره
مَحْلَى مَشْـيَـتـهم سـويّـه و الـشعـور امـنـشّره
خلف ابوسكنه وتخط فوق الثّرى بنود السيوف
------------------------------------
واصبحت فرجه وطمـاشه عقب فرساني و هَـلي
فـوق ناقـه امهزّله و كل ساع يصْغي محملي
و لو بـجـيت الرّجس يضربني و لا لـيّـه ولي
اُو وين مَيْشوف الخلق متجمّعه بـينا يطوف

شكوى السجاد حاله لعمّته زينب G
زيـنب اتـعـايـن ولـيـــها و لَغــلال ابْرقـبتـه
فوق ناقه امهـزّله امْـقـيّـد و تجـري دمـعــته
]
ينظر الـها و يجـر ونّــه و هـي تـنظره و تـنـتحب
والحرم تخـفي البجا و النّوح خـوف امْن الضّرب
نـادتـــه يـا نـور عـيـني ذوّبت مـنّي القــلب
هلّت ادموعه و اخذ يـبدي الشّكايه العمّته
------------------------------------
عمّـه يا زينب سـفرنـا فـوق هالهـزّل طويـل
و انا من كثرة جروحي هذا دم ساقي يسـيل
نحّل عظامي اركوبي عْلَى الجمَل وانـا عليل
و هالرّجس كل ساع يضربني و يزجر ناقتـه
------------------------------------
صاحت و ظلّت يَويلي فــوق ناقـتـها تجــود
يـا زجـر بـالله دخـفّف عـن عـلي مـن هلـقـيود
آه يَفرسـانٍ نسـوني آه يَـعــزٍ مـا يعــود
من طرفنا ما تخــــاف الله و ترحم حالتــه
------------------------------------
رد عليـه ابن الخـنَا و مـن شـاف حاله الغيظ زاد
صاح كِـتْر اللي يوجعك ويـن يا زين لعبـاد
قال حَدْر الجامـعه و موضع اغـلالي و لقـياد
شال سوطه و غـابت امن الضّرب ويلي ارويحته

شكوى زينب حالها لأبيها G
يا علي يا ياب ما تدري اشْسَدى اعليّه و جرى
بـالمجـالـس وقّـفـوني و قـبــل جنت امخــدّره
]
سلّـبــونا و ركّـبـــونا يا علي فــوق الـهــزل
يسـر للكـوفــه خــذونا و ربّقــونا بالـحــبل
و على ابن زياد ادْخلونا و دمعنا ابْخَدنا يـهـل
و ظل يتهكّم عليـنا و سِـن اخـــونا كسّره
------------------------------------
سافروا بـيـنا من الكـوفـه اُو ودّونـا الـيزيــد
ســيّرونـا مـثل سبي الرّوم لو سـبي العـبــيد
و الذي نحّــل اعظـامي شـوفتي راس الشّهـيد
ناصبينه قبال وجهي و يهل دمعي مْن انظره
------------------------------------
فـوق خطّي امعلّقينه و ينظر السكْنه و ربـاب
يا علي و كلما نطب بلده نقول اهْنا العذاب
ريـتني اتقضّت ايّـامـي و لا ابـتلـيت ابهـالـمصاب
و لا وقـفت ابـدار غـربـه ابْهَاليـتامى امحـيّره
------------------------------------
وطـبّة الشّـام المشومـه اتشـيّب الرّاس الرّضيع
ضايعـه و ضايج عليّه يا علي الرّحب الوسيع
فارقت روحي عسى و لا شـوف هالحال الشّنيع
و لَـنْظُر الها الذبح اخيّي اعلام كلها منشّره
------------------------------------
و على ايـزيـد الرّجس دخلونا ابْكسـيرتـنا نـنـوح
وبـيـنّا السجّاد و بْرجليـه مـن قــيده جـروح
فَـت مُهجتي راس اخيّي بالطّشت شفْتـه يلوح
بالقضيب ايكسّر اضراسه و شفـتها امكسّره
------------------------------------
آه يَهَظم اللي لقـيـته مـن يـزيــد و مجلـسـه
ابحَـبـل جـتّفني و سـب اهـلي و راسي نكّسه
و آنــا حـرمـه و مـبـتلـيّه ابـهـاليـتامى و الـنّسا
و العلـيل اللي شعـب قلبي ابْونيــنه محــيّره

ضرب الرأس الشريف بالحجر G
صدّوا ابْراس الولي امْن النوح هلكت نسوته
شيـبه امخـضّب و سكنه اتنَحّلت من شوفتـه
]
يـا زجـر مَـيّل ابراس حسين ذوّبت لَطـفـال
ما تخاف الله افْجَعـتنا و ما بـقى للحرم حال
تلعب ابراس الولي فوق الرّمح يَمْـنه و شمال
مَقْدَر انظـر بـو علي تلعب الرّيح ابْشـيـبته
------------------------------------
بالأمس شوفـة عزيزي حسين تجلب لـي السّرور
لو ركب مهره و تسلّح و الوجه يلمع ابْنور
و حوله أولاده و اخوته وظل على خيَمنـا يــدور
و من يطب عندي الخيمه شلون حلوه طبّته
------------------------------------
و هـسّا فوق الرّمح و يقودون خلـفـه ناقـتي
ايـدير لي بالعـين من يســمع عـزيـزي نحـبتي
و ينذهل قلبي و غصب بالهودج اضرب جبهتي
لا تلوموني تـرى مْن الحـزن جبدي امفـتّـته
------------------------------------
و الذي خــلاّ القـلب منّي يذوب و يـنـفـطر
و الدّمع دم صبّت عيوني مثــل صبّ المطـر
ضربـة ام هْـجَام راس حسين أخـيّي بالحجَر
مَـر عليـها ايسـبّـح و نـوره يشع مـن غرّتـه
------------------------------------
قالت الرّاس الذي يسطع على الرّمح الطّويل
صاحب الشّيبه البهيّه و صاحب الوجه الجميل
جان راس حسين جرّب بَلْكي يبرد لي غليل
و بالحـجر بنت العواهر ويـل قلبي صكـّتـه
------------------------------------
شـلّت ايـميـنج يمـيشومـه اشْفَعَـل بـيـج الشّهـيـد
ماكفاج اللي جرى عْلَى الجسَد من عسكر يزيـد
قطّـعـوه و هـشّموا جـسمـه عـلى حــر الصّعـيـد
و انـتي اتضربـين راسـه بـالحـجَـر مـتـشـمّتـه
------------------------------------

شهادة اليتيمة في خربة الشام G
طـفلة المظلوم خرّت فـوق راسـه اتـقـبّـلـه
اتصـيح بـويـه ضيّـعـتـني و قـبل جـنت امدلّـلـه
]
قـرّح اجـفاني يَـبويــه و ذوّب احشاي اليــتم
مـن تـهـل الدّمـع عيـني يـضربوني و انـشـتــم
جيت بحماكم عزيزه و لا شفت ذلّه و هضم
و اصبحت بعدك يتـيمه فـوق ناقـه امهزّلـه
------------------------------------
لـو جـرى دمـعي ابخَــدّي مـن يـنـشّـف دمـعـتي
امروّعـه و مـا شوف إلي والـي يسكّن روعتي
لابقى العـبّـاس لــيّه و لا شبـاب مْن اخوتي
روسـهم فـــوق الأسـنّـه و لَجسـاد ابْكَربلا
------------------------------------
و انحـنت فوقه تشمّه و دمعها بخَـدها سفوح
وعن جبينه امْسَحت دمّه وشهقت وغابت الرّوح
ماتت و راسه ابحجرها و الحرم ضجّت ابْنوح
و كعـبة الأحـزان قامت و المدامــع ســايله
------------------------------------
مدّدت طفلـة اخوها و غمّضت منـها العـين
و عن حجرها راس ابوهـا شالته ابلوعـه و حـنين
و دارت النّسوه عليها و جدّدوا ماتم حسين
و اهوت سكينه على جنازة اخـتــها معوله
------------------------------------
تصـيح موتج نحَّـل اعظـامي و فتّت للقـلوب
ممّـدده و الـنّـاس تـتـفرّج عليـنا من الدروب
لَشـِق جيـبي اعليك لكن ما بقت ليـنا جيوب
و الدّمع قـرّح و لا ظـل دمع لَجلك نهمله
------------------------------------
و صرخت و نادت يعمّه بالعجل ودّي خـبر
كربلا حـتى يجــيـنا بــو الفـضل يحــفر قــبر
و الشّهيد حسين خلّـه يجـيب كافور و سدر
و الولد لَكبر يشـوف اخـته و نعشها يحمله
------------------------------------
شلون نـدفـن هليـتـيمـه و الأهل كلهم غياب
بـين عدوان و جنـازه امعطّلـه و بلــدة اجناب
وين جـدنا ويـن ابونا المرتضى داحي الباب
ويـن اهلـنا مـا دروا عدنـا جـنازه امعـطّـلـه
------------------------------------
و مهجة الزّهرا تـنادي بـس يَسكنـه امن النّحيب
ما نظرتي جـسم ابوج حسـين بـالغبرا تريب
و شفتي راسه اقبال عينـج شيـبـه ابـدمّـه خضيب
تركنـاه ابْكربــلا مطــروح محّـــد غــسّـلــه

ورود الحرم أرض كربلاء G
ابْهَالأرض خـيل الأعـادي جسم اخـيّـي داستـه
يـا نـزول الـغـاضـريّـه خـبّـروني ابحــفـرتـــه
]
ابهالأرض عـبّاس قطـعوا اجفوفـه و طـاح الـعلـم
ابهالأرض شـيخ العشيره استخرجوا قلـبـه ابْسَهم
ابهالأرض هجموا علـيـنا و شـتّـتونا امْـن الـخـيم
و الولي مـرمي و عيـنه اتشوف حـالة نسوته
------------------------------------
لاح قـبر حسين ليـها و انذهل منـها القلب
و صرخت و خرّت عـلى قـبره و مدامعها تصب
و صاحت اقعد شوف متني اشْحَل عليه مْن الضّرب
و انظر السجّاد من بعدك اشْصارت حالتـه
------------------------------------
لـو تشوفـه يوم شدّوا الجـامعـه وقـيد الثّقيل
و حطّوا ابْرجلـه سلاسل و هـو يَـبْن امـّي علـيل
فـوق نـاقـه امهـزّلـه و الـدّرب يَـبْن امّــي طويـل
يفت قـلبـي مــن يضربـونـه اُو يجذب ونّتـه
------------------------------------
و حالنا يحسين حال اقـشـر على ذيـج الهزل
هاي متعوّق جَمَلـها و ذيـج طاح الها طفل
و ذيـج شال الظّعن عنها و تركض ابـتـالي الزّمل
و الضّرب من غير فاصل و لقلوب امفـتّـتـه
------------------------------------
لو ردت يحسين افصّل لك مصايب هالسّفر
يـوم ما يـمكن أعــدّد يا شهــيد و لا شـهـر
ذاب جسمي امْن السّرا و انعمت عيني مْن السّهر
هضمني ابن زياد يَـبن امّي و شهرني ابْكوفته
------------------------------------
اوقفت قـدّامه منَكْـسَه الرّاس لكن يا شهـيد
ما شفت ذلّـه يَـبَعد اهلي مثل مجـلس يزيــد
قومـه ايسومون سكـنـه اعـزيـزتك سـوم العـبــيد
ننسحب كلـنا بحَبل و ابنك انجرحت رقبته
------------------------------------
خويـه جم سوق ادخلتها وجم مدينه وجم بلـد
و جيت بـيتـامك على قبرك و لا لـيّه جـلد
و تدري بركوب الجمل ينحل يخويه للجسد
وين ابو فاضل كفيـلي وصّلوني الحـفــرتــه
------------------------------------
قـامت اتصب الدّمـع و ايـتامها اويـاها تـدور
للشّـريـعـه قاصده اتـدوّر ابـو فـرجـه الغـيـور
و اوقعت فـوق القبر و القلب بـَحـزانـه يـفـور
صاحت اقعــد يـا كفـيل اللي طلعت ابذمّـته
------------------------------------
تـطْلعوني مـن اخدوري يخْـوتي و ذاك الدّلال
للمذلّه و الهــضم و الضّيم و ركوب الجمـال
جيت و الله امأمّـنـه و حولي مـن اخواني أبطـال
مــا دريت الدّهـر يفْـجَـعني بَخـويه و عـزوته

وصول خبرالحسين للمدينة G
هاي يا عمّي المديـنه تموج من كثر العويل
و اظنْها مصـيـبه دهتـنا ما يصير الهــا مثيل
]
قـام مـدهوش و تحــدّر دمـع عيــنه بْوَجْنـته
و لنّ لـمـنادي على بـاب الشّهـــيد ابْـنَاقـتـه
ايصـيح بالطّف انذبح شيخ العشيره و عزوته
ظـل ثلثــتـيّام عـاري جسـمه ابْدمّـه غسـيل
------------------------------------
صاح ياللي زلزلِت بالصـّيـحـه أركان البلَـد
أرد أنشدك عن أهل هالبيت ظل منهم أحد
قال راحـوا ما بقى منــهم رضــيع و لا ولد
غير واحــد شفــتـه وْيَا الحــرم لكنّه عليل
------------------------------------
روسـهم للـشّـام راحـت و لَجســاد ابْكربلا
عـاريــه ابْذيـج الفــيافي بـالـدمــوم امـغـسّـلـه
قـال انـشـدك ظـعـنـهم يـاهـو بـقـى يــتـكـفّـلـه
يـاهـو الذيـج الحرم مـن عقب ابـو فاضل كفيل
------------------------------------
قـال راحـوا الـشّـام و النّسـوه يـباريـها زجـر
و اليــتامى عْـلَى الهــوازل عاريـه بلــيّا سـتر
صاح يـا فجـعـة اقلـيـبي ريـت وارانـي القـبر
و رجع يلطم هامته و الدّمع بخـدوده يسيل
------------------------------------
طلعن و شافن احواله بنت اخوه و امّ البنين
نوب يمشي و نوب يـتعفّر على حـر الجـبين
ايصيح هالدّار اغلقوها بـعـد مـا يـرجـع حـسـين
مــا بـقـى يـم الـبـنـين امْـن الـعشيره بـس عليل
------------------------------------
صاحت اسم الله على الشّـبّان من نـوم القبور
يرجعون النا ابْسَلامه انشا الله و تزهر الدّور
لا تفاول يا عزيزي عْلى اخوتك ذيـج البدور
بالسّلامه يردهـم الله و الدّهر يرجـع جميل
------------------------------------
صاح جان انتي ابْرَجوى حسين و الـدّولـه تـعـود
ايّسي هـيهات مَيـعـودون سكّان اللحـود
راحـوا و ذيـج الـيـتـامى ربّقـوهـا بـالـقــيود
واظن زينب جسمها مْن الضّرب والمسرى نحيل
------------------------------------
و الـذي نحّــل اعظـامي و دمـع عـيـني نـشّـفــه
و نكّست راسي غصب و القلب زاد اتْلـهّفه
اوقوف زيـنـب وسط مجـلس بـالـيـتامى امجــتّـفـه
تكسر الخاطر يتامى حسين من كثر العويل
------------------------------------
خبر شايع راس اخـونا كسّر اضراسه العنيد
و الحــرايـر بالمـســام امـوقّـفـه مـثل العـبــيـد
أشـق جـيـبي جان زيـنـب دشّت ابـمَجلس يـزيـد
آه يَزينب يالوديعه شلون صرتي ابلا كفيل

إبن الحنفيه و أم البنين‚
اشْهَالخبر لَقشر علينـا اشْهَالمصـاب الـلي جـرى
ايذوّب افّادي امْن اسمعـه و مهجتي امْن اتصوّره
]
دم دمع عيني جـرى و بالحـزن دلاّلي انجرح
حـس لـمنادي ينـادي ابْكربلا حسين انـذبح
وبو الفضل فوق الشّريعـه مقطّعه اجفوفـه انطرح
و انكسر ظهر السّبط من عاينه فوق الثّرى
------------------------------------
راعني صوت لـمنادي ايصــيح مذبوحـه هَـلي
ذوّب قـلـيـبي يـنادي راح جــسّـام و عـلي
راح عون و راح جعفر للحرم ما ظل ولـي
لَشِـقْ جـيبي امْـن الأسف جـان العزيـزه امْيسّره
------------------------------------
آه يَزينب يـالمصونــه اشلـون ضيـعه ضيعـتِـج
تركبـين الجمل عاري و زجـر قـايــد نـاقـتـج
بالدّهـر للخلـق تـبقى اشـلـون فجـعـه امصـيـبـتج
و يظـل اسمـج للأبــد بالـفَـخر كلمن يذكره
------------------------------------
قالت اسكت لا تفاول على اولادي القلب ذاب
بالسّلامـه يردهــم المـعــبود حلـوين الشّـباب
و تزهـر الدّور ابأهـلها و بـعـد ما يـنغلق بـاب
و ترجـع ايـّام الـهنـيّه و السّعاده المــزهــره
------------------------------------
ايواجـه الله بـيـنك و بــين اخـوتك يَـبن الأمــين
ايــرد ابـو فاضـل و خُـوتــه أربعـتهم سـالمـين
انشا الله انشـوف المنـازل زاهـيـه ابْـغـرّة حسين
و ترجـع الوفّــاد و تعــود اللــيالي مـسفره
------------------------------------
صـاح راح حسـين لا تـتـرقّـبـيـنه لـج يعــود
و الحــرم للـشّـام مـسـبـيّـه و ترفــل بـالـقيود
و داروا ابذيـج الحراير حاسره ابوسط العـقود
و وقّــفـوا زيـنـب ابديــوان آل امـــيّه محـــيّره

زينب وابن الحنفية G
محمَّد ينـادي يَزينب و القلب بالحـزن ذاب
خبّريني يا زجـيّه اشْحَل عليكم مـن مصاب
]
نـادتـه و القلب ذايب و الدّمـع مـنــها يـسـيل
شوف خويـه الرّاس شايـب و الجسد مـنّي نـحيل
شاب راسي يـوم شفت حسين مـن دمـّـه غسيل
و انتَ يَمْحمّد امجـرّب لوعة افراق لَحباب
------------------------------------
قال يخــتي هالمصـاب الصـابكم كلّـه فظــيـع
لكن اسـمعـنا يـزيـنب عنـكم ابعــلمٍ شنــيع
فوق صدر حسين يَعزيزه صدق ذبحوا الرّضيع
قـالت اتخـضّب ابدمّـه و شقّت الجيب الرّباب
------------------------------------
قـال يخــتي الخـبَر جانــا ابْفـعل شـيّال اللوا
ملك صـدر المشرعـه و بالعطش رد و مـا ارتوى
و سـمـعنا يقـولون بالأجسـاد ضيّـق نـيـنوى
قالت اسكت لا تسايل و استمع رد الجواب
------------------------------------
انجـان تسألني عن عضـيدك أبو فـرجه اشْفَعل
فـيّض الوديـان من دمّ العـــدا يـوم الحــمل
و الله نسّـاها حرب صفّين و اهـوال الجمل
لكن انـقـطـعت اجفـوفـه و انجدل فـوق التراب
------------------------------------
قـال يخـتي صدق جاسم عرّس بطف كربلا
و ساعـة ازفـافـه عْمامـه اعلى الوطـيّه امجدّله
جان زفّـيـتوا ولدنـا قـبـل مـا تـذبـــح هَـلَـه
و جان طرّشتوا يَزينب نحضر زفاف الشّباب
------------------------------------
قالت محمَّـد يخويـه ليت حاضرنـا و تشوف
زفّــه حسين ابحَريمـه و العـدا تزحف اصفوف
وعقب ساعه صار من دم نحره اخضاب الجفوف
شاب مَـتـْهَنّى و تفصيل الجـفن لابس ثياب
------------------------------------
قـال صدق حسين اخيّي مات محّـد وسّـده
و عقب ذبحـه فـوق صـدره جـالت اخيول الـعدا
قـالت اوصالـه شـفـتها اقـبال عـيني امـبـدّده
و شفت راسه يا محـمّد شايلـينه عْلَى لحراب
------------------------------------
و المصيـبه اللي عمتـــني مشـيـتي ويّـا الغرب
قـلت خـلّـوني و لَنْ مـتــني تـورّم بالضّـرب
و طوّح الحادي ومشوا بـيـنا عن ابن امّي غصب
لو شفتنا اشْكثر قاسيـنا بعدهم من عذاب
------------------------------------
قال شـايع خبر يا زينب و اظـن هـذا بعـيد
قالت اخـبرني الدّهر بَلْكَت يسـوّيـها و يزيد
قـال دشّـيتي صـدق حـسـره عـلى الـفاجر يـزيـد
قالت إي والله دخَلنا و مجلسه مملي أجناب

السجاد مع أبي حمزة الثمالي G
لا تهـيجني ترى سيف الصّــبر قلـبي فرى
اتلومني جـنّك مَتَدري بالمصـاب اللي جرى
]
لا تهـيّجني ترى مْـن النّوح جــبدي اتفطّرت
عاينت عيــني مصـايب بـالـبـــرايا مـا جرت
ابـيـوم واحـد كـل عشـيرتـنا بْصعيد اتعفّرت
روسهم فـوق العوالي و لَجساد عْلَى الثّرى
------------------------------------
شوف عيني من وقـع بو الفضل شيّال اللوا
راح ابويه حسين شافه ادمومه و مخـّه سوى
و رجع محني الظّهر و يصيح طود العز هوى
و انـا بـس اجذب الونّـه و الدموع امـنـثّره
------------------------------------
شوف عيني ابن الحسن من طلع جـنّه غصن بان
لابـس اثـيابــه يـبو حمــزه مثـل لـبس لَجفان
و الوجه مثل البـدر ياضي على بخت الزّمان
ظـل رميّه عْـلى الوطـيّه و الخـدود امعــفّره
------------------------------------
عايـنت عيـني يَـبو حمــزه عـلي لَكبر الشّاب
وقــع بـالعركـه و جـابـه والدي يـم لَطـناب
بالسيوف مبضّعـينه و راس ابـوه علـيه شاب
شعب قلبي حـال ليلى اتحــوم حوله محـيّره
------------------------------------
وجان ابـيّن لك مصاب اللـي صـدر رايك يضيـع
جاهدوا حتّى تفـانوا و الغسل فيـض النّجيع
يا بو حمـزه ما تقلّي اشْذنب عبدالله الرّضــيع
بـيد ابويه حسين شفـته السّهم فاري منحره
------------------------------------
و المصـيـبه اللي تهزّ العرش و تفـت الصّـخر
مـن شفت طاح الشّهيد ابْسَهم مـن ظـهر الـمهر
و أمَضْ منها يوم شفـته ايهبّر اوداجه الشّمر
و الحـرايــر نصب عـيـني بـلـبرور امطـشّره
------------------------------------
و جان ما تدري أخبرك و الخبر صعب و شديد
نـادوا علـيـنا خوارج بالسّكك مثـل العـبـيد
وقّـفـوا بـنت الرّسـالـه امـجـتّـفه ابمجـلـس يـزيـد
مـالهــا ســاتر ذليــله و بالـيــتامى امـمّرمره

{ نعش الامام الكاظم على جسر بغداد }G
أصبح النّــاعي يـنادي مات امــام الرّافـضه
و شيـعـته بقلـوبـها نـار الحــزن شبّت لظى
]
و اصبحت بغداد كلها عْلى الجسر مـتجمّعه
ذاك مـتشـمّت و هـذا فـوق خــدّه مدمـعـه
ويـل قـلـبي و الجــنازه عْـلى حماميل اربــعـه
و فوق ذاك الجسر مدّوا مهجتك يا مرتضى
------------------------------------
وقـف يـم جنازتـه ابن سويد ويّاه الطّـبــيب
شال جف إيده و شمّه و ارتفع منـه النّحيب
و قـال هـذا مـن عـشـيره لـو ابـبلـدتكم غـريـب
جان تسأل عن سبب موته ترى بالسّم قضى
------------------------------------
صفق جـفّيـه و زفــر و الجـيــب مـنّـه مزّقــه
و قـال أُهـو شيخ العشيره و العشيره امفرّقـه
اتشـتّـتوا و اضحت مـنـازلهم خلــيّـه امغــلّقـه
ريت حاضر لـه و يشيل اجـنازته اعزيـزه الرّضا
------------------------------------
يـا خلـق شـفـتـوا جـنـازه بالحـديــد امقـيّـده
اعلى حماميل اربـعـه تـبجـي الحالـتها العــدا
حـوّل اسـليمان صارخ مـن سمـع ذاك النّـدا
و قـال خَبْروني اشْصايـر ضاق بي رحب الفضا
------------------------------------
قالوا اللي عْلى الجسر صوبين كلهم ينظرون
عـدهم اجـنازة حجـازي اممّـدده و يـتـفـرّجون
قـال جـيـبوهـا بعجل لـيّـه تـرى اتـزلـزل الكون
هذا من بيت النّـبوه و بـيدهم حـتم القضا
------------------------------------
جهّزوا شــيخ العـشـيره بالمعـــزّه و غسّـــلوه
و ابّرده بْعشـرين ألف جسـم ابن جـعـفر جفّنوه
و صاح لـمحشّم يَشـيـعــه إمامكم قوموا احملوه
طـلـعت الشّيـعـه ابْضَـجّه للسّرايـر معـرضه
------------------------------------
يا عظـم مشـية الشّيعه من ورا نعش الإمـام
كاشفين الـرّوس جمله امـنـشّـره سود الاعلام
و الـنّسا نشرت شعرها و الزّلم تلــطم الهـام
على إمامٍ بالسّجن مـيّت و لا حــد غمّضه
------------------------------------
و عـن غريب الغـاضريّـه وين غابت شـيـعته
ليت حضروا قبل مَتّـدوس العـوادي جـثّـتـه
و عاينوا زينب تـنـخّي مـن يشـيل اجـنـازته
جـثّـتـه ظـلّت على حـر الصّعــيد امرضّضه

{ وفاة الإمام الرضا }‚
اتزَلْزَلَت طوس ابأَهلها و غـدت ضجّـه بالعويل
ماجت السـّبع العلا لمصيبته و عرش الجليل
يا قلب ذوب و تفـطّر حـزن لمصاب الرّضا
قطّـع المأمـون غـيـلـه قلــبـه ابـسـمّه و قضـا
وكت مـوتـه حضَر بحْــذاه الجـواد و غمّضه
امْن المدينه الطوس جا له و بالحزن جسمه نحيـل
------------------------------------
غَمَض عينـه و اسبل ايـده وكت مـوتـه و مـدّده
و الشّهيد حسـين وكت الـموت محّــد وسّده
و جـثّـتـه ظـلّت عـلى حـــر الصّعــيد امـجـرّده
امْن المخــيّم للحريــبه شْلون ما راح العليل
------------------------------------
حـيـف ابو محمَّـد قـضا نـحـبـه غـريـب ابـغصّتـه
وطوس ضجّت لـه و لفى المأمون يسكب دمعتـه
و حول بيـته اجـتمعت الشّيعه الشيل جنازته
غدت مدهوشه تحن بالويل و الحزن الطّويل
------------------------------------
و يوم فاضت روح ابو سكنه وعلى صـدره شمـر
على خيامه الخيل دارت و انهتك ذاك الخدر
و الحـرم سـلـبوا يزرهــا و فـرّت ابلــيّا سـتر
غدت من قلّــة الوالي ضايعات ابلا كفيـل
------------------------------------
بَـرض سـامرا قـبـور اتـغـيـبـت بـيـها شمـوس
مـن سمـع شمــس العـوالم تـخـتفي ابـطـي الرموس
و المصـيـبه اللي افجعـتـنا بـدرٍ اتغيّب ابْطوس
جرّعه ابن الغادر السّم و اشتفى منّه الغليل
------------------------------------
خـان بـيـه ابن الرّجس و القلب منّه قطّـعـه
امن الغدر حافي لفى لـه و شال نعشه و شيّعه
و الخـلق هـذا يلـوج و ذاك يجــري مدمعــه
و هذا يلطم على الهامه و الدّمع منّه يسيل
------------------------------------
للـنّـبي حـقّ الرّسـالـه اليـوم أدّت أمّـتــه
خانت اعهوده ابْغَدرها و جارت عْلَى عترتـه
و اصبحت مـن غـير سـايـه بـالفـيافـي امـشـتّـتـه
هذا هالك بالسّجون و ذاك من دمّه غسيل
{ الــنـاظم }
إهـنا يـبو محمَّد نخـيتك و انت لـي حصن و مـنيع
مَـدد طالب مـن الـباري و انت لـي نـعم الشّفيع
من يقول اليـلـتجي بظلّك يَـبن طـــه يضيع
تدري ابْمَقصد عطيّه شلون يا حامي الدّخيل

{ الزهراء تنعى و ترثي أولادها }G
ابكل بَلده وكل وادي من اولادي بــدر غـاب
ذاب قلبي من مصايـبهم و منّي الرّاس شاب
]
كل صباح وكل مسـيّه يـنـفـقـد مـنّي ولـد
شــرّدوهـم بـالـفـيـافـي و لا يـــآوون ابّــلَـد
خالـيه منــهم منـازلـهـم و لا منـــهم أحــد
بس حرم و ايتام مدهوشين من عظم المصاب
------------------------------------
بعض راحـوا بالمباني و بعض راحوا بالسّجون
و الذي بالبر هـامــوا للوطــن مــا يرجــعون
و القضــوا بالسّم غيلـه يا خلق مـا ينحـصون
و الذي انذبحوا تظل أجسادهم فوق التراب
------------------------------------
بعض عندي بالمديـنـه و بعـض هامـوا بالبرور
بعض حصلوا الهم اموارا وبـعض ماحصلوا اقـبور
جـم جسـد بالطّف عـاري و راسٍ ابْخطّي يـدور
وجم طفل مرمي ابكتْر حسين دامي وجم شباب
------------------------------------
و من فعل بغداد ذابت مهجتي و قلبي انكسر
مهجتي باب الحوايج ظل رمــيّه عْلى الجسر
و المصيـبه اللي دهتني بْطوس مخسـوف البدر
عــنّه بعيده العـشـيره و ميّت ابّلدة اجنـاب
------------------------------------
و اصبحت طوس ابزلازل و الخلـق كـلـها ابْعَويل
لَجْـل ابو محمَّد تزلزل يـا خلـق عرش الجلـيل
و الاعلام السّود منشـوره و مدامعهم تسـيل
اهتزت السّبع العليّه و بالأرض صار انقلاب
------------------------------------
قـام شـبله ايغـسّلـه و الدّمـع مـن عـيـنه همى
مـدّده عْـلَى المغتسل و المـاي جـاه مـن السّما
و بالطفوف حسين جـدّه اتـغـسّل ابفيض الدّمـا
و الجـفن سافي الثّرى عريان مسلوب الثّياب

{ إستنهاض الإمام المنتظر }‚

شبل طـــه شيعـــته عـــزها بنـــاه و شيّده
يَـمْـتَى لـمـنـادي يـبشّـرنـا بـرض مكّه بــدا
إمامــنا عـلّة الكون و دام بوجـوده الوجـود
حيث لَن العـالم الخيـمه و هُو بـيـها العمود
يَمتى يظهر برض مكّه و ندرك أيّام السّعود
و الـنّصر يمـشي أمامــه و لَمـــلاك اتـأيّــده
------------------------------------
قـوم يَـبن الحسن جـم دوب الصّبر هــذا الصّــبر
قـطّـع امعانـا و شربـنـا امـن العـدا كاس الكـدر
طالت الغيـبه يَـبن طـه انهض ابْسـيف النّصر
هاي شيـعـتكم ذليلـه و عايثـه بـيهـا العــدا
------------------------------------
جان مـا نـسـتاهل النــا تـثـور يمشكّر فزيــع
ثـار جـدّك بـو عـلي عـد آل أمــيّه لا يضــيع
ما نظن تنسى الحريم الضّايعه و تنسى الرّضيع
و اليتامى اللي اضربـوها و الخـيَم لـمفرهـده
------------------------------------
و الخبر عنـدك يَـبو صالح عن الصار و جرى
ظـل ابوك حسين يـتـلـظّى ظما فوق الـثّرى
و داس بـنْـعالـه الشّمر صدره و نحـره هبّـره
و جـثّــته ظـلّت على حــر الصّـعيد امجـرّده
------------------------------------
و انتَ بـعـد حسين تـدري ابحـال زيـنب و الحرم
يـوم صاح الرّجس وجّوا النّار نحرق هالخيَم
للفـضا فرّت تـنـخّي ويـنكم يَـهـل الشّــــيم
امحــيّره و محّــد يــرد اجوابــها غــير الصّدا
------------------------------------
اتصـيح يـا عباس ويـن الوعــد يـا ضنـوة عـلـي
امـن المديـنـه الكربـلا مَـنـتـه الـتـباري محملي
يـوم مـمـشـانـا قلت قومي و تخـــيّرتك ولي
ابشاربك عبّاس ما تنهض ترى الحادي حدى

] ] ] ]



















{ الملحمة الفاطمية } ...

المولد الشريف
صلاة الله على الهادي وعلى اللي الحور خدمتها
البتوله فاطمـه الفطمت مـن الـنّـيران شـيعـتـهــا
]
البتولـه فاطمـه الشـعّـت ابْـشـعّـة نـورهـا الجـنّـــه
ابـتـفّاحـة خـلـد مكـنون بـيـهـا الـرّوح يـتـعـنّى
قـدّمـها لـبـو ابـراهـيـم شـع بـيـده و فزَع منّـه
يقلّـه شــلون تـفّاحـه و تشـع خــبّر ابقصّتهــا
------------------------
يقـلّــه هــاي تـفّـاحـه مـن الجــبّـار مذخـوره
قـبل مـا يخـلـق الاكوان بـيـها الـنّـور مـن نـوره
نـور الطّاهـره الـزّهـرا الـبالـتّقديـس مـشــهـوره
شــاء الله تجـي الدّنيــا و من الجــنّات طينـتـها
------------------------
إكلها انت وخديجه وْيـاك رب العـرش هـذا امـره
تـتـكــوّن يَـنـور الـلـه مـنـهـا البضعـة الزّهـرا
و حملت و ازهر المـنـزل و لَنهـا بالحــشا تـقـرا
و خبّرها النّـبي الـهادي و مـا تـنوصف فرحتـهـا
------------------------
فـرحـت و النّــسـا لازم ابْــزود الـفضـل تجفـيـها
تحسـدها على الـمـنحــه الـمـنحـهـا خـالقي بـيـهـا
حــتى بالوضع لَـيْكون نجســه و كافـره اتجـيـهـا
اتلامسها حــرم نجسات مَـيْـنـاسب طــهـارتــهـا
------------------------
إجت حوّا و إجت سـاره و مـريـم و آسـيـه يمـهـا
عن اليمنه وعن اليسرى و وحـده ابصدرها اتـلمها
و وحده واجفه بالطّيب و تسكّر خديجــه امـهـا
وضعت فاطمه و بالحال إجت مريـم و شمّـتـهـا
------------------------
تشمها و قـالت اخذيـها تراهي طـاهره ام اطهار
طهور ولا تشوف دمـوم بـس من ضربـة المسمار
بــين الــباب و الحـايـط و ضعها ويـل قلبي صار
خرّت و الضّلع مكسور و عْـلى الـعين لطمتهـا

الزّواج الميمون
ربّـت بضـعـة الـهــادي خديجــه و زيـن ربّـتـهـا
و ابْــدرّ الهـدى و الدّيـن و الإيـمــان رضـعـتــهـا
]
يَـمْـتى اتـقول مـولـوده عقب عام الرّساله بحـين
و عمرها يـوم موت امـها الـمهضومـه ثمـان سـنـين
ابسـنْتْ التّاسعه تزويجها البضـعـه ابْـأبـو الحسـنين
يـلموالي انشدني و قـول صارت ويــن خـطـبـتها
------------------------
خطـبـتها مـن الــباري ولـيـها ابّـبـيـتـه الـمعمور
والامـلاك اعملت زيـنـه وكـل الكـون شـع ابْـنـور
لـكـن يـالمحــب اسمــع مهرهـا مـو مـثل لـمهور
رضَت بـالـزّوج لكـن بعد حط بالك الطلبتها
------------------------
مـن جملة مهرهـا انـهار بــالدّنـيــا و بـالجــنّـات
فـكّـر بـالاشـاره يــوم دعــبـل نـظّـم الابـيـات
يقلهـا النّـهر مـن مهـرج و بـيه حسين ظـامي مـات
و هي وقفت عليه عريان و اشــتـدّت مصيـبـتـها
------------------------
ومن جملـة مهرهـا شـوف طوبى اشحملت مـن ثمـار
نـثار الـعرس در و اوراق لـلــبـاجـين و الــزوّار
مكـتوب الخـلاص الهــم يـوم الـمحشر مـن الـنّار
لَحَـتّى اهل الولايه تروح للجـنّــه بشــفـاعـتـهـا
------------------------
يـوم الـتطب للمحشـر او ويّـاهـا ألـوف الحــور
و جبريـل الأمـين يـقـود نـاقـتـهـا و هو مـسـرور
و تطـفي جمــرة المـوقف عـن النّاس و يشع النّور
و على باب الجنان نروح كلنا نشوف وقـفـتـها
------------------------
وقـفـتـها تـرج الـكـون و الـــبـاري يـنــاديــهـا
اشعندج يَــبْـنَـة المخـتـار مـن طـلــبـات قدمـيـهـا
و ترفــع راسـها عــالـي و تـتـوسّــل الــباريــهـا
إلـي طلبات يـا مـولاي ضخمه و هـاي ساعتها

موقفها في المحشر
فكـّر يـا صحيح الدّيـن بــالبضعــه و رتـبـتـــها
و اخلص بالولايــه زين و اتـبـصّـر شــكـايـتـهـا
]
صاحت يا عَـدِل يـالـلي ابكل اللي سدى تـدري
اجهلوا قدري و أريد اليوم يـارب يـنـعرف قــدري
يجـيها النّـدا مـن الجـبّار أمـرج بـالحشـر يجـري
و تطب للحشر و الامـ ـلاك ملزومـه بطاعتـهـا
------------------------
للموقف تطب و تشوف كــل واحــد بْـعـنـوانـه
و مـن بـعـيد الـيوالـيـها بجبـيـنـه يـلوح نـيـشـانـه
تلـقّطـهـم بْـعـفـو الله و تظـل أمّــة الخسرانــه
و هَبْهَبْ تلقـط الــباقي و تْكَرْدِسْهُم بحفـرتــهـا
------------------------
الموقـفـها بـعــد ترجـع و يـأتـيـها نــدا الــباري
أبوج المصطفى و الـزّوج قـاســم جـنّتي و نــاري
الجـنّـه بْـشـيـعـتج دشّـي و قـرّي الــيوم بجـواري
تجر ونّه و على الخدّين لازم تـهــل دمعـتـهـا
------------------------
و تنادي احكم يرب النّاس بـيـني و بــين عـدوانـي
خصوص البالجزل و النّار جــاني المـنـزلـي عــانـي
و اريد انظر عزيزي حسين ذاك الـقــرّح اجـفانـي
ومن تنظر الشخص حسين آه يـا عظـم صرخـتـهـا
------------------------
تـنـادي مهجَتي يَحسـين يـاهـو القـطّـع اوصـالك
ظــامي تـنـذبـح يَــبْـني و تقضي بالظّما اطفالك
يـبني و الخـيـم بـالــنّار شـبـّوهـا عــلى عْـيـالك
و جم حرمه وطتها الخيل يَـبْــني ابـبـاب خيمتـها
------------------------
و تـالـي ترفــع ايـديــها و مـنها الجــبد موجوعه
وتضـج الرّسـل و الأملاك و الكـل تهمل دمـوعـه
تشوف إيـديـن مرفوعـه و بـيها جفوف مقطوعه
و تـنـزل غضبة الـباري على اعداهـا بْـدَعوتــها
بضعة من الهادي
اهــنا يـاللي تـوالـيـهـا و مـن مذهبك عصمتها
شوف المصطفى المخـتار شــيـقـول ابْـمـودّتــهـا
]
دوم يقول للأصحـاب بضـعــه فـاطمــه مــنّي
الــيـاذيــهـا يــأذّيـــني و اليحـبـهـا تـرى يحـبني
و اليسب فاطمه ام حسين يـالأمّـه تـرى يـسـبـني
و دايــم من تطب يمّــه يقـبّـلــهـا بْـجَـبْـهَـتْـهـا
------------------------
صدّيـقــه يـسـمّـيـهــا و رب الـعرش صدّقـهـا
تمشي مشـيـتـه و يـنطـق الهــادي مــثل منطـقـهـا
و نـزل جبريــل بالآيــه يـقلّـه بضعـتـك حـقـهـا
العـوالي و فَدَك يا مخـتار خَـلْـها تصـير حصـّتـهـا
------------------------
عـاين للـكـسا بــيـا دار غطّى المصطفى المخــتـار
ومن ويّـاه غـير الحسـن و حسين و عـلي الكرّار
وقـفت تطلب الرّخصـه و جـبريـل بـأثرهـا صـار
مــا يـقــدر يخــلّـيــهـا و هــو امــوزّم بْخدمتها
------------------------
ثلاثه من الاملاك اعيان بـامـر الطّـهـر ملـتزمـين
واحــد لازم التسـبـيح من تسهر و تغفي العين
و جبريـل الأمـين يريــد شغله بـس يـناغي حسين
و دومٍ دوم وقـفـتـهم تصير ابـبّاب حجرتـها
------------------------
ذاك الــباب مـا تـدري عقب جبريل بـيـه اشْـصار
الـزّهرا و حـيدر الكـرّار و الحسـنين وسط الـدّار
ترى قـوم البغي هجموا عليهم بالحـطب و الـنّار
و كل مْصايب الصارت أصلها يـــوم عصرتها
------------------------
بحبل السّيف سيف الله خذوه و حبله الممدود
و ذيـج الـنّـار نـور الله دعـاهـم للجحـيم اوْقود
و ذاك الضّلـع و المسمار مزّق من الشّيعـه جـبود
اليوم الحـشـر يالاسـلام مـا تـنـخـمـد جمـرتــها

فقد أبيها وغصب بعلها
من موت النّبي المختار أفصّل لــك مصيـبتهـا
قبـل الغسـل و التّجفين فـكّــر شــوف نكبتـهـا
]
مـات المصطفى و خلـّوه فــوق المغـتسـل مطروح
وَحْــدَه غسّلـه حــيدر و هــذا بالسيِّر مشـروح
و واحـد قــال للآخـر إمش بالعجَل خلـنا نْروح
نـتـــدارك قـضـيّـتــنـا قبــل لا تروح فرصتها
------------------------
نجحوا بانقـلاب الــعام شــوف اشْفصّل الـقرآن
عـلى الأعـقاب ردّتهم و لا نحـــتـاج لـلـتّـبـيـان
حـــيدر معتـزل بـالدّار وحده حيث ماله اعوان
لكــن حجّــة الـباري لــزم تـنهـض بحجّـتـهـا
------------------------
تبـيّن حجـج ليـل نْهـار تـتـقـصّــد مــنـازلهـــم
تـبـلّـغ حجّــة الــباري و تـتــوسّــط محـافـلـهـم
و كلـما حشّـمـت بـيهم ازدادوا فــي تخــاذلهـم
و تِرد يا ويل قلبي الدّار مـكـمـوده بْـغَـبـنـتـهــا
------------------------
تقلْها حـلـيلـة الهــادي اشـمصـباحـِـج يَحوريّــه
تقول أصبحت مكروبــه و مــن اللوعـات مملـيّــه
و هــاي أحقـاد بدريّــه علـيـها قـلوب مطـويّـــه
و الدّنـيــا مصايـبـهــا عــليّ الـيـوم صبّتـهــا
------------------------
و لـمصيـبه الشّديـده يـوم اجاهـا الخبر وسط الدّار
عــوالي و فـدك يـازهـرا خذوها وكل حجي ماصار
طـلـعت و النّسـا ويـاهـا و لا حاجت عـلي الكـرّار
و هم حطّوا وكيل الهم و هــي ألـغـوا وكالتـها
------------------------
تمـشـي مشـيــة الهــادي البتولــه و تْـعـثر بـالـذّيل
حـسن و حسين ويّـاهـا و دمعها من المحاجر سيل
دشّت و السـتر سـدلـوه و جلست و الدموع تسيل
و ونّت بالشّجا و لليوم وســـط القلب ونّتـها
خطبتها في المسجد النبوي
دخلت مسجـد الـهادي الصـدّيـقــه ابلـمّـتــهـا
و ونّت ريت ابو ابراهيم يســمع جان ونّـتـــها
]
ابْونّـتـهـا غــدا المسـجـد يموج و ضج فرد ضجّه
و لو مـا رحمـة الـباري تخــلّي الأرض مـرتـجّــه
و تدري ما يفيد الوعظ لــكـن تـلـقي الـحـجـّـه
عليها واجب مــن الله تــأدّي الهـــم رسـالتها
------------------------
تقـلهم والـدي الهـادي و انــا فاطمـه الـمعصومـه
عـنّي بـس ابـو ابراهـيم غـاب اصبحت مهضومه
اشْـدَعْوى مـن نحلتي ليـش يــالاســـلام محـرومـــه
نحـلني مـن أمـــر ربّــه او ولاتــه الجـدد نهبتها
------------------------
لَبوهــا يَـمَّـمَت عبرى وْ هوت ويـلي عـلى قـبره
تقلّــه يــا حبـيـب الله انــا السمّيـتني الـزّهـرا
ترى بعدك يـبو ابراهيم صـارت عـيشـتي قـشـره
البضغـه يــا رسـول الله دقــوم و شـوف حالتها
------------------------
ترى هجموا عـلي داري وخلـف الـباب عصروني
يـبويـه مـن سياط القوم دقـعـد عــاين مـتـونـي
يـا يـابـه و حسن و حسين عــنّك مــن ينـشدوني
يـفـتّـون القلب و الـعين تجــري بجـمـر دمعـتـها
------------------------
يـا نـكــبـه الأقــاسـيــها فراقـك لـو عـزل حيدر
لـو منعي مـن حقـوقـي لـو هـالـضّلـع لـمكـسّــر
وحتّى مـن البواجي اعليك مـنـعـوني و هِـمت بـالـبر
عْلَى القبور اقضي اوقاتي بضعْتك هـاي محـنـتـها
------------------------
تــراب الـقــبر شمّـــتّـه و عجنـتّـه بْدموع العـين
و قالت مثل هذا الطّيب يــا نــور العـوالـم ويــن
الله اويــاك يـا مخـــتـار ودعـوا القـبر يالسّـبطـين
طلعت تـون و النّسوه الــباب الــدّار ودّتـــها

عتابها لأميرالمؤمنين
دشّت مهجة المخــتـار مـقـهــوره الحجـرتـــهـا
اُو وقفت يَـم ابو الحسنين بــالله اسـتـمع عـتـبتها
]
تقلّــه يَـبْن ابـو طـالب نمـت نومـه و غـفت عينك
عـن حقوقي يَداحي الباب كلها اتصادرت ويـنـك
ما تنهض يَـليث الـغاب شمـجـتّـفـهن إيــديـنــك
اليوث الغاب مـا واحد كفــو يـوصل الغـابتها
------------------------
خلف الـباب مـانـي بـعـيد تسـمـع نخـوتـي و صوتي
بـيّـــه املـزّمـك ربّــك مــن العـــالم اللاهـوتي
مـن قـبل الـهضم يـا لـيت جــان امـنـيـتي و مـوتـي
المثــلي مـا تريـد تعـيش ساعــه و هــاي حالتـها
------------------------
يقلهـا يَـبْـنَــة الهـــادي ابكـل صـوره تـعـذريــني
و انا ادري ما يهون عليـج يــا زهـــرا تـعـتـبـيـني
يَزَهرا وهالجرى مـن القوم واضــح بـيـنـج وبـيـني
و لا تـقـبلــين يـا زهـرا الوصيّــه اندوس خطّتها
------------------------
تـرى سـيفي أنـا البـتّـار و انــا حــيـدر الكـرّار
أنا وحدي افتحت خيبر و خلّـيت الدمـوم انـهـار
لكـن لـو أسـل السّـيف شـفتي بـالاسلام اشْـصار
و انــتي بعــد معــذوره المصايـب هـاي محـنـتـها
------------------------
هـذا و الحسن و حسين كـل هالحجي يسـمعونـه
و كل واحد يجر حسره و تهـل مـدامــع عـيونـه
و هـي تنشّـف مدامعهم و جـابـتـهـم المـحـزونــه
تـقـلّـه ســكّت اولادك بـجـاهم مهجتي فَـتْـها
------------------------
أشــكي ظـالـمـي لله يـبو الحسنين و الله اوياك
بـس امن الـهضم و الضّيم لكـنّـه صـعـب فـرقــاك
و قلبي يذوب مـن فرقـا بناتـي يـا عـلي و ابـنـاك
عسى يحفظكم الباري و حياتي انقضت مدّتها
علّتها ولزومها البيت و الفراش
من صارت طريحــه فراش و تـطــوّرت عـلّـتـهــا
لزْمت ويـل قلبي الدّار و اتْـعــذّرت طـلعـتـهـا
]
طَـب المـرتضى للــدّار لَـن يـنظر عجـين و طـين
و الزّهـرا تجــي و تـروح عدهـا مْـن الاعمال اثـنين
قلها اليـوم يـم حـسـين جـن مـباشــره شـغلين
و هـذا للوصي معـلـوم مــا هــو مـن سجيّتـها
------------------------
تقلّـه الـطّـين يـا كـرّار اغـســل روس لبـنـيّـات
يَحـيدر و العجـين اخــبز بـإيــدي للولـد خــبزات
بـاجـر تشـتـغـل عـنـهم ابْـتجهـيزي يـبو الحملات
صب الدّمع داحي الـباب بـس مــا سمع كلمتـها
------------------------
قلْهـا اشْخَـبَّرج بـالغـيب قــالت والـدي الـمـبرور
شفـته و اشتكيت الحـال عنده من الهضم و الجور
قــلّـي بــس ثـلـثـتـيّـام و تـجـيـني يَسـت الحـور
و ايّـامي يَـدَاحي الـباب كلهـا انقضت مدّتــها
------------------------
المسـجـد روح واولادك يَـبن عمّي بْعجل وَدْهـم
و خَلهم يجلسون هــناك ساعــه عِـدْ قـبر جدهم
و بعـد لو رادوا يـنامون ابْـزنـديـنَـك تـوسّــدهـم
و زينب خـل تظل يمّي انشعب قــلبي الوحدتها
------------------------
راح و صاحت ابْـأَسمـا بْعَجل عدلي لي وسادي
و ثوبـي و الغسل دنّـيـه يَـمّــي خـفّـق افّــادي
و عْـلـيّـه السّـتر ســدليه و جلـسي تْـلقّي اولادي
امتـثـلت كـل اوامرها و عـــند الــباب قعدتها
------------------------
البضعه اتّطهرت للموت وهــي الطّـهر دومٍ دوم
حـدَث مـا يلتصق بـيـها و جـلال الواحـد القيّـوم
نـور و نــازل مــن الله عـنـدك مـن قـبل معلوم
تسجّت و اسبلت للموت و اسـتـقـبلت قـبلـتــهـا

وصاياها وعهدها لأمير المؤمنين
انجـان تريـد يالشّـيـعي تحيـط ابّـعـض سيرتها
وياي اقعـد فـرد ساعه و انظــم لـك وصيّـتـها
]
قـعد يمها الوصي و بالرّوح عـايـنها يـويـلي تجــود
نـاداهـا يَــبت هــادي الامّــه و حجّــة المعـبود
اشـلون الحـال يـا زهرا و دمعها غرّق الها خدود
تقلّــه مــاشيه عــنّـك و هــي تطــوّح بونّـتـها
------------------------
ســامحـني يَـبو الحـسـنين جـان عْـرفت مـنّي قـصور
مـا تعـهـد كـذب مـنّــي و قلهـا و القلب موجور
إنــتي أعـلـــم ابـربّــج و اعظم يـا جمـال الحور
و انتي اللي زهَر هالكون كلّــه بْـنــور غـرّتــها
------------------------
مـنّي جـان صار اقصور يــا شمّــامــة المخـــتـار
مـنِّـج اطـلب السّمحـان يَــم السّــادة الأطــهار
قـالت يـا عـلي حاشـاك مـثلك بـالوفــا مـا صار
وصــيّه يــا عـلي مــنّي و خـذ مـنّي نـتيجـتها
------------------------
حسن و حسين يا حيدر علـيـهـم ذايب افّــادي
بـنت اخــتي تـزوّجـها لَـحَــتّى اتـربـي أولادي
و غسّـلـني و انـا طُهري ثـبـت من قـبل ميلادي
و اريد جـنازتي خفـيه ابْـتـالـي الليــل طلعـتـها
------------------------
طلـعـوا جـنازتي بـالليـل يـا حــيدر و دفـنـونــي
و امّـا اللي عَـلَي بـالدّار هـجـمـوا لا يحضرونــي
هــذا الضّرب بْمـتـونـي و هـذي لطمة عــيوني
الله اويـــاك نجّــزهـا و و صـيتي هـاي غايتها
------------------------
و مــدّت حـالاً ايْديـها و على الدّار ارسلت نظره
و صوب ايتامها صـدّت و فـاضت روحها الزّهرا
وعلى حالة حسن وحسين حــيدر يجـذب الحـسـره
و حس بْمصيـبة المخـتار حــيدر مـن مصيـبتـها

وفاتها (ع)
عــند السّتر مغبونــه اوقفت أسمــا و حاجـتـها
و مـا سمعت جواب الها و دشّـت تـهـل عبرتـها
]
لقَـتْـها مْفَارقـه الدّنـيا و هوت تلطم على الخدّين
تحـن و تصيـح شـالجـاره يَـزَهـرا بالحسن وحسين
عــنِّـج مــن ينشـدوني شَـقلْـهم يـا ضيا الكونين
ردّت قعدت عْلَى الـباب و تـنـشّــف ابْدَمْـعَـتـهـا
------------------------
و مـن المسجد السّـبطين لـلـبـيـت اقـبلوا يمشـون
و إيد الحسن بـيـد حسين لكن بالجرى يحـسّـون
وصلوا الدّار يــا ويـلي وعن امهم وقفوا اينشدون
يَـأَسما اشْلون حال امـنا عـسى اتحسّنت حالـتـها
------------------------
تقلْهـم دشّـوا الحجـره و شوفوا اشْحَالـة الزّهرا
دش الحـســن يـا ويـلـي و اخوه حسين طب باثره
لقوهـا امـمّـدده و ميـتـه عليهم سـاعة القـشـره
مــن خــرّوا يَـتَـاماهـا بْلوعــه عــلى جـنازتـها
------------------------
يقلْـها الحـسـن حاجـيـني يَـزَهـرا ذايـب افّــادي
و صاح حسين انا بحجرج يـقـبّـلـني النـّـبي الهادي
أنا حسين اخبري جدّي يَــزَهـرا بـالـذي سـادي
و زينب بالبجـا هـاجت تـفت القـلب صرخـتها
------------------------
حـيدر نهض للـتّغسيل و اسمـا اتعاونـه و سلمان
على الـمغـتسل من مَـدْها عليـه اشْهاجت مـن احزان
شـاف الضّلـع و المتـنـين و انـهـل الدّمــع غـدران
أثــاري بضعة الهـادي عـلـى الكـرّار أخفـتـهـا
------------------------
أخذ ينحب على الزّهرا و سـلمان اقــبل يلومــه
يقلّـه انـت الصّبر عندك سجـيّه و هاجت اهمومه
يقلّـه تلومني امـن ابـجي عــلى البضعـة المهضومـه
القاست هالبَلا و طلعت مـن الدّنـيــا ابْغـصَّـتـهـا

تجهيزها (ع)
حــيدر غـسّل الزّهـرا و تِجرّع غصص فرقتها
سـتَّـر نَعشـهـا و بـالـدّار خــــلاّها جــنازتــهـــا
]
نـادى يـا حسـن يحسـين يــا زينب اُو يـَم كلـثـوم
قومـوا ودعـوا الـزّهـرا تـراهـي مـاشــيه هالـيوم
و يَم نعـش الطّهر فـرّوا يخــر هـذا و هـذا يـقوم
و زينب نحبت و هدّت ركــن حــيدر ابْـنَحبـتها
------------------------
على اليمنه الحسن طايح يـلـوج و يجــذب الحـسره
أويـلي و الشّهـيد حسين ذب روحــه عـلى اليسـره
و الكل يـنـتحب و يصـيح الله ويـــاج يــا زهــرا
ولَـن الطّـاهـره ايـديــها عــلى السّـبطـين مدّتهـا
------------------------
نادى من السّما مـنادي يَحــيدر شـيل هالايـتــام
عن الزّهرا ترى الاملاك ضـجّـت طــبق للعــلاّم
نحـّـاهـم عــلي و بْـلـيـل جفّـنـهـا بدمــع سـجّــام
و شـيّعـها بـذاك اللــيل و اودعــهـا ابْـروضتـهـا
------------------------
و من الصّبح بعض النّاس إجـوا تـشـيـيـعها ايطـلبون
قــال احــنا دفــنّـاهــا و هي مـا ترغب تحضرون
قــالوا نريــد نـنـبـشها و نخــلّي العـالم يـصـلّون
قــال اللي يريـد الموت يـتــدنـّـى الـــتربـتــهــا
------------------------
مـد إيده على سيفه الو صـي و احمـرَّت اوداجـه
و صاح المــا عرف حيدر يجــي و يشـوف منهاجه
الكل منهم توارى و قال مــا لـي بهالامـر حـاجـه
لــكــن مـــا تخـبرونـي الـزّهــرا ويــن قـبّـتـهــا

دفنها (ع)
وصل بجـنازة الزّهــرا و صاحت بـيـه روضتها
هــنا يمّــي يَـبو الحسنين مــنّي أخـــذو تربـتـهــا
]
شـاف اللحــد يتساطـع و وسـط القـبر خـلاّها
و عليها تساوت البـقعـه و قـلب المرتضى ويـاهــا
يقلهـا يـالارض هــذي تـرى روح النـّبي طـه
و رد للمصطفى الهـادي يـعـزّيــــه ابْمصيـبـتـهـا
------------------------
يـقـلّــه وديـعـتـك ردّت اسـتخبرها علـيها اشْصار
تراهـي اتجـرّعـت بعــدك مـن الأمّـه كؤوس امرار
بدايتها و نهايتها المصايب يــــوم حــرق الـــدّار
اسأل منها و شوف الـعين يــالهــــادي و حمــرتـها
------------------------
يقلّه اوقـف يَـبو الحسنين نـتـفـقّـــد وديـعـــتــنـا
أريـد نـشـوف حـالـتـها عســاهــا سـالمــه جـتـنا
رد الـهــا يـنـاشــدهـا اشْحـالـج عقب فرقـتـنـا
تقلّـه انت العليم بجــور هــالامّـــه و فعلـتـهــا
------------------------
جـنّه يـقـول يـا حيـدر وديعـتــنا اشْجـرى عليها
و هو يـدري و عـد مـوتـه يـوصّــيــه و يـوصـيـهـا
يقلّـه انـت القلت لي اصبر و انــا صــابر يَـهَـاديها
و كلما قــرّرت نكـروا ولا عـرفــوا الحرمـتـهـا
------------------------
إجــتني فـايضــه بهمـوم لـلحـجــره تــعـاتـبــني
عتب موسى على هـارون و انــا مـنطوي بْـغَــبْـني
صْوَاب اللي بْصدرها صار حـــدر الضّلـع نـاشـبـني
و انا بْسيف الصّبر مبري و هــي تـعالــج بْغصّتها
------------------------
على راسي يـبو ابراهـيم وقفت و الوجــد ســعّار
تـقلّي فــدك مــنّي راح و انـت حـيدر الـكـرّار
و قلت الهـا أنـا مـأمـور يـا زهــرا بْـلــزوم الـدّار
يَــهَـادي ســلّمت لـلـه و بقت تبدي الشكايتها


{ الملحمة العلويّه } ...

المولد الشريف
صلاة الله على الهادي خـــتـام الأنـبـيا طـــه
وعلى اللي وْلادته بالبيت رب العــرش خــلاّها
]
نـبع الـنّـور ابـو طـالـب و حــيدر تــالـي اولاده
و توضع زوجـته بالبـيت كـل مـرّه عـلى الـعاده
و من حملت السـيف الله و قـرّب وكـت الـولاده
راحـت ليـش للكـعـبـه و يــاهـو هــناك ودّاهـا
------------------------
وقـفت تطـلب مـن الله يـفـرّج و الجـدار انطـر
وطـبّت و الرّخامه هناك و عْـلـيـها انـولـد حـيدر
يـتـلـقّى الارض ســاجـد الـربّــه و هـلّل و كــبّر
ثـلثـتـيّــام بــالـكـعــبـه وحـيده و لحّـد وياهـا
------------------------
مـن خـلصت ضـيافـتـها ابّـيت الواحـد القـيّـوم
طلعت و الفـتى يـنـاغـي عــلى ايـديـها بْـرابـع يـوم
تـلـقّـاهــا رســول اللــه و هــذا بـالسِّــيَر معلـوم
و يـوم الوضعت بْغـيره الـــهادي مــا تلــقّـاهـا
------------------------
شــالـه المصطفى بـيــده و من ريجـه الطّهر لـبّـاه
و جـابــه يـم ابـو طالب يـهـنّـيـه و عــلي سمـّــاه
و دوم ملازمـه ابـمَـهـده و بالشّارع مـشـيـتـه ويـاه
أخذ طابع على اطباعـه و فــاز ابـكل مزايـاهـا
------------------------
شب و شــيّـد الاســلام عـشـر سنين بـس عمره
و محـمّد بالرّسالـه صـاح بالامّــه و صدع بـامره
علــيـه اتعصّـبـت كـلـها و عــلي مـتـوزّم ابْـنَصره
يزيح كروب عـن وجهـه و كل شــدّه ايـتـلقّاهـا
------------------------
عـندك خـبر باللي صـار مـن ملجـا النّبي بـالــغار
مــن داروا عــلـى داره اصول اهل الجزل و النّار
على فراش الطّهر من بات غــير المرتـضى الكـرّار
قــدّم للــفـدا نفـســه و صرخ بـيـها و تقفّاها
------------------------
و من هاجر رسول الله و خــلاّه الـمـهـمـاتـــه
يطـلـع بـالعـيـال نـهــار و يـــأدّي أمــانــاتـــه
على رغم المعاطس سار يحــمــي فــاطـمـيـّـاتـه
و أمانـات النّبي المخـتـار ابـــو الحـسنـين أدّاهـــا

غزوتي بدر و أحد
نـزلـوا عـلّــة الاكــوان طـيـبه وطـاب مغــناهــا
و على كل منطقه و اقليم بـيهم ســاطع ضـياهـا
]
خلَت مكّه مـن الصّفوه وهـاج الكفر و الطّغـيان
و قصدت بـدر مـحـتـدّه و قـايـدهـا نسـل ذكوان
ملا منها الجليب ابـطال ضـنـوة هـاشـم وعدنـان
أسـر سبعيـنها و سـبعين وســط الــبـير واراهـــا
------------------------
أصل كل الضّغاين هاي فـكّـر بـالحـوادث زيـن
مـن يـوم الحـبل بالدّار و اللطمه العمت كل عين
ظهرت بـالطّشت و الـعود و اتْـكـسِّـر ثـنايــا حـسين
و بْذَاك الـنّظام يـزيـد بــيّن كـــل نـوايــاهـا
------------------------
ابـبّـدر مـا سلّـبوا حرمـه و لا نهـبوا فـراش علـيـل
ولا خلّوا جسَـد عـاري على صـدره تـدوس الخيل
و لا خلّوا يـتـامى تحـوم مدهوشــه بجـوف اللـيل
و هذي نغَل ابو سفيان كلها بكربـلا اجراهــا
------------------------
و دقّـتـها بـأحُـد دقّــه هجوم عْلى المدينه تريـد
فزعت بالـزّلم و الخــيـل و النّسوه و هــاج الويـد
صرخ بـيها شديد الباس و ادعـاهـا لشـش بالبـيد
تـرك فرسـان عبـد الدّار تـتــلاقــى بْـمَـنـايـاهــا
------------------------
راحت شَـتت و الكـرّار سيفه جفوف يبري و روس
لـعب بـيها فـتى لا سـيف واردى على الصّعيد الشّوس
خــلاّهـا بلــيّا قـلـوب تمـشي و خـيلها كردوس
لكـن خــالـد و شـعـبـه المــرق مـــنّه و تقفّـاهـا
------------------------
و فـرّوا عـن رسول الله ولا ظـل غـير ابـو الحسنين
ونسـيـبه الجاهدت و ابلت جهاد احسن مـن الإثـنين
كــر و سـيفـه اتكـسّـر و فــل جمـوع لـمشركين
و جبريل الامـين بْسيف قـــدره نــزل يتـبـاهـا
------------------------
و اعلن بالسّما لا سيف يـشـبـه ســيـفـه البـتّار
و لا يحصل فتى بـالنّاس يـشـبــه حــيدر الكــرّار
فـاز و نصّبـه الجـــبـّار قـاســم جـنّـتــه و الــنّار
و كروب الـنّبي المخـتار ابــــو الحسنين جــلاّهـا

غزوة الأحزاب
أحد راحت ابْنَكـبتـهـا و إجت لَـحزاب بتـلاها
أبــو ســفـيان لَمـلَمـهـا و على الإسـلام عــبّاها
]
من كل ناحيه الاحزاب حــزب الــلات ملـتمّــه
و حزب الله ابْعَجَل ثـاروا و خـطّـوا الخندق ابْهمّـه
و قابلها الرّسول بجـيـش سـردالــه ابــن عـمّــه
و مكّه وكل نواحيهـا افـزَ عـت و الـعامري ويـاها
------------------------
يظـن بـن عبـد ود اظـنون يــوم الـقحّم حـصانـه
و هـز السّـيـف يرهـبهم ابْـشـعـره و شـرّع سـنانـه
نخـاهـم حجّة الــبـاري و شملهـا الخوف شجعانـه
و هو فوق الجواد يحــو م يـمـناهــا و يـسـراهـا
------------------------
ثـلـث مـرّات يـنـخـاهم ولا اهـتز غير داحي الباب
يـقـلّــه يــا حـبـيـب الله انـا اوسد الطّاغي تراب
قلّـه اجلس يـبو الحسنين خـل غيرك من الاصحاب
قــال آنـا علي المذخور للــشـــدّه اتـعـــنّاهـــا
------------------------
قــلّــه يــا عــلي هـــذا تـرى فـارس بـني عـامـر
قــلّه و انــا سـيـف الله إلـي رب العـرش نـاصر
قـــام و عـمّمـه بـيــده و شــد و عاجلـه الكافر
على الهامه ضرب حيدر و بــالـدّرقــه تلــقّـاهــا
------------------------
راحـت درقـتـه شـطرين و الضّربــه عـلى الهـامـه
و زمجـر و الدموم تسـيل مــن خلـفـه و جـدّامــه
بْضربــه عـاجل الطّـاغي و بـرَى السّاقين و اجدامه
و حز راسه ورجع مرتاح و الـتـفّـت روايــــاهــا
------------------------
تلـقّـاه النـّبي الـهــادي و بس مـا عاين صوابـه
نــشّـف دمّــــه و داواه ابْـدمـع العـين و ترابــه
لف جرح الوصي بـيده و تـذكّـر جـرح محرابـه
و قال آنـا يَحيدر وين ســاعــة ضربــة اشقاها
------------------------
هالضّربـه الشّديده الدّين بـيــها ارتــفع بـنـيـانـه
مـن خـر الشّرك كـلّــه مـعـفّـر فــوق تربـانــه
لكـن ضربــة المحــراب ذيــج الهــدّت اركانـه
و نـعى بمصابهـا جـبريل هــز الارض و ارجـاهـا

غزوة خيبر
يَمُسلم و اسـأل التّاريخ عــن خـيـبر و معـناهـا
ياهو الطب على اسرائيل وحــده و هتَك ملجاها
]
مــا يمـكـنّي الـتّـفـصـيل لـكــن روح لـحجـايــه
قــدّم رايـتــه الــهـادي و تـرْجَع خـايـبـه الرّايـه
و على سـور الحصن صـو بــين خـيّالــه و مشـّايـه
تدافع بالصّخر من فوق محّـــد قـــدر يـدنـاهـا
------------------------
صاح المصطـفى بُـكـره الـرّايــه لازم انـطـيـهـا
للّي يحـبّه الباري و رسو لــه و يحــب بـاريــها
على إيـده الفتح يجـري و ترجع و النّصر لـيـها
و باتــوا كل فرد منهم هــالدّعــوه ايـتـمـنّاهــا
------------------------
و حـيدر بـالرّمـد موجوع مــا يـقــدر يـفُك عينـه
ولَن المصطـفـى يـنــادي ابـن عـمّي عـلي ويـنـه
جابــه قـايــده ســلـمان يمّــه اُو وقّـفــه بْـحـيـنـه
ســقاهـا حــالاً المخــتار مــن ريقــه و شــافـاهـا
------------------------
ركـب و تـناول الرّايــه بـيَمـيـنـه و قحّم الميمون
حــالاً و اليهود صفوف فـوق الحصن يـسـتهزون
هــز الـــباب بـيمـيـنـه و غدوا فوق الحصن يهوون
و شــال الـباب بـيساره و لَـن اتـشـوفـه ويّـاهـا
------------------------
ربّـك مـا خـلـق واحـد يسمّونـه ابْـداحي الــباب
غـير اللي شطر مرحب تـفكّر زيـن لا تـرتــاب
تمــام الـقـنطـره زنــده و عليها تعـبر الأصحاب
ولَنْ باب الحصن مفتوح و عْــلَى التّرب قــتلاها
------------------------
رد و رايـــة الاســلام بـيـده الطّـهـر مـنـشـوره
تهَـلْـهل بـالنّصر رجـعت ابْـداحي الـباب مـنصوره
ابْعـزمـه دولـة الصّهـيون ردّت نَـكِـس مكسـوره
و نســوتها و غــنايمـهـا لـبو ابـراهــيم ودّاهـــا
------------------------
ابـذاك اليوم ابو الحسـنين شــاع و ذاع برهانــه
شـوف الـلي يحـب الله و رسولــه و قـوّة ايمانـه
هـز الحصن شَلْع الـباب و اتمـــايـلت جــدرانـــه
تـلوح ابـغـرّة الـتّـاريخ داحــي الــباب خـلاّهـا

فتح مكة
و الفـتح المبـين اشْــصار مـن نشـرت روايــاهـا
جموع المسلمه وحشدت و خــير الـرّسـل ويّاهــا
يــوم الصبّـح الـبـكري يـسـب المصطفى الهـادي
و بـالحال الخـزاعي ثــار و ادمى الرّجس لـمعـادي
وصارت كل قريش جموع ضخمـه و امـتلا الوادي
و فـرّت بالعَجَـل تبدي لَـبـو ابراهــيم شـكواهـا
------------------------
أهل مكّه انكثوا عهدك تـرى مـن بـعـد توكيده
و ابو سفـيان بـيت العار جــاه ايـريــد تحـديــده
و نـزل جـبريــل بالآيـه مــن الـباري ابْـتَـشـديده
بالنّصر العزيز عْــلى الـرّ ســول و عرف معـناهـا
------------------------
طب مكّه و ابو الحسنين نـاشــر رايــة الاسـلام
و أمّــن كــل اهـالــيـها و اطـلق خاصها و العــام
وصعد حيدر على الكعـبه الشّريفه و نكّس الاصنام
و هُبَل و اللاّت و العُزّا دريـت اشـلون ســوّاها
------------------------
شوف اشْعمل من تأثير يــوم اتـكِسّـر الأوثـان
ضلع انكسر خلف الباب جرحــه بـالقلب لـلآن
و ضلوع الكسَّرتها الخيل يــوم الطّـف بـالمـيـدان
و امّا البطّشت و العود قــلّي اشلون تـنساهـا
------------------------
خاض مـن الحروب ابحور و تـلاقت عـلـيه امــواج
و يـوم الجـاه نـصـر الله و فـتحـه اتوضّح المـنهاج
غدت تدخل بدين الله الـ خلق من كل مكان افـواج
و خلّى سيف ابو الحسْـ ـنـين للإسلام ملجاها
------------------------
مـن هاجـر حبـيب الله الـيوم الفـتح سبع سنين
مـا وصَّـل لَرض مكّــه ولا عـايـن البـيت ابْـعـين
ومن حدّر عليها الجيش و القايـد علي بو حسين
فــرّت غَصُب للمسجد و عــند الـبـيت لاقـاهـا
------------------------
إلهــم قــال مأمـونــين روحـــوا يـالطـردتـونـي
البـيـت الجـدّي ابراهـيم مــن شـوفــه مـنـعـتونـي
الكل مـنكم طـلـيـق يروح و انــا ادري تجـازونـي
تـبـصّر للـعـباره زيــن شـــاهـدهــا تـروّاهــــا
------------------------
لاذ حـسـين بـالكـعـبــه و عليـه جارت بني اميّه
و زيـنـب عيّرتهم يـوم اجــت للـشّـام مـسـبـيّه
عيال ابن الطّليق امست علـيـها ســتـور مرخيـّه
و بنات المصطفى بحـبال مـقـرونــــه بْـيتـامـاهـا

غدير خم
حـــيـدر مـلّــة المخــتـار شـــيّـدهــا و عـــلاّهــا
بسيفـه و دولـة الأوثـان دمّــرهـــا و انــهـاهـــا
]
مخـتـار الله الــثّـانــي و سيفه كاشف الشدّات
أُهُــو المخــتـار لـلإمـره و نـزل جبريـل بالآيـات
يـقـلّــه بــلّــغ الأمّـــه ابـعَجـل عمدة المفروضات
تـراهي ولايتــه الاعمال مــا تـقــبل بـلــيّاهـــا
------------------------
حـج حجّـة وداع وطــ لع من مكّه النّبي المختار
و جاه من العلي جبريل بـالـتّـهـديــد و الإنـــذار
قـلّـه يـا رسـول الله بْــ عَجـل عيّن علي الكرّار
تـرى كل الرّسل تالـي الأمــر تبدي بْوَصايـاهـا
------------------------
صعد منبر احـداج و كـور و اعلن للمـلا الهــادي
و رفـع ضبع الوصي بـيده و نوره من الإبط بادي
و صـوّت بـالخـلق جملـه و صوتــه مـالـي الـوادي
و قـلـهم مـلّـتي بـعـدي علي بـو حسين يـرعاها
------------------------
كلمن جنت انـا مـولاه بــالأمّـــه عـلـي مــولاه
و شال إيده وهو ينادي يــا رب وال مـن والاه
و انـصر نـاصره مـولاي و اخـذل كل من عاداه
كلهـم سـلّمـوا لـكـن دريت اشْــصار بـتلاها
------------------------
انـقـلـبـوا طـبق و الـقر آن وضّحها قضيّـتـهـم
كلهم ما وفـوا بـس غـا ب هــاديـها ابـبّـيـعتهم
عـندك ســيرة الـزّهـرا اقـراهـا و شوف فعلتهم
بلوى المرتضى مـنظوم بــالسّـيره و بـلـواهـــا
------------------------
بـدرع الصّبر مـتْـدرّع ابو الحسنين يــوم الدّار
تقيّد بالوصيّه و غض و هـ ـو يشوف الجزل و النّار
و يسمع صرخـة الزّهـرا و حـس بْضربـة المسـمار
بــين الــباب و الحـايـط سمـعـها تـبث شـكواهــا
------------------------
اسـود المـتن و انلـطـمت نصب عـيـنـه سـوايـاهـم
و خـلّـوا الـحـبل بْرقبتـه و طـوع انـقـاد ويّــاهـم
و طلعت و اوقفت تشكي و عــذاب الله تـغـشّاهم
شكت للمصطفى ورجعت و حــيدر رجــع ويّـاهـا

حرب الجمل
إجـت مخدومـة الأملاك للحـجــره بـرزايــاهــا
و عـتْـبَت و اشـتكت لله و شـب الوجـد بحشاها
]
الـتـزم بوصـيّـة المخــتـار ابـو حـسـين و لـزم داره
و الـزّهـرا طريحــه فراش بـيـها الحـزن شب نـاره
بـغصص أيّـامـها تقضّت بفـقـد الـنّـبي و تـذكـاره
و تـوارت جمـرة احزانه بـقـلـبـه يــوم واراهـا
------------------------
صبر و اتـقضّت الأيـّــام حـامي حـوزة الاسـلام
غيره انتصب و هـو انـزاح و مرّت عالقضيّه اعوام
ومن صار الأمر صوبه الزّ بـير انتخى بْطَلحه و قام
طلَع زوجـة رسول الله و للبصره مشى وياها
------------------------
بـامر الله و رسوله قـام ابـو الحـسـنـين مـا يــنـرد
وصيّـه من النّبي الهـادي قــتال الـنّاكث المرتــد
نصاهـا المرتضى بْـعـَزمـه و عليهم صار يوم اسود
مـا غــير اربع السّاعات و الـتـفّـت روايــاهـــا
------------------------
كِـدَسْها بـاللوا الـمنـصور بـيـد محـمَّـد المـشـهـور
بطل يوم الجمل معروف أجرى مـن الدموم بحـور
دعـا الازد و بـني ضبّـه جـثـثـهم تـارسـات برور
شـد و من صرخ بالكون نَـفْــخْ الصّـور راواهــا
------------------------
جموع عْلى الجمل صكّت وطارت على زمامه جفوف
و طلحـه و الزّبـير هناك ضاقوا مـن الـمنايا حتوف
عقب مـا شـتموا الزّهرا وحيدر سمعهم و يشوف
سـاعه و قـفّضت كلها مَـتـعـرف ويـن منجاهـا
------------------------
مـن طـاح الجـمل فـرّوا و المنـادي صـرخ بالحال
لـحّــد يـاسـي المـجروح لحّـــد يـنـهـب الامــوال
لَـيْـكون احـد يـتـعـرّض حـرَم و يـروّع الاطـفال
طـب و الـبلـد مأمونــه و لا واحـــد تـدنّــاها
------------------------
دريت ابْكربـلا اشْسـوّت بنـو زيــاد و بنو سفيان
حتّى الطّفل بـيد حسين ذبحــوه بْسَهم عطشان
بـاحوال الحريـم اشْـصار يــوم الشـبّـوا الـنّـيران
كـلـهـن للفـضا فـرّن و فــرّت كـل يتـاماهـا

معركة صفّين
شـوف النّاكثين شـلون داحـي الــباب جازاها
حتّى يصير لـك معلوم كل أسره و سـجاياها
]
بعـدهـا ثـار امـير الشّام مـتـذرّع بــدَم عـثمـان
ابحـزب القاسطين اللـي شـقاهم بـيّـنـه القـرآن
ربّ الـعـرش قال أهـمَا حـطب بـالحـشر للـنّيران
ابـن ســفـيان جمـّعــها الحــرب صفّـين عـبّاهــا
------------------------
تـعـمّر كونـهـا بْصفّين لـعـراقــين و الـشّـامـات
ضاقت بـالجـيـوش بـرور و الجــو امــتلا رايـات
توعيظ و خطب ما تـفـيـد بـاهـل الـبغي و الغـايات
دامت هالحروب شـهور و الـــغـارات ويّــاهــا
------------------------
و فرسـان العـراق و صفـ وة الاصحاب كلها اسباع
عـمّار و خزيمــه و مـالـ ـك الأشتر اطوال الباع
و لـيوث الحـجـاز و طي فـرشـوا بـلجساد الـقاع
و لولا حيلة ابن العاص لاقــتــهــا مــنايــاهــا
------------------------
لاذوا غصب بـالمصحف و هـم مـا عملوا ابفحواه
أثاري الرّجس نسل العاص شـايـل هـالمـكـر ويّــاه
لكن جيش داحي الباب مـن جــاه الـنّــدا لــبّاه
و اجاها الأشعري ابطـبّه عديــم الرّاي و اعماهـا
------------------------
طلعت مـارقـه مـن الجيش فرقــه و شـنّت الـغــاره
و ظـلّت تـقـتل و تنهب و حيـدر و هنت انصاره
خـوّف و انــذر و لا فـ ـاد تخـويـفـه و إنـذاره
وصيّه من الرّسول المـا رقــه بـالـتّرب سـجّاها
------------------------
منهـم مـا بـقت عـشـره و لكن زادت الـغارات
على الانـبـار و البصره و عـين التّمر شـد حملات
الـنّـعمان الـدّعي و عـلى المديـنـه بـسـر بن أرطاة
و مكّـه و لليمن وصّـل سفك دمها و سبى نساها
------------------------
رجـس أكّـالــة الأكـباد يغزي و لا غمض عـينـه
لو عـنـده قـدر للـدّيـن جــان اتـقـيّـد ابـديـنــه
و بالحـق الوصي مقرون مــلــزوم ابـقـوانــيـنــه
عنده من الباري حدود حــاشـــاه ايـتـعـدّاهـــا
------------------------
يمنصـف سـايـل الـتّاريخ حــيدر ذبّح الصّبيان ؟
و اسـأل جملــة الاسـلام حــيدر بـيّع النّسوان ؟
مـا هو بـأمر ابـن سفيان بـاعوهـا نـسا همدان ؟
سَـبْي الكُفُر وُهْمَ اسلا م لـلأســـواق ودّاهـــا
------------------------
شـنهو تـريـد ابـيّن لـك فعايل مـن نسـل ذكوان
جـابـوه مــن صفـوريّــه و سوّوا لـه ابمكّـه شـان
شوف اللي تـنسّـل مـن خلـيل الله و من عدنان
حـتّى يصـير لك معلوم كـل أسـره و سجايـاها

مصاب ليلة التاسع عشر
خمس سنين جم حروب ابو الحسـنـين لاقــاهـــا
و مَل امن الحياة و صاح يَـمْــتَى يخـرج اشـقـاهـا
]
تجرّع غصص مـن قومه و قاسى من الخلاف امرار
يـنخـِّيـهم و لا نـهـضـوا و اخذ يـبجي على الاخيار
ويقول اهل الوفا راحوا خزيمــه و مالك و عـمّار
و اخــيار الصّحابه ويـن كلهــا الحتـف لاقـاهــا
------------------------
طول الليل داحي الباب بــس يـنــاجـي المـولاه
يـتـمـنّى المـمـات و دوم للخـالـق يــبث شكواه
خصوص اليال شهر الصّوم ابــد مـا غمّضـت عـيناه
و ليل اتْسَاتَـعَش عـنـد الـ ـوديـعـه ابـوجـد قضّاهـا
------------------------
جابت له الفطور و شاف لَـنْـهـا مـقـدّمــه اودامين
شال ايـده و رفـع راسه و للحـورا شـبـح بـالعين
و قلها يـابْـنَــة الهـــادي ارفـعي واحد مـن الاثـنـين
خميص البَطن أرد اطلع عـن الدّنـيـا و بـلواها
------------------------
قضى ليلـه بْصَلاة اللـيل نــوب و نــوب يـتـفـكّر
و يـنـظـر للسّما و يقول هــذي لـيلـتك حــيدر
و سمعت كلمته ام كلـثـوم بـنـتــه و بقت تـتحسّر
و راحت للحسن تمشي و تـتـعـثّـر ابْمَـمـشـاهــا
------------------------
تقلّه قوم خويه و شوف أبـونــا اشْــصايـر ابـحاله
أشـوفــه يـقـلّب جفوفـه و يـفت الـقـلب باقوالـه
قــلّـه يـقـعـد اللـيـلــه و روح المسـجـد ابـدالـه
قـعد من رقدتـه مذعور قلـبه و نهض ويّــاهـا
------------------------
إجـا يـم والـده يقلّـه يَـسـيـف الواحــد القيّوم
اشمَالك يـا فـتى لا سيف عـيـنـك مـا تريـد النّـوم
قـلّـه يـا ضـيـا العـينين عـنـدك يـالـولـد معـلوم
انــا المـندوب للشدّات مــا غــيري يـتـلـقّـاهـا
------------------------
تــدري ابـوالـدك يـبـني ابْـقَـلـبـه مـا يمــر الخوف
و انــا لـلـمـلـمّـه دوم كلمـا اتـشدّدت موصوف
ولا تـفـل عزمي الجيمان يـبني و لا تهمني صفوف
يـبويــه وحشـة الـلـيلـه أظــن الـمـوت بـتـلاهـا
------------------------
قـلّــه وخـّـر الـرّوحــه يـبـويــه لو أروح اوياك
أمـشـي بخـدمـتك عـاني عسى كل الخلق تفداك
قـلّه ارجع بحـقّي اعليك أمـر محـتوم مـن مولاك
أظـن هـذي الليله اللي وعـدنـي جـدّك ايّـاهـا

ضربة المحراب
للمسجد مـشى حــامي حِمـى الـملّـه و ملجاها
و بِت مخدومـة الأمـلاك عــند الــباب خــلاّهــا
]
عــنـد الــباب خـلاّهــا تصـب دمـوع مـنـثـوره
و طب للمسجد و طفّى مصابـيحـه بـســنا نـوره
و أذّن و امــتلا الـوادي ابـتـهلـيلــه و تـكــبــيره
و مــر ايـوقّض النّـومـه و نسل الـعـهـر ويّـاهــا
------------------------
بـس اتـوسّـط المحــراب صفّت للصّـلاة صـفوف
و المتـآمرين جموع كلها عـلـى الرّوضــه تحــوف
وقـفوا للصّلاه حِـيلــه ومن تحت الثياب سيوف
أقــام و أحــرم و كــبّر نـوى و الحمـد يقـراهـا
------------------------
ركـع للرّكعــة الاولـى و شـر الخـلـق يـبرا لــه
و خـر للسّجـدة الأولـى و علـيـه اتجـسّـر و غالـه
و مـاج العرش باركـانـه و غـدت بالكون زلزالـه
و ملايكْة السّما ضجّت بـنـوح الـفـقـد مولاهـا
------------------------
وصّـل للسّجود السّـيف لا تـزلـزل و لا قــال آه
دمّــه فـاض بـالـمحراب و اعلـن بـالحــمـد للــه
و شيـبـه تخضّب و صدره و هو ينـادي فزت و الله
ما بين الصّلاه و الصّوم حـلّت ضربــة اشـقاهـا
------------------------
أعـلـن بـالسّـمـا جبريـل حيف انهدم ركن الدّين
انفصمت عـروة الوثـقى و هوت أعـلام الـمسلمين
اغـتسل مـن فـيـض دم را سـه ابمحرابه ابو الحسنين
أشـجى مـلّـة الهــادي و بـالأحــزان غشّـاهـــا
------------------------
النّاس امن الفرش فـرّت على صوت المنـادي تحـوم
تصـيح مـنـين هـالــنّاعي و شنهو هالـنّـدا الـميشوم
و فـرّت صارخـه عيالـه و طلـعت زيـنب وكلـثوم
الكون اظلم و لا تدري الخلايـق ويــن مـنواهــا
------------------------
كلـها قـصـدت الجـامـع و لَنْ صوت البجا و النّوح
و كـل الـنّاس مدهوشـه تصارخ و الدّما مسفوح
وعلى زند الحسن وحسين داحـي بـابـهـا مـطـروح
عَجَب جـيف الـمـنـيّه اتـ ـجـيك يالبـيدك مـناياها

لزومه الفراش
شــالوا حجّــة الــباري و طبرتـه تفيض بدماهـا
و ودّعـهـا صلاة اللـيل و المـحــراب ويـــّاهــــا
]
بَـشَاير وصْلت الشّامات و امّــا الحــزن للكوفــه
نـتـيجة هـند سوّى العيـ ـد بـيـها ودقّت دفوفـه
و علي مرمي عـلى فراشه و حولـه قـلوب ملهوفـه
و كـل واحــد ابهالدنيا اعمالـه لــزم يلـقاهــا
------------------------
توحّــد للظّلـم و الجـور ابـن سفيان بـيـها سنين
من بـعـد الوصي الكرّار نـال مـن الدّهر عشرين
لكـن مـا تخـبرونـي هـا لكـناسه عْلَى قـبره منين
يــاهـو اللي نـذر بـيـها و فــوق القـبر خـلاّهــا
------------------------
مر اعْلى النّجف و احجي الصّدق ياصاحب الانصاف
و شـوف الـقـبّـة الـنّورا على بعـد المدى تنشاف
تـِـبْر عْـلـى تِــبر مطوي و سايل سـورة الاعراف
نون اقلب على النّقطه اسبقها بكــاف ويــاهـا
------------------------
روح الـقبر سـيـف الله علي و اوقـف على بابـه
و عـاين للملـوك شـلون تـتـمـرّغ عــلى اعـتـابـه
و اليمر بالضّريح الطّيب لازم يـعـلـق ثـيـــابـــه
و لـو ندبـوا علي فازوا مـن الجــنّـات بـاعـلاها
------------------------
ألـف الـشّـهـر محــدوده البـيها انسب ابو الحسنـين
لــكـن لَــعْـن الـيـسـبـه مـن يومـه الـيـوم الدّين
بـالاجمـاع سـب حــيدر سب خير الرّسل ياسين
و اليسـب الـنّبي ملزوم نـــار اللـهب يصـلاهـا
------------------------
قْــرا الـتّاريــخ و اتـبصّـر بـنـو ذكــوان عـادتـهـم
عـلـى سبعين الف مـنبر يـلـعـنـونــه بـعــبـادتهـم
القصد يمحون عِتـْبـاره وصارت عكْس ارادتهم
و لَـن حــيدر يعـبدونـه و أمـيّــه ويـن ذكراهــا

رزايا ليلة العشرين
آه يـا لـيـلـة الـعشـريـن رمـضــان و رزايــاهـــا
ســم الضّربــة الـقشـره سـرى و تــعـذّر دْواهـا
]
جـابـوا لــه جـراحـيّـه اثـنعش و اجتمعوا ابـداره
و كلمن عـايـن الـطّـبره ابْـطـبـها حـارت افكـاره
و علي يغشى عليه و يفيق و الـسّــم غــيّر انـواره
و أثــير الـعرف عـلّتـها صمَت و دموعه اجراها
------------------------
أحـنى يخــاطب الـكـرّار لـكن زايــده همومــه
يـقـلّـه انفصمت الـعروه ابـهالضّـربــه المـيـشـومـه
تـراهي وصلت دماغـك يَداحي الـباب مسمومـه
قـلّه اللي قـلت معـلوم هـذي ضربــة اشـقـاهـا
------------------------
حسن و حسين تـجّوا لـه عـن يمـينـه و عن شمالـه
و تحوم الـنّاس حول البيت تـتـنـشّـد عـن احـوالـــه
و اولاده تـحــن يمـّــه و تصب ادمـوع همّالــه
و حرمـه سـاعة وداعـه دنـت يمّــه بـيـتـامـاهـا
------------------------
و مصاب الهدم ركن الدّين لـيـلـة واحـد و عشـرين
حــين الجـمّــع اولاده واخذ يحضن حسن وحسين
و إجت زينب و ام كلثوم حـفّــنّــه شمــال يمــين
و كل وحده تحب راسه بلوعــه و تخـفي ابجـاهـا
------------------------
صــد و عـايـن الـزيـنب و لَـنْـهـا تسـيـل دمعـتها
تخفي النّحب و ام كلـثو م مـخـنـوقــه بعـبرتــها
و مـد إيـده على الحورا يضمها و بـدت نحـبـتـها
إلـتـفـت يمــهـا يسـلّيها انشـدني بـيش ســلاّها
------------------------
يـقـلـهـا يَـبْــنَــة الـزّهـرا ابـنـوحــج لا تـشـعـبــيني
جــدّج نــزل بـالامـلاك يــالحـــورا ايـتـلـقّـونــي
الله يـسـاعـدج بـويــه بــعـد سـاعه و تفقدوني
تـقـلّـه مسـألــه عــندي و اريــد افـتـهم معـناها
------------------------
أم ايـمـــن تـخــبـّرنــي ابمصـيـبــه تصـدر علــيّـه
قـلـهـا و دمعــتـه هـلّت و جــبـده غـدت ملويّـه
تجــين الهـالـبلـد حَسْره يَـبـنت الـطّـهـر مسـبـيّـه
و روس اخوتـج فوق ارما ح محمـولــه الـبغـايـاهـا

وفاته و تجهيزه
ودّع حـــيدر الـعـيلـه و بـالسّـلوان وصّــاهــا
يــا ويـلي و على فرقــ ـاه صبّرهــا و عــزّاهـا
]
هـناك و جبهتـه رشحت عـرقـها و بطّـل ونـيـنـه
و دار الـعــين بـاولاده الشّـفـيّه و غمّضت عـيـنه
اسـتـقـبل وجهـه الـقبلـه و مـد رجلـيـه و ايديـنـه
و فاضت من ختم يس روحــه الطّهر بـتـلاهـا
------------------------
اهـتـز الـعـرش و اركانه و ضجّت بـالبجا العـيلـه
نـص اللـيـل ماج الكون قـلّي اشْـعـظـم هالـلـيلـه
و زينب وقفت عْلى البا ب تنحب وكت تغسـيلـه
لقـتّـه امّـمدد و صفقت عــلى الـيسـرا ابـيمناهـا
------------------------
تـقـلـهـم يـالـتـغـسـلونـه ابـهـيـده شــدّوا الطّــبره
أريد ابعث سلام احزان بــيــده لُـمّي الـزّهــرا
وصاحت حيف يابوحسين يـالــدار الـفلـك بـامـره
خــبّر جــدّي المخــتــار بـكــروب الحصـلـناهـا
------------------------
بـويــه و تـنـدفن باللـيل لـيلـه شـلون مـيشـومــه
و قبرك يخـتـفي يـا يـاب مــثـل امّـي المهضومـه
إجـا يمها الحسن نـشّــ ـف مدامعهـا المسجومـه
و رجّـعـهــا الحـجـرتـهـا ابــو محــمَّـد و ســلاّهـا
------------------------
الاعظـم شـوفــة الـكرّار و اولاده يـغـسـلـونـــه
لو شوفـة اخوهـا بخـيــ ـل عــدوانــه يدوسونـه
هـنا خَـيْها الحسَن ردها و ردّت و هـي مغـبونـه
و يـوم الطف زجر جاهـا و سبها و سلّب ارداهـا
------------------------
غـسّـل والــده بـيــده و مــنّـه الجــبـد مفـتوتـه
و عقب الغسل و التّجفين مــدّه ابوســط تـابوتـه
يدفـنونــه بـلا إشـعــار وصّـاهــم قــبـل مـوتــه
و شالوا جنازته و لَرْض الـغـري جبريـل ودّاهـا
------------------------
و شالوه الحسن وحسين و الكل يـسجب الـعبره
نـــوح و آدم اتـلـقّـوه وهْـمَـا الخـطّطـوا قــبره
و لَـن الـمصطفى اتـلـقّاه بـيـده و امـهــم الـزّهـرا
تـقـلّب طــبرة الهـامـه و تحــن الـحـور ويّـاهـا
------------------------
مـن هالوا التراب علـيـه ضجّـن حـولــه اولاده
يـتلوّى الحسن و حسين حـط ايـده عـلى افّــاده
و تولّى صعصعه الخطـبه عقب دفـنه على الـعاده
أحنى عْلى القبر و العين تجـري الدّمع و انشـاهـا

رجوعهم بعد دفنه
بَـرض النّجف مـن دفنوه حـيـدر طـاب مغـنـاهــا
قــذا بـعـيـون عـدوانـه دمُــرّ و شـوف مرآهـا
]
رجعوا مـن دفـن حـيدر و لاح الفجر بـانـواره
و شافوه الحسن و حسين و الكـل هــاج تزفـاره
و انهلّـت دمـوع الـعـين بـس مـا عـايـنـوا داره
و زينب حــين شافـتهم دقـلّي اشْـصار بحشاهـا
------------------------
وقـفـت تجـذب الحسـره و تقلهم يا حسن يحسين
جـيـتوا منكّسـين الرّوس خويه و طود عزنا ويـن
عقب اسبوع جاي العيد و هـند و حزبها معيدين
هــاي الـدّار شـوفـتها أخـتكم فـتّـت حشـاهـا

خاتمة
يـا راعي اللوا و الحوض و الله يـقـصر لـسـاني
اشلون اتمكّن احجي وياك و انــا المـذنـب الجـانـي
و انـت الـمطّـلـع بـالله عـلى احـوالـي و عنواني
يكـفي علمك و جودك عـن الطّلـبه و فحـواهـا
------------------------
هـذي سـيرتـك كملت مـن الله و منّك التّوفيق
و حبل الله المـتـين انتَ يـسيف الله على الـتّحقيق
ابْخدمتكم يَدَاحي الـباب راح العـسـر و التّضيـيـق
و انــا راجــي مـن الله الأخـرى تـتـبع اولاهــا

{ رثاء الحسين ومايتعلق بـيوم الطف }
إبن الحنفيه يودّع الحسين ڈ
محمَّد يجـذب الحسرات مـن صاح الـوداع حسين
حـن و تحـنّت ضلوعــه و دم هملت دموع العين
يقلّـه القصـد قـلّي ويـن يَـبن المـصطـفى الهــادي
فراقك شعب قلبي و سـ ـلب منّي الجلَد يَسْنادي
علـيّـه عـقـب فـرقاكم تـرى يستوحش الـوادي
أشوف بـيـوتكم ظـلمـه و بـس ينعب غراب البين
------------------------
ويـّـاكـم يَـبـو السـجّـاد جــان مسـافـر خـذونـي
لـو شــدّه و ألاجـيـهـا و لـو فـوزه و تـفَوزونـي
بـعـدكم يـا حشا الزّهرا تـرى مـا تغمض عيونـي
تـوحـشــني مــنازلـكـم و سـلواني بعدكم ويـن
------------------------
قـلّـه حـسـين يمحمّــد عـلــيّه اوعـود و اقضيها
أشيل بكل هلي و الدّار بـعدي انت تظـل بـيها
و لا تخـفي علـيّـه اخبار خويـه و شـوف تالـيـها
سـكِّن بـاجــي العـيلــه و تجـلّـد للـنّوايب زيـن
------------------------
تحــسّـر و انحــنى يمـّـــه و دموع العـين مذروفـه
يـقلّـه يـا شـبـل حــيـدر أنـا خـوفي مـن الكوفـه
احزاب و من قـبل يحسين اهـي بـالـغـدر موصوفـه
تـنـسى طــبرة المحراب لو تنسى الحسن يحسين
------------------------
يـقلّـه ويـنـها الكوفــه الكوفــه مــا نمــر بـيـها
القضيّه بْكربلا تـسدي انحـفـر قـبري بـواديـها
غـسلـنا دمــوم يَمحمّـد و نـتـجـفّـن ابــذاريــهـا
و اترضِّض اعضانا الخيل بــعد الغسل و التّجفين
------------------------
يقلّه شلون اظل بـالــدّا ر وحـدي و هاي منواكم
دخبـّرنـي عــن المـــانــع يخـويــه روحـتي ويــاكم
أظـل يحسين انــا سـا لـم و تمشـون المـنايـاكم
أثــاري افــراق للــتّـالي مَهي غيبة شهر شهرين
------------------------
قصدك يا عزيزي تغـيب عـن عـيني و لا شـوفك
قـلّه اتـصـبَّر الــفرقــاي لا تصـفجـهن اجفـوفك
و لـلـوفّــاد يَـمـحـمّــد تصدّى و لاحظ ظيوفك
و احــنا يـا شبل حــيدر لَرض مكّه طبق ماشين
------------------------
يخويـه اتـمـر عَـلَيْ سـاعـه لـو اتمـر بـالجماد ايذوب
أسمــع ضجّــة النّسـوه و اعاين جم جسد مصيوب
قــال ابخدمتك يحـسـين قـلّـه انت مَـهُو مكتوب
من رب الـعرش صفوه الـذاك الــيوم محسوبـين
------------------------
يـقـلّـه هـاي لوعــاتـي و هاي اللي اشعبت قلبي
مـالـي سـهـم ويـّاكـم مـن بـين اخوتي و صحبي
و اظــل ابـعـلّتي بـالــدّار زادي بـعدكـم نَحــبي
عسى كل الخلق تفداك يــا ســور المـنع يحسـين

شهادة مسلم بن عقيل G
يَحـيدر محـضرت مسلم خانت بـيـه أهل كوفان
طــايح بالحفـيره يصـيح ويـن اهـلي بـني عدنان
]
يَحيدر لـو شفت حالـه و دمّه من الوجه يجري
يـنادي وين عني حسين أظـن بـالحــال مـا يدري
الـهواشـم مــا يـشـوفوني يشـوفون اشْفعل دهـري
أعــالج بالحـفيره الرّوح و التمّت عَـلَيْ عـدوان
------------------------
يـنـادي ويـنكم يَـهْـلي تشـوفـونـي بَــلا محـامي
مـجـتّـف بالحـبـل و الـنّـ ـاس من خلفي و جدّامي
و انا اتلظّى على شربـه و قـلـبي مفـتّت و ظـامي
و انا محصور بـين الدّور مـا عـندي سـعَـة ميدان
------------------------
لـو عـندي سـعَة ميدان لَحْـمـل حمـلـة الكـرّار
و امـلي بلجـسـاد بـرور و اشـعل للحـرايب نــار
شـبـيدي و القضا جـاري أظل محصور وسط الدّار
ذبحت ولا اشـتـفى قلبي أبد من عصبة الشّيطان
------------------------
يـنـادي يـا هـلي و تـالي عـلى ابـن زياد دخلوني
بـقى يسِـبني يَـبن حـيدر و انـا بـس تهمل عيوني
و آمـر مـن عـلى قصره عـلى الـتّربـان يـرمـونـي
و انا حزني عـلى فرقـا ك يـا سـيّد بـني عدنـان
------------------------
يحـيـدر و اعـظم مصيبـه يوم اللي اصعدوا مـسلم
على قصر الدّعي ابن زياد و دمّه من الوجه يسجم
تـوجّـه للشّـهـيد حسـين يجـري الدّمـع و يـسـلّـم
سلامي يـا شهيد اعليك و عــلى جمـلـة الشـبّان
------------------------
قـطع نسل الخـنـا راسه و ذبّـه مـن القصر للقاع
و جـثـتـه ترضّضت ويـلي و مـنّـه اتكسّرت لضلاع
ابـحَـبل قـاموا يسحبونـه يـبو الحسنين ثُـور السّاع
تـرضى يـنسحب مسلم على وجهه برض كوفان

إستئذان العبّاس لطلب الماء ڈ
وقف عـبّاس يم حسين خـاضع قـايــد حصانـه
يقلّه يـا عماد الكون هـاي اطفالنا يضجّون
قايد عام شوف شلون يتـضـرّع بسلطـانــه
]
يقلّـه انهـد ركن صبري و ضـر العطش بالنّسوان
مـلـزومـــه شــرايـعـنـا و عبد الله الطّفل عطشان
إجازه بـس أريـد و شو ف سطواتي على الجيمان
لفني قرومها بدربي ولا لي مطلب بشربي
سكنه ذوّبت قـلبي قبالي تصيح عطشانه
------------------------
يقلّـه مركـزك مخـطـور خويـه وعـد مـن اتخـلّيه
إنتَ الرّكن و الطّـاروق و انـت للـخـدر تحمـيـه
خــل حـريمــنـا تـظـمـا و خدرها محّـد ايـمـر بـيـه
أخبرك و الخبر عندك كل خـوفي على زندك
أظـل وحيد من بـعدك و زينب تظـل حيرانـه
------------------------
مـهمّاتـي يَـبو فـاضـل و حفظ الحرم من صوبك
لـكن للشّـريـعـه اقـصـد و خـل المــاي مطـلوبك
و لا تعارض يخويـه الجيش حـتى يـعـارض ادروبـك
يراعي المرجله و الجود أظل بعدك ترى مفرود
أخذ رخصه وركب والجود شالـه و شمـّر اردانـه
------------------------
لمـع نـوره و برق سيفـه و قصـد صوب المسنّـايه
و لَـن المشـرعـه جـلّت علـيـها صفوف رمّـايــه
نـدَه يَـعوان ابن سـفيان مــنّي سمـعـوا الغــايــه
هالشّط ملك بس إلـنا اشـمـعـنى نـنمنع مـنّـه
أريـد المـاي أوصلـنّه الحرم و اطفال لهفـانه
------------------------
قـالوا لـه الوِرد ممـنـوع مـنكـم لا يـجــي ورّاد
صرخ بيها ودهشها وصاح ألف لعنه على ابن زياد
و هــز غـدّارتــه و نـزّل على العسكر زلازل عـاد
حدّر و اعلن الحوراب و الصّارم يحـز لرقـاب
وحيدر يوم شلْع الباب عبّاس اخـذ عـنوانـه
------------------------
سطى و خـلّى النّهر نهرين يجـري و الجمـع شطرين
عـلـيـها غـلّـق الحومـه و لا تدري مفرها ويـن
ومن الوجل كلها تصيح هـاي افعـال ابو الحسنين
قـروم الجيش نكّسها و روس وجثث دوّسها
بـالدّم شطر كَرْدَسْها و شطر بالماي غرقانه
------------------------
يتـيـه الـفكر بـاوصافي قـمـر عدنــان و افـعـاله
غــار و صـرخ بـاعلاها و حــدّر عــلى الخـيّالـه
و جـت الخـيـل مطلوقـه و سحقت سوى الرجّاله
شوصف لك شبل حيدر ضيّـق بالاجساد الـبر
مثـل الصّقر بالعسكر يلقّـط ويـن فرسانــه
------------------------
ملَكها المشرعـه و حـوّل ابـجـوده و ثـبّت الـرّايــه
و من شاف الفرات يلوح صب دمعـه عـلى مـايـه
و صاح عْلى السّبط وردك يمـنـعـونــه ابـيـا ســايــه
لكن ما مرامي هـاي حر العطش فت حشاي
و محـرّم عـليّ الـماي قبل الزّكي و رضعانـه

رجوع العبّاس بالماء للمخيم ڈ
مـلا جــوده و طـــلع عــبّاس يـترنّم بـإيمانـه
و لَنْ جمـع الكفر كلّه لزَم دربه و توجّه له
و على راسه العلم فلّه و هز السّيف و سنانه
]
ملا جوده و طلع لهفان يـابـس بـالظّـمـا قـلـبه
وعذاب الله على الجـيمان مذخـور الوصي صـبّـه
و فـرّت لكن الصّمصوم يـا وَسـْــفـه لـزم دربـه
كـر يـريــد لـمخــيـّم على دربـه الجمع خـيّم
وبن سعد الرّجس حشّم على ابن الطّهر جيمانه
------------------------
و ابو سكنه يشوف شلـ ـون تــترادف كـتايـبها
و قمر هـاشم ضـياه يلـ ـوح و يشـق ابسحايـبها
و زينب صـايـره بْـحـيره و تـتـصـوّر مـصـايـبـهـا
و بس تهل دموع العين ويّـاها الحـرم صوبين
على باب الخبا وحسين لاح بصهوة حصانـه
------------------------
صـد ولَنْ على عضـيده جـيوش اتـلاقت الصّوبـين
و صـال ايـمـثّـل الكـرّار ذكّرهـا ابّـبـدر و حـنـين
خــيابـر قـامـت ابْكـرّار و الطّف حـوَت كرّارين
طعن و طـبر متـعـدّي ولساني الوصف مايبدي
اليوث ومشبله ومَعدي عليها و سطت زعلانه
------------------------
ظلمه و خمَدت الاصوات بس السّيف ويّا الطّوس
و الجـو مـا تعـايـن بـيـه غـير اجفوفـها و الـرّوس
مفروشه الأرض و الخيل مـا غـير الاجساد اتـدوس
سمـاها مغـبره و تمـور وجهه و وجه اخيّه ينور
وكاس الموت بيها يدور و الكل غدت سكرانه
------------------------
يـشـد بالـميمنـه عــبّاس يقلّـبـها و تــرد صـوبــه
يــرد للميسره بـعـزمـه و تــرد علـيــه مقلوبــه
قــال اسـعـاف بالمــيدان عـنـدي و قحّـم بـنوبــه
وصرخ صرخته المعلومه و حدّر على الملزومه
و لن حسـين بالحومـه يصول و عمر ميدانه
------------------------
تلاقوا بالـعرك و الـكون ظـلّت شـاغـره دروبــه
شوصف سـاعـة البـيـها لـقى المحــبوب محـبوبــه
و زينب تـنـتظر و الـعين عــالمــيــدان مـنصـوبــه
تجري دموعها عبرات مدهوشه وتجر حسرات
وزادت بالقلب حسبات و اتسـعّـرت نيرانــه
------------------------
سـاعـه و لَن سـحـايـبها انكشفت و ازهرت بدرين
يِـتْشَـعْـشَع قـمـر هـاشم و نوره من جبين حسين
زيـنب رحّـبت بـيـهـم و اظـنها هلهلت صوتين
حيث اكفيلها تشوفـه إجاها و سالمه اجفوفه
هلاهل حـزن معروفـه الحـزين اتهـيّج احزانه
------------------------
صـاحت مرحـبا بحسـين و بـعـباس نــور الــعـين
زيـنـب تـرى ابـذمّـتـكم يَـصفـوة هاشـم الطّيـبين
الـدّنـيا اتْـلَمْلمت كـلـها علـيـنا اليوم و انـتـو اثـنـين
يقلها حسين يَعـزيـزه هـذا القـدر تركيزه
نصبر و الجـزا انحـوزه الصّبر هاليوم ميحانه
------------------------
يَـزيـنب أمـّـني مــا دام انــا و عـــبّاس خــيّالـه
دون الخدر قطع الرّوس يـاهو اللي ايـتدنّـى لــه
قالت لـه كفو و نعمين يــاللي عـشـت بظلالــه
عسى دايم يَنور العين سور المـنع و التّأمين
لكن بعـدكم يحسـين قـلّي ويـن ملجانـا

مصرع العبّاس ڈ
أبو فـاضل طلع بالجـود بـيده السّيف و الـزّانــه
ابجـفّـه يلـوح لمـهنّـد ثجيل الوزن ماضي الحد
توسّط جيشها و ارعد و ماج و زلزل اركانه
]
ايتـعنّى الصاحب الرّايــه و يـتحــدّى مـسـامـيـها
توسّطها الشّـهم و افــنى كـتايـبها و لـعب بـيـهـا
ثـنى اليَمنه عـلى اليسره و أوّلــها عْـلى تـالــيـها
نـوره يلوح بدر التّم مـن الغرّه و من المبسم
و بـينـه وبـين لـمخـيّم تكـتّل جمـع عدوانـه
------------------------
يطوي جموع مـن دربـه و تـترادف علـيـه جمـوع
روّعـها السّمـيده الـمـا يعـ ـرْف الخوف يوم الرّوع
قــوّه تـقـوّضت لـكـن قضا الباري مهو مدفوع
لعب بالرّمح واروى السّيف فـت قلـبه سموم الصّيف
بـاز اشهب ألـف يـاحيف يــوم انـبرن جـنحانـه
------------------------
كــر و البـيرق بـصـدره و زَم السّـيف بـسـنونـه
وعلى وجه الأرض يسحب يَوَسـفـه عــنان ميمونــه
نـزف دمّـه مـن اكـتاره و لَن سـهمين مسـنـونـه
سطن و مقطّعه زنوده تصوّر همّتـه و زوده
و صابن عينـه و جوده اووقف وانهدّت اركانه
------------------------
مـا فـكّر بمــاي الــعـين ظـل ايْفكر ابمـاي الجـود
سـكـنـه بالطّفـل تـتـنـاه شلون بـغير مـاي يـعود
حـايـر يـضرب افـكـاره و جــتّه ضربــة الـعامود
تكوّر من ظهر مُهْره عمت عيني على الغبرا
و زينب مهجـة الزّهرا حصنها انـهار بـنيانـه
------------------------
هتف يَبن الطّهر و حسـ ــين لـبّاهـا اسـتغـاثاتــه
و خبَصها حومة المـيدان قــاصـد صـوب ونّـاتــه
و اخذ راسه بوسط حجره و غسـل بالـدّمع طبراتـه
و حـن و صعّد الانـفاس من شاف السدى عْلى الرّاس
ظل ينحب على العبّاس و هـو الصّبر من شانـه
------------------------
يـنـاديـه انكسـر ظـهري يخويــه و حـيلتي قـلّـت
بطـيحـة هـالـعلم عـبّاس جمـعـتـنـا بــعـد فــلّت
ابجـتـلـك عـيّدت كوفـان كـلـها و روسـها اتـعلّت
حصن حيف انهدم سوره و دوله و غدت مكسوره
أمــيّـه الـيـوم مسـروره و بــني عدنـان حزنانــه
------------------------
قــعـد بحـذاه يـتجـلّــد و سـلّم لامــر مـعـبـوده
وشال السّهم من عيـنـه و عـاين قـطـعـة زنـوده
و يـتـفقّـدهـن اجـفوفــه و مــنّـه الجــبـد ممــروده
يقلّــه و قلـبـه مصـوّب ودمعه عْلى الكريمه انصب
خويــه وديعـتك زيـنب تـقـلّك ويــن ملـفـانـا
------------------------
شافــه مـغـرّبــه عـيونــه و حـن و تحـنّت ضلوعه
و غسل جاري دموم العـ ـين مـنّه بجـاري دموعه
و ركّبهن عـلى الزّنـدين جـفّـيـنــه المـقطـوعـــه
وعلى حر التّرب سجّاه و اظن ابّـبردتـه غطّاه
و ابشاطي الـنّهر خلاّه امّمدد تــالي اخوانـه
يَـبو فـاضل عليك أقسم ابعطـش لحسـين و اطفالـه
و حـق طيّب وفـاك البـيه عـفت الـماي و زلالــه
تطلب لـي مـن المعطي بحــق المصطـفى و آلـــه
و انـت ابْـنـيّـتي عــالم توفـيق و نـظـم دايـم
عطيه و رادت الخـادم سرور و يرتفع شانـه

القاسم يطلب الرخصة ڈ
من خيمة عضيد حسين جاسـم طـلع و اخوانـه
ثـار بغـيرتـه جسّام يمشي للأجل جدّام
ياضي مثل بـدر التّام نـور الحسن نيشانـه
]
طـلـع و الـوالــده ويّــاه و هـي تودّعـه و تـنخـاه
تـقلّـه هـنـاه يَـبْني هـناه عـمّك حايطـتّه عــداه
و عَمْتك يـا ضوا عيوني تصيح امن الوجد ويلاه
و عـمّك بالمسـنّايـه و هاي الخيل عدّايه
يجاسم وصلت الثّايه وزينب بقت دوهانه
------------------------
تلقّـاه الشّهـيـد حـسـين مـن شافـه و فـتح باعـه
على رقـبتـه الولد ويلاه مـن حن و لوى ذراعـه
انغشى عليهم عمَت عـيني و ظلوا على الأرض ساعه
عقب ما حبّه و شمّه اُوخر اوليد اخوه يمّه
انتبه جاسم ولَن عمّه عليه مقرّحه اجفانه
------------------------
وقف جدّام ابو السجّاد جـاسم يطلب الرّخصـه

يـقلّـه الـدّهـر جـرّعـني الكـدر غصّه بَـثَر غصّه
يـقلّـه الحسـن يـا جاسم تمـثّـل شـوفـتك شخصه
كلها مصرّعه الاولاد كلمن ودّع و لا عاد
يـبني ابقى مع السجّاد بلكي تخفّف احزانه
------------------------
رد الخـيـمـتـه محــزون قـلـبـه و دمعـتـه ايـهـلها
ذكـر مـن والـده عـوذه بـزنــده و بالعجـل فـلها
لقى بـيـها الامـر حتمي وإجـا الـعمّـه و تـناولهـا
وتحسّر و الدّمع سفّاح وصفق ويلاه راح براح
لزم بيد ابن اخيّه وراح يـم رمله الحـزنـانـه
------------------------
يـقلـها جــان للجاسـم جـديـد ثـيـاب حضريـها
قــالـت غــير مـوجـوده و نـصى زيـنب يحـاجـيها
خـيمـة عـرس للجاسم يَـثَكـلـى ابْعَجـل عزلـيـها
و تـعالي الجاسم انـزفّـه يَمَحزونـه قـبل حـتفه
يَوَسْفَه ما قضى شـفّه ابن اخيّي وحان ميحانه
------------------------
تقلّـه مـا قـلت يَحسـين و الـشــبّـان مـوجــوده
شلون العرس و اخوانك عـلى الـتّربــان ممــدوده
و عمـيد الجـيش يـبن امّـي رمــيّه مقطّـعـه زنـوده
وين انصارك الظّفرين و اشبال الهواشم وين
بس ظلّت حرم يحسين تـنعى و محّـد ويانـا
------------------------
يقلـها الـحـرم يـا زيـنب تكـفي الـزفّــة الجـاسـم
تـزفّــه بـاللطـم و النّـوح خـويـه و تـقضي الـلازم
بـس لا يـنـزعـج عــبّاس خـلّه عْـلَى الـنّهر نـايـم
خلّي الحـرم تتلَمْـلَم تـزفّــه بــين لـمخـيّم
و انـا اويـاج نـتـوزّم يَـبت حيدر ابـبّلوانا
------------------------
نــده قـومن يَـعـمّاتــه نـزف الجـاسـم بهـمّـه
قـصـده يجـاهـد و عـنده عـزم يـلحق بـني عــمّه
مــا لازم تـخـضـبـنـّـه خضاب الولَد من دمّـه
زفافه بحومـة الميدان مـا بـين الـنّبل و الزّان
خويه و ثـايـر التّربان طيـبه و ثوبـه اجفانه

زفاف القاسم ڈ
حــوّل للمعـاره حسـين وجهـه و هلّت اجفـانـه
يحشّم يـا قمر هـاشم ليش عْـلَى النّهر نايـم
خويـه الزفّـة الجاسم يَعـبّاس انهض ويـانـا
]
لـزفـاف اليـتـيم حـسـين ظــل يـحـشّـم انصاره
و مشى بصفّه و عماتــه عـن يـمينه و عن يساره
يــزفّـنـــه بـنـواعــيـهـن و بـس دمـوع تـتجـارى
قامت بالخيم ضجّات كلهن حرم مفجوعات
و امّـه تجذب الونّـات و تـنعّي على اخوانـه
------------------------
وصّـل باليـتـيـم حـسـين لـلخــيـمــة الـمـفــروده
و سمع صوت البجا وعاين عصابـة حـزن مشـدوده
و عـايـنها عـلى استعداد سـاعه وتـدخـل حدوده
تهل دموعها و تنـعاه و تـتصوّر وجـد فرقاه
وهو الفقد اخوته بحشاه شـب الوجد نيرانــه
------------------------
تـقلّـه الـعرس يـا جسّـام من شانه الفرح و سرور
ما هُـو الـعرس نَشْر شعور مـن شانه و لطم صدور
يَجَاسم قـوم انــا ويـاك نحـفـر للـنّشـامـا قــبور
عـمّاتك تحـن بالويـل ينعن و المدامع سـيـل
وعمّك ماتشوف الخيل مالت صوب صيوانه
------------------------
صـد و عـايـن الجـيمـان تـزحـف للخـيـم صوبين
ثــار و هاجت عـزومــه و وقف جدّام عمّه حسين
يـقلّـه نجّــزت وعـــدك وانـا وعدي يَعمّي ويـن
حـنا عليه ودموعه تهل و ابـن الحسن يتوسّل
سمح لـه وسلّحه وفصّل ثيابـه بصورة اجفانـه
------------------------
سـدر للمعركـه جـسّـام و امّـه واجـفـه تشـوفــه
و تخاطب مهجـة الزّهـرا و دموع الـعين مذروفـه
مـشـى للمعركـه جـاسم و لحّـد خـضّب اجفوفـه
نريـد نمـيّـزه بـنيشـان بـين الولـد و الشـبّان
حـتّى يصير بالمـيدان حــنّا الولـد نيشانــه
------------------------
و صاحت يا ضوا عيوني مشـيت و مـن يـودّيــني
يَجَاسم دون ابن حـيدر اريـدنّـك تــقـر عــيـني
يَـبَعد اهلي زمان الشّوم فــرّق بـيـنـك و بـيــني
يَعَقلي و الفراق مجــيد يَبني وشوف جيش يزيد
وعمّك يالوحيد وحيد حـايـر بــين عدوانـه
------------------------
يـقـلـهـا لا تـوصّـيـــني أبـويــه بـهـاي وصّــانـي
و عمري بـعد مـا ريـده و اعايـن صرعـة اخواني
على سبعين الف ماشي و يـابـس بالظّما لسـاني
صفقت اسف راح براح ودّعها و عليها صاح
ردّي مْعَ السّلامه وراح عـنها و بقت لهفانـه

مبارزة القاسم ڈ
شبل الحسن طب للكـ ـون و توزّمت فرسانــه
نصاها و حـوّم عليها وتوسّطها وخطب بيها
تكـالـيـفـه يــأدّيــهـا وزاكي النّسب عنوانه
]
عـزّر بـن سـعـد و القـ ــوم نـاداهـم تـعـرفـوني
أنـا بويـه الحسـن مهجـ ـة الهــادي مـا تنـكروني
أنـا اللي الموت ما هابـه وحتف الموت من دوني
أنا ابن الحسن يومي اليوم لـيّه الـفخَـر دومٍ دوم
أبويـه و عمّي المظلـوم للمخــتـار ريـحـانــــه
------------------------
صوّل قـاصـد الصّمصوم و الـجـيـمــان زلـزلــهــا
عليها صاعقـه مــن الله شـبـيــه الحـسـن نـزّلـها
بْـعَـزمــه الحــيـد تـالـيها رجع ناكس على اوّلـها
عليه حملت فرد حمله و عين حسين ترقب له
وكسرها وهَلْهَلت رمله الحزينـه اببّاب صيوانه
------------------------
رجع قاصد العمّه حسـ ـين ظامي ملـتظي قلـبه
عجايب يطلب العَطشان من صادي القلب شربه
شْـسَـوّت ضربـة الجاسم بالازرق مـن لـزم دربـه
لـفاه الرّجـس فرّاغي و جاسم نصب للباغي
طعنـة رمـح للطـاغي وضربة سيف لحصانه
------------------------
وصـل مـتنـومس الـعمّـه و تلـقّاه و فــتح بـاعـــه
يـقلّـه مـرحــبا يـالـلـي اطـباع اسـنادي اطباعـه
الـتمّـن طــبق عـمّاتــه علـيـه بـسـاعــة وداعــه
حريم و خايفه الضّيعه و ضجّن وكت توديعه
و صاحن هـيّد اسويعه يجاسم و اقـعد ويانـا
------------------------
و امّـه تودّعــه و تصـيح جـاسم يـا عظم يومك
عسى عيني العما ولاشوف هِـجّي مفصّلـه هـدومك
مـحـلّـل روح يَـولــيدي و نــام بْجانب عمومك
يـبني شـتّـتت شـمـلي يجسّـام و وقـع حمـلي
وما ندري يَـبَعد اهلي بعدكم ويـن منوانــا
------------------------
يقلها الامر بـيـه تدريـن بـاجـر للـيـسـر مــنـواج
على البل تقطعين ابرور و امر الظّعن بـيـد اعداج
مـاشــي و لا تشـوفـيـني بعد يـا والده الله اوياج
عزيزج سمـعي اجوابه و صبري الشدّة مصابه
و لـو شفتـيهن اثـيابـه اذكريه و خالي امكانه
------------------------
تـقلّـه وداعــة الــباري يـنور العين و الله وياك
عـذاب الرّوح يـا جاسم و تـفـزيـر القلب فرقـاك
هــنا يالمعـتني للـمـوت قــلّي بــعد ويـن الـقاك
يقلها و يجـذب الحسره ومن عينه الدّموع اجرى
يَـيُمّـه ابحضـرة الزّهـرا و بويه الحسن ملقانا

مصرع القاسم ڈ
ابْسيفه ابن السّبط صوّل على العدوان و لسانــه
غـاره عْـلَى الـعدا شنها و حـل بـيها و دوهنها
وخطب بيها وخطف منها الـزّلم و اعـتمر ميدانـه
]
عـمره اثـلتطعش مـا زاد عـنّه يروغ ابن خمسـين
يـشـبــه عـمّـه الطــيـّـار مـا يـعـايـن شمــال يمـين
يقصد ضـيـغم المـشـهور بس ضربه و يصير اثنين
ظامي ولا حصل شربه تلظّى من العطش قلـبه
و روحه باعها و ربّـه شراهـا بحكم قرآنـه
------------------------
تـبـاهى بحـومـة المـيـدان بـاسـم الهــادي المخـتـار
و صاح ابن الحسن آنـا وجـدّي حــيدر الـكـرّار
شــع بـيمـيـنـه الـصّـارم و خلّى الكون شعلة نار
شد مغضب وظل يحوم بيها و طشر الصّمصوم
و بقلب العـدو معلوم ثـابت صار وجدانـه
------------------------
صال و صدم قلب الجيش قـوّه بـهمّـتــه و شـالــه
الجناح عْلَى القلب ذبّـه و لـف يمــناه بـشـمالــه
دمرها ابن الحسن جسّام لـو مــا قطـعـت نـعـالـه
وقـف مـا بين هـالآلاف واحنى ولااختشى ولاخاف
شـد نـعلـه و لا ينشاف حــافـي بــين عـدوانــه
------------------------
حشو هَبْهَب عـدو الله الازدي انحـدر و تْـعـنّـاه
شـافـه مشتغـل بـشـراك نـعـلـه و حــالاً تــقفّـاه
الرّجس لو هو من الشّجعـ ـان جـان بوجهـه تلـقّاه
ألف وَسْفَه وألف ياحيف شبل الحسن مأوى الضّيف
طــر الهـامـتـه بـالـسّـيف و تـعـفّــر بــتربــانـــــه
------------------------
تـعفّر بـالـتّرب مشـقوق راســه مخـضّـب بـدمّــه
و شـبح عـيـنـه للمخيّـم بحـسـره و انـتخى بعمّـه
و عمّـه اعـتـنى الجـتّالــه و شطر راسه و وصل يمّه
لـقــاه بـدمّــه محــنّى و بـيض و سمـر زفـنّــه
مسح فيض الدّما عـنّه ولن الرّوح خلصانه
------------------------
قعد يم ابن خيّه وشال عـن حــر الـترب خـدّه
و دار إيـده على طوقـه بلـوعـه و وسّـده زنــده
و شال جـنازتــه وحـده يَوَسْـفَه اعوان مـا عــنده
و جابـه بخيمـة الموتى و الـزنـديـن تــابوتــه
شـالـه ابجــبد مفـتوتـه وصفّه بجانب اخوانه
------------------------
جــذب ونّــه و سمعـنّــه الحريــم الـجـان زفــنّــه
طــبـق فــرّن و شـافـنّـه مـسـجّى و قاطـع الونّـه
و تهاون و ايّسـن مــنّـه و رملـه تصـيح اجعدنّـه
و تـكّن لــه يَـعَماتـه نريـد نشوف طبراتـه
مذوبـل ورد وجـناته الشعل بالقلب نيرانه
------------------------
انـدهشت نــوبٍ تحــبّـه و تـوعّـيــه و تـتجّي لــه
و نـوب تمــدّده و تنسـل زلوفــه و نـوبٍ تشـيـلـه
و هاجن بالنّحب سكنـه و زيـنب عمّتـه و لـيـلى
دارن بالولـد صوبـين روّنـه بـدموع الـعين
ضجّن والشّهيد حسين مـا تـتـصوّر احزانــه
{ الناظم }
يَـبن المـصطفى نـاخـيك و اسمـع طلـبتي و نخـواي
مـنكم طـالب الــتّأيـيــد و الـتّوفـيق دوم ويـــاي
و انـت مـوزّم و مـلزوم يـا فـرع الامامـه بـهـاي
آنا الباب المواهب جيت يَـبن الزّاكيه و نخـّيت
و احنا غير هذا البيت مـا نـوقــف ابّـيـبانــه

علي الأكبر يطلب الرخصة ڈ
طلع لكبر عـزيـز حسين محـرب شــارع اســنانـه
و امّه تشجّعه و تنوح وتصب الدّمع مسفوح
و المذهّب بجـفّه يلوح حتف الموت عنوانـه
]
شـافـه حسـين و عيونــه علـيـه انهمـل مدمـعـهـا
يـقلّـه يـا حـشـاي امّـك وراك تـنـــوح ودّعـهــا
ترى طلعت من الخيمـه يـنـور الــعـين رجّـعـهـا
رجع للوالده و جاها و ودّعـها و ســلاّهـا
و وسط الخـدر خلاّها و عليه انحنت ولهانـه
------------------------
تـقلّـه وداعـة الــبـاري يـالوحــيّد يَـنُـور الــعين
قـلبـي انمـزع يَـولــيـدي بْطلعتك و انشطـر شطرين
مـحـلّـل روح اريـدنّـك ترى فـدوه لبوك حسين
شـح بـيك الـقضا يـبني و عليك الدّهر حاتفني
و بـالـدّلاّل صـوّبــني و دمعي الحمر نيشانـه
------------------------
طلب رخصه من ابوه حسـ ـين و حسين انشعب قلبه
حـنى ظهره عَلَى وليده وعَلَى وجهَه الدّمع صبّه
رفـع راسه و فـتح جفّه يـبث اشـكايـتــه الـربّـه
يـناجيـه و الدّمع نـثّار إلك شكواي يا جبّار
هـذا اليشـبـه الـمخـتار ماشي الحرب عدوانـه
------------------------
ضـم ابنـه لـعـد صـدره و يخفي بالنّحيب الصّوت
يـقـلّـه يــا ثمــر قلـبـي دلـيلي بطلبتك مـفـتوت
برجلك يـا صبـي الـعين تمـشـي يـالولـد للـموت
قـلّـه يـا شـبل عدنان ما عندك يـبويه اعوان
بـين جـنود ابن سفيان و عمري حان ميحانه
------------------------
سطى مغضب حفيد اللـ ـيث ابو الحسنين و تجــنّى
أبـويــه حسـين نـاداهـم و جــدّي قـاسـم الجـنّـه
وجدّي المصطفى الهادي و كـل المكـرمـات الــنا
حمزه عم ابو الحسنين وجعفر عم ابويه حسين
و انا عمّي الـبلا جفّين شال السّيف باسنانه
------------------------
توسّطـهـا لَـكـنّـه ليث مشـبل يحـمـي اشــبالــه
يـتـعـنّى الــعـلم عــمـداً و يـطــيّر راس شــيّـالـه
و خـلاّها تصيح الـغوث شـبـل حسـين بـافـعالـه
تخر روس وتطير نفوس وغنّى السّيف فوق الطّوس
وفرّت بالعزيزه الشّوس قـوّه و فـرغ ميدانـه
حــام بحومــة الـمـيـدان يلـعب بالرّمح و السّيف
و اخـلى كـل مـلازمـها الحيد و طاب منّه الكيف
و نـيران سـعرت بحشـاه نـار العطَش نار الصّيف
و نار سلاحه الصّوبين و نار فراق ابوه حسين
و نـار الشابحـه بالـعين تـنعى اببّاب صيوانه
------------------------
و بن سعد الخبيث احتار يـتلـفّت شمـــال يــمـين
فـر مـن خيمته مدهوش صاح اهل المراكز ويـن
مـن هالجـدّل الـفرسـان قالوا هـذا شـبل حسين
نـادى يَبن غانم ثـور هاللي يشع وجهه بْنور
أريـد اتجـيـبه لي مأسور هد الجيش و اركانه

مقاتلاته حتى مصرعه ڈ
ثَلَـثْـتـنعـام شـبل حسين هــد الجــيش و اركانـه
و لَن بكر بن غانم جاه للـمـيـدان يـتـعـدّاه
شـبه المصطفى لاقـاه يهز السّيف و الزّانه
]
قــبـل لا يوصـل تـلـقّـاه عــاني و فـلهن زلـوفــه
علــيه مـثـل الصّقر حلّـ ـق بهجماتــه المـعروفــه
و ابــوه بمركـزه نـاصب علــيه الـعـين و يشوفــه
وليلى تشوف وجه حسين مـتـنومس بـنور العين
و يقلّـه كَـفُـو ونعمين لَـنْـها امغـيّره الوانــه
------------------------
تقلّـه يـا حشـا الـزّهـرا على مهجة قليبي شْصار

أشـو وجهك يـبو سكنه علـيـه مـن الهموم غـبار
يـقلـهـا بــرَز لـولــيـدي شجـاع مجـرّب و غـدّار
وهو ظامي الجبد مفرود سـئلي الواحد المعبود
يصرع هالرّجس ويعود منصور عْلَى عدوانه
------------------------
وقـفـت وسـط خيمـتها تحــن و رافـعــه الجـفّـين
إلـهـي ســلّـم ولـــيـدي و حق غربة ابوه حسين
و الاكبر عاجـل الطّاغي بْضَربـه و انقلب شطرين
كف الجيش عن دربـه ورجع والعطَش مض قلبه
يـريـد الجايـزه شربـه و وقف جدّام معلانه
------------------------
يـقـلّـه شـربــة امـــيّـه يَبويـه العطَش فت حشاي
قـلّـه الـماي يَـبْني مـنين راح اللـي يجـيب المـاي
عسـره و غــير موجوده يَـبن لـيلى طلـبْـتَك هاي
أبث شكواي للجبّار مـا بـيهم رحم كفّار
قلبي مثـل قـلبك صـار يـتسـعّــر بـنـيرانــه
------------------------
جـاب الولــد للخـيمــه و دمـوع الـعين هـمّالـه
آه يــا ســاعـة الـتّوديـع ضجّـت بـالخـبا عــيالــه
هـذي لازمـــه بـيــده و هـذي لازمــه اذيـالـه
و ابو السجّاد مـد ايده و اخذ من يمهن وليده
ولوى زنده على جيده و حبّه و ركّبه حصانه
------------------------
رجـع للمعركــه ويــلاه و مـر و عـاين الـشـبـّان
نـومــه مخـضّـبـه بـدمـوم كـلـها موسّـده الـتّربـان
شب نار الحماسه و صب عذاب الله على الجيمان
يصرخ صرخة الكرّار يحـصد روس بالـبـتّار
شال الهـا سمـا مْن غبار لـعـنان السّما عنانـه
------------------------
كـر بـهـيـبــة الـكـرّار بـيـها و الشّهيد يشوف
يمـحـي صفوف يـا ويلاه و تترادف علـيه صفوف
و ابـبّـاب الخـدر سكنـه تهلهل و الدّمع مذروف
خلّى الخيل بس سروج ضيّق بالاجساد فجوج
و الطّف بالدموم تموج نوح و فيض طوفانه
------------------------
مثل حمزه هجم و الجيـ ـش مـا يكترث بَاهْوالـه
جم صنديد شبل حسين مـن صهـوة مُـهُر شالـه
نسف جيش العدا و نكّس اعلامـه و جـدّل ابطالـه
صواعق عاد من جاها بلـيّـا قلـوب خـلاّها
تـدوّر ويـن ملجـاهـا بكاس الموت سكرانه
------------------------
علـيها دروبـها انـسـدّت وكاس الموت بـيها يدور
حفيد اللي شطر مرحب دعاهـا عْلَى الوطيّه شطور
من تلمع صفاح البـيض صكْها مـن النبوّه بـنـور
يفخر بالنّسب بالكون واخذ يحلف ابّاري الكون
يخسا ابن الدّعي الملعون يحـكـم نــغل مرجانه
------------------------
العبدي ابن الخـنا يدري لو انــه يصـير جـدّامــه
يـنظـمـه بطـعـنـة الخطّي و يـخـلّي اولاده يـتـامـى
يمـيـنـه انـشـلّت اتـقـفّـاه بـالضّربــه عـلى الهـامــه
تـعـلّـق بالمـهر ويـلاه من دارت عليه اعداه
شرايك بالذي تـولاّه بـالمــيدان عــدوانــه
علـيه كلّت مـن الصّوبـ ـين خــيّالــه و رجّـالــه
و جاه الطّعن من خلفه و عـن يمــنـاه و شمــالــه
ومن ضرب الهنادي اشْصـ ـار يهل الرّحم باحوالـه
عينـه غـرّبت للموت قلبه من الظّما مفتوت
وجّـه يَم ابوه الصّوت و تـمـرّغ بْـترسانـه
‌
الحسين على جثة ولده الأكبر ڈ
بس ما طاح شبل حسـ ـين مـتـعـفّـر بـتربـانـــه
شْحاله مـن وصل يمّـه أبوه ما ينوصف همّه
لـقـاه مخـضّب بدمّـه وحن وهاجت احزانه
]
انحـنى و تحـنّت ضلوعـه و سحايب صارت همومه
يصيح ابـني و ثـمر قلبي عـلـيه الـجـبـد مـالومــه
حـياتي تـنغّصت مـن جـو ر هـالأمــة المـيـشـومـه
شلون تصير مرحومه و نبيها سفكت دمومه
عسى كوفان مهدومـه و قصرها يسيخ بنيانه
------------------------
زيـنب بالـخبا و سمـعـت بواجـي حسين و نحـيـبـه
فـرّت حـاسره و تصـيـح يـعـين امّـي اشْهالمصيـبـه
يخـويـه جـان لكـبر طــا ح عجّل للخـيَم جِـيـبـه
نِشِد جرحه يَبن عدنان خلّه يودّعه الوجعان
يَـبن امّي ترى النّسوان تطلع و اظل حيرانه
------------------------
خـلّى الـولـد بـالـرّمضـا و إجـا الزينب يحاجيـهـا

نسـيت مصيـبـة ولـيدي يـقول الهـا و يـسـلّـيـهـا
و زوّدهـا بْصـبر حـيـدر و رد سـتورهـا عـلـيـها
و رد مقروح لوليده و قعد يمّه و لوى جيده
علـيه و غمّضه بـيده و هو الصّبر من شانه
------------------------
يقلّه يالولد يـالـما قـضـ ـيت مـن الـعمر شـفّك
شـبـابك وردتــه ذبـلت يَوَسْفَه و عاجلك حتفك
لاويـت الـدّهــر يَـبْــني و صروفه مـا لوَن جفّك
بعدك من بقى ويّاي ونّـاتك تفت حشاي
يوليدي عْلَى شربة ماي روحك غدت لهفانه
------------------------
يـشـبـلٍ راح للـعـشـرين بــعـده مـا بـلـغ ســنّــه
عـلى حـر الـتّرب يـا نـ ـور عـيني نـام و تـهـنّى
و لــنّه غـرّبـت عـيـنـه يـويـلي و قـصّـر الـونّــه
خر فوقه وجذب حسرات لَـنْهـا انـقطعت الـونّـات
ومن شخصت عيونه ومات قــام حسـين بـاحـزانــه
------------------------
فـرشـها بُـرْدتـه و جمّــع اوصاله و صاح يَولـيدي
على الدّنيا العَفا بعــدك يَبويه عْلَى القضا شْبيدي
أغسلك بالـدّمـع والجـفـ ـن ثـوبي و نعشك زنودي
جاب الولد للصّيوان مـدّه بجـانب الـشـبّان
ضجّن بالبجا النّسوان وامّه اطلعت دوهانه
------------------------
طلعت تخـمـش الخـدّيـن و اتــهل الـدّمــع لــيـلى
تصيح مدوهشه و الحال مــا يـمكـن تــفاصـيـلـه
جـنـت امْـأَمّـلــه يـبـقى ذخــر لــيّه و اربّـي لـه
دهـري اشلون خيّبني بـراس الـقلب صوّبني
شـبابك يـالولـد يــبني انقصف من غير ميحانه
------------------------
و ريحانـة الزّهرا يصـيـح حِـلّـن هـالـدّرع عــنّــه
و صبّن دمــع عـالـطّبره و شـعـر الــرّاس نسلـنّـه
ترى مـن سـاعة الشلْته ولــيدي قـاطــع الـونّــه
عليه الاسف و الحسره شباب اثمنتعش عمره
إلـج من عين يا زهرا وسيله و هاي عنوانه

{ الناظم }
نظـمت و مـنـتظـم قـلبي بولاكم و الدّمع يجــري
فـرض ونفل عـندي صـ ـار حتّى ينقضي عمري
جمــر صبّـيت مـن قـلبي المصايبكم و انـا الجمري
و خادمكم مدى دهره يبجي و يسجب العبره
عسى مقبول يا زهرا و عساه مثبّت ايمانه

مصرع عبد الله الرضيع ڈ
سـبط المصطفى الهـادي مــشى بْطفلـه العدوانـه
مغمّض عينه و خَلْصان يــابس بـالظّـمـا لسانــه
]
نـدَه يَـعْوان ابـن سفيان ملهوف الطّـفـل شـوفوه
فـت قلـبه سمـوم القيض مـنّي يـالاسـلام اخــذوه
جــبده يابـسـه بالـمـاي بخـّوهــا و عــلـي ردّوه
بَـالله تورّعـوا و ذكروا اشْــقال الله بـقـرآنـــه
------------------------
حزب من جيشهم قالوا أطفال وتمنعـوهـا الـماي
رضعـان بعطشـها تمـوت محّـــد يحـتملـها هــاي
و حزب الخارجيّه يصيح سمعـوا الـمشْوَرَه و الـرّاي
منـعــوا المـــاي خلّوهـا تمــوت بْعَطَش رضعانـه
------------------------
وبن سعد الرّجس نادى الخبيث اقطع نزاع القوم
يَقَاسي القلُب يـا سطّاي واذبـح هـالطّفـل ملـزوم
نـيشـن رقـبـتــه ويـــلاه و ارداه بْسَـهَـم مـيـشوم
قطع نحره و ابو السجّـ ـاد لـمّــه بـين ذرعانـه
------------------------
لـفّه اببّردتــه و ضـمّــه و شـال دمــاه بـيديـنــه
و ذبـّــه للسّـمـا صاعــد و للــباري شـبَـح عينـه
يـنـادي يــا إلــه الــنّاس شـوف الســادي علـيـنا
و رد بـالطّفـل للخـيمـه و سكـنه اطـلعت لهفانـه
------------------------
تقلّـه سـقـيت عــبـد الله الـماي و وين بـاجـيّــه
يقلها اخذيــه يَسـكيـنــه السّـهم فـصّم تـراكــيّـه
ودّيــه للحـنـونــه امّـــه الــيـاذيــهـا بـواجــيّــه
حــــالاً ودّتـــه لامّــــه و علَت ضجّات نسوانه
------------------------
تـلـقـتّـه مـن سـكـيـنـه الرّبـاب و دمعها جـاري
صاحت و انحـنت فوقــه إلـك شـكواي يـالـباري
جــانـونك يَــعَـبـد الله بـلـبّــة مـهجـتي واري
يســرور القلب يالبـيك يـَبني جِــنت فـرحـانــه
------------------------
يـبـني شـوفـتي مـهـدك مثل سهمك بلُب حشاي
لـهـز الـمـهـد يَولــيـدي و احسـبك بالمـهد ويّاي
رحــت ظامي يَعَـبـد الله و بـعد عقبك يلذ لي الماي
انــتَ الرّوح و المهجـه ولـــيّه جِــنت ريحـانــه
------------------------
نـوم الـلــيل حـاربـتــه يَروحي و سْهَرت برباك
دوم إيـدي عـلى قـلـبي و عليك محافظه و ارعاك
مـا ظـنّـيت يَـبْـني بْـهاي جان امشي المعاره اوْياك
واوقف يَم ابوك حسين و الــزم رشمـــة حصانه
------------------------
و اتـلـقّى السّـهـم عـنّك بْـقَلـبي و نـاظـر عـيونـي
و لا جــان الــعدا مـنّك يَـعَــبد الـلــه يحـرمـونـي
ردّتك بعد ابوك حسين سـلوه و خـابت ظـنوني
عساني قـبل هـذا اليوم عــمري حــان ميحـانـه

وحدة الحسين ڈ
وَسْفَه حسين ظل وحيد حـايــر بــين عـدوانـــه
مـا بـين الكـفر محـتار يـنظر بـالعرا الانصار
قـلهم يـا حمـاة الجـار
بـين الـقوم عـفـتوني ودمع دم هلّت اجفانه
]
صد صوب الشّريعه وصاح يـالـيث الحرب يـا حــيد
نـايــم عـالـنّـهـر عــبّاس مـا تـدري بقـيت وحـيد
بعد ساعه و اظل مرمي و حرمـنا تنسـبـي ليزيـد
أنـا بـالجـتل مـا بـالي و لا فـقـدان أبـطــالي
لـكن صـايـر ابّــالـي
الحرم تبقى بـلا والي و زينب تظل حيرانه
يـالاكبر يـا ضـيَـا عـيـني شلون عْـلَى التّرب نايـم
و انـا بين الـعدا مـفرود ثُـور و حـشّـم الجـاسـم
عـلى خـيامي ترى يَـبْني سحـاب الجـيش متراكم
ولا ظلّت يَـبَـعد الرّوح بس نسوه و بنات تنوح
حتّى ابني الطّفل مذبوح
ما ظل بس عليل يلوج حوله اطفال عطشانه
------------------------
رد يـحـشّـم انـصــاره يقلهم يالاحـباب شـلون
فــرد مــرّه تـعـوفـونــي و على حـر الثّرى تنامون
هــذا مقطّـعـه اوصـالــه و ذاك بْمُهجـتـه مطعون
رجـع بـدموع همّاله يريــد يـودّع عيالــه
و زينب عاينت حاله
تلـقّتـه بْـصبر حـيدر و مُهره لزمت عنانه
------------------------
صـاح وداعــة الــبـاري و زيـنب بـقت مـرتـاعه
و علـيـه الـتمّت الـعـيلـه اشْعظمها عليه من ساعه
و غدت سكنه العزيزه تلـ ـوج يمّــه بْسَاعة وداعـه
وصاحت آه يبويه حسين بعـدك ملـتجانـا ويـن
خـبّرني يَـنور الــعين
جان وْقَعت بالمـيدان يـا هو اليظـل ويّـانـا
------------------------
رد الخـيمـة الـسـجّـاد قصـده يـودّعـه و يـروح
و زينب جـالسـه بْكُـتره وعَلَى فراش المرض مطروح
فـتَح عينـه و شاف الدّم على صدر الشّهيد يلوح
يـقلّـه الحرب طبّـيـته و عمّي ويـن خلّـيتـه
أبـد مـا تـقبل مروتـه
يقلّه عْـلَى النّهر مطرو ح و تقطّعت ذرعانه
------------------------
يـَبويــه بلّــغ الشّـيـعـه كـلامي و سلّم عـلـيـها
تـذكـر ذبـحـتي ظــامـي وجبدي العطَش مض بيها
و انــا للمعركـه مـاشـي و حـياتي هـاي تـالـيـها
تـذكر طـفلي الظّامي و خيل الرضّت عظامي
و سبي النّسوان وايتامي
كلها بْحبـل تـتوقّف بديـوان ابـن مرجانه
------------------------
طـلع و المعركـه قـصـده و زيـنب قـايـده مـهـره
و بيده مسح قلب اخته و حـبـّتـه بْوسـط نحــره
و تصـيـح اوصيّـتِـج لـيّه تــأدّت يَــمّـي الـزّهــرا
هـذا حسـين للميدان ماشي وخلصت الشبّان
و انصاره على التّربان
و انا بهاليتامى بقيت بــين القـوم دوهانـه
------------------------
‌مـشـى للمعركـه و قـلـهـا بجـمـيـل الـصّبر ســرّيـني
و من خلفه الرّباب تصيـ ـح ويّــا مــن تخـلّـيــني
غريـبـه و للأهل مَـتْقول يــاهــو الـلـي يـودّيــني
حـن و تحـنّت ضلوعه و جـبر انهـلّت ادموعه
و رَدها و بقَت مفجوعه
وسلّم للقضا و للكون راح بصهوة حصانـه
------------------------
صرخ بيها و هـو موتور يـنـظـر عزوتــه و قومـه
و اولاده و بــني عـــمّـه عَـلَى حــر التّرب نومه
و إلـه عـند الـنّهر نظره و إلـه صوب الخيم حومـه
ويقلهم ياحزب سفيان أنا وحدي ولا لي اعوان
شربـة ماي انا لهفان
و هذا الماي مَهْر امّي وعزوتي تموت عطشانه
------------------------
دعاها عْلَى الوطيّه فراش حيهم مـا يشـيـل المـيـت
و عـزرائيـل ظـل يصرخ يَضنـوة حــيدر اشْسوّيت
سـيفك مـا يكـل و انــا بـقبض ارواحـها كلّـيت
ترى من عصبة الشّيطان صارت فايضه النّيران
مـا ظل بالجحيم امكان
من سيفك يَبو السجّاد بيهم غدت مليانه

الحسين في حومة الميدان ڈ
للمـيـدان طـب حـسـين و اتـســعّــرت نــيرانـــه
خـلّى دمومها كالسّيل بـدّلـها الـنّهـار بْـلـيل
خلاّها تصيـح الويـل
وجبده من العطش وَسْفَه وحـر الشّمس لهفانه
]
يطوي جموع مـن دربه شـبل حيدر و تلفي جموع
وِ يْشـوف اخوتـه صرعى و بني عمّه و قلـبه يموع
و يشتـد الـعزم لو شاف ضيـغم بالـتّرب مصروع
و يـلـقّـط مسـامـيـهـا وحدى حادي الفنا بيها
وسـد دروبـها علـيها
فرّن و الرّمح يـنـظم أبطال الجيش بسنانه
------------------------
سطى بسطوة سـبع مشبل و هي مثل الغنم صارت
فرَش ذيـج الابطاح اجسـ ـاد و ابحور الـدّما مارت
أربــع فـرق يـا وَسْـفَــه علـيــه افـترقت و دارت
دارت بـيه شي برمـاح واحجار ونبل وصفاح
قحّم و العزم مـا راح
و مال يـناجي الباري وطوره صَهْوة حصانه
------------------------
يـقلّـه مــا شـغـل قـلـبي يـربّـي صرعــة اخـوانـي
و لا ضـجّــات الـمخـيّم و لا تـعـفــير شـــبّـانــي
و لا اليجري عقب ذبـحي علـيّـه و ذبــح رضعـاني
بحـبّـك مـنجـبر قـلـبي الك شكواي يـا ربّي
اشْلون انحرم من شربي
وحزب الحاربوا الاسلام كلها تـروح ريّانـه
------------------------
انـتـشـرت رحمـة الـمنّان مـن عرشــه و كرسـيّـه
واجاه ابن البتـولـه الصّـ ـوت مـن حضرة القدسيّه
إلك موقف فخم يحـسـ ـين بـالفرقــه الشّـيـعـيّـه
علـيك تـعـج نوايحها و عـندك كل مصالحها
و لجل عينك نسامحها
و دولـة هِـنِد نمحـيها و أميّه تروح خسرانه
------------------------
قـرّت عــيـنــه و قـلّــط وسط قلب المعاره يريـد
يصيح الضّيم عنّي بعـيد و بـالـعـز الـمـنايـا عــيد
شَـهَـد عــندي الـشّهاده جان يتحطّم سرير يزيد
هـاي الـلي انـتمنـاها شهاده و فـخر ويّاها
و أخذ بالنّسب يتباهى
و لن ابن الخنا خلّى جـبين حسين نيشانه
------------------------
نـيشـن بـالحـجـَر نــوره و سال عْلَى الوجه دمّه
و شال الثّوب عـن قلبه و المحـتّم سـطى سـهـمـه
و خـر مـن ظهر المطهّم و المطـهّـم وقــف يـمّـه
تخضّب من دما قلبه و غار و للخيم دربه
و سرجه صاير بجـنبه
مـودّي الخـبر للعيله و دم القلب برهانه
------------------------
زيـنـب فــرّت ابـدهـشـه و بـنـات المرتضى وْياهـا
تـتـلـقّى جــواد حـسـين و تـجـمّــع يـتـامــاهــا
و لَـن الـمـهـر قـاصدها و حـالاً وقـف بحـذاهــا
يون و يخمش البردين متخضّب بدم حسين
خـيّالـك تـقـلّـه ويـن
طاح و بين هالعدوان والـي الـحرم خـلاّنا
------------------------
يـالمـيمون مـن سـرجـك وقع مطعون لـو مجروح
أحـد سـوّى علـيه ظــلال لـو ظـل بالشّمس مطروح
قــلّي فــارقـت روحـــه ولـينا لو بـعد بـيه روح
قـلـها مـا تـسـمعـيـنـه يـفت الجـلـمد ونـينه
يَـزينب لـو تشوفـيـنه
لمـثـلّث فَـرَع قـلـبـه و ظل يفحص بتربانه

سماع العقيلة أنّة الحسين ڈ
هـالونّــه تـفت حشـاي جَـنْـهـا ونّـــة المظـلــوم
أظــنّه امصوّب و مخطور مـا يـقـدر ولـيـنا يـقـوم
]
جَـنْـهـا ونّــة ابـن امّـي و اظـنّه انصاب يَسْكينـه
تـقـلـها هــاي ونّــاتـــه يَــعـمّــه مـا تـعـرفـيـنــه
آه عْـلَى الحريـم يصـيح بـالـونّــــه تـسـمـعـيـنـه
أظـنّه بالحشاشـه انصاب يــا عمّه بْسـهم ميشـوم
------------------------
طـلـعت والحرم فـرّن وْيـا هــا و قـصـدن الحومــه
لـقـنّـه موسّــد الـتّربــان خــدّه و نـزفت دمومــه
اشْحَـال عزيـزة الـزّهـرا بـهالـسـاعــة المـيـشـومـه
ولــيـها مـأيّـســه مـــنّه و حريم مطشّره و هالقوم
------------------------
طـبـق حـفّن ابـوالـيـهـن لـقـنّــه يـعالـج بـروحــه
بْـدَمــع الحــار غسـلنهن يويلي من الدّما جروحه
و ما غسلت جرح قلبه مـدامـعـهن الـمسـفوحـه
تصب صب السّحاب عْليـ ـه لكـنـها تصير ادمـوم
------------------------
وحـده تحسب جروحـه و عليها ضـاعت الحسبات
و زيـنب حـبّـته بْـنَحـره و تصيح وتجذب الحسرات
مـا تـتـمــيّز الـطّـعـنـات يَـبن امّـي مـن الطّبرات
عسى عيني العما خويه وعساني مـا عشت لليوم
------------------------
عمَت عيني و لا شوفك موسّــد بـالـتَرب خــدّك
مـا هي وسـادتك يحسين صـدر الـمصطفى جدّك
يَصيوان الـحرايـر شوف ظـلّن بـالــعرا بــعـدك
مَهَر امّك يخويه الـماي و انت من الورد محروم
------------------------
يخويـه و حـال هـالعـيلـه يذوّب كـل قلب قاسي
الـعدو يحسين مـا يـرحم عـــدوّه و لـيلـنا مـاسـي
أريد أخضب يَـبَـعـد اهلي بـدم نحـرك شـعر راسي
و دم القلب مـن عيني على دم القلب مسجوم
------------------------
دمّـي يـالـولـي و دمّـك مـيازيب و تروّي الـقاع
هـذا مـن الجـفن يجري و ذاك مـن القلب نـبّاع
مَـتْشـوف الـيتامى تـلوج كاتلـها العـطَش و جياع
سكنه و الـرّبـاب تطيح و حدتهن و نـوب تقوم

وصول الجواد خاليا إلى المخيّم ڈ
من وصّل جواد حسين خـالـي يـسحب عـنانـه
فـرّت للفضا عـيالـه وضجّت بالبجا اطفاله
وزينب وقفت احذا له
تقلّـه يـا جـواد حسـين ويـن انصرع ملـفـانـا
]
طـلعت تسحب الاذيـال و ايـديـها عـلـى الهـامـه
تحـوم و قـاصده الحومـه و ظـلّت خالـيـه خيامــه
و وراهـا مهجـة الـزّهرا اطلعت تـتصارخ ايـتامـه
تـقـل للمُـهُـر دلّـيـني لخويـه حسين ودّيـني
أنـشـدنّــه مـخـلـّيـني
بذمّة من و هاي الخيل زحفت صوب صيوانـه
------------------------
صـاحت يـا رسـول الله عـزيـزك بـالـثّرى مـعـفّر
يَجَـدّي وزّعـوا جسـمـه و بـناتـك بـين هالعسكر
و طـبّت حومـة الـميدان بــين الـجـثـث تـتـعـفّـر
و شافـتّـه على الغبرا يحـز ابـن الخـنا نحره
و دايس بالنّعل صدره
صاحت يا رجس فعلك يـهـز الـعرش و اركانـه
------------------------
مَـتـدري حسين ريحـانـه الـخــتـم الانـبـيـا جــدّه
عـلى صـدر النّـبي رابـي يـحط خـدّه على خـدّه
مهجـة فـاطمـه و حـيدر و جبريـل الـيـهـز مـهده
بْـنَعلك يا وغد واطيه و شربة ماي ما تسجيه
يموت براحـته خلّـيـه
تشوفه من العطَش روحه يغادي البخت خلصانـه
------------------------
أويلاه مـن قـطع راسـه و زينب تجـذب الحـسره
و شـالـه فــوق خُطّـيّــه و ظـل الجـسـد بـالـغبرا
و خـلّى الارض مـرتجّـه و ظهرت بـالسّما الحُمره
وزينب صرخت تنادي يخويه حسين يَسنادي
عليّه استوحش الوادي
و هذا الجيش يَـبْن امّي زحف لخــيامـنا وجـانـا
------------------------
بـس انقطع راس حسين ردّت ويـل قلـبـي ردود
خـلّت بـالـخـيـم كـلـها عـيال ابن البتولـه قعـود
ولَن الـزّلـم و الـفرسـان صـاحت بـالخـيم فرهود
صاحت و القلب مألوم سود مصايـبك يا يوم
يا عـبّاس وينك قـوم
وصلت للبـيوت الخـيل قــوم اجمــع يـتـامـانـا
------------------------
آه يـا سـاعـة الـقـشــره على ذيـج الحريم اشْصار
سـلـبوا كـل بـراجـعـهن و لا وحده بقى الها خمـار
و بن سعد الخبيث يصيح شـعـلوا بهالـمخـيّـم نـار
فـرّن كـلـهن بـنوبـه و هاي تهيم مسلوبه
و ذيـج اتطيح مضروبه
و مهجة فاطمه تـنـادي يـربّــي ويــن مـلجـانــا
------------------------
ردّت يـم عـلي السجّاد لَـنّــه بـس يـجــر ونّــه
لـقـتّـه مـوسّــد التّربــان و فـراشـه انّـهـب مــنّـه
لــهـم نـيّــه يـذبحـونـــه الاعـدا و دافـعت عــنّـه
تقلّـه اقـعد و حاجيني و عاين يـا ضـيا عيني
عـيال حسين مـاذيني
و هذا بـن سـعد يَـبْـني شـعل بـالخــيم نـيرانــه
------------------------
تـجّـت لــه و بـالــعـبره الـزّجـيّـه بـقـت مخـنوقـه
جذب ونّـه و فتح عينـه ولَن الخــيـم مـحـروقــه
صـد و شاف جم طفـلــه ابـبّـاب الخيم مـسحوقـه
انتحب من شاف حالتهن يقلها اشْلون موتـتهن
تقلّـه الخـيل داسـتهن
وَحدتـهـن يـَنـور الــعين مـرتـــاعــه و لـهـفـانــه

رض الجسد الشريف ڈ
زيـنـب وقـفـت اتـنـخّي الدفـن حسـين عدوانــه
تحشّم و الدّمع جـاري تقلهم صفوة الباري
طريح بهالشّمس عاري
ولـَن التـّلـبـيـه بـالخــيل تسحـق فــوق جثمانــه
]
حـالاً صـوّتـت يـا خـيل يــا لـيـتــج تـعـقّـرتــي
يَـبنت الاعوجـيـه اشْلون بــاولاد الـزّنــى غـرتــي
يَـقَشره ضلوع من تدرين فــوق الــتّرب كـسّـرتي
صدر المصطفى دستيه إلـج مـيدان خلّيتـيـه
و قلب الطّهر ذوّبتيه
و الـمثلّث بلب حشـاه مَـتـشـوفــين نـيـشــانــه
------------------------
و غارن عشره من الخيل بـاولاد الـزّنـى الـعـشـره
و كلها منعّله و سحقت فـرد مـرّه عـلى صـدره
و عزيـزة فـاطمـه تشوفه و تحـن وتجـذب الحسره
ومن الحسرات واللوعه تديـر الـعين مفجوعه
وتشوف تْكسِّر ضلوعه
وغدت تهتف باسم جدها و قـلبها اسعرت نيرانـه
------------------------
تـقـلّـه يـا رسـول الـلــه حبـيـبك بـالـعرا مطروح
يَجَدّي وعْلَى صدره الخيل بـالرّمضا تـجـي و تروح
و آنـا بـقيت مـدهـوشـه بْـيـتـام او حـريـم اتـنوح
هـاي الـخيَم منهوبـه و هاي النّار مشبوبـه
و انا بهالحال مكروبه
و عـلينا ضاقت الدّنـيـا يَجَـدّي و لحّــد ويــانــا
يَجَـدّي الخــيـل طلقوها و جـثْـة حسين رضّوهـا
يَجَــدّي بـالخـيـم نـنـعى و علـيـنـا الــنّار شـبّوها
و اللي مـن الخيم فـرّت بـلـيّـا خـمـار خـلـّوهــا
أشيل اللي وطَتها الخيل لو ذيـج التصيح الويل
لـو هاللي يلوج عليل
كلّفـني يَجَـدّي حسـين بــايـتـامــه و نـسـوانـــه
------------------------
عـلـيّــه يـا رَسـول الله زمــان الـشّـوم مـا قـصّر
محـتاره و اشوف حسين جـسـمـه بهالفلا مطشّـر
و بَـناتَك يـا رسـول الله حـيَارى هـايـمـه بـالـبَـر
يَجَدّي اشْلون هالليله و حملي وقع شيشيله
صفيت مكلّفه بْعـيلـه
أصبَحْت أخـوتي حـولي يجدّي و هــذا ممســانــا
------------------------
و صدّر بـن سـعد أمره و قـال الـرّوس جمعوهـا
وعلى جسوم اخوتي داروا بـلــيّـا روس خـلّـوهــا
و شالوهـا بـروس ارماح و الاجـســاد داسـوهــا
يجـدّي اشْيحتمل قلبي عساني ما شفت دربي
إلَك شكواي يـا ربّي
وصارت عقب قطع الرّ وس مـا تـنعـرف وليانـا
------------------------
أمّ الـولــد لـو فــرّت لـبِنـها المعركــه تشوفــه
تشوف اجساد مخضوبـه بْـدمـاهـا موش معروفــه
جـان ابن الحسن جسّام حـيث مخـضّبـه جـفـوفـه
وامّا بو الفضل وحسين بـين الجـثث معروفين
هـذا مـقطّـع الجـفّين
و ذاك مكسّره ضلوعـه يـجدّي و هـذا عـنوانـه
------------------------
يجدّي هالهضم و السّوط بـمـتـون الحريــم يـلـوح
و من وكز الرّمح ويلاه بظـهور الـيـتامى جـروح
و عن ولـية عدونـا وين يا خــير الـبريـّــه نـروح
ياهي اللي ابتلت بلواي ألوذ امن العدا بعداي
أعاين لا حسين وْياي
و لا جاسـم و لا الاكـبر و لا الـعـبّاس و اخوانــه

في هجوم الخيل على المخيم G
على خــيام الحـرم يحسين هجمت خيل ابن سـفيان
و زينب حايــره و تصيح وين اخواني الشّجـعـان
]
مـحــتاره و دمـعــتـهـا عـلـى الـخـدّيـن تـتـنـثـر
و قلبها منذعر من حين شـافـت أقـبل العـسـكـر
صـدّت لـلـولـي مـرمـي عـلى الـتّـربــان يـتـعـفّـر
صاحت يا عديل الرّوح أمـشي ويــن بالنّسـوان
------------------------
يَـغـادين الـبخَـت ردّوا تـرا احـنا مـا لـنـا والـي
خـيـمـنا لا تـحـرقـوهــا تـــرا تـتروّع اطـفـالـي
ردّوا عـن حريم حسين اخـيّـي و ارحـموا حـالي
قــال ابـن الخــنـا لازم نطب و ننهب الصّيوان
------------------------
لازم تـنـظـريـن الــنّـار بـالـصّـيـوان مـشـبـوبــه
وجم طفله لخوك حسين بـين الــقوم مـسحوبـه
و جـم مـخـدّره تـبـقى بـلــيّـا خمـار مسـلوبــه
و عقب ما ننهب الاموال نـشـعـل بالخيم نــيران
------------------------
حـنّت و اجذَبت حسره و دم هملت دموع الـعين
لو هجمت علـيّه الخيل أهـيـم بـهالـيـتـامى ويـن
وين أكبر علي و جاسم وابو فاضل واخويه حسين
اشْبيدي اجسادهم ظـلّت ضحايـا بـحـرّة الـتّربـان
------------------------
لو عـبّاس لـي مـوجـود مـا هجمت علـيّه الخـيل
و لا سمعـوا الـعدا صوتي و لا عـيني دمعها يسـيـل
اشْـبـيـدي جـثّـتـه ظـلّت على الرّمضا بلا تغسيل
ألـف وَسْـفَه يَـبو فاضل تـروح مقطّـع الذّرعـان
------------------------
يَـزيـنب نـكّـسي راسـج ترى العبّاس الـج مَيْعود
كفـيـلـج ايّـســي مــنّــه ترى راسه انفضخ بعمود
بشري بالهـضُم و الضّيم مـن عقبه و سبي و فرهود
و ركوب الـهـزل قدّام يـا زيـنب مـع الـعدوان

شكوى زينب ليلة الحادي عشر ڈ
الـخـيم يحسين محـروقـه و انـا هـوّد علـيّه الليل
و راسـك راح للكوفـه و جسمك رضّضته الخيل
]
رضـيت بلـيلـة العـشـره و شـدايدهـا و لا دامـت
و جم مرّت عليّه اليـال مـنّي الـعـين مــا نـامـت
ويـن الــنّوم و الـقـعـده و هـاي ايـتامكم هامت
شـي ماتت مـن الرّوعه و شي ظلّت تحن بالويل
------------------------
نـص اللـيـل يَــبن امّــي و لَـن طـفلـه فـقدنـاهـا
أثــاري فــرّت بدهـشـه تـحـوم و مـحّـد ويـاهـا
وحدي اطـلعت ادوّرهـا و ادوّر ويـن مـلـفـاهـا
و شفتها وياك مـمـتـدّه و على خَدْها دمعها يسيل
------------------------
جـبـتها ويـاي للخـيـمـه و لَـن اخــتـك تـنـاديـني
يَزينب قومي دَوري وياي راحــوا ويـن طـفلـيـني
طـلـعـنا نـفـتّـش الـوادي و لا تـوجِّـد درب عـيني
و لَن وجـوهـهـم لـيّــه تـلوح تقول نجم سهيل
------------------------
شحجي لك يـنور العين دهــر الـشّـوم وازانــي
و هضم الما جرى ولا صا ر بـالـمـخـلـوق راوانـي
شـفـتـهم يـالولي مـيـتـين واحـد حـاضن الــثّـانـي
الكبير عْلَى الاخو حاني يضمّه عن وحوش الليل
------------------------
لـلخـيمـة المحـروقـه جـبـ ـتـهم يـا عـديـل الـرّوح
و ضجّت عيلـتك يحسين كـلـها بـالـبجا و الـنّوح
و قطـرة مـاي مـا عـدنـا و عـلـيلك بـيـنّا مطروح
يـتـامى شـاحـنه الخـيمه و حـريم مسلّبه و عليل
------------------------
تـمنـّيـتـه يـدوم الـلـيـل و لـو هـالحـالـة الـقشره
يوم احدعش يوم الشّوم ريـتـه لا طـلـع فـجـره
انكشف ليّه الضّوا ولاحت جـنـايـزكم عـلى الـغبرا
و جـتـنا الـنّوق مهزوله و حاديـنـا يصيح نشـيل
------------------------
يصـيـح نشـيل مَـتـقلّي يَخويـه اشلون هالشّـيلـه
أدوّر للحـريــم سـتـور لـو تـركـيـب هالعـيلـه
ضـاع الـبُصُر و الـتّدبـير خـويـه و قـلّت الحـيـلـه
و اطــفال الـفـقـدنـاهـا دفـنّـاهـا بـلا تـغسـيل

رحيل العقيلة من كربلاڈ
حدى حادي الظّعن يحسيـ ـن و انا بـقيت محـتاره
و صاح الصّوت بالعيله يَخويـه و غـدت كـبّاره
]
حدى حادي الظعون يريـ ـد ياخذنـا و يمر بـيكم
و مـا ظـنتي يَـنـور الـعيـ ـن يـمهلـنـا نـواريـكـم
و عـيـني شـابحـه للـنّـوق يـحـيــود و تـرابــيـكــم
أقـولن بلكت تـنهضون يَـلْـيـوث الوغى بْــغاره
------------------------
صـدّت للحوادي تصيح مــرّوا بـالـولــي بـيـنـا
و بـالله ريّضـوا سويـعـه نــلم اوصـال والــيــنا
و خـلّوهـا تـجـر ونّـات عــنـد الظّـامي سكيـنــه
و خلّوا هـاليتامى تـلوذ يــالـعـدوان بـاكــتــاره
------------------------
يـقاسي الـقلب يالحـادي شلون عْلَى الحرم مَـيْلين
بـين حـسـين و الـعـبّاس قـلـبي مـنشـطـر شطريـن
قـبل لا تـبـعـد ظـعـونـي أريـــد اودّع الاثـنــين
واحد عن الـثّاني بعـيد جيف الـبُصر و الجــاره
------------------------
شـبحت عــين للـعـبّاس وصوب حسين شبحت عين
تـصـيـح بذمـّتك عبّاس لـوني بـذمّـتك يـحسـين
مـشـيت و لا نشـدتـونـي يَخـوتي هالقصد لا وين
و امر الظّعن بـيـد اعداك مـا هـو بـيـد الـيسـارى
------------------------
يحسـين و عـلي السـجّاد عـضّت سـاقـه قـيـوده
و رجله اببّطن مهزوله مـن الصّوبـين مشـدوده
شَـسَـوّي مـا تـقـلّوا لـي وْيـا الـنّاقــة الـمطروده
و عليها ضْعيِّفات الحال مـنهـا الدّمـع يـتـجارى
------------------------
هالحال الصّعب يـحسين خويـه و الـمسـير نــهار
لو صار الـسّرى باللـيل ذاك المـاجـرى ولا صـار
ضجّـات الظّـعـن كـلـها بْقَلب اختك مواقد نـار
خويــه و راسك قـبالـي معـلّى و تسطع انــواره

عتابها للعباس عند الرحيل ڈ
يَـعـبّاس الظّعن مـاشي رضيتـوا الشّمـر حادينـا
على عجّف مشَن حسره خـواتك و الوَعَـد وينـه
]
هـالـنّومــه يَـبو فـاضـل بْشـاطـي العلقمي خَلْـها
و هـاي الـنّـوق دنّـوهـا المحامـل قــوم عـدّلـهـا
و هاي و ديعتك دنهض و عــدّل ســتر مـحملها
و خل العَلَم يـا مهيوب جـدّام الـظّـعـن زيـنـه
------------------------
يقـلـها الـعـتب يا زيـنب على راسي و على عـيني
لـكـن أظـن مـا جـيتي الشّـريـعـه و لا نظـرتـيني
وين الرّاس ويـن العـين يَخـتـي مــا تـشـوفـيـني
كفيلج صايـر ابهالحـال خـويــه مــا تـعـذريـنــه
------------------------
تـقـلّـه يـا وفي الـذمّــه يَصيوان الحـرم و السّـور
هـذا العـتب مـن ضيمي يـبو فاضل مهو من قصور
دريت بْـقَطعـة اجفوفك دريت بـراسك المـطـرور
بـعـيني تـأمّلت جسمك عـلى الشّـاطي موزعينه
------------------------
قلّي اشْجارة الحرمه الـو ـحيـده لـو سـدى عليها
مثل ضيم الجرى على اختـ ـك تـعاتب غير والـيها
و لو رادت يخويه تنوح شــتـقول بْـنـواعــيــهـا
الـحزن منطوي بدلاّلـي و الـمـعـاتب عـنـاويـنه
------------------------
مـحـلّل روح يالـعـبّاس كل لوم و عتب يعداك
غيري و غير اخوك حسين مـا واحـد عـرَف معناك
نـام عْلَى النّهر مـشكور و انـا ماشيـه وْيا اعداك
للكوفـه و اظــن للشّــا م تـالــيـهـا يـودّونــــا
------------------------
خويه السّهر طول الليل عـيـني تــهـل دمـعـتها
و الـتـفقد مــثل عــبّاس تـسـكن بــعـد زفرتـها
يـا هـي بـالـدّهـر مـثـلي بْـسَـاعـه فـقدت اخوتها
صفوه هالخلق و حسـ ـين درّتـهـم الـمكنونـه
------------------------
الـلـه وْيـاك يــا عــبّـاس سـاق الـحـادي اظـعانـه
مشـينا بالـيـسر يَحسـين مـنكـم مـحّــد اوْيـانــا
عـلي مرّت ليالي الشّوم طـول الـلـيل سـهرانـه
شْلون عْـلَى المطيّه النّوب حـــالـي مـا تشـوفـونـه
------------------------
ألاحظ طفلة اللي تطـيح مـحّــد يـا شـهـيد الـهـا
لو حرمه بحجرها اطفال تـلـعـي و مـال محـمـلـها
الطـفلـه مــن يـركّـبها الحرمــه مـن يـعـدّلـها
ولـيـنا مقـيّد و وجـعان يـشـعب قـلبي ونـيـنـه

سقوط يتيمة الحسين من الناقه ڈ
يـتـيمه و ضايـعـه بهالبر يَـعَـمّــه لا تـخـلّونـي
ريضوا يالحـوادي النّوق ويّــا الحــرم ركـبونـي
]
فـرّت ويـل قـلبي نـوب تـمشي و نـوب تـتـعــثّر
و نوب من الوَجَل تصرخ و مستوحش علـيها الـبر
تصيح وْياكم اخـذوني تراني اعْـلَى المشي مَقْدر
أنــا ويّــاج مـردوفــه يَـسكـنـه ومـا تـتـانـوني
------------------------
سمـعـت صوتـها سكـنـه و غدت تستعطف الحادي
تـقـلّـه ريـّض الـنـّاقــه يـتـيمه بـقـت بالوادي
خــل تركـب تـعـادلـني علـيـها ذايـب افّــادي
يـبـويــه ضيّـعـتـني بــين قــوم الـمـا يرحـمونـي
------------------------
مـن صـم الصّخَر قلبك يَخـايـب مـا تـرد الـهـا
يذوّب كل قـلب قاسي بـواجـيـهـا و تـوسّـلـهـا
قــال الـرّجـس خلّـيـهـا ذيــاب الــبر تـاكـلـها
و منكم يستريـح الـبال بــالـصّـايــح تــأذّونــي
------------------------
قـالت مـن عـلى النّاقـه لذب نفسي ترى للقاع
يـتـيمه و تـنـتخي بْلوعـه و مدهوشه و قلبها ارتاع
يـربّـي و حافـيـه تمـشـي بهالرّمضا و بـلـيّـا قـنـاع
أنـا لـو فـارقت روحي يـهـالــوادم تـلـومـونـي
------------------------
رد ابـن الخــنا بْغـيضـه عـلى الطّفله و لقاها تحوم
نــوب تـطــيـح بـالـغبرا و تجر ونّـه و نوب تقوم
و نـوب تصيح يـا يـابـه و لفـاها بْسوطه الميشوم
يـلوّعـها و هـي تـنـخّي يَـهاشـم مـا تـدركونـي
------------------------
دقـلّي بالوديعـه اشْصار مـن سمـعـت نواخـيـها
هوَت من ظـهـر ناقـتها و تـلوّت و احنت عليها
وهي تـبجي و لا واحـد كـفو يـسـمع بواجـيها
بت من هاي و امها منين بــاللـه مــا تـنشـدونـي
------------------------
أمــها بـضعـة الـهـادي و ابـوها حـيدر الكرّار
ذاك الــدوّخ الـدّنـيــا و لـولاه الفلَك مـا دار
جـلال الله و مظـهـرهم علـيـها و هـيـبـة المخـتار
خذَتها و أومت عْلَى الرّا س يَـبن امّـي محـنـتـوني
------------------------
صفـيت مكـلّـفـه بْعـيلـه يخـويـه و ذايـب افّــادي
كـلـمـا يـنـقطـع وادي نطب عْلَى الاثـر وادي
و الـلـي مـرمرت حالـي يَخـويــه ولــية الحــادي
تراني من الضّرب يا نو ر عيـني مورّمـه متـوني

تجهيز الحسين و دفنه ڈ
يَمجهّـز أخويـه حســين خـبّرنـي عــن احـوالــه
يـاهــو الفـصّل اجفانـه و ياهــو الجـمّع اوصاله
]
يَـمـجـهّـز أبـو السـجّاد بـيـش اعرفت نـيشانـه
أجـسـاد و بـلــيّـا روس فــوق الــتّرب عـريـانـه
دفـنـتـه بـالمحــل الـطاح لـو شـلـتـه مـن امكانـه
شلت الزّان من صدره و سـهم الـمـزق دلاّلـه
------------------------
يالواريت اخويـه حسـين قــلّي شـلـون واريـتــه
و قـلّي خنصره المقطوع بـاللــه ويــن خلّـيـتــه
أخويــه مـبـدّده اوصالـه مـعـرّى و بـيـش لفّيـتـه
و لفّـيت الجـفوف اللي قطعها الرّجس جمّـالـه
------------------------
يقل الـها اسمعي التّفصيل يَعـزيـزة عـلي و هـيـدي
جمعت اوصال ابويـه حسـ ـين يـا عـمّه انـا بـيدي
نـفَضت الجامعه و القيـد مـن رجلـي و مـن جـيدي
و رحـت الكربـلا عاني الدفن حسـين و رجالـه
------------------------
يَعمّه جسم ابويه حسين شفته عْلَى التّرب عاري
اوصالـه موزّعــه كـلـها و علـيها سافـي الـذّاري
الخــيل محطّمـه صـدره و صدره خزانـة الـباري
جمعـتـه اببّاريه و صارت لـــه اجفانــه و شـيّالــه
------------------------
و الاكبر يم ابويـه حسـ ـين يـا عـمّه ترى قـبره
و كـل اولاد ابو طـالب ألف وَسْفَه بْفرد حـفره
و كلها مقطّعات الـرّوس آه يـا ســاعـة الـقشـره
تـقـلّه و عـمّك الـعبّاس بـالله يــاهــو الشالــه
------------------------
يـقـلـهـا لا تـنـشــديــني و دموع الـعين مذروفـه
على شاطي الـنّهر مطرو ح عينـج لـيـتها تشوفـه
نـزّلــتـه بـوسـط لحـده و ردّيت اطلب اجفوفــه
و عاينت الجـفوف تـلـو ح بـمـطـارد الخــيّـالـه
------------------------
تـقـلّـه ابهالحجي يـا نــو ر عـيني الـقلب فـتّيـتـه
يَسجّـاد و رضيع حسين قــلّي ويــن خـلّـيـتـــه
يقلها وْيا الشّهيد حسين طــفـل حسـين واريـتــه
و دموم القلب من عيني عــلى الاثـنـين همّالـه
------------------------
جاسم و اخوته و عثمان و اخوانـه و بَـني عمّـه
الكـل مـجـفّن بْسـافـي الـذّاري و الغسـل دمّــه
و واريـت ابـنـج محـمَّــد و خـلّيت الاخـو يمـّــه
و كل اولاد ابـو طالب عن يمينـه و عـن شمالـه
------------------------


رجوع النساء من الشام إلى كربلا ڈ
اهـنـا يـالنّازلـين اهــنـا بْـقـبر حســين دلـّونــي
و تــالي عْـلَى المسـنّايـه الـقـبر عـبّاس ودوّنـي
]
خـرّت مـن على الـنّاقـه و تبعتها خـوات حسـين
تـتـعـثر و هــي تـنــادي يخويه حسين قبرك ويـن
جـيتك بالـيَـتـامى اقـعـد تـلـقّانـا يَـنـور الــعـين
ترانـي انتحلت اعظامي و لا توجّد درب عـيـني
------------------------
يخويه دقعد احجي لك عـن احـوالي بـهالسّـفره
مشـينا عْلَى الهزل حسّر يخـويـه مـشـية القشـره
لابـن زيـاد بـالـكوفــه و جـنايزكم عـلى الـغبرا
عن شمالي يخويه الرّوس منصوبــه و عـن يـميني
------------------------
ترى ما تنوصف يحسـين حـالـة طــبّـة الكوفــه
عـلي مـقـيـود بـاغـلالـه و انــا بالحـبل مجــتوفــه
وسط مجلس و انا زينب و بـالشـمّات مـحـفوفــه
ما ظنّيت دهــر الشّـوم هــالحـالـــه يـراويـــني
------------------------
مشوا بـينا مـن الكوفـه و درب الـشّام قـاسيـتـه
و انت بسـاعـة وداعـك علـيّـه الحمـل ذبّـيـتــه
قـاسـيت السّـرى باللـيل و الـسـجّـاد بــاريـتـــه
وحـيده مكلّفه بْعـيلـه و لالـي مـن يـراعـيني
------------------------
وصلنا الشام آه يـالـشـا م مـا يـنحمل طـاريـهـا
يخـويــه يـقصـر الـسـاني عن اهوال الشفت بـيها
عساني موسّده بْـلَحدي و لا طـبّـيـت واديــهـا
أموتن جان انـا يحسـين و بْـلَحــدي تـواريــني
------------------------
خويـه و طــبّة الدّيـوان لا صارت و لا هي تصير
بـين الـطّهر و الـزّهـرا ربـيت مـعوّده بْـتَخديـر
و لَـنّي واقـفـه بْمَجلس يحـاجيـني رجـس خمـّير
أنا لـو فـارقت روحـي يَـبَـعـد اهلي يعذروني
------------------------
يَبـو الـسجّـاد و الـعـيـلـه ترانـي تكـفّلت بـيـهـا
و اللـي تمـوت بـالغُربــه أدوّر مــن يـواريــهـا
دربٍ وعـر و الـهــزّل يخـويــه مـن يـقاسيـها
دقـوم و حشّم الـعبّاس يَــبن امّـي و تـلقّـوني
------------------------
وصلـنـاكم يـبو فـاضـل و لا جـيـتـوا تـنـزلونــا
هـاي الـرّوس جـبـناها و مـنكم نطلب العونـه
و راس حسين سمحوا لي تراهي مكسّره سـنونـه
بْطَشت الذّهب كسّرها يـزيـد و تـنظـر عـيـوني

يا نازلين بكربلاء '
اهْـنَا يالـنّازلين اهْـنَا بقبر حـسـين دلّوني
و تـــالي للمســنّـايـه إلراعي الجود و الرّايه أريد اروح شــكّايـه
و اقلّه يا بدر سعدي رضيت القوم يسـبوني
]
خرّت من على النّاقـه و تبعتها خوات حسين
تـتـعـثر وهـي تـنادي يخويه حسين قبرك وين
جـيتك باليَتامى اقـعد تلـقّانـا يَـنـور الــعين
خويـه يالمـتت ظـامي توعّى جيت بـايـتامي وشوف انتحلت عظامي
تراني من السّهر يحسين مَتشوف الدّرب عيني
------------------------------
يخويه دقعد احجي لك عن احوالي بهالسّفره
مشينا عْلَى الهزل حسّر يخويـه مشـيـة القشره
لابـن زيـاد بالكوفــه و جنايزكم على الغبرا
لو شفت الظّعن من راح حاديـنا بشـتمنا صاح كل ساع و يتـيمٍ طاح
وكل الرّوس منصوبه عن شمالي و عن يميني
------------------------------
ترى ما تنوصف يحسين خويـه دخلـة الكوفه
علي مقيود باغـلالـه و انا بالحبل مجـتوفـه
وسط مجلس وانا زينب و بالشـمّات محـفوفـه
و علينا صكّت الصّوبين تـتـفرّج يَـنور العــين و التّفصيل ويني و وين
ما ظنّيت دهري الشّوم هالحـالــه يراويني
------------------------------
مشوا بـينا من الكوفـه و درب الشّام قاسيته
و انت بساعة وداعك عليّـه الحمـل ذبّـيـتـه
قاسيت السّرى بالليل و السـجّـاد بـاريـتـــه
يحسين و قطعت الـبَر على ذاك الدّرب لَقشر نــوق و هـزل تـتـعثّر
وحيده مكلّفه بعيله و لا لي مـن يراعيني
------------------------------
وصلنا الشّام آه يالشّام مـا يـنحمل طـاريـهـا
يـَريت موسّده بقبري و لا طـبـّيت واديـهــا
يخويــه يقصر لسـاني عن اهوال الشفت بيها
أعلام تلوح و الرّايات و بكل ناحيه الزّينات و بـدروازة السّاعـات
تمنّـيتك عـدل يحسـين و بْـلَحدي تواريني
------------------------------
خويـه و طـبّة الدّيوان لا صارت و لا بتصــير
بـين الطّـهر و الزّهرا ربـيت معوّده بْتَخدير
و لنّي واقـفه بمَجلس يخاطـبني رجس خمّـير
قلـبي شرّحنّه امـواس من شوف الطّشت والرّاس حلّت للطماشه الـنّاس
مثل سوم العبيد علوج يَبن امّي يسوموني
------------------------------
خويـه و الخرابه شلون اوصّف لك مصايـبها
مهدومه و بلـيّـا فراش نـتوسّـــد تـرايــبـهـا
و ماتت فاطمـه بـيها و محّــد مـن قرايـبـها
بقت يحسـين ممـدوده و عليها الجبد ممروده و علي مبهوض بقيوده
و انا انخاكم يعـزّ الجار لكن ما تجيبوني
------------------------------
يَبو السجّاد مـا تنهض العيلـه وصّلت بـيـها
محـفوظــه كرامـتـهـا ودوم محافـظـه عليـها
دربٍ وعـر و الغُربـه يخـويــه مـن يقاسيها
شمـر الرّجس حاديـنا و سوطه يلتوي علينا دقعد وصلت سكينه
بهمّه و حـشِّم العبّاس يَبن امّي و تلقّوني
------------------------------
وصلنـاكم يَبو فـاضـل و لا جـيـتـوا تـنزلونـا
وهاي الرّوس جبناها و منكم نطلب العونه
وراس حسين سمحوا لي تراهي مكسّره سنونـه
مصيبه مقدر احجيها و روحي تمرمرت بيها اســمع مـنّي توالـيها
بْطَشت الذّهب كسّرهن يزيد وتنظره عيوني

زينب مع محمَّد بن الحنفية ڈ
يَمحمّد مصابـي مصاب مــا يـنحمل تـفصـيـلـه
ركني مْن الاحزان انهد مصايب شفت ما تنعد
تـهد اطـواد يَمحمّد أريدن جَلد أحجي لـه
]
نـزلـنـا بْكربـلا و دارت يَبو جـاسم علـيـنا الـقوم
سـبـعين الـف تــترادف يخـويــه و الـورد مـلـزوم
و عـاشر بـالمحــرّم يـــوم أبـد مـا صار مـثلـه يوم
لفـتـنا جيوش جرّاره وعضيدك قلّت انصاره
و علـيـنا شنّوا الغاره
ريت احضرت ذاك اليـ ـوم جـان البيرق تشيلـه
------------------------
يـقـول الـهـا يَمَحزونه احجي لي الصار بالتّفصيل
قـالت شمـس ذاك الـيوم غابت من عجاج الخيل
خلّوا انصارنـا الوديـان بـدموم الأعـادي سـيـل
كلـها حـيود سطّايـه رجال و تعرف الغايه
إجت للـدّين حمّـايـه
ساعه و لَنْ اخوك حسين فـاقــد كل رجـاجـيله
------------------------
طلعوا اولاد ابـو طـالب زعالــه و شـنّوا الــغـاره
و خلوا للحشَر مـشهـور يــوم الـطّـف شـنـياره
و بني عمّه الظّهر خلصوا يخويه و لحقوا انصاره
يَوَسْفَه و زادت همومه يعاين عزوتـه و قومه
ضحايا و عالتّرب نومه
و بقت بس اخوته و اولا د اخوه الحسن و عليله
------------------------
طلـع عــبّاس يَمحـمّـد و لو شفته اشْعمل بـيها
خـلاّهـا تصـيح الويـل و أردى كــل مسامـيـها
مثل هاي و عليك تفوت يـا لـيت احضـرت بـيها
وشفت وكت الطراد شلون مشـيتهم مـن يـحملون
و عْلَى الموت يـتـناخـون
و شفت عبّاس شمسوّي بْجيش ابن الدّعي و خيله
------------------------
مـن يصرخ بـعالي الخيل خـلّى الخــيـل مجـفـوفــه
يـتـبَخْـتر بـالعلم و الجود و الـبـتّـار حـي شـوفــه
يمحي اصفوفهم بالسّـيف لو مـا طـاحـن اجفوفــه
و ظل بين العدا محتار بلا يمنه و بلـيّا يسار
و بْقلبه العطَش شب نار
يَمحمّد و سهم الـعين ذاك الـلـي بَهَض حـيله
------------------------
و عمود الرّاس يالمحـزون قـوّض عــمد خـيـمـتـنـا
وعن ظهر المُهُر من طـا ح فـلّت غصب جمعـتنا
ورد حسين إلـي مفرود و اشـتـدّت مصـيـبـتـنـا
يمشي ويجذب الحسرات و دموعه تهل عبرات
و يقلّي كفيلـج مات
وظل جسمه على الشّاطي يَخويه و لا رضا اشـيـله

و تصف له المصارع ڈ

شَحجي لك يَـبو جـاسم عـن مصابي و تـهاويـله
من بعضه يشيب الرّاس قطّـع مهجتي بامواس
أخيّك ظل عقب عبّاس وحده و قلّت الحيله
]
و عقب عبّاس و اخوانه طـلـع جـسّام و اخـوانـه
و اخوك يشوفها تمشي تـريــد المـوت شـبّانــه
و لـنّه يقول عدنا زواج و انـا بْـهَـتـِت حيرانـه
أقـلّـه مـحّــد وْيـانـا و جاسم ذبحت اخوانه
و كل الحـرم حزنانـه
يقـلّي هَلْـهـلي الجـاسم و خيمة عرس فردي له
------------------------
ريـت احضرت يمحـمّـد تـعـاين زفّــة الـنّـسـوان
و شفت ابن الحسن جسّام مـن حوّم على الجـيمان
و لــنّه يصيح يـا عمّي و غـار حسـين للمـيدان
حـالاً جــتل جـتّالـه و جاه و عاين احواله
وعلى صدره الولد شاله
و جابــه مخـضّب بدمّـه و ثوبـه اشـلون تفصيله
------------------------
محمَّـد لـو شفت الاكبر المـا ثـبـتت بْوَجهه الخيل
و وجهه شمـس المـضـيّـه و شعر راسه سواد الليل
أبـابـيل و يخــز بالرّوس لـو صَل و نفث بالويـل
طـاعون و نزل بـيـها و طي السّجل طاويها
صَرْصَر نـازل عْلـيها
لـو هـو صاعـقه حلّت مـن الجـــبّار تـنـزيلـه
------------------------
لكن بعَد لا تسأل اشْصـ ـار بْقَلب اخوك حسين
مـن طـاح و تعـنّى لــه و شـافـه مـترّب الخـدّين
فـت قـلـبي بـنحـباتــه و جابه و لا وْيـاه مـعين
شوصف لك عن أحواله مقطّع لَمهن اوصالـه
و لفّه اببّردته و شاله
أنــا وحــدي تلقـّيـتـه و فـرّت صارخـه لـيـله
------------------------
طبق راحوا جـتل لـكن شفوا من هالارجاس اضغان
قـلّي اشـذنب عــبـد الله رقـبـتـه للـنّـبـل نـيشان
مـا ضاق اللبن و الـماي مـن يومين اهو عطشان
قصدهم مهجة الزّهرا واخذ طفله على صدره
و صابه حرمله بْنَحره
وجابتّه من ابـوه سكنه تـقلّي الطّفل فرشي لـه
------------------------
مصـايب شـيّبـت راسـي أعـايـن للـنّـزل خـالـي
يخويه و بعد عندي حسيـ ـن فوق حصانـه قــبالي
لــكـن يــوم ودّعــنــا و رجَع لـيـنا المهُر خالي
وشِفِت سرجه بخاصرته مخضّب بـالدّما رقـبته
وراسه عْلَى الرّمح شفته
و زحفت صوبنا العدوان صرت مكـلّفـه بـعـيله

وتصف له الهجوم على المخيم ڈ
من هجموا على خيمنا اشصار بحـالـهـا الـعـيله
و الله تـحـيّرت بـيـها و ما ظـل من يـباريها
يخـويــه مـن يسـلّيها و يـاهو يباري عليله
]
شـبـّوا الــنّار يَمحـمّـد و فـرّت كـل يـتامـانـا
و انـا ظـلّيت مدهوشه و ادوّر ويـن مـلجـانـا
غـير علـيـلـنا الـسـجّـاد مـنـهـم مـا بـقـى وْيـانـا
كـل الـخـيم نهبوهـا و تالـي بْـنار شـبّوها
و يتامى اطفال داسوها
و هجمت ليلة احد عشر تصـوّر عظـم هالليـله
------------------------
صباح احدعش من عاشور من ذكره يشيب الرّاس
جـابـوا الـنّوق مـهزولـه و بـيـنـا دارت الارجاس
أصد بالـعين لاجـاسـم و لا الاكبر و لا عـبّاس
حادي ظعونّـا يحدي وانا ما ظل احد عندي
أباري العايله وحدي
يخويــه و بـيـنّا السجّـاد رايــد مـن يـتـجّـي لــه
------------------------
مشـيـنـا مَشْـيـة الـقشره و تركـناهم عـلى الـغبرا
بـعـيـني مهجـة الـزّهرا نظرته عْلَى الثّرى مْعَرّى
تـرى سـلـبوه يَمحمّـد و تـالي رضّضوا صـدره
مشـيـنا و الـيتامى تـنوح وجسمه عْلَى التّرب مطروح
و بـالعـسّال راسـه يلوح
و اليسوق الظّعن خويـه زجر و الشّمر يحدي له
------------------------
الكوفـه مـن وصلـناهـا و على ابن زياد دشّـيـنا
هـالـمجلس و انـا زينب دقــلّي ويـنـي و ويـنــه
حـرمهم خلّصوهـا الـنـّا س و احنا بْـيسر ظلّـيـنا
أطفال مضيّعه و نسوان بـيـنـا شمـتت العدوان
نشكي قـلّـة الولـيان
ما عدنــا عشيره تـثـور لـيـنا و قـلّــة الحـيلـه
------------------------
سـافرنـا نـريـد الـشّـام و الشّارع صخر و جبال
و المسـرى يـريـد رجـال و احنا الاّ حرم و اطفال
و حادي الظّعن ما يرحم الحالــه و الـنـياق هـزال
هاي من الجمـل طاحت وذيج مهجهجه وراحت
تشوف الويل لو نـاحت
وصلنا الشّام واللي صار يـصعـب عَــلَي تمـثـيلـه
------------------------
ضيم الما جرى و لا صار مثلـه شـفـتـه بالشّـامات
لاقونـا بـتَـهاني الـعـيـد كـلـهم بـالطّـبق شمّــات
وقـفـنـا نطلب الرّخصه بـدروازه ثَـلَث سـاعات
وخلق الله عليـنا عكوف و تـتفرّج و نـاس اتطـوف
فات الوكت واحنا وقوف
بروس حسين و اخوانـه و بني عمّه و رجاجـيـله

وتصف له أهوال الشام ڈ
ضيم الـشّــام يَمحمّد دقــلّي يــاهـو يشيلـه
وحيده و لا عوين وْياي شَقَاسي من بـعد ولياي
الشّماته اللي تفت حشاي لـو ضجّات هالعـيلـه
]
خويـه سـاعة الـقشـره علــيـنـا يــوم طـبّـيـنـا
و جَـت الـنّاس تـتـفرّج مْـعَـيْـده و لابسه الزّيـنـه
و احـنا مسلّبات سـتور و الله ســتورنـا ايـديـنا
و سمـّونـا بــني امـيّــه خوارج دين حربـيّـه
و كلها اضغان بدريّه
و هالحـاله و انـا مطلو ب منّي ملاحظ العيلـه
------------------------
يَمحمّد ابـاري عـلــيل يـتـلـوّى عـلى الـنّـاقــه
مقـيّـد و الـمرض ماذيـه و بالـقيد انجرح سـاقـه
لـو هــاي الـتـنـخـّيـني و انـا بـاطفال مـعـتاقــه
يا هو اللي ابتلى ابّلواي و ما عندي عوين وْياي
طفله تريد منّي الماي
لـو ذيـج الطفلها طـاح مـا عدها مـن يشــيله
------------------------
يقلها اشْهَالحجي التحجين فـت قـلـبي و شـعـبـتـيني
جان أعظم بــعد عندج يَـزيــنـب لا تـخـبريــنـي
تـراهي تـمرمرت روحي يَمَحـزونـه و دهشـتـيـني
انفطر قلبي بهالـتّعداد هلمصيـبه تـهـد اطواد
طفح حزن البقلبي وزاد
و عندج خـبر بمحمّـد بعدكم ما هجع لـيلـه
------------------------
تـقلّـه و طـبّـة المجـلـس يخويـه مـا وصلـت الـهـا
يمحـمّـد مــتى زيـنـب مجـالـس خـمـر تدخـلها
كلـنا بْحَـبـل مقطورين جـان تـريـد افـصّلـهـا
الكراسي بمَجلسه الصّوبين مصفوفــه شمــال يـمـين
و احنا اوقوف نصْب العين
و طشت الذّهب بيه الرّا س و مْغـَطّـى بْمنديلـه
------------------------
طغى ابن الرّجس و تمرّد و ظل يسأل عن سكينه
يـحاجـيـها و يحـاجـيــني و يقول سنادكم ويـنـه
و تالـي الامـر لاوغــاده الـطّـاغـي راد يـهديـنا
و سلالة هند و سْميّه بخـدر و استار مخفـيّه
و بنت الطّهر مسبـيّه
كنّا مـن بـنـات الـرّوم حـسّـر بــين اراذيـلـه
------------------------
يخويـه و الخرابـه شلون افـصّـل لـك مصايـبـها
مهجـوره و بلـيّـا فــرا ش نـتـوسّــد تـرايـبـهـا
و مـاتـت فـاطمـه بـيـها و مـحّـد مـن قرايـبـها
علـيها ضجت ايتامي ولا دافع و لا محــامي
طريحـه بقت جـدّامي
بـذاك الحـال مَـتـقـلّي شـلون البُصر و الحيله
------------------------
يَبو جـاسم ترى ضيـمي يـفت القلب تـذكـاره
جـنازه امـمّدده عـندي و ديـرة غرب و يسارى
سـفر مـيـشوم يمحمّـد شَوصف لك من اخباره
وحادي الظّعن شحجي لـ ـك اسياطه لـو مهازيله

العقيلة و أم البنين ڈ
اهـنا يَـم البنين اهـنا أعــزّيــج و تـعـــزّيــني
تراني جيت دوهـانـه فقدت حسين واخوانه
آه الـسّـفر و احزانـه
بـيْمَن بــعد تـتـسـلّـين لــو بـيْـمَن تـسـلّـيـني
]
قعدي اوياي افصّل لـج مصاب الصار يَمْ عبّاس
سوّوا لـج اولادج صِيت عالي و حـازوا النّومـاس
أريــد اشـرح مصايبهم و لو هي بالضّمير امواس
قـعدي قبالي و نوحي ذكرهم فزّر جروحي
يروحي من الجسد روحي
فـت مصابـهـم قـلـبي و راح الشّوف من عيني
------------------------
طلـع عـبّاس و اخوانـه و لـلمـيـدان طـرّشـهـم
واحـد مـن بـعد واحـد على العدوان ما اوحشهم
طبق خلصوا عمت عيني و حـر الـتّرب مفرشـهم
هـذا يـجـذب الونّـه و ذاك بْـدَمّــه مـحنّا
و هذا انذبح ما تهـنّى
ثلاثـه وجّــروا جـانـون حــدْر الضّلع جـاويني
------------------------
يَـمْ عــبّـاس لـو شـفـتي اشْـفَعـل عـبّاس بالحومـه
سطـى عْلـيها و طشّرها و سـيطر عـلى الملزومـه
و ملَكـها المشـرعـه قـوّه بْسـيفه و شاعت علومـه
نزل بيها و ملا جوده وهل دمعه على خدوده
و عليها حـوّل بْزوده
لكن شرَب لو عطشــا ن بـالله لا تـسـألـيــني
------------------------
تقلها اشلون أبو فـاضـل يضوق الماي قبل حسين
أبـوه الـمرتضى وافــي و عزوتـه هـاشم الطّيبين
قالت طلَع يـتلظّى بْظَمـ ـاه و يـهل مـاي الـعين
مـا هـمّه عطش قلـبه وعلى الجيش البلا صبّه
وفرّت غصب عن دربه
يقول شلون أروّي حشا ي و سـكـينه تـتانـيني
------------------------
تـقلها الخـبر مـا يحـتـاج شـبـلي و عارفــتّه زيـن
محـّد يـظـن بـالــعـبّاس يشرب قبل اخوه حسين
يـَزينب و اكـثر ظـنوني بْعَـطشهم راحـوا الاثنين
عندي هالخـبر مـعلوم من حينه النّهر ملزوم
و العيله بْظمَاها تحوم
لكن عــن فــعل عبّاس بـالــعــدوان خـبريـــني
------------------------
تـقلـها فـلهـن زلـوفــه و مهجـة فاطم يشوفه
و فرّت غصب من خوفه و راح فلولـهـا الـكوفـه
سـاعـه و امّنت كلـهـا أثـاري طـاحن اجفوفـه
يَمْ عبّاس أظن تدرين سهم اللي نشب بالعين
فتّت قلب أخوه حسين
يَـمْ عــبّاس و العامود هــدّم عــالـي حصوني
------------------------
طاح و ظل اخوه حسين حــايـر بــين عـدوانــه
وصـل يـمّــه و عايـنها بـغــير اجـفوف ذرعانـه
شوصف حال ابو السجّاد يــوم وحـيدتــه جـانـا
يمشي و يجـذب الحسره على عضيده انكسر ظهره
فـقـد عـبّاس شـيجـبره
أقلّه وين اخـيّك طـاح مــا يــقــدر يحــاجـيني
------------------------
تقلها شْلون يـا زيـنب نشـرتي مصيـبـة اولادي
أبـو فـاضل ثـمـر قـلـبي و اخوته مهجة افّـادي
عـلي هانت مصايـبهم بْـذَبحـة مهجـة الـهادي
أولادي طبق و العزوه لِـبن خير الوَرى فدوه
بـيه الخلَف و السّلوه
تــعـزّيــني بْذبـحـتـهـم يَــزيـنـب لــو تهـنّـيــني

وتصف لها المصارع ڈ
مصـاب الاربـعــه والله يَـزيـنب صدق جاويني
طبق ظلّوا على الغبرا وظلّيت أجذب الحسره
وابوسكنه انكسر ظهره
لكـن مهجــة الـزّهـرا مصــايـبـهـم مـنسّـيــني
يَـزينب تـالي الخمـسـه أخـوج و مهجة الزّهرا
و هو الزّينه العرش الله و يظـل معـفور بالغبرا
اشلون ابـجي علىاولادي و فخرهم شاع من فخره
شلون اسجب دموع العين عـلـى الاثـنـين و الاثـنين
أنوحنهم و اخلّي حسين
وهـُـو شمـّامــة المخــتـار زيـنــب لا تـلـومـيــني
------------------------
تـقـلْها التّعـزيــه سـنّـه يَمَحزونه و حسن آداب
علـيـنـا واجـب نـعـزّيـج بـاولادج الـيـوث الـغاب
والاّ مصاب ابو السجّاد مـا خـلّى قـلب مـا ذاب
أنا الشدّيت العصابـه لخويه حسين و مصابه
و بيدي شادّه صوابه
لَجِـن قـلبي جَلِد مـا لا ن للـشـدّات تـلـويــني
------------------------
يَـمْ عــبّاس و الجـاسـم زفَـافـه و صرعتَه بْسَاعـه
لو شفتي الحريم اشْصار بـيـهـن سـاعـة وداعـه
و قلب حسين صار شطور يـمّــه بْـسـاعـة نزاعـه
انحنى فوقه يشم نحره وحط صدره على صدره
و شالـه منحني ظهره
و جابـه و مـدّده قــبالي و لَـن امّـــه تـنـاديـني
------------------------
تـقلّي لـلـولَــد قـومـي تـعـالـي نـسـلـي زلوفــه
عـرّيـس الـولَـــد لازم بْدمّــه نخـضّب اجفـوفـه
عساني موسّـده بْقَبري قـبل يـومي و لا شـوفـه
معرّس حوفته الحومه و متخضّب من دمومه
عسى يومي قبل يومه
عـلى الـعرّيس و اخوانه يَـبنت الطّهر سـعديني
------------------------
وعلي الاكبر مصابه مصاب شـب بـالقلب نـيرانــه
تـعلّـق بـالـمهر وَسْـفَــه و بـيـه اكنفت عدوانـه
ويـلاه يـوم ابـوه حسين لــفّه اببّردتـه و جـانــا
يخفي النّحب و الزّفره بصدره مكسّره العبره
و بالخيمه الولــد خـلاّه امـمّـدد بـينـه و بـيني
------------------------
و سهم الطّفل يَمْ عبّاس نـاشب وســط دلالـي
جـر السّهم مـن نحــره الشّهيد و مــدّده قـبالي
الحرم ضجّن فرد ضجّه شوصف لـج من احوالي
على الوليان ضجّتهن وخوف اليسر صيحتهن
أسلّـيهن و اسكّـتـهن
و انا اللي شيّبت راسي الـمصايب مـا تشـوفيني
------------------------
و مصاب حسين يَمْ عبّا س ما تـتـعـدّد أهـوالـه
و حــيد و يـنظـر بعيـنـه ضحايـا جمـلـة رجالـه
اسـتـسـلم للمنيّه ويـل قـلـبي و ودّع عــيـالــه
وحده انحدر للميدان يتلقّى الـنّـبل و الزّان
و مفتوت القلب ولهان
وذبّ الحمل نور العين و الـعـيلـه عــلى متوني
------------------------
وحده انحـدر للمـيـدان صـادي القلب و افـنـاها
و ارض الغاضريّـه فـراش روس و جـثث سـوّاهـا
آه يــا سـهـم الـمـثلّث مهجـتـه شطـور خلاّهـا
و تقنطر من ظهر مُهره و ظل مرمي على الغبرا
يون و بْسَاعة القشره
إجاني الـمهُـر متخضّب بـدم قـلــبه يـراويــني
------------------------
غصب فـرّيت مدهوشـه و فـرّت خلـفي اطفـالـه
قصَدْت المعركـه و شِفْتَه رمــيّـه و محّــد حـذا لـه
ولَن الشّمر يَم عبّاس واطـي الـصّدر بـنعالـه
وخلّى عْلَى التّرب خدّه و أخيّي ينـتخي ابجـدّه
يحـز نحره و أريدن بس أودعـــه و لا يخـلّـيـني

وتصف هجوم المخيّم والرّحيل والسّبي ڈ
عقب ذبحة ولينا اشْصَا ر بـالله لا تـنشـديــني
زحف جيش الكفر يمْنا هجموا على مخـيّمـنا
و بـالـوديــان هـيّمنا
هجموا عْلَى الخيَم وعيا ل ابـو السجّاد دهشوني
]
مـن هجموا على خيمنا و صاحوا بـالنّهب بـيـها
هـناك الضّيم و اللوعات ويـن الـلـي يصـالـيـهـا
حـريـم و تطـلب الملـجا بـيـتـامـاهــا و تـالـيـهــا
صرنـا للعـدا فـرهود يَـمْ عبّاس كـنّا يْهود
نهبوا البالخيَم موجود
و وجّوهـا عـلينا بْـنَــار و أنـخى و لا يـرحموني
------------------------
انقضى ذاك النّهار و راح بمصابـه و جانـا الـلـيـل
لا خـيمـه بـقـت عـدنـا و يـتـامانـا تعـج بـالويل
طـشّت بـالفضَا كلهـا وأنا بحيره و عندي عليل
لا راحـم و لا والــي وحيده و أجمع اطفالي
و أشوف مجدّله رجالي
وصباح احدعش يوم الشّو م ساق الحـادي ظعـوني
------------------------
يـم عبّاس ظـل حسـين عـاري و سافـرت عــنّه
و على شاطي النّهر مطرو ح ظـل عـبّاس الـمجنّى
و مشيت وْيا الـعدا قوّه و للـعـيلـه غـدت حــنّه
على الهزّل مشوا بينا وعلى الاجساد مرّينا
ولا ادري وين يَم عـبّا س مقصدهم يـودّونـي
------------------------
مشوا بـينا وعجيج النّوق فـوق اقـتاب مكشـوفـه
و تـالـيها عـلى السّادات تـتصـدّق هـل الكـوفــه
و دخلونا على ابن زياد و اهــل الـغدر مصفوفه
كلها عْلَى الكراسي قعود و بـقيوده علي مقـيود
و زندي بالحبل مشدود
بْمَجلس واجفـه بايـتـام أخويـه حسين خـلّوني
------------------------
قطعت بهاليتامى بـرور يـم عـبّاس فـوق اكـوار
بـين الـشّـام و الكوفـه نـجـد السّير لـيل نـهـار
و راحـتـنا بخرابـة شوم و الاّ بمجـلـس الـخمّار
و برض الشّام قاسينا شـماتـه مـن أعاديـنا
الكل يـتـفرّج علـينا
و يعبث بالطّشت و الرّا س بـالـعـود و يحاجيـني
------------------------
و بالرّجعه بـعـد قاسيت درب الـشّـام و بـروره
و قصدنـا الغاضريّه نشو ف قـبر حسين و نزوره
و شفت قبور اخوتي اللي بـلـيّـا روس مـقــبـوره
اوصلتها والقلب صادي و بـس عاينت للوادي
تـفـتّت حـالاً أفّـادي
و هيّج حزني و صارت مصايـبهم نـصب عـيني

وتصف لها العودة الى كربلا ڈ
جيت الكربلا و ناديت قــبر حـسـين راوونـي
بصدري مكسّره العبره آه يـا سـفـرة القشره
قـلـبي و شكثر صبره
دخـلّـوهـا عـلى قـبره تـصب دموعها عـيوني
]
ذاب الـقلُب يَـم عـبّاس من عايـنت قـبر حسين
مـعـلوم انـدفـن عــاري عمَت عيني و بلا تجـفين
و بـشـاطي الـنّـهر قـلبي تـوزّع و انـفرع صوبين
ساطي بمهجتي صوابي و لا يتوصّف مصابي
و لخوتي موجّهه عتابي
أقلهم ليـش للعـدوان بـايـتــامـي تـسـلمـوني
------------------------------
هسّا يطيب لــيّا الـنّوح مـن طـبّـيـت لـديــاره
جمـعت مـصايب الـدّنـيا و شفت اليـسر واسفاره
و لوعات القلب هاجت و حـزني و جّرت نــاره
طلعت بْجُملة رجالي و رجعت الها بلا والي
أعـاين للـنّزل خـالـي
تـحن الـنّيب و الـورقـا تــغـرّد ويـنهـا و ويــني
------------------------------
لكن بـعـد قـومي وْياي بـالله الحجـرة الـعبّاس
إلـج تـحفة سفَر عـندي و لا ودّي تشوف النّاس
دم اجفوف ابـو فـاضل و دم عـينـه و دم الرّاس
جعفر بعث لـج عنوان دمّه و دم اخوه عثمان
وعبدالله رفع لـج شان
لَـن ام الـبنين تـصـيـح يـــا زيـنـب شـعـبتـيـني
------------------------------
هـالـتّحـفــة الجـبـتـيـهـا هـلا و كـل الهـلا بـيها
عجب مـا فارقت روحـج على اسـباع الـفقـدتـيها
حــتّى يـزيـد و اجلافـه مـجـالسـهـم دخلـتـيـها
مصاب الماجرى مصابـج فـقدتي جملـة احبابج
بلا والي الدّهر جابج
شـيّـبـتي دقعدي وْيـاي أعــزّيــج و تـعـزّيــني

{ الناظم }

إلِـج يَـم الـبـنين الـنّوب جـف الـعـبـد ممـدوده
إلـج بالغاضريّـه اشـبال ويّـا السّـبـط مـفقـوده
و حق اجفوف ابو فاضل و سهم الـعين و عموده
و حق اخوانه الشبّان عـبد الله شبل عدنان
و جعفر خيّه و عثمان
عـد مكسورة الاضلاع أريـدنّــج تــذكـريـــني

------------------------------

{ رثاء مولانا الكاظم (ع) }

على جسر بغدادƒ
اشْصاير بالجسر هالـيوم خلق الله تجي و تروح
إجـا ابـن سويد يـتـنشّـد و من عينه الدّمع مسفوح
]
قالوا لـه غريب و مات نعشـه عْلَى الجسر ذبّوه
مـحّــد نــغَـر لـحوالــه حماميل اربـعــه جابـوه
هـذا بـالـسّـجن مـيّت حديده بـعـد مـا فكّوه
لـكن تسـطـع أنــواره و ريح المسك منّه يفوح
------------------------
حـن و تحـنّت ضلوعـه و مـد عْلَى النّعش عينـه
و اصغى الصوت المنادي و اخـذ لفظـه بْعَـناويـنـه
و صد ولَـن ابـو ابراهيم مرمي و صرخ من حينه
ألـف وسـفـه يَعـز راح و ابقى بالقلوب جروح
------------------------
يَـبو ابراهيم كـل ساعـه و كل يوم احنا نترجّاك
جـيـنا اعْلَى الوعَد منّك يَـشـبـل الـطّـهر نـتلقّاك
خـوش حـساب تـالـيها علـيـنا الشّـامـتين اعداك
و احنا منكّسين الرّوس و الـذلّـه عليـنا تـلوح
------------------------
هـناك و عـاين الطّومـار ممضـي و صايـر بصفّـه
مـقرّر مـن طبيب العـام شـخّص علّـتـه بْوَصفه
هــذا الـمـيّت الـممدود موسى و مات حتف انفـه
لا مسـموم لا مخـنـوق نظروا لـه و لا مجـروح
------------------------
وقـف مـحـتار يـتـفكّر و من عينه الدّمـع صبّـه
و بس مـر الطّبيب عليه حـالاً عـارضـه بْـدَربـه
و قـلّه شـوف هالمـيّت بْـيَــا عـلّـه قـضى نحبـه
و حق مريم و ابنها اعليك تـنطيني الـنّتيجه و روح
------------------------
وقـف يـتـفرّس بْوَجهه و عرف سمّه و عرف حاله
و قـلّه المـيْتْ يَبْن سويد عـزوَه بهالـبلَـد مــا لــه
تـثـور و تطـلب بـثـاره و تــدوّر ويـن جـتّالـه
جـبده مقطّعـه بجـوفـه من السّم إي وحق الرّوح
------------------------
تـزلـزل عالـم الـشّـيـعـه و غصب صكّت منازلها
طـبـق شـدّت عـزايـمها عـلى الـثّوره يحـق الـها
شـوف إيـمامها مسجّى بحـديـده شـلون جـاتلها
بعد ساعه و يشيل سلاح كل شيعي ويبيع الرّوح

تجهيزه و تشييعه (ع) ƒ
هـاجت شـيعـة الـهادي و هي تخفي البجا و النّوح
شـلون عـيونهـا تغمض و هو عدها سفينة نوح
]
السّـنـدي مقصده يعرف الشّـيـعـه ابكـل معـانـيها
بـيـها بــعد قـوّه تـثـور حــين تـشـوف حامـيها
إجـا الجـاسوس لسليمان قــلّــه قـــوم داويــهـا
ترى السّندي فعل فعله و خلّى كل قلب مجروح
------------------------
الشّـيعـه اتحـركت كلـها و كـل الـبلَـد شـيـعـيّه
و لا تـنـسـاه دم الـحار بـــعـروق الــعـراقــيّــه
يـقـين الحال يـفجّرهـا و عليـنا تـصـير كوفـيّـه
ثـور الـها تـرى الثّوره على وجه الجماعه تلوح
------------------------
حـوّل يـسـأل سـلـيمان شـنـهو الـخبر يَولادي
قـالوا هـذا ابـو ابراهـيم شـبل المصطفى الـهادي
صـاح بْـعَجَـل جـيـبوها الجـنـازه ذايـب افّـادي
بامر مَن نعش ابو ابراهيم يـبقى على الجسر مطروح
------------------------
جـابوا جـنـازتـه و حوّل بلـهفـه و ذب الـعمامـه
حافـي مـفكّك الازرار يـنحب حـاسر الـهامــه
و عـند الغسل و التّجهيز سـود تـرفـرف اعـلامـه
و خلّى الارض مرتـجّـه عليه من البجا و النّوح
------------------------
بمـلاقـى الـدّرب خــلاّه بـعـد الـغسل و الـتّجفين
و الصّايح خـبص دجلـه و فرّت صارخه الصّوبين
على صوت المنادي تحوم و تصيـح الـجـنازه ويـن
و الكـل نـاظـر عيونـه على ذاك النّدا مشبوح
------------------------
جمـاهـير الـولا صـكـّت بْـلَـهـفـه تـحت تـابوتـه
صـبّت دم مـدامـعـهـا و تلـوع قـلوب مفـتوتـه
عـلى الـمـيّت بطامـوره و لا واحد حضر موتـه
عليه جفن الشّرع دامي و جفن المصطفى مقروح
------------------------
أنشدك و الشّهيد حسين يـا هـو الـشـال جـثمانـه
مرمي اعْلَى التّرب عريان يـاهـو الـفصّـل اجفانـه
زيـنـب وقـفـت تـحشّم لخـوهــا تـريــد دفّانـه
و لَـن الخيــل منعولـه وعَلَى جسمه تجي وتروح


{ رواية القاسم بن الامام الكاظم }ƒ
يَـقـلـبي ذوب لمصيـبــة سليل اهل المجـد جاسم
عــايـن خـالـيـه داره و تـحيّر مهجـة الكاظم
]
عـاف الـوطن و ديــاره و فـر من وادي الوادي
يـدوّر لــه مـقر مـأمون شـبل الـمصطفى الهادي
راضي بعيشـتـه مـشـرّد و الـتّشـريـد امـر عـادي
بـس يسـلم عـلى دمّـه و لـو ظل بالفضا هايم
------------------------
وحده جم قطعها بـرور مستوحش بـقى بدنـيـاه
يـبـات اللـيـل بـالـوديان بس وحش البوادي وياه
ذبّــه الــدّرب للحلّــه و تـخـيّرها الـفتى مـثواه
بـنات اثـنين يـتـلاحن عرض لــه بْوَقفته لازم
------------------------
وحـده تـحلـف بحــيـدر مـا هـذا الكـلام يـصـير
اهــو صـاحب الـبـيـعـه النزل حامي الحمى للبير
فـتح عينـه و سكن قلبه و قال اهـنا يفال الخـير
تـعدّيت الخـطـر بالعون مـن كـيد الـعدو سـالم
------------------------
قـلها يـا فـتــاة الـحـي خـبريني بـْزَعيم الـحـي
قـالت والـدي الـمقـدام شوف اللفظ شوف الزّي
وافد حضرتك لو ضيف لـو خـاطـر اببّالك شـي
لـو خدمـه ردت لـكن جنابك ما يصح خـادم
------------------------
سـدّر للـنّـزل جـاسـم و طـب بـنـوع الضْيَافـه
سوّى لـه احترام الشّيخ بـين الــنّاس مـن شـافه
أخـذ يـتـمـيّـزه و لَـنّـه اوصاف اهل العلى اوصافه
ثـالـث يــوم إجــا يمـّه مخجـل و الـعرق سـاجم
------------------------
يـقـلّـه ايّــام الضيافــه خـلصت و الإقامه عيب
عـيّن لـي شـغـل بلكت بحمـاك المعـيشـه تطـيب
أريــد الـماي أنـقلـنّـه البـيتك و الفرات جريب
اشتغل لكن يصلّي الليل كـلّه و الصّبح صايـم
------------------------
مْـلازم لـلصّلاه و الصّوم لكن دوبــه بـاللوعات
يصفن و الـدّمـع يـجري وعلى اوطانه يجر حسرات
و يـنـاجي بظـلام اللـيل و فـاز الحـي بـالخـيرات
قــالوا نزوّجــه حــتّى يـظل بـجوارنـا دايــم
------------------------
تـزوّج و انـجَب بْطفلـه و بـالإيـمـان غــذّاهــا
و هُـو مـن فـتية الهادي الـتـعـاجـلـها مـنـايـاهـا
حـس بالموت يـا وَسْـفَه و بـيــه الـدّهـر سـوّاهـا
إجـا عـمّه و عـاين لــه عَـلَى فراش المرض نايم
------------------------
يـا طَـيْـب الـفعـل قـلّــه يَجَـاسـم مـا تـحاجـيـني
جـنّـه يا حـبـيـبي المـوت حـايـل بـيـنك و بـيـني
و هالطّفلـه الخلق عـن بـيـ ـت والـدهـا يـنـشدوني
وكل ظنّي مْن اصل طيّب جـنابك و الله الـعالـم
------------------------
يـقلّـه مـن بـعـد مـوتي يَعمّي اخذ اليتـيمه و روح
تـراهي بـيـتـنـا تـعـرفــه عليـه نـور الجلاله يلوح
مـا غـير الـيـتـامى بـيــه و حريـم بْنَواعي و نـوح
دار الوفـد دار الضّيف دار الفَخَـر مـن هـاشم
------------------------
يـقلّه يـا عـزيـز الـرّوح دار اللي اوصفتها هـاي
هــذي دار نــور الله يَجـاسم شـعمَلت ويّـاي
خـلّيـتك يَـبَـعـد احشاي لضيوفـي أسـف سـقّاي
تـجيب الـماي يا جاسم و ابـوك ايمامـنا الكـاظم
------------------------
جــزاه بـخـير و الونّـه خفَت منّه و قضى نحبه
ضج الحي علـيه بالـنّوح و الكـل صـرخ بـالنّدبـه
تجـهّـز و انـدفـن ويــلاه ابـن موسى برض غربـه
و نـصـبوا لــه سبعـتيّام شـبل الـمرتضى مــاتم
------------------------
سـافـر باليـتـيمـه و راح والـيـها و وصـل بـيـها
طـبَّت للمديـنـه تـنوح جــدّامـــه مـخـلّــيـهـا
إجت تمشي على دلاله و لا واحــد يــدلّـيـهـا
وقفت ويل قلبي اببّاب دار و دمـعـهـا ســاجم
------------------------
تقلّـه هــاي دار اهـلي و صاح بصوت يَهْل الدّار
يـتـيـمـتـكم تـلـقّـوهــا عليها مـن المصيبـه غبار
فــرّن بــالـطّـبـق دارن عـلى الطّفله يمـين يسار
عليهـا قـلوبهن رفّـت قـلبها مـن الوجد هايم
------------------------
صـاحن يـا يـتيمـه امنين جـيـتـيـنـا و ابـوج امـنين
و هي بس تجذب الحسره و دمعها يـهل عالخـدّين
هناك و لَنْ عجوز تصيح وَخْـرَن يـا بـنات حسين
معـانيـها مـعاني ابــني و اظـنها يتـيمة الجـاسم
------------------------
هوت ويلي على الطّفله و لَـعـند الصّدر ضمّتـها
و صاحت ريحـة ولـيدي الجـاسـم حــين شمّـتـهـا
ويـن ابـني تـقلها مـات و الـخـدّيـن لـطـمـتـهـا
ترى بحـر الحـزن طافح عـلـيه و صـار متـلاطم
------------------------
تقلها مـات ابويـه بـدار غربـه و لا نـظـر خوتــه
بحسره اندفـن مـا يدري أهـم حـيّـين لـو مـوتـى
أبـويــه الحفظ نـاموسـه أبـويـه الـعالـيه مـروتـه
يـا وَسْـفَـه العُمُر قـضّاه دوم امـشــرّد و هـايـم
------------------------
تقلها ويـن أبـيّك مات يـاهـو الغـسّلـه و شـالـه
و يـاهـو الفصّل اجفانـه و يـاهو الـشـال شـيّالـه
اهـنـا يـالجـبت طـفلـتـنا دخـبّرني عـن احـوالـه
مـا قـلّك وكـت موتــه حجازي و والدي الكاظم
------------------------
ولــيدي مــيّـت بْـغُربــه وكـت الموت لو شفتـه
قـلّـبـت الـولـد بـيـدي بـدمـع الـعين غـسّلـتـه
يـا لـيـت اللحـد ضمـني قـبلـه و لا شـفت بـنـتـه
يـتـيمه و الـيتم ظـاهـر عليها و الدّمـع سـاجـم

------------------------------
{ في رثاء مولانا الرضا (ع) }ƒ
الجواد ينعى أباه الرضا
فرغ من دفن ابيّه و رد لرض طيـبـه ابـو الهادي
يجـفجـف دمعـة عيـونـه و على وجهه الحزن بادي
]
يخـفي الوجـد و الحسـره و يمسحها دموع الـعـين
و ينشده صاحب اسراره جـيـتك يـالجـواد مـنـين
يـقلّـه جـيّتي مـن طوس واريت الـمجد و الدّيـن
أبويـه بـدار غربه مات كـدّر مشـربي و زادي
------------------------
مـات بـغربـتـه مسموم أبـويـه و رحت واريـتـه
و ردّيت بْكـدر و هموم مستوحـش عَـلَي بـيـتـه
وحـيد و لا قـرابـه وْيـاه بـالـسّـم كابـد مـنـيـتـه
وطوس بقبر أبوي اضحت زهـيّه و مزهـر الـوادي
------------------------
وصل داره يجـر حسـره و للمسجد جعَـل قصده
الـقبر المصطـفى الـهادي يـعزّيـه و يــبث وجـده
نــده يـا صفوة الباري و حط عْلَى القبر خـدّه
يَجدّي عــاين الـعـتره عليها من العدا اشْسَادي
------------------------
بـني سـفـيـان مـوتـوره و علـيـنا تدوّر الفرصه
تـجرّعـنـا الـمنايـا فـنون غصّـه مـن بــعد غصّـه
مــنّا سـجـون مـملـيّه و علينا الحرب جم عرصه
و جم مشرّد و هـايـم دليله من الوجد صادي
------------------------
و جـم مـسلّـبـه تـنظـر طفلـها و السّـهم فـاريـه
و جم ثكلى تعاين حيد عـاري مـجـفّن بـذاريـه
على صدره تدوس الخيل مـا يحصل مـن يواريـه
شَعدّد لك يَـبو ابراهيم مـقـدر ذايـب افّــادي
------------------------
و اعظم شي على الاحرار سـبي الحــرم بالامصـار
فـعل يزيد و ابـن زيـاد مـثلـه بـالدّهـر مـا صـار
يـالـهادي و بـني مـروان مـا بـقّوا قـرود الــنّـار
يجدّي الصّلب والتّشريد للـعــتره أمــر عــادي
------------------------
لـكـنـهـم بــني امــيّـه و مــنّا يطـلـبـون الـدّين
ثــار الــلاّت و الــعزّى و تطلبنا ابـبّدر و حـنين
بـيـنـا تـريـد تـتـشـفّى و تسـتـافـي مـن الجدّين
يـالـهادي و بـني العبّاس شـنـهـو ذنـبنا البادي
------------------------
علـينا شـنّوا الــغـارات بالسّم و السّجن و السّيف
و اللي بالعطش و الجوع عدموهم و شمس الصّيف
و بـالـبنـيان جم حـطّـوا شباب و فاطمي يا حيف
مـا يـحـصـي مصايـبـنا الفجيعـه كثـر تـعدادي
------------------------
يَـجـدّي فـعـلـة المنصور بـالـصّـادق و تـعـذيـبـه
قضى عمره بْهَضُم وهموم و الـعدوان تـغـري بــه
و بـالـسّم مـرد دلاّلـه و قضى و الاعظم مصيبه
الرّشيد و فعلة السّندي يَـبو ابراهـيم يَـسـنادي
------------------------
الكـاظـم يـا حبـيب الله بْـطَامــوره يـخـلّـونـــه
من سجن السجن ينشا ل تـالـيـهـا يـسـمّونــه
نعشه عْلَى الجسر ذبّـوه لـلــوادم يـشـوفــونـــه
و النّاس اشبحت صوبين تسمع صوت الـمنادي
------------------------
يَجدّي جيّتي مـن طوس شـاملني الـيـتم محـزون
أخـبرك والــدي فـتّت بـسمّـه مهجـتـه المأمون
و قضى نحبه برض غربه و انا موحش عليّه الكون
أعـايـنهـا مــنازل خـا لـيه و انـتـظر مـيـعادي
------------------------
هــذي تجـذب الـونّــه عـلى الـمطرود واحدها
لو طـفله يتيمـه تلوج تـسـأل ويـن و الـدهـا
و الـتفقد جماعـه اخـوان كلهم جلَـد مـا عـدهـا
تـون و الـفاقده الاولاد تـنـده وينـهـا اولادي

] ] ] ]











الركباني والعراقي وطريقة ملا خظيِّر والمجاريد وغيرها






{ رثاء سيدة نساء العالمين }

أولادها على نعشها G
قـومي يزيـنب فاطمه ودعــيهـا و تـزودي مـن قـبل مـا نوديها
]
طـلعت تـنادي زيـنب المحـزونـه خـلّو النـّعـش يا بوي لا تشيلونه
لمـن اولاد الزاكـيـه يـودعــونــه ويـن الوديـعـه يـا عـلي موديها
----------------------------------------
داروا عـلى نعـش الزكيه الزهرا يبكي الحسن وحسين يجذب زفره
وكلـثوم تلطـم راسـها مـن الحسره و زيـنب عليها شـابحـه بـايديها
----------------------------------------
و فضه تحـن و تصيح يـا مولاتي قـعـدي و شوفي بالـيـتم سـاداتي
و شلّي بحـيـاتـي و عايفـه دنياتي ولا كان أطب دارك ولنتي بيها
----------------------------------------
أسـما لفت تصرخ وهـي مذعـوره بـوداعـة الله فـاطـمــه يـا حورا
خبري الـنبي بضلوعـك المكسـوره وقولي يبويه الدار هجموا عليها

{ رثاء الإمام الحسن الزكي (ع) }

حمل نعشه و تشييعه G
حطوا النعش يحسين لا تشيلونه خـلوا اطفاله ونسوته يودعونه
]
فرّت تنادي من الحزن مندهشه ريّض لاتستعجل يخويه بنعشه
خلاني ابـن امي العزيز بوحشه طول العمر لجله لظل محزونـه
------------------------
باكر علينا ابن الدعي ولآمـه يتشمت و ينشر علينا اعلامـه
يعيّد الفجـعـتـنا و تعيّد شامه وموتة اخويه الحسن تشفي ظغونه
------------------------
قلها الشهيد ودمـع عـينه جاري شبـيدي يزينب و المحـتم جاري
هـذا الذي قدّر علينا الباري لا تطلعي من الخدر يا محزونـه
------------------------
وصّل بخـيّه القبر جدّه الهادي وروَّحت بعـض الأمهات تنادي
طلعوا بجـنازتكم مزعـتوا افّادي عدوان ليّه و بـيتي تدشـونـه
------------------------
ياولاد حــيدر ما دريتوا بـيّه دايم عليكم بالظغن مـمـليّـه
وشقصدكم يحسين من هـالجـيّه عند النبي هيهات ما تدفنونـه
------------------------
طلعوا أخوكم بالعجل من داري والا أخذت الـيوم مـنكم ثـاري
وعـبّاس يزبد مثل ليث الضاري ينادي يخويه حسين لا تْطلعونـه
------------------------
قلها السـبط ردي بجـيشك عـنّا تدرين ضرب السيف لـه نـتمنّى
لولا الوصيّه كان شفتي مـنّا صولات ابونا وحرب يعمر كونه
------------------------
نوبٍ يحـــن و نوبٍ يحاجيها و نوبٍ تخـنقه عبرتـه و يخـفـيها
و جـنازة المسموم صارت بـيها سبعين نبله واخوته يشوفونه
------------------------
يشوفون نعشه والدمع يـتجارى وحسين شبّت بالجوانح نـاره
و اما أبو فاضل جذب بتّـاره وظل يـرتعد والغيظ غـيّر لونـه

من مصائب الحسن وآهاته G
سبط النبي خـــانت يويلي قومه وتكدر و زادت عليه همـومـه
]
بـيـهم خــطب و مدامعه همّالـه و ثارت من المسجد عليه رجاله
و سمـوه مشرك و استباحوا مالـه و نهـبوا المصلّى وعبرتـه مسجومه
------------------------
و دارت صناديد الهواشم حـوله مثل الأسد دارت عـلـيه شبولـه
وبو الفضل راعي المرجله و الصّوله و مـحـــمد اللي فعلته معلومـه
------------------------
و بمظـلم السّـاباط دمّـه جــاري من ضربته انشلت يمين الشاري
و حسـين جـا يقلّه لسـل بتّاري و اجعل عليهم سـاعة الميشومه
------------------------
واولاد هاشم حول عزهم داروا بسيوفهم مــثل الضـواري ثـاروا
يتـنون بس أمر الشفايا و صاروا هذا يمـش دمّه و يعدْل هدومه
------------------------
وهذا من اخوانه الصدره يضمّه وهذا يشد جرحه و يمسح دمـّه
و حسين من شوفته الجرح ابن امّه نــار الوجد بحشاشته مضـرومـه

{ رثاء الإمام الحسين وأصحابه }

رثاء ولدي مسلم ڈ
يا مهـــجة المختار حلّت بج مصيـبه
ذبح اليــتامى ازغار يا شرع يفتي بـه
]
عندج يتــامى اثنين فـرّوا من الحـومه
من هجمة العدوان ساعة المـيـشـومــه
شافوا النّهب و النّار بالخيم مضرومـه
و فرّوا غصب و الحال مجهول ترتيـبه
------------------------
فرّوا و صار الليل و استوحش الوادي
و امهم تحن و تصيح واضيعة أولادي
بهالبر الاقـفر ويـن يـا مـهجـة افّادي
قلبي تراهو ذاب من هـول أصاويـبه
------------------------
ازغار و يـتامى و ليل و قلوب ملهوفـه
وجوع وعطش والخوف ودموع مذروفه
ومن عقب هذا الحال بالسّـجن بالكوفه
ولية عدو يقاسـون ضيــمه و تعذيـبه
------------------------
و من خبّروا السّـجّان و تعرّف الحاله
و قالوا الشّهيد حسين احنا من عياله
ومسلم غريب الدّار احنا ترى اطفاله
هلّت دموعه وصاح ويلاه وشق جيبه
------------------------
طلعوا بظلام الليل يـا هـول هالطّلـعـه
بالدّرب يـتخـفّون و الكـل يهل دمعـه
حالتهم مْن الخـوف ومْن اليتم شنـعه
وعند العجوز اشصار عدنان تدري به
------------------------
جـتّفهم من الدّار نسل الخــنا الخاطي
و من الفجر يمشون و القصد للشّاطي
برجله على الطّفلين قاسي القلب واطي
وينك يَمُسلم قــوم عــاين هالمصـيـبه
------------------------
خــر الكـبـير يلـوج مصــفـرّه ألوانــه
حاني على عضـيده و متقرّحه اجفانـه
يقلّـه انروح ويـاك عنـد ابن مرجانـه
ولَن المــدلّل طــــاح بالدّم تخضـيــبه
------------------------
و طاح الزغير علــيه يتخــضّب بدمّـه
و حالا قطع راسه و خر منجدل يمّـه
وين الشّهيد حســين ما يـنهض بهمّـه
ذبح اليتامى زغـار يا شـرع يفتي بـه

الحسين يأبّن العبّاس‚
خلّيت دمـعي فوق خـــدّي يالأخو سايل
من يسرج الميـمون من بعـدك يَـبو فاضل
عبّاس يا خويه
]
بعدك يَنور العــين من يسرج الميموني
بـين العــدا مـفـرود نـيّـــتكم تخـلّـونـي
عبّاس يا خويه
------------------------
شال السّبط راســه بحسره و حطّه بحجـره
و شــالـه ابو فـاضـل و ردّه بحــرّة الغــبرا
عبّاس يا خويه
------------------------
اشْمَالك يخويه شلت راسك من وسط حجري
مصابك شجاني وذوّب افّـادي وكسـر ظهري
عبّاس يا خويه
------------------------
يقلّـه يخويـه شـلون اخـلّي راسـي بحجـرك
وانتَ بعد ساعه الشّمر يجلس على صدرك
عبّاس يا خويه
------------------------
يقلّـه فْجعـتني بْنومتك يـا ســيفي المشــهور
ظهري عقب عينك يَبو فاضل ترى مكسور
عبّاس يا خويه
------------------------
بعـدك البـيرق مـن يشـيلـه يـا عزيـز الرّوح
ياهـو عقب عينك يسلّي زينب امن النّوح
عبّاس يا خويه
------------------------
لو سايلت عنّـك المحزونـه شقول الـها
مقـدر أخـبّرها عـلى الـتربــان كافـلـها
عبّاس يا خويه
------------------------
و عبّاس يتقلّب على الرّمضا و يـجـر ونّــه
و غمّض عيونه و اسبل إيده و راح للجنّـه
عبّاس يا خويه

ليلى تودع ولدها الأكبر‚
ودّي يالاكـبر يـا نــور العيـون توقف اقبالي و تمشي على هون
]
اوْدَاعك يالاكبر فَـتني و شـعـبني راويـــني طـــولك يـالولــد يَـبني
حَـل وعـد الفراق بـينج و بـيني رايـح و لا عـــود بـس ودّعـيني
------------------------
يَـبـني الزواجـك زهّبت الـثــياب وَسْفَه وألف حيف يَبني الرّجا خاب
ثياب العرس فـات مـنّي وكتها و ثـوب الـشّـهاده هـالفـصّـلـتهـا
------------------------
تمشي و انـا شلون بعدك حيـاتي قبلك عسى يصـير يَـبـني ممــاتي
يــوم الدركـني يَـبـــني مـشــيـبي يـنـقــطـع مـنّك يَـبــني نصـيــبي
------------------------

مبارزة علي الاكبر ومصرعهڈ
ودّع حسين ورجع شـبه النّبي لهفان
قحّم حصانه و خبصها حومة الميدان
]
يقلهم يقوم الغـــــدر يا عصبة الكفّار
حسـين ابويـه و جـدّي حـيدر الكرّار
و عباس عمّي و عمّه جـعـفـر الطـيّار
و عمّي الحجّه الحسن سبط النّبي العدنان
------------------------
أرعد و هزّ الجمع و السّيف بيـمـــينه
وفرق الصّمصوم و اندحرت شيـاطينـه
و يصيح هيهات ما يحكم رجس بيــنا
ولا نعترف بامرة الفاجر نغل سفيان
------------------------
العبــــدي يتقــــفّاه ما لاقـــاه جدّامـه
انشلّت يمينه وضرب الاكبر على الهامه
تعلق بصــــدر الفرس و تدلّن اجدامه
و ظنّته يودّيه لخيام السّــبط الحصان
------------------------
ودّاه وســط الحريـبه شوصف احواله
و تـولّــتـه القــوم خـيّالــه و رجّــالــه
برماحـها و الهنـــادي توزّع اوصـــاله
ويلاه يَساعة القشره ولية العـــدوان
------------------------
للقـاع خـر ونـدَه يا والــدي يَحسـين
يا حيف بين العـــــدا تبقى بليّا معين
طب السّبط للحريبه يصـيح يَبني وين
يا ثـمــر قلبي طحت يـا شمعة الشبّان
------------------------
وصّل و عـاين عزيـزه شـابحــه عـينـه
و من الضّرب و الطّعن جسمـه موزعيـنه
تخوصر على مهجته و هد حيله ونينه
و عاين فراشه النّبل و فراشه التّربان
------------------------
تحـنّت اضلاع الأبـو و الولـد جــر ونّـــه
وهلّت دموعه و غسل دم الجرح عنّه
ينادي يشاب بْشبابه حيف مــا تهنّى
هدّيت قوتي بهـــالونّه يَغصن البــان

الحسين على ولده الاكبر‚
من قطّع اوصالك بسـيفه يا علي يـبني
بعدك على الدّنيا العــفا فرقاك شـيّبني
أكبر ينور العين يَمعـفّر الخـدّين
]
شيّبتني يَـبني و خلّـيت القـلب مفـــطـور
من عمّك العبّاس ظهري يا علي مكسـور
أكبر ينور العين يَمعـفّر الخـدّين
------------------------
يـبني شقول العمّتك لو ســايلت عـنّك
و ليلى الحزيـــنه ترتجي ما آيست منّك
أكبر ينور العين يَمعـفّر الخـدّين
------------------------
مقدر أقول الهـم علي مطروح بالرّمضا
العـدوان جسـمه مقطّعينه مرضّض الأعـضا
أكبر ينور العين يَمعـفّر الخـدّين
------------------------
جابه الخيمه و دمعته تجري على خدوده
و يصيح رحتوا يارجالي ولا لكم عـوده
أكبر ينور العين يَمعـفّر الخـدّين
------------------------
بـين الخيم مدّد عزيزه بْجَانب الجــاسم
و ظل ينتحب و يصيح قعدوا يا بني هاشم
أكبر ينور العين يَمعـفّر الخـدّين
------------------------
طلعت سكينه و زينب و ليلى يندبـونــه
شافوه متخضّب بدمّـه مغمّض عـيـونــه
أكبر ينور العين يَمعـفّر الخـدّين
------------------------
قـومي العزيزج غمضي عيــناه يـا لـيـلى
و عن حرّة الرّمضا المدلّل قومي نشـيله
أكبر ينور العين يَمعـفّر الخـدّين
------------------------
طلعت تدق براسها و تصـيح يـا عـيني
لرض المديــنه يــا عزيـــزي من يودّيني
أكبر ينور العين يَمعـفّر الخـدّين
------------------------
يـَبني دقوم وشوف ابوك حسين ظل وحـده
يـبجي عليك و دمعـته تجري على خدّه
أكبر ينور العين يَمعـفّر الخـدّين

الحسين ينعى ولده و يرثيه '
انقطع قلبي يبويه مـن شفت حالك معلّق بـالفرس متـقـطّـعـه اوصالك
]
رحت يـبني من ايدي و راحت رجـالي د اسمــع بالمخــيـّم ضجّـة عـيــالـي
و امّـك يالولـــد تبــقى بـلا والـي و لاتقـــدر يَنــور العين تعنى لك
------------------------
معلّق بالفرس و التـمّت العــــدوان بـارماح و خنـاجـر تطعن و بـالزّان
ما تنحصي جروحك يـا شبل عدنان ينــور العين بُوق ابن الخنا غالك
------------------------
عسى انشلّت يمينه جاي مـن خلفك شلون يصير جدّامـك و هو يعرفك
يشاب الما قضيت من العمر شفّك بالاولاد يـولـيدي شـبـــه مـــا لك
------------------------
أخلاق المصطفى جـدّك فزت بيها و شجاعة والـدي الكرّار حاويـــها
و عمر امّك الزّهــرا الجاروا عليها و سخى و علم و إبا كله تهيّا لك
------------------------
يوليـــدي تفــــتّ القـــلب ونّـاتك و جـروح إلبـقـلبك كــثر طـبراتك
و خوفي من الاطناب تهيج عمّاتك وعنّك مقدر امشي و هذي احوالك
------------------------
على ولـيده نحب و الجـبد مفطوره و سمعتّه الوديعه و بـدت مذعـــوره
وعافه عْلَى التّرب مـن صرخة الحــورا و طلعت حاسـره ما قـدر يتمالك
------------------------
ينـاديـها ارجـعي يَـعـزيـزة الزّهـــرا عَلَيْ صعبه يَزينب طلعـتج حســره
دهشتيني و تركت ابـني على الغبرا تـقـلّـه جيب لَكـبر تـنظره عـيالك
------------------------
رد الـثــــمر قلـــبـه يجمع اوصالــه و لــفّه ابّردتـه و دنّق لـه و شــاله
و جـابـه للخـــيم و تلـقّــته عيالــه وليلى تصيح وسفه خلصت رجـالك
------------------------
مدهوشه هـــوت بدموع مسفوحـه و زينب عمّـــته تـتـفـــقّد جروحـه
تقلّـه حـين شافت فارقت روحـــه كل ارواحـــــنا يا ليت تفدا لـك
------------------------
خلّ الولــد عندي بَـنسل زلـــوفـه و جم طعــنه اعاين وصّلت جوفـه
خـــــلاّه و ندَه بدمــــوع مذروفـه الله وياك ياللي مقــطّعه اوصالك
{ الــــنـاظم }
يشبل حســين يا مهجة قلب ليـلى ترى الخادم الخاطي ما سكن ليـلـه
نظمت و دمعي بخدّي جرى سيله انتهت و الثّانيه يا شهم تهدى لك

على الدنيا بعدك العفا ڈ
وَسْفه عْلَى الشّباب الماقضى اوطـاره لفراقـــه دليـــلي تـشــتــعل نــاره
]
يـلَـكــبر ذوّبت قـلـــبـي ابونّـــاتك تـرى ابـجــبدي يَنور العين طبراتك
أوصـلك للمخــــيّم بـين عـــمّاتك ما تنشال جيف البصـر و الجــاره
------------------------
على الدّنيا العفا و العمر ما ريده و شبه المصــطفى بالتّرب توسـيــده
ذابت مهجته و احـنى على ولـيـده و على خدّ العزيز الدّمـع يتجارى
------------------------
يَويـلي ابّردتــه جمّعـــهن اوصـالـــه و لفّه عمت عيني و دنّـق و شــاله
و رد للخيَم آه يـا ضــجّة عيــالــه تخلّي القلب باللوعـــات يـتــوارى
------------------------
تلـقـتّـه الوديعــه تهوّن احــزانــه و تطفي من لهيــب القلب نيـرانـه
تقلّـه يا شبل حيـــــدر و عنــوانــه انتَ الذّخر لينا يـا حـمـــا جـاره
------------------------
و الاكـبر ويــن طــبراتــه دراويــني مصـابــه بـلـبّــة الــدلاّل جـاويـــني
يقلهـا يـا حزيـنــه لا تـنـشــديـني بـارمـاح و هنـادي موزّعـه اكتاره
------------------------
قـعــدي للمــدلّل غسّلي جـروحـه بـدال المـاي يخـتي دموع مسفوحـه
هفّي على الولَد بلكت ترد روحه ونّــاتـــه تــرى بـالقــلب ســعّـاره
من الصّيوان فـرّت سكنـه و ليــلى وحده تسنّده و وحـده تـتـجّي لـه
و امّه تصيح جيف البُصر و الحـيله ضاع القلب يبني و تاهت افكاره
------------------------
جـنت امـأمّلــه و الـدّهــر خـيّـبــني تـتـزوّج و اربّـي لـك بـــزر يـبـني
و لن الدّهــر بـين كـلاي صـوّبـني و دوهنّي زمـــان الكــدر بـادواره
------------------------
يسـرور القـلب مـا مـر عـلى بالـي أشوف البـيت منّك يـالولد خــالي
يـزيـنب ســاعـدينـي انفطـر دلاّلـي على اليشبه حبيب الله و مخــتاره

رجوع الحسين بولده الاكبر G
يـهل الخيم جاكم علي قوموا لـه شوفوا على صدري جنازته محمولـه
]
طلعن يويلي مـن الخـدر عمّاتـه شافوا علي مرمي و يجـر ونـاتــه
و من الطّبر مـا تنحصى جراحاتـه و زينب عليه ادموعـها مـهـموله
------------------------
خرّت على جسـم العزيـز تنادي شـيّبت راسـي يا شبـيـه الهـــادي
و ليلى تحن و تصيح ذاب افّادي تمشي و تعـــثر مشـية المذهــولـه
------------------------
و تصيح جسم ابـني علي راووني عيني انعمت من راح نور عيوني
مـا ريــد بعـد ابـني العمر دفنوني و لا شـوف جـثّة هالولد محمولـه
------------------------
يحسين حفـروا لي حفيره السّاعـه مقدر أشوف ابني و اشوف نزاعـه
قلها يَلـيلى تـزوّدي مْـن وداعــه و بشـري بعــدنا بنــاقةٍ مهزولـه

مصرع عبد الله الرضيع‚
شال الطّفل بـيده ودمعه فوق خدّه سال
ونادى اشذنب اطـفالنا يا عصـبة الأنذال
هذا الطّفل عطشان
]
عطـشان ذابت مهجــته و هـذي ثلـثــتيّام
ما ضاق قطرة ماي و انتو تدّعون اسـلام
يا عصبة الشّيـــطان
------------------------
عجـلوا بقــطرة مـاي طفـلي ذايب افّـاده
عـند الـعرب يا قوم هـذي ما جرت عاده
و شجرمة الرّضعان
------------------------
نـاسٍ بقت تبـجي على حـالـه و ناس تلوم
وبن سعد نادى حرمله اقطع نزاع القوم
خـل رقـبته نيشان
------------------------
وحسين تجري دموع عينه و يجذب الحسره
ولَن السّهم مـن حرمله صابه و فرى نحره
وظل السّـبط حيران
------------------------
تلقّى الدّما و نادى شذنبك يا عزيز الرّوح
رد للمخـيّم ينـتحب منّه القلب مجروح
طلعت له النّسوان
------------------------
و امّا سكيــنه تصيح بويـه جان زاد المـاي
أريـد منّك قطـرة امــيّه أروّي حشاي
قـلبي تـرى لهــفان
------------------------
قلها يسكنه اخذي الطّفل قلبه بسهم مفري
وقومي الرضيعك يا رباب الحالـته نظري
ذبحوه ترى عطشـان
------------------------
طلعت رباب و عمّته زينب ينظرونه
شافوا السّهم حـز منحره ومغمّض عيونـه
وصبّوا الدّمع غدران

الحسين يخبر زينب بما تلقى بعده G
وش هالوعد لَقشر يـنور عيوني فـي كربـلا نيّتكـم اتـضـيعـونـي
]
يحسين تـوعـدني بـفـقـد رجـالي و ابـقى بعدكم ضايعه بلا والـي
من بعدكم منهو اليباري اطفالي و منهو يـرد القـوم لا يلـفـوني
------------------------
نـادى و دموعـه بوجنـتـه مهتونه تـعـزي بـعــزاء الله يـا محـزونـه
لازم على حـر الـثّرى تشـوفونـا و انــا العـدا يـا زينب يذبحوني
------------------------
صاحت ينور العين ذاب افّادي قشـره علـيـنـه نزلـتك هـالوادي
تضيعون يـبن امّي بنات الهـادي و باطفالكم يا بو علي تبلشوني
------------------------
شلون ابتلي يا بو علي بهالعـيلـه و انـتو بـعـد ويّاي بس هاللـيله
كيف البُصر لو طوّحوا بالشّيله يـاهــو يـبـاريـهـا يـنـور عـيوني
------------------------
قـلها و دمعـه فوق خـدّه هامي لازم تشـوفـيـني طريــح و دامي
بـس الله الله بنسوتي و ايـتامي لـو طـوّح الحادي وانـا عفتوني
------------------------
هيهات ما نرجـع يـبنت الهـادي فـيها يذبحـون اخـوتي و اولادي
وكل اخوتك تذبـح بـهذا الوادي وملـزوم انـا بخيل العدا يدوسوني
------------------------
ظـل ينـتحب و مدامعـه منـثوره بهالقاع يخـتي قبورنـا محـفـوره
و تبقى جـثـثنا بهالفضا معـفوره و لا يـتركونك يخـتي تـودعـيني
------------------------
يـا مـا مـصابٍ كايـد تـقاسـيـنه وكم واحد من اخوانك تفقدينه
و يـا مـا شباب مقطّع تشـوفينـه صاحت أجـل يـابو علي تضيعوني

مقتل الحسين و مصرعه‚
صاب السّهم قلبه وطاح مخضّب ابدمّه
يعالج بروحه على الثّرى ولاحد قرب يّمه
حسين يا خويه
]
السّهم سلّه من وراه و توزّعت جبده
وظل يجذب الونّه و لا واحد قرب عنده
حسين يا خويه
------------------------
وعينه تعاين للخيم يبجي على النّسوان
ويقول بعدي تضيع زينب بين هالعدوان
حسين يا خويه
------------------------
عطشان يا شمر الضّبابي مـاي دسقوني
يا ليت أهلي و عزوتي كلهم ينظروني
حسين يا خويه
------------------------
قال الشّمر يحسين ما نسقيك ابد قطره
حتى تضـــوق منيّتك و تروح بالحسره
حسين يا خويه
------------------------
عطـشان يا شمر الضّبابي مــا إلي قــوّه
اسقوني اميّـه ذاب قلـبي مـا لك مروّه
حسين يا خويه
------------------------
حز الشّمر راسه وشاله فوق عالي سنان
وزينب الحورا تعاينه و تصيح يا عطشان
حسين يا خويه
------------------------
شبيدي على جسمك رميّه ما يشيلونه
بخيولهم قامـــوا يَـبـعـد اهـلي يرضّونــه
حسين يا خويه
------------------------
صاحت يبو الحسنين دنهض عاين احوالي
مرمي أخويه على الثّرى و انا بلا والي
حسين يا خويه

رض الجسد الشريف‚
يا قوم ما فيكم رحــيم يجهّز ابـن امّي
هذا جسد والي الحرم فوق الثّرى مرمي
عاري بليّا اكفان
]
وين اليغسّـل جـــثّة ابـن امّـي و يجـفّنـها
يشـيّـع جنـازة بـو عـلي و بالقبر يدفـــنها
ظلّت على التّربـان
------------------------
بس مـا سمعها بـن سـعد نـادى ابفرسانـه
بـالله دلـبّوا الخــــارجــيّه لفت تـنــخانــا
بنت النّبي العـدنان
------------------------
قـالـوا شـــلون نجيـــبـها نجـهّـز الوالـــيها
قلهم خيــول الأعــوجــيّه ركّـبوا علــيها
وخلّوا الجسد ميدان
------------------------
ركبت مـن الجيمان عشره و رضّضت صدره
و زينب تعاين جيف تتكسّر خرز ظـهره
وتجري الدّمع غدران
------------------------
صاحت يخـيل الأعوجـــيّه دسـتي الـــوالي
بركضك يميـشـومـه هدمتي حـصني العالي
يا ضيــعة النّسـوان
------------------------
يـا ليـتني عميه يَـبـعـد اهـلي و لا شـوفك
مرضوض جسمك يالولـي و مقطّعه اجفوفك
عاري على التّربــان

وداع زينب لجسد الحسين ڈ
يحسين ســاقوا الضعون وطوّح الحادي
وظلّت جـثـثـــكم عرايا واقفر الوادي
]
أشكي أحوالي لخويه حسين لو عبّاس
و ابدي هموم القلب للجسد لو للرّاس
و اشوف جسم الولي بالاعوجيّه انـداس
والرّاس فوق الرّمح ومذوّب افّادي
------------------------
يحسين لا تقول زيـنب ما بقت ويّاي
و لا تقول ما خلّت ايتامي تلوذ حذاي
ترى الامر يالولي ما يحصل على هــواي
بس مـا وصلنا جثثكم صاح المنادي
------------------------
لو قلت يـا قوم يـم حسـين خلّوني
سب و شـتم حصّلت وسياط بمتوني
و النّوق كلهن هزل و انــا تعرفوني
متـعوّدت ضيم وادهى مصيـبة الحادي
------------------------
بلـسان حالـه يعاتبها صــدق تمشـين
وانتي العزيزه يزينب و انا خـوك حسـين
فوق الثّرى تتركيني و القصـد لاوين
ويّاي قعدي سويعه و فرشي مهادي
------------------------
تقلّـه يخـويـه الظّعاين شـالبصر بـيـها
الدّرب كايــد و المصـيــبـه حواديـهـا
الطّفله من تطـيح ياهو اللي يراعيها
شـربي مدامع عيـوني و الضّرب زادي
------------------------
يحسين لـو هـلّت دمـوعـي يضربوني
ولو صحت يا كاشف الشـدّه يشتموني
بهالحال يهـل الرّحم وحدي تخـلّوني
فراشي يخوتي القتب و ذراعي وسادي
------------------------
عـبّاس وين الوعد بالغانمـه يـا حــيد
مرمي ابشاطي النّهر و انا انسبي ليزيد
قلّة ولي و عايله و دربٍ وعـر وبعيد
نصبح بوادي و نمسي يالولي بوادي

شكوى زينب في الأربعين‚
بَـيتامها خـرّت عـلى قـبره تجـر حسـره
و تلطم يويلي خدودها و دموعها عبره
و تصيح دقعد يالذي عفتك على الغبرا
دقـعـد ينـور الـعين جـتـكم يـتـامـاكم
------------------------
شحجي و شعد من المصايب يا عزيز الرّوح
شلت بيتاماكم و عفتَك بالثّرى مطروح
قلبي انشعب من قالوا للشّامات نـبغي نروح
مَـتـعوّدت يَحـسـين امـشـي بـلــيّـاكـم
------------------------
همّيت أودعك و العـدا يَحسين منعوني
ياليت تنـظـر حالتي مـن سـاقوا ظعوني
بـس أنتحب برمـاحهم خويـه يوكزوني
و ذكرت ذاك الحين ممـشــاي ويّـــاكــم
------------------------
سـارت عجيج النّوق و الكوفه دخلناها
و كـل الهضايـم و المذلّـه هـناك شـفناها
و من كـثر ضيمٍ صابنا الارواح عفناها
و عدوانكم صوبـين تـتـصفّـح انْســاكم
------------------------
ومن اذكر الشّامات جسمي ينتحل و يذوب
حرمه وغريبه وضايعه و من الدّمع مسكوب
و اطبولهم تضرب و راسك بالرّمح منصوب
ذاب القـلب يحسـين وشلون انـا انساكم
------------------------
طلـعوا لـنا بسبعين رايـة فـرح منشـوره
و الله يخويه لو متت في الحال معذوره
ذلّه و هضيمه و فاقده و بالشّام مشهوره
ذيــج المعــزّه ويـن ذلّـــتـني اعــداكـم
------------------------
و المجلس الميشوم مثله لا جرى ولا صار
كسّر أضراسك و العليل يعاينـه و محتار
صرنـا يخويــه بـينهم اعظم مـن الكفّار
جسمي انتحل يحسين مـن يــوم فـرقاكم
------------------------
و جيـناك يـا بـاقي هـلي دقـعـد تلـقّانـا
ورد المديـنـه يـا عـزيــز الـرّوح ويّـانــا
قـلـبي ترى شبّت يَنور الـعـين نــيرانــه
دقـعـد يَنـور الـعين جـتـكم يـتــامـاكـم
------------------------
شاقول لو رحت المدينه و سايلوني النّاس
وقالو يَزينب وين أخوك حسين و العبّاس
أقول ظلّوا بالتراب أجسـادهـم تـنـداس
ارجوع الوطن يحسين يـصـعـب بـلـيـّاكم
------------------------

إبن الحنفيه مع السجاد‚
يـَبني صدق هجموا عليكم بالخيم عدوان
قلّه نعم و ايتامنا فرّت مـــــن الصّيوان
سلبوا حرمنا و بالمخـــــيّم شبّوا النّـيران
محمَّد صرخ يحـسـين ذوّبـتـــوا افّــــادي
------------------------
قلّه صدق ظلّوا على الرّمضا بلا تغسيل
قلّه نعم و صدورهم تلعب عليها الخيل
و جثّة أخوك حسين بيـــها مثّلوا تمثيل
حـن و صرخ يحسين ذوّبـتـــوا افّــــادي
------------------------
قلّه صدق زينب مشت حسرى بلـيّا رجـال
من غير والي و اليتامى تنوح فـوق جمال
قلّه نعم و تشوف راس حسين في العسّال
حـن و صرخ يحسين ذوّبـتـــوا افّــــادي
------------------------
أرد انشدك بوفاضل اشسوّى ابْهَل الكوفه
قلّه فعل فعله اليوم الحـــــشر موصوفـه
يجاهد و شايل رايته و مقـــطّعه جفوفـه
حـن و صرخ يحسين ذوّبـتـــوا افّــــادي
------------------------
قلّه صدق دشّت الحــورا بْمَجلس ابن زيـاد
قلّـه نعـــم بالحبل مكـتــوفه و انا بقياد
منكم بنو سـفــيان يَمحمّد قضوا المـراد
حـن و صرخ يحسين ذوّبـتـــوا افّــــادي
------------------------
قلّه أنشدك صدق زينب طبّت الشّامات
قـلّـه نعــم و اتـنشّرت لدخولهـا الرّايات
وقفت على بابٍ يسمّونـه أبـو السّاعات
حـن و صرخ يحسين ذوّبـتـــوا افّــــادي

إبن الحنفيه و العقيلة‚
وين الأســـود الضّاريه يَعزيـــــزة الكرّار
وين الذي لو طـبّوا الـميـدان شبّوا نــار
الله يَزينــب نوبةٍ وحـــده خلت هالدّار
صاحت يَنور العين جيـنا بليّا حسـين
------------------------
عبّاس و ينــه و جعفر و عثمان ويّا عون
والاكبر وجاسم و اخوته وحسين نور الكون
قالت عفتــــهم يبن حيدر بالثّرى يونّون
خويه يَنـور العين جيـنا بليّا حسـين
------------------------
كلهم بلا تغســـيل يَمحمّد على التّربان
و القوم غارت للمخـــيّم سلبت النّسوان
و النّار شبّوها يَنــور العـــين بالصّـــيوان
خويـه يَنور العين جيـنا بليّا حسـين
------------------------
قلها سمعـنا خبر يا زينب و اظــنّه بعيـد
يقولون دخلوا بك ذليله حاسره على يزيد
قالت دخلـــنا و العــليل مقـيّدينـه بقــيد
خويه يَنـور العين جيـنا بليّا حسـين
------------------------
تحسّر و سالت دمعته و ظل يصفق الجـفّين
مـن الـثّـريّا للــثّرى يــا زيـنـب تـحــلّين
عقب المعزّه و الخـــدر في مجلـس تدشّين
صاحت يَنور العين جيـنا بليّا حسـين

{ شهادة الكاظم (ع) }

على جسر بغداد‚
جاه الطّبيب و عايـــنه و الدّمع منّه سال
و يقول يَبن سويد هالمســموم ماله رجال
مرمي بجسر بغداد يا كعــــبة الوفّـاد
]
انجان يَبْن سويد إله عزوه و عشيره و قوم
يتناهضون الطـلـــب ثاراته ترى مســـموم
مرمي بجسر بغداد يا كعــــبة الوفّـاد
------------------------
يَـولاد عــدنـــان و مضـــر قلّت حمــيّتكم
ما تنهضون بْعَـــجـل و تشـيــــلون ميّتكم
مرمي بجسر بغداد يا كعــــبة الوفّـاد
------------------------
عنّوا الصّواهل وانهضوا موسى بن جعفر مات
فوق الجسر مطروح ثوروا ياهل الشّيمات
مرمي بجسر بغداد يا كعــــبة الوفّـاد
------------------------
فرسان هاشــم ويـن عـنّك مـا يحضرونك
منهو حضر يمّك و منـهو غمّض اعيــونك
مرمي بجسر بغداد يا كعــــبة الوفّـاد
------------------------
يا مهجة الزّهرا و يا بحــر العلم و الجــود
ما جنّك ابن المصطفى فـوق الجسر ممدود
مرمي بجسر بغداد يا كعــــبة الوفّـاد
------------------------
بْحَبسك يَبن شاهك هــلال الدّين ضمّيته
و لا راقبت جـــدّه و تــالي الامـــر سمّيته
مرمي بجسر بغداد يا كعــــبة الوفّـاد
------------------------
ميّت و لا شـــــالــوا يويلي عنّه قـيـــوده
حتّى العدو الشّامت دموعه تسـيل بخدوده
مرمي بجسر بغداد يا كعــــبة الوفّـاد

استنهاض الهاشميين لتجهيزه (ع) ƒ
ثوروا يَفرسان الوغى المعدوده إلكم جنـازه عْلَى الجسر ممدوده
]
وين الفواطم عزوته و فرسـانه يجون بْفَزع و يفصّلون اكفانـه
ميّت غريب و مرّضــه سجّانه ما بين أعادي من يفك قيوده
------------------------
عمره تقضّى بالسّجون و غاله السّندي وحماميل اربعه الشيّاله
وخلّوه فوق الجسر بين اغلاله مخضر جسمه و مهجته ممروده
------------------------
ابـن سـويد مر بيه الطّبيب وجابه يَمّ الإمام و قال شوفه اشصابه
قلّه و دموعه اعْلَى الوجـه سجّابه مالـه عشيره بهالبلد موجوده
------------------------
مسموم قلّه و جان إلـه نغّاره و عنده حمـــوله يطالبون بثاره
قلّه غريب مشرّد مـــن دياره وعنده عشيره مشتّـته ومطروده
إستنهاض الإمام المنتظر‚
يَمتى بـو صــالح يـثــور ابـثـــاره و تسطع بكل النّواحي انــــواره
]
بالـفرج عجّـل يَـبو صـالح و ثـور انت الذّخر وانت العلى الشّيعه غيور
سيدي مـا يحتمل قلب الصّـــبور و الدّهــر بـيــنا فـعـل بافـكــاره
------------------------
سـيّدي بـجـاه الرّسول و بضـعـته الطّاهـره المـاتت جبـدهـا امفتّـتــه
و بالضّلع لَقسـم عليك و كسرته و بالجنـين و بالـثّدي و مســـماره
------------------------
بجاه داحي البـاب هزّاز الحصون نور عرش الله و سر الله المصون
ساقي العدوان مـن سـيـفه المنون نـاصر احمــــد و آيتـــه و كرّاره
------------------------
ذاك ابو الحسنين حصن الله المنـيع وجاه شبله اللي جرع سم النّقيع
عمّك اللي انهــدم قــبره بالبقـيع سـيّدي و قطـعـوا غـصب زوّاره
------------------------
سـيّـدي و بجـــاه عمـلــة كربـلا و جــثّـة الظلّت بْدَمـها مغـسّـلــه
بْذَبحـة الخـامـس فرَجـــنا تعجّـلـه بالحريـــم اللي خــذوها يســاره
------------------------
ســيّدي بجـــاه الـتـقــيّد بالـيــسر و ابـنـه الــباقـر و بـالصّادق دجـر
سيفك و خل تـرف رايات النّصر و ثــور يالـتـرقب مجـي انصــاره
------------------------
و حق ابوك الكاظم و شبله علي تـثور مــا ظـل الشريعـتـــكم ولي
جي رضيت الدّين يمحى و ينولي و احنا نمشي و الدّمع يتـجــارى
------------------------
و بالجواد و علي و حقّ العسكري ضايعين وكل وكت نجرع شري
ترخص و طب على الكوفه و الغري انتَ سيف الله دشـنـــها غــاره
{ الــــنـاظم }
إنت سيف الله و لسـانـه و آيتـه و الإسم لَعـظـــم و رب اولايـتـه
تدري ابعـبدك عطــيّه و غــايـتــه بـيـك يتـوسّل يحــــامي جــــاره
------------------------
يـبو صالح جم نخيتك قـبل هــاي انتَ الوسيله يا ذرى الشّيعه وذراي
بـيك حاجاتي انقضت يا ملتجاي شع يَـنــور الخـــــالق و مخـتــاره

{ في الموّال }'

في سبي العلويات وشكواها
عنّك يَشيخ العشــيره بالغصب راحله
من عقب عبّاس شمر يقود لي راحله
ما اظن اخونا محمَّد هالخــــبر راحله
راحن سبايا خواته و دم عضيده هـدر
قوّه مشينا و دمعنا شــــبه سيلٍ هـدر
إن قلت يا زجر ريضوا بسب ابونا هـدر
وابنك علي من قيوده ما حصل راحله

شكوى و عتاب
عنّك يَمَهـيـــوب و يّا الغــرب شيّالـه
و لا حصلت لك يَنور العـــين شيّاله
منتو الذي للهـــضم و الضّــيم شـيّاله
رحتوا ولا ظل كهل منكم ولا ظل شاب
و فراقكم بالضّماير مـن لهـيـبـه شـاب
واللي شجاني و راسي بيوم واحد شـاب
ركب الجمل و الولي مطـروح شيّاله

شكوى أحوالها بالكوفة
فرقاك يا نور عيني شـــق قلبي وطـار
و طير المعزّه عقبكم خفق عيني وطـار
يا كافلي من وداعك ما قضيت اوطـار
عزّي إلي يعود من عقب العشيره أهل
حرمه غريبه برض كوفان ما لي أهـل
شلون ميذوب قلبي و دمع عيني أهـل
واعاين الخلق علينا تـدق دف وطـار

{ النعي المجرّد } '

زينب تعاتب العبّاس
أنـخّي و مـحّد سمـع نخواي
و ياهي العدها كثر ولياي
واحدهم اعْلَى الموت سطّاي
وين الزمط لي وكت ممشاي
مشينا و طول الدّرب ويّاي
قـايد النّاقه و ينـتخي احذاي
يَعـبّاس تـالي المسأله هـاي
ظـلّـيت مـحـتاره ابـيتاماي
لا زاد عندي الهم ولا ماي
حرمه و ذليلـه ابولية اعداي
ومن هلمصايب ذايب حشاي
يَعـبّاس و الله سـلبـوا ارداي

جواب العبّاس
ايقلـهـا يـحـوره اتـعاتـبـيني
بـلمسـناة مـرّي و عايـنـيني
يسـراي مقطوعـه و يـميني
و السّهم طافي نـور عيـني
و انتي بوجـودي عرفـتـيني
احلفت و اوفيت ابـيمـيني
واوفيت الوعد بـينج و بـيني
لـمّي ايـتـامـج و اقصديـني
ركـبي اجـفوفي اُو وسّـديـني
و لازم يَـزيـنـب تـعـذريني

جواب زينب
اتقلّه يَهالـما تحمل اعتاب
يَـسردال يـا فصّام لـرقاب
يـمضيّج اعْلَى القوم لرحاب
يـا نـمر فوق الهام وثّـاب
حتف المنايـا منّك ايـهاب
عتـبي يَضنوة داحي الباب
من ضيم قلبي يَـبن لَطياب
تدري العدا حرقوا للاطناب
وكل الحرم ظلّت بـلا ثياب
و شمر و زجـر دنّوا للركاب
وعلـيّه يَعبّاس اعظم امصاب
ممشاي و انـتو فـوق لتراب

مجيئ زجر إليها
جاها زجـر جـيّة شياطين
يقـلـها يـبنت الخـارجـيّـين
بطلي اعـتابـج لا تعـتـبـين
لازم على ضالـع تركبـين
و هالدّرب ويّانـا تقطعـين
و مجلس بعـد مجلـس تطبّـين
ويـن الذي بـيهم تصولين
تشوفـينهم كلـهم مطـاعين
لاعبّاس ظل عندج ولاحسين

شكواها في الأربعين
و يحكى أن المرحوم الشّاعر (ره)كان قد سمع
المطلع أو بعض المستهل وأتمّه ..

يَـنـايـم الـنّومــه طوّلـتـهـا
دقـعـد اجـت الضـيّـعـتـها
و بـيـد الأجانب سـيّـبـتها
و بـديـرة الـغربــه عفـتـها
الشمّات كلـها واجـهـتها
يحسين جم خطبـه اخْطـبتها
وغير الغصص مـا حصّلتها
و ذيــج الـعـزيزه الدلّلـتها
شوفــة كريـمك موّتـتـهـا
بـدمـوع عـيـني غسّـلـتـها
و بالشّام يَـبن امّـي ادْفَـنـتها
دقـعـد العـيـلـه وصّلـتـهـا
و الـرّوس ويّــاي جـبـتـها
و عَلَى اجسادكم مـاركّبتها
أويـلاه يَـسَـفره السافرتها
طلَعت ابحمولـه و فـقدتـها

وصول رسول إبن الحنفيّه إلى كربلا
وصّل كربلا بـين الصّلاتـين
عـاين مـجاتـيـل و مطاعين
أجساد بس ما تـنعرف زيـن
وبعضهم بلا راس وبلا ايدين
و خـيام محروقه و صواوين
و الدّار قفره وصرخ صوتين
مـا من ابهالوادي مسلمين
هاللي عرايا ابهالفلا مـنين
لَـيْكون هـذا امـخيّم حسين
لن واحد ايقلّه يَمسكين
هـاللي تعـايـنهم مطـاعـين
بالـتّرب كلـهم هـاشمـيّـين
و امّا لمرضّض جسم لحسين
------------------------
يَراكب ترى اللي قاصد الهم
تراهم انذبحوا أمس كلهم
قضوا بالعطش حـتّى طفلهم
أمس العصر حرقوا نزلهـم
و اليوم الصّبح شالوا بَهَلهم
حريـم و يـتامى محّـد الهـم

زينب و رسول أخيها محمَّد
مـن محمَّد المكتوب جـنّـه
وكنها الفرس من خيل اهلنا
وصلهم خبرنـا و فزعوا الـنا
يَـبو جاسم الحـيـد المكـنّى
راح الولي و شـتّت شمـلـنا
وينك ترى الكوفه وصلنا
هـالـفارس الـلي اتـعايـنـينه
مرسول جـاي امْـن المديـنـه
و الضّيـغم الـلي تذكريـنـه
معـتـاق مــا يـقـدر يجـيـنا
بس يجذب الحسره علـينا

زينب ترسله بالخبر
يا راكب الصّعبه الشّديده
تقطع فيافي و تسج بـيده
أوصل للحصون المشـيده
ولامن وصلت النّوح زيده
و عمّك محـمَّد قـبّـل إيـده
و قـلّـه ابهالكلمه الشّديده
في مهجته شفرة حديده
زينب ترى ظلّت وحـيـده
و بكربـلا ذبحـوا عضيده
و سجّادهم يرفـل ابـقـيده

الرّسول يعود لإبن الحنفيّه
عـنّي غبت يالـعـبد شـهرين
عجّل عسى عندك خـبر زيـن
حـوَّل و هـو يصفـج الجـفّـين
ويلطم على راسه وعَلَى العين
يـقـلّـه يَـبن خــير الوصيّـين
أرجوك لاتسأل عـن حـسـين

تفصيل الخبر
اوصلت كربلا عند المسيّه
شفت الجـثث كلها رمـيّه
بلا روس برض الغاضريّـه
و انـجـان يَـبْن الحنـفـيّـه
تـقـدر أخـبرك بـالوصيّـه
راحت حرايركم هديّــه
و ذيـج العزيـزه الهاشمـيّه
شفتها على كور المطـيّه

بكاء ابن الحنفيّه
اتـحسّر و دمعاته سكيـبـه
اتـعلّى مـن اتزفّـر نحـيـبـه
وهاجت احزانه وشق جيـبه
و يصيح لحّـد يـهل طيـبـه
راح الأخو و مـنين اجـيـبـه
ويـلاه يَلـيوث الحريـبــه
و اعظم على قلبي مصيـبه
زيـنـب و ضيـعـتها غريـبـه
و ادخولها المجلس عجـيـبه
مصيبه على الزّهرا مصيبه

زينب تشكو حالها للحسين
نادت و دمع العين هـمّال
يمطروح جسمه ابْحر الرمال
دقـعـد يخويـه و عاين الحال
كلـنا حرم من غير رجّال
دنّوا لـنا العدوان لجـمـال
وعندي حريم وعندي اطفال
و ابنك علـيل و بـيده اغلال
و راسك اقبالي فـوق عسّال
وكلنا بلا ساتر ولا ظلال
شنهو البصر لو قوّض وشال
و احنا يسارى ابولـية انذال
أباري اليتامى لـو هلعـيال

جواب الحسين

صدّت ولَن تسمع ونينـه
يقلها يَزينب يـا حزينـه
يَختي قضينا اللي علينا
و هالنّوب حملج تحملينه
و اتكفّلي يخـتي الظّعـينـه
و مرّوا بـعـد لازم علـينا
و خلّي تجي يـمّي سكينه
عندي وصايا الها ثـمينـه
و لمّن لفت ذيـج الحزينه
قـلها كلامي تسمعـينه
إذا مـن رجعتي للمديـنه
و شفتي موالي تعرفـينه
لازم سـلامي اتبلّـغـيـنه
خـبريـه بـالجاري علـينا
و قولي أبويـه ذابحينـه
فـوق التراب امعـفّرينه
جسمه على الغبرا رهينه
وبالخيل صدره امرضّضينه
و راسـه ابخـطّي شايلـينه
بوداعــة الله يـا سكيـنه

] ] ] ]





45
الجمرات الودية الجمرات الودية الجمرات الودية الجمرات الودية الجمرات الودية الجمرات الودية الجمرات الودية الجمرات الودية الجمرات الودية الجمرات الودية الجمر الفائزي
هذا الكتاب الإلكتروني من منشورات شبكة الكوثر الإسلامية في الإنترنت
www.al-kawthar.com/maktaba